ബൈബി​ളി​ന്റെ വീക്ഷണം

ക്രിസ്‌ത്യാ​നി​കൾ സ്വവർഗ​ര​തി​ക്കാ​രെ വെറു​ക്ക​ണ​മോ?

സ്വവർഗ​ര​തി​ക്കാ​രോ​ടുള്ള അകാര​ണ​മായ ഭയത്തെ അല്ലെങ്കിൽ വെറു​പ്പി​നെ സൂചി​പ്പി​ക്കാൻ 1969-ൽ ആംഗലേയ ഭാഷയിൽ ഒരു വാക്കിനു രൂപം​നൽകു​ക​യു​ണ്ടാ​യി. “ഹോ​മോ​ഫോ​ബിയ” [സ്വവർഗ​ര​തി​യോ​ടുള്ള ഭയം] എന്നതാ​യി​രു​ന്നു ആ വാക്ക്‌. പല ഭാഷക​ളി​ലും, ഇത്ര കൃത്യ​മായ അർഥം ധ്വനി​പ്പി​ക്കുന്ന ഒരു പദമി​ല്ലെ​ങ്കി​ലും ഒട്ടേറെ രാഷ്‌ട്ര​ങ്ങ​ളി​ലും ഭാഷക​ളി​ലു​മുള്ള ആളുകൾ ആയിര​ക്ക​ണ​ക്കി​നു വർഷങ്ങ​ളാ​യി സ്വവർഗ​ര​തി​ക്കാ​രോ​ടുള്ള അനിഷ്ടം വ്യക്തമാ​യി​ത്തന്നെ പ്രകടി​പ്പി​ച്ചി​ട്ടുണ്ട്‌.

എങ്കിലും അടുത്ത​കാ​ലത്ത്‌, ഒരു ബദൽ ലൈം​ഗി​ക​രീ​തി മാത്ര​മാ​ണെന്നു പറഞ്ഞ്‌ സ്വവർഗ​രതി പരക്കെ പ്രോ​ത്സാ​ഹി​പ്പി​ക്ക​പ്പെ​ട്ടി​രി​ക്കു​ന്നു. “സ്വവർഗ​ര​തിക്ക്‌ പൊതു​ജ​നാം​ഗീ​കാ​ര​വും ആദരവും ലഭിക്ക​ണ​മെന്ന അവകാ​ശ​വാ​ദം കൂടി​ക്കൂ​ടി വരിക​യാണ്‌” എന്ന്‌ ചരി​ത്ര​കാ​ര​നായ ജെറി. ഇസഡ്‌. മുള്ളർ അടുത്ത​കാ​ലത്ത്‌ എഴുതു​ക​യു​ണ്ടാ​യി. സ്വവർഗ​ര​തി​ക്കാർ “തങ്ങളുടെ പ്രവൃ​ത്തി​യെ പുകഴ്‌ത്ത​പ്പെ​ടേണ്ട ഒന്നായി പ്രഖ്യാ​പി​ക്കാ​നും മറ്റുള്ള​വ​രും അങ്ങനെ ചെയ്യണ​മെന്ന്‌ ആവശ്യ​പ്പെ​ടാ​നും ഏകീകൃ​ത​രാ​കു​ന്നതു വർധി​ച്ചു​വ​രു​ന്നു” എന്ന്‌ അദ്ദേഹം വിശദ​മാ​ക്കി. ഇത്‌ വിശേ​ഷി​ച്ചും കാണ​പ്പെ​ടു​ന്നത്‌ പാശ്ചാത്യ രാജ്യ​ങ്ങ​ളി​ലാണ്‌. എങ്കിലും ലോക​ത്തി​ന്റെ മിക്ക ഭാഗങ്ങ​ളി​ലും, കൂടുതൽ സ്വാത​ന്ത്ര്യം അനുവ​ദി​ച്ചു​കൊ​ടു​ക്കു​ന്ന​താ​യി അറിയ​പ്പെ​ടുന്ന ദേശങ്ങ​ളിൽപ്പോ​ലും, പലരും ഇന്നും സ്വവർഗ​ര​തി​യെ കുറ്റം വിധി​ക്കു​ക​യും നിരാ​ക​രി​ക്കു​ക​യും ചെയ്യുന്നു.

