യുവജ​നങ്ങൾ ചോദി​ക്കു​ന്നു . . .

കോപി​ഷ്‌ഠ​രോട്‌ ഞാൻ എങ്ങനെ ഇടപെ​ടണം?

“അവൻ കോപം​കൊ​ണ്ടു വിറയ്‌ക്കു​ക​യാ​യി​രു​ന്നു. ഞാൻ കാഴ്‌ച​യ്‌ക്ക്‌ ചെറു​താ​യി​രു​ന്ന​തു​കൊ​ണ്ടാ​യിരി​ക്കണം, അവൻ എന്നെ അടിക്കാൻ ഓങ്ങി. പുറ​കോ​ട്ടു മാറി​ക്കൊണ്ട്‌ ഞാൻ പറഞ്ഞു: ‘ഒരു നിമിഷം, ഒന്നു നിൽക്കൂ! ഒരു നിമിഷം! എന്തിനാണ്‌ എന്നെ അടിക്കു​ന്നത്‌? ഞാനതി​നു നിന്നോട്‌ ഒന്നും ചെയ്‌തി​ല്ല​ല്ലോ. നീ എന്തിനാ​ണു ദേഷ്യ​പ്പെ​ടു​ന്ന​തെന്നു പോലും എനിക്ക്‌ അറിയില്ല. പ്രശ്‌നം എന്താ​ണെ​ങ്കി​ലും നമുക്കു പറഞ്ഞു​തീർക്കാ​വു​ന്ന​ത​ല്ലേ​യു​ള്ളൂ.’” —16 വയസ്സു​കാ​രൻ ഡേവിഡ്‌.

നിങ്ങൾക്ക്‌ എപ്പോ​ഴെ​ങ്കി​ലും ഒരു റൗഡി​യു​ടെ കോപത്തെ നേരി​ടേണ്ടി വന്നിട്ടു​ണ്ടോ? നമ്മുടെ കാലത്ത്‌ ആളുകൾ “ഉഗ്രന്മാ​രും സൽഗു​ണ​ദ്വേ​ഷി​ക​ളും” ആയിരി​ക്കു​മെന്ന്‌ ബൈബിൾ മുൻകൂ​ട്ടി പറഞ്ഞു. (2 തിമൊ​ഥെ​യൊസ്‌ 3:3, 4) ‘കോപ​ശീ​ല​നോ​ടും ക്രോ​ധ​മുള്ള മനുഷ്യ​നോ​ടും​കൂ​ടെ നടക്കാ​തി​രി​ക്കാൻ’ നിങ്ങൾ പരമാ​വധി ശ്രമി​ച്ചി​ട്ടു​ണ്ടാ​യി​രി​ക്കാ​മെ​ങ്കിൽപ്പോ​ലും കോപി​ഷ്‌ഠ​രായ വ്യക്തി​കളെ ഒഴിവാ​ക്കാൻ കഴിയാത്ത ചില സാഹച​ര്യ​ങ്ങൾ ഉണ്ടാ​യേ​ക്കാം. (സദൃശ​വാ​ക്യ​ങ്ങൾ 22:24) അത്തര​മൊ​രു സാഹച​ര്യ​ത്തിൽ അകപ്പെ​ടു​ന്നെ​ങ്കിൽ നിങ്ങൾ എന്തു ചെയ്യണം?

കോപ​ത്തോട്‌ എങ്ങനെ പ്രതി​ക​രി​ക്കും?

