യഹോവ തന്റെ ജനത്തെ വേലക്കു​വേണ്ടി കൂട്ട​ച്ചേർക്കു​ക​യും സജ്ജരാ​ക്കു​ക​യും ചെയ്യുന്നു

നൂററാ​ണ്ടു​ക​ളി​ലു​ട​നീ​ളം വിശ്വാ​സ​ത്യാ​ഗം ഭൂമി​യി​ലെ​ങ്ങും പരന്നി​രു​ന്നു. അനേകം സഭാവി​ഭാ​ഗ​ങ്ങൾക്ക്‌ ചില ബൈബി​ളു​പ​ദേ​ശങ്ങൾ ഉണ്ടായി​രു​ന്നു. എന്നാൽ അവ മുഖ്യ​മാ​യി മനുഷ്യ​പാ​ര​മ്പ​ര്യ​ങ്ങ​ളും വിജാ​തീയ ഉത്ഭവമു​ളള അനേകം ആചാര​ങ്ങ​ളും അനുസ​രി​ച്ചു​പോ​ന്നു. ക്രിസ്‌തു​വി​ന്റെ തിരി​ച്ചു​വ​രവ്‌ സംബന്ധിച്ച പ്രതീ​ക്ഷകൾ പൊതു​വേ പിന്തള​ള​പ്പെ​ട്ടി​രു​ന്നു.—മത്തായി 13:24-30, 37-43 താരത​മ്യ​പ്പെ​ടു​ത്തുക.

എന്നുവ​രി​കി​ലും, തന്റെ തിരി​ച്ചു​വ​ര​വി​നു​വേണ്ടി ഉണർന്നി​രി​ക്കാൻ യേശു പറഞ്ഞി​രു​ന്നു! ഇതു ചെയ്‌തി​രുന്ന ഒരു സംഘം യു. എസ്‌. എ. പെൻസിൽവേ​നി​യാ​യി​ലെ അല്ലഗനി (പിററ്‌സ്‌ബർഗ്‌) യിലു​ണ്ടാ​യി​രു​ന്നു. 1870-കളുടെ ആദ്യഘ​ട്ട​ത്തിൽ ചാൾസ്‌ റെറയ്‌സ്‌ റസ്സലും അയാളു​ടെ ചില സുഹൃ​ത്തു​ക്ക​ളും സഭാ വിഭാ​ഗ​ങ്ങ​ളോട്‌ ബന്ധപ്പെ​ടാ​തെ ക്രിസ്‌തു​വി​ന്റെ തിരി​ച്ചു​വ​രവ്‌ സംബന്ധിച്ച്‌ സമ്പൂർണ്ണ​മായ ഒരു ബൈബിൾ പഠനം നടത്താൻ തുടങ്ങി. അവർ മററ​നേകം അടിസ്ഥാന ഉപദേ​ശങ്ങൾ സംബന്ധി​ച്ചു​മു​ളള ബൈബിൾ സത്യം ആരായാൻ തുടങ്ങി. ഇതായി​രു​ന്നു യഹോ​വ​യു​ടെ സാക്ഷി​ക​ളു​ടെ ആധുനി​ക​നാ​ളി​ലെ പ്രവർത്ത​ന​ങ്ങ​ളു​ടെ തുടക്കം.—മത്തായി 24:42.

ത്രി​ത്വോ​പ​ദേശം ബൈബിൾപ​ര​മ​ല്ലെ​ന്നും എന്നാൽ യഹോവ മാത്ര​മാണ്‌ സർവ്വശ​ക്ത​നായ ദൈവ​വും സ്രഷ്ടാ​വു​മെ​ന്നും, യേശു​ക്രി​സ്‌തു അവന്റെ ഒന്നാമത്തെ സൃഷ്ടി​യും ഏകജാ​ത​നായ പുത്ര​നു​മാ​ണെ​ന്നും, പരിശു​ദ്ധാ​ത്മാവ്‌ ഒരു ആൾ അല്ലെന്നും, പിന്നെ​യോ ദൈവ​ത്തി​ന്റെ അദൃശ്യ​മായ പ്രവർത്ത​ന​ശ​ക്തി​യാ​ണെ​ന്നും, ഈ സംഘം മനസ്സി​ലാ​ക്കാ​നി​ട​യാ​യി. ദേഹി അമർത്ത്യ​മ​ല്ലെ​ന്നും എന്നാൽ മർത്ത്യ​മാ​ണെ​ന്നും മരിച്ച​വ​രു​ടെ പ്രത്യാശ പുനരു​ത്ഥാ​ന​മാ​ണെ​ന്നും അനുതാ​പ​മി​ല്ലാത്ത ദുഷ്ടത​യ്‌ക്കു​ളള ശിക്ഷ നിത്യ​ദ​ണ്ഡ​ന​മ​ല്ലെ​ന്നും നിർമ്മൂ​ല​നാ​ശ​മാ​ണെ​ന്നും ഈ സംഘം കാണു​ക​യു​ണ്ടാ​യി.

