സഭയുടെ സംഘാ​ട​ന​വും ഭരണവി​ധ​വും

കൊരി​ന്തി​ലു​ള്ള​വർക്കുള്ള ആദ്യ​ലേ​ഖ​ന​ത്തിൽ പൗലോസ്‌ അപ്പോസ്‌തലൻ ദൈവ​ത്തെ​ക്കു​റിച്ച്‌ ഒരു സുപ്ര​ധാ​ന​സ​ത്യം വെളി​പ്പെ​ടു​ത്തി. പൗലോസ്‌ എഴുതി: “ദൈവം സമാധാ​ന​ത്തി​ന്റെ ദൈവ​മാണ്‌, കുഴഞ്ഞു​മ​റിഞ്ഞ അവസ്ഥയു​ടെ ദൈവമല്ല.” തുടർന്ന്‌ സഭാ​യോ​ഗ​ങ്ങ​ളെ​പ്പറ്റി, “എല്ലാം മാന്യ​മാ​യും ചിട്ട​യോ​ടെ​യും നടക്കട്ടെ” എന്നും പൗലോസ്‌ പറഞ്ഞു.​—1 കൊരി. 14:33, 40.

² അതേ ലേഖന​ത്തി​ന്റെ തുടക്ക​ത്തിൽ, കൊരി​ന്തി​ലെ സഭയിൽ നിലനി​ന്നി​രുന്ന ഭിന്നത​ക​ളെ​പ്പറ്റി പറഞ്ഞ്‌ അപ്പോസ്‌തലൻ അവരെ ഉപദേ​ശി​ക്കു​ക​യു​ണ്ടാ​യി. “യോജി​പ്പോ​ടെ സംസാ​രി​ക്ക​ണ​മെ​ന്നും . . . ഒരേ മനസ്സോ​ടെ​യും ഒരേ ചിന്ത​യോ​ടെ​യും തികഞ്ഞ ഐക്യ​ത്തിൽ കഴിയ​ണ​മെ​ന്നും” പൗലോസ്‌ ആ സഹോ​ദ​ര​ങ്ങളെ ഉദ്‌ബോ​ധി​പ്പി​ച്ചു. (1 കൊരി. 1:10, 11) സഭയുടെ ഐക്യത്തെ ബാധി​ക്കുന്ന പല കാര്യ​ങ്ങ​ളെ​ക്കു​റി​ച്ചും അപ്പോസ്‌തലൻ അവർക്ക്‌ ഉപദേ​ശങ്ങൾ കൊടു​ത്തു. ഒരു മനുഷ്യ​ശ​രീ​ര​ത്തി​ന്റെ ദൃഷ്ടാന്തം ഉപയോ​ഗി​ച്ചു​കൊണ്ട്‌ ഐക്യ​ത്തി​ന്റെ​യും സഹകര​ണ​ത്തി​ന്റെ​യും ആവശ്യം പൗലോസ്‌ അവർക്കു കാണി​ച്ചു​കൊ​ടു​ത്തു. സഭയിലെ എല്ലാവ​രോ​ടും, അവർ ഏതു പദവി​യി​ലു​ള്ള​വ​രാ​യി​രു​ന്നാ​ലും, അന്യോ​ന്യം സ്‌നേ​ഹ​പൂർവ​മായ കരുതൽ കാണി​ക്കാൻ അപ്പോസ്‌തലൻ ആവശ്യ​പ്പെട്ടു. (1 കൊരി. 12:12-26) സഭയി​ലു​ള്ള​വ​രു​ടെ അത്തരം യോജി​പ്പും സഹകര​ണ​വും സഭ നന്നായി സംഘടി​പ്പി​ക്ക​പ്പെ​ട്ടി​രി​ക്കു​ന്നെന്നു സൂചി​പ്പി​ക്കു​മാ​യി​രു​ന്നു.

³ എങ്ങനെ​യാ​ണു ക്രിസ്‌തീ​യസഭ സംഘടി​പ്പി​ക്കേ​ണ്ടി​യി​രു​ന്നത്‌? ആരാണ്‌ അതിന്റെ സംഘാ​ടകൻ? അതിന്റെ ഘടന എങ്ങനെ​യു​ള്ള​താ​യി​രി​ക്കും? നിയമി​ത​സ്ഥാ​ന​ങ്ങ​ളിൽ ആരൊക്കെ സേവി​ക്കു​മാ​യി​രു​ന്നു? ബൈബി​ളി​നെ വഴികാ​ട്ടി​യാ​ക്കു​ന്ന​തി​ലൂ​ടെ ഈ ചോദ്യ​ങ്ങൾക്കുള്ള വ്യക്തമായ ഉത്തരം നമുക്കു കണ്ടെത്താം.​—1 കൊരി. 4:6.