സ്വവർഗ​ര​തി​ക്കാ​രും സ്വവർഗ​ര​തി​ക്കാ​രെന്ന്‌ സംശയി​ക്ക​പ്പെ​ടു​ന്ന​വ​രും മിക്ക​പ്പോ​ഴും നിന്ദാ​ഗർഭ​മായ അഭി​പ്രാ​യ​പ്ര​ക​ട​ന​ങ്ങൾക്കും പീഡന​ത്തി​നും അക്രമ​ത്തി​നും പാത്ര​മാ​കു​ന്നു. മതനേ​താ​ക്ക​ന്മാർപോ​ലും അത്തരം വിദ്വേ​ഷം പ്രകട​മാ​ക്കി​യി​ട്ടുണ്ട്‌. ചിലരാ​കട്ടെ സ്വവർഗ​ര​തി​ക്കാർക്കെ​തി​രെ തങ്ങളു​ടേ​തായ യുദ്ധങ്ങൾത്തന്നെ തുടങ്ങി​യി​ട്ടുണ്ട്‌. ഉദാഹ​ര​ണ​ത്തിന്‌ ഗ്രീക്ക്‌ ദേശീയ റേഡി​യോ​യി​ലൂ​ടെ പ്രക്ഷേ​പണം ചെയ്യപ്പെട്ട, ഗ്രീക്ക്‌ ഓർത്ത​ഡോ​ക്‌സ്‌ സഭയിലെ ബിഷപ്പി​ന്റെ അഭി​പ്രാ​യ​പ്ര​ക​ട​ന​ങ്ങ​ളു​ടെ കാര്യ​മെ​ടു​ക്കുക. അദ്ദേഹം പറഞ്ഞു: “ദൈവം സ്വവർഗ​ര​തി​ക്കാ​രെ നരകത്തി​ലെ അഗ്നികു​ണ്ഡ​ത്തി​ലിട്ട്‌ നിത്യം ദണ്ഡിപ്പി​ക്കും. അവരുടെ വികട​മായ വായി​ലൂ​ടെ പുറ​പ്പെ​ടുന്ന നിലവി​ളി​കൾ നിത്യ​ത​യി​ലു​ട​നീ​ളം മാറ്റൊ​ലി​കൊ​ള്ളും. അവരുടെ വൃത്തി​കെട്ട ശരീരങ്ങൾ അസഹനീ​യ​മായ ദണ്ഡനം അനുഭ​വി​ക്കും.” ഇത്‌ വാസ്‌ത​വ​മാ​ണോ? സ്വവർഗ​ര​തി​ക്കാ​രോ​ടുള്ള ദൈവ​ത്തി​ന്റെ മനോ​ഭാ​വം എന്താണ്‌?

ദൈവ​ത്തി​ന്റെ വീക്ഷണം

ക്രിസ്‌ത്യാ​നി​കൾ ഭ്രഷ്ടു കൽപ്പി​ക്കു​ക​യോ വെറു​ക്കു​ക​യോ ചെയ്യേണ്ട ഒരു കൂട്ടമെന്ന നിലയിൽ സ്വവർഗ​ര​തി​ക്കാ​രെ ബൈബിൾ പ്രത്യേ​കം വേർതി​രി​ച്ചു കാണി​ക്കു​ന്നില്ല. മാത്രമല്ല, ദൈവം സ്വവർഗ​ര​തി​ക്കാ​രെ—അല്ലെങ്കിൽ തന്റെ ഏതെങ്കി​ലും സൃഷ്ടി​കളെ—ഒരു അഗ്നിന​ര​ക​ത്തിൽ നിത്യം ദണ്ഡിപ്പി​ച്ചു​കൊ​ണ്ടു ശിക്ഷി​ക്കു​മെ​ന്നും അതു പഠിപ്പി​ക്കു​ന്നില്ല.—റോമർ 6:23 താരത​മ്യം ചെയ്യുക.