ഇന്നു പല യുവജ​ന​ങ്ങ​ളും തിരിച്ച്‌ കോപം പ്രകടി​പ്പി​ച്ചു​കൊ​ണ്ടു പ്രതി​ക​രി​ച്ചേ​ക്കാം. എന്നാൽ അങ്ങനെ ചെയ്യു​ന്നത്‌ കൂടുതൽ വേദന വരുത്തി​വെ​ക്കു​കയേ ഉള്ളൂ. കൂടാതെ, നിയ​ന്ത്രണം വിട്ട്‌ പെരു​മാ​റു​ന്നെ​ങ്കിൽ നിങ്ങളും, കോപി​ക്കുന്ന വ്യക്തി​യു​ടെ അതേ നിലയി​ലേക്കു താഴു​ക​യാ​യി​രി​ക്കും. സദൃശ​വാ​ക്യ​ങ്ങൾ 26:4 പറയുന്നു: “നീയും മൂഢ​നെ​പ്പോ​ലെ ആകാതി​രി​ക്കേ​ണ്ട​തി​ന്നു അവന്റെ ഭോഷ​ത്വം​പോ​ലെ അവനോ​ടു ഉത്തരം പറയരു​തു.” ഈ വാക്കുകൾ എത്ര സത്യമാ​ണെന്ന്‌ കയ്‌പേ​റിയ അനുഭ​വ​ത്തി​ലൂ​ടെ യുവാ​വായ ജെറമി മനസ്സി​ലാ​ക്കി. ഒരിക്കൽ സ്‌കൂ​ളി​ലെ ഉച്ചഭക്ഷണ സമയത്ത്‌ നടന്ന ഒരു സംഭവം അവൻ ഓർക്കു​ന്നു: “ഞങ്ങളുടെ സ്‌കൂ​ളി​ലെ ഒരു കൂട്ടം കുട്ടികൾ എപ്പോ​ഴും പരസ്‌പ​ര​വും മറ്റുള്ള​വ​രെ​യും കളിയാ​ക്കി​യി​രു​ന്നു. അവർ പലപ്പോ​ഴും എന്നെ കുറി​ച്ചും സംസാ​രി​ച്ചി​രു​ന്നു. സാധാ​ര​ണ​ഗ​തി​യിൽ ഞാനത്‌ അത്ര കാര്യ​മാ​ക്കി​യി​രു​ന്നില്ല. എന്നാൽ അവരിൽ ഒരാൾ എന്റെ അമ്മയെ കുറിച്ചു പറയാൻ തുടങ്ങി​യ​പ്പോൾ എനിക്കു സഹിച്ചില്ല. ഞാൻ ചാടി​യെ​ണീറ്റ്‌ കോപ​ത്തോ​ടെ അവന്റെ നേരെ പാഞ്ഞു​ചെന്നു.” ഫലമോ? “അവൻ എന്നെ അടിച്ച്‌ ഒരു പരുവ​മാ​ക്കി” എന്ന്‌ ജെറമി പറയുന്നു.

ബൈബിൾ ജ്ഞാനപൂർവ​മായ ഈ ബുദ്ധി​യു​പ​ദേശം നൽകുന്നു: “മൃദു​വായ ഉത്തരം ക്രോ​ധത്തെ ശമിപ്പി​ക്കു​ന്നു; കഠിന​വാ​ക്കോ കോപത്തെ ജ്വലി​പ്പി​ക്കു​ന്നു.” (സദൃശ​വാ​ക്യ​ങ്ങൾ 15:1) അതേ, കോപി​ച്ചി​രി​ക്കുന്ന ഒരു വ്യക്തി​യോട്‌ ‘കഠിന​വാ​ക്കു​കൾ’ പറയു​ന്നത്‌ സാഹച​ര്യ​ത്തെ കൂടുതൽ വഷളാ​ക്കു​കയേ ഉള്ളൂ. അതേസ​മയം, മൃദു​വായ ഒരു ഉത്തരത്തിന്‌ പലപ്പോ​ഴും ചൂടു​പി​ടിച്ച ഒരു സാഹച​ര്യ​ത്തെ തണുപ്പി​ക്കാ​നും കാര്യ​ങ്ങളെ ശാന്തമാ​ക്കാ​നും കഴിയും.