മനുഷ്യ​വർഗ്ഗ​ത്തി​നു​വേണ്ടി യേശു തന്റെ ജീവനെ മോച​ന​ദ്ര​വ്യ​മാ​യി കൊടു​ത്തു​വെ​ന്നത്‌ ഒരു അടിസ്ഥാന ബൈബി​ളു​പ​ദേ​ശ​മാ​ണെന്നു കാണ​പ്പെട്ടു. ഒന്നാമ​താ​യി, ഒന്നാം നൂററാ​ണ്ടു​മു​തൽ നമ്മുടെ കാലം​വരെ തെര​ഞ്ഞെ​ടു​ക്ക​പ്പെ​ടുന്ന 1,44,000 സ്‌ത്രീ​പു​രു​ഷൻമാർ സ്വർഗ്ഗീയ രാജ്യ​ത്തിൽ ക്രിസ്‌തു​വി​നോ​ടു​കൂ​ടെ കൂട്ടവ​കാ​ശി​ക​ളാ​യി​രി​ക്കാൻ ഭൂമി​യിൽനിന്ന്‌ വീണ്ടെ​ടു​ക്ക​പ്പെ​ടും. പിന്നീട്‌ യേശു​വി​ന്റെ മോച​ന​ദ്ര​വ്യം മുഖാ​ന്തരം മനുഷ്യ​വർഗ്ഗ​ത്തി​ലെ ശതകോ​ടി​കൾ ആ രാജ്യ​ഭ​ര​ണ​ത്തിൻ കീഴിൽ ഭൂമി​യി​ലെ നിത്യ​ജീ​വന്റെ പ്രതീ​ക്ഷ​യോ​ടെ മാനു​ഷ​പൂർണ്ണത പ്രാപി​ക്കും. അവരിൽ ഭൂരി​പ​ക്ഷ​വും മരിച്ച​വ​രിൽ നിന്ന്‌ പുനരു​ത്ഥാ​നം പ്രാപി​ക്കു​ന്ന​വ​രാ​യി​രി​ക്കും.

റസ്സലും അയാളു​ടെ കൂട്ടു​കാ​രും ക്രിസ്‌തു​വി​ന്റെ സാന്നി​ദ്ധ്യം അദൃശ്യ​മാ​യി ആത്മാവി​ലാ​ണെ​ന്നും മനസ്സി​ലാ​ക്കു​ക​യു​ണ്ടാ​യി. ദൈവ​ത്തി​ന്റെ പരമാ​ധി​കാ​രം ഭൂമി​യി​ലെ ഏതെങ്കി​ലും ഗവൺമെൻറി​ലൂ​ടെ പ്രകട​മാ​ക്ക​പ്പെ​ടാത്ത കാലഘ​ട്ട​മായ ജാതി​ക​ളു​ടെ കാലങ്ങൾ 1914-ൽ അവസാ​നി​ക്കേ​ണ്ട​താ​യി​രു​ന്നു. അപ്പോൾ ദൈവ​രാ​ജ്യം സ്വർഗ്ഗ​ത്തിൽ സ്ഥാപി​ക്ക​പ്പെ​ടും. ഈ ഉപദേ​ശങ്ങൾ ഇന്നത്തെ യഹോ​വ​യു​ടെ സാക്ഷി​ക​ളു​ടേ​താ​യി തിരി​ച്ച​റി​യ​പ്പെ​ടു​ന്നു.

റസ്സലും അയാളു​ടെ സഹപ്ര​വർത്ത​ക​രും പ്രസം​ഗങ്ങൾ വഴിയാ​യും അച്ചടിച്ച പേജി​ലൂ​ടെ​യും ഈ സത്യങ്ങൾ വ്യാപ​ക​മാ​യി പ്രഖ്യാ​പി​ച്ചു. 1879 ജൂ​ലൈ​യിൽ റസ്സൽ സീയോ​ന്റെ വീക്ഷാ​ഗോ​പു​രം (ഇപ്പോൾ വീക്ഷാ​ഗോ​പു​രം എന്നു വിളി​ക്ക​പ്പെ​ടു​ന്നത്‌) പ്രസി​ദ്ധീ​ക​രി​ക്കാൻ തുടങ്ങി. ബൈബിൾ വിദ്യാർത്ഥി​ക​ളു​ടെ പ്രസം​ഗ​പ്ര​വർത്ത​നങ്ങൾ സ്വമേ​ധയാ നൽക​പ്പെ​ടുന്ന സംഭാ​വ​ന​കളെ മാത്രം ആശ്രയി​ച്ചു നടത്തണ​മെ​ന്നും യാതൊ​രു പിരി​വും നടത്താ​വു​ന്ന​ത​ല്ലെ​ന്നും അയാൾ തീരു​മാ​നി​ച്ചു. കൂടാതെ, ഈ സന്ദേശം ശമ്പളം പററാത്ത വിശ്വാ​സി​ക​ളു​ടെ സ്വമേ​ധ​യാ​യു​ളള ശ്രമങ്ങ​ളാൽ പ്രചരി​പ്പി​ക്ക​പ്പെ​ട​ണ​മെ​ന്നും. റസ്സൽതന്നെ അന്നുവരെ ബിസി​ന​സ്സിൽ നിന്ന്‌ സ്വരൂ​പി​ച്ചി​രുന്ന സ്വത്തിൽ നിന്ന്‌ സംഭാവന ചെയ്യു​ക​യു​ണ്ടാ​യി.

ബൈബിൾ വിദ്യാർത്ഥി​കൾ ക്ലാസ്സു​ക​ളാ​യി കൂടി​വന്നു, അന്ന്‌ അവരുടെ സഭകൾ അങ്ങനെ​യാണ്‌ വിളി​ക്ക​പ്പെ​ട്ടി​രു​ന്നത്‌. അവർ പ്രസം​ഗ​ങ്ങൾക്കും തിരു​വെ​ഴു​ത്തു പഠനത്തി​നും സാക്ഷ്യ​യോ​ഗ​ങ്ങൾക്കും​വേണ്ടി വാരത്തിൽ മൂന്നു പ്രാവ​ശ്യം സമ്മേളി​ച്ചു. ഓരോ ക്ലാസ്സി​ന്റെ​യും ആത്മീയ പ്രവർത്ത​ന​ങ്ങൾക്ക്‌ മേൽനോ​ട്ടം വഹിക്കു​ന്ന​തിന്‌ അവർ ഉത്തരവാ​ദി​ത്ത​മു​ളള പുരു​ഷൻമാ​രെ ക്രമമാ​യി മൂപ്പൻമാ​രാ​യി തെര​ഞ്ഞെ​ടു​ത്തു​പോ​ന്നു.

