അപ്പൊ​സ്‌ത​ല​ന്മാർ നിർഭയം പ്രസംഗിക്കുന്നു

ക്രി സ്‌തു​വർഷം 33. യേശു സ്വർഗാ​രോ​ഹ​ണം​ചെ​യ്‌ത്‌ പത്തുദി​വ​സം കഴിഞ്ഞി​രു​ന്നു. അവന്റെ ശിഷ്യ​ന്മാ​രിൽപ്പെട്ട 120-ഓളം പേർ യെരു​ശ​ലേ​മി​ലെ ഒരു വീട്ടിൽ ഒന്നിച്ചു​കൂ​ടി​യി​രി​ക്കു​ക​യാ​യി​രു​ന്നു. യഹൂദ​ന്മാ​രു​ടെ പെരു​ന്നാ​ളാ​യ പെന്തെ​ക്കൊ​സ്‌ത്‌ ആയിരു​ന്നു അന്ന്‌. പെട്ടെന്ന്‌, കാറ്റിന്റെ ഇരമ്പൽപ്പോ​ലെ ഒരു ശബ്ദമു​ണ്ടാ​യി. അത്‌ ആ വീടു​മു​ഴു​വൻ നിറഞ്ഞു. ശിഷ്യ​ന്മാർ അത്ഭുത​ക​ര​മാ​യി അന്യഭാ​ഷ​ക​ളിൽ സംസാ​രി​ക്കാൻതു​ട​ങ്ങി. അവർക്ക്‌ അത്‌ എങ്ങനെ​യാ​ണു സാധി​ച്ചത്‌? ദൈവം തന്റെ പരിശു​ദ്ധാ​ത്മാ​വി​നെ അവരു​ടെ​മേൽ പകർന്നി​രു​ന്നു.

പെരു​ന്നാ​ളിൽ പങ്കെടു​ക്കാൻ പല ദേശങ്ങ​ളിൽനി​ന്നും നിരവധി ആളുകൾ യെരു​ശ​ലേ​മിൽ എത്തിയി​രു​ന്നു. ശബ്ദം കേട്ട്‌ ജനം അവിടെ തടിച്ചു​കൂ​ടി; യേശു​വി​ന്റെ ശിഷ്യ​ന്മാർ, തങ്ങളുടെ ഓരോ​രു​ത്ത​രു​ടെ​യും ഭാഷ ഒഴു​ക്കോ​ടെ സംസാ​രി​ക്കു​ന്ന​തു കേട്ട​പ്പോൾ അവർ അമ്പരന്നു. സംഭവി​ച്ചത്‌ എന്താ​ണെന്ന്‌ പത്രോസ്‌ വിശദീ​ക​രി​ച്ചു: ദൈവം തന്റെ പരിശു​ദ്ധാ​ത്മാ​വി​നെ ‘പകരു​മെ​ന്നും​’ അത്‌ ലഭിക്കു​ന്ന​വർക്ക്‌ അത്ഭുത​വ​ര​ങ്ങൾ ഉണ്ടായി​രി​ക്കു​മെ​ന്നും യോവേൽ പ്രവാ​ച​കൻ മുൻകൂ​ട്ടി​പ്പ​റ​ഞ്ഞി​രു​ന്നു. (യോവേൽ 2:28, 29) അവിടെ അപ്പോൾ സംഭവി​ച്ചത്‌ ആ പ്രവച​ന​ത്തി​ന്റെ നിവൃ​ത്തി​യാ​യി​രു​ന്നു. ദൈവം തന്റെ പരിശു​ദ്ധാ​ത്മാ​വി​നെ ഈ വിധത്തിൽ പകർന്നത്‌ വലി​യൊ​രു മാറ്റം സംഭവി​ച്ചി​രി​ക്കു​ന്നു എന്നതിന്റെ വ്യക്തമായ തെളി​വാ​യി​രു​ന്നു: ഇനിമേൽ ഇസ്രാ​യേ​ലി​നല്ല, പുതു​താ​യി സ്ഥാപി​ത​മാ​യ ക്രിസ്‌തീ​യ സഭയ്‌ക്കാണ്‌ ദൈവ​ത്തി​ന്റെ അംഗീ​കാ​രം ഉള്ളത്‌. ദൈവ​ത്തി​നു സ്വീകാ​ര്യ​മാ​യ വിധത്തിൽ അവനെ ആരാധി​ക്കാൻ ആഗ്രഹി​ക്കു​ന്ന​വർ ക്രിസ്‌തു​വി​ന്റെ അനുഗാ​മി​ക​ളാ​യി​ത്തീ​രേ​ണ്ട​തുണ്ട്‌.

