യുവജ​നങ്ങൾ ചോദി​ക്കു​ന്നു . . .

എല്ലായ്‌പോ​ഴും എന്നെ കുറ്റ​പ്പെ​ടു​ത്തു​ന്നത്‌ എനി​ക്കെ​ങ്ങനെ നിർത്താ​നാ​കും?

“എല്ലായ്‌പോ​ഴും എന്നെ കുറ്റ​പ്പെ​ടു​ത്തി​യി​രു​ന്നു. വീടു പൂട്ടാതെ കിടന്നാ​ലോ സ്റ്റോവ്‌ ഓഫാ​ക്കാ​തെ കിടന്നാ​ലോ എന്തെങ്കി​ലും സാധനം വെച്ചി​ടത്തു കാണാ​തെ​വ​ന്നാ​ലോ ഏതെങ്കി​ലും ജോലി ചെയ്യാ​തെ​വ​ന്നാ​ലോ കുറ്റം രാമന്റെ തലയിൽ തന്നെയാ​യി​രു​ന്നു!”—രാമൻ.

നിങ്ങൾ കൗമാ​ര​പ്രാ​യ​ത്തി​ലാ​യി​രി​ക്കു​മ്പോൾ എന്തു കുഴപ്പം സംഭവി​ച്ചാ​ലും എല്ലാത്തി​നും​തന്നെ നിങ്ങളെ കുറ്റ​പ്പെ​ടു​ത്തു​ന്ന​താ​യി ചില​പ്പോൾ തോന്നി​യേ​ക്കാം. മാതാ​പി​താ​ക്കൾ ചില​പ്പോൾ മക്കളെ കുറ്റ​പ്പെ​ടു​ത്താൻ വളരെ തിടു​ക്കം​കാ​ട്ടു​ന്നു​വെന്ന്‌ ഒരു മുൻ അധ്യാ​യ​ത്തിൽ ഞങ്ങൾ സമ്മതിച്ചു.a ഇതിന്റെ കാരണങ്ങൾ മാതാ​പി​താ​ക്കൾക്കു സ്വാഭാ​വി​ക​മാ​യുള്ള ഉത്‌ക​ണ്‌ഠ​മു​തൽ ആഴമായ വൈകാ​രിക വേദന​വരെ ആകാം. കാരണം എന്തുത​ന്നെ​യാ​യി​രു​ന്നാ​ലും, നിങ്ങൾ ചെയ്യാത്ത കുറ്റത്തി​നു നിങ്ങളെ കുറ്റ​പ്പെ​ടു​ത്തു​ന്നത്‌ വേദനി​പ്പി​ക്കു​ന്ന​തും ലജ്ജാക​ര​വും ആയിരി​ക്കാൻ കഴിയും.

തീർച്ച​യാ​യും, അപൂർണ മനുഷ്യ​നെന്ന നിലയിൽ നിങ്ങൾക്ക്‌ ഇടയ്‌ക്കി​ട​യ്‌ക്കു തെറ്റു​പ​റ്റും. (റോമർ 3:23) മാത്രമല്ല, ചെറു​പ്പ​മാ​യ​തു​കൊണ്ട്‌ നിങ്ങൾക്കു താരത​മ്യേന അനുഭ​വ​പ​രി​ച​യ​വും കുറവാ​ണ​ല്ലോ. (സദൃശ​വാ​ക്യ​ങ്ങൾ 1:4, NW) നിങ്ങളു​ടെ തീരു​മാ​ന​ങ്ങ​ളിൽ ഇടയ്‌ക്കൊ​ക്കെ തെറ്റുകൾ പറ്റാൻ വളരെ സാധ്യ​ത​യുണ്ട്‌. അതു​കൊണ്ട്‌ നിങ്ങൾക്കു തെറ്റു​പ​റ്റു​മ്പോൾ നിങ്ങളെ ഉത്തരവാ​ദി​ക​ളാ​ക്കു​ന്നത്‌ ഉചിത​വും ന്യായ​യു​ക്ത​വു​മാണ്‌.—സഭാ​പ്ര​സം​ഗി 11:9.