ആയിര​ത്തി​എ​ണ്ണൂ​റ​റി​എൺപ​ത്തി​നാ​ലിൽ സീയോ​ന്റെ വാച്ച്‌റ​റവർ ട്രാക്‌ററ്‌ സൊ​സൈ​ററി പെൻസിൽവേ​നി​യാ​യിൽ ലാഭവീ​ത​മി​ല്ലാത്ത ഒരു കോർപ്പ​റേ​ഷ​നാ​യി സംഘടി​പ്പി​ക്ക​പ്പെട്ടു. വർഷം​തോ​റും കോർപ്പ​റേ​ഷന്റെ ഒരു പ്രസി​ഡ​ണ്ടി​നെ തെര​ഞ്ഞെ​ടു​ക്കേ​ണ്ടി​യി​രു​ന്നു. ഉവ്വ്‌, ബൈബിൾ വിദ്യാ​ഭ്യാ​സ​വേല മുമ്പോ​ട്ടു നടത്തി​ക്കൊണ്ട്‌ പോകു​ന്ന​തിന്‌ ഇത്‌ ഏതെങ്കി​ലും വ്യക്തി​യു​ടെ ജീവി​തത്തെ ആശ്രയി​ക്കാ​തെ​യു​ളള ഒരു നിയമ​പ​ര​മായ ഉപകരണം പ്രദാനം ചെയ്‌തു. ചാൾസ്‌ ററി. റസ്സൽ പ്രസി​ഡ​ണ്ടാ​യി തെര​ഞ്ഞെ​ടു​ക്ക​പ്പെട്ടു. അയാളു​ടെ ഓഫീസ്‌ മുഖ്യ ആസ്ഥാന​മാ​യി വീക്ഷി​ക്ക​പ്പെട്ടു.

വേല മററ്‌ രാജ്യ​ങ്ങ​ളി​ലേക്ക്‌ വികസി​പ്പി​ക്കാൻ വലിയ ശ്രമങ്ങൾ ചെയ്യ​പ്പെട്ടു. 1880-കളുടെ ആദ്യഘ​ട്ട​ത്തിൽ കാനഡാ​യി​ലും ഇംഗ്ലണ്ടി​ലും വേല എത്തി​ച്ചേർന്നു. 1891-ൽ യൂറോ​പ്പി​ലും മദ്ധ്യപൂർവ്വ​ദേ​ശ​ത്തും സത്യം കൂടു​ത​ലാ​യി പ്രചരി​പ്പി​ക്കു​ന്ന​തിന്‌ എന്തു ചെയ്യാൻ കഴിയു​മെന്നു കാണാൻ റസ്സൽ അവിടെ ഒരു പര്യടനം നടത്തി. 1900-ങ്ങളുടെ ആരംഭ​ത്തിൽ ബ്രിട്ട​നി​ലും ജർമ്മനി​യി​ലും ആസ്‌​ത്രേ​ലി​യാ​യി​ലും സൊ​സൈ​റ​റി​യു​ടെ ബ്രാഞ്ചാ​ഫീ​സു​കൾ സ്ഥാപി​ക്ക​പ്പെട്ടു.

പ്രസം​ഗ​വേല സാർവ്വ​ദേ​ശീ​യ​മായ ഒരു തോതിൽ കൂടു​ത​ലാ​യി വികസി​പ്പി​ക്കു​ന്ന​തിന്‌ 1909-ൽ വാച്ച്‌റ​റവർ സൊ​സൈ​റ​റി​യു​ടെ മുഖ്യ ആസ്ഥാനം ന്യൂ​യോർക്കി​ലെ ബ്രൂക്ലി​നി​ലേക്ക്‌ മാററു​ക​യു​ണ്ടാ​യി. ന്യൂ​യോർക്ക്‌ സ്‌റേ​റ​ററ്‌ നിയമ​മ​നു​സ​രിച്ച്‌ ഒരു കൂട്ടു കോർപ്പ​റേഷൻ രൂപവൽക്ക​രി​ക്കേ​ണ്ട​താ​വ​ശ്യ​മാ​യിത്തീർന്നു. അത്‌ ഇപ്പോൾ വാച്ച്‌റ​റവർ ബൈബിൾ ആൻഡ്‌ ട്രാക്‌ററ്‌ സൊ​സൈ​ററി ഓഫ്‌ ന്യൂ​യോർക്ക്‌ ഇൻക്‌. എന്ന്‌ അറിയ​പ്പെ​ടു​ന്നു. ബ്രിട്ടീഷ്‌ കോമൺവെൽത്തിൽ ഉടനീളം ബൈബിൾ വിദ്യാർത്ഥി​ക​ളു​ടെ പ്രവർത്ത​നങ്ങൾ പുരോ​ഗ​മി​പ്പി​ക്കു​ന്ന​തിന്‌ 1914-ൽ ഇംഗ്ലണ്ടി​ലെ ലണ്ടനിൽ ഇൻറർ നാഷണൽ ബൈബിൾ സ്‌ററു​ഡൻസ്‌ അസോ​സി​യേഷൻ രൂപവൽക്ക​രി​ക്ക​പ്പെട്ടു. ഇക്കാലത്ത്‌ ലോക​ത്തി​നു ചുററു​മു​ളള അനേകം രാജ്യ​ങ്ങ​ളി​ലാ​യി നിയമ​പ​ര​മാ​യി രൂപവൽക്ക​രി​ക്ക​പ്പെട്ട ഏതാണ്ട്‌ 70 കോർപ്പ​റേ​ഷ​നു​ക​ളും അസോ​സി​യേ​ഷ​നു​ക​ളും വാച്ച്‌റ​റവർ സൊ​സൈ​റ​റി​യു​ടെ ഉദ്ദേശ്യ​ങ്ങൾക്കു​വേണ്ടി സേവന​മ​നു​ഷ്‌ഠി​ക്കു​ന്നുണ്ട്‌. എല്ലാം സ്വമേ​ധ​യാ​യു​ളള സംഭാ​വ​ന​ക​ളാ​ലും സന്നദ്ധ​പ്ര​വർത്ത​ക​രാ​ലും പിന്താ​ങ്ങ​പ്പെ​ടുന്ന മനുഷ്യ​സ്‌നേ​ഹ​പ​ര​മായ സ്ഥാപന​ങ്ങ​ളാണ്‌.

