പകർച്ച​വ്യാ​ധി—അന്ത്യത്തി​ന്റെ ഒരടയാ​ള​മോ?

നമ്മുടെ നാളിലെ പകർച്ച​വ്യാ​ധി​കൾ ലോകാ​വ​സാ​നം അടുത്തു​വെ​ന്ന​തി​ന്റെ സൂചന​യാ​ണോ? ആ ചോദ്യ​ത്തിന്‌ ഉത്തരം നൽകു​ന്ന​തി​നു​മുമ്പ്‌ നമുക്ക്‌ “ലോകാ​വ​സാ​നം” എന്ന പദപ്ര​യോ​ഗ​ത്തി​ന്റെ അർഥ​മെ​ന്താ​ണെന്നു പരിചി​ന്തി​ക്കാം.

ലോകാ​വ​സാ​നം എന്നു പറഞ്ഞാൽ ദൈവം ഭൂമി​യെ​യും അതിലുള്ള മുഴു​ജീ​വ​നെ​യും നശിപ്പി​ക്കു​ന്ന​താ​ണെന്നു പലരും വിശ്വ​സി​ക്കു​ന്നു. എന്നാൽ ‘[ഭൂമിയെ] പാർപ്പി​ന​ത്രേ നിർമ്മി​ച്ചത്‌’ എന്ന്‌ ദൈവ​വ​ചനം പറയുന്നു. (യെശയ്യാ​വു 45:18) തന്റെ നീതി​നി​ഷ്‌ഠ​മായ നിലവാ​ര​ങ്ങ​ളോട്‌ അനുരൂ​പ​പ്പെ​ടുന്ന ആരോ​ഗ്യ​മുള്ള, സന്തുഷ്ട​രായ ആളുക​ളെ​ക്കൊണ്ട്‌ ഈ ഗ്രഹത്തെ നിറയ്‌ക്കുക എന്നതാണ്‌ അവന്റെ ഉദ്ദേശ്യം. അതു​കൊണ്ട്‌ ലോകാ​വ​സാ​നം എന്നു പറഞ്ഞാൽ ഭൂമി​യു​ടെ​യും അതിലെ നിവാ​സി​ക​ളു​ടെ​യും അവസാ​ന​മെന്ന്‌ അർഥമില്ല. മറിച്ച്‌, ഇന്നത്തെ വ്യവസ്ഥി​തി​യു​ടെ​യും ദൈ​വേഷ്ടം ചെയ്യാൻ വിസമ്മ​തി​ക്കു​ന്ന​വ​രു​ടെ​യും അവസാ​ന​ത്തെ​യാണ്‌ അതർഥ​മാ​ക്കു​ന്നത്‌.

അപ്പോ​സ്‌ത​ല​നാ​യ പത്രൊസ്‌ ഇപ്രകാ​രം എഴുതി​ക്കൊണ്ട്‌ അതു പ്രകട​മാ​ക്കി: “[നോഹ​യു​ടെ നാളിലെ] ലോകം ജലപ്ര​ള​യ​ത്തിൽ മുങ്ങി നശിച്ചു.” നോഹ​യു​ടെ നാളിൽ ലോകത്തെ നശിപ്പി​ച്ച​പ്പോൾ ദുഷ്ടന്മാ​രാ​യി​രു​ന്നു നശിച്ചത്‌. ഭൂമി​യും നീതി​മാ​നായ നോഹ​യും അവന്റെ കുടും​ബ​വും നശിക്കാ​തെ അവശേ​ഷി​ച്ചു. അടുത്ത​താ​യി പത്രൊസ്‌ പറയു​ന്ന​പ്ര​കാ​രം, ദൈവം വീണ്ടും ഭാവി​യിൽ ‘ഭക്തികെട്ട മനുഷ്യ​രു​ടെ നാശം’ കൊണ്ടു​വ​രാ​നുള്ള നടപടി കൈ​ക്കൊ​ള്ളും.—2 പത്രൊസ്‌ 3:6, 7.

മറ്റു ബൈബിൾ വാക്യ​ങ്ങ​ളും അതിനു ചേർച്ച​യിൽ ഈ വീക്ഷണത്തെ പിന്താ​ങ്ങു​ന്നു. ഉദാഹ​ര​ണ​ത്തിന്‌, സദൃശ​വാ​ക്യ​ങ്ങൾ 2:21, 22 പറയുന്നു: “നേരു​ള്ളവർ ദേശത്തു വസിക്കും; നിഷ്‌ക​ള​ങ്ക​ന്മാർ അതിൽ ശേഷി​ച്ചി​രി​ക്കും. എന്നാൽ ദുഷ്ടന്മാർ ദേശത്തു​നി​ന്നു ഛേദി​ക്ക​പ്പെ​ടും.”—സങ്കീർത്തനം 37:9-11-ഉം കാണുക.

