യഹോ​വ​യു​ടെ സാക്ഷികൾ—നാസി ഭീഷണി​യിൻ മധ്യേ നിർഭ​യ​രാ​യി

ജർമനിയിലെ ഉണരുക! ലേഖകൻ

ദൈവ​വ​ച​ന​മായ ബൈബിൾ അടുത്തു പിൻപ​റ്റു​ന്ന​തിൽ കേൾവി കേട്ടവ​രാണ്‌ യഹോ​വ​യു​ടെ സാക്ഷികൾ. ഇതിനു മിക്ക​പ്പോ​ഴും ധൈര്യം ആവശ്യ​മാണ്‌. തന്നെയു​മല്ല, അത്‌ നിശ്ചയ​മാ​യും അവരുടെ ജീവി​ത​ത്തെ​യും മറ്റുള്ള​വ​രു​മാ​യുള്ള അവരുടെ ബന്ധങ്ങ​ളെ​യും ബാധി​ക്കു​ന്നു.

ഉദാഹ​ര​ണ​ത്തിന്‌, എല്ലാ വംശീയ, സാംസ്‌കാ​രിക പശ്ചാത്ത​ല​ത്തിൽനി​ന്നും ഉള്ളവ​രോട്‌ സാക്ഷി​കൾക്ക്‌ ആഴമായ ആദരവുണ്ട്‌. അവർ ദൈവ​ത്തെ​യും തങ്ങളുടെ അയൽക്കാ​രെ​യും സ്‌നേ​ഹി​ക്കു​ന്നു. (മത്തായി 22:35-40) “ദൈവ​ത്തി​നു മുഖപ​ക്ഷ​മില്ല എന്നും ഏതും ജാതി​യി​ലും അവനെ ഭയപ്പെട്ടു നീതി പ്രവർത്തി​ക്കു​ന്ന​വനെ അവൻ അംഗീ​ക​രി​ക്കു​ന്നു എന്നും ഞാൻ ഇപ്പോൾ യഥാർത്ഥ​മാ​യി ഗ്രഹി​ക്കു​ന്നു” എന്ന അപ്പോ​സ്‌ത​ല​നായ പത്രൊ​സി​ന്റെ പ്രസ്‌താ​വ​ന​യോട്‌ അവർ പൂർണ​മാ​യി യോജി​ക്കു​ന്നു.—പ്രവൃ​ത്തി​കൾ 10:34, 35.

ക്രമസ​മാ​ധാ​ന ക്രമീ​ക​ര​ണ​ങ്ങ​ളോ​ടും ഗവൺമെന്റ്‌ അധികാ​രി​ക​ളോ​ടും ഉള്ള ആദരവി​നും യഹോ​വ​യു​ടെ സാക്ഷികൾ പേരു​കേ​ട്ട​വ​രാണ്‌. അവർ ഒരിക്ക​ലും കലാപ​കാ​രി​ക​ളാ​യി​രു​ന്നി​ട്ടില്ല. ഇനി​യൊട്ട്‌ ആയിരി​ക്കു​ക​യു​മില്ല. “മനുഷ്യ​രെ​ക്കാൾ ദൈവത്തെ അനുസ​രി​ക്കേ​ണ്ട​താ​കു​ന്നു” എന്ന അപ്പോ​സ്‌ത​ല​ന്മാ​രു​ടെ അതേ നിലപാട്‌ സ്വീക​രി​ക്കു​ന്ന​തി​ന്റെ ഫലമായി ചില ദേശങ്ങ​ളിൽ അവർ പീഡി​പ്പി​ക്ക​പ്പെ​ടു​മ്പോൾ പോലും ഇത്‌ സത്യമാണ്‌. (പ്രവൃ​ത്തി​കൾ 5:29; മത്തായി 24:9) അതേസ​മയം, സ്വന്തം മനസ്സാ​ക്ഷിക്ക്‌ അനുസൃ​ത​മാ​യി ആരാധി​ക്കാ​നുള്ള മറ്റുള്ള​വ​രു​ടെ അവകാ​ശത്തെ സാക്ഷികൾ ആദരി​ക്കു​ക​യും ചെയ്യുന്നു.

അഡോൾഫ്‌ ഹിറ്റ്‌ല​റു​ടെ അധീന​ത​യി​ലാ​യി​രുന്ന ജർമനി​യി​ലും മറ്റു ദേശങ്ങ​ളി​ലും യഹോ​വ​യു​ടെ സാക്ഷികൾ സ്വീക​രിച്ച ധീരമായ ക്രിസ്‌തീയ നിലപാട്‌ ചരിത്ര വസ്‌തു​ത​യാണ്‌. 1933-ൽ ജർമനി​യി​ലെ ബെർളി​നിൽ നടന്ന ശ്രദ്ധേ​യ​മായ ഒരു സംഭവം അവരുടെ ധീരത​യെ​യും ദൈവ​ത്തോ​ടും അയൽക്കാ​രോ​ടു​മുള്ള സ്‌നേ​ഹ​ത്തെ​യും ക്രമസ​മാ​ധാന ക്രമീ​ക​ര​ണങ്ങൾ, മതസ്വാ​ത​ന്ത്ര്യം എന്നിവ​യോ​ടുള്ള അവരുടെ ആദരവി​നെ​യും ദൃഷ്ടാ​ന്തീ​ക​രി​ക്കു​ന്നു.

ഹിറ്റ്‌ല​റു​മാ​യി യാതൊ​രു സന്ധിക്കു​മി​ല്ല

വർഗീ​യ​വാ​ദ​വും കൊല്ലും കൊല​യും നടമാ​ടി​യി​രുന്ന, ഹിറ്റ്‌ല​റു​ടെ 12 വർഷത്തെ കിരാത ഭരണം അവസാ​നി​ച്ചിട്ട്‌ 50-ലധികം വർഷമാ​യി. എങ്കിലും ആ നാസി ഭരണം മനുഷ്യ​രാ​ശിക്ക്‌ ഏൽപ്പിച്ച മുറി​വു​കൾ ഇന്നും ഉണങ്ങി​യി​ട്ടില്ല.

ഏതാനും വിഭാ​ഗങ്ങൾ മാത്രമേ നാസി ഭീകര​ത​യ്‌ക്കെ​തി​രെ ശബ്ദമു​യർത്താൻ ധൈര്യ​പ്പെ​ട്ടു​ള്ളൂ എന്ന്‌ ചരിത്രം കാണി​ക്കു​ന്നു. “ഭയത്തിന്റെ പിടി​യി​ല​മർന്ന ഒരു രാഷ്‌ട്ര​ത്തി​ന്റെ മടിത്ത​ട്ടിൽ സ്ഥിതി ചെയ്യുന്ന അക്ഷീണ [ധാർമിക] പ്രതി​രോ​ധ​ശേ​ഷി​യുള്ള ഒരു കൊച്ചു ദ്വീപ്‌” എന്നു വിശേ​ഷി​പ്പി​ക്ക​പ്പെട്ട യഹോ​വ​യു​ടെ സാക്ഷികൾ അവരിൽ ഉൾപ്പെ​ടു​ന്നു. അവരുടെ ധീരമായ നിലപാട്‌ ആദരണീ​യ​രായ ചരി​ത്ര​കാ​ര​ന്മാർ നന്നായി രേഖ​പ്പെ​ടു​ത്തി​യി​ട്ടുണ്ട്‌.

