ദൈവ​നാ​മം ചെക്ക്‌ വാസ്‌തു​വി​ദ്യ​യെ അലങ്കരി​ക്കു​ന്നു

ചെക്ക്‌ റിപ്പബ്ലി​ക്കി​ലെ ഉണരുക! ലേഖകൻ

ലോക​ത്തി​ന്റെ പല ഭാഗങ്ങ​ളി​ലും യഹോ​വ​യു​ടെ സാക്ഷി​ക​ളു​മാ​യി ബന്ധപ്പെട്ടു മാത്രമേ യഹോവ എന്ന നാമം അറിയ​പ്പെ​ടു​ന്നു​ള്ളൂ. ചെക്ക്‌ റിപ്പബ്ലി​ക്കി​ലെ ചരി​ത്ര​പ്ര​സി​ദ്ധ​മായ നിരവധി കെട്ടി​ട​ങ്ങ​ളി​ന്മേ​ലുള്ള അലങ്കാ​ര​പ്പ​ണി​ക​ളിൽ ചതുര​ക്ഷരി, അതായത്‌ യഹോവ എന്ന ദിവ്യ​നാ​മത്തെ കുറി​ക്കുന്ന നാല്‌ എബ്രായ അക്ഷരങ്ങൾ (יהוה) ഉള്ളതായി അറിയു​മ്പോൾ നിങ്ങൾ അതിശ​യി​ച്ചേ​ക്കാം.

ചതുരക്ഷര ദൈവ​നാ​മ​ത്തി​ന്റെ ഏറ്റവും നന്നായി അറിയ​പ്പെ​ടുന്ന ഉദാഹ​രണം ഒരുപക്ഷേ ചാൾസ്‌ പാലത്തി​ന്മേ​ലു​ള്ള​താ​യി​രി​ക്കാം. പ്രാഗി​ലെ ഓൾഡ്‌ ടൗണി​ന​രി​കെ​യുള്ള മനോ​ഹ​ര​മായ വൾട്ടാവാ നദിക്കു കുറുകെ സ്ഥിതി​ചെ​യ്യുന്ന അത്‌, 1357-ലാണു പണിതത്‌. ആ പാലത്തി​ന്റെ ഇരുവ​ശ​ങ്ങ​ളി​ലു​മാ​യി ശിൽപ്പങ്ങൾ കൊത്തി​യു​ണ്ടാ​ക്കി​യി​രി​ക്കു​ന്നു. അവയി​ലൊന്ന്‌, അതിലേ കടന്നു​പോ​കുന്ന എല്ലാവ​രു​ടെ​യും​തന്നെ ശ്രദ്ധ പിടി​ച്ചു​പ​റ്റു​ന്നു. അത്‌ യേശു​വി​ന്റെ ഒരു ക്രൂശിത രൂപമാണ്‌. “സൈന്യ​ങ്ങ​ളു​ടെ യഹോവ പരിശു​ദ്ധൻ, പരിശു​ദ്ധൻ, പരിശു​ദ്ധൻ” എന്നു വായി​ക്കുന്ന മിന്നുന്ന സുവർണ എബ്രായ ലിപികൾ—ചതുരക്ഷര ദൈവ​നാ​മം ഉൾപ്പെടെ—രൂപത്തി​നു ചുറ്റു​മുണ്ട്‌.

ബൈബി​ളിൽ യെശയ്യാ​വു 6:3-ൽ കാണ​പ്പെ​ടുന്ന പ്രസ്‌തുത വാക്യം ഈ പ്രതി​മ​യിൽ വന്നതെ​ങ്ങനെ? അതിന്റെ ചുവട്ടി​ലുള്ള എഴുത്ത്‌, 1696-ൽ ഒരു നാൾ അതിലേ കടന്നു​പോയ ഒരു യഹൂദ​നെ​ക്കു​റി​ച്ചു പറയുന്നു. അയാൾ കുരി​ശി​നെ അധി​ക്ഷേ​പി​ച്ചു സംസാ​രി​ച്ചു​വ​ത്രേ. ഇക്കാര​ണ​ത്താൽ അയാളെ റോയൽ കോർട്ട്‌ ഓഫ്‌ അപ്പീലി​ന്റെ മുമ്പാകെ ഹാജരാ​ക്കി. പിഴയ​ട​യ്‌ക്കാ​നുള്ള വിധി​യു​ണ്ടാ​യി. തത്‌ഫ​ല​മാ​യി അയാൾ, കുരി​ശി​നു ചുറ്റും വെക്കേ​ണ്ട​തിന്‌ മേൽപ്പറഞ്ഞ പരാമർശ​ത്തോ​ടു കൂടിയ, സ്വർണം പൂശിയ ഒരു വിശു​ദ്ധ​വ​ലയം നൽകി.