അപ്പോൾ, നിങ്ങൾ യഥാർഥ​ത്തിൽ ചെയ്‌ത കുറ്റത്തി​നു നിങ്ങളെ കുറ്റ​പ്പെ​ടു​ത്തു​മ്പോൾ എങ്ങനെ പ്രതി​ക​രി​ക്കണം? തങ്ങൾ ഏതോ വലിയ അനീതിക്ക്‌ ഇരകളാ​യെന്ന മട്ടിൽ പ്രവർത്തി​ക്കാൻ ചില യുവാക്കൾ ശ്രമി​ക്കു​ന്നു. മാതാ​പി​താ​ക്കൾ തങ്ങളെ എല്ലാത്തി​നും എപ്പോ​ഴും കുറ്റ​പ്പെ​ടു​ത്തു​ക​യാ​ണെന്ന്‌ അവർ പുലമ്പി​യേ​ക്കാം. ഫലമോ? നിരാ​ശ​രായ മാതാ​പി​താ​ക്കൾ കുട്ടി​കൾക്ക്‌ കാര്യം മനസ്സി​ലാ​ക്കി​കൊ​ടു​ക്കു​ന്ന​തി​നാ​യി കൂടുതൽ കർശന​മായ നടപടി​ക​ളെ​ടു​ക്കു​ന്നു. ബൈബിൾ ഇങ്ങനെ ഉപദേ​ശി​ക്കു​ന്നു: “ഭോഷ​ന്മാ​രോ ജ്ഞാനവും പ്രബോ​ധ​ന​വും നിരസി​ക്കു​ന്നു. മകനേ, അപ്പന്റെ പ്രബോ​ധനം കേൾക്ക. അമ്മയുടെ ഉപദേശം ഉപേക്ഷി​ക്ക​യു​മ​രു​തു.” (സദൃശ​വാ​ക്യ​ങ്ങൾ 1:7, 8) നിങ്ങൾ തെറ്റുകൾ സമ്മതി​ക്കു​ക​യും ആവശ്യ​മായ മാറ്റങ്ങൾ വരുത്തു​ക​യും ചെയ്യു​മ്പോൾ നിങ്ങളു​ടെ തെറ്റു​ക​ളിൽനി​ന്നു നിങ്ങൾക്കു പഠിക്കാൻ കഴിയും.—എബ്രായർ 12:11.

മാതാ​പി​താ​ക്ക​ളു​മൊ​ത്തുള്ള ‘വിശ്വസ്‌ത സംഭാ​ഷണം’

എന്നാൽ ചെയ്യാത്ത കുറ്റത്തി​നു നിങ്ങളെ കുറ്റ​പ്പെ​ടു​ത്തു​മ്പോ​ഴോ എപ്പോ​ഴും കുറ്റ​പ്പെ​ടു​ത്തു​മ്പോ​ഴോ അതു തികച്ചും വേറൊ​രു സംഗതി​യാണ്‌. നിങ്ങൾക്കു ദേഷ്യ​വും അമർഷ​വും തോന്നു​മെ​ന്നു​ള്ളതു മനസ്സി​ലാ​ക്കാ​വു​ന്ന​തേ​യു​ള്ളൂ. എന്തായാ​ലും നിങ്ങളെ കുറ്റ​പ്പെ​ടു​ത്തു​മെന്നു നിഗമനം ചെയ്‌തു​കൊണ്ട്‌ മോശ​മാ​യി പെരു​മാ​റാൻപോ​ലും നിങ്ങൾക്കു പ്രലോ​ഭനം തോന്നി​യേ​ക്കാം. (സഭാ​പ്ര​സം​ഗി 7:7, NW) എന്നാൽ വിദ്വേ​ഷം നിറഞ്ഞ പ്രവർത്ത​നങ്ങൾ എല്ലാവ​രെ​യും മുറി​പ്പെ​ടു​ത്തു​ന്നു. (ഇയ്യോബ്‌ 36:18 താരത​മ്യം ചെയ്യുക.) സദൃശ​വാ​ക്യ​ങ്ങൾ 15:22 (NW) കാര്യങ്ങൾ കൈകാ​ര്യം ചെയ്യു​ന്ന​തി​നുള്ള ഒരു മെച്ചപ്പെട്ട മാർഗ​ത്തി​ലേക്കു വിരൽചൂ​ണ്ടു​ന്നു. അതിങ്ങനെ പറയുന്നു: “വിശ്വസ്‌ത സംഭാ​ഷ​ണ​മി​ല്ലാ​ത്തി​ടത്തു പദ്ധതി​ക​ളു​ടെ ഒരു വിഫല​മാ​ക്കൽ ഉണ്ട്‌.” മാതാ​പി​താ​ക്കൾ നിങ്ങ​ളോ​ടു പെരു​മാ​റുന്ന വിധത്തിൽ മാറ്റം​വ​രു​ത്തു​ന്ന​തി​നുള്ള ഒരു മാർഗം നിങ്ങൾക്ക്‌ എന്തു തോന്നു​ന്നു​വെന്ന്‌ അവരെ അറിയി​ക്കു​ന്ന​താണ്‌.

