അന്തരീ​ക്ഷ​സ്ഥി​തി​യെ​ക്കു​റി​ച്ചുള്ള സംസാരം

നി ങ്ങൾ എവിടെ ആയിരു​ന്നാ​ലും, ആരായി​രു​ന്നാ​ലും അന്തരീ​ക്ഷ​സ്ഥി​തി നിങ്ങളു​ടെ ജീവി​തത്തെ ബാധി​ക്കു​ന്നു. ലക്ഷണം കണ്ടിട്ട്‌ നല്ല വെയി​ലാ​യി​രി​ക്കും എന്നു മനസ്സി​ലാ​യാൽ നിങ്ങൾ കട്ടികു​റഞ്ഞ വസ്‌ത്രം ധരിക്കും. തണുപ്പാ​ണെ​ങ്കിൽ കമ്പിളി​യു​ടു​പ്പും മഫ്‌ള​റും എടുത്ത​ണി​യും. മഴയാ​ണെ​ങ്കി​ലോ? കുട എടുത്തു​പി​ടി​ക്കും.

ചില​പ്പോൾ അന്തരീ​ക്ഷ​സ്ഥി​തി നമ്മെ ഉത്സാഹം​കൊ​ള്ളി​ക്കു​ന്നു; മറ്റു ചില​പ്പോ​ഴാ​കട്ടെ അതു നമ്മെ നിരാ​ശ​പ്പെ​ടു​ത്തു​ന്നു. ഇടയ്‌ക്കി​ടെ അത്‌ ചുഴലി​ക്കാ​റ്റി​ന്റെ​യോ പേമാ​രി​യു​ടെ​യോ വരൾച്ച​യു​ടെ​യോ ഹിമവാ​ത​ത്തി​ന്റെ​യോ കാലവർഷ​ത്തി​ന്റെ​യോ രൂപം കൈ​ക്കൊണ്ട്‌ ഒരു കൊല​യാ​ളി​യാ​യി​ത്തീ​രാ​റുണ്ട്‌. അന്തരീ​ക്ഷ​സ്ഥി​തി നമുക്ക്‌ ഇഷ്ടമാ​യാ​ലും ഇല്ലെങ്കി​ലും ശരി, അതിനെ ദ്വേഷി​ച്ചാ​ലും അവഗണി​ച്ചാ​ലും ശരി ജനനം​മു​തൽ മരണം​വരെ നമ്മുടെ ജീവി​തത്തെ ബാധി​ച്ചു​കൊണ്ട്‌ അത്‌ എപ്പോ​ഴു​മുണ്ട്‌.

“എല്ലാവ​രും അന്തരീ​ക്ഷ​സ്ഥി​തി​യെ​ക്കു​റി​ച്ചു സംസാ​രി​ക്കു​ന്നുണ്ട്‌ എങ്കിലും അതു സംബന്ധിച്ച്‌ ഒന്നും ചെയ്യു​ന്നില്ല” എന്ന്‌ ഒരിക്കൽ ഒരാൾ പരിഹാ​സ​ദ്യോ​ത​ക​മാ​യി പറയു​ക​യു​ണ്ടാ​യി. അന്തരീ​ക്ഷ​സ്ഥി​തിക്ക്‌ ഏതെങ്കി​ലും തരത്തിൽ മാറ്റം വരുത്തു​ന്നത്‌ നമ്മുടെ കഴിവിന്‌ അതീത​മാണ്‌ എന്നപോ​ലെ എല്ലായ്‌പോ​ഴും കാണ​പ്പെ​ട്ടി​ട്ടുണ്ട്‌ എന്നതു ശരിതന്നെ. എന്നാൽ മേലാൽ അങ്ങനെ വിശ്വ​സി​ക്കാത്ത ശാസ്‌ത്ര​ജ്ഞ​ന്മാ​രു​ടെ എണ്ണം വർധി​ച്ചു​വ​രി​ക​യാണ്‌. കാർബൺ ഡൈ ഓക്‌​സൈ​ഡും മറ്റു വാതക​ങ്ങ​ളും വായു​മ​ണ്ഡ​ല​ത്തി​ലേക്കു പുറന്ത​ള്ളു​ന്ന​തു​മൂ​ലം ദീർഘ​കാ​ല​മാ​യി നിലവി​ലുള്ള അന്തരീ​ക്ഷ​സ്ഥി​തിക്ക്‌—അതായത്‌, കാലാ​വ​സ്ഥ​യ്‌ക്ക്‌—മാറ്റം വരിക​യാണ്‌.