തുടക്ക​ത്തിൽ പരാമർശിച്ച ഡേവി​ഡി​നെ ഓർക്കുക. കോപം തോന്നാ​നുള്ള കാരണം എന്താ​ണെന്ന്‌ തന്നെ ആക്രമി​ക്കാൻ വന്ന വ്യക്തി​യെ​ക്കൊ​ണ്ടു പറയി​പ്പി​ക്കാൻ അവനു കഴിഞ്ഞു. ആരോ അവന്റെ ഉച്ചഭക്ഷണം മോഷ്ടി​ച്ചു​വ​ത്രേ. അതിന്റെ ദേഷ്യം മുഴു​വ​നും ആദ്യം കണ്ട വ്യക്തി​യു​ടെ മേൽ തീർക്കു​ക​യാ​യി​രു​ന്നു അവൻ. “എന്നെ അടിച്ചാൽ ഭക്ഷണം തിരി​ച്ചു​കി​ട്ടി​ല്ല​ല്ലോ,” ഡേവിഡ്‌ ന്യായ​വാ​ദം ചെയ്‌തു. കാന്റീ​നിൽ പോകാ​മെന്ന്‌ ഡേവിഡ്‌ പറഞ്ഞു. “അവിടത്തെ സ്‌ത്രീ​യെ എനിക്കു പരിച​യ​മു​ണ്ടാ​യി​രു​ന്ന​തി​നാൽ അവനു വേറെ ഭക്ഷണം തരപ്പെ​ടു​ത്തി കൊടു​ക്കാൻ എനിക്കു സാധിച്ചു. ഞങ്ങൾ കൈ​കൊ​ടു​ത്താ​ണു പിരി​ഞ്ഞത്‌. അതിനു​ശേഷം അവന്‌ എന്നോടു വലിയ ലോഹ്യ​മാ​യി​രു​ന്നു.” മൃദു​വായ വാക്കു​കൾക്ക്‌ എത്ര ശക്തിയാണ്‌ ഉള്ളതെന്നു കണ്ടോ? സദൃശ​വാ​ക്യ​ങ്ങൾ പറയു​ന്ന​തു​പോ​ലെ ‘മൃദു​വാ​യുള്ള നാവിന്‌ അസ്ഥിയെ നുറു​ക്കാൻ’ സാധി​ക്കും.—സദൃശ​വാ​ക്യ​ങ്ങൾ 25:15.

സൗമ്യത—ബലഹീ​ന​ത​യോ ശക്തിയോ?

‘മൃദു​വായ നാവ്‌’ ഉണ്ടായി​രി​ക്കുക എന്ന ആശയം അത്ര ആകർഷ​ക​മാ​യി തോന്നി​ല്ലാ​യി​രി​ക്കാം എന്നതു ശരിയാണ്‌. ആരെങ്കി​ലും നമ്മോടു കോപി​ക്കു​മ്പോൾ തിരിച്ചു കോപി​ക്കു​ന്ന​താണ്‌ പുരു​ഷ​ത്വ​ത്തി​ന്റെ അല്ലെങ്കിൽ ശക്തിയു​ടെ ലക്ഷണം എന്നു തോന്നി​യേ​ക്കാം. സൗമ്യ​ത​യോ​ടെ പെരു​മാ​റി​യാൽ നിങ്ങൾ ദുർബ​ല​നാ​ണെന്നു മറ്റുള്ളവർ കരുതു​മെന്നു പോലും നിങ്ങൾ ഭയപ്പെ​ട്ടേ​ക്കാം. എന്നാൽ സൗമ്യ​രാ​യി​രി​ക്കുക എന്നതിന്റെ അർഥ​മെ​ന്താണ്‌? ഒരു പരാമർശ കൃതി പറയു​ന്ന​ത​നു​സ​രിച്ച്‌ സൗമ്യ​ത​യു​ള്ളവർ ആയിരി​ക്കു​ക​യെ​ന്നാൽ ശാന്തരാ​യി​രി​ക്കുക എന്നാണർഥം. എന്നിരു​ന്നാ​ലും അതേ ഗ്രന്ഥം ഇങ്ങനെ കൂട്ടി​ച്ചേർക്കു​ന്നു: “ആ ശാന്തത​യ്‌ക്കു പിന്നിൽ ഉള്ളത്‌ ഉരുക്കി​ന്റെ ശക്തിയാണ്‌.” അതു​കൊണ്ട്‌, സൗമ്യത ബലഹീ​ന​ത​യു​ടെയല്ല മറിച്ച്‌ ശക്തിയു​ടെ തെളി​വാണ്‌. എന്തു​കൊ​ണ്ടാണ്‌ അങ്ങനെ പറയു​ന്നത്‌?