ആദ്യമാ​യി, ‘തക്കസമയം’ എന്നു ബൈബിൾ വിളി​ക്കു​ന്ന​തി​നു​വേണ്ടി നോക്കി​യി​രി​ക്കുക. (സദൃശ​വാ​ക്യ​ങ്ങൾ 15:23) എഴുത്തു​കാ​ര​നായ ക്ലേറ്റൺ ബാർബോ ഇപ്രകാ​രം നിർദേ​ശി​ക്കു​ന്നു: “ഇരുകൂ​ട്ട​രും ശാന്തരാ​യി​രി​ക്കു​ക​യും ഒരുവി​ധം സ്വസ്ഥരാ​യി​രി​ക്കു​ക​യും ചെയ്യുന്ന സമയത്ത്‌ സംസാ​രി​ക്കു​ന്ന​തിന്‌ ഒരു പറ്റിയ സ്ഥലം തിര​ഞ്ഞെ​ടു​ക്കുക.” ബൈബിൾ കൂടു​ത​ലാ​യി ഇങ്ങനെ മുന്നറി​യി​പ്പു നൽകുന്നു: “കഠിന​വാ​ക്കോ കോപത്തെ ജ്വലി​പ്പി​ക്കു​ന്നു.” (സദൃശ​വാ​ക്യ​ങ്ങൾ 15:1) അതു​കൊണ്ട്‌ ദയയോ​ടും ആദര​വോ​ടും​കൂ​ടി സമീപി​ക്കാൻ ശ്രമി​ക്കുക, വഴക്കു​ണ്ടാ​ക്ക​രുത്‌. കോപി​ക്കാ​തി​രി​ക്കുക. (സദൃശ​വാ​ക്യ​ങ്ങൾ 29:11) നിങ്ങളു​ടെ മാതാ​പി​താ​ക്ക​ളു​ടെ നേരെ തട്ടിക്ക​യ​റു​ന്ന​തി​നു പകരം (‘നിങ്ങൾ എല്ലാത്തി​നും എപ്പോ​ഴും എന്നെ കുറ്റ​പ്പെ​ടു​ത്തു​ന്നു!’) അവർ സ്ഥിരമാ​യി കുറ്റ​പ്പെ​ടു​ത്തു​മ്പോൾ നിങ്ങൾക്ക്‌ എന്തു തോന്നു​ന്നു​വെന്നു വിശദീ​ക​രി​ക്കാൻ ശ്രമി​ക്കുക. (‘ഞാൻ ചെയ്യാത്ത കുറ്റത്തിന്‌ എന്നെ പഴിക്കു​മ്പോൾ എനിക്കു വിഷമം തോന്നു​ന്നു.’)—ഉല്‌പത്തി 30:1, 2 താരത​മ്യം ചെയ്യുക.

എന്തെങ്കി​ലും തെറ്റി​ദ്ധാ​ര​ണ​നി​മി​ത്തം മാതാ​പി​താ​ക്കൾ കോപി​ച്ചി​രി​ക്കു​മ്പോ​ഴും ഇതുതന്നെ ചെയ്യാൻ കഴിയും. ഒരിക്കൽ ബാലനായ യേശു​വി​നെ കാണാ​താ​യ​പ്പോൾ അവന്റെ മാതാ​പി​താ​ക്കൾ വ്യാകു​ല​പ്പെട്ടു. എന്നാൽ യേശു ആവലാ​തി​പ​റ​യു​ക​യോ പരാതി​പ്പെ​ടു​ക​യോ ചെയ്‌തില്ല. ശാന്തനാ​യി അവൻ സാഹച​ര്യം വ്യക്തമാ​ക്കി. (ലൂക്കൊസ്‌ 2:49) നിങ്ങൾ കുഴപ്പ​ത്തി​ലാ​യി​രി​ക്കു​മ്പോൾ മാതാ​പി​താ​ക്ക​ളോ​ടു പക്വത​യുള്ള രീതി​യിൽ ഇടപെ​ടാൻ എന്തു​കൊ​ണ്ടു ശ്രമി​ച്ചു​കൂ​ടാ? നിങ്ങൾക്കു വേണ്ടി കരുതു​ന്ന​തു​കൊ​ണ്ടാണ്‌ അവർ ആകുല​ചി​ത്ത​രാ​യി​രി​ക്കു​ന്ന​തെന്നു മനസ്സി​ലാ​ക്കുക! അവർ പറയു​ന്നത്‌ ആദരപൂർവം കേൾക്കുക. (സദൃശ​വാ​ക്യ​ങ്ങൾ 4:1) അവരൊ​ന്നു ശാന്തരാ​യ​ശേഷം നിങ്ങളു​ടെ ഭാഗം വിശദീ​ക​രി​ക്കുക.

