നിങ്ങളു​ടെ ആരോ​ഗ്യ​ത്തി​ന്റെ കാവൽഭ​ട​ന്മാർ

“മാഡം, നിങ്ങളു​ടെ രോഗ​പ്ര​തി​രോധ വ്യവസ്ഥ തകരാ​റി​ലാ​ണ​ല്ലോ,” രക്തപരി​ശോ​ധ​ന​യു​ടെ ഫലങ്ങളിൽ കണ്ണോ​ടി​ച്ചു​കൊണ്ട്‌ ഡോക്ടർ പറഞ്ഞു. വേറോ​നി​ക്കാ​യ്‌ക്ക്‌ കുറച്ചു നാളായി നല്ല സുഖമി​ല്ലാ​യി​രു​ന്നു. ആവർത്തി​ച്ചു​ണ്ടായ ശ്വാസ​നാ​ള​വീ​ക്കം (bronchitis) അവരുടെ ആരോ​ഗ്യം ക്ഷയിപ്പി​ച്ചി​രു​ന്നു. മാത്രമല്ല, ആയിടെ അവർക്ക്‌ ചെവി​ക്കു​ള്ളിൽ പഴുപ്പും സൈന​സൈ​റ്റി​സും ഉണ്ടാകു​ക​യും ചെയ്‌തി​രു​ന്നു.

രോഗ​പ്ര​തി​രോധ വ്യവസ്ഥ എന്നാൽ എന്താണ്‌? അത്‌ ഇത്ര​യേറെ പ്രാധാ​ന്യം അർഹി​ക്കു​ന്നത്‌ എന്തു​കൊ​ണ്ടാണ്‌? അതിന്റെ പ്രവർത്തനം എങ്ങനെ​യാണ്‌?

ആക്രമ​ണ​ത്തിൽനിന്ന്‌ സംരക്ഷി​ക്ക​പ്പെ​ടു​ന്നു

തന്മാ​ത്ര​ക​ളും പ്രത്യേക ധർമങ്ങൾ നിർവ​ഹി​ക്കാൻ രൂപകൽപ്പന ചെയ്യ​പ്പെ​ട്ടി​രി​ക്കുന്ന കോശ​ങ്ങ​ളും അടങ്ങിയ ഒരു സങ്കീർണ സംവി​ധാ​ന​മാണ്‌ രോഗ​പ്ര​തി​രോധ വ്യവസ്ഥ. രോഗ​ബാധ ചെറു​ക്കുക എന്ന ലക്ഷ്യത്തിൽ ഇവ അങ്ങേയറ്റം സഹകരി​ച്ചു പ്രവർത്തി​ക്കു​ന്നു. ബാക്ടീ​രി​യ​യും വൈറ​സു​ക​ളും പോലുള്ള ആക്രമ​ണ​കാ​രി​ക​ളിൽ നിന്നുള്ള സംരക്ഷ​ണ​ത്തിന്‌ നാം നമ്മുടെ രോഗ​പ്ര​തി​രോധ വ്യവസ്ഥ​യെ​യാണ്‌ ആശ്രയി​ക്കു​ന്നത്‌.

ഇതു വ്യക്തമാ​കു​ന്ന​തിന്‌, നമുക്ക്‌ നമ്മുടെ ശരീരത്തെ പുരാ​ത​ന​കാ​ലത്തെ ഒരു നഗര​ത്തോട്‌ താരത​മ്യ​പ്പെ​ടു​ത്താൻ കഴിയും. പുരാ​ത​ന​കാ​ലത്ത്‌ നഗരങ്ങൾ കുന്നിൻ മുകളി​ലാ​ണു സ്ഥാപി​ച്ചി​രു​ന്നത്‌. ശത്രു സൈന്യ​ങ്ങളെ ദൂരെ​നി​ന്നു​തന്നെ കാണാൻ ഇതു സഹായി​ച്ചി​രു​ന്നു. കൂടാതെ, മതിൽക്കെ​ട്ടു​ക​ളാ​ലും ഭടന്മാർ കാവൽനിൽക്കുന്ന കൂറ്റൻ വാതി​ലു​ക​ളാ​ലും അവ സംരക്ഷി​ക്ക​പ്പെ​ട്ടി​രു​ന്നു. ഇത്തരം രക്ഷാസം​വി​ധാ​നങ്ങൾ നഗരത്തെ ഒരു സുരക്ഷിത വാസസ്ഥാ​ന​മാ​ക്കി​ത്തീർത്തു. മനുഷ്യ​ശ​രീ​രത്തെ അത്തര​മൊ​രു നഗര​ത്തോ​ടു താരത​മ്യം ചെയ്യു​ന്നെ​ങ്കിൽ, അതിനെ ആക്രമ​ണ​ത്തിൽനി​ന്നു രക്ഷിക്കാൻ എന്താണ്‌ ആവശ്യ​മാ​യി​രി​ക്കു​ന്ന​തെന്ന്‌ മെച്ചമാ​യി മനസ്സി​ലാ​ക്കാൻ കഴിയും.