എന്നാൽ ഒരിക്കൽ യഹോ​വ​യു​ടെ സാക്ഷി​ക​ളോ​ടൊ​ത്തു സഹവസി​ച്ചി​രുന്ന ചിലർ ഉൾപ്പെ​ടെ​യുള്ള ഏതാനും വിമർശകർ, സാക്ഷികൾ ആദ്യകാ​ല​ങ്ങ​ളിൽ ഹിറ്റ്‌ലർ ഭരണകൂ​ട​ത്തോട്‌ വിട്ടു​വീ​ഴ്‌ച​യ്‌ക്കു ശ്രമിച്ചു എന്ന്‌ കുറ്റ​പ്പെ​ടു​ത്തു​ന്നു. വാച്ച്‌ ടവർ സൊ​സൈ​റ്റി​യു​ടെ പ്രതി​നി​ധി​കൾ പുതിയ ഗവൺമെ​ന്റി​ന്റെ പ്രീതി പിടിച്ചു പറ്റാൻ വൃഥാ ശ്രമി​ച്ചു​വെ​ന്നും അറുപതു ലക്ഷം യഹൂദ​ന്മാർ വധിക്ക​പ്പെ​ടാൻ ഇടയാ​ക്കിയ, നാസി​ക​ളു​ടെ വർഗീ​യ​വാദ ആശയഗ​തി​യെ ഒരു കാലഘ​ട്ട​ത്തേ​ക്കെ​ങ്കി​ലും സാക്ഷികൾ അംഗീ​ക​രി​ച്ചു​വെ​ന്നും അവർ വാദി​ക്കു​ന്നു.

ഗൗരവാ​വ​ഹ​മാ​യ ഈ ആരോ​പ​ണ​ങ്ങ​ളെ​ല്ലാം തികച്ചും വ്യാജ​മാണ്‌. ലഭ്യമായ രേഖക​ളെ​യും ചരിത്ര പശ്ചാത്ത​ല​ത്തെ​യും ആസ്‌പ​ദ​മാ​ക്കി, ചോദ്യം ചെയ്യ​പ്പെ​ട്ടി​രി​ക്കുന്ന സംഭങ്ങ​ളെ​ക്കു​റി​ച്ചുള്ള സത്യസ​ന്ധ​മായ പരി​ശോ​ധ​ന​യാണ്‌ പിൻവ​രു​ന്നത്‌.

പിന്തി​രി​ഞ്ഞു നോക്കു​മ്പോൾ

യഹോ​വ​യു​ടെ സാക്ഷികൾ ജർമനി​യിൽ പ്രവർത്തി​ക്കാൻ തുടങ്ങി​യിട്ട്‌ ഇപ്പോൾ 100-ലധികം വർഷം കഴിഞ്ഞി​രി​ക്കു​ന്നു. 1933 ആയപ്പോ​ഴേ​ക്കും ജർമനി​യി​ലു​ട​നീ​ളം, യഹോ​വയെ ആരാധി​ക്കു​ക​യും ബൈബിൾ സാഹി​ത്യ​ങ്ങ​ളു​ടെ വിതരണം നടത്തു​ക​യും ചെയ്യുന്ന ഏതാണ്ട്‌ 25,000 സാക്ഷി​ക​ളു​ണ്ടാ​യി​രു​ന്നു.

അക്കാലത്ത്‌ ജർമൻ ഭരണഘടന കുറെ​യൊ​ക്കെ സ്വാത​ന്ത്ര്യം അനുവ​ദി​ച്ചി​രു​ന്നി​ട്ടു​പോ​ലും യഹോ​വ​യു​ടെ സാക്ഷികൾ കൂടെ​ക്കൂ​ടെ അപകീർത്തി​പ്പെ​ടു​ത്തുന്ന പ്രചര​ണ​ങ്ങൾക്ക്‌ പാത്ര​മാ​യി​ട്ടുണ്ട്‌. മുഖ്യ​മാ​യും മത ശത്രു​ക്ക​ളാ​യി​രു​ന്നു ഇതിന്റെ പിന്നിൽ പ്രവർത്തി​ച്ചി​രു​ന്നത്‌. 1921-ൽ, അന്ന്‌ എർണസ്റ്റെ ബിബെൽഫൊർഷെർ (ആത്മാർഥ​ത​യുള്ള ബൈബിൾ വിദ്യാർഥി​കൾ) എന്നു വിളി​ക്ക​പ്പെ​ട്ടി​രുന്ന സാക്ഷികൾ രാഷ്‌ട്രീയ അട്ടിമറി പ്രവർത്ത​ന​ങ്ങ​ളിൽ യഹൂദ​ന്മാ​രു​മാ​യി കൂട്ടു​ചേർന്ന്‌ പ്രവർത്തി​ക്കു​ന്ന​താ​യി ആരോ​പ​ണ​മു​ണ്ടാ​യി. ബൈബിൾ വിദ്യാർഥി​കളെ അപകട​കാ​രി​ക​ളായ ബോൾഷെ​വിക്‌ “യഹൂദ കൃമി” എന്നു മുദ്ര കുത്തി​യി​രു​ന്നെ​ങ്കി​ലും അവർക്കെ​തി​രെ ഉന്നയിച്ച ആരോ​പ​ണ​ങ്ങൾക്ക്‌ യാതൊ​രു തെളി​വും ഒരിക്ക​ലും ഹാജരാ​ക്കാൻ കഴിഞ്ഞി​ട്ടില്ല. കാൾ ബാർത്ത്‌ എന്ന സ്വിറ്റ്‌സർല​ഡു​കാ​ര​നായ ഒരു ദൈവ​ശാ​സ്‌ത്രജ്ഞൻ എഴുതി: “യഹോ​വ​യു​ടെ സാക്ഷി​കൾക്ക്‌ കമ്മ്യൂ​ണി​സ്റ്റു​കാ​രു​മാ​യി ബന്ധമു​ണ്ടെന്ന ആരോ​പണം അറിയാ​തെ​യോ അറിഞ്ഞു​കൊ​ണ്ടോ ഉള്ള ഒരു തെറ്റി​ദ്ധാ​രണ മാത്ര​മാണ്‌.”

സാക്ഷികൾ യഹൂദ​ന്മാ​രോട്‌ കൂട്ടു​ചേർന്ന്‌ വിപ്ലവ പ്രവർത്ത​ന​ങ്ങ​ളിൽ ഗൂഢാ​ലോ​ചന നടത്തു​ന്ന​വ​രാ​ണെന്ന്‌ ജർമനി​യി​ലെ ഒരു സഭാ മാസിക ആരോ​പി​ക്കു​ക​യു​ണ്ടാ​യി. ഇതി​നോ​ടുള്ള പ്രതി​ക​ര​ണ​മാ​യി സുവർണ​യു​ഗം (മുമ്പത്തെ ഉണരുക!) 1930 ഏപ്രിൽ 15 ലക്കത്തിന്റെ ജർമൻ പതിപ്പ്‌ ഇപ്രകാ​രം പറഞ്ഞു: “വ്യാജ​മായ ഈ കുറ്റാ​രോ​പണം ഒരു അപമാ​ന​മാ​യി ഞങ്ങൾ കണക്കാ​ക്കു​ന്നില്ല. എന്തെന്നാൽ ഒരു നാമധേയ ക്രിസ്‌ത്യാ​നി​യു​ടെ അന്തസ്സൊ​ക്കെ ഒരു യഹൂദ​നു​മുണ്ട്‌; എന്നാൽ സഭയുടെ പൈങ്കി​ളി​പ്പ​ത്ര​ത്തി​ലെ വ്യാജ പ്രസ്‌താ​വന ഞങ്ങൾ നിഷേ​ധി​ക്കു​ന്നത്‌ അത്‌ ഞങ്ങളുടെ വേലയെ താഴ്‌ത്തി​ക്കെ​ട്ടാൻ ഉദ്ദേശി​ച്ചു​ള്ള​താ​യ​തു​കൊ​ണ്ടാണ്‌. സുവി​ശേ​ഷ​ത്തി​നു വേണ്ടിയല്ല യഹൂദ​ന്മാർക്കു വേണ്ടി​യാണ്‌ ഞങ്ങൾ എല്ലാം ചെയ്യു​ന്നത്‌ എന്നാണ്‌ അതിലെ ധ്വനി.”

