മതം യുവജ​ന​ങ്ങ​ളിൽ എത്ര​ത്തോ​ളം താത്‌പ​ര്യം ഉണർത്തു​ന്നു?

ഫ്രാൻസിലെ ഉണരുക! ലേഖകൻ

സദസ്സിലെ 7,50,000 യുവതീ​യു​വാ​ക്കൾക്ക്‌ അത്‌ അദമ്യ​മായ അനുഭൂ​തി​യു​ടെ ഒരു സായാ​ഹ്ന​മാ​യി​രു​ന്നു. അവർ കൊടി​കൾ വീശി​ക്കാ​ട്ടി, പാട്ടു പാടി, ഹർഷാ​രവം മുഴക്കി. വർണശ​ബ​ള​മായ കരിമ​രു​ന്നു പ്രയോ​ഗങ്ങൾ സന്ദർഭ​ത്തിന്‌ കൊഴു​പ്പേകി. സംഗീ​തജ്ഞർ ജനക്കൂ​ട്ടത്തെ ഹരം കൊള്ളി​ച്ചു. ആകെപ്പാ​ടെ “തകർപ്പൻ ഡിസ്‌കോ ഡാൻസ്‌ നടക്കുന്ന” ഒരു പ്രതീതി. ഒടുവിൽ മുഖസ്‌തു​തി​ക​ളു​ടെ ആരവത്തി​ന്റെ അകമ്പടി​യോ​ടെ അവർ കാത്തി​രുന്ന ആ വ്യക്തി വേദി​യി​ലേക്കു കടന്നു​വന്നു.

ഏതെങ്കി​ലും റോക്ക്‌ സംഘം ലോക​പ​ര്യ​ട​ന​ത്തിന്‌ തുടക്കം കുറി​ക്കു​ക​യാ​ണോ? അല്ല. കത്തോ​ലി​ക്കാ ലോക യുവജന ദിനങ്ങ​ളി​ലെ ഒരു കൂടി​വ​ര​വാ​യി​രു​ന്നു അത്‌. ആ വ്യക്തി​യാ​കട്ടെ, ജോൺ പോൾ രണ്ടാമൻ പാപ്പാ​യും!

ചിലരെ സംബന്ധി​ച്ചി​ട​ത്തോ​ളം ഇത്തരത്തി​ലുള്ള മതപര​മായ ഉത്സവങ്ങ​ളിൽ യുവജ​ന​ങ്ങൾക്കുള്ള താത്‌പ​ര്യം വിചി​ത്ര​മാ​യി തോന്നി​യേ​ക്കാം. എന്നാൽ യുവജ​ന​ങ്ങൾക്കി​ട​യി​ലെ ഒരു മത പുനരു​ജ്ജീ​വ​ന​ത്തെ​ക്കു​റിച്ച്‌ മാധ്യ​മങ്ങൾ ഇപ്പോൾ റിപ്പോർട്ടു ചെയ്യു​ന്നുണ്ട്‌.

ബാഹ്യ​ഭാ​വ​ങ്ങൾ

പുറമേ നോക്കി​യാൽ മതം തഴച്ചു വളരു​ന്ന​താ​യി തോന്നും. യൂറോ​പ്പി​ലെ യുവജ​ന​ങ്ങ​ളിൽ 68 ശതമാനം തങ്ങൾ ഒരു മതത്തിൽ ഉൾപ്പെ​ടു​ന്ന​താ​യി പറയുന്നു. അയർലൻഡി​ലെ യുവജ​ന​ങ്ങ​ളിൽ 90 ശതമാ​ന​വും ഇങ്ങനെ അവകാ​ശ​പ്പെ​ടു​ന്നുണ്ട്‌. മുൻ സോവി​യറ്റ്‌ റിപ്പബ്ലി​ക്കായ അർമേ​നി​യ​യിൽ ഒരു കാലത്ത്‌ പലരും മതത്തെ കഴിഞ്ഞു​പോയ ഒരു യുഗത്തി​ന്റെ അവശി​ഷ്ട​മാ​യി​ട്ടാണ്‌ കണക്കാ​ക്കി​യി​രു​ന്നത്‌. ഒരിക്കൽ ഉപേക്ഷി​ക്ക​പ്പെട്ട നിലയി​ലു​ണ്ടാ​യി​രു​ന്ന​തും എന്നാൽ ഇപ്പോൾ തിങ്ങി​നി​റ​ഞ്ഞി​രി​ക്കു​ന്ന​തു​മായ പള്ളിക​ളെ​പ്പറ്റി അവിടത്തെ ഒരു പുരോ​ഹി​തൻ പറയു​ന്നത്‌ ഇങ്ങനെ​യാണ്‌: “മതം ഇളം തലമു​റയെ ഇത്രമാ​ത്രം ആകർഷി​ക്കു​ന്ന​തിൽ എനിക്ക്‌ അത്ഭുതം തോന്നു​ന്നു.”

