സകുടും​ബം യഹോ​വയെ ആരാധി​ക്കു​ക

നിങ്ങൾക്കും കുടും​ബ​ത്തി​നും സഹായ​ക​മായ ഒട്ടേറെ തത്ത്വങ്ങൾ ബൈബി​ളി​ലു​ണ്ടെന്ന്‌ ഇതി​നോ​ടകം ഈ പത്രി​ക​യി​ലൂ​ടെ നിങ്ങൾ കണ്ടുക​ഴി​ഞ്ഞു. നിങ്ങൾ സന്തോ​ഷ​ത്തോ​ടെ ജീവി​ക്കാൻ യഹോവ ആഗ്രഹി​ക്കു​ന്നു! സത്യാ​രാ​ധന പ്രഥമ​സ്ഥാ​നത്തു വെക്കു​ക​യാ​ണെ​ങ്കിൽ “അതോ​ടു​കൂ​ടെ . . . (മറ്റു) കാര്യ​ങ്ങ​ളൊ​ക്കെ​യും നിങ്ങൾക്കു നൽക​പ്പെ​ടും” എന്ന്‌ അവൻ ഉറപ്പു​നൽകു​ന്നു. (മത്തായി 6:33) നിങ്ങൾ യഹോ​വ​യു​ടെ സുഹൃ​ത്താ​ക​ണ​മെ​ന്നാണ്‌ അവന്റെ ആഗ്രഹം. അതു​കൊണ്ട്‌ ദൈവ​വു​മാ​യി സൗഹൃദം വളർത്താൻ കിട്ടുന്ന അവസരങ്ങൾ ഓരോ​ന്നും നന്നായി വിനി​യോ​ഗി​ക്കുക. ഒരു മനുഷ്യന്‌ കിട്ടാ​വുന്ന ഏറ്റവും വലിയ ബഹുമ​തി​യാണ്‌ ദൈവ​വു​മാ​യുള്ള സൗഹൃദം!—മത്തായി 22:37, 38.

1 യഹോവയുമായുള്ള നിങ്ങളു​ടെ ബന്ധം കരുത്തു​റ്റ​താ​ക്കു​ക

ബൈബിൾ പറയു​ന്നത്‌: “‘ഞാൻ നിങ്ങൾക്കു പിതാ​വും നിങ്ങൾ എനിക്കു പുത്ര​ന്മാ​രും പുത്രി​മാ​രും ആയിരി​ക്കും’ എന്ന്‌ സർവശ​ക്ത​നായ യഹോവ അരുളി​ച്ചെ​യ്യു​ന്നു.” (2 കൊരി​ന്ത്യർ 6:18) യഹോ​വ​യു​മാ​യുള്ള നിങ്ങളു​ടെ സൗഹൃദം വളർന്ന്‌ അതൊരു ഉറ്റബന്ധ​മാ​യി​ത്തീ​രാ​നാണ്‌ അവൻ ആഗ്രഹി​ക്കു​ന്നത്‌! അതിനുള്ള ഒരു വിധം പ്രാർഥ​ന​യാണ്‌. “ഇടവി​ടാ​തെ പ്രാർഥി​ക്കു​വിൻ” എന്നു പറഞ്ഞു​കൊണ്ട്‌ യഹോവ നിങ്ങളെ അതിനു ക്ഷണിക്കു​ന്നു. (1 തെസ്സ​ലോ​നി​ക്യർ 5:17) നിങ്ങളു​ടെ ഉള്ളി​ന്റെ​യു​ള്ളി​ലെ വികാ​ര​വി​ചാ​ര​ങ്ങ​ളും ആശങ്കക​ളും നിങ്ങൾ പറഞ്ഞു​കേൾക്കാൻ അവന്‌ അതിയായ താത്‌പ​ര്യ​മുണ്ട്‌! (ഫിലി​പ്പി​യർ 4:6) കുടും​ബ​വു​മൊ​ത്തു പ്രാർഥി​ക്കു​മ്പോൾ, ദൈവ​വു​മാ​യുള്ള നിങ്ങളു​ടെ അടുപ്പ​ത്തി​ന്റെ ആഴം എത്ര​യെന്നു കുടും​ബാം​ഗ​ങ്ങൾക്കു വ്യക്തമാ​യി​ത്തീ​രും.