എന്നാൽ, നമ്മുടെ സ്രഷ്ടാ​വി​ന്റെ ധാർമിക നിലവാ​രങ്ങൾ ഏതൊ​ക്കെ​യാ​ണെന്നു തിരു​വെ​ഴു​ത്തു​കൾ വ്യക്തമാ​യി പ്രതി​പാ​ദി​ക്കു​ന്നുണ്ട്‌. അവ ഒട്ടുമി​ക്ക​പ്പോ​ഴും ആധുനിക ചിന്താ​ഗ​തി​ക​ളിൽനിന്ന്‌ തികച്ചും വ്യത്യ​സ്‌ത​മാണ്‌. സ്വവർഗ​രതി, അവിവാ​ഹി​ത​രായ വ്യക്തികൾ തമ്മിലുള്ള ലൈം​ഗി​ക​വേഴ്‌ച, മൃഗസം​ഭോ​ഗം എന്നിവ​യെ​യെ​ല്ലാം ബൈബിൾ കുറ്റം വിധി​ക്കു​ന്നു. (പുറപ്പാ​ടു 22:19; എഫെസ്യർ 5:3-5) അത്തരം ലൈം​ഗിക നടപടി​കൾ നിമി​ത്ത​മാണ്‌ ദൈവം സൊ​ദോ​മി​നെ​യും ഗൊ​മോ​ര​യെ​യും നശിപ്പി​ച്ചത്‌.—ഉല്‌പത്തി 13:13; 18:20; 19:4, 5, 24, 25.

സ്വവർഗ​ര​തി​യെ​ക്കു​റിച്ച്‌ ദൈവ​വ​ചനം സ്‌പഷ്ട​മാ​യി പറയുന്നു: “ഇത്‌ വെറു​ക്കത്തക്ക ഒരു കാര്യ​മാണ്‌.” (ലേവ്യ​പു​സ്‌തകം 18:22, ദ ന്യൂ ജറുസ​ലേം ബൈബിൾ) ഇസ്രാ​യേ​ല്യർക്കുള്ള ദൈവ​ത്തി​ന്റെ ന്യായ​പ്ര​മാ​ണം ഇങ്ങനെ നിഷ്‌കർഷി​ച്ചു: “സ്‌ത്രീ​യോ​ടു​കൂ​ടെ ശയിക്കു​ന്ന​തു​പോ​ലെ ഒരുത്തൻ പുരു​ഷ​നോ​ടു​കൂ​ടെ ശയിച്ചാൽ ഇരുവ​രും മ്ലേച്ഛത ചെയ്‌തു; അവർ മരണശിക്ഷ അനുഭ​വി​ക്കേണം.” (ലേവ്യ​പു​സ്‌തകം 20:13) മൃഗസം​ഭോ​ഗം, നിഷി​ദ്ധ​ബ​ന്ധു​വേഴ്‌ച, വ്യഭി​ചാ​രം എന്നിവ ചെയ്യു​ന്ന​വർക്കും ഇതേ ശിക്ഷത​ന്നെ​യാ​യി​രു​ന്നു നിർദേ​ശി​ക്ക​പ്പെ​ട്ടത്‌.—ലേവ്യ​പു​സ്‌തകം 20:10-12, 14-17.

അപ്പോ​സ്‌ത​ല​നാ​യ പൗലൊസ്‌ സ്വവർഗ​ര​തി​യെ “അവമാ​ന​രാഗ”ത്തിന്റേ​തായ പ്രകട​ന​ങ്ങ​ളെ​ന്നും “സ്വഭാ​വ​വി​രുദ്ധ”മായ സംഗതി​യെ​ന്നും വിവരി​ക്കാൻ നിശ്വ​സ്‌ത​നാ​യി. അവൻ എഴുതു​ന്നു: “അതു​കൊ​ണ്ടു ദൈവം അവരെ അവമാ​ന​രാ​ഗ​ങ്ങ​ളിൽ ഏല്‌പി​ച്ചു; അവരുടെ സ്‌ത്രീ​കൾ സ്വാഭാ​വി​ക​ഭോ​ഗത്തെ സ്വഭാ​വ​വി​രു​ദ്ധ​മാ​ക്കി​ക്ക​ളഞ്ഞു. അവ്വണ്ണം പുരു​ഷ​ന്മാ​രും സ്വാഭാ​വി​ക​സ്‌ത്രീ​ഭോ​ഗം വിട്ടു അന്യോ​ന്യം കാമം ജ്വലിച്ചു ആണോടു ആൺ അവലക്ഷ​ണ​മാ​യതു പ്രവർത്തി​ച്ചു. ഇങ്ങനെ അവർ തങ്ങളുടെ വിഭ്ര​മ​ത്തി​ന്നു യോഗ്യ​മായ പ്രതി​ഫലം തങ്ങളിൽതന്നേ പ്രാപി​ച്ചു. ദൈവത്തെ പരിജ്ഞാ​ന​ത്തിൽ ധരിപ്പാൻ ഇഷ്ടമി​ല്ലാ​ഞ്ഞ​തി​ന്നു തക്കവണ്ണം ദൈവം അവരെ ഉചിത​മ​ല്ലാ​ത്തതു ചെയ്‌വാൻ നികൃ​ഷ്ട​ബു​ദ്ധി​യിൽ ഏല്‌പി​ച്ചു.”—റോമർ 1:26-28.

