ഊന്നു​വടി മോടി​പി​ടി​പ്പി​ക്കൽ കല

ബ്രിട്ടനിലെ ഉണരുക! ലേഖകൻ

“നിങ്ങളു​ടെ വിനോ​ദം ഊന്നു​വടി മോടി​പി​ടി​പ്പി​ക്ക​ലാ​ണെന്നു പറയു​മ്പോൾ, അതു​കൊണ്ട്‌ എന്താണ്‌ അർഥമാ​ക്കു​ന്ന​തെന്ന്‌ ആർക്കും അറിയി​ല്ലാത്ത വലിയ പ്രദേ​ശങ്ങൾ ബ്രിട്ടീഷ്‌ ദ്വീപു​ക​ളി​ലു​ണ്ടെന്ന വസ്‌തുത എന്നെ എപ്പോ​ഴും അതിശ​യി​പ്പി​ക്കാ​റുണ്ട്‌” എന്ന്‌ ഈ കലയിൽ വിദഗ്‌ധ​നായ ഒരു വ്യക്തി പ്രസ്‌താ​വി​ക്കു​ന്നു.

ഊന്നു​വ​ടി അല്ലെങ്കിൽ ഇടയന്റെ വടി അനേകർക്കും സുപരി​ചി​ത​മാണ്‌. എന്നാൽ ഊന്നു​വടി മോടി​പി​ടി​പ്പി​ക്കൽ ഈ സാധാരണ വസ്‌തു​ക്കളെ അസാധാ​രണ കലാസൃ​ഷ്ടി​ക​ളാ​ക്കി മാറ്റുന്നു. ചേതോ​ഹ​ര​മായ ഈ കരകൗ​ശ​ല​വി​ദ്യ​ക്കു ഗണ്യമായ വൈദ​ഗ്‌ധ്യ​വും ഏറെ ക്ഷമയും ആവശ്യ​മാ​ണെന്നു നൂറ്റാ​ണ്ടു​കൾമു​മ്പു​തന്നെ ഇടയന്മാ​രും കൃഷി​പ്പ​ണി​ക്കാ​രും മനസ്സി​ലാ​ക്കി. എന്നാൽ, ഊന്നു​വടി മോടി​പി​ടി​പ്പി​ക്ക​ലിൽ ഉൾപ്പെ​ട്ടി​രി​ക്കു​ന്ന​തെ​ന്താണ്‌?

തടി തിര​ഞ്ഞെ​ടു​ക്കൽ

തടി തിര​ഞ്ഞെ​ടു​ക്കു​ന്ന​താണ്‌ പ്രഥമ പടി. ബ്ലാക്ക്‌തോൺ, ആപ്പിൾ വൃക്ഷം, പെയർമരം എന്നിവ​യു​ടെ ശരിയായ പരുവ​ത്തി​ലുള്ള തടി ഉപയോ​ഗി​ക്കാ​വു​ന്ന​താണ്‌. ഉയർന്നു​നിൽക്കു​ന്ന​തും ആകർഷ​ക​വു​മായ മുട്ടു​കൾനി​മി​ത്തം മിക്ക​പ്പോ​ഴും ഹോളി​മരം തിര​ഞ്ഞെ​ടു​ക്കാ​റുണ്ട്‌. എന്നാൽ, ഹേസൽ വൃക്ഷത്തി​ന്റെ തടിയു​പ​യോ​ഗി​ക്കാ​നാണ്‌ ഊന്നു​വടി മോടി​പി​ടി​പ്പി​ക്കുന്ന മിക്കവർക്കും താത്‌പ​ര്യം. ചില​പ്പോൾ, ഒരു വൃക്ഷത്തിന്‌ ശിഖര​ത്തി​ലേ​ക്കോ വേരി​ലേ​ക്കോ അൽപ്പം ചെരി​ഞ്ഞു​വ​ള​രുന്ന ഇളങ്കൊ​മ്പു കണ്ടേക്കാം. അങ്ങനെ​യെ​ങ്കിൽ വൃക്ഷത്തി​ന്റെ ഒരു ഭാഗം​കൊ​ണ്ടു​തന്നെ മുഴു​വ​ടി​യും അതായത്‌, കൈപ്പി​ടി​യും താഴോ​ട്ടുള്ള ഭാഗവും ഉണ്ടാക്കാ​വു​ന്ന​താണ്‌.