ഒരു സംഗതി, സൗമ്യ​നായ ഒരു വ്യക്തിക്ക്‌ തന്റെമേൽ തന്നെ നല്ല നിയ​ന്ത്രണം ഉണ്ടായി​രി​ക്കും. അയാൾക്ക്‌ അത്ര പെട്ടെന്നു സമനില നഷ്ടപ്പെ​ടു​ക​യില്ല. മറിച്ച്‌, സൗമ്യ​ത​യി​ല്ലാത്ത ഒരു വ്യക്തി അരക്ഷി​ത​നും നിരാ​ശി​ത​നും ആയിരി​ക്കു​ന്ന​താ​യി കാണ​പ്പെ​ടു​ന്നു. അയാൾ സാഹസി​ക​മാ​യി പ്രവർത്തി​ക്കാൻ പോലും മുതിർന്നേ​ക്കാം. അത്തര​മൊ​രു വ്യക്തിക്ക്‌ ആത്മനി​യ​ന്ത്ര​ണ​വും ഉണ്ടായി​രി​ക്കു​ക​യില്ല. വികാ​ര​ങ്ങളെ നിയ​ന്ത്രി​ക്കാൻ കഴിയാ​ത്ത​തി​നാൽ താൻ എപ്പോ​ഴും വഴക്കു​ക​ളിൽ ചെന്നു ചാടു​ന്ന​താ​യി അയാൾ കണ്ടെത്താൻ സാധ്യ​ത​യുണ്ട്‌. അതേ, “ആത്മസം​യമം ഇല്ലാത്ത പുരുഷൻ മതിൽ ഇല്ലാതെ ഇടിഞ്ഞു​കി​ട​ക്കുന്ന പട്ടണം​പോ​ലെ​യാ​കു​ന്നു.” (സദൃശ​വാ​ക്യ​ങ്ങൾ 25:28) അപ്പോൾ തീർച്ച​യാ​യും സൗമ്യ​നായ വ്യക്തി​യാ​ണു ശക്തൻ!

സൗമ്യ​ത​യു​ടെ ബൈബിൾ ദൃഷ്ടാ​ന്ത​ങ്ങൾ

യേശു​ക്രി​സ്‌തു​വി​ന്റെ ദൃഷ്ടാന്തം പരിചി​ന്തി​ക്കുക. താൻ “സൌമ്യ​ത​യും താഴ്‌മ​യും ഉള്ളവൻ” ആണെന്ന്‌ അവൻ പറഞ്ഞു. (മത്തായി 11:29) അവൻ ഒരിക്ക​ലും പരുഷ​മാ​യോ ന്യായ​ബോ​ധ​മി​ല്ലാ​തെ​യോ പെരു​മാ​റി​യില്ല. അതു​പോ​ലെ അവൻ തിന്മെക്കു പകരം തിന്മ ചെയ്‌ത​തു​മില്ല. യേശു​വി​ന്റെ സുഹൃ​ത്താ​യി​രുന്ന അപ്പൊ​സ്‌ത​ല​നായ പത്രൊസ്‌ അവനെ കുറിച്ച്‌ ഇങ്ങനെ പറഞ്ഞു: “തന്നെ ശകാരി​ച്ചി​ട്ടു പകരം ശകാരി​ക്കാ​തെ​യും കഷ്ടം അനുഭ​വി​ച്ചി​ട്ടു ഭീഷണം പറയാ​തെ​യും ന്യായ​മാ​യി വിധി​ക്കു​ന്ന​വങ്കൽ കാര്യം ഭരമേ​ല്‌പി​ക്ക​യ​ത്രേ ചെയ്‌തതു.” (1 പത്രൊസ്‌ 2:23) എന്നാൽ ഈ യേശു​തന്നെ ഒരിക്കൽ “ദൈവാ​ല​യ​ത്തിൽ ചെന്നു, ദൈവാ​ല​യ​ത്തിൽ വില്‌ക്കു​ന്ന​വ​രെ​യും കൊള്ളു​ന്ന​വ​രെ​യും പുറത്താ​ക്കി”യെന്ന്‌ ഓർക്കുക. (മത്തായി 21:12) അതു​പോ​ലെ ദിവ്യ​പി​ന്തുണ എപ്പോ​ഴെ​ങ്കി​ലും ആവശ്യ​മാ​യി വന്നിരു​ന്നെ​ങ്കിൽ “പന്ത്രണ്ടു ലെഗ്യോ​നി​ലും അധികം ദൂതൻമാ​രെ” അവനു സഹായ​ത്തി​നു ലഭിക്കു​മാ​യി​രു​ന്നു! (മത്തായി 26:53) അവൻ തീർച്ച​യാ​യും ബലഹീനൻ ആയിരു​ന്നില്ല.

