മൃഗങ്ങൾ അവയു​മാ​യുള്ള ചങ്ങാത്തം എന്നേക്കും ആസ്വദി​ക്കു​ക

എത്രയി​നം ജീവജ​ന്തു​ക്ക​ളാണ്‌ ഭൂമി​യി​ലു​ള്ളത്‌! ഓരോ​ന്നി​നും തനതായ സവി​ശേ​ഷ​ത​ക​ളും ഉണ്ട്‌. അവയോ​ടുള്ള സ്‌നേ​ഹ​വും അനുക​മ്പ​യും ഒരു വ്യക്തിയെ അവയുടെ സ്രഷ്ടാ​വി​ലേക്ക്‌ അടുപ്പി​ക്കുന്ന ഘടകമാ​യി വർത്തി​ച്ചേ​ക്കാം. അതാണ്‌ മരിയ​യു​ടെ കാര്യ​ത്തിൽ സംഭവി​ച്ചത്‌.

ഏകദേശം മൂന്നു വർഷം മുമ്പ്‌, മരിയ പോർച്ചു​ഗ​ലി​ലെ ലിസ്‌ബ​ണിൽ താമസി​ക്കു​മ്പോൾ അവർ വളരെ ഓമനി​ച്ചു വളർത്തി​യി​രുന്ന പട്ടിയെ കാണാ​താ​യി. കണ്ടുകി​ട്ടു​ന്നവർ അതിനെ തന്നെ ഏൽപ്പി​ക്ക​ണ​മെന്ന്‌ അഭ്യർഥി​ച്ചു​കൊണ്ട്‌ മരിയ റേഡി​യോ​യിൽ ഒരു അറിയി​പ്പു നടത്തി. അത്‌ കേൾക്കാ​നി​ട​യായ യഹോ​വ​യു​ടെ സാക്ഷി​ക​ളിൽപ്പെട്ട ഒരു സ്‌ത്രീ, വിവരി​ച്ചി​രി​ക്കുന്ന അടയാ​ള​ങ്ങ​ളോ​ടു കൂടിയ ഒരു പട്ടിയെ താൻ കണ്ടതായി ഓർമി​ച്ചു. അവർ മരിയ​യു​മാ​യി ബന്ധപ്പെട്ടു. ഇരുവ​രും നേരിൽ കണ്ടു. തുടർന്ന്‌ പട്ടി​യെ​യും കണ്ടെത്തി. മരിയ​യ്‌ക്ക്‌ മൃഗങ്ങ​ളോട്‌ ഇത്രയ്‌ക്കു സ്‌നേ​ഹ​മു​ള്ള​തു​കൊണ്ട്‌ ദൈവം വാഗ്‌ദാ​നം ചെയ്‌തി​രി​ക്കുന്ന പുതിയ ലോക​ത്തിൽ ജീവി​ക്കു​ന്നത്‌ അവർ തീർച്ച​യാ​യും ആസ്വദി​ക്കു​മെന്ന്‌ സാക്ഷി പറഞ്ഞു. അവിടെ മനുഷ്യർ എല്ലാ മൃഗങ്ങ​ളു​മാ​യും സമാധാ​ന​ത്തിൽ ആയിരി​ക്കു​മെ​ന്നും സാക്ഷി വിശദീ​ക​രി​ച്ചു.

സാക്ഷി​ക​ളു​ടെ ഒരു യോഗ​ത്തിൽ സംബന്ധി​ക്കാ​നുള്ള ക്ഷണം മരിയ സ്വീക​രി​ച്ചു. അവിടെ കണ്ടതും കേട്ടതു​മായ കാര്യങ്ങൾ അവരുടെ താത്‌പ​ര്യ​ത്തെ ഉണർത്തി, വ്യക്തി​പ​ര​മായ ഒരു ബൈബി​ള​ധ്യ​യനം വേണ​മെ​ന്നാ​യി അവർ. പഠനം പുരോ​ഗ​മി​ക്കവേ, യഹോ​വ​യാം ദൈവ​ത്തെ​യും ഭൂമി​യി​ലെ—നീതി വസിക്കുന്ന ഒരു പുതിയ ലോക​ത്തി​ലെ—നിത്യ​ജീ​വന്റെ പ്രത്യാ​ശ​യെ​യും കുറിച്ചു പഠിച്ചത്‌ അവരുടെ ഹൃദയത്തെ ആഴമായി സ്‌പർശി​ച്ചു. (സങ്കീർത്തനം 37:29; യോഹ​ന്നാൻ 17:3) ഒടുവിൽ, 2002 ഫെബ്രു​വരി 16-ന്‌ അവർ യഹോ​വ​യാം ദൈവ​ത്തി​നുള്ള തന്റെ സമർപ്പണം ജലസ്‌നാ​പ​ന​ത്താൽ പ്രതീ​ക​പ്പെ​ടു​ത്തി.