ഭക്തി​പ്ര​സ്ഥാ​ന​ങ്ങ​ളി​ലും കരിസ്‌മാ​റ്റിക്ക്‌ സംഘങ്ങ​ളി​ലും യുവജ​നങ്ങൾ ഉൾപ്പെ​ടു​ന്ന​താ​യി ഒട്ടേറെ രാജ്യ​ങ്ങ​ളി​ലെ മാധ്യ​മങ്ങൾ പരക്കെ പരസ്യ​പ്പെ​ടു​ത്തി​യി​ട്ടുണ്ട്‌. ആരംഭ​ത്തിൽ പ്രതി​പാ​ദി​ച്ച​തു​പോ​ലുള്ള മതപര​മായ ഉത്സവങ്ങൾ പരക്കെ അറിയ​പ്പെ​ടു​ന്ന​വ​യാണ്‌. എന്നാൽ നമ്മൾ പുറ​ന്തോ​ടു പൊളി​ച്ചാൽ എന്തായി​രി​ക്കും കാണുക?

അടുത്തു പരി​ശോ​ധി​ക്കൽ

അടുത്തു പരി​ശോ​ധി​ക്കു​ക​യാ​ണെ​ങ്കിൽ, 1967-ൽ ഫ്രഞ്ച്‌ യുവജ​ന​ങ്ങ​ളിൽ 81 ശതമാനം ദൈവ​ത്തിൽ വിശ്വ​സി​ച്ചി​രു​ന്ന​താ​യി വെളി​പ്പെ​ടും. എന്നാൽ 1997-ൽ ഈ ശതമാനം പകുതി​യിൽ കുറവാ​യി​രു​ന്നു. യൂറോ​പ്പി​ലൊ​ട്ടാ​കെ​യുള്ള യുവജ​ന​ങ്ങ​ളിൽ 28 ശതമാനം മാത്രമേ വ്യക്തി​ഗു​ണ​മുള്ള ദൈവ​ത്തിൽ വിശ്വ​സി​ക്കു​ന്നു​ള്ളൂ. യൂറോ​പ്പി​ലെ യുവജ​ന​ങ്ങ​ളിൽ 12 ശതമാനം മാത്രമേ കൂടെ​ക്കൂ​ടെ പ്രാർഥി​ക്കാ​റു​ള്ളൂ എന്നതിൽ അതിശ​യി​ക്കാ​നില്ല. യുവജ​നങ്ങൾ മതത്തെ വീക്ഷി​ക്കുന്ന വിധത്തെ ഇത്‌ എങ്ങനെ​യാണ്‌ പ്രതി​ഫ​ലി​പ്പി​ക്കു​ന്നത്‌?

