അവർ എന്തു വിശ്വ​സി​ക്കു​ന്നു?

സർവശ​ക്ത​നും ആകാശ​ത്തി​ന്റെ​യും ഭൂമി​യു​ടെ​യും സ്രഷ്ടാ​വു​മായ യഹോ​വ​യാം ദൈവ​ത്തിൽ യഹോ​വ​യു​ടെ സാക്ഷികൾ വിശ്വ​സി​ക്കു​ന്നു. നമുക്കു ചുറ്റു​മുള്ള ലോക​ത്തി​ലെ അതിസ​ങ്കീർണ രൂപഘ​ട​ന​യുള്ള വിസ്‌മ​യങ്ങൾ, അപാര ബുദ്ധി​ശാ​ലി​യും അതിശ​ക്ത​നു​മായ ഒരു സ്രഷ്ടാവ്‌ അവയ്‌ക്കു പിന്നിൽ പ്രവർത്തി​ച്ചി​ട്ടുണ്ട്‌ എന്നതിനു ന്യായ​യു​ക്ത​മാ​യും തെളിവു നൽകുന്നു. മനുഷ്യ​രു​ടെ പ്രവൃ​ത്തി​ക​ളിൽ സാധാരണ അവരുടെ ഗുണങ്ങൾ പ്രതി​ഫ​ലി​ക്കാ​റുണ്ട്‌. യഹോ​വ​യാം ദൈവ​ത്തി​ന്റെ കാര്യ​ത്തി​ലും ഇതു സത്യമാണ്‌. “അവന്റെ അദൃശ്യ​ല​ക്ഷ​ണങ്ങൾ ലോക​സൃ​ഷ്ടി​മു​തൽ അവന്റെ പ്രവൃ​ത്തി​ക​ളാൽ ബുദ്ധി​ക്കു​തെ​ളി​വാ​യി വെളി​പ്പെ​ട്ടു​വ​രു​ന്നു” എന്ന്‌ ബൈബിൾ നമ്മോടു പറയുന്നു. അതു​പോ​ലെ, ശബ്ദമോ വാക്കു​ക​ളോ കൂടാതെ “ആകാശം ദൈവ​ത്തി​ന്റെ മഹത്വത്തെ വർണ്ണി​ക്കു​ന്നു.”—റോമർ 1:20; സങ്കീർത്തനം 19:1-4.

എന്തെങ്കി​ലും ഉദ്ദേശ്യ​മി​ല്ലാ​തെ കമ്പ്യൂ​ട്ട​റു​ക​ളോ ടെലി​വി​ഷൻ സെറ്റു​ക​ളോ മൺപാ​ത്രങ്ങൾ പോലു​മോ ആരും ഉണ്ടാക്കാ​റില്ല. അവയെ അപേക്ഷിച്ച്‌ എത്രയോ അത്ഭുത​ക​ര​മാണ്‌ ഈ ഭൂമി​യും ഇതിലെ സസ്യ-ജന്തു ജാലങ്ങ​ളും! ശതസഹ​സ്ര​കോ​ടി​ക്ക​ണ​ക്കിന്‌ കോശ​ങ്ങ​ളാൽ നിർമി​ത​മാ​യി​രി​ക്കുന്ന മനുഷ്യ​ശ​രീ​ര​ത്തി​ന്റെ ഘടന നമ്മുടെ ഗ്രാഹ്യ​ത്തിന്‌ അതീത​മാണ്‌, നാം ചിന്തി​ക്കാൻ ഉപയോ​ഗി​ക്കുന്ന മസ്‌തി​ഷ്‌കം തന്നെയും നമുക്കു പൂർണ​മാ​യി ഗ്രഹി​ക്കാ​നാ​വാ​ത്ത​വി​ധം അത്ഭുത​ക​ര​മാണ്‌! താരത​മ്യേന തീരെ അപ്രസ​ക്ത​മായ മനുഷ്യ കണ്ടുപി​ടു​ത്ത​ങ്ങൾക്കു പോലും ഒരു ഉദ്ദേശ്യ​മു​ണ്ടെ​ങ്കിൽ, ഇത്ര ഭയഗം​ഭീ​ര​മായ വിധത്തിൽ സൃഷ്ടി​ക്രിയ നടത്തി​യ​തി​ന്റെ പിന്നിൽ യഹോ​വ​യാം ദൈവ​ത്തി​നും ഒരു ഉദ്ദേശ്യം ഉണ്ടായി​രി​ക്കേ​ണ്ട​തല്ലേ? തീർച്ച​യാ​യും! സദൃശ​വാ​ക്യ​ങ്ങൾ 16:4 പറയുന്നു: “യഹോവ സകല​ത്തെ​യും തന്റെ ഉദ്ദേശ​ത്തി​ന്നാ​യി ഉണ്ടാക്കി​യി​രി​ക്കു​ന്നു.”