ഇനി, ബൈബി​ളിൽ ന്യായാ​ധി​പ​ന്മാർ 8:1-3-ൽ കാണുന്ന ന്യായാ​ധി​പ​നായ ഗിദെ​യോ​ന്റെ ദൃഷ്ടാ​ന്ത​വും പരിചി​ന്തി​ക്കുക. ഒരു വൻ സൈനിക വിജയം കൈവ​രി​ക്ക​പ്പെ​ട്ട​പ്പോൾ, തങ്ങൾക്ക്‌ ആ യുദ്ധവി​ജ​യ​ത്തി​ന്റെ മഹത്ത്വ​ത്തിൽ പങ്കു​ചേ​രാൻ അവസരം നൽകി​യില്ല എന്നു തോന്നിയ എഫ്രയീം ഗോ​ത്ര​ത്തി​ലെ ചില പടയാ​ളി​കൾ കോപി​ഷ്‌ഠ​രാ​യി. “നീ മിദ്യാ​ന്യ​രോ​ടു യുദ്ധം​ചെ​യ്‌വാൻ പോയ​പ്പോൾ ഞങ്ങളെ വിളി​ക്കാ​ഞ്ഞ​തെന്തു? ഇങ്ങനെ ഞങ്ങളോ​ടു ചെയ്‌വാൻ എന്തു സംഗതി എന്നു പറഞ്ഞു അവനോ​ടു ഉഗ്രമാ​യി വാദിച്ചു.” ഗിദെ​യോൻ ‘പരാ​ക്ര​മ​ശാ​ലി​യായ’ ഒരു പുരു​ഷ​നാ​യി​രു​ന്നു എന്ന്‌ ഓർക്കണം. (ന്യായാ​ധി​പ​ന്മാർ 6:12) തന്നെ പ്രകോ​പി​പ്പിച്ച പടയാ​ളി​കളെ ആക്രമി​ച്ചു​കൊണ്ട്‌ അവനു പ്രതി​ക​രി​ക്കാ​മാ​യി​രു​ന്നു. പകരം, രോഷം പൂണ്ട്‌ നിന്നി​രുന്ന അവരെ പൂർണ​മാ​യി തണുപ്പിച്ച സൗമ്യ​മായ ഒരു മറുപടി അവൻ നൽകി. “നിങ്ങ​ളോ​ടു ഒത്തു​നോ​ക്കി​യാൽ ഞാൻ ഈ ചെയ്‌തതു എന്തുള്ളു?” എന്നു ഗിദെ​യോൻ ചോദി​ച്ചു. എളിമ​യോ​ടു കൂടിയ ഈ പ്രതി​ക​ര​ണ​ത്തി​ന്റെ ഫലം എന്തായി​രു​ന്നു? “അവർക്കു അവനോ​ടുള്ള കോപം ശമിച്ചു.”