രോഗാ​ണു​ക്ക​ളു​ടെ ആക്രമ​ണത്തെ ചെറു​ക്കുന്ന നമ്മുടെ ശരീര​ത്തി​ലെ ഒന്നാമത്തെ രക്ഷാസം​വി​ധാ​നം ആയി വർത്തി​ക്കു​ന്നത്‌ ത്വക്കും ശ്ലേഷ്‌മ​സ്‌ത​ര​ങ്ങ​ളും (ഉദാഹ​ര​ണ​ത്തിന്‌, നാസാ​ര​ന്ധ്ര​ങ്ങ​ളു​ടെ ഉൾഭാ​ഗ​ത്തെ​യും തൊണ്ട​യെ​യും ആവരണം ചെയ്യുന്നവ) ആണ്‌. നമ്മുടെ ത്വക്ക്‌ പ്രധാ​ന​പ്പെട്ട ഒരു പ്രതി​രോധ സംവി​ധാ​ന​മാ​യി വർത്തി​ക്കു​ന്നു. ത്വക്കിന്റെ പുറം​പാ​ളി​കൾ പൊളി​ഞ്ഞു​പോ​കുന്ന കൂട്ടത്തിൽ അതിന്റെ ഉപരി​ത​ല​ത്തി​ലുള്ള ശതകോ​ടി​ക്ക​ണ​ക്കിന്‌ രോഗാ​ണു​ക്ക​ളും നിർമാർജനം ചെയ്യ​പ്പെ​ടു​ന്നു.

ശ്ലേഷ്‌മ​സ്‌ത​ര​ങ്ങൾ ത്വക്കി​ന്റെ​യത്ര ഉറപ്പു​ള്ളതല്ല, ത്വക്കിനെ അപേക്ഷിച്ച്‌ അത്‌ ആക്രമ​ണ​ത്തിന്‌ കൂടുതൽ വശംവ​ദ​വു​മാണ്‌. എന്നിരു​ന്നാ​ലും, രോഗാ​ണു​ക്കളെ ചെറു​ക്കാൻ കഴിവുള്ള പല പ്രകൃ​തി​ജന്യ പദാർഥ​ങ്ങ​ളും അവയി​ലുണ്ട്‌. അത്തരത്തി​ലുള്ള ഒരു പദാർഥ​മായ ലൈ​സോ​സൈം കണ്ണുനീർ, ഉമിനീർ, വിയർപ്പ്‌ എന്നിവ​യിൽ അടങ്ങി​യി​ട്ടുണ്ട്‌. പല രോഗാ​ണു​ക്ക​ളും പെരു​കു​ന്നതു തടയാൻ വിയർപ്പി​ന്റെ അമ്ലത മതി​യെ​ന്നി​രി​ക്കെ, ലൈ​സോ​സൈം രോഗാ​ണു​ക്ക​ളു​ടെ കോശ​ഭി​ത്തി തകർത്തു​കൊണ്ട്‌ അവയെ കൊല്ലു​ന്നു. മൃഗങ്ങൾക്ക്‌ അവയുടെ മുറിവ്‌ കേവലം നക്കിത്തു​ടച്ച്‌ ഉണക്കാൻ കഴിയു​ന്നത്‌ ഈ കാരണ​ത്താ​ലാണ്‌.

പ്രധാന കാവൽഭ​ട​ന്മാർ—ശ്വേത​ര​ക്താ​ണു​ക്കൾ

എന്നാൽ, രോഗ​കാ​രി​ക​ളായ ബാക്ടീ​രിയ മുറി​വി​ലൂ​ടെ​യോ സമ്പർക്ക​ത്തി​ലൂ​ടെ​യോ നമ്മുടെ “നഗര”ത്തിനു​ള്ളിൽ കയറി​ക്കൂ​ടു​ന്നു​വെന്നു സങ്കൽപ്പി​ക്കുക. കോശ​ങ്ങ​ളു​ടെ ഒരു സൈന്യം ഉടനടി കർമനി​ര​ത​മാ​കു​ന്നു. ഈ കോശ​ങ്ങൾക്കെ​ല്ലാം ഒരേ​യൊ​രു ലക്ഷ്യമാ​ണു​ള്ളത്‌—അതി​ക്ര​മി​ച്ചു കയറിയ രോഗാ​ണു​വി​നെ തുരത്തുക, അങ്ങനെ രോഗ​സൗ​ഖ്യം സാധ്യ​മാ​ക്കുക. ഇങ്ങനെ രോഗ​ബാ​ധ​യിൽനി​ന്നു ശരീരത്തെ സംരക്ഷി​ക്കാൻ പടവെ​ട്ടുന്ന കോശ​ങ്ങളെ ലൂക്കോ​സൈ​റ്റു​കൾ അഥവാ ശ്വേത​ര​ക്താ​ണു​ക്കൾ എന്നാണു പറയു​ന്നത്‌. പോരാ​ട്ട​ത്തി​ന്റെ ഈ ഘട്ടത്തിൽ പ്രധാ​ന​പ്പെട്ട മൂന്നു തരം ശ്വേത​ര​ക്താ​ണു​ക്ക​ളാണ്‌ പ്രവർത്ത​ന​നി​ര​ത​മാ​കു​ന്നത്‌. മോ​ണോ​സൈ​റ്റു​കൾ, ന്യൂ​ട്രോ​ഫി​ലു​കൾ, ലിം​ഫോ​സൈ​റ്റു​കൾ എന്നിവ​യാ​ണവ.

