കാലാവസ്ഥ വിനാശം വിതയ്‌ക്കു​ക​യി​ല്ലാത്ത ഒരു കാലം!

“ആധുനിക മനുഷ്യന്‌ സുഖം, വേഗം, ധനം എന്നിവ​യോ​ടുള്ള അത്യാർത്തി നിമിത്തം ഭൂമി​യോ​ടുള്ള ആദരവ്‌ നഷ്ടപ്പെ​ട്ടി​രി​ക്കു​ന്നു.” ഭൂഗ്ര​ഹത്തെ രക്ഷിക്കാൻ 5000 ദിവസങ്ങൾ (ഇംഗ്ലീഷ്‌) എന്ന പുസ്‌ത​ക​ത്തി​ന്റെ പുറം​ച​ട്ട​യി​ലാണ്‌ ഇപ്രകാ​രം എഴുതി​യി​രി​ക്കു​ന്നത്‌. മനുഷ്യ​ന്റെ അത്യാർത്തി​യു​ടെ പരിണ​ത​ഫ​ലങ്ങൾ നാം ഇന്ന്‌ അനുഭ​വി​ച്ചു​കൊ​ണ്ടി​രി​ക്കു​ക​യാണ്‌. ആഗോ​ള​ത​പ​ന​ത്തി​ന്റെ പരിണ​ത​ഫ​ല​ങ്ങളെ കുറി​ച്ചുള്ള സിദ്ധാ​ന്തങ്ങൾ ശരിയോ തെറ്റോ ആയി​ക്കൊ​ള്ളട്ടെ, ഒരു കാര്യം ഉറപ്പാണ്‌—മനുഷ്യൻ നമ്മുടെ മനോ​ഹ​ര​മായ ഗ്രഹത്തെ നശിപ്പി​ക്കു​ക​യാണ്‌. ‘ഭൂമിയെ നശിപ്പി​ക്കു​ന്ന​വരെ [ദൈവം] നശിപ്പി​ക്കും’ എന്ന ബൈബിൾ വാഗ്‌ദാ​ന​ത്തി​ന്റെ നിവൃ​ത്തി​യി​ലാണ്‌ നമ്മുടെ ഏക പ്രത്യാശ.—വെളി​പ്പാ​ടു 11:18.

അഴിമതി നിറഞ്ഞ മനുഷ്യ ഭരണാ​ധി​പ​ത്യ​ങ്ങളെ ഇവി​ടെ​നി​ന്നു നീക്കി​യിട്ട്‌ തികച്ചും പുതി​യൊ​രു വ്യവസ്ഥി​തി ദൈവം സ്ഥാപി​ക്കും. ഇതിനെ മതപര​മായ അസംബന്ധം എന്നു കരുതി തള്ളിക്ക​ള​യു​ന്ന​തി​നു മുമ്പ്‌ പിൻവ​രു​ന്നതു പരിചി​ന്തി​ക്കുക: ഭൂമി​യു​ടെ പരിസ്ഥി​തിക്ക്‌ ആവശ്യ​മാ​യി​രി​ക്കു​ന്നത്‌ എന്താ​ണെന്ന്‌ അതിന്റെ സൃഷ്ടാ​വി​നെ​ക്കാൾ നന്നായി അറിയാ​വു​ന്നത്‌ മറ്റാർക്കാണ്‌? ഈ ഗ്രഹത്തി​ന്മേൽ ഉടമസ്ഥാ​വ​കാ​ശം ഉള്ളവനെന്ന നിലയിൽ ഇതിനു സംഭവി​ക്കുന്ന കാര്യ​ങ്ങ​ളിൽ അവനു താത്‌പ​ര്യം ഉണ്ടായി​രി​ക്കി​ല്ലേ? ഉണ്ടെന്നു ബൈബിൾ വ്യക്തമാ​ക്കു​ന്നു. യെശയ്യാ​വു 45:18-ൽ യഹോവ “തന്നേ ദൈവം; അവൻ ഭൂമിയെ നിർമ്മി​ച്ചു​ണ്ടാ​ക്കി; അവൻ അതിനെ ഉറപ്പിച്ചു; വ്യർത്ഥ​മാ​യി​ട്ടല്ല അവൻ അതിനെ സൃഷ്ടി​ച്ചതു: പാർപ്പി​ന്ന​ത്രേ അതിനെ നിർമ്മി​ച്ചത്‌” എന്നു പറഞ്ഞി​രി​ക്കു​ന്നു. ആ ഉദ്ദേശ്യം നിവർത്തി​ക്കാ​നാ​യി ദൈവ​ത്തിന്‌ ഇടപെ​ടാൻ കഴിയും, അവൻ അതു ചെയ്യു​ക​യും ചെയ്യും.