ഡെന്മാർക്കി​ലെ യുവജ​ന​ങ്ങ​ളിൽ 90 ശതമാനം തങ്ങൾ ദേശീയ സഭയിലെ അംഗങ്ങ​ളാ​ണെന്ന്‌ പറയുന്നു. എന്നാൽ 3 ശതമാനം മാത്രമേ തങ്ങളെ​ത്തന്നെ ആ മതത്തിലെ സജീവ അംഗങ്ങ​ളാ​യി വിശേ​ഷി​പ്പി​ക്കു​ന്നു​ള്ളൂ. ഫ്രാൻസി​ലെ ഒരു കത്തോ​ലി​ക്കാ വർത്തമാ​ന​പ​ത്ര​മായ ലാ ക്രവാ 1997-ൽ നടത്തിയ ഒരു അഭി​പ്രായ വോ​ട്ടെ​ടുപ്പ്‌ അനുസ​രിച്ച്‌ ഫ്രഞ്ച്‌ യുവജ​ന​ങ്ങ​ളിൽ 70 ശതമാ​ന​വും മതം തങ്ങളുടെ ജീവി​ത​ത്തിൽ യഥാർഥ​ത്തിൽ യാതൊ​രു പങ്കും വഹിക്കു​ന്നി​ല്ലെന്ന്‌ സമ്മതിച്ചു. അവരിൽ മുക്കാൽ ഭാഗവും ഒരു മതത്തിന്റെ പഠിപ്പി​ക്ക​ലു​ക​ളെ​ക്കാൾ പ്രാധാ​ന്യം നൽകി​യത്‌ വ്യക്തി​പ​ര​മായ അനുഭ​വ​ങ്ങൾക്കാ​യി​രു​ന്നു. മറ്റ്‌ യൂറോ​പ്യൻ രാജ്യ​ങ്ങ​ളി​ലും അവസ്ഥ ഇതുതന്നെ.

യുവജ​ന​ങ്ങൾ സഭകളിൽനിന്ന്‌ അകന്നു പോകു​ന്നത്‌ എന്തു​കൊ​ണ്ടാണ്‌? അവരിൽ മിക്കവ​രെ​യും സംബന്ധി​ച്ചി​ട​ത്തോ​ളം മുഖ്യ​ധാ​രാ മതങ്ങൾ ആത്മവി​ശ്വാ​സം പകരു​ന്നില്ല. ഉദാഹ​ര​ണ​ത്തിന്‌ ഫ്രാൻസിൽ, യുവജ​ന​ങ്ങ​ളു​ടെ ഭൂരി​ഭാ​ഗ​വും ലോക​ത്തിൽ ഭിന്നത​യു​ണ്ടാ​ക്കുന്ന ഒരു ഘടകമാണ്‌ മതം എന്ന്‌ കരുതു​ന്നു. സ്‌പെ​യി​നി​ലെ ഒരു കത്തോ​ലി​ക്കാ വിശ്വാ​സി​യായ 15 വയസ്സു​കാ​രി ജൂഡി​ത്തി​ന്റേ​തി​നോ​ടു സമാന​മായ വീക്ഷണ​ഗ​തി​യുള്ള യുവജ​ന​ങ്ങളെ കണ്ടെത്താൻ പ്രയാ​സ​മില്ല. അവൾ പറഞ്ഞു: “ധാർമി​ക​ത​യെ​ക്കു​റിച്ച്‌ സഭ പറയുന്ന കാര്യ​ത്തോട്‌ എനിക്കു യോജി​പ്പില്ല.” അതു​പോ​ലെ തായ്‌വാ​നി​ലെ 20 വയസ്സു​കാ​ര​നായ ജോസഫ്‌ മതത്തെ “അങ്ങേയറ്റം പാരമ്പ​ര്യ​ബദ്ധ”മായ ഒരു സംഗതി​യാ​യി കരുതു​ന്നു. മിക്ക യുവജ​ന​ങ്ങ​ളും സ്വന്തം മതത്തിന്റെ പഠിപ്പി​ക്ക​ലു​ക​ളോട്‌ യോജി​ക്കു​ന്നി​ല്ലെ​ങ്കിൽ പിന്നെ അവർ എന്തിലാണ്‌ വിശ്വ​സി​ക്കു​ന്നത്‌?