ദൈവ​ത്തി​ന്റെ ആദിമ ഉദ്ദേശ്യം

മനുഷ്യർ എന്നേക്കും ഒരു പറുദീസ ഭൂമി​യിൽ ജീവി​ക്ക​ണ​മെ​ന്നും അതിലെ എല്ലാ ജീവജ​ന്തു​ക്ക​ളെ​യും പരിപാ​ലി​ക്ക​ണ​മെ​ന്നും ഉള്ള ദൈവ​ത്തി​ന്റെ ആദിമ ഉദ്ദേശ്യം നിവൃ​ത്തി​യാ​കും എന്നതി​നുള്ള തെളി​വു​കൾ മരിയയെ പോലെ ഒട്ടനവധി പേരെ പുളകം​കൊ​ള്ളി​ച്ചി​ട്ടുണ്ട്‌. (ഉല്‌പത്തി 1:28) ദൈവം ‘[ഭൂമിയെ] സൃഷ്ടി​ച്ചത്‌ വ്യർത്ഥ​മാ​യി​ട്ടല്ല,’ പിന്നെ​യോ, “പാർപ്പി​ന്ന​ത്രേ” എന്ന്‌ ബൈബിൾ പറയുന്നു. ഭൂമി​യി​ലെ ജീവി​ത​വും മൃഗങ്ങ​ളു​മാ​യുള്ള സഹവർത്തി​ത്വ​വും മനുഷ്യർ എന്നേക്കും ആസ്വദി​ക്ക​ണ​മെ​ന്ന​താ​യി​രു​ന്നു ദൈ​വോ​ദ്ദേ​ശ്യം.—യെശയ്യാ​വു 45:18.

കൂടാതെ, ഭൂമി ഒരു പറുദീ​സ​യാ​ക​ണ​മെന്ന തന്റെ ആദിമ ഉദ്ദേശ്യം നിറ​വേ​റ്റാ​നുള്ള ദൈവ​ത്തി​ന്റെ ദൃഢനി​ശ്ച​യ​ത്തെ​യും ബൈബിൾ എടുത്തു കാണി​ക്കു​ന്നു. “ഞാൻ പ്രസ്‌താ​വി​ച്ചി​രി​ക്കു​ന്നു; ഞാൻ നിവർത്തി​ക്കും” എന്ന്‌ അവൻ അരുളി​ച്ചെ​യ്യു​ന്നു. വീണ്ടും യഹോവ ഇങ്ങനെ പ്രഖ്യാ​പി​ക്കു​ന്നു: “എന്റെ വായിൽനി​ന്നു പുറ​പ്പെ​ടുന്ന എന്റെ വചനം ആയിരി​ക്കും; അതു വെറുതെ എന്റെ അടുക്ക​ലേക്കു മടങ്ങി​വ​രാ​തെ എനിക്കു ഇഷ്ടമു​ള്ളതു നിവർത്തി​ക്ക​യും ഞാൻ അയച്ച കാര്യം സാധി​പ്പി​ക്ക​യും ചെയ്യും.”—യെശയ്യാ​വു 46:11; 55:11.