ഒരു കമ്പു വെട്ടി​യെ​ടു​ക്കാൻ ഏറ്റവും പറ്റിയ സമയ​മേ​താണ്‌? മരം സുഷു​പ്‌തി​യി​ലാ​യി​രി​ക്കുന്ന, കറയൊ​ഴു​കാത്ത സമയത്താ​യി​രി​ക്കണം അതു വെട്ടി​യെ​ടു​ക്കു​ന്നത്‌. എങ്കിലും പെട്ടെന്ന്‌, മറ്റാ​രെ​ങ്കി​ലും കണ്ടെത്തു​ന്ന​തി​നു​മു​മ്പു​തന്നെ മുറി​ച്ചെ​ടു​ക്ക​ണ​മെ​ന്നാണ്‌ ഊന്നു​വടി മോടി​പി​ടി​പ്പി​ക്കുന്ന പലരു​ടെ​യും വിദഗ്‌ധാ​ഭി​പ്രാ​യം! എന്തായാ​ലും, അനു​യോ​ജ്യ​മായ ഒരു കമ്പ്‌ വെട്ടി​യെ​ടു​ത്തു​ക​ഴി​ഞ്ഞാൽ, അതു പൊട്ടി​പ്പോ​കാ​തി​രി​ക്കാ​നാ​യി വെട്ടിയ ഭാഗത്തു ഗ്രീസ്‌ പുരട്ടു​ക​യോ പെയി​ന്റ​ടി​ക്കു​ക​യോ ചെയ്യേ​ണ്ട​തുണ്ട്‌. തുടർന്ന്‌ അത്‌ രണ്ടോ അതില​ധി​ക​മോ വർഷം ഉണക്കാ​നി​ടു​ന്നു. അതിനു​ശേഷം മാത്രമേ മോടി​പി​ടി​പ്പി​ക്കു​ന്നവർ കൊത്തു​പണി ആരംഭി​ക്കു​ക​യു​ള്ളൂ.

കൈപ്പി​ടി കൊത്തി​യു​ണ്ടാ​ക്കൽ

വെട്ടി​യെ​ടു​ക്കുന്ന വടിയിൽ കൈപ്പി​ടി​യാ​യി ഉപയോ​ഗി​ക്കാൻ പറ്റുന്ന ഒരു ഭാഗമി​ല്ലെ​ങ്കിൽ മോടി​പി​ടി​പ്പി​ക്കു​ന്ന​യാൾക്ക്‌ പശുവി​ന്റെ​യോ ചെമ്മരി​യാ​ടി​ന്റെ​യോ കോലാ​ടി​ന്റെ​യോ കൊമ്പു​പ​യോ​ഗിച്ച്‌ അത്‌ ഉണ്ടാക്കാ​വു​ന്ന​താണ്‌. വടിയു​ടെ കാര്യ​ത്തി​ലെ​ന്ന​പോ​ലെ, കൊമ്പും സാധാ​ര​ണ​മാ​യി ഒരു വർഷം ഉണക്കാ​നി​ടണം. തുടർന്ന്‌, കൊടിൽപോ​ലുള്ള ഒരു ഉപകരണം ഉപയോ​ഗിച്ച്‌ മോടി​പി​ടി​പ്പി​ക്കു​ന്ന​യാൾ കൊമ്പി​നെ തനിക്കി​ഷ്ട​മുള്ള ഒരു രൂപത്തി​ലാ​ക്കു​ന്നു. കൊമ്പി​നെ വഴക്കമു​ള്ള​താ​ക്കാൻ ഇടയന്മാർ തലമു​റ​ക​ളാ​യി, ആലകളി​ലു​പ​യോ​ഗി​ക്കുന്ന തീയോ തിളയ്‌ക്കുന്ന വെള്ളമോ ഒരുതരം കൽക്കരി​ക്ക​ന​ലോ മണ്ണെണ്ണ വിളക്കി​ലെ തീനാ​ള​മോ ആണ്‌ ഉപയോ​ഗി​ച്ചി​രു​ന്നത്‌. അതേത്തു​ടർന്ന്‌ ഇടയന്റെ ഭാവന​യും കരവി​രു​തു​മ​നു​സ​രിച്ച്‌ അതിന്‌ എന്തു രൂപം വേണ​മെ​ങ്കി​ലും നൽകാം. ഉദാഹ​ര​ണ​ത്തിന്‌, ഒരു കോളി​പ്പ​ട്ടി​യു​ടെ​യോ ഒരു പക്ഷിയു​ടെ​യോ തവിട്ടു​നി​റ​ത്തി​ലുള്ള ഒരു പൂമീ​ന്റെ​യോ വണ്ടാര​ക്കോ​ഴി​യു​ടെ തലയു​ടെ​യോ ഒരു കൊച്ചു​മൃ​ഗ​ത്തി​ന്റെ​യോ രൂപത്തിൽ അദ്ദേഹ​ത്തി​നു കൈപ്പി​ടി കൊത്തി​യു​ണ്ടാ​ക്കാ​നാ​കും.