ഭൂമിയെ ഭരിക്കാൻ ഒരു രാജ്യം അഥവാ പുതിയ ഭരണകൂ​ടം സ്ഥാപി​ച്ചു​കൊ​ണ്ടാ​യി​രി​ക്കും ദൈവം ഇതു ചെയ്യു​ന്നത്‌. കർത്താ​വി​ന്റെ പ്രാർഥ​ന​യിൽ “നിന്റെ രാജ്യം വരേണമേ” എന്നു ക്രിസ്‌ത്യാ​നി​കൾ പ്രാർഥി​ക്കു​മ്പോൾ ഈ രാജ്യം ഭൂമി​യു​ടെ ഭരണം ഏറ്റെടു​ക്കേ​ണമേ എന്നാണ്‌ അവർ അപേക്ഷി​ക്കു​ന്നത്‌. (മത്തായി 6:9, 10) ദൈവ​ത്തി​ന്റെ രാജ്യ​ത്തിന്‌ അഥവാ ഗവൺമെ​ന്റിന്‌ ഭൂമി​യു​ടെ അതിസ​ങ്കീർണ​മായ പ്രകൃ​തി​ദത്ത പരിവൃ​ത്തി​കൾ സംബന്ധിച്ച പൂർണ​ഗ്രാ​ഹ്യം ഉണ്ടായി​രി​ക്കും. ഇപ്പോൾ മലിനീ​ക​ര​ണ​ത്താ​ലും പരിസ്ഥി​തി​വി​നാ​ശം വരുത്തുന്ന മറ്റു പ്രവർത്ത​ന​ങ്ങ​ളാ​ലും താറു​മാ​റാ​യി​രി​ക്കുന്ന ഭൂവി​ഭാ​ഗ​ങ്ങളെ അത്‌ പുനരു​ദ്ധ​രി​ക്കും. യെശയ്യാ​വു 35:1, 6 ഇപ്രകാ​രം പറയുന്നു: “മരുഭൂ​മി . . . പനിനീർപു​ഷ്‌പം പോലെ പൂക്കും. . . . മരുഭൂ​മി​യിൽ വെള്ളവും നിർജ്ജ​ന​പ്ര​ദേ​ശത്തു തോടു​ക​ളും പൊട്ടി പുറ​പ്പെ​ടും.”