ചരിത്ര പ്രൊ​ഫ​സ​റായ ജോൺ വൈസ്‌ എഴുതി: “സാക്ഷികൾ ജർമൻ വർഗീയ ദേശീ​യ​വാ​ദ​ത്തിൽനിന്ന്‌ വിമു​ക്ത​രാ​യി​രു​ന്നു. നൂറ്റാ​ണ്ടു​ക​ളാ​യി​ട്ടും യഹൂദ​ന്മാ​രെ പരിവർത്തനം ചെയ്യാൻ സാധി​ച്ചി​ട്ടി​ല്ല​ല്ലോ എന്നോർത്ത്‌ അവർ ദുഃഖി​ച്ചി​ട്ടു​മില്ല. രക്ഷാകർതൃ​ഭാ​വ​ത്തോ​ടെ ആയിരു​ന്നെ​ങ്കി​ലും, സാധ്യ​മാ​കുന്ന എല്ലാവ​രെ​യും പരിവർത്തനം ചെയ്‌ത്‌ ക്രിസ്‌തു​വി​ലേക്കു നയി​ക്കേ​ണ്ട​താ​ണെന്ന ആദിമ ക്രിസ്‌തീയ വിശ്വാ​സം അപ്പോ​ഴും അവർ മുറുകെ പിടി​ച്ചി​രു​ന്നു.”

ഹിറ്റ്‌ലർ അധികാ​ര​ത്തിൽ വന്നപ്പോൾ എന്തു സംഭവി​ച്ചു?

1933 ജനുവരി 30-ന്‌ ജർമനി​യു​ടെ പുതിയ ചാൻസ​ല​റാ​യി അഡോൾഫ്‌ ഹിറ്റ്‌ലർ സ്ഥാന​മേറ്റു. ആരംഭ​ത്തിൽ, ഹിറ്റ്‌ല​റി​ന്റെ ഗവൺമെന്റ്‌ അതിന്റെ ഭീകര​വും തീവ്ര​വാ​ദ​പ​ര​വു​മായ സ്വഭാവം മറച്ചു പിടി​ക്കാൻ കഠിന​മാ​യി യത്‌നി​ച്ചു. അതു​കൊണ്ട്‌ 1933 ആരംഭ​ത്തിൽ മറ്റ്‌ ലക്ഷക്കണ​ക്കി​നു ജർമൻകാ​രെ​പോ​ലെ സാക്ഷി​ക​ളും നാഷണൽ സോഷ്യ​ലിസ്റ്റ്‌ പാർട്ടി​യെ അക്കാലത്തെ നിയമാ​നു​സൃത ഭരണകൂ​ട​മാ​യി വീക്ഷിച്ചു. സമാധാന കാംക്ഷി​ക​ളും നിയമാ​നു​സാ​രി​ക​ളു​മായ ഈ ക്രിസ്‌തീയ കൂട്ടം രാഷ്‌ട്ര​ത്തിന്‌ അട്ടിമറി ഭീഷണി ഉയർത്തു​ന്നി​ല്ലെന്ന്‌ നാഷണൽ സോഷ്യ​ലി​സ്‌റ്റ്‌ (നാസി) ഗവൺമെന്റ്‌ തിരി​ച്ച​റി​യു​മെന്ന്‌ സാക്ഷികൾ പ്രതീ​ക്ഷി​ച്ചു. ബൈബിൾ തത്ത്വങ്ങ​ളിൽ വിട്ടു​വീഴ്‌ച ചെയ്യു​മെ​ന്ന​തി​നുള്ള സൂചന​യ​ല്ലാ​യി​രു​ന്നു ഇത്‌. മറ്റു രാജ്യ​ങ്ങ​ളിൽ നടന്നതു​പോ​ലെ​തന്നെ, തങ്ങളുടെ മതത്തിന്റെ യഥാർഥ രാഷ്‌ട്രീ​യേതര സ്വഭാ​വ​ത്തെ​ക്കു​റിച്ച്‌ ഗവൺമെ​ന്റി​നെ അറിയി​ക്കാൻ സാക്ഷികൾ ആഗ്രഹി​ച്ചു.

നാസി​ക​ളു​ടെ മൃഗീയ അടിച്ച​മർത്ത​ലിന്‌ ആദ്യം ഇരയാ​കു​ന്ന​വ​രിൽ യഹോ​വ​യു​ടെ സാക്ഷികൾ ഉൾപ്പെ​ടു​മെന്ന്‌ താമസി​യാ​തെ വെളി​പ്പെട്ടു. ബോൾഷെ​വിക്‌-യഹൂദ ഗൂഢാ​ലോ​ച​ന​യിൽ സാക്ഷികൾ പങ്കുകാ​രാ​ണെന്ന്‌ വീണ്ടും ആരോ​പ​ണ​മു​ണ്ടാ​യി. പീഡന​ങ്ങ​ളു​ടെ പരമ്പര ആരംഭി​ച്ചു.

ഇത്തരം ഒരു കൊച്ചു മതസമു​ദാ​യം പുതിയ ഭരണകൂ​ട​ത്തി​ന്റെ രോഷ​ത്തിന്‌ ഇരയാ​യത്‌ എന്തു​കൊ​ണ്ടാണ്‌? ചരി​ത്ര​കാ​ര​നായ ബ്രയാൻ ഡൻ മൂന്ന്‌ അടിസ്ഥാന കാരണങ്ങൾ തിരി​ച്ച​റി​യി​ക്കു​ന്നു: (1) സാക്ഷി​ക​ളു​ടെ അന്താരാ​ഷ്‌ട്ര പ്രവർത്തന വ്യാപ്‌തി, (2) വംശീ​യ​ത​യോ​ടുള്ള അവരുടെ എതിർപ്പ്‌, (3) രാഷ്‌ട്ര​ത്തോ​ടുള്ള അവരുടെ നിഷ്‌പ​ക്ഷ​മായ നിലപാട്‌. തിരു​വെ​ഴു​ത്തു​പ​ര​മായ അവരുടെ വീക്ഷണ​ങ്ങ​ളു​ടെ അടിസ്ഥാ​ന​ത്തിൽ ജർമൻകാ​രായ സാക്ഷികൾ ഹിറ്റ്‌ല​റിന്‌ സല്യൂട്ട്‌ നൽകാ​നോ നാഷണൽ സോഷ്യ​ലിസ്റ്റ്‌ പാർട്ടി​യെ പിന്തു​ണ​യ്‌ക്കാ​നോ പിന്നീട്‌ നാസി​ക​ളു​ടെ സൈനിക പ്രവർത്ത​ന​ങ്ങ​ളിൽ പങ്കു​ചേ​രാ​നോ വിസമ്മ​തി​ച്ചു.—പുറപ്പാ​ടു 20:4, 5; യെശയ്യാവ്‌ 2:4; യോഹ​ന്നാൻ 17:16.