സ്വവർഗ​ര​തി​യും വ്യഭി​ചാ​ര​വും പരസം​ഗ​വും എല്ലാം ദൈവ​ത്തി​ന്റെ കണ്ണിൽ വെറു​ക്കത്തക്ക സംഗതി​കൾതന്നെ. അക്കാര്യ​ത്തിൽ തിരു​വെ​ഴു​ത്തു​കൾ യാതൊ​രു ഒഴിക​ഴി​വോ വിട്ടു​വീ​ഴ്‌ച​യോ നൽകു​ന്നില്ല. യാതൊ​രു സംശയ​വും അവശേ​ഷി​പ്പി​ക്കു​ന്നു​മില്ല. തന്മൂലം സത്യ​ക്രി​സ്‌ത്യാ​നി​കൾ കൂടുതൽ പ്രശസ്‌ത​രാ​കാ​നോ ആധുനിക സംസ്‌കാ​ര​ത്താൽ കൂടുതൽ അംഗീ​ക​രി​ക്ക​പ്പെ​ടാ​നോ വേണ്ടി​മാ​ത്രം, ‘അവമാ​ന​രാ​ഗങ്ങൾ’ സംബന്ധിച്ച ബൈബി​ളി​ന്റെ നിലപാ​ടിൽ വെള്ളം ചേർക്കു​ന്നില്ല. തന്നെയു​മല്ല, ഒരു സാധാരണ ജീവി​ത​രീ​തി​യെന്ന നിലയിൽ സ്വവർഗ​ര​തി​യെ പ്രോ​ത്സാ​ഹി​പ്പി​ക്കാൻ തുനി​ഞ്ഞി​റ​ങ്ങി​യി​രി​ക്കുന്ന യാതൊ​രു പ്രസ്ഥാ​ന​ങ്ങ​ളോ​ടും അവർ യോജി​ക്കു​ന്നു​മില്ല.

“ദോഷത്തെ വെറു​പ്പിൻ”

ബൈബിൾ ഇപ്രകാ​രം ബുദ്ധ്യു​പ​ദേ​ശി​ക്കു​ന്നു: “യഹോ​വയെ സ്‌നേ​ഹി​ക്കു​ന്ന​വരേ, ദോഷത്തെ വെറു​പ്പിൻ.” (സങ്കീർത്തനം 97:10) അതു​കൊണ്ട്‌, യഹോ​വ​യു​ടെ നിയമങ്ങൾ ലംഘി​ക്കുന്ന ഏതൊരു പ്രവൃ​ത്തി​യും ക്രിസ്‌ത്യാ​നി​കൾ വെറു​ക്കാൻ പ്രതീ​ക്ഷി​ക്ക​പ്പെ​ടു​ന്നു. ചിലർ സ്വവർഗ​ര​തി​യെ പ്രകൃ​തി​വി​രു​ദ്ധ​മായ ഒരു ലൈം​ഗിക വികട​ത്ത​മാ​യി വീക്ഷി​ച്ചു​കൊണ്ട്‌ മറ്റുതരം അധാർമിക പ്രവൃ​ത്തി​ക​ളു​ടെ നേർക്കു​ള്ള​തി​നെ​ക്കാൾ വെറു​പ്പോ അറപ്പോ കലർന്ന മനോ​ഭാ​വ​ത്തോ​ടെ അതി​നോ​ടു പ്രതി​ക​രി​ച്ചേ​ക്കാം. എന്നിരു​ന്നാ​ലും, അത്തരം കാര്യങ്ങൾ ചെയ്യു​ന്ന​വരെ ക്രിസ്‌ത്യാ​നി​കൾ വെറു​ക്കേ​ണ്ട​തു​ണ്ടോ?