ക്രിസ്‌തീ​യ സഭയ്‌ക്കു​നേ​രെ​യു​ള്ള ഉപദ്ര​വ​ങ്ങൾ ഏറി​ക്കൊ​ണ്ടി​രു​ന്നു. വിരോ​ധി​കൾ ശിഷ്യ​ന്മാ​രെ തടവി​ലാ​ക്കി. എന്നാൽ രാത്രി​യാ​യ​പ്പോൾ യഹോ​വ​യു​ടെ ദൂതൻ തടവറ​യു​ടെ വാതിൽ തുറന്ന്‌ അവരെ മോചി​പ്പി​ച്ചു; പ്രസം​ഗ​വേല തുടരാ​നും അവൻ ശിഷ്യ​ന്മാ​രോട്‌ ആവശ്യ​പ്പെ​ട്ടു. പ്രഭാ​ത​മാ​യ​പ്പോൾ അവർ വീണ്ടും തങ്ങളോ​ടു നിർദേ​ശി​ച്ചി​രു​ന്ന​തു​പോ​ലെ പ്രസം​ഗ​വേ​ല​യിൽ ഏർപ്പെട്ടു. അവർ ദേവാ​ല​യ​ത്തിൽച്ചെന്ന്‌ യേശു​ക്രി​സ്‌തു​വി​നെ​ക്കു​റി​ച്ചുള്ള സുവാർത്ത അറിയി​ച്ചു​തു​ട​ങ്ങി. കോപാ​കു​ല​രാ​യ അവരുടെ എതിരാ​ളി​കൾ, പ്രസം​ഗ​വേല നിറു​ത്താൻ അവരോട്‌ കർശന​മാ​യി ആവശ്യ​പ്പെ​ട്ടു. എന്നാൽ, “ഞങ്ങൾ മനുഷ്യ​രെ​യല്ല, ദൈവ​ത്തെ​യ​ത്രേ അധിപ​തി​യാ​യി അനുസ​രി​ക്കേ​ണ്ടത്‌” എന്നായി​രു​ന്നു ധീരരായ അപ്പൊ​സ്‌ത​ല​ന്മാ​രു​ടെ മറുപടി.—പ്രവൃ​ത്തി​കൾ 5:28, 29.

ഉപദ്രവം ഒന്നി​നൊന്ന്‌ വർധി​ച്ചു​വ​ന്നു. ചില യഹൂദ​ന്മാർ സ്‌തെ​ഫാ​നൊസ്‌ എന്ന ക്രിസ്‌തു​ശി​ഷ്യ​നെ ദൈവ​ദൂ​ഷ​ണ​ക്കു​റ്റം ചുമത്തി കല്ലെറി​ഞ്ഞു​കൊ​ന്നു. തർസൊ​സു​കാ​ര​നാ​യ ശൗൽ എന്ന ഒരു യുവാവ്‌ ആ വധത്തിനു കൂട്ടു​നി​ന്നു. പിന്നീട്‌, ക്രിസ്‌തു​വി​ന്റെ മറ്റ്‌ അനുഗാ​മി​ക​ളെ​യും അറസ്റ്റു​ചെ​യ്യാ​നാ​യി അവൻ ദമസ്‌കൊ​സി​ലേക്ക്‌ യാത്ര​യാ​യി. യാത്രാ​മ​ധ്യേ ആകാശ​ത്തു​നിന്ന്‌ ഒരു വെളിച്ചം അവനു ചുറ്റും മിന്നി; “ശൗലേ, ശൗലേ, നീ എന്നെ പീഡി​പ്പി​ക്കു​ന്ന​തെന്ത്‌?” എന്നു ചോദി​ക്കു​ന്ന ഒരു ശബ്ദവും അവൻ കേട്ടു. ശക്തമായ ആ വെളിച്ചം അവനെ അന്ധനാക്കി. “പ്രഭോ, നീ ആരാണ്‌?” എന്ന്‌ ശൗൽ ചോദി​ച്ച​തിന്‌, “നീ പീഡി​പ്പി​ക്കു​ന്ന യേശു​വാ​ണു ഞാൻ” എന്ന്‌ അവനു മറുപടി ലഭിച്ചു.—പ്രവൃ​ത്തി​കൾ 9:3-5.