പകർച്ച​വ്യാ​ധി​ക​ളും ലോകാ​വ​സാ​ന​വും

എന്നാൽ അത്‌ എപ്പോ​ഴാ​യി​രി​ക്കും സംഭവി​ക്കുക? യേശു​വി​ന്റെ നാലു ശിഷ്യ​ന്മാർ അവനോട്‌ ആ ചോദ്യം ചോദി​ക്കു​ക​യു​ണ്ടാ​യി. അവർ ചോദി​ച്ചു: “അങ്ങയുടെ സാന്നി​ധ്യ​ത്തി​ന്റെ​യും വ്യവസ്ഥി​തി​യു​ടെ സമാപ​ന​ത്തി​ന്റെ​യും [അല്ലെങ്കിൽ മറ്റു ചില ബൈബിൾ പരിഭാ​ഷകൾ പറയു​ന്ന​തു​പോ​ലെ “ലോകാ​വ​സാ​ന​ത്തി​ന്നും”] അടയാളം എന്തായി​രി​ക്കു​മെ​ന്നും ഞങ്ങളോ​ടു പറഞ്ഞാ​ലും.” യേശു മറുപടി പറഞ്ഞു: “ജനത ജനതയ്‌ക്കെ​തി​രാ​യും രാജ്യം രാജ്യ​ത്തി​നെ​തി​രാ​യും എഴു​ന്നേൽക്കും, ഭക്ഷ്യക്ഷാ​മ​ങ്ങ​ളും ഭൂകമ്പ​ങ്ങ​ളും ഓരോ​രോ സ്ഥലങ്ങളി​ലാ​യി ഉണ്ടായി​രി​ക്കും. (മത്തായി 24:3, 7, NW) ലൂക്കൊസ്‌ 21:10, 11-ലെ (NW) സമാന്തര വിവര​ണ​ത്തിൽ യേശു കൂട്ടി​ച്ചേർത്തു: “ഓരോ​രോ സ്ഥലങ്ങളി​ലാ​യി പകർച്ച​വ്യാ​ധി​കൾ ഉണ്ടായി​രി​ക്കും, . . . ഭീതി​ദ​മായ ദൃശ്യ​ങ്ങ​ളും ആകാശ​ത്തു​നിന്ന്‌ വലിയ അടയാ​ള​ങ്ങ​ളും ഉണ്ടായി​രി​ക്കും.”

പകർച്ച​വ്യാ​ധി​കൾ മാത്ര​മാ​യി​രി​ക്കും അന്ത്യമ​ടു​ത്തി​രി​ക്കു​ന്ന​തി​ന്റെ തെളിവ്‌ എന്ന്‌ യേശു പറഞ്ഞി​ല്ലെ​ന്നത്‌ ശ്രദ്ധി​ക്കുക. ഘോര​യു​ദ്ധങ്ങൾ, ഭൂകമ്പങ്ങൾ, ക്ഷാമങ്ങൾ എന്നിവ​യും അവൻ പട്ടിക​പ്പെ​ടു​ത്തു​ക​യു​ണ്ടാ​യി. മത്തായി 24-ലും 25-ലും മർക്കൊസ്‌ 13-ലും ലൂക്കൊസ്‌ 21-ലും വിശദീ​ക​രി​ച്ചി​രി​ക്കുന്ന പ്രവച​ന​ത്തിൽ സംഭവി​ക്കാ​നി​രി​ക്കുന്ന മറ്റു പല കാര്യ​ങ്ങ​ളെ​ക്കു​റി​ച്ചും യേശു മുൻകൂ​ട്ടി​പ്പ​റഞ്ഞു. ദൈവം, ഭൂമി​യി​ലെ ദുഷ്ടത​യ്‌ക്ക്‌ അറുതി​വ​രു​ത്താ​നുള്ള നടപടി കൈ​ക്കൊ​ള്ളു​ന്ന​തി​നു​മുമ്പ്‌ ഇവയെ​ല്ലാം ഒന്നിച്ച്‌ സംഭവി​ക്കേ​ണ്ട​തുണ്ട്‌. നാം ആ കാലഘ​ട്ട​ത്തി​ലാ​ണു ജീവി​ക്കു​ന്നത്‌ എന്നതി​നുള്ള ശക്തമായ തെളി​വുണ്ട്‌.

വരാനി​രി​ക്കുന്ന പറുദീസ

പകർച്ച​വ്യാ​ധി​യാ​ലോ ദൈവ​ത്തി​ന്റെ കരങ്ങളാ​ലോ മനുഷ്യ​രാ​ശി ഒരിക്ക​ലും പൂർണ​മാ​യി തുടച്ചു​നീ​ക്ക​പ്പെ​ടു​ക​യില്ല. ഭൂമിയെ ഒരു പറുദീ​സ​യാ​ക്കി മാറ്റു​മെന്ന്‌ യഹോ​വ​യാം ദൈവം വാഗ്‌ദാ​നം ചെയ്യുന്നു. (ലൂക്കൊസ്‌ 23:43) മറ്റു കാര്യ​ങ്ങ​ളോ​ടൊ​പ്പം, മനുഷ്യ​വർഗത്തെ ബാധി​ച്ചി​രി​ക്കുന്ന രോഗ​ങ്ങ​ളും അവൻ തുടച്ചു​നീ​ക്കും.