ദൈവം ഇടപെ​ടു​ന്ന​തു​വരെ

രണ്ടായി​ര​ത്തി​ര​ണ്ടി​ലെ വെള്ള​പ്പൊ​ക്ക​ങ്ങൾക്കു​ശേഷം, പശ്ചിമ ജർമനി​യു​ടെ മുൻ ചാൻസലർ ആയിരുന്ന ഹെൽമൂട്ട്‌ ഷ്‌മിത്ത്‌ ഇങ്ങനെ എഴുതി: “അണക്കെ​ട്ടു​കളെ തകർത്തൊ​ഴു​കുന്ന പ്രകൃ​തി​ശ​ക്തി​കളെ പിടി​ച്ചു​നി​റു​ത്താൻ ആർക്കും കഴിയില്ല. ദുരന്തങ്ങൾ ഇനിയും തുടർന്നു​കൊ​ണ്ടി​രി​ക്കും.” അതു സത്യമാണ്‌. കാലാ​വ​സ്ഥ​യു​ടെ മുഖം കറുക്കു​മ്പോൾ അതുമാ​യി കഴിയു​ന്നത്ര പൊരു​ത്ത​പ്പെ​ടാ​ന​ല്ലാ​തെ മനുഷ്യ​നു മറ്റൊ​ന്നും ചെയ്യാ​നാ​കില്ല. ഇവ വരുത്തി​വെ​ക്കുന്ന വിപത്ത്‌ ഏറെയാ​ണെ​ങ്കി​ലും ഇത്തരം ദുരന്ത​ങ്ങൾക്ക്‌ ആളുക​ളിൽ ഒരു നല്ല ഫലം ഉളവാ​ക്കാൻ കഴിയും. തങ്ങളുടെ അയൽക്കാ​രോ​ടു സ്‌നേ​ഹ​വും പരിഗ​ണ​ന​യും പ്രകടി​പ്പി​ക്കാൻ ഇത്‌ അവരെ പ്രചോ​ദി​പ്പി​ച്ചേ​ക്കാം. (മർക്കൊസ്‌ 12:31) ഉദാഹ​ര​ണ​ത്തിന്‌, യൂറോ​പ്പിൽ ഉണ്ടായ വെള്ള​പ്പൊ​ക്കം ചിലരിൽ ഇത്തരം ഒരു ഫലം ഉളവാ​ക്കി​യ​താ​യി കാണുന്നു. ഒരു വർത്തമാ​ന​പ​ത്രം ഇപ്രകാ​രം എഴുതി: “[ദുരി​താ​ശ്വാ​സ] പ്രവർത്ത​ന​ങ്ങ​ളിൽ പങ്കെടു​ക്കു​ന്ന​തി​നാ​യി ജർമനി​യു​ടെ എല്ലാ ഭാഗത്തു​നി​ന്നും ഉത്സുക​രായ സന്നദ്ധ സേവകർ എത്തി​ച്ചേർന്നി​രി​ക്കു​ന്നു. രണ്ടാം ലോക​മ​ഹാ​യു​ദ്ധ​ത്തി​നു​ശേഷം ഉണ്ടായി​ട്ടുള്ള എറ്റവും വലിയ സന്നദ്ധ സേവന​മാണ്‌ ഇത്‌.”

ഈ സന്നദ്ധ സേവക​രിൽ യഹോ​വ​യു​ടെ സാക്ഷി​ക​ളിൽപ്പെട്ട നിരവധി പേർ ഉണ്ടായി​രു​ന്നു. വ്യത്യസ്‌ത ദേശങ്ങ​ളിൽ യഹോ​വ​യു​ടെ സാക്ഷികൾ നടത്തുന്ന ദുരി​താ​ശ്വാ​സ പ്രവർത്ത​ന​ങ്ങളെ കുറി​ച്ചുള്ള റിപ്പോർട്ടു​കൾ ഞങ്ങളുടെ പ്രസി​ദ്ധീ​ക​ര​ണ​ങ്ങ​ളിൽ ഇടയ്‌ക്കി​ടെ പ്രസി​ദ്ധീ​ക​രി​ക്കാ​റുണ്ട്‌. ഈ ക്രിസ്‌ത്യാ​നി​ക​ളു​ടെ പെരു​മാ​റ്റം, ആസന്നമാ​യി​രി​ക്കുന്ന ദൈവിക ഭരണത്തിൻ കീഴിലെ ജീവി​ത​ത്തി​ന്റെ ഒരു പൂർവ​വീ​ക്ഷണം ആണ്‌. അന്ന്‌, അത്യാ​ഗ്ര​ഹ​വും സ്വാർഥ​ത​യും അല്ല മറിച്ച്‌ സ്‌നേ​ഹ​വും സാഹോ​ദ​ര്യ​വും കളിയാ​ടും—യെശയ്യാ​വു 11:9.a

പുരാതന ഇസ്രാ​യേൽ ജനത​യോട്‌ ദൈവം ചെയ്‌ത വാഗ്‌ദാ​ന​ത്തിൽ ക്രിസ്‌ത്യാ​നി​കൾക്ക്‌ ആശ്വാസം കണ്ടെത്താൻ കഴിയും: “ഞാൻ തക്കസമ​യത്തു നിങ്ങളു​ടെ ദേശത്തി​ന്നു വേണ്ടുന്ന മുൻമ​ഴ​യും പിൻമ​ഴ​യും പെയ്യി​ക്കും.” (ആവർത്ത​ന​പു​സ്‌തകം 11:14) ദൈവ​ത്തി​ന്റെ പുതി​യ​ലോ​ക​ത്തിൽ ജീവി​ക്കാൻ പദവി ലഭിക്കു​ന്ന​വർക്കും ആ വാഗ്‌ദത്ത നിവൃത്തി ആസ്വദി​ക്കാൻ കഴിയും—അത്‌ കാലാ​വ​സ്ഥ​യു​ടെ രൗദ്ര​ഭാ​വങ്ങൾ വിനാശം വിതയ്‌ക്കാത്ത ഒരു ലോക​മാ​യി​രി​ക്കും. (g03 8/08)