‘നിങ്ങളു​ടെ സ്വന്ത പ്രവൃത്തി എന്താ​ണെന്നു തെളി​യി​ക്കൽ’

എന്നാൽ, ചില മാതാ​പി​താ​ക്കൾ തങ്ങളുടെ കുട്ടി​ക​ളെ​ക്കു​റിച്ച്‌ ആദ്യം​തന്നെ തെറ്റായ നിഗമ​ന​ങ്ങ​ളി​ലെ​ത്തി​ച്ചേ​രാൻ തിടു​ക്ക​മു​ള്ള​വ​രാ​യി​രി​ക്കു​ന്ന​തെ​ന്തു​കൊ​ണ്ടാണ്‌? തുറന്നു​പ​റ​ഞ്ഞാൽ, കുട്ടികൾ ചില​പ്പോൾ മാതാ​പി​താ​ക്കൾക്കു സംശയി​ക്കാ​നുള്ള വക നൽകു​ന്നുണ്ട്‌. സദൃശ​വാ​ക്യ​ങ്ങൾ 20:11 (NW) ഇങ്ങനെ പറയുന്നു: “തന്റെ പ്രവൃത്തി നിർമ​ല​വും നേരു​ള്ള​തു​മാ​ണോ എന്ന്‌ ഒരു ബാലൻ തന്റെ ക്രിയ​ക​ളാൽ തിരി​ച്ച​റി​യി​ക്കു​ന്നു.” നിങ്ങളു​ടെ മാതാ​പി​താ​ക്ക​ളു​ടെ മുമ്പാകെ നിങ്ങൾക്ക്‌ ഏതുതരം പേരാ​ണു​ള്ളത്‌? നിങ്ങളു​ടെ ‘ക്രിയകൾ’ നിങ്ങളെ ‘നേരുള്ള’വനും ഗൗരവ​ബോ​ധ​മു​ള്ള​വ​നു​മാ​യാ​ണോ അതോ അശ്രദ്ധ​നും ഉത്തരവാ​ദി​ത്വ​ബോ​ധ​മി​ല്ലാ​ത്ത​വ​നു​മാ​യാ​ണോ തിരി​ച്ച​റി​യി​ച്ചി​രി​ക്കു​ന്നത്‌? രണ്ടാമതു പറഞ്ഞതാ​ണു ശരി​യെ​ങ്കിൽ അവർ നിങ്ങ​ളെ​ക്കു​റിച്ച്‌ മിക്ക​പ്പോ​ഴും തെറ്റായ നിഗമ​ന​ങ്ങ​ളി​ലെ​ത്തി​ച്ചേ​രാൻ തിടു​ക്ക​മു​ള്ള​വ​രാ​യി​രി​ക്കു​ന്ന​തിൽ അതിശ​യി​ക്ക​രുത്‌. “ഉള്ളതു പറഞ്ഞാൽ, ചില​പ്പോൾ അവരുടെ സംശയ​ങ്ങ​ളിൽ കുറെ​യൊ​ക്കെ കഴമ്പു​ണ്ടാ​യി​രു​ന്നു” എന്ന്‌ നേരത്തെ പരാമർശിച്ച രാമൻ എന്ന ചെറു​പ്പ​ക്കാ​രൻ തന്റെ മാതാ​പി​താ​ക്ക​ളു​ടെ വിമർശ​ന​ത്തെ​ക്കു​റി​ച്ചു സമ്മതി​ച്ചു​പ​റഞ്ഞു.

നിങ്ങളു​ടെ കാര്യ​ത്തിൽ ഇത്‌ സത്യമാ​ണെ​ങ്കിൽ ചെയ്യാൻ കഴിയുന്ന ഒരേ​യൊ​രു സംഗതി ഗതകാല ചെയ്‌തി​കളെ തിരു​ത്തി​ക്കു​റി​ക്കുന്ന തരത്തിൽ ജീവിതം നയിക്കു​ക​യെ​ന്ന​താണ്‌. ആശ്രയ​യോ​ഗ്യ​വും ഉത്തരവാ​ദി​ത്വ​ബോ​ധ​ത്തോ​ടു കൂടി​യ​തു​മായ പെരു​മാറ്റ മാതൃക സ്ഥാപി​ക്കു​ക​വഴി നിങ്ങൾ മാറ്റം​വ​രു​ത്തി​യി​രി​ക്കു​ന്നു​വെ​ന്നും ആശ്രയ​യോ​ഗ്യ​നാ​ണെ​ന്നും ക്രമേണ മാതാ​പി​താ​ക്കളെ ബോധ്യ​പ്പെ​ടു​ത്തി​യേ​ക്കാം.