അവസാ​ന​മാ​യി, അബീഗ​യിൽ എന്നു പേരുള്ള ഒരു സ്‌ത്രീ​യെ കുറി​ച്ചുള്ള ബൈബിൾ വിവരണം പരിചി​ന്തി​ക്കുക. ഇസ്രാ​യേ​ലി​ന്റെ രാജാ​വും തന്റെ ശത്രു​വു​മായ ശൗലിൽനിന്ന്‌ ദാവീദ്‌ ഒളിച്ചു പാർക്കുന്ന സമയം. ഒളിവി​ലാ​യി​രു​ന്നെ​ങ്കി​ലും ദാവീ​ദി​ന്റെ ആളുകൾ പലപ്പോ​ഴും സഹ ഇസ്രാ​യേ​ല്യ​രെ കാവൽ ചെയ്യു​ക​യും സംരക്ഷി​ക്കു​ക​യും ചെയ്‌തി​രു​ന്നു. അങ്ങനെ അവർ സഹായിച്ച ഒരു വ്യക്തി​യാ​യി​രു​ന്നു അബീഗ​യി​ലി​ന്റെ ഭർത്താ​വായ നാബാൽ. അവൻ വലിയ ധനിക​നാ​യി​രു​ന്നു. അതേസ​മയം അവൻ “നിഷ്‌ഠു​ര​നും ദുഷ്‌കർമ്മി​യും” ആയിരു​ന്നു. ഒരിക്കൽ, തങ്ങൾക്ക്‌ ആവശ്യം വന്ന ഒരു സന്ദർഭ​ത്തിൽ ദാവീ​ദി​ന്റെ ആളുകൾ നാബാ​ലി​നെ സമീപിച്ച്‌ കുറച്ച്‌ ആഹാര​സാ​ധ​നങ്ങൾ ചോദി​ച്ചു. ദാവീ​ദും കൂട്ടരും തനിക്കു നൽകിയ സൗജന്യ​മായ സംരക്ഷ​ണ​ത്തി​നു വിലമ​തി​പ്പു പ്രകടി​പ്പി​ക്കു​ന്ന​തി​നു പകരം നാബാൽ ദാവീ​ദി​ന്റെ ദൂതന്മാ​രെ “ശകാരി​ച്ചു” വെറും കൈ​യോ​ടെ പറഞ്ഞയച്ചു.—1 ശമൂവേൽ 25:2-11, 14.

നടന്നത്‌ എന്താ​ണെന്നു കേട്ട​പ്പോൾ ദാവീ​ദി​ന്റെ കോപം ആളിക്കത്തി. അവൻ തന്റെ ആളുക​ളോ​ടു: “എല്ലാവ​രും വാൾ അരെക്കു കെട്ടി​ക്കൊൾവിൻ” എന്ന്‌ കൽപ്പിച്ചു. ദാവീ​ദും കൂട്ടരും നാബാ​ലി​നെ മാത്രമല്ല അവന്റെ ഗൃഹത്തി​ലെ നിർദോ​ഷി​ക​ളായ എല്ലാ പുരു​ഷ​പ്ര​ജ​ക​ളെ​യും കൊല്ലു​ന്ന​തി​നാ​യി പുറ​പ്പെട്ടു. എന്നാൽ ആ സമയത്ത്‌ അബീഗ​യിൽ ഇടപെട്ടു. ദാവീ​ദി​നെ അഭിവാ​ദനം ചെയ്‌ത​ശേഷം അവൾ അവനു ധാരാളം ഭക്ഷണപാ​നീ​യങ്ങൾ സമ്മാനി​ച്ചു. അവൾ തന്റെ ഭർത്താ​വി​ന്റെ നീതീ​ക​രി​ക്കാ​നാ​വാത്ത പ്രവൃ​ത്തിക്ക്‌ മാപ്പ​പേ​ക്ഷി​ക്കു​ക​യും നിർദോ​ഷി​കളെ കൊല്ല​രു​തെന്ന്‌ ദാവീ​ദി​നോട്‌ അപേക്ഷി​ക്കു​ക​യും ചെയ്‌തു.—1 ശമൂവേൽ 25:13, 18-31.