മൂന്നു​ദി​വ​സ​ത്തി​നു​ശേഷം, ശൗലിനു കാഴ്‌ച തിരി​ച്ചു​കി​ട്ടാ​നാ​യി അനന്യാസ്‌ എന്ന ഒരു ശിഷ്യനെ യേശു അവന്റെ അടുക്ക​ലേക്ക്‌ അയച്ചു. ശൗൽ സ്‌നാ​ന​മേറ്റ്‌ ഒരു ക്രിസ്‌തു​ശി​ഷ്യ​നാ​യി​ത്തീർന്നു. അവൻ യേശു​വി​നെ​ക്കു​റിച്ച്‌ സധൈ​ര്യം പ്രസം​ഗി​ക്കാൻ തുടങ്ങി. ഈ ശൗലാണ്‌ പിന്നീട്‌ അപ്പൊ​സ്‌ത​ല​നാ​യ പൗലോസ്‌ എന്ന്‌ അറിയ​പ്പെ​ടാ​നി​ട​യാ​യത്‌. ക്രിസ്‌തീ​യ സഭയിൽ തീക്ഷ്‌ണ​ത​യോ​ടെ പ്രവർത്തി​ച്ച ഒരു വ്യക്തി​യാ​യി​രു​ന്നു അവൻ.

അതുവരെ, യേശു​വി​ന്റെ ശിഷ്യ​ന്മാർ ദൈവ​രാ​ജ്യ​ത്തെ​ക്കു​റി​ച്ചുള്ള സുവി​ശേ​ഷം യഹൂദ​ന്മാ​രോ​ടും ശമര്യ​ക്കാ​രോ​ടും മാത്രമേ ഘോഷി​ച്ചി​രു​ന്നു​ള്ളൂ. എന്നാലി​പ്പോൾ ഒരു ദൈവ​ദൂ​തൻ, വിജാ​തീ​യ​നാ​യ കൊർന്നേ​ല്യൊ​സി​നു പ്രത്യ​ക്ഷ​നാ​യി പത്രോസ്‌ അപ്പൊ​സ്‌ത​ല​നെ ആളയച്ചു വിളി​പ്പി​ക്കാൻ ആവശ്യ​പ്പെ​ടു​ന്നു. റോമൻ സൈന്യാ​ധി​പ​നാ​യ കൊർന്നേ​ല്യൊസ്‌ വലിയ ദൈവ​ഭ​ക്ത​നാ​യി​രു​ന്നു. സഹവി​ശ്വാ​സി​ക​ളാ​യ ഏതാനും പേരു​മൊത്ത്‌ പത്രോസ്‌ കൊർന്നേ​ല്യൊ​സി​ന്റെ ഭവനത്തിൽച്ചെ​ന്നു; അദ്ദേഹ​ത്തോ​ടും ബന്ധുമി​ത്രാ​ദി​ക​ളോ​ടും പ്രസം​ഗി​ച്ചു. പത്രോസ്‌ സംസാ​രി​ച്ചു​കൊ​ണ്ടി​രി​ക്കു​മ്പോൾതന്നെ പരിശു​ദ്ധാ​ത്മാവ്‌ വിജാ​തീ​യ​രാ​യ ആ വിശ്വാ​സി​ക​ളു​ടെ​മേൽ വന്നു. യേശു​വി​ന്റെ നാമത്തിൽ അവരെ സ്‌നാ​ന​പ്പെ​ടു​ത്താൻ പത്രോസ്‌ നിർദേ​ശം നൽകി. നിത്യ​ജീ​വ​നി​ലേ​ക്കു​ള്ള വഴി അങ്ങനെ എല്ലാ ജനതകൾക്കും തുറന്നു​കി​ട്ടി. ദൈവ​രാ​ജ്യ​ത്തെ​ക്കു​റി​ച്ചുള്ള സുവി​ശേ​ഷം ഭൂമി​യു​ടെ നാനാ​ദി​ക്കു​ക​ളി​ലേക്കു വ്യാപി​പ്പി​ക്കാൻ ക്രിസ്‌തീ​യ സഭ സജ്ജമായി കഴിഞ്ഞി​രു​ന്നു.

—പ്രവൃ​ത്തി​കൾ 1:1–11:21 വാക്യ​ങ്ങ​ളെ ആധാര​മാ​ക്കി​യു​ള്ളത്‌.