രാമന്റെ അനുഭവം ഈ ആശയത്തെ ദൃഷ്ടാ​ന്തീ​ക​രി​ക്കു​ന്നു. കാര്യങ്ങൾ മറക്കുന്ന ശീലം അവന്‌ ഉണ്ടായി​രു​ന്ന​തു​കൊണ്ട്‌ കൂട്ടു​കാ​രും കുടും​ബാം​ഗ​ങ്ങ​ളും സൗഹൃ​ദ​പൂർവം അവന്‌ മറവി​ക്കാ​രൻ പ്രൊ​ഫസർ എന്ന പരിഹാ​സ​പ്പേ​രി​ട്ടു. “പക്വത​യി​ല്ലാ​ത്തവൻ” എന്നോ “ഉത്തരവാ​ദി​ത്വ​ബോ​ധ​മി​ല്ലാ​ത്തവൻ” എന്നോ മറ്റോ ഉള്ള ഒരു മോശ​മായ പേര്‌ മാതാ​പി​താ​ക്കൾ നിങ്ങൾക്കി​ട്ടി​ട്ടു​ണ്ടോ? അത്തരം പേരുകൾ “കൗമാ​ര​പ്രാ​യ​ക്കാ​രന്‌ അല്ലെങ്കിൽ കൗമാ​ര​പ്രാ​യ​ക്കാ​രിക്ക്‌ തെറ്റ്‌ തിരി​ച്ച​റിഞ്ഞ്‌ തിരു​ത്താൻ തക്കവണ്ണം തെറ്റ്‌ കാണി​ച്ചു​കൊ​ടു​ക്കു​ന്നു”വെന്ന്‌ മാതാ​പി​താ​ക്കൾ വിചാ​രി​ച്ചേ​ക്കാ​മെന്ന്‌ എഴുത്തു​കാ​രി​യായ കാത്‌ലീൻ മകോയ്‌ പറയുന്നു. എന്നാൽ, വാസ്‌ത​വ​ത്തിൽ അത്തരം പേരുകൾ പലപ്പോ​ഴും വലിയ നീരസ​ത്തിന്‌ ഇടയാ​ക്കു​ന്നു. എങ്കിലും, പരിഹാ​സ​പ്പേര്‌ ഒരു പ്രധാന സംഗതി ശ്രദ്ധയിൽകൊ​ണ്ടു​വ​ന്നു​വെന്ന്‌ രാമൻ മനസ്സി​ലാ​ക്കി. “എനിക്ക്‌ എപ്പോ​ഴും ഒരു കാര്യ​ത്തിൽ മാത്രമേ ശ്രദ്ധ​കേ​ന്ദ്രീ​ക​രി​ക്കാൻ കഴിഞ്ഞി​രു​ന്നു​ള്ളൂ. അതു​കൊണ്ട്‌ എന്റെ താക്കോൽ കളഞ്ഞു​പോ​കു​ക​യും ഗൃഹപാ​ഠ​ത്തി​ന്റെ​യും വീട്ടു​ജോ​ലി​ക​ളു​ടെ​യും കാര്യം ഞാൻ മറന്നു​പോ​കു​ക​യും ചെയ്‌തി​രു​ന്നു,” അവൻ സമ്മതി​ക്കു​ന്നു.

അതു​കൊണ്ട്‌ രാമൻ മാറ്റങ്ങൾ വരുത്താൻ തുടങ്ങി. “ഞാൻ ഉത്തരവാ​ദി​ത്വ​ങ്ങ​ളെ​ക്കു​റി​ച്ചും മുൻഗ​ണ​ന​ക​ളെ​ക്കു​റി​ച്ചും മനസ്സി​ലാ​ക്കാൻ തുടങ്ങി. ഞാൻ ഒരു പട്ടിക തയ്യാറാ​ക്കു​ക​യും വ്യക്തി​പ​ര​മായ ബൈബിൾ പഠനത്തെ കൂടുതൽ ഗൗരവ​ത്തോ​ടെ കാണു​ക​യും ചെയ്‌തു. യഹോവ ചെറിയ കാര്യ​ങ്ങൾക്കും വലിയ കാര്യ​ങ്ങൾക്കും പ്രാധാ​ന്യം കൊടു​ക്കു​ന്നു​ണ്ടെന്നു ഞാൻ മനസ്സി​ലാ​ക്കി,” അവൻ അനുസ്‌മ​രി​ക്കു​ന്നു. (ലൂക്കൊസ്‌ 16:10) ബൈബിൾ തത്ത്വങ്ങൾ ബാധക​മാ​ക്കുക വഴി രാമൻ മറവി​ക്കാ​രൻ എന്ന ദുഷ്‌പേ​രു​തന്നെ ഒടുവിൽ മാറ്റി​യെ​ടു​ത്തു. അതുതന്നെ ചെയ്യാൻ നിങ്ങൾക്കും ശ്രമി​ച്ചു​നോ​ക്ക​രു​തോ? ഒരു പേരോ പരിഹാ​സ​പ്പേ​രോ നിങ്ങളെ യഥാർഥ​ത്തിൽ വിഷമി​പ്പി​ക്കു​ന്നെ​ങ്കിൽ അതു നിങ്ങളു​ടെ മാതാ​പി​താ​ക്ക​ളു​മാ​യി ചർച്ച​ചെ​യ്യുക. ഒരുപക്ഷേ അവർ നിങ്ങളു​ടെ വിധത്തിൽ കാര്യ​ങ്ങളെ വീക്ഷി​ച്ചേ​ക്കാം.