അഭിരു​ചി​ക്കൊ​ത്തുള്ള മതം തിര​ഞ്ഞെ​ടു​ക്കൽ

ഒരു മെനു നോക്കി ഭക്ഷണസാ​ധ​നങ്ങൾ തിര​ഞ്ഞെ​ടു​ക്കു​ന്നതു പോ​ലെ​യാണ്‌ യുവജ​നങ്ങൾ ഇപ്പോൾ പൊതു​വേ മത വിശ്വാ​സങ്ങൾ തിര​ഞ്ഞെ​ടു​ക്കു​ന്നത്‌. “അഭിരു​ചി​ക്കൊ​ത്തു തിര​ഞ്ഞെ​ടു​ക്കുന്ന” മതം എന്നാണ്‌ ഒരു മാസിക അതിനെ വിളി​ക്കു​ന്നത്‌. ഒരു കത്തോ​ലി​ക്കാ മാസിക അതിനെ “മതപര​മായ വിൻഡോ ഷോപ്പിങ്‌” എന്നു വിശേ​ഷി​പ്പി​ക്കു​ന്നു. പഴഞ്ചനാ​യി​ക്കൊ​ണ്ടി​രി​ക്കുന്ന കാര്യങ്ങൾ ഇപ്പോൾ ആളുകൾക്ക്‌ ഒരു ഹരമായി മാറി​യി​രി​ക്കു​ന്നു. അങ്ങനെ യൂറോ​പ്പിൽ യുവജ​ന​ങ്ങ​ളു​ടെ 33 ശതമാനം ഏലസ്സു​ക​ളിൽ വിശ്വ​സി​ക്കു​ന്നു, ഭാവി കഥനക്കാർക്ക്‌ ഭാവി​യെ​ക്കു​റി​ച്ചു പ്രവചി​ക്കാ​നാ​കു​മെന്ന്‌ 40 ശതമാനം വിശ്വ​സി​ക്കു​ന്നു, നക്ഷത്രങ്ങൾ ആളുക​ളു​ടെ ജീവി​തത്തെ ബാധി​ക്കു​ന്ന​താ​യി 27 ശതമാനം വിശ്വ​സി​ക്കു​ന്നു. പുനര​വ​താ​രം പോലുള്ള ആശയങ്ങൾ ഇപ്പോൾ യൂറോ​പ്പി​ലെ പല യുവജ​ന​ങ്ങ​ളു​ടെ​യും വിശ്വാ​സ​ത്തി​ന്റെ ഭാഗമാണ്‌.

യുവജ​ന​ങ്ങൾക്ക്‌ തങ്ങളുടെ അഭിരു​ചി​ക്കൊത്ത്‌ തിര​ഞ്ഞെ​ടു​ക്കാ​വുന്ന വിധം വിവി​ധ​തരം മതവി​ശ്വാ​സ​ങ്ങ​ളുണ്ട്‌. ഒരു മതത്തിൽ മാത്രമേ സത്യമു​ള്ളൂ എന്നു വിശ്വ​സി​ക്കുന്ന അധികം പേരു​ണ്ടെന്നു തോന്നു​ന്നില്ല. യുവജ​നങ്ങൾ തങ്ങളുടെ ഇഷ്ടപ്ര​കാ​രം മതങ്ങൾ തിര​ഞ്ഞെ​ടു​ക്കു​ന്ന​തു​കൊണ്ട്‌ അവരുടെ മതവി​ശ്വാ​സങ്ങൾ തമ്മിലുള്ള വ്യത്യാ​സം കുറഞ്ഞു വരിക​യാണ്‌. അതു​കൊണ്ട്‌ സാമൂഹ്യ ശാസ്‌ത്ര​ജ്ഞ​ന്മാർ ഇപ്പോൾ മുൻ ആചാര​ങ്ങ​ളു​ടെ “ക്രമാ​നു​ഗ​ത​മായ തുടച്ചു​നീക്ക”ലിനെ​ക്കു​റിച്ച്‌ അല്ലെങ്കിൽ “പൊതു​വായ ദ്രവീ​ക​ര​ണത്തെ” കുറിച്ചു സംസാ​രി​ക്കു​ന്നു. ഈ ആത്മീയ പരിസ്ഥി​തി​യിൽ പരമ്പരാ​ഗ​ത​മായ മതങ്ങൾ എങ്ങനെ​യാണ്‌ പ്രതി​ക​രി​ക്കു​ന്നത്‌?

