ബൈബിൾ വിശ്വാ​സ്യ​മാ​യി​രി​ക്കു​ന്ന​തി​ന്റെ കാരണം

ബൈബിൾ വിശ്വാ​സ്യ​മ​ല്ലെന്നു ചിലർ പറയുന്നു. അവരുടെ വീക്ഷണങ്ങൾ പരക്കെ അംഗീ​ക​രി​ക്ക​പ്പെ​ടു​ന്നു. തന്നിമി​ത്തം ഇന്ന്‌ അനേകർ ബെബിൾ പറയു​ന്ന​തി​നെ അവിശ്വാ​സ്യ​മാ​യി തളളി​ക്ക​ള​യു​ന്നു.

മറിച്ച്‌, “നിന്റെ വചനം സത്യമാ​കു​ന്നു” എന്ന്‌ യേശു​ക്രി​സ്‌തു ദൈവ​ത്തോ​ടു പ്രാർത്ഥി​ച്ചു പറഞ്ഞത്‌ വിശ്വാ​സ​ത്തി​നു പ്രോ​ത്സാ​ഹി​പ്പി​ക്കു​ന്നു. ബൈബിൾതന്നെ അതു ദൈവ നിശ്വ​സ്‌ത​മാ​ണെന്ന്‌ അവകാ​ശ​പ്പെ​ടു​ന്നു.—യോഹ​ന്നാൻ 17:17; 2 തിമൊ​ഥെ​യോസ്‌ 3:16.

നിങ്ങൾ ഇതു സംബന്ധിച്ച്‌ എന്തു വിചാ​രി​ക്കു​ന്നു? ബൈബി​ളിൽ വിശ്വ​സി​ക്കു​ന്ന​തിന്‌ ഈടുററ അടിസ്ഥാ​ന​മു​ണ്ടോ? അതോ ബൈബിൾ അവിശ്വാ​സ്യ​വും പരസ്‌പ​ര​വി​രു​ദ്ധ​വും പൂർവ്വാ​പ​ര​യോ​ജി​പ്പി​ല്ലാ​ത്ത​തു​മാ​ണെ​ന്ന​തിന്‌ യഥാർത്ഥ​ത്തിൽ തെളി​വു​ണ്ടോ?

അത്‌ പരസ്‌പ​ര​വി​രു​ദ്ധ​മോ?

ബൈബിൾ പരസ്‌പര വിരു​ദ്ധ​മാ​ണെന്ന്‌ ചിലർ അവകാ​ശ​പ്പെ​ട്ടേ​ക്കാ​മെ​ങ്കി​ലും, ആരെങ്കി​ലും ഒരു യഥാർത്ഥ ഉദാഹ​രണം നിങ്ങളെ എന്നെങ്കി​ലും കാണി​ച്ചി​ട്ടു​ണ്ടോ? സൂക്ഷ്‌മ​പ​രി​ശോ​ധ​ന​യിൽ ഈടുററ ഒന്ന്‌ ഞങ്ങൾ ഒരിക്ക​ലും കണ്ടിട്ടില്ല. ചില ബൈബിൾ വിവര​ണ​ങ്ങ​ളിൽ പൊരു​ത്ത​ക്കേ​ടു​കൾ ഉണ്ടെന്ന്‌ തോന്നി​യേ​ക്കാം, എന്നാൽ യഥാർത്ഥ​പ്ര​ശ്‌നം സാധാ​ര​ണ​മാ​യി വിശദാം​ശ​ങ്ങ​ളും കാലത്തി​ന്റെ സാഹച​ര്യ​ങ്ങ​ളും സംബന്ധിച്ച അജ്ഞതയാണ്‌.