പക്ഷപാതം കാണി​ക്കു​ന്ന​താ​യി തോന്നു​മ്പോൾ

ചില​പ്പോൾ കുറ്റ​പ്പെ​ടു​ത്ത​ലി​നു പിന്നിലെ കാരണം പക്ഷപാതം ആയിരി​ക്കു​ന്ന​താ​യി തോന്നു​ന്നു. “എന്റെ ചേട്ടൻമാ​രും ചേച്ചി​മാ​രും വീട്ടിൽ താമസി​ച്ചെ​ത്തി​യാൽ അവരെ ആരും ഒന്നും പറയു​ക​യി​ല്ലാ​യി​രു​ന്നു. എന്നാൽ ഞാൻ താമസി​ച്ചെ​ത്തി​യാൽ എന്നെ വഴക്കു പറയു​മാ​യി​രു​ന്നു,” രാമൻ ഓർമ​ക​ളു​ടെ കെട്ടഴി​ക്കു​ന്നു. വളർന്നു​വ​രവേ തനിക്കും അതു​പോ​ലെ​തന്നെ തോന്നി​യി​രു​ന്ന​താ​യി ആൽബെർട്ട്‌ എന്നു പേരുള്ള ഒരു ഗയാന​ക്കാ​രൻ ഓർമി​ക്കു​ന്നു. തന്റെ സഹോ​ദ​രനു നൽകി​യി​രു​ന്ന​തി​നെ​ക്കാൾ പരുഷ​മായ ശിക്ഷണം അമ്മ തനിക്കു നൽകി​യി​രു​ന്ന​താ​യി അയാൾക്കു തോന്നി​യി​രു​ന്നു.

എന്നാൽ, തോന്നൽ എല്ലായ്‌പോ​ഴും ശരിയാ​യി​ക്കൊ​ള്ള​ണ​മെ​ന്നില്ല. മാതാ​പി​താ​ക്കൾ പലപ്പോ​ഴും മൂത്ത കുട്ടി​കൾക്കു കൂടുതൽ സ്വാത​ന്ത്ര്യം അനുവ​ദി​ക്കു​ന്നു. ഇത്‌ പക്ഷപാതം നിമി​ത്തമല്ല, അവർ ഉത്തരവാ​ദി​ത്വ​ത്തോ​ടെ പ്രവർത്തി​ക്കു​മെന്ന്‌ അവർക്കു തോന്നു​ന്ന​തു​കൊ​ണ്ടു മാത്ര​മാണ്‌. അല്ലെങ്കിൽ പ്രത്യേക സാഹച​ര്യ​ങ്ങ​ളാ​യി​രി​ക്കാം കാരണം. തന്റെ സഹോ​ദരൻ “കൊച്ചു​കു​ട്ടി​യും രോഗി​യും” ആയിരു​ന്ന​തു​കൊ​ണ്ടാണ്‌ അമ്മ അവനു ശാരീ​രിക ശിക്ഷണം നൽകാ​ഞ്ഞത്‌ എന്ന്‌ ആൽബെർട്ട്‌ സമ്മതി​ക്കു​ന്നു. ഒരു കുട്ടിക്ക്‌ ഉണ്ടായി​രു​ന്നേ​ക്കാ​വുന്ന പ്രത്യേക ആവശ്യ​ങ്ങ​ളോ പരിമി​തി​ക​ളോ തിരി​ച്ച​റി​ഞ്ഞു പ്രവർത്തി​ക്കു​ന്നത്‌ മാതാ​പി​താ​ക്ക​ളു​ടെ ഭാഗത്തെ പക്ഷപാ​ത​മാ​ണോ?