അബീഗ​യി​ലി​ന്റെ താഴ്‌മ​യോ​ടു​കൂ​ടിയ അപേക്ഷ ദാവീ​ദി​ന്റെ കോപത്തെ ശമിപ്പി​ച്ചു. തന്റെ കോപം എത്ര ആപത്‌ക​ര​മായ ഘട്ടത്തോ​ളം എത്തിയി​രു​ന്നു എന്നു തിരി​ച്ച​റിഞ്ഞ ദാവീദ്‌ ഇപ്രകാ​രം പറഞ്ഞു: “എന്നെ എതി​രേ​ല്‌പാൻ നിന്നെ ഇന്നു അയച്ചി​രി​ക്കുന്ന യിസ്രാ​യേ​ലി​ന്റെ ദൈവ​മായ യഹോ​വെക്കു സ്‌തോ​ത്രം. നിന്റെ വിവേകം സ്‌തു​ത്യം; രക്തപാ​ത​ക​വും സ്വന്തക​യ്യാൽ പ്രതി​കാ​ര​വും ചെയ്യാ​ത​വണ്ണം എന്നെ ഇന്നു തടുത്തി​രി​ക്കുന്ന നീയും അനു​ഗ്ര​ഹി​ക്ക​പ്പെ​ട്ടവൾ.” (1 ശമൂവേൽ 25:32-35) അതേ, മിക്ക സന്ദർഭ​ങ്ങ​ളി​ലും ‘മൃദു​വായ വാക്കിന്‌’ മറ്റുള്ള​വ​രു​ടെ കോപത്തെ ശമിപ്പി​ക്കാൻ കഴിയും. എന്നാൽ, നിങ്ങളു​ടെ മൃദു​വായ ഉത്തരത്തിന്‌ ആ ഫലം ലഭിക്കു​ന്നി​ല്ലെ​ങ്കി​ലോ?

“ഒഴിഞ്ഞു​പോ​കൂ”

സാഹച​ര്യ​ത്തിൽനിന്ന്‌ അകന്നു​മാ​റി​ക്കൊണ്ട്‌ നിങ്ങൾക്ക്‌ എരിതീ​യിൽ എണ്ണയൊ​ഴി​ക്കു​ന്നത്‌ ഒഴിവാ​ക്കാ​നാ​കും. “വിറകു ഇല്ലാഞ്ഞാൽ തീ കെട്ടു​പോ​കും” എന്നു ബൈബിൾ പറയുന്നു. അത്‌ ഇങ്ങനെ​യും ബുദ്ധി​യു​പ​ദേ​ശി​ക്കു​ന്നു: “അണപൊ​ട്ടിച്ച്‌ വെള്ളം വിടു​ന്ന​തു​പോ​ലെ​യാണ്‌ കലഹത്തി​ന്റെ ആരംഭം; അതിനാൽ കലഹം തുടങ്ങും​മു​മ്പെ ഒഴിഞ്ഞു​പോ​കൂ.” (സദൃശ​വാ​ക്യ​ങ്ങൾ 17:14, ഓശാന ബൈബിൾ; 26:20) 17 വയസ്സുള്ള മെറിസ പറയുന്നു: “സ്‌കൂ​ളിൽ എല്ലാവ​രും ഇഷ്ടപ്പെ​ട്ടി​രുന്ന ഒരു ആൺകുട്ടി ഒരിക്കൽ എന്റെയ​ടു​ത്തു വന്ന്‌ സംസാ​രി​ക്കാൻ തുടങ്ങി. ഞാൻ സുന്ദരി​യാ​ണെന്ന്‌ അവൻ എന്നോടു പറഞ്ഞു. കുറച്ചു കഴിഞ്ഞ​പ്പോൾ അവന്റെ ഗേൾഫ്രണ്ട്‌ കലിതു​ള്ളി​ക്കൊണ്ട്‌ പാഞ്ഞെത്തി. ഞാൻ അവളുടെ ബോയ്‌ഫ്ര​ണ്ടു​മാ​യി കൊഞ്ചി​കു​ഴ​ഞ്ഞെന്ന്‌ അവൾ ആരോ​പി​ച്ചു. ഞാനു​മാ​യി ശരിക്കും അടികൂ​ടാൻത​ന്നെ​യാ​യി​രു​ന്നു അവളുടെ ഭാവം! എന്താണു സംഭവി​ച്ച​തെന്ന്‌ വിശദീ​ക​രി​ക്കാൻ ഞാൻ ശ്രമിച്ചു. എന്നാൽ അതൊ​ന്നും കേൾക്കാൻ അവൾക്കു മനസ്സി​ല്ലാ​യി​രു​ന്നു. സ്‌കൂൾ കഴിഞ്ഞ​തും അവൾ ചില പെൺകു​ട്ടി​ക​ളെ​യും കൂട്ടി എന്നെ അടിക്കാൻ വന്നു! ഞാൻ വേഗം​തന്നെ സെക്യൂ​രി​റ്റി ഗാർഡി​ന്റെ സഹായം തേടി. എന്നിട്ട്‌ കലിതു​ള്ളി നിന്നി​രുന്ന അവളോട്‌, ഞാൻ ആരുമാ​യും അടികൂ​ടാ​റി​ല്ലെ​ന്നും അവളുടെ ബോയ്‌ഫ്ര​ണ്ടാണ്‌ എന്റെ അടുക്കൽ വന്നു സംസാ​രി​ച്ച​തെ​ന്നും പറഞ്ഞു. അത്രയും പറഞ്ഞിട്ട്‌ ഞാൻ അവി​ടെ​നി​ന്നും പോയി.” മെറിസ തന്നെ ഭരിക്കാൻ വികാ​ര​ങ്ങളെ അനുവ​ദി​ച്ചില്ല. അവൾ വഴക്കിൽനിന്ന്‌ ഒഴിഞ്ഞു​പോ​കുക മാത്രമല്ല ചെയ്‌തത്‌. മറിച്ച്‌ ആത്മരക്ഷ​യ്‌ക്കു വേണ്ട നടപടി​ക​ളും സ്വീക​രി​ച്ചു. സദൃശ​വാ​ക്യ​ങ്ങൾ 17:27 പറയു​ന്ന​തു​പോ​ലെ “വാക്കു അടക്കി​വെ​ക്കു​ന്നവൻ പരിജ്ഞാ​ന​മു​ള്ളവൻ; ശാന്തമാ​നസൻ ബുദ്ധി​മാൻ തന്നേ.”