സങ്കീർത്ത​നം 139:21, 22-ൽ സങ്കീർത്ത​ന​ക്കാ​രൻ ഈ പ്രശ്‌ന​ത്തി​ലേക്കു വെളിച്ചം വീശുന്നു: “യഹോവേ, നിന്നെ പകെക്കു​ന്ന​വരെ ഞാൻ പകക്കേ​ണ്ട​ത​ല്ല​യോ? നിന്നോ​ടു എതിർത്തു​നി​ല്‌ക്കു​ന്ന​വരെ ഞാൻ വെറു​ക്കേ​ണ്ട​ത​ല്ല​യോ? ഞാൻ പൂർണ്ണ​ദ്വേ​ഷ​ത്തോ​ടെ അവരെ ദ്വേഷി​ക്കു​ന്നു; അവരെ എന്റെ ശത്രു​ക്ക​ളാ​യി എണ്ണുന്നു.” യഹോ​വ​യോ​ടും അവന്റെ തത്ത്വങ്ങ​ളോ​ടു​മുള്ള വിശ്വ​സ്‌തത, മനപ്പൂർവം യഹോ​വയെ എതിർക്കു​ന്ന​വ​രോ​ടും അവന്റെ ശത്രു​ക്ക​ളാ​യി തീരു​ന്ന​വ​രോ​ടും കടുത്ത അനിഷ്ടം നമ്മിൽ ഉളവാ​ക്കേ​ണ്ട​താണ്‌. ദൈവ​ത്തി​ന്റെ ശത്രു​ക്ക​ളെന്നു സ്ഥിരീ​ക​രി​ക്ക​പ്പെ​ട്ടി​രി​ക്കു​ന്ന​വ​രു​ടെ കൂട്ടത്തിൽ പെട്ടവ​രാണ്‌ സാത്താ​നും ഭൂതങ്ങ​ളും. ചില മനുഷ്യ​രും ഈ ഗണത്തിൽപ്പെ​ട്ടേ​ക്കാം. എങ്കിലും ബാഹ്യ​ല​ക്ഷ​ണം​കൊണ്ട്‌ ഒരു ക്രിസ്‌ത്യാ​നിക്ക്‌ അത്തരം ആളുകളെ തിരി​ച്ച​റി​യാൻ വളരെ ബുദ്ധി​മു​ട്ടാ​യി​രു​ന്നേ​ക്കാം. നമുക്ക്‌ ഹൃദയ​ങ്ങളെ വായി​ക്കാ​നാ​വി​ല്ല​ല്ലോ. (യിരെ​മ്യാ​വു 17:9, 10) ഒരു വ്യക്തി തെറ്റായ കാര്യ​മാണ്‌ ചെയ്‌തു​കൊ​ണ്ടി​രി​ക്കു​ന്നത്‌ എന്നുള്ള​തി​നാൽ അവൻ ദൈവ​ത്തി​ന്റെ ഒരു നിത്യ​ശ​ത്രു​വാ​ണെന്ന്‌ ഊഹി​ക്കു​ന്നതു തെറ്റാ​യി​രി​ക്കും. പലപ്പോ​ഴും തെറ്റു ചെയ്യു​ന്ന​വർക്ക്‌ ദൈവി​ക​നി​ല​വാ​ര​ങ്ങ​ളെ​ക്കു​റിച്ച്‌ അറിവില്ല.

അതു​കൊണ്ട്‌, പൊതു​വേ പറഞ്ഞാൽ ക്രിസ്‌ത്യാ​നി​കൾ സഹമനു​ഷ്യ​രെ വെറു​ക്കാൻ തിടു​ക്ക​മു​ള്ള​വരല്ല. ചില ജീവി​ത​രീ​തി​ക​ളോട്‌ അവർക്ക്‌ കഠിന​മായ വെറു​പ്പു​ണ്ടെ​ങ്കി​ലും അവർ മറ്റുള്ള​വരെ വ്രണ​പ്പെ​ടു​ത്തു​ന്നില്ല. അവരോട്‌ വിദ്വേ​ഷ​മോ പകയോ വെച്ചു​പു​ലർത്തു​ന്നില്ല. മറിച്ച്‌, “സകലമ​നു​ഷ്യ​രോ​ടും സമാധാ​ന​മാ​യി​രി​പ്പിൻ” എന്ന്‌ ബൈബിൾ ക്രിസ്‌ത്യാ​നി​കളെ ബുദ്ധ്യു​പ​ദേ​ശി​ക്കു​ന്നു.—റോമർ 12:9, 17-19.