ദിവ്യാ​ധി​പ​ത്യ​പ​ര​മാ​യി സംഘടി​തം

⁴ ക്രിസ്‌തീ​യസഭ എ.ഡി. 33-ലെ പെന്തി​ക്കോസ്‌തു​ദി​ന​ത്തി​ലാ​ണു സ്ഥാപി​ത​മാ​യത്‌. ഒന്നാം നൂറ്റാ​ണ്ടി​ലെ സഭയെ​പ്പറ്റി എന്തെല്ലാം കാര്യ​ങ്ങ​ളാ​ണു മനസ്സി​ലാ​ക്കാ​നു​ള്ളത്‌? അതിന്റെ സംഘാ​ട​ന​വും ഭരണവും ദിവ്യാ​ധി​പ​ത്യ​പ​ര​മാ​യി​രു​ന്നു. അതായത്‌ ദൈവ​മാ​ണു (ഗ്രീക്കിൽ തിയോസ്‌ ) ഭരണം (ക്രേ​റ്റോസ്‌ ) നടത്തി​യി​രു​ന്നത്‌. 1 പത്രോസ്‌ 5:10, 11-ന്റെ മൂലപാ​ഠ​ത്തിൽ ഈ രണ്ടു പദങ്ങളും കാണാം. ഏകദേശം 2,000 വർഷം മുമ്പ്‌ യരുശ​ലേ​മിൽ നടന്ന കാര്യ​ങ്ങളെ സംബന്ധിച്ച ബൈബിൾവി​വ​ര​ണ​ത്തിൽനിന്ന്‌ അഭിഷി​ക്ത​ക്രിസ്‌ത്യാ​നി​ക​ളു​ടെ സഭ ദൈവം സ്ഥാപി​ച്ച​താ​ണെന്നു വ്യക്തമാണ്‌. (പ്രവൃ. 2:1-47) അതു ദൈവ​ത്തി​ന്റെ കെട്ടി​ട​മാണ്‌, വീട്ടു​കാ​രാണ്‌. (1 കൊരി. 3:9; എഫെ. 2:19) സംഘാ​ട​ന​ത്തി​ന്റെ​യും പ്രവർത്ത​ന​ത്തി​ന്റെ​യും കാര്യ​ത്തിൽ ഒന്നാം നൂറ്റാ​ണ്ടി​ലെ സഭ വെച്ച മാതൃക ഇന്നത്തെ ക്രിസ്‌തീ​യ​സ​ഭ​യും പിന്തു​ട​രു​ന്നു.

⁵ ഒന്നാം നൂറ്റാ​ണ്ടി​ലെ സഭയുടെ തുടക്ക​ത്തിൽ ഏതാണ്ട്‌ 120 ശിഷ്യ​ന്മാ​രാണ്‌ ഉണ്ടായി​രു​ന്നത്‌. ആദ്യം പരിശു​ദ്ധാ​ത്മാ​വി​നെ പകർന്നത്‌ അവരുടെ മേലാണ്‌; അങ്ങനെ അവർ ആത്മാവി​നാൽ ജനനം നേടി. യോവേൽ 2:28, 29-ന്റെ നിവൃ​ത്തി​യാ​യി​രു​ന്നു അത്‌. (പ്രവൃ. 2:16-18) അന്നേ ദിവസം വേറെ ഏകദേശം 3,000 പേർ വെള്ളത്തിൽ സ്‌നാ​ന​മേൽക്കു​ക​യും ആത്മാവി​നാൽ ജനനം നേടിയ ആ കൂട്ട​ത്തോ​ടു ചേരു​ക​യും ചെയ്‌തു. അവർ ക്രിസ്‌തു​വി​നെ​ക്കു​റി​ച്ചുള്ള വചനം സ്വീക​രി​ക്കു​ക​യും “ഉത്സാഹ​ത്തോ​ടെ അപ്പോസ്‌ത​ല​ന്മാ​രിൽനിന്ന്‌ പഠിക്കു​ക​യും” ചെയ്‌തു​പോ​ന്നു. തുടർന്ന്‌, “രക്ഷിക്ക​പ്പെ​ടു​ന്ന​വരെ യഹോവ ദിവസം​തോ​റും അവരോ​ടൊ​പ്പം ചേർത്തു​കൊ​ണ്ടി​രു​ന്നു.”​—പ്രവൃ. 2:41, 42, 47.