ചാൾസ്‌ റെറയ്‌സ്‌ റസ്സൽ 1916-ൽ മരിച്ചു. വാച്ച്‌റ​റവർ സൊ​സൈ​റ​റി​യു​ടെ പ്രസി​ഡ​ണ്ടെന്ന നിലയിൽ ജോസഫ്‌ ഫ്രാങ്ക്‌ളിൻ റതർഫോർഡ്‌ അയാളു​ടെ പിൻഗാ​മി​യാ​യി. ഒന്നാം ലോക​മ​ഹാ​യു​ദ്ധ​ത്തി​ന്റെ അവസാ​ന​വർഷ​ങ്ങ​ളിൽ ബൈബിൾ വിദ്യാർത്ഥി​കൾ പീഡന​ത്താൽ കഠിന​മാ​യി പരി​ശോ​ധി​ക്ക​പ്പെട്ടു. അതിന്റെ മൂർദ്ധ​ന്യ​ത്തിൽ സൊ​സൈ​റ​റി​യു​ടെ അമേരി​ക്ക​യി​ലെ മുഖ്യ ആസ്ഥാന​ത്തിൽ ഉത്തരവാ​ദി​ത്ത​സ്ഥാ​ന​ങ്ങ​ളിൽ സേവി​ച്ചി​രുന്ന എട്ടു സഹോ​ദ​രൻമാർ അന്യാ​യ​മാ​യി തടവി​ലാ​ക്ക​പ്പെട്ടു. ബൈബിൾ വിദ്യാർത്ഥി​ക​ളു​ടെ വേല അപകട​ത്തി​ലാ​യ​താ​യി തോന്നി. എന്നിരു​ന്നാ​ലും 1919-ൽ ഈ സഹോ​ദ​രൻമാർ വിമോ​ചി​ത​രും കുററ​വി​മു​ക്ത​രു​മാ​യി. ഇപ്പോൾ പ്രസം​ഗ​വേ​ല​യു​ടെ വർദ്ധിച്ച വികസ​ന​ത്തിന്‌ തുടക്ക​മി​ട്ടു.

അഭിഷിക്ത ക്രിസ്‌തീയ ബൈബിൾ വിദ്യാർത്ഥി​ക​ളു​ടെ ഏകീകൃ​ത​സം​ഘം സൊ​സൈ​റ​റി​യു​ടെ മുഖ്യ ആസ്ഥാനം വഴി സ്ഥാപന​ത്തോട്‌ സഹവസിച്ച സകല വ്യക്തി​കൾക്കും​വേണ്ടി തക്കസമ​യത്തെ ആത്മീയാ​ഹാ​രം പ്രദാനം ചെയ്യു​ന്ന​തിൽ തുടർന്നു​പോ​ന്നു. ഒന്നാം നൂററാ​ണ്ടി​ലെ അഭിഷിക്ത ക്രിസ്‌ത്യാ​നി​ക​ളു​ടെ സഭ യേശു പറഞ്ഞ “വിശ്വ​സ്‌ത​നും വിവേ​കി​യു​മായ അടിമ” ആയിരു​ന്ന​തു​പോ​ലെ രാജ്യ​വേ​ല​യിൽ ഏർപ്പെ​ട്ടി​രി​ക്കുന്ന സമർപ്പിത ബൈബിൾ വിദ്യാർത്ഥി​ക​ളു​ടെ അഭിഷിക്ത സംഘം നമ്മുടെ കാലത്തെ “വിശ്വ​സ്‌ത​നും വിവേ​കി​യു​മായ അടിമ” ആയിരി​ക്കു​ന്നു. സഭയെ പരി​ശോ​ധി​ക്കാൻ യേശു വന്നപ്പോൾ ഈ വർഗ്ഗം വീട്ടു​കാർക്ക്‌ ആഹാരം കൊടു​ക്കു​ന്ന​താ​യി അവൻ കണ്ടെത്തി; അപ്പോൾ അവൻ അതിനെ തന്റെ സകല സ്വത്തു​ക്ക​ളിൻമേ​ലും നിയമി​ക്കു​ക​യു​ണ്ടാ​യി.—മത്തായി 24:45-47; ലൂക്കോസ്‌ 12:42.