ദൃഷ്ടാ​ന്ത​മാ​യി, ചിലർ ബൈബി​ളി​ലെ ഒരു പൊരു​ത്ത​ക്കേട്‌ എന്നു വിചാ​രി​ക്കു​ന്ന​തി​ലേക്ക്‌ ശ്രദ്ധ ക്ഷണിച്ചു​കൊണ്ട്‌ ‘കയീന്‌ ഭാര്യയെ എവി​ടെ​നി​ന്നു കിട്ടി?’ എന്നു ചോദി​ച്ചേ​ക്കാം. കയീനും ഹാബേ​ലും മാത്ര​മാ​യി​രു​ന്നു ആദാമി​ന്റെ​യും ഹവ്വായു​ടെ​യും മക്കൾ എന്നാണു സങ്കൽപ്പം. എന്നാൽ ആ സങ്കൽപ്പം ബൈബിൾ പറയു​ന്നതു സംബന്ധിച്ച ഒരു തെററി​ദ്ധാ​ര​ണ​യി​ല​ധി​ഷ്‌ഠി​ത​മാണ്‌. ആദാം “പുത്രൻമാർക്കും പുത്രി​മാർക്കും പിതാ​വാ​യി​ത്തീർന്നു”വെന്ന്‌ ബൈബിൾ വിശദീ​ക​രി​ക്കു​ന്നു. (ഉല്‌പത്തി 5:4) അങ്ങനെ കയീൻ തന്റെ സഹോ​ദ​രി​മാ​രി​ലൊ​രാ​ളെ​യോ സാദ്ധ്യ​ത​യ​നു​സ​രിച്ച്‌ ഒരു ഭാഗി​നേ​യി​യേ​യോ വിവാഹം ചെയ്‌തു.

മിക്ക​പ്പോ​ഴും വിമർശകർ കേവലം വൈരു​ദ്ധ്യ​ങ്ങൾക്കു​വേ​ണ്ടി​മാ​ത്രം നോക്കു​ന്നു. അങ്ങനെ ‘ഒരു സൈനി​കോ​ദ്യോ​ഗസ്ഥൻ യേശു​വി​നോട്‌ ഒരു ആനുകൂ​ല്യം ചോദി​ക്കാൻ വന്നതായി ബൈബി​ളെ​ഴു​ത്തു​കാ​ര​നായ മത്തായി പറയു​ന്നു​വെ​ന്നും, അതേസ​മയം പ്രതി​നി​ധി​കളെ അയച്ചു ചോദി​ച്ചു​വെന്ന്‌ ലൂക്കോസ്‌ പറയു​ന്നു​വെ​ന്നും ഏതാണു ശരി?’ എന്നും അവർ പ്രസ്‌താ​വി​ച്ചേ​ക്കാം. (മത്തായി 8:5, 6; ലൂക്കോസ്‌ 7:2, 3) എന്നാൽ ഇത്‌ യഥാർത്ഥ​ത്തിൽ ഒരു വൈരു​ദ്ധ്യ​മാ​ണോ?

ആളുക​ളു​ടെ ഒരു പ്രവർത്ത​ന​ത്തി​നോ പ്രവൃ​ത്തി​ക്കോ യഥാർത്ഥ​ത്തിൽ ഉത്തരവാ​ദി​ത്ത​മു​ളള ഒരാൾ അതു ചെയ്‌ത​താ​യി പറയു​മ്പോൾ ന്യായ​ബോ​ധ​മു​ളള ഒരു വ്യക്തി ഒരു പൊരു​ത്ത​ക്കേ​ടു​ണ്ടെന്ന്‌ അവകാ​ശ​പ്പെ​ടു​ന്നില്ല. ദൃഷ്ടാ​ന്ത​മാ​യി, ഒരു റോഡ്‌ ഒരു മേയറു​ടെ എൻജി​നി​യർമാ​രോ തൊഴി​ലാ​ളി​ക​ളോ ആണ്‌ യഥാർത്ഥ​ത്തിൽ നിർമ്മി​ച്ച​തെ​ങ്കി​ലും മേയർ അത്‌ നിർമ്മി​ച്ചു​വെന്നു പറയുന്ന റിപ്പോർട്ട്‌ തെററാ​ണെന്നു നിങ്ങൾ പറയു​മോ? തീർച്ച​യാ​യു​മില്ല! അതു​പോ​ലെ​തന്നെ, സൈനി​കോ​ദ്യോ​ഗസ്ഥൻ യേശു​വി​നോട്‌ അപേക്ഷി​ച്ചു​വെന്നു മത്തായി പറയു​ന്ന​തും, ലൂക്കോസ്‌ എഴുതു​ന്ന​തു​പോ​ലെ, ചില പ്രതി​നി​ധി​കൾ മുഖേന ആ അപേക്ഷ ചെയ്‌തു​വെന്നു പറയു​ന്ന​തും പൂർവ്വാ​പ​ര​വി​രു​ദ്ധമല്ല.