വിദഗ്‌ധർ പറയു​ന്ന​ത​നു​സ​രിച്ച്‌ വരാൻ പോകുന്ന ഈ മാറ്റം എത്തരത്തി​ലു​ള്ളത്‌ ആയിരി​ക്കും? കാലാ​വസ്ഥാ വ്യതി​യാന പഠന ബഹുരാ​ഷ്‌ട്ര സമിതി​യു​ടേ​താ​യി​രി​ക്കാം (ഐപി​സി​സി) ഏറ്റവും ആധികാ​രി​ക​മായ ഉത്തരം. 80 രാജ്യ​ങ്ങ​ളിൽനി​ന്നുള്ള 2,500-ലധികം കാലാ​വസ്ഥാ വിദഗ്‌ധ​രു​ടെ​യും സാമ്പത്തിക ശാസ്‌ത്ര​ജ്ഞ​ന്മാ​രു​ടെ​യും അപകട-വിശകലന വിദഗ്‌ധ​രു​ടെ​യും അഭി​പ്രാ​യത്തെ ആസ്‌പ​ദ​മാ​ക്കി​യു​ള്ള​താണ്‌ അവരുടെ ഉത്തരം. ഭൂമി​യു​ടെ കാലാവസ്ഥ കൂടുതൽ ചൂടു​ള്ളത്‌ ആയിത്തീ​രു​ക​യാ​ണെന്ന്‌ 1995-ലെ തങ്ങളുടെ റിപ്പോർട്ടിൽ ഐപി​സി​സി നിഗമനം ചെയ്‌തു. ഇപ്പോ​ഴത്തെ അവസ്ഥ തുടരു​ക​യാ​ണെ​ങ്കിൽ അടുത്ത നൂറ്റാ​ണ്ടിൽ താപനി​ല​യിൽ 3.5 ഡിഗ്രി സെൽഷ്യസ്‌ വർധനവ്‌ ഉണ്ടാകാ​നുള്ള സാധ്യ​ത​യുണ്ട്‌.

ഏതാനും ഡിഗ്രി വ്യത്യാ​സ​മൊ​ന്നും ഒരു വ്യത്യാ​സമല്ല എന്നു തോന്നി​യേ​ക്കാ​മെ​ങ്കി​ലും ആഗോള കാലാ​വ​സ്ഥ​യി​ലു​ണ്ടാ​കുന്ന നേരിയ വ്യതി​യാ​നം​പോ​ലും വിപത്‌ക​ര​മാ​യേ​ക്കാം. അടുത്ത നൂറ്റാ​ണ്ടിൽ പിൻവ​രുന്ന കാര്യങ്ങൾ സംഭവി​ക്കു​മെന്ന്‌ പലരും മുൻകൂ​ട്ടി കാണുന്നു.

അന്തരീ​ക്ഷ​സ്ഥി​തി​യിൽ പ്രാ​ദേ​ശി​ക​മാ​യി ഉണ്ടാകുന്ന വലിയ വ്യതി​യാ​നങ്ങൾ. ചില പ്രദേ​ശ​ങ്ങ​ളിൽ വരൾച്ച​യു​ടെ ദൈർഘ്യം കൂടി​യേ​ക്കാം. മറ്റു ചിലയി​ട​ങ്ങ​ളി​ലാ​കട്ടെ, മഴ കൂടുതൽ ശക്തമാ​യേ​ക്കാം. കൊടു​ങ്കാ​റ്റും വെള്ള​പ്പൊ​ക്ക​വും കൂടുതൽ രൂക്ഷമാ​യേ​ക്കാം; ചുഴലി​ക്കാറ്റ്‌ കൂടുതൽ വിനാ​ശ​ക​മാ​യേ​ക്കാം. വെള്ള​പ്പൊ​ക്ക​വും ക്ഷാമവും മൂലം ലക്ഷക്കണ​ക്കി​നാ​ളു​കൾ ഇപ്പോൾത്തന്നെ മരിക്കു​ന്നു​ണ്ടെ​ങ്കി​ലും ആഗോ​ള​ത​പനം മരണനി​രക്ക്‌ വളരെ വർധി​പ്പി​ച്ചേ​ക്കാം.