ഭൂമിയെ സൃഷ്ടി​ച്ച​തിന്‌ യഹോ​വ​യ്‌ക്ക്‌ ഒരു ഉദ്ദേശ്യ​മു​ണ്ടാ​യി​രു​ന്നു. അതേക്കു​റിച്ച്‌ ആദ്യ മനുഷ്യ ജോടി​യോട്‌ അവൻ ഇങ്ങനെ പറഞ്ഞു: “നിങ്ങൾ സന്താന​പു​ഷ്ടി​യു​ള്ള​വ​രാ​യി പെരുകി ഭൂമി​യിൽ നിറഞ്ഞു . . . സമു​ദ്ര​ത്തി​ലെ മത്സ്യത്തി​ന്മേ​ലും ആകാശ​ത്തി​ലെ പറവജാ​തി​യി​ന്മേ​ലും സകലഭൂ​ച​ര​ജ​ന്തു​വി​ന്മേ​ലും വാഴു​വിൻ.” (ഉല്‌പത്തി 1:28) പക്ഷേ, ആ ദമ്പതികൾ അനുസ​ര​ണ​ക്കേടു കാണിച്ചു. അതു​കൊണ്ട്‌, ഭൂമി​യെ​യും അതിലെ ജീവജാ​ല​ങ്ങ​ളെ​യും സ്‌നേ​ഹ​പൂർവം പരിപാ​ലി​ക്കുന്ന നീതി​നി​ഷ്‌ഠ​മായ കുടും​ബ​ങ്ങ​ളെ​ക്കൊണ്ട്‌ അതിനെ നിറയ്‌ക്കാൻ അവർക്കു സാധി​ച്ചില്ല. എന്നാൽ അവർ പരാജി​ത​രാ​യി പിൻവാ​ങ്ങി എന്നു​വെച്ച്‌ യഹോ​വ​യു​ടെ ഉദ്ദേശ്യ​ത്തി​നു മാറ്റം വന്നില്ല. ആയിര​ക്ക​ണ​ക്കി​നു വർഷങ്ങൾക്കു ശേഷം ഇങ്ങനെ എഴുത​പ്പെട്ടു: ‘അവൻ ഭൂമിയെ നിർമ്മി​ച്ചു​ണ്ടാ​ക്കി . . . വ്യർത്ഥ​മാ​യി​ട്ടല്ല അവൻ അതിനെ സൃഷ്ടി​ച്ചതു; പാർപ്പി​ന്ന​ത്രേ അതിനെ നിർമ്മി​ച്ചത്‌.’ ഭൂമി നശിപ്പി​ക്ക​പ്പെ​ടാ​നു​ള്ളതല്ല പിന്നെ​യോ ‘എന്നേക്കും നില്‌ക്കാൻ’ ഉള്ളതാണ്‌. (യെശയ്യാ​വു 45:18; സഭാ​പ്ര​സം​ഗി 1:4) ഭൂമിയെ കുറി​ച്ചുള്ള യഹോ​വ​യു​ടെ ഉദ്ദേശ്യം നിവൃ​ത്തി​യേ​റു​ക​തന്നെ ചെയ്യും. അവൻ ഇങ്ങനെ പറയുന്നു: “എന്റെ ആലോചന നിവൃ​ത്തി​യാ​കും; ഞാൻ എന്റെ താല്‌പ​ര്യ​മൊ​ക്കെ​യും അനുഷ്‌ഠി​ക്കും.”—യെശയ്യാ​വു 46:10.