കൂടുതൽ വിശദാം​ശങ്ങൾ അറിയ​പ്പെ​ടു​മ്പോൾ ബൈബി​ളി​ലെ ബാഹ്യ​മായ പൊരു​ത്ത​ക്കേ​ടു​കൾ അപ്രത്യ​ക്ഷ​പ്പെ​ടു​ന്നു.

ചരി​ത്ര​വും സയൻസും

ബൈബി​ളി​ന്റെ ചരി​ത്ര​പ​ര​മായ കൃത്യത ഒരിക്കൽ പരക്കെ സംശയി​ക്ക​പ്പെ​ട്ടി​രു​ന്നു. ദൃഷ്ടാ​ന്ത​മാ​യി, വിമർശകർ അശൂറി​ലെ സർഗ്ഗോൻ രാജാവ്‌, ബാബി​ലോ​നി​ലെ ബേൽശസ്സർ, റോമൻ ഗവർണ​റാ​യി​രുന്ന പൊന്തി​യോസ്‌ പീലാ​ത്തോസ്‌ എന്നിങ്ങ​നെ​യു​ളള ബൈബിൾ കഥാപാ​ത്ര​ങ്ങ​ളു​ടെ അസ്‌തി​ത്വ​ത്തെ ചോദ്യം ചെയ്‌തു. എന്നാൽ അടുത്ത കാലത്തെ കണ്ടുപി​ടി​ത്തങ്ങൾ ബൈബിൾ വിവര​ണ​ങ്ങളെ ഒന്നിനു​പി​റകേ ഒന്നായി സ്ഥിരീ​ക​രി​ച്ചു. അങ്ങനെ മോഷെ പേൾമൻ എഴുതി: “പെട്ടെന്ന്‌, പഴയനി​യ​മ​ത്തി​ലെ ചരിത്ര ഭാഗങ്ങ​ളു​ടെ​പോ​ലും സത്യസ്ഥി​തി​യെ സംശയിച്ച സന്ദേഹ​വാ​ദി​കൾ തങ്ങളുടെ വീക്ഷണ​ങ്ങളെ തിരു​ത്താൻ തുടങ്ങി.”