ഒരു പ്രത്യേക മേഖല​യിൽ, രോഗാ​ണു​ക്ക​ളു​ടെ ആക്രമ​ണ​ഫ​ല​മാ​യി വീക്കം ഉണ്ടായി​ട്ടു​ണ്ടെന്നു സൂചി​പ്പി​ക്കുന്ന രാസസം​ജ്ഞകൾ “കേൾക്കു​മ്പോൾ” മോ​ണോ​സൈ​റ്റു​കൾ രക്തപ്ര​വാ​ഹ​ത്തിൽനിന്ന്‌ അണുബാ​ധി​ത​മായ ശരീര​ക​ല​യി​ലേക്ക്‌ നുഴഞ്ഞു​ക​യ​റു​ന്നു. അവി​ടെ​വെച്ച്‌ അവ “വൻ തീറ്റക്കാർ” എന്നർഥ​മുള്ള ബൃഹദ്‌ഭ​ക്ഷ​ക​ജീ​വാ​ണു​ക്കൾ (macrophages) ആയിത്തീ​രു​ക​യും ശരീര​ത്തിന്‌ അന്യമായ എല്ലാ വസ്‌തു​ക്ക​ളെ​യും വിഴു​ങ്ങി​ക്ക​ള​യു​ക​യും ചെയ്യുന്നു. ഇതിനു പുറമേ, അവ അണുബാ​ധയെ ചെറു​ക്കാൻ ശരീരത്തെ സജ്ജമാ​ക്കുന്ന സുപ്ര​ധാന പദാർഥ​ങ്ങ​ളായ സൈ​റ്റോ​ക്കൈ​നു​കൾ സ്രവി​പ്പി​ക്കു​ന്നു. സൈ​റ്റോ​ക്കൈ​നു​ക​ളു​ടെ ധർമങ്ങ​ളി​ലൊന്ന്‌ പനി ഉളവാ​ക്കുക എന്നതാണ്‌. പനി പ്രയോ​ജ​ന​ക​ര​മായ ഒരു അവസ്ഥയാണ്‌. കാരണം, ശരീര​ത്തി​നു​ള്ളിൽ പ്രവേ​ശി​ച്ചി​രി​ക്കുന്ന അണുക്ക​ളോട്‌ പ്രതി​രോധ സംവി​ധാ​നം പൊരു​തു​ക​യാണ്‌ എന്നതിന്റെ സൂചന​യാ​ണത്‌. അതിന്‌ രോഗ​ശ​മനം ത്വരി​ത​പ്പെ​ടു​ത്താ​നും രോഗ​നിർണയം നടത്താൻ സഹായി​ക്കുന്ന ഒരു ഘടകമാ​യി വർത്തി​ക്കാ​നും കഴിയും.