അതു​കൊണ്ട്‌, ഈ ഭൂമി എന്നേക്കും നിലനിൽക്കു​മെന്ന്‌ യഹോ​വ​യു​ടെ സാക്ഷികൾ വിശ്വ​സി​ക്കു​ന്നു. അതു​പോ​ലെ, ആളുകൾ വസിക്കുന്ന, മനോ​ഹ​ര​മായ ഒരു ഭൂമിയെ സംബന്ധിച്ച യഹോ​വ​യു​ടെ ഉദ്ദേശ്യ​ത്തോ​ടു യോജി​പ്പിൽ പ്രവർത്തി​ക്കുന്ന ഏതൊ​രാൾക്കും—ജീവി​ച്ചി​രി​ക്കു​ന്ന​വർക്കും മരിച്ചു​പോ​യി​ട്ടു​ള്ള​വർക്കും—ഇവിടെ എന്നേക്കും ജീവി​ക്കാ​നുള്ള അവസരം ലഭിക്കു​മെ​ന്നും. ആദാമിൽനി​ന്നും ഹവ്വായിൽനി​ന്നും മുഴു മനുഷ്യ കുടും​ബ​ത്തി​നും അപൂർണത കൈമാ​റി​ക്കി​ട്ടി​യി​രി​ക്കു​ന്നു. അങ്ങനെ, എല്ലാവ​രും പാപി​ക​ളാ​യി​ത്തീർന്നു. (റോമർ 5:12) ബൈബിൾ നമ്മോട്‌ ഇങ്ങനെ പറയുന്നു: “പാപത്തി​ന്റെ ശമ്പളം മരണമ​ത്രേ.” “ജീവി​ച്ചി​രി​ക്കു​ന്നവർ തങ്ങൾ മരിക്കും എന്നറി​യു​ന്നു; മരിച്ച​വ​രോ ഒന്നും അറിയു​ന്നില്ല.” “പാപം ചെയ്യുന്ന വ്യക്തി മരിക്കും.” (റോമർ 6:23; സഭാ​പ്ര​സം​ഗി 9:5; യെഹെ​സ്‌കേൽ 18:4, 20, ഓശാന ബൈബിൾ) അങ്ങനെ​യാ​ണെ​ങ്കിൽ, ഈ ഭൗമിക അനു​ഗ്ര​ഹ​ങ്ങ​ളിൽ പങ്കുപ​റ്റു​ന്ന​തിന്‌ ഒരാൾക്ക്‌ വീണ്ടും എങ്ങനെ ജീവി​ക്കാൻ കഴിയും? ക്രിസ്‌തു​യേ​ശു​വി​ന്റെ മറുവി​ല​യാ​ഗം മാത്ര​മാണ്‌ അതിനുള്ള വഴി. യേശു ഇങ്ങനെ പറഞ്ഞു: “ഞാൻ തന്നേ പുനരു​ത്ഥാ​ന​വും ജീവനും ആകുന്നു; എന്നിൽ വിശ്വ​സി​ക്കു​ന്നവൻ മരിച്ചാ​ലും ജീവി​ക്കും.” “സ്‌മാ​ര​ക​ക്ക​ല്ല​റ​ക​ളിൽ ഉള്ളവർ എല്ലാവ​രും അവന്റെ ശബ്ദം കേട്ടു പുറത്തു​വ​രും.”—യോഹ​ന്നാൻ 5:28, 29, NW; 11:25; മത്തായി 20:28.

ഇത്‌ എങ്ങനെ​യാ​ണു സാധ്യ​മാ​കുക? ഭൂമി​യി​ലാ​യി​രി​ക്കെ യേശു പ്രസം​ഗി​ക്കാൻ ആരംഭിച്ച “രാജ്യ​ത്തി​ന്റെ സുവി​ശേഷ”ത്തിൽ അതിനെ കുറി​ച്ചുള്ള വിശദീ​ക​ര​ണ​മുണ്ട്‌. (മത്തായി 4:17-23) എന്നാൽ ഇന്ന്‌ യഹോ​വ​യു​ടെ സാക്ഷികൾ പ്രത്യേ​ക​മായ ഒരു വിധത്തിൽ ഈ സുവി​ശേഷം അഥവാ സുവാർത്ത പ്രസം​ഗി​ക്കു​ന്നു.

[13-ാം പേജിലെ ചാർട്ട്‌]

യഹോവയുടെ സാക്ഷി​ക​ളു​ടെ വിശ്വാ​സ​ങ്ങൾ

വിശ്വാസം തിരു​വെ​ഴു​ത്തു​പ​ര​മായ കാരണം

[12-ാം പേജിലെ ചിത്രം]

ഭൂമി . . . യഹോ​വ​യാൽ സൃഷ്ടി​ക്ക​പ്പെട്ടു . . . മനുഷ്യ​രാൽ പരിപാ​ലി​ക്ക​പ്പെട്ട്‌ . . . എന്നേക്കും നിവസി​ക്ക​പ്പെ​ട​ണം