⁶ യരുശ​ലേ​മി​ലെ സഭ അതി​വേഗം വളരു​ക​യാ​യി​രു​ന്നു. യരുശ​ലേ​മി​നെ ശിഷ്യ​ന്മാ​രു​ടെ പഠിപ്പി​ക്ക​ലു​കൾകൊണ്ട്‌ നിറ​ച്ചെന്ന്‌ ജൂതന്മാ​രു​ടെ മഹാപു​രോ​ഹി​തൻ പരാതി പറയു​ക​പോ​ലും ചെയ്‌തു! സഭയി​ലേക്കു വന്ന പുതിയ ശിഷ്യ​ന്മാ​രിൽ ധാരാളം ജൂതപു​രോ​ഹി​ത​ന്മാ​രു​മു​ണ്ടാ​യി​രു​ന്നു.​—പ്രവൃ. 5:27, 28; 6:7.

⁷ ഈ വളർച്ച​യെ​പ്പറ്റി യേശു ഇങ്ങനെ പറഞ്ഞി​രു​ന്നു: “നിങ്ങൾ യരുശ​ലേ​മി​ലും യഹൂദ്യ​യിൽ എല്ലായി​ട​ത്തും ശമര്യ​യി​ലും ഭൂമി​യു​ടെ അതിവി​ദൂ​ര​ഭാ​ഗ​ങ്ങൾവ​രെ​യും എന്റെ സാക്ഷി​ക​ളാ​യി​രി​ക്കും.” (പ്രവൃ. 1:8) ഈ പ്രവചനം സത്യമാ​യി​ത്തീർന്നോ? സ്‌തെ​ഫാ​നൊ​സി​ന്റെ മരണ​ത്തെ​ത്തു​ടർന്ന്‌ യരുശ​ലേ​മിൽ ക്രൂര​മായ പീഡനം പൊട്ടി​പ്പു​റ​പ്പെട്ടു. അപ്പോൾ അവി​ടെ​യു​ണ്ടാ​യി​രുന്ന ശിഷ്യ​ന്മാർ യഹൂദ്യ​യി​ലും ശമര്യ​യി​ലും ചിതറി​പ്പോ​യി. പക്ഷേ, അവർ എവി​ടെ​പ്പോ​യോ അവി​ടെ​യെ​ല്ലാം സന്തോ​ഷ​വാർത്ത പ്രസം​ഗി​ക്കു​ക​യും ശമര്യ​ക്കാർ ഉൾപ്പെടെ അനേക​മാ​ളു​കളെ ശിഷ്യ​രാ​ക്കു​ക​യും ചെയ്‌തു. (പ്രവൃ. 8:1-13) കുറെ​ക്കാ​ലം കഴിഞ്ഞ്‌ ജൂതന്മാ​ര​ല്ലാത്ത ജനതക​ളു​ടെ​യി​ട​യി​ലും സന്തോ​ഷ​വാർത്ത പ്രസം​ഗി​ക്ക​പ്പെട്ടു. പരി​ച്ഛേ​ദ​ന​യേൽക്കാത്ത അവരിൽ ചിലരും സ്‌നാ​ന​മേറ്റു. (പ്രവൃ. 10:1-48) ഈ പ്രവർത്ത​ന​ങ്ങ​ളു​ടെ​യെ​ല്ലാം ഫലമായി ശിഷ്യ​ന്മാർ എണ്ണത്തിൽ വർധി​ക്കു​ക​യും യരുശ​ലേ​മി​നു പുറത്തും സത്യസ​ഭ​യു​ടെ പുതി​യ​പു​തിയ കൂട്ടങ്ങൾ രൂപം​കൊ​ള്ളു​ക​യും ചെയ്‌തു.​—പ്രവൃ. 11:19-21; 14:21-23.