“ദൈവ​ത്തി​ന്നു മുഖപ​ക്ഷ​മില്ല”

ഒരു വ്യക്തി ഏതുതരം അധാർമി​ക​ത​യിൽ ഏർപ്പെ​ട്ടി​ട്ടു​ണ്ടെ​ങ്കി​ലും യഥാർഥ അനുതാ​പ​മു​ണ്ടെ​ങ്കിൽ യഹോവ അയാ​ളോ​ടു ക്ഷമിക്കും. ദൈവം ഏതെങ്കി​ലും തരത്തി​ലുള്ള ഒരു അധാർമിക പ്രവൃ​ത്തി​യെ മറ്റൊ​ന്നി​നെ​ക്കാൾ നീചമാ​യി വീക്ഷി​ക്കു​ന്നു​വെ​ന്ന​തി​നു യാതൊ​രു തെളി​വു​മില്ല. “ദൈവ​ത്തി​ന്നു മുഖപ​ക്ഷ​മില്ല.” (പ്രവൃ​ത്തി​കൾ 10:34, 35) ഉദാഹ​ര​ണ​ത്തിന്‌, ഒന്നാം നൂറ്റാ​ണ്ടി​ലെ കൊരി​ന്ത്യ സഭയിലെ സാഹച​ര്യം പരിചി​ന്തി​ക്കുക. അപ്പോ​സ്‌ത​ല​നായ പൗലൊസ്‌ അവർക്ക്‌ എഴുതി: “നിങ്ങ​ളെ​ത്തന്നേ വഞ്ചിക്കാ​തി​രി​പ്പിൻ; ദുർന്ന​ട​പ്പു​കാർ, വിഗ്ര​ഹാ​രാ​ധി​കൾ, വ്യഭി​ചാ​രി​കൾ, സ്വയ​ഭോ​ഗി​കൾ, പുരു​ഷ​കാ​മി​കൾ, കള്ളൻമാർ, അത്യാ​ഗ്ര​ഹി​കൾ, മദ്യപൻമാർ, വാവി​ഷ്‌ഠാ​ണ​ക്കാർ, പിടി​ച്ചു​പ​റി​ക്കാർ എന്നിവർ ദൈവ​രാ​ജ്യം അവകാ​ശ​മാ​ക്കു​ക​യില്ല.” (ചെരി​ച്ചെ​ഴു​ത്തു ഞങ്ങളു​ടേത്‌.) എന്നിട്ട്‌, മുമ്പ്‌ പരസം​ഗ​ക്കാ​രും വ്യഭി​ചാ​രി​ക​ളും സ്വവർഗ​ര​തി​ക്കാ​രും കള്ളന്മാ​രു​മാ​യി​രു​ന്ന​വരെ കൊരി​ന്തി​ലെ ക്രിസ്‌തീയ സഭയി​ലേക്ക്‌ സ്വീക​രി​ച്ച​താ​യി പൗലൊസ്‌ സമ്മതി​ക്കു​ന്നു. അവൻ വിശദ​മാ​ക്കി: “നിങ്ങളും ചിലർ ഈ വകക്കാ​രാ​യി​രു​ന്നു. എങ്കിലും നിങ്ങൾ കർത്താ​വായ യേശു​ക്രി​സ്‌തു​വി​ന്റെ നാമത്തി​ലും നമ്മുടെ ദൈവ​ത്തി​ന്റെ ആത്മാവി​നാ​ലും നിങ്ങ​ളെ​ത്തന്നേ കഴുകി ശുദ്ധീ​ക​ര​ണ​വും നീതീ​ക​ര​ണ​വും പ്രാപി​ച്ചി​രി​ക്കു​ന്നു.”—1 കൊരി​ന്ത്യർ 6:9-11.