തത്‌ഫ​ല​മാ​യി സാക്ഷി​കൾക്ക്‌ പൊലീ​സിൽനി​ന്നും എസ്‌എ-യിൽനി​ന്നു​മുള്ള (ഹിറ്റ്‌ല​റി​ന്റെ ഷ്‌റ്റുർമാ​ബ്‌​റ്റൈ​ലുങ്‌ എന്ന മിന്നലാ​ക്രമണ സൈന്യ​ങ്ങൾ, അഥവാ ബ്രൗൺഷർട്ടു​കൾ) ഭീഷണി​ക​ളും ചോദ്യം ചെയ്യലു​ക​ളും ഭവന പരി​ശോ​ധ​ന​ക​ളും മറ്റു പീഡന​ങ്ങ​ളും നേരി​ടേണ്ടി വന്നു. 1933 ഏപ്രിൽ 24-ന്‌ ഉദ്യോ​ഗസ്ഥർ ജർമനി​യി​ലുള്ള മേഗ്‌ഡെ​ബർഗി​ലെ വാച്ച്‌ ടവർ ഓഫീസ്‌ പിടി​ച്ചെ​ടുത്ത്‌ അടച്ചു​പൂ​ട്ടി. സൂക്ഷ്‌മ പരി​ശോ​ധ​ന​യ്‌ക്കു ശേഷവും കുറ്റകൃ​ത്യ​ത്തി​ന്റേ​തായ തെളി​വു​ക​ളൊ​ന്നും ലഭിക്കാ​ഞ്ഞ​തി​നാ​ലും യു.എസ്‌. സ്റ്റേറ്റ്‌ ഡിപ്പാർട്ട്‌മെ​ന്റിൽനി​ന്നുള്ള സമ്മർദ​ത്താ​ലും വസ്‌തു​വ​കകൾ പൊലീസ്‌ തിരിച്ചു നൽകി. എങ്കിലും, 1933 മേയ്‌ മാസ​ത്തോ​ടെ പല ജർമൻ സംസ്ഥാ​ന​ങ്ങ​ളി​ലും സാക്ഷി​ക​ളു​ടെ പ്രവർത്തനം നിരോ​ധി​ക്ക​പ്പെട്ടു.

സാക്ഷികൾ ധീരമായ നടപടി സ്വീക​രി​ക്കു​ന്നു

തന്റെ ഭരണത്തി​ന്റെ ആദ്യ കാലങ്ങ​ളിൽ പൊതു​ജ​ന​ത്തി​ന്റെ മുമ്പാകെ ക്രിസ്‌ത്യാ​നി​ത്വ​ത്തി​ന്റെ മുന്നണി​പ്പോ​രാ​ളി എന്ന പ്രതി​ച്ഛായ ഹിറ്റ്‌ലർ ശ്രദ്ധാ​പൂർവം സൃഷ്ടി​ച്ചെ​ടു​ത്തി​രു​ന്നു. ക്രൈ​സ്‌തവ വിഭാ​ഗ​ങ്ങ​ളോട്‌ “വസ്‌തു​നി​ഷ്‌ഠ​മായ നീതി​യോ​ടെ” പെരു​മാ​റു​മെന്ന്‌ വാഗ്‌ദാ​നം ചെയ്‌തു​കൊണ്ട്‌ മതസ്വാ​ത​ന്ത്ര്യ​ത്തി​നു വേണ്ടി​യുള്ള തന്റെ പ്രതി​ബദ്ധത അദ്ദേഹം പ്രഖ്യാ​പി​ച്ചു. പ്രതി​ച്ഛായ മിനു​ക്കി​യെ​ടു​ക്കാൻ അദ്ദേഹം പള്ളിക​ളിൽ പ്രത്യ​ക്ഷ​പ്പെട്ടു തുടങ്ങി. ജർമനി​യു​മാ​യി പിന്നീട്‌ യുദ്ധം ചെയ്‌ത രാജ്യ​ങ്ങ​ളി​ലെ പല ആളുക​ളും ഹിറ്റ്‌ല​റു​ടെ നേട്ടങ്ങ​ളോട്‌ വിലമ​തിപ്പ്‌ പ്രകടി​പ്പി​ച്ചി​രുന്ന സമയമാ​യി​രു​ന്നു ഇത്‌.

നിലനി​ന്നി​രു​ന്ന സംഘർഷാ​വ​സ്ഥ​യെ​ക്കു​റിച്ച്‌ ഉത്‌ക​ണ്‌ഠ​യു​ണ്ടാ​യി​രുന്ന വാച്ച്‌ ടവർ സൊ​സൈ​റ്റി​യു​ടെ അന്നത്തെ പ്രസി​ഡന്റ്‌ ജോസഫ്‌ എഫ്‌. റഥർഫോർഡും ജർമൻ ബ്രാഞ്ചി​ന്റെ ഓഫീസ്‌ മാനേ​ജ​റാ​യി​രുന്ന പോൾ ബാൽറ്റ്‌സ​റൈ​റ്റും യഹോ​വ​യു​ടെ സാക്ഷികൾ ജർമൻ ജനതയ്‌ക്കും രാഷ്‌ട്ര​ത്തി​നും യാതൊ​രു തരത്തി​ലും ഭീഷണി അല്ലെന്ന്‌ ചാൻസലർ ഹിറ്റ്‌ല​റെ​യും ഗവൺമെൻറ്‌ അധികാ​രി​ക​ളെ​യും പൊതു ജനത്തെ​യും അറിയി​ക്കാ​നാ​യി ഒരു പ്രചരണ പരിപാ​ടി നടത്താൻ തീരു​മാ​നി​ച്ചു. യഹോ​വ​യു​ടെ സാക്ഷി​കൾക്ക്‌ എതി​രെ​യുള്ള ആക്രമ​ണ​ങ്ങ​ളെ​പ്പറ്റി ഹിറ്റ്‌ലർക്ക്‌ അറിവി​ല്ലാ​യി​രു​ന്നെ​ന്നോ മത സംഘട​നകൾ സാക്ഷി​ക​ളെ​പ്പറ്റി തെറ്റായ കാര്യങ്ങൾ അദ്ദേഹത്തെ ധരിപ്പി​ച്ചി​രു​ന്നെ​ന്നോ റഥർഫോർഡ്‌ സ്‌പഷ്ട​മാ​യും വിശ്വ​സി​ച്ചി​രു​ന്നു.