ബൈബി​ളിൽ വിശ്വ​സി​ക്ക​ണ​മെ​ങ്കിൽ, അത്‌ ശാസ്‌ത്ര​കാ​ര്യ​ങ്ങ​ളി​ലും കൃത്യ​ത​യു​ള​ള​താ​യി​രി​ക്കണം. ആണോ? ശാസ്‌ത്ര​ജ്ഞൻമാർ, ബൈബി​ളി​നു വിരു​ദ്ധ​മാ​യി, പ്രപഞ്ച​ത്തിന്‌ ആരംഭ​മി​ല്ലെന്ന്‌ തറപ്പിച്ചു പറഞ്ഞത്‌ ദീർഘ​നാൾ മുമ്പാ​യി​രു​ന്നില്ല. എന്നിരു​ന്നാ​ലും, ജ്യോ​തി​ശാ​സ്‌ത്ര​ജ്ഞ​നായ റോബർട്ട്‌ ജാസ്‌ത്രോ അടുത്ത കാലത്ത്‌ ഇതിനെ ഖണ്ഡിക്കുന്ന പുതിയ വിവര​ങ്ങ​ളി​ലേക്ക്‌ വിരൽ ചൂണ്ടു​ക​യും ഇങ്ങനെ വിശദീ​ക​രി​ക്കു​ക​യും ചെയ്‌തു: “ഇപ്പോൾ ജ്യോ​തി​ശാ​സ്‌ത്ര​പ​ര​മായ തെളിവ്‌ ലോക​ത്തി​ന്റെ ഉത്ഭവം സംബന്ധിച്ച ബൈബിൾ വീക്ഷണ​ത്തി​ലേക്ക്‌ നയിക്കു​ന്ന​താ​യി നാം കാണുന്നു. വിശദാം​ശ​ങ്ങ​ളിൽ വ്യത്യാ​സ​മുണ്ട്‌, എന്നാൽ ഉല്‌പ​ത്തി​യു​ടെ ജ്യോ​തി​ശാ​സ്‌ത്ര​പ​ര​വും ബൈബിൾപ​ര​വു​മായ വിവര​ണ​ങ്ങ​ളി​ലെ സാരവ​ത്തായ അടിസ്ഥാ​ന​ത​ത്ത്വ​ങ്ങൾ ഒന്നുത​ന്നെ​യാണ്‌.”—ഉല്‌പത്തി 1:1.

ആളുകൾ ഭൂമി​യു​ടെ ആകൃതി​യോ​ടു ബന്ധപ്പെട്ട തങ്ങളുടെ വീക്ഷണ​ങ്ങ​ളും മാററി​യി​രി​ക്കു​ന്നു. “മിക്കയാ​ളു​ക​ളും വിശ്വ​സി​ച്ചി​രു​ന്ന​തു​പോ​ലെ ലോകം പരന്നതല്ല, ഉരുണ്ട​താ​ണെന്ന്‌ കണ്ടുപി​ടി​ത്ത​ത്തി​നാ​യു​ളള സമു​ദ്ര​യാ​ത്രകൾ തെളി​യി​ച്ചു”വെന്ന്‌ ദ വേൾഡ്‌ ബുക്ക്‌ എൻ​സൈ​ക്ലോ​പ്പീ​ഡിയ വിശദീ​ക​രി​ക്കു​ന്നു. എന്നാൽ ബൈബിൾ എക്കാല​ത്തും ശരിയാ​യി​രു​ന്നു! ആ സമുദ്ര യാത്ര​കൾക്ക്‌ 2000-ത്തിൽപരം വർഷം മുൻപ്‌ ബൈബിൾ യെശയ്യാവ്‌ 40:22-ൽ ഇങ്ങനെ പറഞ്ഞു: “ഭൂമി​യു​ടെ വൃത്തത്തിൻമീ​തെ വസിക്കുന്ന ഒരുവ​നുണ്ട്‌,” അല്ലെങ്കിൽ മററു ഭാഷാ​ന്ത​രങ്ങൾ പറയു​ന്ന​തു​പോ​ലെ, “ഭൂഗോ​ള​ത്തി​നു​മീ​തെ” (ഡൂവ്വേ), “ഉരുണ്ട ഭൂമി​ക്കു​മീ​തെ” (മോഫ​ററ്‌).

തന്നിമി​ത്തം ബൈബി​ളിൽ വിശ്വ​സി​ക്കാൻ കഴിയു​മെ​ന്നു​ള​ള​തിന്‌, മനുഷ്യർ എത്രയ​ധി​കം പഠിക്കു​ന്നു​വോ അത്രയ​ധി​കം വിപു​ല​മായ തെളി​വുണ്ട്‌. ബ്രിട്ടീഷ്‌ കാഴ്‌ച​ബം​ഗ്ലാ​വി​ന്റെ ഒരു മുൻ ഡയറക്ട​റാ​യി​രുന്ന സർ ഫ്രെഡ​റിക്ക്‌ കെനിയൻ എഴുതി: “ഇപ്പോൾത്തന്നെ കിട്ടിയ ഫലങ്ങൾ, വിശ്വാ​സം സൂചി​പ്പി​ക്കു​ന്ന​തി​നെ സ്ഥിരീ​ക​രി​ക്കു​ന്നു, ബൈബി​ളിന്‌ വിജ്ഞാ​ന​വർദ്ധ​ന​വിൽനിന്ന്‌ നേട്ടമേ ഉണ്ടാകാൻ കഴിയു എന്നുതന്നെ.”

