സത്യ​ക്രി​സ്‌ത്യാ​നി​കൾ ആരാധ​ന​യിൽ കുരിശ്‌ ഉപയോ​ഗി​ക്കു​ക​യി​ല്ലാ​ത്തത്‌ എന്തു​കൊണ്ട്‌?

ദശലക്ഷ​ക്ക​ണ​ക്കിന്‌ ആളുകൾ കുരി​ശി​നെ പൂജി​ക്കു​ക​യും ആദരി​ക്കു​ക​യും ചെയ്യുന്നു. “ക്രിസ്‌തു​മ​ത​ത്തി​ന്റെ പ്രധാന ചിഹ്നം” എന്നാണ്‌ ദി എൻ​സൈ​ക്ലോ​പീ​ഡി​യ ബ്രിട്ടാ​നി​ക്ക കുരി​ശി​നെ വിശേ​ഷി​പ്പി​ക്കു​ന്നത്‌. എന്നുവ​രി​കി​ലും സത്യ​ക്രി​സ്‌ത്യാ​നി​കൾ ആരാധ​ന​യിൽ കുരിശ്‌ ഉപയോ​ഗി​ക്കു​ക​യി​ല്ല. എന്തു​കൊണ്ട്‌?

യേശു​ക്രി​സ്‌തു മരിച്ചത്‌ ഒരു കുരി​ശി​ലല്ല എന്നതാണ്‌ പ്രധാ​ന​പ്പെട്ട ഒരു കാരണം. “കുരിശ്‌” എന്നു പൊതു​വേ പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്ക്‌ പദം സ്റ്റോ​റോസ്‌ ആണ്‌. അതിന്റെ അടിസ്ഥാ​ന​പ​ര​മാ​യ അർഥം “നേരെ നാട്ടി​നി​റു​ത്തി​യ തൂണ്‌, അഥവാ സ്‌തംഭം” എന്നാണ്‌. ദ കംപാ​നി​യൻ ബൈബിൾ ഇങ്ങനെ പറയുന്നു: “[സ്റ്റോ​റോസ്‌] ഒരിക്ക​ലും ഏതെങ്കി​ലും രീതി​യിൽ കുറു​കെ​വെച്ച രണ്ടു തടിക്ക​ഷ​ണ​ങ്ങ​ളെ അർഥമാ​ക്കു​ന്നി​ല്ല. . . . [പുതി​യ​നി​യമ] ഗ്രീക്കിൽ രണ്ടു തടിക്ക​ഷ​ണ​ങ്ങ​ളെ​ക്കു​റി​ച്ചുള്ള യാതൊ​രു​വി​ധ സൂചന​യു​മി​ല്ല.”

യേശു ഏത്‌ ഉപകര​ണ​ത്തിൽ കിടന്നാ​ണോ മരിച്ചത്‌, അതിനെ കുറി​ക്കാ​നാ​യി നിരവധി വാക്യ​ങ്ങ​ളിൽ ബൈബി​ളെ​ഴു​ത്തു​കാർ മറ്റൊരു പദം ഉപയോ​ഗി​ക്കു​ന്നുണ്ട്‌. സൈ​ലോൺ എന്ന ഗ്രീക്കു പദമാണ്‌ ഇത്‌. (പ്രവൃ​ത്തി​കൾ 5:30; 10:39; 13:29; ഗലാത്യർ 3:13; 1 പത്രൊസ്‌ 2:24) “മരത്തടി” എന്നോ “വടി, ദണ്ഡ്‌, മരം” എന്നോ ഒക്കെ മാത്രമേ അതിന്‌ അർഥമു​ള്ളൂ.