അതു​കൊണ്ട്‌ ജർമൻ പൗരന്മാ​രു​ടെ അഭ്യർഥന അവകാശം പ്രയോ​ജ​ന​പ്പെ​ടു​ത്താൻ മാഗ്‌ഡെ​ബുർഗ്‌ ഓഫീസ്‌ ഒരു കൺ​വെൻ​ഷൻ ക്രമീ​ക​രി​ച്ചു. ചുരു​ങ്ങിയ സമയത്തി​നു​ള്ളിൽ 1933 ജൂൺ 25-ന്‌ ജർമനി​യി​ലു​ട​നീ​ള​മുള്ള യഹോ​വ​യു​ടെ സാക്ഷി​കളെ ബെർളി​നി​ലുള്ള വിൽമർസ്‌ഡോ​ഫർ ടെന്നി​ഷാ​ല്ല​നി​ലേക്ക്‌ ക്ഷണിച്ചു. ഏതാണ്ട്‌ 5,000 പ്രതി​നി​ധി​കളെ പ്രതീ​ക്ഷി​ച്ചി​രു​ന്നു. എന്നാൽ പ്രതി​കൂല സാഹച​ര്യ​ത്തിൻ മധ്യേ​യും 7,000-ത്തിലധി​കം പേർ അതിൽ പങ്കെടു​ത്തു. പ്രതി​നി​ധി​കൾ “വസ്‌തു​താ പ്രഖ്യാ​പനം” എന്ന ശീർഷ​ക​മുള്ള ഒരു പ്രമേയം സ്വീക​രി​ച്ചു. സാക്ഷി​ക​ളു​ടെ പ്രവർത്ത​ന​ത്തി​ന്മേൽ ഏർപ്പെ​ടു​ത്തി​യി​രുന്ന വിലക്കു​കൾക്കെ​തി​രെ ഈ രേഖയിൽ പ്രതി​ഷേധം ഉന്നയി​ച്ചി​രു​ന്നു. അതിൽ അവർ തങ്ങളുടെ നിലപാട്‌ സംബന്ധിച്ച്‌ ഒരു വ്യക്തമായ പ്രസ്‌താ​വന നൽകു​ക​യും ഏതെങ്കി​ലും തരത്തി​ലുള്ള രാഷ്‌ട്രീയ ഘടകങ്ങ​ളു​മാ​യുള്ള അട്ടിമറി ബന്ധങ്ങ​ളെ​ക്കു​റി​ച്ചുള്ള ആരോ​പ​ണങ്ങൾ നിഷേ​ധി​ക്കു​ക​യും ചെയ്‌തു. അത്‌ ഇപ്രകാ​രം പറഞ്ഞു:

“ഞങ്ങൾക്കെ​തി​രാ​യി ഈ ഗവൺമെ​ന്റി​ന്റെ ഭരണാ​ധി​കാ​രി​ക​ളു​ടെ മുമ്പിൽ നടത്തി​യി​രി​ക്കുന്ന ആരോ​പണം അടിസ്ഥാ​ന​ര​ഹി​ത​മാണ്‌ . . . ഇവിടെ അവതരി​പ്പി​ക്കുന്ന വസ്‌തു​താ പ്രസ്‌താ​വന സത്യസ​ന്ധ​മാ​യും പക്ഷപാ​ത​ര​ഹി​ത​മാ​യും പരിഗ​ണി​ക്കാൻ ഞങ്ങൾ ഈ രാഷ്‌ട്ര​ത്തി​ന്റെ ഭരണാ​ധി​കാ​രി​ക​ളോ​ടും ജനങ്ങ​ളോ​ടും ആദരപൂർവം അഭ്യർഥി​ക്കു​ക​യാണ്‌.”

“ഏതെങ്കി​ലും വ്യക്തി​ക​ളോ​ടോ മതോ​പ​ദേ​ഷ്ടാ​ക്ക​ന്മാ​രോ​ടോ ഞങ്ങൾ തർക്കി​ക്കു​ന്നില്ല. എന്നാൽ ദൈവ​ത്തെ​യും യേശു​ക്രി​സ്‌തു​വി​നെ​യും പ്രതി​നി​ധീ​ക​രി​ക്കു​ന്ന​താ​യി അവകാ​ശ​പ്പെ​ടു​ന്ന​വ​രാണ്‌ പൊതു​വേ ഞങ്ങളെ പീഡി​പ്പി​ക്കു​ന്ന​തും ഗവൺമെ​ന്റു​കൾക്കു മുമ്പാകെ ഞങ്ങളെ മോശ​മാ​യി ചിത്രീ​ക​രി​ക്കു​ന്ന​തും എന്ന വസ്‌തു​ത​യി​ലേക്ക്‌ ഞങ്ങൾ ശ്രദ്ധ ക്ഷണി​ക്കേ​ണ്ടി​യി​രി​ക്കു​ന്നു.”

കൺ​വെൻ​ഷൻ ധീരത​യു​ടേ​തോ വിട്ടു​വീ​ഴ്‌ച​യു​ടേ​തോ?

1933-ലെ ബെർളിൻ കൺ​വെൻ​ഷ​നും “വസ്‌തു​ത​ക​ളു​ടെ പ്രഖ്യാ​പ​ന​വും” നാസി ഗവൺമെൻറി​നു പിന്തുണ പ്രഖ്യാ​പി​ക്കാ​നും യഹൂദ​രോ​ടുള്ള വിദ്വേ​ഷം പ്രകടി​പ്പി​ക്കാ​നും പ്രമു​ഖ​രായ സാക്ഷികൾ നടത്തിയ ശ്രമമാ​യി​രു​ന്നു​വെന്ന്‌ ചിലർ ഇപ്പോൾ കുറ്റ​പ്പെ​ടു​ത്തു​ന്നുണ്ട്‌. എന്നാൽ അവരുടെ ആരോ​പ​ണങ്ങൾ സത്യമല്ല. തെറ്റായ വിവര​ങ്ങ​ളി​ലും വളച്ചൊ​ടി​ക്ക​പ്പെട്ട വസ്‌തു​ത​ക​ളി​ലു​മാണ്‌ അവ അടിസ്ഥാ​ന​പ്പെ​ട്ടി​രി​ക്കു​ന്നത്‌.

ഉദാഹ​ര​ണ​ത്തിന്‌ വിൽമർസ്‌ഡോ​ഫർ ടെന്നി​ഷാ​ല്ല​നിൽ സാക്ഷികൾ സ്വസ്‌തി​കാ പതാകകൾ നാട്ടി​യ​താ​യി വിമർശകർ വാദി​ക്കു​ന്നു. 1933-ലെ കൺ​വെൻ​ഷൻ സമയത്ത്‌ എടുത്ത ചിത്രങ്ങൾ ഹാളിൽ സ്വസ്‌തി​കാ പതാകകൾ നാട്ടി​യ​തി​ന്റെ യാതൊ​രു തെളി​വും നൽകു​ന്നില്ല. അകത്ത്‌ യാതൊ​രു പതാക​യും ഇല്ലായി​രു​ന്നു​വെന്ന്‌ ദൃക്‌സാ​ക്ഷി​കൾ തറപ്പിച്ചു പറയുന്നു.

എന്നാൽ കെട്ടി​ട​ത്തി​ന്റെ പുറത്ത്‌ പതാകകൾ ഉണ്ടായി​രു​ന്നി​രി​ക്കാൻ സാധ്യ​ത​യുണ്ട്‌. ജൂൺ 21-ന്‌, അതായത്‌ കൺ​വെൻ​ഷനു മുമ്പത്തെ ബുധനാഴ്‌ച, നാസി പോർ സൈന്യം ആ ഹാൾ ഉപയോ​ഗി​ച്ചി​രു​ന്നു. കൺ​വെൻ​ഷനു തൊട്ടു മുമ്പുള്ള ദിവസം യുവജന സംഘങ്ങ​ളും എസ്‌എസ്‌-കളും (ഷുറ്റ്‌സ്‌ഷ്‌റ്റാ​ഫൽ, ആദ്യം ഹിറ്റ്‌ല​റു​ടെ ബ്ലാക്ക്‌ഷർട്ട്‌ അംഗര​ക്ഷ​ക​രാ​യി​രു​ന്നവർ) എസ്‌എ-കളും മറ്റു പലരും അവിടെ അടുത്താ​യി ഉത്തരാ​യ​നാ​വ​സാ​നം ആഘോ​ഷി​ച്ചി​രു​ന്നു. അതു​കൊണ്ട്‌ ഞായറാ​ഴ്‌ചത്തെ കൺ​വെൻ​ഷന്‌ വന്നെത്തിയ സാക്ഷി​കൾക്ക്‌ കാണാൻ കഴിഞ്ഞത്‌ സ്വസ്‌തി​കാ പതാകകൾ നാട്ടിയ കെട്ടി​ട​മാ​യി​രു​ന്നി​രി​ക്കും.