തീർച്ച​യാ​യും, മാതാ​പി​താ​ക്കൾക്ക്‌ ചില​പ്പോൾ മക്കളിൽ ചില​രോട്‌ പ്രത്യേക വാത്സല്യ​മു​ണ്ടാ​യി​രി​ക്കും. (ഉല്‌പത്തി 37:3 താരത​മ്യം ചെയ്യുക.) ആൽബെർട്ട്‌ തന്റെ രോഗി​യായ സഹോ​ദ​ര​നെ​ക്കു​റി​ച്ചു പറയുന്നു: “മമ്മിക്ക്‌ അവനോട്‌ ഒരു പ്രത്യേക വാത്സല്യ​മാ​യി​രു​ന്നു.” അനു​ഗ്ര​ഹ​ക​ര​മെന്നു പറയട്ടെ, ക്രിസ്‌തീയ സ്‌നേഹം ഒരു പ്രത്യേക വ്യക്തി​യിൽ ഒതുങ്ങി​നിൽക്കു​ന്നില്ല. (2 കൊരി​ന്ത്യർ 6:11-13) അതു​കൊണ്ട്‌ മാതാ​പി​താ​ക്കൾക്കു നിങ്ങളു​ടെ കൂടപ്പി​റ​പ്പു​ക​ളിൽ ഒരാ​ളോട്‌ ‘പ്രത്യേക വാത്സല്യം’ ഉണ്ടെങ്കിൽത്തന്നെ അവർ നിങ്ങളെ സ്‌നേ​ഹി​ക്കു​ന്നി​ല്ലെന്ന്‌ അത്‌ അർഥമാ​ക്കു​ന്നില്ല. യഥാർഥ പ്രശ്‌നം ഇതാണ്‌, നിങ്ങളു​ടെ കൂടപ്പി​റ​പ്പി​നോ​ടുള്ള അന്ധമായ വാത്സല്യം നിമിത്തം അവർ നിങ്ങളെ കുറ്റ​പ്പെ​ടു​ത്തി​ക്കൊണ്ട്‌ നിങ്ങ​ളോട്‌ അനീതി​യാ​യി ഇടപെ​ടു​ന്നു​ണ്ടോ? അങ്ങനെ​യാ​ണു കാണ​പ്പെ​ടു​ന്ന​തെ​ങ്കിൽ നിങ്ങൾക്ക്‌ എന്തു തോന്നു​ന്നു​വെന്ന്‌ തീർച്ച​യാ​യും അവരെ അറിയി​ക്കുക. ശാന്തവും ന്യായ​യു​ക്ത​വു​മായ രീതി​യിൽ, അവർ പക്ഷപാതം കാണി​ച്ച​താ​യി നിങ്ങൾക്കു തോന്നി​യ​തി​ന്റെ പ്രത്യേക ദൃഷ്ടാ​ന്തങ്ങൾ നൽകുക. ഒരുപക്ഷേ അവരതു ശ്രദ്ധി​ച്ചേ​ക്കാം.