അടുത്തു​ത​ന്നെ​യാണ്‌ ഓൾഡ്‌-ന്യൂ സിന​ഗോ​ഗും യൂറോ​പ്പി​ലെ ഏറ്റവും പഴക്കം​ചെന്ന യഹൂദ ശ്‌മശാ​ന​വും. ഈ സിന​ഗോ​ഗി​ലെ, പാട്ടു​പു​സ്‌തക പീഠത്തി​ന്റെ വെള്ളി ഫ്രെയി​മി​ന​കത്ത്‌ ചതുരക്ഷര ദൈവ​നാ​മം ഉണ്ട്‌. എന്നാൽ യഹൂദ​രു​ടെ കെട്ടി​ട​ങ്ങ​ളിൽമാ​ത്രമല്ല ചതുരക്ഷര ദൈവ​നാ​മം കാണാ​വു​ന്നത്‌. പ്രാഗിന്‌ തെക്കു​കി​ഴ​ക്കാ​യി, സാസാവ നദിക്ക്‌ അഭിമു​ഖ​മാ​യി നിൽക്കുന്ന ഒരു പാറയു​ടെ മുകളി​ലാണ്‌ മധ്യകാ​ലത്തു പണിക​ഴിച്ച ചെസ്‌ക്കീ ഷ്‌റ്റെർബെർക്ക്‌ കോട്ട നില​കൊ​ള്ളു​ന്നത്‌. കോട്ട​യ്‌ക്ക​ക​ത്തുള്ള ചാപ്പലി​ന്റെ അൾത്താ​ര​യിൽ നാല്‌ സ്വർണ ലിപി​ക​ളുണ്ട്‌—ചതുരക്ഷര ദൈവ​നാ​മം. അക്ഷരങ്ങൾ കമ്പിക​ളിൽ തൂക്കി​യി​ട്ടി​രി​ക്കു​ന്നതു മൂലം അവ വായു​വിൽ തത്തിക്ക​ളി​ക്കു​ന്ന​തു​പോ​ലെ തോന്നും. അവയ്‌ക്കു പിന്നി​ലാ​യി ഒരു പ്രകാശം സ്‌ഫു​രി​ക്കു​ന്നു—പക്ഷേ അതൊരു വിളക്കിൽനി​ന്നു​ള്ളതല്ല! അകത്തു​നി​ന്നു നോക്കി​യാൽ കാണാൻ സാധി​ക്കാത്ത ഒരു പ്രകാ​ശ​ക​വാ​ട​ത്തി​ലൂ​ടെ അരിച്ചി​റ​ങ്ങുന്ന വെളിച്ചം, ധവളനി​റ​ത്തി​ലുള്ള അൾത്താ​ര​യ്‌ക്ക്‌ ഇളംചു​വ​പ്പു​നി​റം നൽകുന്നു. ആ അൾത്താ​ര​യ്‌ക്കു മുകളി​ലാണ്‌ ചതുരക്ഷര ദൈവ​നാ​മം തൂങ്ങി​ക്കി​ട​ക്കു​ന്നത്‌.

മറ്റ്‌ ചെക്ക്‌ കെട്ടി​ട​ങ്ങ​ളി​ലെ ചുവർച്ചി​ത്ര​ങ്ങ​ളി​ലും ചതുരക്ഷര ദൈവ​നാ​മം പ്രത്യ​ക്ഷ​പ്പെ​ടു​ന്നുണ്ട്‌. കഴിഞ്ഞ കാലങ്ങ​ളിൽ ഇവി​ടെ​യുള്ള പലർക്കും ദൈവ​നാ​മം പരിചി​ത​മാ​യി​രു​ന്നു​വെ​ന്ന​തിന്‌ ഇതു കൂടു​ത​ലായ തെളിവു നൽകുന്നു. ഇന്ന്‌, ചെക്ക്‌ റിപ്പബ്ലി​ക്കി​ലും 200-ലേറെ മറ്റു രാജ്യ​ങ്ങ​ളി​ലും ദിവ്യ​നാ​മം അറിയു​ന്ന​തി​ലും മറ്റുള്ള​വരെ അതേക്കു​റി​ച്ചു പഠിപ്പി​ക്കു​ന്ന​തി​ലും യഹോ​വ​യു​ടെ സാക്ഷികൾ ആനന്ദി​ക്കു​ന്നു. (യെശയ്യാ​വു 43:10-12) ഇതിനു​പു​റമേ, ദൈവ​ത്തി​ന്റെ നാമം—അതു​പോ​ലെ​തന്നെ അവന്റെ ഗുണങ്ങൾ, ഉദ്ദേശ്യം, പ്രവർത്ത​നങ്ങൾ എന്നിവ​യും—“ഭൂമി​യിൽ എല്ലാട​വും പ്രസി​ദ്ധമാ”കുന്ന കാല​ത്തെ​ക്കു​റിച്ച്‌ യെശയ്യാ​വു പറയുന്നു.—യെശയ്യാ​വു 12:4, 5.