മനുഷ്യർ ഒരു ഭൗമിക പറുദീ​സ​യിൽ എന്നേക്കും ജീവിതം ആസ്വദി​ക്ക​ണ​മെ​ന്നു​ള്ള​താ​യി​രു​ന്നു ദൈവ​ത്തി​ന്റെ ആദിമ ഉദ്ദേശ്യം എന്നു വ്യക്തം. തക്ക സമയത്ത്‌ ആ ഉദ്ദേശ്യം നിവർത്തി​ക്ക​പ്പെ​ടും എന്ന ഉറച്ച വിശ്വാ​സം നമുക്ക്‌ ഉണ്ടായി​രി​ക്കാൻ കഴിയും. ദൈവ​ത്തി​ന്റെ പുതിയ ലോക​ത്തിൽ ജീവിതം എങ്ങനെ​യു​ള്ളത്‌ ആയിരി​ക്കും എന്നതിനെ കുറിച്ച്‌ ബൈബിൾ നൽകുന്ന ഹ്രസ്വ​മായ വിവര​ണങ്ങൾ നമുക്കു പരിചി​ന്തി​ക്കാം. വളർത്തു മൃഗങ്ങ​ളും കാട്ടു​മൃ​ഗ​ങ്ങ​ളും ഉൾപ്പെടെ എല്ലാ ജീവജ​ന്തു​ക്ക​ളും പരസ്‌പ​ര​വും മനുഷ്യ​വർഗ​വു​മാ​യും സമാധാ​ന​ത്തി​ലാ​യി​രി​ക്കു​മെന്ന്‌ നാം കാണും.—യെശയ്യാ​വു 65:17, 21-25; 2 പത്രൊസ്‌ 3:13.

ഓമന​മൃ​ഗങ്ങൾ—ദൈവ​ത്തി​ന്റെ പുതിയ ലോക​ത്തിൽ

യഹോ​വ​യു​ടെ പുതിയ ലോക​ത്തിൽ, സിംഹ​ത്തി​ന്റെ സ്വർണ​നി​റ​ത്തി​ലുള്ള ഇടതൂർന്ന സടയി​ലൂ​ടെ വിര​ലോ​ടി​ക്കാ​നും കടുവ​യു​ടെ വരയൻ കുപ്പാ​യ​ത്തി​ന്മേൽ തലോ​ടാ​നും അതേ, മൃഗങ്ങൾ ഉപദ്ര​വി​ക്കു​മെന്ന ഭയമി​ല്ലാ​തെ വനാന്ത​ര​ങ്ങ​ളി​ലെ വൃക്ഷങ്ങൾക്കു​കീ​ഴെ കിടന്നു​റ​ങ്ങാ​നും ആളുകൾക്കു സാധി​ക്കും. ദൈവ​ത്തി​ന്റെ ഈ വാഗ്‌ദാ​നം ശ്രദ്ധി​ക്കുക: ‘ഞാൻ ദുഷ്ടമൃ​ഗ​ങ്ങളെ ദേശത്തു​നി​ന്നു നീക്കി​ക്ക​ള​യും; അങ്ങനെ [മനുഷ്യർ] മരുഭൂ​മി​യിൽ നിർഭ​യ​മാ​യി വസിക്ക​യും കാടു​ക​ളിൽ ഉറങ്ങു​ക​യും ചെയ്യും.’—യെഹെ​സ്‌കേൽ 34:25; ഹോശേയ 2:18.

കാട്ടു​മൃ​ഗ​ങ്ങൾ കൊച്ചു​കു​ട്ടി​ക​ളോ​ടു പോലും വിധേ​യ​ത്വം പ്രകട​മാ​ക്കും! ബൈബിൾ ഇങ്ങനെ പറയുന്നു: “ചെന്നായി കുഞ്ഞാ​ടി​നോ​ടു​കൂ​ടെ പാർക്കും; പുള്ളി​പ്പു​ലി കോലാ​ട്ടു​കു​ട്ടി​യോ​ടു​കൂ​ടെ കിടക്കും; പശുക്കി​ടാ​വും ബാലസിം​ഹ​വും തടിപ്പിച്ച മൃഗവും ഒരുമി​ച്ചു പാർക്കും; ഒരു ചെറി​യ​കു​ട്ടി അവയെ നടത്തും.”

എന്നാൽ അതു​കൊ​ണ്ടും തീർന്നില്ല! തിരു​വെ​ഴുത്ത്‌ തുടർന്ന്‌ ഇങ്ങനെ പറയുന്നു: “പശു കരടി​യോ​ടു​കൂ​ടെ മേയും; അവയുടെ കുട്ടികൾ ഒരുമി​ച്ചു കിടക്കും; സിംഹം കാള എന്നപോ​ലെ വൈ​ക്കോൽ തിന്നും. മുലകു​ടി​ക്കുന്ന ശിശു സർപ്പത്തി​ന്റെ പോതി​ങ്കൽ കളിക്കും; മുലകു​ടി​മാ​റിയ പൈതൽ അണലി​യു​ടെ പൊത്തിൽ കൈ ഇടും. സമുദ്രം വെള്ളം​കൊ​ണ്ടു നിറഞ്ഞി​രി​ക്കു​ന്ന​തു​പോ​ലെ ഭൂമി യഹോ​വ​യു​ടെ പരിജ്ഞാ​നം​കൊ​ണ്ടു പൂർണ്ണ​മാ​യി​രി​ക്ക​യാൽ എന്റെ വിശു​ദ്ധ​പർവ്വ​ത​ത്തിൽ എങ്ങും ഒരു ദോഷ​മോ നാശമോ ആരും ചെയ്‌ക​യില്ല.”—യെശയ്യാ​വു 11:6-9.