ഭാവി മുൻകൂ​ട്ടി​പ്പ​റ​യൽ

എന്നാൽ ‘നീതി​യു​ളള ഒരു പുതിയ ആകാശ​ത്തെ​യും പുതിയ ഭൂമി’യെയും സംബന്ധിച്ച ബൈബി​ളി​ലെ വാഗ്‌ദ​ത്തങ്ങൾ ഉൾപ്പെടെ, ഭാവി​യി​ലേ​ക്കു​ളള അതിന്റെ പ്രവച​ന​ങ്ങ​ളിൽ നമുക്ക്‌ യഥാർത്ഥ​ത്തിൽ വിശ്വ​സി​ക്കാ​മോ? (2 പത്രോസ്‌ 3:13; വെളി​പ്പാട്‌ 21:3, 4) ശരി, കഴിഞ്ഞ​കാ​ലത്തു വിശ്വാ​സ്യത സംബന്ധിച്ച ബൈബി​ളി​ന്റെ രേഖ എന്താണ്‌? നൂറു​ക​ണ​ക്കി​നു വർഷം മുൻകൂ​ട്ടി​പോ​ലും നൽകപ്പെട്ട പ്രവച​നങ്ങൾ ആവർത്തിച്ച്‌ കൃത്യ​മായ വിശദാം​ശ​ങ്ങ​ളിൽ നിവർത്തി​ക്ക​പ്പെ​ട്ടി​ട്ടുണ്ട്‌!

ദൃഷ്ടാ​ന്ത​ത്തിന്‌, ശക്തമാ​യി​രുന്ന ബാബി​ലോ​ന്റെ മറിച്ചി​ടീൽ സംഭവി​ക്കു​ന്ന​തിന്‌ ഏകദേശം 200 വർഷം മുമ്പ്‌ ബൈബിൾ അതു മുൻകൂ​ട്ടി​പ്പ​റഞ്ഞു. യഥാർത്ഥ​ത്തിൽ പേർസ്യ​ക്കാ​രോ​ടു ചേരി​ചേർന്ന മേദ്യർ ജേതാ​ക്ക​ളാ​യി പേർ പറയ​പ്പെട്ടു. പേർസ്യ​രാ​ജാ​വാ​യി​രുന്ന കോ​രേശ്‌ അന്നുവരെ ജനിച്ചി​ട്ടി​ല്ലാ​യി​രു​ന്നെ​ങ്കി​ലും അയാൾ ജയിച്ച​ട​ക്ക​ലിൽ പ്രമു​ഖ​നാ​യി​രി​ക്കു​മെന്ന്‌ ബൈബിൾ മുൻകൂ​ട്ടി​പ്പ​റഞ്ഞു. ബാബി​ലോ​നി​ലെ സംരക്ഷക വെളളങ്ങൾ, യൂഫ്ര​ട്ടീസ്‌ നദി, “വററി​ക്ക​പ്പെടണ”മെന്നും “[ബാബി​ലോ​ന്റെ] പടിവാ​തി​ലു​കൾ അടയ്‌ക്ക​പ്പെ​ടു​ക​യി​ല്ലെ​ന്നും” അതു പറഞ്ഞു.—യിരെ​മ്യാവ്‌ 50:38; യെശയ്യാവ്‌ 13:17-19; 44:27–45:1.