യുവജ​ന​ങ്ങൾക്കു വേണ്ടി​യുള്ള മതങ്ങളു​ടെ അന്വേ​ഷ​ണം

യുവജ​ന​ങ്ങളെ ആകർഷി​ക്കു​ന്നത്‌ ഒരു വെല്ലു​വി​ളി​യാ​യി മതങ്ങൾ കണ്ടെത്തു​ന്നു. പാരീ​സിൽ നടന്ന കത്തോ​ലി​ക്കാ ലോക യുവജന ദിനോ​ത്സ​വ​ത്തിൽ പങ്കെടുത്ത കൂട്ടത്തെ കണ്ട്‌ ഫ്രഞ്ചു​കാ​ര​നായ ഒരു പുരോ​ഹി​തൻ ചോദി​ച്ചു: “ഇത്രമാ​ത്രം യുവജ​നങ്ങൾ എവി​ടെ​നി​ന്നാണ്‌ ഒഴുകി​യെ​ത്തി​യത്‌? എന്റെ പള്ളിക​ളിൽ യുവാ​ക്ക​ളില്ല. ഞാൻ അവരെ ഒരിക്ക​ലും കണ്ടിട്ടില്ല.” യുവജ​ന​ങ്ങളെ കണ്ടെത്താ​നും അവരുടെ ശ്രദ്ധ പിടിച്ചു നിർത്താ​നും വേണ്ടി കത്തോ​ലി​ക്കാ സഭ അതിന്റെ അവതര​ണ​ത്തി​നും പ്രതി​ച്ഛാ​യ​യ്‌ക്കും മാറ്റം വരു​ത്തേണ്ടി വന്നിരി​ക്കു​ന്നു.

“സഭ അതിന്റെ രീതിക്ക്‌ മാറ്റം വരുത്തു​ന്നു!” ല ഫിഗാ​റൊ എന്ന ഫ്രഞ്ച്‌ പത്രം പ്രസ്‌താ​വി​ച്ചു. പാരീ​സി​ലെ 12-ാം ലോക യുവജന ദിനോ​ത്സ​വ​ത്തിന്‌ കാര്യ​പ​രി​പാ​ടി​ക​ളു​ടെ മേൽനോ​ട്ടം വഹിക്കാൻ റോക്ക്‌ സംഗീ​ത​ക്ക​ച്ചേ​രി​കൾ സംഘടി​പ്പിച്ച്‌ പരിച​യ​മുള്ള ഏജൻസി​കളെ നിയമി​ച്ചു. 100 രാജ്യ​ങ്ങ​ളിൽനി​ന്നുള്ള യുവജ​ന​ങ്ങളെ വിനോ​ദി​പ്പി​ക്കു​ന്ന​തി​നാ​യി 300-ലധികം പ്രദർശ​നങ്ങൾ നടത്തി. വൈദി​ക​ന്മാർക്ക്‌ പ്രത്യേ​കം ഡിസൈൻ ചെയ്‌ത വേഷഭൂ​ഷാ​ദി​കൾ ഉണ്ടായി​രു​ന്നു.

ഇന്നത്തെ യുവജ​ന​ങ്ങളെ മനസ്സി​ലാ​ക്കാൻ ആകാത്ത​തു​കൊ​ണ്ടും അവരു​മാ​യി പൊരു​ത്ത​പ്പെ​ടേ​ണ്ട​തു​ണ്ടെന്ന്‌ മനസ്സി​ലാ​ക്കു​ന്ന​തു​കൊ​ണ്ടും പല മതങ്ങളും എല്ലാ വിശ്വാ​സ​ങ്ങ​ളും സ്വീക​രി​ക്കുന്ന ഒരു അവസ്ഥയി​ലാണ്‌. ഈ നയം, പാരീ​സി​ലെ ലോക യുവജന ദിനോ​ത്സ​വ​ത്തി​ന്റെ സംഘാ​ട​ക​നായ മീഷെൽ ഡ്യീബോ എന്ന വൈദി​കന്റെ പിൻവ​രുന്ന വാക്കു​ക​ളിൽ പ്രകട​മാണ്‌: “മാമ്മോ​ദീ​സാ സ്വീക​രിച്ച ഏവരും ക്രിസ്‌തു​വി​നോ​ടു വിശ്വ​സ്‌ത​രാ​യി​രി​ക്കാൻ തീർച്ച​യാ​യും ഞാൻ ആഗ്രഹി​ക്കു​ന്നു. എന്നാൽ അങ്ങനെ​യ​ല്ലെ​ങ്കി​ലും സഭയിൽ അവർക്ക്‌ സ്ഥാനമുണ്ട്‌.”