ഒന്നാം ലോക​മ​ഹാ​യു​ദ്ധം കഴിഞ്ഞ​യു​ടനെ, 1914-ൽ ക്രിസ്‌തു​യേ​ശു​മൂ​ല​മു​ളള ദൈവ​രാ​ജ്യം സ്വർഗ്ഗ​ങ്ങ​ളിൽ സ്ഥാപി​ക്ക​പ്പെ​ട്ട​താ​യി വ്യക്തമാ​യി കാണ​പ്പെട്ടു. അങ്ങനെ യേശു​വി​ന്റെ വാക്കു​കൾക്ക്‌ ഇപ്പോൾ സമ്പൂർണ്ണ നിവൃ​ത്തി​യു​ണ്ടാ​കു​വാൻ കഴിയു​മാ​യി​രു​ന്നു: “രാജ്യ​ത്തി​ന്റെ ഈ സുവാർത്ത സകല ജനതകൾക്കും സാക്ഷ്യ​മാ​യി നിവസിത ഭൂമി​യി​ലെ​ല്ലാം പ്രസം​ഗി​ക്ക​പ്പെ​ടും; അപ്പോൾ അവസാനം വരും.” ഈ രാജ്യ​സ​ന്ദേശം വളരെ​യേറെ ആളുകൾക്കു​കൂ​ടെ ലഭ്യമാ​ക്കാൻ ജോസഫ്‌ എഫ്‌. റതർഫോർഡ്‌ മുൻകൈ എടുത്തു.—മത്തായി 24:14.

അതു​കൊണ്ട്‌, സാദ്ധ്യ​മാ​കു​ന്ന​തി​ലേ​ക്കും കുറഞ്ഞ ചെലവിൽ ബൈബിൾ സാഹി​ത്യ​ത്തി​ന്റെ നിരന്തര ഉല്‌പാ​ദനം ഉറപ്പു​വ​രു​ത്തു​ന്ന​തിന്‌, സമർപ്പിത പുരു​ഷൻമാ​രാ​യി​രുന്ന സന്നദ്ധ​വേ​ല​ക്കാ​രെ ഉപയോ​ഗി​ച്ചു​കൊണ്ട്‌ സ്വന്ത അച്ചടി നിർവ്വ​ഹി​ക്കാൻ സൊ​സൈ​ററി തീരു​മാ​നി​ച്ചു. രാജ്യ​ത്തി​ന്റെ സുവാർത്ത പ്രസം​ഗി​ക്കു​ന്ന​തിൽ ക്രമമായ പങ്കുവ​ഹി​ക്കാൻ സകല ബൈബിൾ വിദ്യാർത്ഥി​ക​ളും പ്രോ​ത്സാ​ഹി​പ്പി​ക്ക​പ്പെട്ടു. പല രാജ്യ​ങ്ങ​ളി​ലും ബൈബിൾ പ്രസം​ഗ​ങ്ങ​ളു​ടെ റേഡി​യോ പ്രക്ഷേ​പണം നടത്ത​പ്പെട്ടു.

തങ്ങളുടെ പ്രസം​ഗ​ത്തി​ന്റെ ഉദ്ദേശ്യം സ്വർഗ്ഗ​ത്തിൽ ക്രിസ്‌തു​യേ​ശു​വി​നോ​ടു​കൂ​ടെ ആയിരി​ക്കാൻ തെര​ഞ്ഞെ​ടു​ക്ക​പ്പെ​ട്ട​വ​രു​ടെ ശേഷി​പ്പി​നെ കൂട്ടി​ച്ചേർക്കു​ക​യും ദൈവ​ത്തി​ന്റെ വരുവാ​നു​ളള ന്യായ​വി​ധി​യെ​ക്കു​റിച്ച്‌ ലോക​ത്തിന്‌ മുന്നറി​യി​പ്പു​കൊ​ടു​ക്കു​ക​യും ചെയ്യു​ക​യെ​ന്ന​താ​ണെന്ന്‌ 1918-നു മുമ്പ്‌ ബൈബിൾ വിദ്യാർത്ഥി​കൾ മനസ്സി​ലാ​ക്കി​യി​രു​ന്നു. ഇപ്പോ​ഴത്തെ ദുഷ്ടവ്യ​വ​സ്ഥി​തി​യെ അതിജീ​വിച്ച്‌ ഭൂമി​യിൽ ജീവി​ക്കാ​നു​ള​ള​വരെ കൂട്ടി​ച്ചേർക്കു​ന്ന​തി​നെ​ക്കു​റിച്ച്‌ അധിക​മൊ​ന്നും ചിന്തി​ച്ചി​രു​ന്നില്ല. പിന്നീട്‌ 1918 മുതൽ “ഇപ്പോൾ ജീവി​ക്കുന്ന ദശലക്ഷങ്ങൾ ഒരിക്ക​ലും മരിക്കാ​തി​രു​ന്നേ​ക്കാം!” എന്ന പ്രസംഗം വ്യാപ​ക​മാ​യി നടത്ത​പ്പെട്ടു.

സ്വർഗ്ഗീ​യ​രാ​ജ്യ​ത്തി​ന്റെ നിരയി​ല​ല്ലാത്ത നീതി​പ്ര​കൃ​ത​മു​ളള ആളുക​ളും അർമ്മ​ഗെ​ദ്ദോ​നു മുമ്പ്‌ ദൈവാം​ഗീ​കാ​രം പ്രാപി​ക്കു​മെ​ന്നും അർമ്മ​ഗെ​ദ്ദോ​നെ അതിജീ​വി​ക്കു​മെ​ന്നും 1923-ൽ മത്തായി 25:31-46-ലെ ചെമ്മരി​യാ​ടു​ക​ളെ​യും കോലാ​ടു​ക​ളെ​യും കുറി​ച്ചു​ളള യേശു​വി​ന്റെ ഉപമയു​ടെ ഒരു പഠനം തെളി​യി​ച്ചു. ഈ ചെമ്മരി​യാട്‌ തുല്യർ വെളി​പ്പാട്‌ 7:9-17 വരെ വർണ്ണി​ക്ക​പ്പെ​ട്ടി​രി​ക്കുന്ന എണ്ണപ്പെ​ടാത്ത വലിയ ജനക്കൂട്ടം തന്നെയാ​ണെന്ന്‌ 1935-ൽ കൂടു​ത​ലായ പഠനം പ്രകട​മാ​ക്കി. ഇവർ സകല ജനതക​ളിൽ നിന്നും കൂട്ടി​ച്ചേർക്ക​പ്പെ​ടേ​ണ്ട​വ​രാ​യി​രു​ന്നു. മഹോ​പ​ദ്ര​വത്തെ അതിജീ​വിച്ച്‌ ഭൂമി​യി​ലെ നിത്യ​ജീ​വൻ പ്രാപി​ക്കാ​നു​ളള പ്രതീക്ഷ ഇവർക്കു​ണ്ടാ​യി​രി​ക്കു​മാ​യി​രു​ന്നു. ഈ ഗ്രാഹ്യം പ്രസം​ഗ​വേ​ല​യ്‌ക്കു വലിയ പ്രചോ​ദ​ന​മേകി.—യോഹ​ന്നാൻ 10:16.