അടുത്ത​താ​യി, ന്യൂ​ട്രോ​ഫി​ലു​കൾ വീക്കം ബാധിച്ച മേഖല​യിൽനി​ന്നുള്ള രാസസംജ്ഞ “കേൾക്കു​ക​യും” ബൃഹദ്‌ഭ​ക്ഷ​ക​ജീ​വാ​ണു​ക്കളെ സഹായി​ക്കാൻ അവി​ടേക്കു പായു​ക​യും ചെയ്യുന്നു. അവയും ബാക്ടീ​രി​യയെ വിഴു​ങ്ങു​ന്നു. ഈ ന്യൂ​ട്രോ​ഫി​ലു​കൾ മൃതി​യ​ട​യു​മ്പോൾ, പഴുപ്പി​ന്റെ രൂപത്തിൽ ശരീര​ത്തിൽനി​ന്നു പുറന്ത​ള്ള​പ്പെ​ടു​ന്നു. അതു​കൊണ്ട്‌ പഴുപ്പി​ന്റെ രൂപീ​ക​രണം മറ്റൊ​രു​തരം പ്രതി​രോധ സംവി​ധാ​ന​മാണ്‌. ഡോക്ടർമാർ നൂറ്റാ​ണ്ടു​ക​ളാ​യി ഉപയോ​ഗി​ച്ചു വരുന്ന പൂസ്‌ ബോണുസ്‌ എറ്റ്‌ ലൗഡേ​ബി​ലെ എന്ന ലാറ്റിൻ പ്രയോ​ഗ​ത്തി​ന്റെ പ്രസക്തി നമുക്ക്‌ ഇവിടെ മനസ്സി​ലാ​ക്കാൻ സാധി​ക്കും. “നല്ലതും പ്രശം​സാർഹ​വു​മായ പഴുപ്പ്‌” എന്നാണ്‌ അതിന്റെ അർഥം. പഴുപ്പി​ന്റെ രൂപീ​ക​രണം അണുബാ​ധ​യ്‌ക്ക്‌ കടിഞ്ഞാ​ണി​ടാൻ സഹായി​ക്കു​ന്നു. രോഗാ​ണു​ക്കളെ ദഹിപ്പിച്ച ശേഷം നമ്മുടെ സുഹൃ​ത്തു​ക്ക​ളായ ബൃഹദ്‌ഭ​ക്ഷ​ക​ജീ​വാ​ണു​ക്കൾ രോഗാ​ണു​ക്ക​ളു​ടെ ശകലങ്ങൾ ലിം​ഫോ​സൈ​റ്റു​ക​ളു​ടെ മുന്നിൽ “ഹാജരാ​ക്കു​ന്നു” അല്ലെങ്കിൽ പ്രദർശി​പ്പി​ക്കു​ന്നു. ആക്രമ​ണ​കാ​രി​കളെ കുറിച്ച്‌ ലിം​ഫോ​സൈ​റ്റു​കൾക്ക്‌ മുന്നറി​യി​പ്പു കൊടു​ക്കാ​നാ​ണിത്‌.

രോഗാ​ണു​ക്ക​ളെ ചെറു​ക്കാൻ അതിവി​ശി​ഷ്ട​മാ​യി രൂപകൽപ്പന ചെയ്യ​പ്പെ​ട്ടി​രി​ക്കുന്ന ഒരു കൂട്ടം കോശ​ങ്ങ​ളാണ്‌ ലിം​ഫോ​സൈ​റ്റു​കൾ. അവ ആന്റി​ബോ​ഡി​കൾ (പ്രതി​വ​സ്‌തു​ക്കൾ) എന്നു വിളി​ക്ക​പ്പെ​ടുന്ന പദാർഥങ്ങൾ ഉത്‌പാ​ദി​പ്പി​ക്കു​ന്നു. ഓരോ ആന്റി​ബോ​ഡി​യും ഒരു നിർദിഷ്ട രോഗാ​ണു ശകലവു​മാ​യി മാത്രമേ സംയോ​ജി​ക്കു​ക​യു​ള്ളൂ. വ്യത്യസ്‌ത കഴിവു​ക​ളോ​ടു കൂടിയ രണ്ടു പ്രമുഖ ഇനം ലിം​ഫോ​സൈ​റ്റു​ക​ളുണ്ട്‌. ബി കോശ​ങ്ങ​ളാണ്‌ ആദ്യത്തെ ഇനം. ഇവ ആന്റി​ബോ​ഡി​കളെ ഉത്‌പാ​ദി​പ്പിച്ച്‌ രക്തപ്ര​വാ​ഹ​ത്തി​ലേക്കു പുറന്ത​ള്ളു​ന്നു. ബി കോശ​ങ്ങളെ പ്രതി​രോ​ധ​വ്യ​വ​സ്ഥ​യി​ലെ സായുധ സൈന്യ​വി​ഭാ​ഗം എന്നാണു വിളി​ച്ചി​രി​ക്കു​ന്നത്‌. അവ അതീവ കൃത്യ​ത​യോ​ടെ​യാണ്‌ ആന്റി​ബോ​ഡി​ക​ളാ​കുന്ന അസ്‌ത്രങ്ങൾ എയ്‌തു​വി​ടു​ന്നത്‌. ഈ ആന്റി​ബോ​ഡി​കൾ അവയ്‌ക്ക്‌ തിരി​ച്ച​റി​യാൻ കഴിയുന്ന രോഗാ​ണു​വി​നെ “തേടി​പ്പി​ടിച്ച്‌” അതിന്റെ ഒരു മർമസ്ഥാ​നത്ത്‌ ആക്രമണം നടത്തുന്നു. ലിം​ഫോ​സൈ​റ്റു​ക​ളു​ടെ മറ്റേ പ്രമുഖ ഇനമായ റ്റി കോശങ്ങൾ അവയ്‌ക്കു തിരി​ച്ച​റി​യാൻ കഴിയുന്ന ആന്റി​ബോ​ഡി​കളെ അവയുടെ ഉപരി​ത​ല​ത്തിൽ ഉറപ്പിച്ചു നിറു​ത്തു​ന്നു. അവ ഈ ആന്റി​ബോ​ഡി​കളെ ഉപയോ​ഗി​ച്ചു​കൊണ്ട്‌ ശത്രു​വു​മാ​യി പോരാ​ട്ട​ത്തിൽ ഏർപ്പെ​ടു​ന്നു.