എന്നാൽ അറിഞ്ഞോ അറിയാ​തെ​യോ നിങ്ങൾ മറ്റൊ​രാ​ളെ കോപി​ഷ്‌ഠ​നാ​ക്കു​ന്നെ​ങ്കി​ലോ? ക്ഷമ ചോദി​ക്കുക, അതും എത്രയും പെട്ടെന്ന്‌! അതു മാത്രം മതിയാ​യി​രി​ക്കും മറ്റേ വ്യക്തി​യു​ടെ കോപത്തെ ശമിപ്പി​ക്കാൻ. ഇത്‌ സമ്മർദ​പൂ​രി​ത​മായ നാളു​ക​ളാണ്‌. ആളുകൾക്കു കോപം വരുന്നതു പെട്ടെ​ന്നാണ്‌. എന്നാൽ നിങ്ങളു​ടെ ഇടപെ​ട​ലു​ക​ളിൽ ബൈബിൾ തത്ത്വങ്ങൾ ബാധക​മാ​ക്കി​യാൽ മറ്റൊരു വ്യക്തി​യു​ടെ കോപ​ത്തിന്‌ ഇരയാ​കു​ന്നത്‌ സാധ്യ​ത​യ​നു​സ​രി​ച്ചു നിങ്ങൾക്ക്‌ ഒഴിവാ​ക്കാൻ കഴിയും. (g01 11/22)

[24-ാം പേജിലെ ചിത്രങ്ങൾ]

“മൃദു​വായ ഉത്തരം ക്രോ​ധത്തെ ശമിപ്പി​ക്കു​ന്നു”

[25-ാം പേജിലെ ചിത്രം]

ചില സന്ദർഭ​ങ്ങ​ളിൽ ഒഴിഞ്ഞു മാറി​യാൽ മാത്രം മതിയാ​കും