കുട്ടി​ക​ളു​ടെ ആരോ​ഗ്യം സംരക്ഷി​ക്കൽ

രാഷ്‌ട്ര​ങ്ങ​ളു​ടെ പുരോ​ഗതി (ഇംഗ്ലീഷ്‌) എന്ന ഐക്യ​രാ​ഷ്‌ട്ര ശിശു​ക്ഷേ​മ​നി​ധി​യു​ടെ (യുനി​സെ​ഫി​ന്റെ) അടുത്ത​കാ​ലത്തെ ഒരു റിപ്പോർട്ട്‌ പ്രകട​മാ​ക്കു​ന്നത്‌ അനേക നാടു​ക​ളി​ലും കുട്ടി​ക​ളു​ടെ ആരോ​ഗ്യ​സ്ഥി​തി​യിൽ ഗണ്യമായ അഭിവൃ​ദ്ധി​യു​ണ്ടെ​ന്നാണ്‌. ഗവൺമെൻറു​ക​ളു​ടെ​യും സാർവ​ദേ​ശീയ സംഘട​ന​ക​ളു​ടെ​യും കൂട്ടായ പ്രവർത്ത​ന​ഫ​ല​മാ​യി അനേക രാജ്യ​ങ്ങ​ളി​ലും അഞ്ചു വയസ്സിനു താഴെ​യുള്ള കുട്ടി​ക​ളു​ടെ മരണനി​രക്ക്‌ കുറഞ്ഞി​രി​ക്കു​ന്നു. എന്നിരു​ന്നാ​ലും, ഇനിയും ഓരോ വർഷവും കോടി​ക്ക​ണ​ക്കി​നു കുട്ടി​ക​ളു​ടെ ജീവൻ, പ്രത്യേ​കി​ച്ചും വികസ്വര രാജ്യ​ങ്ങ​ളിൽ, ലളിത​വും ചെലവു​കു​റ​ഞ്ഞ​തു​മായ മാർഗ​ത്തി​ലൂ​ടെ രക്ഷിക്കാ​നാ​കു​മെ​ന്നും രാഷ്‌ട്ര​ങ്ങ​ളു​ടെ പുരോ​ഗതി പ്രകട​മാ​ക്കു​ന്നു. ഈ നാടു​ക​ളി​ലും അതു​പോ​ലെ​തന്നെ മറ്റിട​ങ്ങ​ളി​ലു​മുള്ള മാതാ​പി​താ​ക്കൾ ആ റിപ്പോർട്ടി​ലെ പിൻവ​രുന്ന ശുപാർശകൾ സഹായ​ക​മെന്നു കണ്ടെത്തി​യേ​ക്കാം.

മുലയൂ​ട്ടൽ. “നല്ല ആരോ​ഗ്യ​വും പരി​പോ​ഷ​ണ​വും ഉണ്ടായി​രി​ക്കു​ന്ന​തി​നു സാധ്യ​മായ ഏറ്റവും നല്ല തുടക്കം മുലയൂ​ട്ട​ലാണ്‌” എന്ന്‌ ആ റിപ്പോർട്ട്‌ ഉപദേ​ശി​ക്കു​ന്നു. ലോകാ​രോ​ഗ്യ​സം​ഘടന (ഡബ്ലിയു​എച്ച്‌ഒ) പറയു​ന്ന​ത​നു​സ​രിച്ച്‌, “ആദ്യത്തെ ആറു മാസം പൂർണ​മാ​യും മുലപ്പാൽ നൽകു​ക​യാ​ണെ​ങ്കിൽ പ്രതി​വർഷം പത്തു ലക്ഷത്തി​ല​ധി​കം ശിശു​ക്ക​ളു​ടെ ജീവൻ രക്ഷിക്കാ​നാ​കും.” ആശുപ​ത്രി​ക​ളും മാതൃ-ശിശു​ക്ഷേ​മ​കേ​ന്ദ്ര​ങ്ങ​ളും ശക്തമായ സ്വാധീ​ന​മാ​യി​രി​ക്കു​ന്ന​തി​നാൽ, യുനി​സെ​ഫും ഡബ്ലിയു​എച്ച്‌ഒ-യും “ശിശു​സൗ​ഹാർദ ആശുപ​ത്രി ഉപക്രമ”ത്തെ പ്രോ​ത്സാ​ഹി​പ്പി​ക്കു​ക​യാണ്‌. അവരുടെ ലക്ഷ്യം, മുലയൂ​ട്ടൽ സംബന്ധിച്ച്‌ നവജാ​ത​രു​ടെ അമ്മമാർക്കു പിന്തു​ണ​യും ശരിയായ മാർഗ​നിർദേ​ശ​വും നൽകു​ക​യെ​ന്ന​താണ്‌.