ബൈബിൾ വിദ്യാർത്ഥി​കൾ 1931-ൽ യഹോ​വ​യു​ടെ സാക്ഷി​ക​ളെന്ന പേർ സ്വീക​രി​ച്ചു. അതിനു മുൻപ്‌, അവർ ബൈബിൾ വിദ്യാർത്ഥി​ക​ളെ​ന്നും സാർവ്വ​ദേ​ശീയ ബൈബിൾ വിദ്യാർത്ഥി​ക​ളെ​ന്നും സഹസ്രാ​ബ്‌ദോ​ദ​യ​ക്കാർ എന്നും വീക്ഷാ​ഗോ​പു​ര​ക്കാർ എന്നു​മൊ​ക്കെ അറിയ​പ്പെ​ട്ടി​രു​ന്നു. റസ്സലു​കാ​രെ​ന്നും റതർഫോർഡു​കാ​രെ​ന്നും പോലും അവർ ഹാസ്യ​മാ​യി വിളി​ക്ക​പ്പെട്ടു. ഈ പേരു​ക​ളൊ​ന്നും അവരെ ശരിയാ​യി തിരി​ച്ച​റി​യി​ച്ചില്ല. ഒന്നാം നൂററാ​ണ്ടിൽ ദിവ്യ​ഹി​ത​ത്താൽ യേശു​വി​ന്റെ ശിഷ്യൻമാർക്ക്‌ കൊടു​ക്ക​പ്പെട്ട ക്രിസ്‌ത്യാ​നി എന്ന പേർ തീർച്ച​യാ​യും പ്രാ​യോ​ഗി​ക​മാ​യി​രു​ന്നെ​ങ്കി​ലും വ്യാ​ജോ​പ​ദേ​ശങ്ങൾ പിൻതു​ടർന്നി​രുന്ന അനേകം സംഘങ്ങ​ളും അത്‌ ഉപയോ​ഗി​ക്കു​ന്നു​ണ്ടാ​യി​രു​ന്നു. ദശലക്ഷ​ക്ക​ണ​ക്കി​നു​ളള നാമധേയ ക്രിസ്‌ത്യാ​നി​ക​ളിൽ നിന്ന്‌ തങ്ങളേ​ത്തന്നെ വ്യത്യാ​സ​പ്പെ​ടു​ത്തി​ക്കാ​ണി​ക്കു​ന്ന​തിന്‌ ക്രിസ്‌തു​വി​ന്റെ ഈ നാളിലെ യഥാർത്ഥ അനുഗാ​മി​കളെ വ്യക്തമാ​യി തിരി​ച്ച​റി​യി​ക്കുന്ന ഒരു നാമം വേണമാ​യി​രു​ന്നു.

യഹോവ തന്റെ യിസ്രാ​യേൽ ജനത്തെ തന്റെ സാക്ഷികൾ എന്ന്‌ വിളി​ച്ചി​രു​ന്ന​തു​പോ​ലെ, തന്റെ നാമ​ത്തെ​യും ഉദ്ദേശ്യ​ത്തെ​യും പ്രസി​ദ്ധ​മാ​ക്കു​ന്ന​തിന്‌ സമർപ്പി​ത​രാ​യി​രി​ക്കുന്ന, വ്യവസ്ഥി​തി​യു​ടെ സമാപ​ന​കാ​ലത്തെ തന്റെ ജനം ഉചിത​മാ​യി യഹോ​വ​യു​ടെ സാക്ഷികൾ എന്നു വിളി​ക്ക​പ്പെ​ട​ണ​മെന്ന്‌ തിരു​വെ​ഴു​ത്തു​ക​ളു​ടെ ഒരു പരിചി​ന്തനം വ്യക്തമാ​ക്കി. ഈ നാമം ഇക്കാലത്ത്‌ ക്രിസ്‌ത്യാ​നി​ക​ളെന്ന്‌ അവകാ​ശ​പ്പെ​ടുന്ന മറെറ​ല്ലാ​വ​രിൽ നിന്നും യഹോ​വ​യു​ടെ സത്യ​ക്രി​സ്‌തീ​യാ​രാ​ധ​കരെ ഉചിത​മാ​യി തിരി​ച്ച​റി​യി​ച്ചി​രി​ക്കു​ന്നു.—സങ്കീർത്തനം 83:18; യെശയ്യാവ്‌ 43:10-12.