തന്റെ പിതാ​വി​ന്റെ ഗുണങ്ങൾ പൂർണ​മായ അളവിൽ പ്രതി​ഫ​ലി​പ്പിച്ച യേശു​ക്രി​സ്‌തു​വി​ന്റെ ശുശ്രൂ​ഷ​യെ​ക്കു​റി​ച്ചു പരിചി​ന്തി​ക്കു​മ്പോൾ നമുക്ക്‌ അതിന്റെ ഉറപ്പു ലഭിക്കു​ന്നു. തന്റെ പിതാ​വിൽനിന്ന്‌ അധികാ​രം ലഭിച്ച യേശു മുടന്ത​രെ​യും അംഗ​വൈ​ക​ല്യ​മു​ള്ള​വ​രെ​യും കുരു​ട​രെ​യും ഊമ​രെ​യും സൗഖ്യ​മാ​ക്കി. (മത്തായി 15:30, 31) കുഷ്‌ഠ​രോ​ഗി​ക​ളെ​യും സുഖ​പ്പെ​ടു​ത്തി. (ലൂക്കൊസ്‌ 17:12-14) രക്തസ്രാ​വ​മു​ണ്ടാ​യി​രുന്ന ഒരു സ്‌ത്രീ​യെ​യും വരണ്ട കയ്യുള്ള ഒരു മനുഷ്യ​നെ​യും മഹോ​ദ​ര​മുള്ള ഒരു മനുഷ്യ​നെ​യും സുഖ​പ്പെ​ടു​ത്തി. (മർക്കൊസ്‌ 3:3-5; 5:25-29; ലൂക്കൊസ്‌ 14:2-4) ‘അപസ്‌മാ​ര​രോ​ഗി​ക​ളു​ടെ​യും തളർവാ​ത​രോ​ഗി​ക​ളു​ടെ​യും’ ആരോ​ഗ്യം പുനഃ​സ്ഥി​തീ​ക​രി​ച്ചു. (മത്തായി 4:24, പി.ഒ.സി. ബൈബിൾ) മൂന്നു സന്ദർഭ​ങ്ങ​ളിൽ അവൻ മരിച്ച​വരെ ഉയിർപ്പി​ക്കു​ക​പോ​ലും ചെയ്‌തു!—ലൂക്കൊസ്‌ 7:11-15; 8:49-56; യോഹ​ന്നാൻ 11:38-44.

അത്ഭുതാ​വ​ഹ​മാ​യ ഈ സൗഖ്യ​മാ​ക്ക​ലു​കൾ, ‘എനിക്കു ദീനം എന്നു യാതൊ​രു നിവാ​സി​യും പറകയി​ല്ലാത്ത’ ഒരവസ്ഥ ഭാവി​യിൽ കൊണ്ടു​വ​രു​മെന്ന യഹോ​വ​യു​ടെ വാഗ്‌ദാ​നം വിശ്വ​സി​ക്കു​ന്ന​തി​നുള്ള ഉറപ്പു നൽകുന്നു. (യെശയ്യാ​വു 33:24) വീണ്ടു​മൊ​രി​ക്ക​ലും പകർച്ച​വ്യാ​ധി​കൾ ആളുക​ളു​ടെ ആരോ​ഗ്യ​വും ജീവനും കവർന്നെ​ടു​ക്കു​ക​യില്ല. രോഗ​വും വ്യാധി​ക​ളും പൂർണ​മാ​യും എന്നേക്കു​മാ​യി തുടച്ചു​നീ​ക്കാ​നുള്ള കഴിവും മനസ്സും സ്‌നേ​ഹ​വാ​നായ നമ്മുടെ സ്രഷ്ടാ​വി​നു​ണ്ടെ​ന്ന​തിൽ നാം എത്ര നന്ദിയു​ള്ള​വ​രാ​യി​രി​ക്കണം!—വെളി​പ്പാ​ടു 21:3-5എ.

[9-ാം പേജിലെ ചിത്രം]

രോഗികളെ സൗഖ്യ​മാ​ക്കാൻ യേശു​വി​നെ ദൈവം അധികാ​ര​പ്പെ​ടു​ത്തി

[10-ാം പേജിലെ ചിത്രം]

വരാനിരിക്കുന്ന ഭൗമിക പറുദീ​സ​യിൽ യഹോവ രോഗ​ങ്ങ​ളും വ്യാധി​ക​ളും തുടച്ചു​നീ​ക്കും