ശുചി​ത്വ​വും ശുദ്ധജ​ല​വും. “ശുദ്ധജ​ല​വും കക്കൂസു​ക​ളും ഉപയോ​ഗി​ക്കു​ക​യും ഭക്ഷണം കൈകാ​ര്യം ചെയ്യു​ന്ന​തി​നു മുമ്പ്‌ കൈകൾ കഴുകു​ക​യും ഭക്ഷണം സുരക്ഷി​ത​മാ​യി തയ്യാറാ​ക്കു​ക​യും സംഭരി​ച്ചു​വെ​ക്കു​ക​യും ചെയ്യു​ന്ന​തി​നാൽ രോഗം വരുത്തി​വെ​ക്കുന്ന അപകടം ഗണ്യമാ​യി കുറയ്‌ക്കാ​നാ​കും” എന്ന്‌ ആ റിപ്പോർട്ട്‌ പ്രസ്‌താ​വി​ക്കു​ന്നു. പല പ്രദേ​ശ​ങ്ങ​ളി​ലും ശുദ്ധജലം ലഭിക്കു​ന്ന​തി​നു വലിയ ശ്രമം നടത്തേ​ണ്ട​തു​ണ്ടെ​ങ്കി​ലും, കുട്ടി​യു​ടെ​യും കുടും​ബ​ത്തി​ന്റെ​യും ആരോ​ഗ്യ​ത്തിന്‌ അത്‌ അത്യന്താ​പേ​ക്ഷി​ത​മാണ്‌.

പോഷകം. ആ റിപ്പോർട്ടു പറയു​ന്ന​പ്ര​കാ​രം, വിറ്റാ​മിൻ-എ അനുബ​ന്ധ​മാ​യി കൊടു​ക്കു​ക​യാ​ണെ​ങ്കിൽ ഓരോ വർഷവും 30 ലക്ഷം കുട്ടി​ക​ളു​ടെ മരണം ഒഴിവാ​ക്കാം. ഈ പ്രശ്‌ന​ത്തി​നുള്ള പരിഹാ​രം ലഭ്യമാ​ണെന്നു മാത്രമല്ല സാധ്യ​വു​മാ​ണെന്ന്‌ അതു പറയുന്നു. ഭക്ഷണ​ക്രമം മെച്ച​പ്പെ​ടു​ത്തു​ക​യോ ആഹാരം സമ്പുഷ്ട​മാ​ക്കു​ക​യോ വിറ്റാ​മിൻ-എ കാപ്‌സ്യൂ​ളു​കൾ വിതരണം ചെയ്യു​ക​യോ​വഴി അതു സാധി​ക്കും. വിറ്റാ​മിൻ-എ-യുടെ കുറവ്‌ സാധാ​ര​ണ​മാ​യുള്ള നാടു​ക​ളിൽ ചെലവു കുറഞ്ഞ വിറ്റാ​മിൻ-എ കാപ്‌സ്യൂ​ളു​കൾ കുട്ടി​കൾക്ക്‌ ഇടയ്‌ക്കി​ടെ വിതരണം ചെയ്യു​ന്നത്‌ ഫലപ്ര​ദ​മാ​ണെന്ന്‌ ഇതി​നോ​ടകം തെളി​ഞ്ഞു​കൊ​ണ്ടി​രി​ക്കു​ന്നു. കപ്പളങ്ങ, മാങ്ങ, കാരറ്റ്‌, പച്ചില​ക്ക​റി​കൾ, മുട്ട തുടങ്ങി​യ​വ​യും ഭക്ഷണത്തി​ന്റെ ഭാഗമാ​യി ശുപാർശ ചെയ്‌തി​രി​ക്കു​ന്നു.

അധര പുനർജ​ലീ​കരണ ചികിത്സ (Oral Rehydration Therapy). ശുദ്ധജലം, ഉപ്പ്‌, പഞ്ചസാര അല്ലെങ്കിൽ അരി​പ്പൊ​ടി എന്നിവ ചേർത്ത്‌ ചെലവു കുറഞ്ഞ​തും എളുപ്പം തയ്യാറാ​ക്കാ​വു​ന്ന​തു​മായ മിശ്രി​ത​മു​ണ്ടാ​ക്കി വയറി​ളക്കം മൂലമു​ണ്ടാ​കുന്ന വാർഷിക ശിശു​മ​ര​ണ​ങ്ങ​ളു​ടെ പകുതി​യും തടയാ​നാ​കു​മെന്നു യുനി​സെഫ്‌ പറയുന്നു.a മാതാ​പി​താ​ക്കൾ മക്കൾക്ക്‌ ഭക്ഷണവും കൊടു​ത്തു​കൊ​ണ്ടി​രി​ക്കണം. ഈ മാർഗ​ങ്ങ​ളി​ലൂ​ടെ ഓരോ വർഷവും രക്ഷിക്കു​ന്നത്‌ ഏതാണ്ട്‌ പത്തു ലക്ഷം ജീവനാണ്‌.

[അടിക്കു​റി​പ്പു​കൾ]

[11-ാം പേജിലെ ചിത്ര​ത്തിന്‌ കടപ്പാട്‌]

WHO