പ്രതി​രോ​ധ​വ്യ​വ​സ്ഥ​യു​ടെ പ്രവർത്തനം അതിലു​മേറെ സങ്കീർണ​മാണ്‌. ‘സഹായി റ്റി കോശങ്ങൾ’ എന്നു വിളി​ക്ക​പ്പെ​ടുന്ന, റ്റി കോശ​ങ്ങ​ളു​ടെ ഒരു ഉപവി​ഭാ​ഗം അവയുടെ ചങ്ങാതി​മാ​രായ ബി കോശ​ങ്ങളെ ആന്റി​ബോ​ഡി​കൾ വലിയ അളവിൽ ഉത്‌പാ​ദി​പ്പി​ക്കാൻ സഹായി​ക്കു​ന്നു. ആക്രമ​ണ​ത്തി​നു മുമ്പ്‌ സഹായി റ്റി കോശങ്ങൾ അന്യോ​ന്യം ആശയവി​നി​മയം ചെയ്യുന്നു. അന്യപ​ദാർഥത്തെ സംബന്ധിച്ച വിവരങ്ങൾ രാസസം​ജ്ഞകൾ വഴി കൈമാ​റി​ക്കൊണ്ട്‌ ഈ കോശങ്ങൾ അന്യോ​ന്യം ആവേശ​ഭ​രി​ത​മാ​യി “സംസാ​രി​ക്കുന്ന”തായി സമീപ​കാല ഗവേഷണം കാണി​ച്ചി​രി​ക്കു​ന്നു. ജീവസ്സുറ്റ സംഭാ​ഷണം എന്നാണ്‌ ഇത്‌ വിളി​ക്ക​പ്പെ​ട്ടി​രി​ക്കു​ന്നത്‌.

സ്വാഭാ​വി​ക കൊല​യാ​ളി കോശങ്ങൾ എന്നറി​യ​പ്പെ​ടുന്ന പ്രധാ​ന​പ്പെട്ട മറ്റൊരു കൂട്ടം കോശങ്ങൾ സഹായ​ഹ​സ്‌തം നീട്ടുന്നു. ആന്റി​ബോ​ഡി​ക​ളൊ​ന്നും ഉത്‌പാ​ദി​പ്പി​ക്കു​ന്നി​ല്ലെ​ങ്കി​ലും, അണുബാ​ധി​ത​മാ​യതു നിമിത്തം “അന്യ”മായി​ത്തീർന്നി​രി​ക്കുന്ന കോശ​ങ്ങളെ കൊല്ലാൻ അവ സദാ സജ്ജമാണ്‌. അതു​കൊണ്ട്‌ ശരീര​ത്തി​ന്റെ ആരോ​ഗ്യം സംരക്ഷി​ക്കു​ന്ന​തിൽ സ്വാഭാ​വിക കൊല​യാ​ളി കോശ​ങ്ങൾക്കും ഒരു പങ്കുണ്ട്‌.

അവസാ​ന​മാ​യി, രോഗ​പ്ര​തി​രോധ ഓർമ​ശക്തി (immunologic memory) നിമിത്തം ലിം​ഫോ​സൈ​റ്റു​കൾക്ക്‌ രോഗാ​ണു​വി​ന്റെ സവി​ശേ​ഷ​തകൾ ഓർമി​ച്ചു​വ​യ്‌ക്കാൻ കഴിയു​ന്നു. എപ്പോൾ വേണ​മെ​ങ്കി​ലും എടുത്തു നോക്കാ​നാ​യി രോഗാ​ണു​വി​നെ കുറി​ച്ചുള്ള രേഖ ഒരു ഫയലിൽ സൂക്ഷി​ച്ചി​രി​ക്കു​ന്നതു പോ​ലെ​യാ​ണിത്‌. അതു​കൊണ്ട്‌ ആ ഇനത്തിൽപ്പെട്ട രോഗാ​ണു വീണ്ടും പ്രത്യ​ക്ഷ​പ്പെ​ട്ടാൽ അതിനെ ഉടനടി നശിപ്പി​ക്കാ​നുള്ള നിർദിഷ്ട ആന്റി​ബോ​ഡി​കൾ ഈ ലിം​ഫോ​സൈ​റ്റു​ക​ളു​ടെ പക്കൽ ഉണ്ടായി​രി​ക്കും.