ചരി​ത്ര​കാ​ര​നാ​യ ഹെറോ​ഡോ​ട്ടസ്‌ റിപ്പോർട്ടു ചെയ്‌ത പ്രകാരം ഈ പ്രത്യേക വിശദാം​ശങ്ങൾ നിവൃ​ത്തി​യേറി. കൂടാതെ, ഒടുവിൽ ബാബി​ലോൻ നിവസി​ക്ക​പ്പെ​ടാത്ത ശൂന്യ​ശി​ഷ്ട​ങ്ങ​ളാ​യി​ത്തീ​രു​മെന്ന്‌ ബൈബിൾ മുൻകൂ​ട്ടി​പ്പ​റഞ്ഞു. അതുത​ന്നെ​യാണ്‌ യഥാർത്ഥ​ത്തിൽ സംഭവി​ച്ചത്‌. ഇന്നു ബാബി​ലോൻ മൺകൂ​ന​ക​ളു​ടെ ശൂന്യ​കൂ​മ്പാ​ര​മാണ്‌. (യെശയ്യാവ്‌ 13:20-22; യിരെ​മ്യാവ്‌ 51:37, 41-43) ബൈബിൾ നാടകീയ നിവൃ​ത്തി​യു​ണ്ടായ മററു പ്രവച​ന​ങ്ങ​ളെ​ക്കൊ​ണ്ടു നിറഞ്ഞി​രി​ക്കു​ക​യാണ്‌.

ആ സ്ഥിതിക്ക്‌, ഇപ്പോ​ഴത്തെ ലോക വ്യവസ്ഥി​തി​യെ​ക്കു​റി​ച്ചു ബൈബിൾ എന്തു മുൻകൂ​ട്ടി​പ്പ​റ​യു​ന്നു? അതു പറയുന്നു: “ഈ ലോക​ത്തി​ന്റെ അന്തിമ​യു​ഗം കുഴപ്പ​ങ്ങ​ളു​ടെ ഒരു കാലമാ​യി​രി​ക്കും. അളുകൾ പണസ്‌നേ​ഹ​വും സ്വസ്‌നേ​ഹ​വും മാത്ര​മാ​യി​രി​ക്കും പ്രകട​മാ​ക്കുക; അവർ അഹങ്കാ​രി​ക​ളും വമ്പുപ​റ​യു​ന്ന​വ​രും അസഭ്യം​പ​റ​യു​ന്ന​വ​രു​മാ​യി​രി​ക്കും; മാതാ​പി​താ​ക്ക​ളോ​ടു​ളള സ്‌നേ​ഹ​മില്ല, നന്ദിയില്ല, ഭക്തിയില്ല, സ്വാഭാ​വിക പ്രിയ​മില്ല . . . അവർ ഉല്ലാസത്തെ ദൈവ​ത്തി​ന്റെ സ്ഥാനത്തു പ്രതി​ഷ്‌ഠി​ക്കുന്ന മനുഷ്യർ, മതത്തിന്റെ ബാഹ്യ​രൂ​പം കാത്തു​സൂ​ക്ഷി​ക്കു​ന്ന​വ​രെ​ങ്കി​ലും, അതിന്റെ യാഥാർത്ഥ്യ​ത്തി​ന്റെ നിഷേ​ധ​മാ​യി നില​കൊ​ള​ളു​ന്നവർ, ആയിരി​ക്കും.”—2 തിമൊ​ഥെ​യോസ്‌ 3:1-5, ന്യൂ ഇംഗ്ലീഷ്‌ ബൈബിൾ.