നിങ്ങൾ ദൈവ​ത്തോ​ടു സംസാ​രി​ച്ചാൽ മാത്രം പോരാ, അവൻ പറയു​ന്നതു കേൾക്കു​ക​യും വേണം. ഇത്‌ എങ്ങനെ ചെയ്യാം? അവന്റെ വചനമായ ബൈബി​ളും ബൈബി​ളി​നെ ആധാര​മാ​ക്കി തയ്യാറാ​ക്കി​യി​രി​ക്കുന്ന പ്രസി​ദ്ധീ​ക​ര​ണ​ങ്ങ​ളും പഠിച്ചു​കൊണ്ട്‌ അങ്ങനെ ചെയ്യാം. (സങ്കീർത്തനം 1:1, 2) പഠിക്കുന്ന കാര്യ​ങ്ങ​ളെ​ക്കു​റി​ച്ചു മനനം ചെയ്യുക, അതായത്‌, മനസ്സി​രു​ത്തി ചിന്തി​ക്കുക. (സങ്കീർത്തനം 77:11, 12) ക്രിസ്‌തീ​യ​യോ​ഗ​ങ്ങ​ളി​ലൂ​ടെ​യും ദൈവം സംസാ​രി​ക്കു​ന്നുണ്ട്‌. അതു​കൊണ്ട്‌, നിങ്ങൾ അതിൽ പതിവാ​യി സംബന്ധി​ക്കാൻ ദൈവം പ്രതീ​ക്ഷി​ക്കു​ന്നു.—സങ്കീർത്തനം 122:1-4.

യഹോവയുമായുള്ള നിങ്ങളു​ടെ ബന്ധം ഊട്ടി​യു​റ​പ്പി​ക്കാൻ ചെയ്യേണ്ട മറ്റൊരു പ്രധാ​ന​കാ​ര്യ​മുണ്ട്‌: അവനെ​ക്കു​റി​ച്ചു മറ്റുള്ള​വ​രോ​ടു സംസാ​രി​ക്കുക. നിങ്ങൾ ഇത്‌ എത്രയ​ധി​കം ചെയ്യു​ന്നു​വോ അത്രയ​ധി​കം നിങ്ങൾക്ക്‌ യഹോ​വ​യോട്‌ അടുപ്പം തോന്നും!—മത്തായി 28:19, 20.

ഇങ്ങനെ ചെയ്‌തു​നോ​ക്കൂ:

• ബൈബിൾ വായി​ക്കാ​നും പ്രാർഥി​ക്കാ​നും ഓരോ ദിവസ​വും നിശ്ചി​ത​സ​മയം നീക്കി​വെ​ക്കു​ക

• കുടുംബത്തിലെ ആത്മീയ​പ്ര​വർത്ത​നങ്ങൾ വിനോ​ദ​ങ്ങൾക്കും ഉല്ലാസ​ങ്ങൾക്കും ഉപരി​യാ​യി വെക്കുക

2 കുടുംബാരാധന ആസ്വദി​ച്ചു​ചെ​യ്യുക

ബൈബിൾ പറയു​ന്നത്‌: “ദൈവ​ത്തോട്‌ അടുത്തു ചെല്ലു​വിൻ; എന്നാൽ അവൻ നിങ്ങ​ളോട്‌ അടുത്തു വരും.” (യാക്കോബ്‌ 4:8) കുടും​ബാ​രാ​ധന ക്രമമാ​യി നടത്തു​ന്ന​തിന്‌ ഒരു പട്ടിക​യു​ണ്ടാ​ക്കുക; അതു കണിശ​മാ​യി പിൻപ​റ്റുക. (ഉല്‌പത്തി 18:19) എന്നാൽ അതു​കൊ​ണ്ടു മാത്രം മതിയാ​കു​ന്നില്ല. നിത്യേ​ന​യുള്ള നിങ്ങളു​ടെ ജീവി​ത​ത്തിൽ ഒരു കുടും​ബാം​ഗ​മാ​യി ദൈവ​വും ഉണ്ടായി​രി​ക്കണം! “വീട്ടിൽ ഇരിക്കു​മ്പോ​ഴും വഴി നടക്കു​മ്പോ​ഴും കിടക്കു​മ്പോ​ഴും എഴു​ന്നേ​ല്‌ക്കു​മ്പോ​ഴും” ദൈവ​ത്തെ​ക്കു​റി​ച്ചു സംസാ​രി​ക്കുക. അങ്ങനെ, ദൈവ​വു​മാ​യുള്ള നിങ്ങളു​ടെ കുടും​ബാം​ഗ​ങ്ങ​ളു​ടെ ബന്ധം ബലിഷ്‌ഠ​മാ​ക്കുക. (ആവർത്ത​ന​പു​സ്‌തകം 6:6, 7) “ഞാനും എന്റെ കുടും​ബ​വു​മോ, ഞങ്ങൾ യഹോ​വയെ സേവി​ക്കും” എന്നു പറഞ്ഞ യോശു​വ​യെ​പ്പോ​ലെ​യാ​കട്ടെ നിങ്ങൾ!—യോശുവ 24:15.

ഇങ്ങനെ ചെയ്‌തു​നോ​ക്കൂ:

• കുടുംബത്തിലെ ഓരോ​രു​ത്ത​രു​ടെ​യും ആവശ്യങ്ങൾ കണക്കി​ലെ​ടു​ത്തു​കൊ​ണ്ടുള്ള സ്ഥിരമായ ഒരു പരിശീ​ല​ന​പ​രി​പാ​ടി ഉണ്ടായി​രി​ക്ക​ണം