തീർച്ച​യാ​യും, തന്റെ പൂർണ​ത​യുള്ള ധാർമിക നിലവാ​രങ്ങൾ തുടർച്ച​യാ​യി, മനപ്പൂർവം ലംഘി​ക്കു​ന്നത്‌ യഹോവ പൊറു​ക്കു​ക​യില്ല. തന്റെ തത്ത്വങ്ങളെ ശാഠ്യ​ത്തോ​ടെ നിരാ​ക​രി​ക്കു​ന്നത്‌ അവൻ തീർച്ച​യാ​യും വെറു​ക്കു​ന്നു. എങ്കിലും അവൻ അനുര​ഞ്‌ജ​ന​ത്തി​നുള്ള വാതിൽ തുറന്നി​ടു​ന്നു. (സങ്കീർത്തനം 86:5; യെശയ്യാ​വു 55:7) ഇതി​നോ​ടു ചേർച്ച​യിൽ സത്യ​ക്രി​സ്‌ത്യാ​നി​കൾ സ്വവർഗ​ര​തി​ക്കാ​രോ​ടോ മറ്റാ​രോ​ടെ​ങ്കി​ലു​മോ അനിഷ്ടം വെച്ചു​പു​ലർത്തു​ന്നില്ല, അവരുടെ നേർക്ക്‌ പരിഹാ​സ​മോ ഉപദ്ര​വ​മോ തൊടു​ത്തു​വി​ടു​ന്നു​മില്ല. സത്യ​ക്രി​സ്‌ത്യാ​നി​കൾ സഹമനു​ഷ്യ​രെ യേശു​വി​ന്റെ ഭാവി​ശി​ഷ്യ​ന്മാ​രാ​യി വീക്ഷി​ച്ചു​കൊണ്ട്‌ ആദര​വോ​ടും ബഹുമാ​ന​ത്തോ​ടും​കൂ​ടെ അവരോ​ടു പെരു​മാ​റു​ന്നു. ബൈബിൾ പറയുന്നു: “അതു നമ്മുടെ രക്ഷിതാ​വായ ദൈവ​ത്തി​ന്റെ സന്നിധി​യിൽ നല്ലതും പ്രസാ​ദ​ക​ര​വും ആകുന്നു. അവൻ സകലമ​നു​ഷ്യ​രും രക്ഷപ്രാ​പി​പ്പാ​നും സത്യത്തി​ന്റെ പരിജ്ഞാ​ന​ത്തിൽ എത്തുവാ​നും ഇച്ഛിക്കു​ന്നു.”—1 തിമൊ​ഥെ​യൊസ്‌ 2:3, 4.

ക്രിസ്‌ത്യാ​നി​കൾ അനുതാ​പി​കളെ സ്വീക​രി​ക്കു​ന്നു

ദൈവം ക്ഷമിക്കു​ന്ന​വ​നാ​ണെന്ന്‌ ബൈബിൾ കൂടെ​ക്കൂ​ടെ പ്രസ്‌താ​വി​ക്കു​ന്നു. “ക്ഷമിപ്പാൻ ഒരുക്ക​വും കൃപയും കരുണ​യും ദീർഘ​ക്ഷ​മ​യും ദയാസ​മൃ​ദ്ധി​യും ഉള്ള ദൈവ”മായി അത്‌ അവനെ വർണി​ക്കു​ന്നു. (നെഹെ​മ്യാ​വു 9:17; യെഹെ​സ്‌കേൽ 33:11; 2 പത്രൊസ്‌ 3:9) അതിലു​പരി, തനിക്ക്‌ അവകാ​ശ​മാ​യി കിട്ടിയ സ്വത്തെ​ല്ലാം ഒരു വിദൂര ദേശത്ത്‌ അധാർമിക പ്രവർത്ത​ന​ങ്ങൾക്കാ​യി ധൂർത്ത​ടിച്ച മുടി​യ​നായ പുത്ര​നെ​ക്കു​റി​ച്ചുള്ള യേശു​വി​ന്റെ ഉപമയി​ലെ പിതാ​വി​നോട്‌ ബൈബിൾ അവനെ സാദൃ​ശ​പ്പെ​ടു​ത്തു​ന്നു. സുബോ​ധ​ത്തി​ലേക്കു തിരി​ച്ചു​വന്ന മകൻ ഒടുവിൽ അനുത​പിച്ച്‌ വീട്ടി​ലേക്കു മടങ്ങി​വ​ന്ന​പ്പോൾ അവനെ തിരികെ സ്വീക​രി​ക്കാൻ പിതാവ്‌ നീട്ടിയ കരങ്ങളു​മാ​യി കാത്തു​നിൽപ്പു​ണ്ടാ​യി​രു​ന്നു.—ലൂക്കൊസ്‌ 15:11-24.