തീർച്ച​യാ​യും, നാം ഇപ്പോൾ ഇതിന്റെ നിവൃത്തി കാണു​ക​യാണ്‌. എന്നാൽ ബൈബിൾ “ഈ ലോക​ത്തി​ന്റെ അന്തിമ​യുഗ”ത്തിലേക്ക്‌ ഈ കാര്യ​ങ്ങ​ളും മുൻകൂ​ട്ടി​പ്പ​റ​യു​ന്നു: “ജനത ജനത​ക്കെ​തി​രാ​യും രാജ്യം രാജ്യ​ത്തി​നെ​തി​രാ​യും എഴു​ന്നേൽക്കും, ഭക്ഷ്യദൗർല്ല​ഭ്യ​ങ്ങ​ളും ഉണ്ടായി​രി​ക്കും.” അതിനു​പു​റമേ, “വലിയ ഭൂകമ്പ​ങ്ങ​ളും അവിട​വി​ടെ പകർച്ച​വ്യാ​ധി​ക​ളും ഉണ്ടായി​രി​ക്കും.”—മത്തായി 24:7; ലൂക്കോസ്‌ 21:11.

തീർച്ച​യാ​യും, ബൈബിൾ പ്രവച​നങ്ങൾ ഇന്ന്‌ നിവർത്തി​ച്ചു​കൊ​ണ്ടി​രി​ക്കു​ക​യാണ്‌! ആ സ്ഥിതിക്ക്‌, ഇനിയും നിവർത്തി​ക്കാ​നു​ളള വാഗ്‌ദ​ത്തങ്ങൾ സംബന്ധി​ച്ചെന്ത്‌, “നീതി​മാൻമാർതന്നെ ഭൂമിയെ കൈവ​ശ​മാ​ക്കും, അവർ അതിൽ എന്നേക്കും വസിക്കും,” “അവർ തങ്ങളുടെ വാളു​കളെ കലപ്പക​ളാ​യി അടിച്ചു തീർക്കും. . . . , അവർ മേലാൽ യുദ്ധം അഭ്യസി​ക്ക​യു​മില്ല” എന്നിങ്ങ​നെ​യു​ളളവ?—സങ്കീർത്തനം 37:29; യെശയ്യാവ്‌ 2:4.

‘അതു സത്യമാ​യി​രി​ക്കാൻ കഴിയാ​ത്ത​വണ്ണം അത്ര മഹത്താ​ണ​ല്ലോ’ എന്ന്‌ ചിലർ പറഞ്ഞേ​ക്കാം. എന്നാൽ യഥാർത്ഥ​ത്തിൽ, നമ്മുടെ സ്രഷ്ടാവു വാഗ്‌ദത്തം ചെയ്യുന്ന യാതൊ​ന്നി​നെ​യും സംശയി​ക്കാൻ നമുക്കു കാരണ​മില്ല. അവന്റെ വാക്കുകൾ വിശ്വ​സി​ക്കാൻ കഴിയും! (തീത്തോസ്‌ 1:2) കൂടു​ത​ലായ തെളിവു പരി​ശോ​ധി​ക്കു​ന്ന​തി​നാൽ, നിങ്ങൾക്ക്‌ ഇതി​നെ​ക്കു​റിച്ച്‌ പൂർവ്വാ​ധി​കം ബോദ്ധ്യ​മു​ണ്ടാ​കും.

മററു പ്രകാ​ര​ത്തിൽ സൂചി​പ്പി​ക്കാ​തി​രു​ന്നാൽ എല്ലാ ബൈബി​ളു​ദ്ധ​ര​ണി​ക​ളും വിശുദ്ധ തിരു​വെ​ഴു​ത്തു​ക​ളു​ടെ പുതിയ ലോക​ഭാ​ഷാ​ന്ത​ര​ത്തിൽ നിന്നാണ്‌.

[4-ാം പേജിലെ ആകർഷ​ക​വാ​ക്യം]

“ഇപ്പോൾത്തന്നെ കിട്ടിയ ഫലങ്ങൾ, വിശ്വാ​സം സൂചി​പ്പി​ക്കു​ന്ന​തി​നെ സ്ഥിരീ​ക​രി​ക്കു​ന്നു, ബൈബി​ളിന്‌ വിജ്ഞാ​ന​വർദ്ധ​ന​വിൽനിന്ന്‌ നേട്ടമേ ഉണ്ടാകാൻ കഴിയു എന്നുതന്നെ”