പ്രതി​രോ​ധ​വ്യ​വ​സ്ഥയെ പ്രവർത്ത​ന​ത്തിന്‌ ഉത്തേജി​പ്പി​ക്കുന്ന ബൃഹദ്‌ഭ​ക്ഷ​ക​ജീ​വാ​ണു​ക്കൾ, രോഗാ​ണു​വി​ന്റെ ആക്രമ​ണ​ഫ​ല​മാ​യു​ണ്ടായ വീക്കം കുറയ്‌ക്കു​ന്ന​തിൽ പിന്തുണ നൽകി​കൊണ്ട്‌ ജോലി പൂർത്തി​യാ​ക്കാ​നും സഹായി​ക്കു​ന്നു. അവ, പോരാ​ട്ട​ശേഷം “യുദ്ധക്കള”ത്തിൽ കിടക്കുന്ന മൃത​കോ​ശ​ങ്ങ​ളും കോശ​ശ​ക​ല​ങ്ങ​ളും ഉൾപ്പെ​ടെ​യുള്ള എല്ലാ അവശി​ഷ്ട​ങ്ങ​ളും നീക്കം ചെയ്യു​ക​യും “നഗര”ത്തിൽ ക്രമസ​മാ​ധാ​നം പുനഃ​സ്ഥാ​പി​ക്കു​ക​യും ചെയ്യുന്നു.

പ്രതി​രോ​ധ​വ്യ​വസ്ഥ ദുർബ​ല​മാ​കു​മ്പോൾ

ശരീര​ത്തി​ന്റെ പ്രതി​രോ​ധ​വ്യ​വസ്ഥ ശരിക്കും പ്രവർത്തി​ക്കേ​ണ്ടത്‌ എങ്ങനെ എന്നതിന്റെ ഒരു അടിസ്ഥാന രൂപരേഖ മാത്ര​മാണ്‌ നാം കണ്ടത്‌. എന്നാൽ പല കാരണങ്ങൾ കൊണ്ടും പ്രതി​രോ​ധ​വ്യ​വസ്ഥ ദുർബ​ല​മാ​കാം. പ്രതി​രോ​ധ​വ്യ​വ​സ്ഥ​യ്‌ക്ക്‌ സ്വാഭാ​വി​ക​മാ​യുള്ള തകരാ​റു​ക​ളും (പ്രാഥ​മിക തകരാ​റു​കൾ) രോഗ​ങ്ങ​ളു​ടെ ഫലമായി ആർജി​ച്ചെ​ടുത്ത തകരാ​റു​ക​ളും (ദ്വിതീയ തകരാ​റു​കൾ) ഇതിനി​ട​യാ​ക്കി​യേ​ക്കാം.

ഇത്തരം രോഗ​ങ്ങ​ളിൽ ഏറ്റവും ഭീതി​ദ​മായ ഒന്നാണ്‌ 1980-കളിൽ പൊട്ടി​പ്പു​റ​പ്പെട്ട എയ്‌ഡ്‌സ്‌ എന്ന ലോക​വ്യാ​പക പകർച്ച​വ്യാ​ധി. ‘ഹ്യൂമൻ ഇമ്മ്യൂ​ണോ ഡെഫി​ഷ്യൻസി വൈറസ്‌’ അഥവാ എച്ച്‌ഐവി (മനുഷ്യ​ന്റെ രോഗ​പ്ര​തി​രോധ ശേഷിയെ ക്ഷയിപ്പി​ക്കുന്ന വൈറസ്‌) ആണ്‌ രോഗ​കാ​രി. ലിം​ഫോ​സൈ​റ്റു​ക​ളു​ടെ ഒരു പ്രത്യേക ഗണത്തെ പടിപ​ടി​യാ​യി നശിപ്പി​ച്ചു​കൊണ്ട്‌ അത്‌ പ്രതി​രോധ വ്യവസ്ഥ​യു​ടെ ഹൃദയ​സ്ഥാ​ന​ത്തെ​ത്തന്നെ ആക്രമി​ക്കു​ന്നു. അങ്ങനെ വ്യക്തി​യി​ലെ പ്രതി​രോ​ധ​വ്യ​വ​സ്ഥ​യു​ടെ മർമ​പ്ര​ധാ​ന​മായ ഒരു ഭാഗം തകരാ​റി​ലാ​വു​ന്നു. ഇതിനെ തുടർന്ന്‌, ആവർത്തി​ച്ചുള്ള രോഗ​ബാ​ധ​കൾക്കു രോഗി വിധേ​യ​നാ​കു​ന്നു. അവ ഒരിക്ക​ലും രോഗി​യെ പൂർണ​മാ​യി വിട്ടു​മാ​റു​ന്നില്ല. വാസ്‌ത​വ​ത്തിൽ അവ ഒന്നി​നൊന്ന്‌ വഷളായി തീരു​ക​യും ശരീര​ത്തിന്‌ പ്രതി​രോ​ധ​ശേഷി പാടേ നഷ്ടമാ​കു​ക​യും ചെയ്യുന്നു. ആർക്കും ഏതു സമയത്തും കീഴട​ക്കാ​വുന്ന, മതിൽക്കെ​ട്ടു​ക​ളി​ല്ലാത്ത, തകർന്നു കിടക്കുന്ന ഒരു നഗരം പോ​ലെ​യാ​യി​ത്തീ​രു​ന്നു ശരീരം.