രണ്ടാം ലോക​മ​ഹാ​യു​ദ്ധ​കാ​ലത്ത്‌ 1942-ൽ ജോസഫ്‌ എഫ്‌. റതർഫോർഡ്‌ മരിച്ചു. വാച്ച്‌റ​റവർ സൊ​സൈ​റ​റി​യു​ടെ പ്രസി​ഡണ്ട്‌ എന്ന നിലയിൽ നാഥാൻ എച്ച്‌. നോർ അയാളു​ടെ പിൻഗാ​മി​യാ​യി. ഈ വ്യവസ്ഥി​തി​യു​ടെ അവസാ​ന​ത്തി​നു മുൻപ്‌ പ്രസം​ഗ​വേ​ല​യു​ടെ വലിയ വികസ​ന​ത്തിന്‌ അനുവ​ദി​ക്കുന്ന തരത്തിൽ ആപേക്ഷി​ക​സ​മാ​ധാ​ന​ത്തി​ന്റെ​യും സ്വാത​ന്ത്ര്യ​ത്തി​ന്റെ​യും ഒരു യുദ്ധാ​നന്തര കാലഘട്ടം ഉണ്ടായി​രി​ക്കു​മെന്ന്‌ പ്രവച​നങ്ങൾ സൂചി​പ്പി​ക്കു​ന്ന​താ​യി ഇപ്പോൾ കാണ​പ്പെട്ടു. 1943 ഫെബ്രു​വ​രി​യിൽ വിദേ​ശ​രാ​ജ്യ​ങ്ങ​ളി​ലെ മിഷനറി പ്രവർത്ത​ന​ത്തി​നാ​യി മുഴു​സമയ പ്രവർത്ത​കരെ പരിശീ​ലി​പ്പി​ക്കാൻ വാച്ച്‌റ​റവർ ഗിലയാദ്‌ ബൈബിൾ സ്‌കൂൾ സ്ഥാപി​ക്ക​പ്പെട്ടു. പിന്നീട്‌ ആ വർഷം യഹോ​വ​യു​ടെ സാക്ഷി​ക​ളു​ടെ പ്രതി​വാര യോഗ​പ്പ​ട്ടി​ക​യോട്‌ ഒരു പ്രത്യേക ശൂശ്രൂ​ഷാ​പ​രി​ശീ​ലന പരിപാ​ടി കൂട്ട​പ്പെട്ടു.

സൊ​സൈ​റ​റി 1950-ൽ വിശു​ദ്ധ​തി​രു​വെ​ഴു​ത്തു​ക​ളു​ടെ പുതി​യ​ലോ​ക​ഭാ​ഷാ​ന്ത​ര​ത്തി​ന്റെ ഭാഗങ്ങൾ പ്രകാ​ശനം ചെയ്യാൻ തുടങ്ങി. ഇത്‌ മൂലഭാ​ഷാ​പാ​ഠ​ങ്ങ​ളിൽനിന്ന്‌ ആധുനിക ഇംഗ്ലീ​ഷിൽ ചെയ്‌തി​രി​ക്കുന്ന ഒരു ബൈബിൾ വിവർത്ത​ന​മാണ്‌. കൃത്യ​ത​യോ​ടെ വിവർത്തനം ചെയ്യ​പ്പെ​ട്ട​തും സുഗ്രാ​ഹ്യ​വു​മായ ഈ ബൈബിൾ സൊ​സൈ​റ​റി​യു​ടെ പ്രസ്സു​ക​ളിൽ കുറഞ്ഞ ചെലവിൽ ഉല്‌പാ​ദി​പ്പി​ക്ക​പ്പെട്ടു. ഇത്‌ പ്രസം​ഗ​വേ​ല​യ്‌ക്ക്‌ വലിയ സഹായ​മാ​യി​ട്ടാ​ണി​രി​ക്കു​ന്നത്‌. ഇന്നോളം 7,00,00,000-യിൽ പരം പ്രതികൾ 12 ഭാഷക​ളിൽ പ്രസി​ദ്ധീ​ക​രി​ച്ചി​ട്ടുണ്ട്‌.

1992-ന്റെ അവസാ​ന​മാ​യ​പ്പോ​ഴേക്ക്‌ 229-ലധികം രാജ്യ​ങ്ങ​ളി​ലും സമു​ദ്ര​ങ്ങ​ളി​ലെ ദ്വീപു​ക​ളി​ലു​മാ​യി ഏകദേശം 45 ലക്ഷത്തോ​ളം യഹോ​വ​യു​ടെ സാക്ഷികൾ പ്രസം​ഗ​വേ​ല​യിൽ പങ്കെടു​ക്കു​ന്നു​ണ്ടാ​യി​രു​ന്നു. ഏതാണ്ട്‌ 69,000 സഭകളിൽ 1992-ൽ ഏററവും വലിയ ഹാജ​രോ​ടെ നടത്തിയ യോഗം ക്രിസ്‌തു​വി​ന്റെ മരണത്തി​ന്റെ സ്‌മാ​ര​കാ​ഘോ​ഷ​മാ​യി​രു​ന്നു, അതിന്‌ മൊത്തം 1,14,31,171 പേർ ഹാജരു​ണ്ടാ​യി​രു​ന്നു.

യഹോ​വ​യു​ടെ സാക്ഷികൾ അവന്റെ സജീവ സേവന​ത്തി​ലും, അവരുടെ ലോക​വ്യാ​പ​ക​മായ ഐക്യ​ത്തി​ലും, യഹോ​വ​യു​ടെ നാമത്തെ ഉയർത്തി​പ്പി​ടി​ക്കു​ന്ന​തി​ലും അവന്റെ രാജ്യം പ്രസം​ഗി​ക്കു​ന്ന​തി​ലു​മു​ളള അവരുടെ തീക്ഷ്‌ണ​ത​യി​ലും, അവരുടെ നിർമ്മല ധാർമ്മിക നിലവാ​ര​ങ്ങ​ളി​ലും, ദൈവ​ത്തി​ന്റെ തെററു​പ​റ​റാത്ത വചനമാ​യി മുഴു ബൈബി​ളും അവർ സ്വീക​രി​ക്കു​ന്ന​തി​ലും, അന്ധവി​ശ്വാ​സ​ത്തിൽനി​ന്നും ആത്മവി​ദ്യ​യിൽനി​ന്നു​മു​ളള അവരുടെ സ്വാത​ന്ത്ര്യ​ത്തി​ലും, തുടരു​ന്ന​തി​നാൽ ദൈവം അവരെ യഥാർത്ഥ​മാ​യി ഉപയോ​ഗി​ച്ചു​കൊ​ണ്ടി​രി​ക്കു​ന്നു​വെന്ന്‌ കാണ​പ്പെ​ടു​ന്നു.