യഹോ​വ​യു​ടെ പുതിയ ലോക​ത്തിൽ, തങ്ങൾക്കും തങ്ങൾ ഓമനി​ച്ചു വളർത്തുന്ന മൃഗങ്ങൾക്കും ബുദ്ധി​മു​ട്ടു​കൾ സൃഷ്ടി​ക്കും​വി​ധം നഗരങ്ങ​ളിൽ തിങ്ങി​പ്പാർക്കേണ്ട ഗതി​കേട്‌ ആളുകൾക്ക്‌ ഉണ്ടാകില്ല. ഇന്നു​പോ​ലും പലരും മൃഗങ്ങ​ളു​മാ​യുള്ള ചങ്ങാത്തം ആസ്വദി​ക്കു​ന്നുണ്ട്‌ എന്നതു ശരിയാണ്‌. അതു​പോ​ലെ​തന്നെ പലരും മൃഗങ്ങ​ളോ​ടുള്ള മനോ​ഭാ​വ​ത്തി​ലും അവയെ പരിപാ​ലി​ക്കു​ന്ന​തി​ലും സമനില പുലർത്തു​ക​യും ചെയ്യു​ന്നുണ്ട്‌. എന്നാൽ നീതി വസിക്കുന്ന ഒരു പുതിയ ലോക​ത്തിൽ ഓമന​മൃ​ഗ​ങ്ങ​ളു​മാ​യുള്ള ചങ്ങാത്തം എന്നേക്കും ആസ്വദി​ക്കു​ക​യെന്ന വിസ്‌മ​യാ​വ​ഹ​മായ പ്രത്യാ​ശയെ കുറിച്ചു ചിന്തി​ക്കുക! അവയ്‌ക്കു നൽകുന്ന സ്‌നേ​ഹ​പൂർവ​ക​മായ പരിപാ​ലനം എല്ലാ ജീവജാ​ല​ങ്ങ​ളു​ടെ​യും മഹാ​സ്ര​ഷ്ടാ​വി​നു തീർച്ച​യാ​യും മഹത്ത്വം കരേറ്റും.

ദൈവ​ത്തി​ന്റെ അത്ഭുത​ക​ര​മായ ഉദ്ദേശ്യ​ങ്ങൾ അറിയാൻ അവസരം ലഭിച്ചി​ട്ടി​ല്ലാത്ത ഒരാളാ​ണോ നിങ്ങൾ? എങ്കിൽ തുടക്ക​ത്തിൽ പരാമർശിച്ച, മൃഗങ്ങളെ സ്‌നേ​ഹി​ക്കുന്ന മരിയയെ പോലെ നിങ്ങൾക്കും ആ അവസരം ലഭി​ക്കേ​ണ്ട​തിന്‌ ഈ മാസി​ക​യു​ടെ പ്രസാ​ധ​ക​രു​മാ​യോ യഹോ​വ​യു​ടെ സാക്ഷി​ക​ളിൽ ആരെങ്കി​ലു​മാ​യോ ബന്ധപ്പെ​ടാൻ ഞങ്ങൾ നിങ്ങളെ ഹാർദ​മാ​യി ക്ഷണിക്കു​ന്നു. അതേക്കു​റി​ച്ചു പഠിക്കു​ന്ന​തി​നു നിങ്ങളെ സഹായി​ക്കാൻ അവർക്കു സന്തോ​ഷ​മാ​യി​രി​ക്കും. (g04 2/22)

[10-ാം പേജിലെ ചിത്രം]

ദൈവത്തിന്റെ പുതിയ ലോക​ത്തിൽ, മൃഗങ്ങ​ളു​മാ​യുള്ള ചങ്ങാത്തം എന്നേക്കും ആസ്വദി​ക്കാൻ കഴിയും