ആശ്വാ​സ​ക​ര​മെ​ന്നു പറയട്ടെ, പ്രതി​രോ​ധ​വ്യ​വ​സ്ഥ​യ്‌ക്ക്‌ ഉണ്ടാകുന്ന എല്ലാ തകരാ​റു​ക​ളും ഇത്ര​ത്തോ​ളം ഗുരു​ത​രമല്ല. തുടക്ക​ത്തിൽ പരാമർശിച്ച വേറോ​നി​ക്കാ​യ്‌ക്ക്‌ ശ്ലേഷ്‌മ സ്‌തര​ങ്ങ​ളിൽ, പ്രത്യേ​കി​ച്ചും ശ്വാസ​നാ​ളി​ക​ളി​ലെ ശ്ലേഷ്‌മ സ്‌തര​ങ്ങ​ളിൽ, സാധാ​ര​ണ​ഗ​തി​യിൽ കണ്ടുവ​രുന്ന ഒരിനം ആന്റി​ബോ​ഡി​യു​ടെ ഉത്‌പാ​ദ​ന​ത്തിൽ ചെറിയ തകരാറ്‌ ഉണ്ടായി​രു​ന്നു. അവർക്ക്‌ കൂടെ​ക്കൂ​ടെ ഉണ്ടാകാ​റു​ണ്ടാ​യി​രുന്ന അസുഖ​ങ്ങ​ളു​ടെ കാരണം അതായി​രു​ന്നു.

വേറോ​നി​ക്കാ​യു​ടെ അവസ്ഥ മെച്ച​പ്പെട്ടു. ഡോക്ട​റു​ടെ വിശദീ​ക​രണം കേട്ട​ശേഷം, അദ്ദേഹം നിർദേ​ശിച്ച ചികി​ത്സാ​വി​ധി​കൾ അപ്പാടെ പിൻപ​റ്റു​മെന്ന്‌ അവർ തീരു​മാ​നി​ച്ചു. സൈന​സൈ​റ്റിസ്‌ ഭേദമാ​യ​പ്പോൾ, ആന്റി​ബോ​ഡി​ക​ളു​ടെ ഉത്‌പാ​ദ​നത്തെ ഉത്തേജി​പ്പി​ക്കുന്ന ഏതാനും കുത്തി​വ​യ്‌പു​കൾ എടുക്കാ​നുള്ള നിർദേശം അവർ പിൻപറ്റി.a കൂടാതെ അവർ പുകവലി നിറു​ത്തു​ക​യും നന്നായി വിശ്ര​മി​ക്കു​ക​യും ചെയ്‌തു. താമസി​യാ​തെ, അവരുടെ ആരോ​ഗ്യം ഒരുപാ​ടു മെച്ച​പ്പെട്ടു.

അതേ, നല്ല ആരോ​ഗ്യ​ത്തോ​ടെ ജീവിതം ആസ്വദി​ക്കത്തക്ക വിധത്തി​ലാണ്‌ നമ്മുടെ ശരീരം രൂപകൽപ്പന ചെയ്യ​പ്പെ​ട്ടി​രി​ക്കു​ന്നത്‌. പ്രതി​രോധ വ്യവസ്ഥ​യു​ടെ വിസ്‌മ​യാ​വ​ഹ​മായ സങ്കീർണ​തയെ കുറി​ച്ചും മനുഷ്യ ശരീര​ത്തി​ലെ സങ്കീർണ​മായ മറ്റു സംവി​ധാ​ന​ങ്ങളെ കുറി​ച്ചും ധ്യാനി​ക്കു​മ്പോൾ നമ്മുടെ സ്രഷ്ടാ​വി​ന്റെ ജ്ഞാനത്തെ പ്രതി അവനെ സ്‌തു​തി​ക്കാ​നും അവനു നന്ദി കരേറ്റാ​നും നാം പ്രേരി​ത​രാ​കു​ന്നു. (സങ്കീർത്തനം 139:14; വെളി​പ്പാ​ടു 15:3) മാനുഷ അപൂർണത നിമിത്തം ഇന്ന്‌ നമുക്ക്‌ എല്ലായ്‌പോ​ഴും നല്ല ആരോ​ഗ്യം ആസ്വദി​ക്കാൻ കഴിയു​ന്നില്ല. എന്നാൽ ഉടൻതന്നെ വരാൻ പോകുന്ന പുതിയ ലോക​ത്തിൽ ‘എനിക്കു ദീനം എന്നു യാതൊ​രു നിവാ​സി​യും പറകയി​ല്ലാ’ത്തവണ്ണം മനുഷ്യ​വർഗം മാനസി​ക​വും ശാരീ​രി​ക​വും ആയ പൂർണ​ത​യി​ലേക്ക്‌ പുനഃ​സ്ഥാ​പി​ക്ക​പ്പെ​ടു​മെന്ന്‌ ദൈവ​ത്തി​ന്റെ നിശ്വസ്‌ത വചനം നമുക്ക്‌ ഉറപ്പു നൽകുന്നു—യെശയ്യാ​വു 33:24. (g01 2/08)