ഹാളിനു പുറത്തോ ഇടനാ​ഴി​യി​ലോ അകത്തു തന്നെയോ സ്വസ്‌തി​കാ പതാകകൾ ഉണ്ടായി​രു​ന്നെ​ങ്കി​ലും സാക്ഷികൾ ഹാൾ ഉപയോ​ഗി​ക്കു​മാ​യി​രു​ന്നു. ഇന്നു​പോ​ലും യഹോ​വ​യു​ടെ സാക്ഷികൾ യോഗ​ങ്ങൾക്കും കൺ​വെൻ​ഷ​നു​കൾക്കും പൊതു കെട്ടി​ടങ്ങൾ വാടക​യ്‌ക്കെ​ടു​ക്കു​മ്പോൾ അവർ ദേശീയ ചിഹ്നങ്ങൾ നീക്കം ചെയ്യാ​റില്ല. എന്നാൽ സാക്ഷികൾ സ്വയമാ​യി ഏതെങ്കി​ലും പതാകകൾ നാട്ടു​ക​യോ അവയെ വന്ദിക്കു​ക​യോ ചെയ്‌ത​താ​യി യാതൊ​രു തെളി​വു​മില്ല.

സാക്ഷികൾ കൺ​വെൻ​ഷൻ ആരംഭി​ച്ചത്‌ ജർമൻ ദേശീയ ഗാനം ആലപി​ച്ചു​കൊ​ണ്ടാ​ണെന്ന്‌ വിമർശകർ പറയുന്നു. വാസ്‌ത​വ​ത്തിൽ, കൺ​വെൻ​ഷൻ ആരംഭി​ച്ചത്‌ സാക്ഷി​ക​ളു​ടെ മതപാ​ട്ടു​പു​സ്‌ത​ക​ത്തി​ലെ “സീയോ​ന്റെ മഹത്തായ പ്രത്യാശ” എന്ന 64-ാമത്തെ ഗീത​ത്തോ​ടെ​യാണ്‌. ഈ പാട്ടിന്റെ വരികൾക്ക്‌ 1797-ൽ ജോസഫ്‌ ഹെയ്‌ഡ​നാണ്‌ ഈണം നൽകി​യത്‌. 1905 മുത​ലെ​ങ്കി​ലും ബൈബിൾ വിദ്യാർഥി​ക​ളു​ടെ പാട്ടു​പു​സ്‌ത​ക​ത്തിൽ ഗീതം 64 ഉണ്ടായി​രു​ന്നു. 1922-ൽ ജർമൻ ഗവൺമെൻറ്‌, ഹോഫ്‌മാൻ വൊൺ ഫാലർസ്ലേബൻ രചിച്ച ഗാനത്തിന്‌ ഹെയ്‌ഡന്റെ ഈ സംഗീതം നൽകു​ക​യും അത്‌ തങ്ങളുടെ ദേശീയ ഗാനമാ​യി സ്വീക​രി​ക്കു​ക​യും ചെയ്‌തു. എങ്കിലും ജർമനി​യി​ലെ​യും അതു​പോ​ലെ മറ്റു രാജ്യ​ങ്ങ​ളി​ലെ​യും ബൈബിൾ വിദ്യാർഥി​കൾ അപ്പോ​ഴും ഗീതം 64 പാടി​യി​രു​ന്നു.

സീയോ​നെ​ക്കു​റി​ച്ചുള്ള ഒരു ഗീതാ​ലാ​പനം നാസി​കളെ പ്രീതി​പ്പെ​ടു​ത്താൻ വേണ്ടി​യാ​ണെന്ന്‌ ഒരു പ്രകാ​ര​ത്തി​ലും വ്യാഖ്യാ​നി​ക്കാൻ കഴിയു​മാ​യി​രു​ന്നില്ല. ശേമ്യ​വി​രുദ്ധ നാസി​ക​ളു​ടെ സമ്മർദ​ത്തിന്‌ വശംവ​ദ​രാ​യി ചില സഭകൾ “യഹൂദ,” “യഹോവ,” “സീയോൻ” എന്നീ പദങ്ങൾ തങ്ങളുടെ പ്രാർഥനാ ഗീതങ്ങ​ളിൽനി​ന്നും കുർബാ​ന​ക്ര​മ​ങ്ങ​ളിൽനി​ന്നും നീക്കം ചെയ്‌തു. എന്നാൽ യഹോ​വ​യു​ടെ സാക്ഷികൾ അതു ചെയ്‌തില്ല. അതു​കൊണ്ട്‌ കൺ​വെൻ​ഷൻ സംഘാ​ടകർ സീയോ​നെ മഹത്വ​പ്പെ​ടു​ത്തി​ക്കൊ​ണ്ടുള്ള ഒരു ഗീതം ആലപി​ച്ചു​കൊണ്ട്‌ ഗവൺമെൻറി​ന്റെ പ്രീതി പിടി​ച്ചു​പ​റ്റാൻ തീർച്ച​യാ​യും പ്രതീ​ക്ഷി​ച്ചില്ല. ഹെയ്‌ഡൻ രചിച്ച ഈ ഗാനത്തി​നും ജർമനി​യു​ടെ ദേശീയ ഗീതത്തി​നും ഒരേ ഈണമാ​യി​രു​ന്ന​തു​കൊണ്ട്‌ ചില സമ്മേളന പ്രതി​നി​ധി​കൾ “സീയോ​ന്റെ മഹത്തായ പ്രത്യാശ” പാടാൻ വൈമ​ന​സ്യം കാട്ടി​യി​രി​ക്കാം.