ഉത്തരങ്ങൾക്കു വേണ്ടി​യുള്ള യുവജ​ന​ങ്ങ​ളു​ടെ അന്വേ​ഷ​ണം

ഉത്തരങ്ങൾക്കു വേണ്ടി​യുള്ള യുവജ​ന​ങ്ങ​ളു​ടെ അന്വേ​ഷണം തീർച്ച​യാ​യും യഥാർഥ​മാ​ണെന്ന്‌ വിശേ​ഷ​വ​ത്‌ക​രി​ച്ചു​കൊണ്ട്‌, ഒരു വർത്തമാ​ന​പ​ത്രം പാരീ​സി​ലെ മതോ​ത്സ​വ​ത്തിൽ യുവജ​ന​ങ്ങ​ളു​ടെ പങ്കെടു​ക്കൽ “വിശ്വാ​സ​ത്തി​നു വേണ്ടി​യുള്ള ഒരു മുറവി​ളി​യാ​യി​രു​ന്നു അല്ലാതെ വിശ്വാസ പ്രകട​ന​മാ​യി​രു​ന്നില്ല” എന്ന്‌ വിശേ​ഷി​പ്പി​ക്കു​ന്നു. ആ മുറവി​ളിക്ക്‌ കത്തോ​ലി​ക്കാ സഭ ഉത്തരം നൽകി​യോ?

ആ പുറ​ന്തോ​ടു പൊളി​ക്കു​ക​യും വലിയ മതോ​ത്സ​വ​ങ്ങ​ളു​ടെ “ദൃഷ്ടി ഭ്രമം” എന്ന്‌ ഒരു കത്തോ​ലി​ക്കാ വർത്തമാ​ന​പ​ത്രം വിശേ​ഷി​പ്പി​ക്കു​ന്ന​തി​നെ അടുത്തു പരി​ശോ​ധി​ക്കു​ക​യും ചെയ്യു​ന്നെ​ങ്കിൽ എന്തായി​രി​ക്കും കാണുക? അകം “വെറും പൊള്ള”യാണെന്ന്‌ ഫ്രഞ്ച്‌ വർത്തമാ​ന​പ​ത്ര​മായ ലാ മോണ്ട്‌ അഭി​പ്രാ​യ​പ്പെ​ടു​ന്നു.

വിളമ്പുന്ന വിധം പ്രധാ​ന​മാ​ണെ​ങ്കി​ലും ആഹാരം പോഷ​ക​സ​മ്പ​ന്ന​മാ​യി​രി​ക്കണം. ജീവി​ത​ത്തി​ന്റെ അർഥ​ത്തെ​ക്കു​റി​ച്ചുള്ള യുവജ​ന​ങ്ങ​ളു​ടെ ചോദ്യ​ങ്ങൾക്ക്‌ ആത്മീയ​മാ​യി പോഷി​പ്പി​ക്കുന്ന ഉത്തരങ്ങൾ ആവശ്യ​മാണ്‌. ആകർഷ​ക​മെ​ങ്കി​ലും കഴമ്പി​ല്ലാത്ത മറുപ​ടി​കൾ യുവജ​ന​ങ്ങളെ തൃപ്‌തി​പ്പെ​ടു​ത്തു​ന്നില്ല.