സത്യ​ദൈ​വാ​രാ​ധ​ന​യു​ടെ ഈ പുന:സ്ഥിതീ​ക​ര​ണ​ത്തിൽ നിന്ന്‌ നിങ്ങൾക്ക്‌ എങ്ങനെ പ്രയോ​ജനം നേടാൻ കഴിയു​മെന്ന്‌ തുടർന്നു​വ​രുന്ന ഭാഗങ്ങൾ പ്രകട​മാ​ക്കു​ന്നു.

• ഏത്‌ അടിസ്ഥാന ബൈബി​ളു​പ​ദേ​ശങ്ങൾ ബൈബിൾ വിദ്യാർത്ഥി​കളെ സഭാവി​ഭാ​ഗ​ങ്ങ​ളിൽനിന്ന്‌ വേർതി​രിച്ച്‌ കാണിച്ചു?

• ബൈബിൾ വിദ്യാർത്ഥി​കൾക്ക്‌ 1918 വരെ ഏതു സംഘട​നാ​പ​ര​മായ വികാ​സങ്ങൾ അനുഭ​വ​പ്പെട്ടു?

• അഭിഷിക്ത ബൈബിൾ വിദ്യാർത്ഥി​ക​ളു​ടെ സംഘം മത്തായി 24:45-47-ലെ “വിശ്വ​സ്‌ത​നും വിവേ​കി​യു​മായ അടിമ”യാണെന്ന്‌ പറയാൻ കഴിയു​ന്ന​തെ​ങ്ങനെ?

• ദൈ​വോ​ദ്ദേ​ശ്യ​ങ്ങ​ളു​ടെ ഏതു ഗ്രാഹ്യം പ്രസം​ഗ​വേ​ലയെ വികസി​പ്പി​ക്കു​ന്ന​തിന്‌ വലിയ പ്രചോ​ദ​ന​മേകി?

• യഹോ​വ​യു​ടെ സാക്ഷി​ക​ളെന്ന നാമം ഏത്‌ ഉദ്ദേശ്യ​ത്തിന്‌ ഉതകുന്നു?

• ദൈവം യഹോ​വ​യു​ടെ സാക്ഷി​കളെ സത്യമാ​യി ഉപയോ​ഗി​ക്കു​ന്നു​ണ്ടെ​ന്നു​ള​ള​തിന്‌ ഏതെല്ലാം തെളി​വു​ക​ളുണ്ട്‌?

[8-ാം പേജിലെ ചിത്രങ്ങൾ]

സി. ററി. റസ്സൽ 1879-ൽ

1879 ജൂലൈ ലക്കം

ബൈബിൾ വിദ്യാർത്ഥി​ക​ളു​ടെ ആദിമ​സം​ഘം പിററ്‌സ്‌ ബർഗ്‌, പെൻ.

[9-ാം പേജിലെ ചിത്രങ്ങൾ]

മുഖ്യ ആസ്ഥാനം, 1889-1909 വരെ, പിററ്‌സ്‌ ബർഗ്ഗ്‌, പെൻ.

മുഖ്യ ഓഫീ​സു​കൾ, 1909-1918 വരെ, ബ്രൂക്ലിൻ, ന്യൂ​യോർക്ക്‌

മുഖ്യ ആസ്ഥാന വസതി, 1909-1926, ബ്രൂക്ക്‌ളിൻ, ന്യൂ​യോർക്ക്‌

[10-ാം പേജിലെ ചിത്രങ്ങൾ]

യഹോവയുടെ സാക്ഷി​ക​ളു​ടെ ലോക ആസ്ഥാനം,ബ്രൂക്ക്‌ളിൻ, ന്യൂ​യോർക്ക്‌, യു. എസ്‌. എ.

മുകളിൽ ഇടതു​വ​ശത്ത്‌: ഓഫീസ്‌ സംഘാതം

മുകളിൽ വലതു വശത്ത്‌: പാർപ്പി​ട​ങ്ങൾ

താഴെ ഇടതു​വ​ശത്ത്‌: ഫാക്ടറി സംഘാതം

താഴെ വലതു​വ​ശത്ത്‌: കയററി​യ​യക്കൽ കേന്ദ്രം

[11-ാം പേജിലെ ചിത്രങ്ങൾ]

ജെ. എഫ്‌. റതർഫോർഡ്‌ നടത്തുന്ന റേഡി​യോ പ്രക്ഷേ​പ​ണം

സന്നദ്ധസേവകർ പ്രവർത്തി​പ്പിച്ച വാച്ച്‌റ​റവർ സൊ​സൈ​റ​റി​യു​ടെ ആദ്യത്തെ റോട്ട​റി​പ്രസ്സ്‌

12 ഭാഷക​ളിൽ ഇപ്പോൾ പ്രസി​ദ്ധീ​ക​രി​ക്ക​പ്പെ​ടുന്ന പുതി​യ​ലോ​ക​ഭാ​ഷാ​ന്തരം ബൈബിൾ