വധശിക്ഷ നടപ്പാ​ക്കാ​നാ​യി കേവലം ഒരു സ്‌തംഭം ഉപയോ​ഗി​ച്ചി​രു​ന്ന​തി​ന്റെ കാരണം വിശദീ​ക​രി​ച്ചു​കൊണ്ട്‌ ജർമൻ ഭാഷയി​ലു​ള്ള കുരി​ശും ക്രൂശി​ക്ക​ലും എന്ന ഗ്രന്ഥത്തിൽ ഹെർമാൻ ഫുൽഡ ഇപ്രകാ​രം പറയുന്നു. “പരസ്യ​മാ​യി വധശിക്ഷ നടപ്പാ​ക്കാൻ തിര​ഞ്ഞെ​ടു​ക്കു​ന്ന എല്ലാ സ്ഥലങ്ങളി​ലും വൃക്ഷങ്ങൾ കാണു​മാ​യി​രു​ന്നി​ല്ല. അതു​കൊണ്ട്‌ ഒരു തൂണ്‌ നിലത്തു നാട്ടി​യു​റ​പ്പി​ക്കു​മാ​യി​രു​ന്നു. കുറ്റവാ​ളി​ക​ളു​ടെ കൈകൾ രണ്ടും മേൽപ്പോ​ട്ടും . . . കാൽപ്പാ​ദ​ങ്ങൾ കീഴ്‌പോ​ട്ടും​വെച്ച്‌ ഇതിൽ മുറു​ക്കി​ക്കെ​ട്ടു​ക​യോ ആണിയ​ടി​ക്കു​ക​യോ ചെയ്‌തി​രു​ന്നു.”

എന്നാൽ, ഏറ്റവും ശക്തമായ തെളിവ്‌ ദൈവ​വ​ച​ന​ത്തി​ലാണ്‌ ഉള്ളത്‌. അപ്പൊ​സ്‌ത​ല​നാ​യ പൗലൊസ്‌ ഇപ്രകാ​രം പറയുന്നു: “‘മരത്തി​ന്മേൽ തൂങ്ങു​ന്ന​വൻ എല്ലാം ശപിക്ക​പ്പെ​ട്ട​വൻ’ എന്നു എഴുതി​യി​രി​ക്കു​ന്ന​തു​പോ​ലെ ക്രിസ്‌തു നമുക്കു​വേ​ണ്ടി ശാപമാ​യി​ത്തീർന്നു. ന്യായ​പ്ര​മാ​ണ​ത്തി​ന്റെ ശാപത്തിൽനി​ന്നു നമ്മെ വിലെക്കു വാങ്ങി.” (ഗലാത്യർ 3:13) ഇവിടെ പൗലൊസ്‌ ആവർത്ത​ന​പു​സ്‌ത​കം 21:22, 23-ൽനിന്നാണ്‌ ഉദ്ധരി​ക്കു​ന്നത്‌. വ്യക്തമാ​യും, അവിടെ പരാമർശി​ച്ചി​രി​ക്കു​ന്നത്‌ കുരി​ശി​നെ​യല്ല മറിച്ച്‌ ഒരു സ്‌തം​ഭ​ത്തെ​യാണ്‌. ഒരു വ്യക്തിയെ ‘ശപിക്ക​പ്പെ​ട്ട​വൻ’ ആക്കിത്തീർത്തി​രു​ന്ന തരം വധശി​ക്ഷ​യാ​യി​രു​ന്നു അത്‌. അതിനാൽ, ക്രിസ്‌ത്യാ​നി​കൾ തങ്ങളുടെ വീടു​ക​ളിൽ വധസ്‌തം​ഭ​ത്തിൽ കിടക്കുന്ന ക്രിസ്‌തു​വി​ന്റെ രൂപം വെക്കു​ന്നത്‌ ഉചിത​മാ​യി​രി​ക്കു​ക​യില്ല.