കഴമ്പി​ല്ലാ​ത്ത അത്തരം മത ചടങ്ങുകൾ ഇന്ന്‌ യുവജ​ന​ങ്ങ​ളു​ടെ​മേൽ എന്തെങ്കി​ലും നിലനിൽക്കുന്ന പ്രഭാവം ചെലു​ത്തു​ന്നു​ണ്ടോ? ഫ്രഞ്ച്‌ സാമൂഹ്യ ശാസ്‌ത്ര​ജ്ഞ​നായ ഡൻയെൽ എർവ്യീ-ലാഷേ അഭി​പ്രാ​യ​പ്പെട്ടു: “കണ്ണഞ്ചി​പ്പി​ക്കുന്ന ഈ പ്രകട​നങ്ങൾ നിലനിൽക്കുന്ന സാമൂ​ഹിക ഫലങ്ങൾ വളർത്തി​യെ​ടു​ക്കാൻ സാധ്യ​ത​യൊ​ന്നു​മില്ല.” അങ്ങനെ​യെ​ങ്കിൽ യുവജ​ന​ങ്ങൾക്ക്‌ തങ്ങളുടെ ചോദ്യ​ങ്ങൾക്കുള്ള തൃപ്‌തി​ക​ര​മായ ഉത്തരങ്ങൾ എവിടെ കണ്ടെത്താ​നാ​കും?

തൃപ്‌തി​ക​ര​മായ ഉത്തരങ്ങൾ

1997-ൽ ലെ പ്വാൺ എന്ന മാസിക യുവജ​നങ്ങൾ അഭിമു​ഖീ​ക​രി​ക്കുന്ന വിഷമ​ത​ക​ളെ​ക്കു​റിച്ച്‌ ഒരു ലേഖനം പ്രസി​ദ്ധീ​ക​രി​ച്ചി​രു​ന്നു. യുവജ​നങ്ങൾ സാധാ​ര​ണ​മാ​യി ചോദി​ക്കാ​റുള്ള, ജീവി​ത​ത്തി​ന്റെ അർഥം സംബന്ധിച്ച ചോദ്യ​ങ്ങൾക്കു പുറമേ അവർക്ക്‌ കുറ്റകൃ​ത്യ​ത്തെ​യും അക്രമ​ത്തെ​യും കൈകാ​ര്യം ചെയ്യു​ക​യും വേണം. ഇതെല്ലാം മറിക​ട​ക്കാൻ സാധ്യ​മാ​ണോ? മാഗസി​നി​ലെ ലേഖനം ഇപ്രകാ​രം വിവരി​ച്ചു: “മദ്യവും മയക്കു​മ​രു​ന്നും അക്രമ​പ്ര​വർത്ത​ന​ങ്ങ​ളും തന്റെ ആരോ​ഗ്യ​ത്തെ എത്രമാ​ത്രം കാർന്നു തിന്നു​ന്നു​ണ്ടെന്ന്‌ മുപ്പതാം വയസ്സിൽ ഡേവിഡ്‌ ആകുല​പ്പെ​ടാൻ തുടങ്ങി. സ്വഭാ​വ​ശു​ദ്ധി എങ്ങനെ കൈവ​രി​ക്കാ​മെ​ന്നുള്ള അവന്റെ ചോദ്യ​ങ്ങൾക്ക്‌ ഉത്തരവു​മാ​യി യഹോ​വ​യു​ടെ സാക്ഷികൾ അവന്റെ വാതിൽക്കൽ മുട്ടി. അവൻ പഠിച്ചു. അവൻ പരിവർത്തനം വരുത്തി. ചൂതാട്ടം മൂലം വരുത്തി​വെച്ച കടങ്ങ​ളെ​ല്ലാം അവൻ വീട്ടി. പോക്കർ കളിയു​ടെ സമയത്ത്‌ തങ്ങൾ വഞ്ചിക്ക​പ്പെ​ട്ട​താ​യി തിരി​ച്ച​റി​യാഞ്ഞ ആളുകൾക്കു പോലും അവൻ പണം തിരികെ കൊടു​ത്തു. പുകവ​ലി​യും മദ്യപാ​ന​വും വഴക്കു​മൊ​ക്കെ അവൻ പാടേ നിർത്തി.”