⁸ പുതു​താ​യി രൂപം​കൊണ്ട ഓരോ സഭയും ദിവ്യാ​ധി​പ​ത്യ​പ​ര​മാ​യി അഥവാ ദൈവ​ത്തി​ന്റേ​തായ രീതി​യി​ലാ​ണു സംഘടി​പ്പി​ക്കു​ന്ന​തെ​ന്നും ഭരിക്കു​ന്ന​തെ​ന്നും എങ്ങനെ​യാണ്‌ ഉറപ്പാ​ക്കി​യി​രു​ന്നത്‌? പരിശു​ദ്ധാ​ത്മാ​വി​ന്റെ പ്രവർത്ത​ന​ത്താൽ ഈ സഭകളി​ലെ ആട്ടിൻകൂ​ട്ടത്തെ പരിപാ​ലി​ക്കു​ന്ന​തി​നു മൂപ്പന്മാ​രെ കീഴി​ട​യ​ന്മാ​രാ​യി നിയമി​ക്കാ​നുള്ള ക്രമീ​ക​ര​ണങ്ങൾ ചെയ്‌തു. ആദ്യമി​ഷ​ന​റി​യാ​ത്ര​യിൽ സന്ദർശിച്ച സഭകളിൽ പൗലോ​സും ബർന്നബാ​സും മൂപ്പന്മാ​രെ നിയമി​ച്ചു. (പ്രവൃ. 14:23) എഫെ​സൊസ്‌ സഭയിലെ മൂപ്പന്മാ​രു​മാ​യി പൗലോസ്‌ നടത്തിയ കൂടി​ക്കാഴ്‌ച​യെ​പ്പറ്റി ബൈബി​ളെ​ഴു​ത്തു​കാ​ര​നായ ലൂക്കോസ്‌ വിവരി​ക്കു​ന്നുണ്ട്‌. പൗലോസ്‌ അവരോട്‌ ഇങ്ങനെ പറഞ്ഞു: “നിങ്ങ​ളെ​ക്കു​റി​ച്ചും മുഴുവൻ ആട്ടിൻകൂ​ട്ട​ത്തെ​ക്കു​റി​ച്ചും ശ്രദ്ധയു​ള്ള​വ​രാ​യി​രി​ക്കുക. സ്വന്തം പുത്രന്റെ രക്തം​കൊണ്ട്‌ ദൈവം വിലയ്‌ക്കു വാങ്ങിയ തന്റെ സഭയെ മേയ്‌ക്കാ​നാ​യി പരിശു​ദ്ധാ​ത്മാവ്‌ നിങ്ങളെ മേൽവി​ചാ​ര​ക​ന്മാ​രാ​യി നിയമി​ച്ചി​രി​ക്കു​ക​യാ​ണ​ല്ലോ.” (പ്രവൃ. 20:17, 28) തിരു​വെ​ഴു​ത്തു​യോ​ഗ്യ​ത​ക​ളിൽ എത്തിച്ചേർന്നിരുന്നതിനാലാണ്‌ അവരെ മൂപ്പന്മാരായി നിയമിച്ചത്‌. (1 തിമൊ. 3:1-7) ക്രേത്ത​യി​ലെ സഭകളിൽ മൂപ്പന്മാ​രെ നിയമി​ക്കാൻ തീത്തോ​സി​നെ അധികാ​ര​പ്പെ​ടു​ത്തു​ക​യും ചെയ്‌തു.​—തീത്തോ. 1:5.

⁹ കൂടുതൽക്കൂടുതൽ സഭകൾ സ്ഥാപിതമായിക്കൊണ്ടിരുന്നു. ഒന്നാം നൂറ്റാ​ണ്ടിൽ പല ദേശങ്ങ​ളി​ലേ​ക്കും വളർന്നു​വി​ക​സിച്ച അന്തർദേ​ശീയ ക്രിസ്‌തീ​യ​സ​ഭ​യു​ടെ മുഖ്യ​മേൽവി​ചാ​ര​ക​ന്മാ​രാ​യി യരുശ​ലേ​മി​ലുള്ള അപ്പോസ്‌ത​ല​ന്മാ​രും മൂപ്പന്മാ​രും സേവിച്ചു. അവർ സഭയുടെ ഭരണസം​ഘ​മാ​യി വർത്തി​ച്ചെന്നു സാരം.