അതേ, ഒരു ദുഷ്‌പ്ര​വൃ​ത്തി​ക്കാ​രന്‌ മാറ്റം വരുത്താൻ കഴിയും. പഴയ വ്യക്തി​ത്വം ഉരിഞ്ഞു കളഞ്ഞ്‌ പുതി​യത്‌ ധരിക്കാ​നും ‘ഉള്ളിലെ ആത്മാവു സംബന്ധ​മാ​യി പുതുക്കം പ്രാപി’ക്കാനും ആളുകളെ പ്രോ​ത്സാ​ഹി​പ്പി​ച്ചു​കൊണ്ട്‌ തിരു​വെ​ഴു​ത്തു​കൾ ഇത്‌ സമ്മതി​ച്ചു​പ​റ​യു​ന്നു. (എഫെസ്യർ 4:22-24) സ്വവർഗ​ര​തി​ക്കാ​രുൾപ്പെടെ, തെറ്റായ കാര്യങ്ങൾ ചെയ്‌തു​പോ​രു​ന്ന​വർക്ക്‌ തങ്ങളുടെ ചിന്താ-പ്രവർത്തന രീതി​ക​ളിൽ സമൂല​മായ മാറ്റങ്ങൾ വരുത്താൻ കഴിയും. തീർച്ച​യാ​യും, അങ്ങനെ പരിവർത്തനം വരുത്തു​ന്ന​തിൽ പലരും വിജയി​ച്ചി​ട്ടുണ്ട്‌.a യേശു​ത​ന്നെ​യും അത്തരക്കാ​രോട്‌ പ്രസം​ഗി​ച്ചു; അനുതാ​പം പ്രകട​മാ​ക്കു​ക​വഴി അവർ അവനു സ്വീകാ​ര്യ​രാ​യി​ത്തീർന്നു.—മത്തായി 21:31, 32.

ക്രിസ്‌ത്യാ​നി​കൾ ജീവി​ത​ത്തി​ന്റെ നാനാ തുറക​ളിൽനി​ന്നുള്ള, അനുതാ​പ​മു​ള്ള​വരെ സ്വീക​രി​ക്കു​ന്നു. ഏതുത​ര​ത്തി​ലുള്ള അധാർമിക പ്രവൃ​ത്തി​ക​ളാ​യി​രു​ന്നാ​ലും, അവയെ പിന്നി​ലു​പേ​ക്ഷി​ക്കുന്ന സകലർക്കും ദൈവ​ത്തി​ന്റെ ക്ഷമയുടെ പ്രയോ​ജ​നങ്ങൾ ആസ്വദി​ക്കാൻ സാധി​ക്കും. കാരണം “യഹോവ എല്ലാവർക്കും നല്ലവൻ; തന്റെ സകല​പ്ര​വൃ​ത്തി​ക​ളോ​ടും അവന്നു കരുണ തോന്നു​ന്നു.”—സങ്കീർത്തനം 145:9.

സ്വവർഗ​ര​തി​യു​ടെ ചായ്‌വി​നോ​ടു മല്ലിട്ടു​കൊ​ണ്ടി​രി​ക്കു​ന്ന​വർക്കു​പോ​ലും ആവശ്യ​മായ ആത്മീയ പിന്തുണ നൽകാൻ ക്രിസ്‌ത്യാ​നി​കൾ ഒരുക്ക​മു​ള്ള​വ​രാണ്‌. ദൈവം​തന്നെ പ്രകട​മാ​ക്കിയ സ്‌നേ​ഹ​ത്തോ​ടു യോജി​പ്പി​ലാ​ണിത്‌. കാരണം ബൈബിൾ ഇങ്ങനെ പറയുന്നു: “ക്രിസ്‌തു​വോ നാം പാപികൾ ആയിരി​ക്കു​മ്പോൾ തന്നേ നമുക്കു വേണ്ടി മരിക്ക​യാൽ ദൈവം തനിക്കു നമ്മോ​ടുള്ള സ്‌നേ​ഹത്തെ പ്രദർശി​പ്പി​ക്കു​ന്നു.”—റോമർ 5:8.

[അടിക്കു​റി​പ്പു​കൾ]

[14-ാം പേജിലെ ആകർഷ​ക​വാ​ക്യം]

സ്വവർഗരതിയെക്കുറിച്ചുള്ള ബൈബി​ളി​ന്റെ വീക്ഷണ​ത്തിൽ ക്രിസ്‌ത്യാ​നി​കൾ വെള്ളം ചേർക്കു​ന്നി​ല്ല

[13-ാം പേജിലെ ചിത്ര​ത്തിന്‌ കടപ്പാട്‌]

Punch