[അടിക്കു​റിപ്പ്‌]

[9-ാം പേജിലെ ചതുരം/ചിത്രം]

സമ്പൂർണമായ കാലാ​വസ്ഥാ നിയ​ന്ത്ര​ണം

ദൈവ​ത്തി​ന്റെ പുതി​യ​ലോ​ക​ത്തിൽ, ഭ്രാന്ത​മായ കൊടു​ങ്കാ​റ്റു​കൾ തങ്ങളുടെ വീടു​ക​ളും വിളക​ളും തകർത്തു കളയു​മെന്ന്‌ ആളുകൾ ഭയക്കേ​ണ്ട​തില്ല. (2 പത്രൊസ്‌ 3:13) ദൈവ​ത്തി​നും അവന്റെ പുത്ര​നായ യേശു​ക്രി​സ്‌തു​വി​നും കാലാ​വ​സ്ഥയെ നിയ​ന്ത്രി​ക്കാ​നുള്ള സമ്പൂർണ പ്രാപ്‌തി​യു​ണ്ടെന്ന്‌ ബൈബിൾ വ്യക്തമാ​ക്കു​ന്നു. പിൻവ​രുന്ന വാക്യങ്ങൾ പരിചി​ന്തി​ക്കുക.

◼ ഉല്‌പത്തി 7:4: “ഇനി ഏഴു ദിവസം കഴിഞ്ഞി​ട്ടു ഞാൻ ഭൂമി​യിൽ നാല്‌പതു രാവും നാല്‌പതു പകലും മഴ പെയ്യി​ക്കും.”

◼ പുറപ്പാ​ടു 14:21: “യഹോവ അന്നു രാത്രി മുഴു​വ​നും മഹാശ​ക്തി​യുള്ള ഒരു കിഴക്കൻകാ​റ്റു​കൊ​ണ്ടു കടലിനെ പിൻവാ​ങ്ങി​ച്ചു ഉണങ്ങിയ നിലം ആക്കി; അങ്ങനെ വെള്ളം തമ്മിൽ വേർപി​രി​ഞ്ഞു.”

◼ 1 ശമൂവേൽ 12:18: “അങ്ങനെ ശമൂവേൽ യഹോ​വ​യോ​ടു അപേക്ഷി​ച്ചു; യഹോവ അന്നു ഇടിയും മഴയും അയച്ചു; ജനമെ​ല്ലാം യഹോ​വ​യെ​യും ശമൂ​വേ​ലി​നെ​യും ഏററവും ഭയപ്പെട്ടു.”

◼ യോനാ 1:4: “യഹോ​വ​യോ സമു​ദ്ര​ത്തിൽ ഒരു പെരു​ങ്കാ​ററു അടിപ്പി​ച്ചു; കപ്പൽ തകർന്നു​പോ​കു​വാൻ തക്കവണ്ണം സമു​ദ്ര​ത്തിൽ വലി​യൊ​രു കോൾ ഉണ്ടായി.”

◼ മർക്കൊസ്‌ 4:39: “അവൻ [യേശു, ദൈവ​ത്തിൽനി​ന്നുള്ള ശക്തിയാൽ] എഴു​ന്നേ​ററു കാററി​നെ ശാസിച്ചു, കടലി​നോ​ടു: അനങ്ങാ​തി​രിക്ക, അടങ്ങുക എന്നു പറഞ്ഞു; കാററു അമർന്നു, വലിയ ശാന്തത ഉണ്ടായി.”

[8, 9 പേജു​ക​ളി​ലെ ചിത്രങ്ങൾ]

ദൈവ​ത്തി​ന്റെ പുതിയ ലോക​ത്തിൽ കാലാവസ്ഥ വിനാശം വിതയ്‌ക്കു​മെന്ന്‌ നാം ഭയക്കേ​ണ്ട​തി​ല്ല