കൊമ്പി​ലെ കൊത്തു​പണി കഴിഞ്ഞാൽപ്പി​ന്നെ, മോടി​പി​ടി​പ്പി​ക്കു​ന്ന​യാൾ അതീവ ശ്രദ്ധ​യോ​ടെ വിശദാം​ശ​ങ്ങ​ളി​ലേക്കു കടക്കു​ക​യാ​യി. ഉദാഹ​ര​ണ​ത്തിന്‌, പൂമീ​നെ​യാണ്‌ കൊത്തി​യു​ണ്ടാ​ക്കു​ന്ന​തെ​ങ്കിൽ, വാലും കാൽച്ചി​റ​കും ചുട്ടു​പ​ഴുത്ത ഒരു ഇരുമ്പു​പ​യോ​ഗിച്ച്‌ കൊത്തി​യെ​ടു​ക്കു​ന്നു. വൃത്താ​കൃ​തി​യി​ലുള്ള ഒരു കുത്തു​ളി​യു​പ​യോ​ഗിച്ച്‌ ഓരോ ചെതു​മ്പ​ലും രൂപ​പ്പെ​ടു​ത്തു​ന്നു. കണ്ണുക​ളു​ണ്ടാ​ക്കാൻ എരുമ​യു​ടെ കൊമ്പ്‌ ഉപയോ​ഗി​ക്കാ​വു​ന്ന​താണ്‌. ശരീര​ഭാ​ഗം വർണാ​ഭ​മാ​ക്കാൻ പെയിൻറി​നു പകരം മഷിയു​പ​യോ​ഗി​ക്കു​ന്നു. ഒന്നില​ധി​കം പ്രാവ​ശ്യം മഷിയി​ടേ​ണ്ട​തുണ്ട്‌. പോളിഷ്‌ ചെയ്‌ത പ്രതല​ത്തിൽ മഷിയി​ടു​ന്നത്‌ ആയാസ​ക​ര​മാ​യി​രു​ന്നേ​ക്കാം. ഇതിനെ ആവരണം​ചെ​യ്‌തു​കൊണ്ട്‌ കൊമ്പിൽ വാർണീഷ്‌ പൂശു​ന്ന​താണ്‌ അവസാന മിനു​ക്കു​പണി.

പൂർത്തി​യായ ഒരു കലാസൃ​ഷ്ടി

ഒരു സ്റ്റീൽ ബോൾട്ട്‌, ആണി, ഒരു മരയാണി എന്നിവ​യു​പ​യോ​ഗിച്ച്‌ കൊമ്പ്‌ വടിയിൽ പിടി​പ്പി​ക്കു​ന്നു. അനന്തരം, മോടി​പി​ടി​പ്പി​ക്കു​ന്ന​യാൾ നേർത്ത സ്റ്റീൽവൂൾ ഉപയോ​ഗിച്ച്‌ തന്റെ കലാസൃ​ഷ്ടി വിദഗ്‌ധ​മാ​യി മിനു​ക്കു​ന്നു. അടുത്ത​താ​യി അദ്ദേഹം വടി പോളിഷ്‌ ചെയ്യു​ക​യും അതിൽ വാർണീഷ്‌ പൂശു​ക​യും ചെയ്യുന്നു. “ഒരു പ്രദർശ​ന​ത്തിൽ സമ്മാനം നേടത്ത​ക്ക​വി​ധം ഒരു പൂമീനെ നിർമി​ക്കാൻ ചിറകു​കൾ വരയ്‌ക്കു​ന്ന​തി​നും ശരീര​ത്തിൽ ചെതു​മ്പ​ലു​കൾ പിടി​പ്പി​ക്കു​ന്ന​തി​നും ചായം​പൂ​ശി അവസാന മിനു​ക്കു​പ​ണി​കൾ നടത്തു​ന്ന​തി​നു​മൊ​ക്കെ​യാ​യി ഏതാണ്ടു 100 മണിക്കൂർ ചെലവ​ഴി​ക്കേ​ണ്ടി​വ​രും,” ഊന്നു​വടി മോടി​പി​ടി​പ്പി​ക്കു​ന്ന​തിൽ പരിച​യ​സ​മ്പ​ന്ന​നായ ഒരു വ്യക്തി എഴുതു​ന്നു.

ഊന്നു​വ​ടി മോടി​പി​ടി​പ്പി​ക്കൽ വളരെ ആയാസ​ക​ര​മായ വേലയാ​ണെ​ന്ന​തി​നു സംശയ​മില്ല. എന്നാൽ അന്തി​മോ​ത്‌പന്നം ഒരു യഥാർഥ കലാസൃ​ഷ്ടി​യാ​യി​രി​ക്കും. അവയിൽ ചിലത്‌ മത്സരങ്ങ​ളിൽ പ്രദർശി​പ്പി​ക്ക​പ്പെ​ട്ടി​ട്ടു​മുണ്ട്‌. എന്തായാ​ലും, ഊന്നു​വടി മോടി​പി​ടി​പ്പി​ക്കു​ന്നവർ തങ്ങളുടെ കലയെ കൂടുതൽ പ്രശാ​ന്ത​മായ ഒരു യുഗത്തി​ന്റെ സ്‌മര​ണ​യാ​യി, ആധുനിക ജീവി​ത​ത്തി​ന്റെ സമ്മർദ​ങ്ങൾക്കും പ്രാര​ബ്ധ​ങ്ങൾക്കു​മുള്ള ഒരു പ്രതി​വി​ധി​യാ​യി കണക്കാ​ക്കു​ന്നു.