[അടിക്കു​റിപ്പ്‌]

[13-ാം പേജിലെ ചതുരം]

ശരീര​ത്തി​ന്റെ പ്രതി​രോധ സംവി​ധാ​നങ്ങൾ:

• ത്വക്കും ശ്ലേഷ്‌മ​സ്‌ത​ര​ങ്ങ​ളും

• ലൂക്കോസൈറ്റുകൾ അഥവാ ശ്വേത​ര​ക്താ​ണു​ക്കൾ

മോണോസൈറ്റുകൾ അണുബാ​ധി​ത​മായ ശരീര​ക​ല​യി​ലേക്ക്‌ നുഴഞ്ഞു​ക​യറി ആക്രമ​ണ​കാ​രി​ക​ളായ ബാക്ടീ​രി​യയെ വിഴു​ങ്ങു​ന്നു

ന്യൂട്രോഫിലുകൾ ബാക്ടീ​രി​യയെ വിഴു​ങ്ങു​ന്ന​തിൽ സഹായി​ക്കു​ക​യും പഴുപ്പി​ന്റെ രൂപത്തിൽ ശരീര​ത്തിൽനി​ന്നു പുറന്ത​ള്ള​പ്പെ​ടു​ക​യും ചെയ്യുന്നു

ലിംഫോസൈറ്റുകൾ രോഗ​പ്ര​തി​രോധ ഓർമ​ശക്തി ഉള്ളവയാണ്‌; ഒരിക്കൽ പ്രത്യ​ക്ഷ​പ്പെട്ട അതേ ഇനം രോഗാ​ണു വീണ്ടും പ്രത്യ​ക്ഷ​പ്പെ​ടുന്ന പക്ഷം ആന്റി​ബോ​ഡി​കൾ അതിനെ ഉടനടി നശിപ്പി​ക്കും

• ബി കോശങ്ങൾ പുറന്ത​ള്ളുന്ന ആന്റി​ബോ​ഡി​കൾ, ലക്ഷ്യം പിഴയ്‌ക്കാ​തെ കൃത്യ​സ്ഥാ​നത്തു ചെന്നു തറയ്‌ക്കുന്ന അസ്‌ത്രങ്ങൾ പോ​ലെ​യാണ്‌. അവ രോഗാ​ണു​ക്കളെ “തേടി​പ്പി​ടിച്ച്‌” ആക്രമി​ക്കു​ന്നു

• റ്റി കോശങ്ങൾ രോഗാ​ണു​ക്ക​ളു​മാ​യി പോരാ​ട്ട​ത്തിൽ ഏർപ്പെ​ടുന്ന ആന്റി​ബോ​ഡി​കൾ ഉത്‌പാ​ദി​പ്പി​ക്കാൻ സഹായി​ക്കു​ന്നു

—സഹായി റ്റി കോശങ്ങൾ ബി കോശ​ങ്ങളെ ആന്റി​ബോ​ഡി​കൾ വലിയ അളവിൽ ഉത്‌പാ​ദി​പ്പി​ക്കാൻ സഹായി​ക്കു​ന്നു

—സ്വാഭാവിക കൊല​യാ​ളി കോശങ്ങൾ ആന്റി​ബോ​ഡി​കൾ ഉത്‌പാ​ദി​പ്പി​ക്കാ​തെ അണുബാ​ധി​ത​മായ കോശ​ങ്ങളെ നേരിട്ടു കൊല്ലു​ന്നു

[13-ാം പേജിലെ ചിത്രം]

ശ്വേതരക്താണുക്കൾ ബാക്ടീ​രി​യയെ ആക്രമി​ക്കു​ന്നു

[കടപ്പാട്‌]

Lennart Nilsson