ഉദ്ദേശ്യ പ്രഖ്യാ​പ​നം

ഗവൺമെൻറ്‌ മാറി​യ​തു​കൊ​ണ്ടും രാജ്യം പ്രക്ഷു​ബ്ധാ​വ​സ്ഥ​യിൽ ആയിരു​ന്ന​തു​കൊ​ണ്ടും സാക്ഷി​കൾക്ക്‌ തങ്ങളുടെ നിലപാ​ടി​നെ​ക്കു​റിച്ച്‌ സുവ്യ​ക്ത​മായ പ്രസ്‌താ​വന നടത്തേ​ണ്ട​തു​ണ്ടാ​യി​രു​ന്നു. യഹൂദ​ന്മാ​രു​മാ​യുള്ള സാമ്പത്തി​ക​മോ രാഷ്‌ട്രീ​യ​മോ ആയ ഇടപാ​ടു​കൾ സംബന്ധിച്ച ആരോ​പ​ണങ്ങൾ ആ “പ്രഖ്യാ​പന”ത്തിൽ സാക്ഷികൾ ശക്തമായി നിഷേ​ധി​ച്ചു. രേഖയിൽ ഇപ്രകാ​രം പ്രസ്‌താ​വി​ച്ചി​രു​ന്നു:

“ഞങ്ങളുടെ പ്രവർത്ത​ന​ങ്ങൾക്ക്‌ യഹൂദ​ന്മാ​രിൽനിന്ന്‌ ധനസഹാ​യം ലഭിച്ച​താ​യുള്ള ഞങ്ങളുടെ ശത്രു​ക്ക​ളു​ടെ ആരോ​പണം തെറ്റാണ്‌. ഇതിൽ ഒട്ടും സത്യമില്ല. ഈ നിമി​ഷം​വരെ ഞങ്ങളുടെ പ്രവർത്ത​ന​ങ്ങൾക്കാ​യി യഹൂദ​ന്മാർ ഒരു ചില്ലി​ക്കാ​ശു പോലും സംഭാവന ചെയ്‌തി​ട്ടില്ല.”

പണത്തെ​ക്കു​റി​ച്ചു പ്രതി​പാ​ദി​ച്ച​ശേഷം “പ്രഖ്യാ​പനം” അവിഹി​ത​മായ വൻബി​സി​നസ്‌ ഇടപാ​ടു​കളെ കുറ്റം വിധിച്ചു. അത്‌ ഇങ്ങനെ പറഞ്ഞു: “ബ്രിട്ടീഷ്‌ അമേരി​ക്കൻ സാമ്രാ​ജ്യ​ത്തി​ലെ യഹൂദ വ്യവസാ​യി​ക​ളാണ്‌ വിവിധ രാഷ്‌ട്ര​ങ്ങ​ളി​ലെ ആളുകളെ ചൂഷണം ചെയ്യു​ന്ന​തി​നും അടിച്ച​മർത്തു​ന്ന​തി​നു​മാ​യി വൻ ബിസി​ന​സു​കൾ കെട്ടി​പ്പ​ടു​ക്കു​ക​യും നടത്തു​ക​യും ചെയ്‌തി​ട്ടു​ള്ളത്‌.”

ഈ പ്രസ്‌താ​വന യഹൂദരെ ഒന്നടങ്കം വിമർശി​ച്ചു കൊണ്ടു​ള്ളത്‌ ആയിരു​ന്നില്ല. ഇത്‌ തെറ്റി​ദ്ധ​രി​ക്ക​പ്പെ​ടു​ക​യോ ഏതെങ്കി​ലും തരത്തി​ലുള്ള നീരസം ഉളവാ​ക്കു​ക​യോ ചെയ്‌തി​ട്ടു​ണ്ടെ​ങ്കിൽ അതു സങ്കടക​ര​മാണ്‌. അക്കാലത്ത്‌ ജർമൻ സഭകളിൽ പൊതു​വേ പഠിപ്പി​ക്ക​പ്പെ​ട്ടി​രുന്ന യഹൂദ​ന്മാ​രോ​ടുള്ള വിദ്വേ​ഷം യഹോ​വ​യു​ടെ സാക്ഷി​കൾക്കും ഉണ്ടായി​രു​ന്ന​താ​യി ചിലർ പറഞ്ഞി​ട്ടുണ്ട്‌. ഇതു പച്ചക്കള്ള​മാണ്‌. നാസി യുഗത്തിൽ തങ്ങളുടെ സാഹി​ത്യ​ങ്ങ​ളി​ലൂ​ടെ​യും പെരു​മാ​റ്റ​ത്തി​ലൂ​ടെ​യും സാക്ഷികൾ ശേമ്യ​വി​രുദ്ധ വീക്ഷണ​ങ്ങളെ തള്ളിക്ക​ള​യു​ക​യും യഹൂദ​ന്മാ​രോ​ടുള്ള നാസി​ക​ളു​ടെ ദുഷ്‌പെ​രു​മാ​റ്റത്തെ അപലപി​ക്കു​ക​യും ചെയ്‌തു. തടങ്കൽപ്പാ​ള​യ​ങ്ങ​ളിൽ തങ്ങളുടെ അതേ അവസ്ഥയിൽ കഴിഞ്ഞി​രുന്ന യഹൂദ​ന്മാ​രോ​ടുള്ള അവരുടെ ദയ തീർച്ച​യാ​യും ഈ വ്യാജ ആരോ​പ​ണത്തെ ശക്തമായി ഖണ്ഡിക്കു​ന്നു.

“പ്രഖ്യാ​പനം” സാക്ഷി​ക​ളു​ടെ വേലയെ മതപര​മെന്ന്‌ നിർവ​ചി​ച്ചു. അത്‌ ഇങ്ങനെ പറഞ്ഞു: “ഞങ്ങളുടെ സംഘടന യാതൊ​രു അർഥത്തി​ലും രാഷ്‌ട്രീ​യമല്ല. യഹോ​വ​യാം ദൈവ​ത്തി​ന്റെ വചനം ആളുകളെ പഠിപ്പി​ക്കുക മാത്ര​മാണ്‌ ഞങ്ങളുടെ ഉദ്ദേശ്യം.”

“പ്രഖ്യാ​പനം” ഗവൺമെ​ന്റി​നെ അതിന്റെ സ്വന്തം വാഗ്‌ദാ​ന​ങ്ങ​ളെ​ക്കു​റിച്ച്‌ ഓർമി​പ്പി​ക്കു​ക​യും ചെയ്‌തു. സാക്ഷികൾ ചില ഉന്നത ആദർശങ്ങൾ ഉയർത്തി​പ്പി​ടി​ച്ചു. ജർമൻ ഗവൺമെൻറ്‌ ഇതേ ആദർശങ്ങൾ തന്നെ പൊതു​ജ​ന​ങ്ങ​ളു​ടെ മുമ്പാകെ അംഗീ​ക​രി​ക്കു​ക​യു​ണ്ടാ​യി. കുടുംബ മൂല്യ​ങ്ങ​ളും മത സ്വാത​ന്ത്ര്യ​വും ഇവയിൽ ഉൾപ്പെ​ടു​ന്നു.

ഇതു സംബന്ധിച്ച്‌ “പ്രഖ്യാ​പനം” ഇങ്ങനെ കൂട്ടി​ച്ചേർത്തു: “ഞങ്ങളുടെ പുസ്‌ത​ക​ങ്ങ​ളും സാഹി​ത്യ​ങ്ങ​ളും ശ്രദ്ധാ​പൂർവം പരി​ശോ​ധി​ക്കു​ക​യാ​ണെ​ങ്കിൽ ഇപ്പോ​ഴത്തെ ദേശീയ ഗവൺമെൻറ്‌ മുറുകെ പിടി​ക്കു​ക​യും പ്രചരി​പ്പി​ക്കു​ക​യും ചെയ്യുന്ന അതേ ഉന്നത ആദർശ​ങ്ങളെ ഞങ്ങളുടെ പ്രസി​ദ്ധീ​ക​ര​ണങ്ങൾ പിന്താ​ങ്ങു​ക​യും ഊന്നി​പ്പ​റ​യു​ക​യും ചെയ്യു​ന്ന​താ​യി കാണാൻ കഴിയും. അതിനു​പു​റമേ, ഈ ഉന്നത ആദർശങ്ങൾ തക്ക സമയത്ത്‌ നീതി സ്‌നേ​ഹി​ക​ളായ എല്ലാവർക്കും ലഭിക്കു​മെന്ന്‌ യഹോ​വ​യാം ദൈവം ഉറപ്പു വരുത്തു​മെ​ന്നും അവ കാട്ടി​ത്ത​രു​ന്നു.”