ആരോ​ഗ്യ​ത്തിന്‌ കൂടുതൽ ഭീഷണി. ചൂടു​മാ​യി ബന്ധപ്പെട്ട രോഗ​ങ്ങ​ളും മരണങ്ങ​ളും വർധി​ച്ചേ​ക്കാം. ലോകാ​രോ​ഗ്യ സംഘടന പറയു​ന്ന​പ്ര​കാ​രം, ആഗോ​ള​ത​പനം നിമിത്തം മലമ്പനി​യും ഡെംഗി​പ്പ​നി​യും പോലുള്ള ഉഷ്‌ണ​മേ​ഖലാ രോഗങ്ങൾ വഹിക്കുന്ന ഷഡ്‌പ​ദ​ങ്ങ​ളു​ടെ വിഹാര മണ്ഡലത്തി​ന്റെ വ്യാപ്‌തി വർധി​ച്ചേ​ക്കാം. അതിനു​പു​റമേ, പ്രാ​ദേ​ശിക വർഷപാ​ത​ത്തി​ലും ഹിമപാ​ത​ത്തി​ലും ഉണ്ടാകുന്ന വ്യതി​യാ​നങ്ങൾ നിമിത്തം ശുദ്ധജല വിതരണം കുറഞ്ഞു​പോ​കു​ന്നത്‌ ചില ഭക്ഷ്യ-ജലജന്യ രോഗ​ങ്ങ​ളു​ടെ​യും പരാദ​ങ്ങ​ളു​ടെ​യും വർധന​വിന്‌ ഇടയാ​ക്കി​യേ​ക്കാം.

പ്രകൃ​തി​യി​ലെ ആവാസങ്ങൾ ഭീഷണി​യു​ടെ നിഴലിൽ. കൂടിയ താപനി​ല​ക​ളും മഴയുടെ അളവി​ലു​ണ്ടാ​കുന്ന മാറ്റങ്ങ​ളും മൂലം നമ്മുടെ വായു​വും വെള്ളവും ശുദ്ധീ​ക​രി​ക്കുന്ന വനങ്ങളും ആർദ്ര​നി​ല​ങ്ങ​ളും അപകട​ത്തി​ലാ​യേ​ക്കാം. കാട്ടുതീ കൂടുതൽ ഉഗ്രമായ രൂപത്തിൽ കൂടെ​ക്കൂ​ടെ ഉണ്ടാ​യേ​ക്കാം,

ഉയരുന്ന സമു​ദ്ര​നി​ര​പ്പു​കൾ. കടൽവെള്ളം തടഞ്ഞു​നിർത്താൻ ചെല​വേ​റിയ പദ്ധതികൾ ഏറ്റെടു​ത്തു നടപ്പി​ലാ​ക്കാ​ത്ത​പക്ഷം താഴ്‌ന്ന തീര​പ്ര​ദേ​ശ​ങ്ങ​ളിൽ ഉള്ളവർക്ക്‌ താമസം മാറ്റേ​ണ്ടി​വ​രും. ചില ദ്വീപു​കൾ പൂർണ​മാ​യി വെള്ളത്തി​ന​ടി​യിൽ ആയി​പ്പോ​കും.

ഈ ഭയത്തിന്‌ അടിസ്ഥാ​ന​മു​ണ്ടോ? ഭൂമി​യു​ടെ കാലാവസ്ഥ കൂടുതൽ ചൂടു​ള്ള​താ​യി​ത്തീ​രു​ക​യാ​ണോ? ആണെങ്കിൽ മനുഷ്യ​രാ​ണോ കുറ്റക്കാർ? ഇത്ര​യേറെ കാരണങ്ങൾ ഉൾപ്പെ​ട്ടി​രി​ക്കു​ന്ന​തു​കൊണ്ട്‌ ഈ ചോദ്യ​ങ്ങൾ സംബന്ധിച്ച്‌ വിദ്‌ഗ​ധ​രു​ടെ ഇടയിൽ ചൂടു​പി​ടിച്ച തർക്കം നടക്കു​ന്ന​തിൽ അതിശ​യി​ക്കാ​നില്ല. അടുത്ത രണ്ടു ലേഖനങ്ങൾ ഉൾപ്പെ​ട്ടി​രി​ക്കുന്ന ചില പ്രശ്‌നങ്ങൾ പരി​ശോ​ധി​ക്കു​ന്നു. കൂടാതെ, നമ്മുടെ ഗ്രഹത്തി​ന്റെ ഭാവി​യെ​ക്കു​റിച്ച്‌ ആകുല​പ്പെ​ടേ​ണ്ട​തു​ണ്ടോ എന്ന ചോദ്യം അതു ചർച്ച ചെയ്യുന്നു.