യേശു​വി​ന്റെ മരണ​ശേ​ഷ​മു​ള്ള 300 വർഷക്കാ​ലത്ത്‌ ക്രിസ്‌ത്യാ​നി​ക​ളെന്ന്‌ അവകാ​ശ​പ്പെ​ട്ടി​രു​ന്ന​വർ തങ്ങളുടെ ആരാധ​ന​യിൽ കുരിശ്‌ ഉപയോ​ഗി​ച്ച​താ​യു​ള്ള യാതൊ​രു തെളി​വു​മി​ല്ല. എന്നാൽ നാലാം നൂറ്റാ​ണ്ടിൽ, കോൺസ്റ്റ​ന്റൈൻ എന്ന വിജാ​തീ​യ ചക്രവർത്തി വിശ്വാ​സ​ത്യാ​ഗം​ഭ​വിച്ച ക്രിസ്‌ത്യാ​നി​ത്വ​ത്തി​ലേക്കു പരിവർത്ത​നം ചെയ്യു​ക​യും കുരി​ശി​നെ അതിന്റെ ചിഹ്നമാ​യി ഉന്നമി​പ്പി​ക്കു​ക​യും ചെയ്‌തു. അദ്ദേഹ​ത്തി​ന്റെ ഉദ്ദേശ്യം എന്തുതന്നെ ആയിരു​ന്നാ​ലും, കുരി​ശിന്‌ യേശു​ക്രി​സ്‌തു​വു​മാ​യി യാതൊ​രു ബന്ധവു​മി​ല്ലാ​യി​രു​ന്നു. വാസ്‌ത​വ​ത്തിൽ, കുരി​ശി​നു പുറജാ​തീ​യ ഉത്ഭവമാണ്‌ ഉള്ളത്‌. ന്യൂ കാത്തലിക്‌ എൻ​സൈ​ക്ലോ​പീ​ഡി​യ ഇപ്രകാ​രം സമ്മതി​ച്ചു​പ​റ​യു​ന്നു: “ക്രിസ്‌തീ​യ​പൂർവ​വും ക്രിസ്‌തീ​യേ​ത​ര​വും ആയ സംസ്‌കാ​ര​ങ്ങ​ളിൽ കുരിശ്‌ ഉപയോ​ഗി​ച്ചി​രു​ന്നു.” മറ്റു പല ആധികാ​രി​ക ഗ്രന്ഥങ്ങ​ളും കുരി​ശി​നെ പ്രകൃതി ആരാധ​ന​യോ​ടും പുറജാ​തീ​യ ലൈം​ഗി​ക മതകർമ​ങ്ങ​ളോ​ടും ബന്ധപ്പെ​ടു​ത്തി​യി​രി​ക്കു​ന്നു.

അങ്ങനെ​യെ​ങ്കിൽ ഈ പുറജാ​തീ​യ ചിഹ്നം എന്തു​കൊ​ണ്ടാ​ണു സ്വീക​രി​ക്ക​പ്പെ​ട്ടത്‌? വിജാ​തീ​യർക്ക്‌ ‘ക്രിസ്‌ത്യാ​നി​ത്വം​’ സ്വീക​രി​ക്കു​ക എളുപ്പ​മാ​ക്കി​ത്തീർക്കു​ന്ന​തിന്‌ ആയിരു​ന്നി​രി​ക്ക​ണം അത്‌. എന്നാൽ പുറജാ​തീ​യ​മാ​യ ഏതൊരു ചിഹ്ന​ത്തെ​യും പൂജി​ക്കു​ന്ന​തി​നെ ബൈബിൾ വ്യക്തമാ​യി കുറ്റം​വി​ധി​ക്കു​ന്നു. (2 കൊരി​ന്ത്യർ 6:14-18) കൂടാതെ, സകലവിധ വിഗ്ര​ഹാ​രാ​ധ​ന​യും തിരു​വെ​ഴു​ത്തു​കൾ വിലക്കു​ന്നു. (പുറപ്പാ​ടു 20:4, 5; 1 കൊരി​ന്ത്യർ 10:14) അതു​കൊണ്ട്‌, നല്ല കാരണ​ത്തോ​ടെ​ത​ന്നെ സത്യ​ക്രി​സ്‌ത്യാ​നി​കൾ ആരാധ​ന​യിൽ കുരിശ്‌ ഉപയോ​ഗി​ക്കു​ന്നി​ല്ല.a