പ്രശ്‌ന​ങ്ങ​ളുള്ള കുടും​ബ​ങ്ങൾ

എല്ലാ സാഹച​ര്യ​ങ്ങ​ളും മാറ്റാ​നെ​ളു​പ്പമല്ല എന്നതു സമ്മതി​ക്കേ​ണ്ടി​യി​രി​ക്കു​ന്നു. ചില മാതാ​പി​താ​ക്ക​ളു​ടെ കാര്യ​ത്തിൽ ലജ്ജിപ്പി​ക്കു​ന്ന​തും കുറ്റ​പ്പെ​ടു​ത്തു​ന്ന​തും വേരു​റ​ച്ചു​പോയ ശീലങ്ങ​ളാണ്‌. വൈകാ​രിക പ്രശ്‌ന​ങ്ങ​ള​നു​ഭ​വി​ക്കു​ക​യോ ആസക്തി​യോ​ടു പോരാ​ടു​ക​യോ ചെയ്യുന്ന മാതാ​പി​താ​ക്ക​ളു​ടെ​യി​ട​യിൽ ഇതു വിശേ​ഷാൽ സത്യമാ​യി​രു​ന്നേ​ക്കാം. അത്തരം സാഹച​ര്യ​ങ്ങ​ളിൽ കാര്യങ്ങൾ പറഞ്ഞു​തീർക്കാൻ ശ്രമി​ക്കു​ന്ന​തു​കൊണ്ട്‌ വലിയ പ്രയോ​ജ​ന​മൊ​ന്നും ഉണ്ടാ​യെ​ന്നി​രി​ക്കില്ല. നിങ്ങളു​ടെ കാര്യ​ത്തിൽ ഇതു വാസ്‌ത​വ​മെന്നു തോന്നു​ന്നെ​ങ്കിൽ നിങ്ങളു​ടെ മാതാ​പി​താ​ക്ക​ളു​ടെ പ്രശ്‌നങ്ങൾ നിങ്ങളു​ടെ നിയ​ന്ത്ര​ണ​ത്തിന്‌ അതീത​മാ​ണെ​ന്നും കുടും​ബ​ത്തി​നു വെളി​യി​ലു​ള്ള​വ​രു​ടെ സഹായ​ത്താൽ മാത്രമേ അതു പരിഹ​രി​ക്കാൻ കഴിയു​ക​യു​ള്ളു​വെ​ന്നും മനസ്സി​ലാ​ക്കുക. നിങ്ങൾക്കു ചെയ്യാൻ കഴിയുന്ന ഏറ്റവും നല്ല സംഗതി അവർക്ക്‌ ഉചിത​മായ ബഹുമാ​ന​വും ആദരവും കൊടു​ക്കു​ന്ന​തും അനാവ​ശ്യ​മായ ഏറ്റുമു​ട്ട​ലു​കൾ ഒഴിവാ​ക്കാൻ ശ്രമി​ക്കു​ന്ന​തു​മാണ്‌. (എഫെസ്യർ 6:1, 3) സദൃശ​വാ​ക്യ​ങ്ങൾ 22:3 ഇങ്ങനെ പറയുന്നു: “വിവേ​ക​മു​ള്ളവൻ അനർത്ഥം കണ്ടു ഒളിച്ചു​കൊ​ള്ളു​ന്നു.”b

അതേസ​മ​യം, കുടും​ബ​ത്തി​നു വെളി​യി​ലുള്ള ആരു​ടെ​യെ​ങ്കി​ലും സഹായം തേടുക. പക്വത​യുള്ള ഒരു മുതിർന്ന​യാ​ളു​മാ​യി, ഒരുപക്ഷേ ഒരു ക്രിസ്‌തീയ മൂപ്പനു​മാ​യി സംസാ​രി​ക്കുക. അത്തര​മൊ​രു വ്യക്തി നൽകുന്ന സ്‌നേ​ഹ​പു​ര​സ്സ​ര​മായ ശ്രദ്ധ നിങ്ങളാണ്‌ എല്ലായ്‌പോ​ഴും കുറ്റക്കാ​രൻ എന്ന തോന്നൽ ഇല്ലാതാ​ക്കു​ന്ന​തി​നു വളരെ​യ​ധി​കം സഹായി​ക്കും. അതേസ​മയം, “ദൈവ​ത്തോ​ടു അടുത്തു ചെല്ലു​വിൻ.” (യാക്കോബ്‌ 4:8) മറ്റുള്ളവർ നിങ്ങളെ അന്യാ​യ​മാ​യി കുറ്റ​പ്പെ​ടു​ത്തി​യേ​ക്കാ​മെ​ന്നി​രി​ക്കെ, “[ദൈവം] എല്ലായ്‌പോ​ഴും ഭർത്സി​ക്ക​യില്ല [“കുറ്റം കണ്ടുപി​ടി​ച്ചു​കൊ​ണ്ടി​രി​ക്കു​ക​യില്ല,” NW]; എന്നേക്കും കോപം സംഗ്ര​ഹി​ക്ക​യു​മില്ല. . . . അവൻ നമ്മുടെ പ്രകൃതി അറിയു​ന്നു​വ​ല്ലോ; നാം പൊടി എന്നു അവൻ ഓർക്കു​ന്നു.” (സങ്കീർത്തനം 103:9, 14) നിങ്ങൾ ദൈവ​ദൃ​ഷ്ടി​യിൽ വില​യേ​റി​യ​വ​നാ​ണെ​ന്ന​റി​യു​ന്നത്‌ അന്യാ​യ​മായ കുറ്റ​പ്പെ​ടു​ത്തൽ സഹിക്കു​ന്ന​തി​നു നിങ്ങളെ സഹായി​ക്കും.

[അടിക്കു​റി​പ്പു​കൾ]

[21-ാം പേജിലെ ചിത്രം]

നമ്മുടെ തെറ്റുകൾ സമ്മതി​ക്കു​ന്നത്‌ തെറ്റു​ക​ളിൽനി​ന്നു പഠിക്കാൻ നമ്മെ സഹായി​ക്കു​ന്നു