യഹോ​വ​യു​ടെ സാക്ഷി​ക​ളു​മൊത്ത്‌ ബൈബിൾ പഠിച്ചി​രുന്ന മറ്റു യുവജ​ന​ങ്ങ​ളെ​ക്കു​റിച്ച്‌ ലേഖനം ഇപ്രകാ​രം തുടർന്നു പറഞ്ഞു: “തങ്ങളുടെ എല്ലാ ചോദ്യ​ങ്ങൾക്കു​മുള്ള ഉത്തരം അവർ കണ്ടെത്തി​യി​രി​ക്കു​ന്നു.” ഒരു യുവസാ​ക്ഷി അതി​നെ​ക്കു​റി​ച്ചു പറയു​ന്നത്‌ ഇങ്ങനെ​യാണ്‌: “ബൈബിൾ കഴിഞ്ഞ രണ്ടായി​രം വർഷമാ​യി സത്യം പറഞ്ഞു​കൊ​ണ്ടി​രി​ക്കു​ന്നു. അതു​കൊണ്ട്‌ മാർഗ​നിർദേ​ശ​ത്തി​നാ​യി ഞാൻ എന്തിന്‌ മറ്റെവി​ടെ​യെ​ങ്കി​ലും പോകണം?”

ദൈവ​വ​ച​ന​ത്തിൽ യുവജ​ന​ങ്ങൾക്കു വേണ്ടി​യുള്ള ഒരു സന്ദേശം അടങ്ങി​യി​രി​ക്കു​ന്നു. അതിലെ പ്രാ​യോ​ഗിക ഉപദേ​ശങ്ങൾ ഇന്നത്തെ പ്രശ്‌ന​ങ്ങളെ നേരി​ടാൻ സഹായി​ക്കു​ന്നു​വെന്നു മാത്രമല്ല, സമാധാ​ന​ത്തി​ന്റെ​യും സാഹോ​ദ​ര്യ​ത്തി​ന്റെ​യും ഒരു ഭാവി​യിൽ വിശ്വ​സി​ക്കാൻ വേണ്ട ഉറച്ച അടിസ്ഥാ​നം നൽകു​ക​യും ചെയ്യുന്നു. നിരന്തരം മാറ്റം വന്നു​കൊ​ണ്ടി​രി​ക്കുന്ന ഒരു ലോക​ത്തിൽ ബൈബിൾ പ്രദാനം ചെയ്യുന്ന പ്രത്യാശ, ‘ആത്മാവിന്‌ ഒരു നങ്കൂരം ആണ്‌; അതു നിശ്ചയ​വും സ്ഥിരവും ആകുന്നു.’ അത്‌ സ്ഥിരത​യും ആശ്വാ​സ​വും നൽകുന്നു. (എബ്രായർ 6:19) യഹോ​വ​യു​ടെ സാക്ഷി​ക​ളു​മൊത്ത്‌ വ്യക്തി​പ​ര​മാ​യി ബൈബിൾ പഠിക്കു​ന്ന​തി​ലൂ​ടെ ലക്ഷക്കണ​ക്കി​നു യുവജ​നങ്ങൾ തങ്ങളുടെ ജീവി​ത​ത്തിന്‌ യഥാർഥ അർഥം കണ്ടെത്തി​യി​രി​ക്കു​ന്നു. ബൈബിൾ കൂടുതൽ ആഴത്തി​ലുള്ള മാറ്റങ്ങൾ വരുത്തു​ന്നത്‌ എങ്ങനെ​യെന്ന്‌ അവർ സ്വയം തിരി​ച്ച​റി​ഞ്ഞി​രി​ക്കു​ന്നു. ബൈബി​ളി​ന്റെ ഉത്തരങ്ങൾ സ്വീക​രി​ക്കു​ക​വഴി യഥാർഥ വിശ്വാ​സ​ത്തി​നു വേണ്ടി​യുള്ള തങ്ങളുടെ അന്വേ​ഷ​ണ​ത്തിന്‌ പ്രതി​ഫലം ലഭിച്ചി​രി​ക്കു​ന്ന​താ​യി യുവജ​നങ്ങൾ കണ്ടെത്തു​ന്നു.

[12-ാം പേജിലെ ചിത്രം]

പാരീസിലെ ആയിര​ക്ക​ണ​ക്കിന്‌ യുവജ​ന​ങ്ങളെ മതോ​ത്സവം ആകർഷി​ക്കു​ന്നു

[13-ാം പേജിലെ ചിത്രം]

പാരീസിലെ ലോക യുവജന ദിനങ്ങൾ—ഒരു യഥാർഥ മത പുനരു​ജ്ജീ​വ​ന​മോ?