അതു​കൊണ്ട്‌ സാക്ഷികൾ ഒരിക്ക​ലും നാസി പാർട്ടി​ക്കു പിന്തുണ പ്രഖ്യാ​പി​ച്ചി​ട്ടില്ല. അതിലു​പരി, മത സ്വാത​ന്ത്ര്യം വിനി​യോ​ഗി​ക്കു​ന്ന​തി​ന്റെ ഭാഗമാ​യി പരസ്യ​മാ​യുള്ള പ്രസം​ഗ​വേല തുടർന്നു കൊണ്ടു​പോ​കാൻ അവർ തീരു​മാ​നി​ച്ചു.—മത്തായി 24:14; 28:19, 20.

യഹോ​വ​യു​ടെ സാക്ഷി​ക​ളു​ടെ വാർഷിക പുസ്‌തകം 1974-ലെ വിവരണം അനുസ​രിച്ച്‌ ജർമൻകാ​രായ ചില സാക്ഷി​കൾക്ക്‌ ആ “പ്രഖ്യാ​പന”ത്തിന്‌ ഉപയോ​ഗിച്ച ഭാഷ ആശയം കൃത്യ​മാ​യി ധ്വനി​പ്പി​ച്ചി​ല്ലെന്ന പരാതി​യു​ണ്ടാ​യി​രു​ന്നു. ബ്രാഞ്ച്‌ ഓഫീ​സി​ന്റെ മാനേ​ജ​റാ​യി​രുന്ന പോൾ ബൽസെ​റെ​യിറ്റ്‌ പ്രഖ്യാ​പ​ന​ത്തി​ലെ ആശയത്തിൽ വെള്ളം ചേർത്ത​താ​യി​രു​ന്നോ? ജർമൻ പാഠവും ഇംഗ്ലീഷ്‌ പാഠവും താരത​മ്യം ചെയ്‌തു നോക്കി​യാൽ അല്ലായി​രു​ന്നെന്നു വ്യക്തമാ​കും. സ്‌പഷ്ട​മാ​യും തെറ്റായ ആ ധാരണ, “പ്രഖ്യാ​പനം” തയ്യാറാ​ക്കു​ന്ന​തിൽ നേരിട്ട്‌ ഉൾപ്പെ​ടാഞ്ഞ ചിലരു​ടെ വസ്‌തു​നി​ഷ്‌ഠ​മ​ല്ലാത്ത അഭി​പ്രാ​യ​ങ്ങ​ളിൽ അധിഷ്‌ഠി​ത​മാ​യി​രു​ന്നു. വെറും രണ്ട്‌ വർഷത്തി​നു ശേഷം ബൽസെ​റെ​യ്‌റ്റ്‌ തന്റെ വിശ്വാ​സം ത്യജിച്ചു എന്ന വസ്‌തു​ത​യും അവരുടെ അനുമാ​ന​ങ്ങളെ സ്വാധീ​നി​ച്ചി​രി​ക്കണം.

ബെർളിൻ കൺ​വെൻ​ഷനു തൊട്ടു മുമ്പത്തെ ദിവസം, അതായത്‌ 1933 ജൂൺ 24 ശനിയാഴ്‌ച ജർമനി​യിൽ യഹോ​വ​യു​ടെ സാക്ഷി​ക​ളു​ടെ പ്രവർത്തനം നിരോ​ധി​ച്ച​താ​യി പ്രഖ്യാ​പി​ച്ചു​വെന്ന്‌ അറിവാ​യി​രി​ക്കു​ന്നു. ഏതാനും ദിവസ​ങ്ങൾക്കു ശേഷമാണ്‌ കൺ​വെൻ​ഷൻ സംഘാ​ട​ക​രും പൊലീ​സും ഈ നിരോ​ധ​ന​ത്തെ​ക്കു​റിച്ച്‌ അറിഞ്ഞത്‌. സംഘർഷാ​വ​സ്ഥ​യ്‌ക്കും നാസി ഉദ്യോ​ഗ​സ്ഥ​രു​ടെ പ്രത്യ​ക്ഷ​മായ ശത്രു​ത​യ്‌ക്കും മധ്യേ കൺ​വെൻ​ഷൻ നടത്ത​പ്പെട്ടു എന്നതു ശ്രദ്ധേ​യ​മാണ്‌. ഈ കൂടി​വ​ര​വിൽ പങ്കെടു​ത്തു​കൊണ്ട്‌ 7,000 സാക്ഷികൾ തങ്ങളുടെ സ്വാത​ന്ത്ര്യ​ത്തെ അപകട​പ്പെ​ടു​ത്തി​യെന്നു പറഞ്ഞാൽ അതിൽ അതിശ​യോ​ക്തി​യില്ല.

കൺ​വെൻ​ഷ​നെ തുടർന്ന്‌ സാക്ഷികൾ “പ്രഖ്യാ​പന”ത്തിന്റെ 2 കോടി 10 ലക്ഷം പ്രതികൾ വിതരണം ചെയ്‌തു. ചില സാക്ഷി​കളെ ഉടനടി അറസ്റ്റ്‌ ചെയ്‌ത്‌ നിർബ​ന്ധിത തൊഴിൽ പാളയ​ങ്ങ​ളി​ലേക്ക്‌ അയച്ചു. അങ്ങനെ നാസി ഗവൺമെൻറ്‌ അതിന്റെ അക്രമാ​സ​ക്ത​മായ അടിച്ച​മർത്തൽ സ്വഭാവം പൂർണ​മാ​യി പ്രകട​മാ​ക്കു​ക​യും താമസി​യാ​തെ ഈ ചെറിയ കൂട്ടം ക്രിസ്‌ത്യാ​നി​ക​ളു​ടെ നേർക്ക്‌ തുറന്ന ആക്രമണം അഴിച്ചു വിടു​ക​യും ചെയ്‌തു.

പ്രൊ​ഫ​സർ ക്രിസ്റ്റീൻ കിങ്‌ ഇപ്രകാ​രം എഴുതി: “മൃഗീയ ശക്തി​കൊണ്ട്‌ സാക്ഷി​കളെ അടിച്ച​മർത്താ​നാ​കി​ല്ലെന്ന്‌ നാസികൾ പഠി​ക്കേ​ണ്ടി​യി​രു​ന്നു.” “പ്രഖ്യാ​പനം” പറഞ്ഞതി​നു ചേർച്ച​യി​ലാ​യി​രു​ന്നു അത്‌: “യഹോ​വ​യാം ദൈവ​ത്തി​ന്റെ ശക്തി അതുല്യ​മാണ്‌. അവനെ ചെറു​ക്കാൻ യാതൊ​രു ശക്തിക്കും കഴിയില്ല.”a

[അടിക്കു​റിപ്പ്‌]

[13-ാം പേജിലെ ചിത്രങ്ങൾ]

1933-ൽ ടാനി​ഷാ​ല്ലെ​നിൽ വെച്ച്‌ യഹോ​വ​യു​ടെ സാക്ഷികൾ പങ്കെടുത്ത കൺ​വെൻ​ഷന്റെ യഥാർഥ ഫോ​ട്ടോ​കൾ