¹⁰ യേശു​ക്രിസ്‌തു​വി​ന്റെ ശിരഃ​സ്ഥാ​ന​ത്തോ​ടു പറ്റിനി​ന്നു​കൊണ്ട്‌ ദൈവാ​ത്മാ​വി​ന്റെ വഴിന​ട​ത്തി​പ്പിൻകീ​ഴിൽ പ്രവർത്തി​ക്കു​മ്പോൾ ക്രിസ്‌തീ​യ​സ​ഭയ്‌ക്ക്‌ ഐക്യം നിലനി​റു​ത്താൻ കഴിയു​മെന്ന്‌ എഫെ​സൊസ്‌ സഭയ്‌ക്കു പൗലോസ്‌ എഴുതി. തുടർന്ന്‌, താഴ്‌മ വളർത്തി​യെ​ടു​ക്കാ​നും സഭയി​ലെ​ല്ലാ​വ​രോ​ടും സമാധാ​ന​ബന്ധം പുലർത്തി​ക്കൊണ്ട്‌ “ആത്മാവി​നാ​ലുള്ള ഐക്യം” നിലനി​റു​ത്താ​നും അപ്പോസ്‌തലൻ ആവശ്യ​പ്പെട്ടു. (എഫെ. 4:1-6) അപ്പോസ്‌തലൻ സങ്കീർത്തനം 68:18 ഉദ്ധരി​ക്കു​ക​യും സഭയ്‌ക്കു​വേണ്ടി ആത്മീയ​യോ​ഗ്യ​ത​യുള്ള പുരു​ഷ​ന്മാ​രെ നിയമി​ക്കാ​നുള്ള യഹോ​വ​യു​ടെ ക്രമീ​ക​ര​ണ​ത്തിന്‌ അതു ബാധക​മാ​ക്കു​ക​യും ചെയ്‌തു. അതനു​സ​രിച്ച്‌, ആത്മീയ​യോ​ഗ്യ​ത​യുള്ള ഈ പുരു​ഷ​ന്മാർ അപ്പോസ്‌ത​ല​ന്മാർ, പ്രവാ​ച​ക​ന്മാർ, സുവി​ശേ​ഷ​ക​ന്മാർ, ഇടയന്മാർ, ഉപദേ​ഷ്ടാ​ക്ക​ന്മാർ തുടങ്ങിയ സ്ഥാനങ്ങ​ളിൽ ക്രിസ്‌തീ​യ​സ​ഭയെ സേവി​ക്കു​മാ​യി​രു​ന്നു. അത്തരം പുരു​ഷ​ന്മാർ യഹോ​വ​യിൽനി​ന്നുള്ള സമ്മാന​ങ്ങ​ളാണ്‌. അവർ യഹോ​വയ്‌ക്കു പ്രസാ​ദ​ക​ര​മായ വിധത്തിൽ മുഴുസഭയെയും ആത്മീയനിറവുള്ളതായി പണിതുയർത്തുന്നു.​—എഫെ. 4:7-16.

അപ്പോസ്‌ത​ല​ന്മാർ വെച്ച മാതൃക സഭകൾ പിൻപ​റ്റു​ന്നു

¹¹ ഇന്ന്‌ യഹോ​വ​യു​ടെ സാക്ഷി​ക​ളു​ടെ എല്ലാ സഭകളും ഇതേ മാതൃ​ക​യാ​ണു പിന്തു​ട​രു​ന്നത്‌. ഈ സഭക​ളെ​ല്ലാം ചേർന്ന്‌ ലോക​വ്യാ​പ​ക​മാ​യി ആത്മാവി​നാൽ അഭിഷി​ക്ത​രായ സഹോ​ദ​ര​ങ്ങളെ കേന്ദ്രീ​ക​രിച്ച്‌ ഐക്യ​ത്തോ​ടെ ഒറ്റ സഭയായി പ്രവർത്തി​ക്കു​ന്നു. (സെഖ. 8:23) യേശു​ക്രിസ്‌തു​വാണ്‌ ഇതു സാധ്യ​മാ​ക്കു​ന്നത്‌. വാഗ്‌ദാ​നം ചെയ്‌തി​രു​ന്ന​തു​പോ​ലെ, തന്റെ അഭിഷി​ക്ത​ശി​ഷ്യ​ന്മാ​രോ​ടൊത്ത്‌ “വ്യവസ്ഥി​തി​യു​ടെ അവസാ​ന​കാ​ലം​വരെ എന്നും” യേശു​വുണ്ട്‌. നിരന്തരം വളർന്നു​കൊ​ണ്ടി​രി​ക്കുന്ന ഈ സഭയി​ലേക്ക്‌ ആളുകൾ വന്നു​കൊ​ണ്ടി​രി​ക്കു​ന്നു. അവർ അത്യാ​ഹ്ലാ​ദ​ത്തോ​ടെ ദൈവ​രാ​ജ്യ​ത്തി​ന്റെ സന്തോ​ഷ​വാർത്ത സ്വീക​രി​ക്കു​ന്നു, വ്യവസ്ഥ​ക​ളൊ​ന്നു​മി​ല്ലാ​തെ തങ്ങളുടെ ജീവിതം യഹോ​വയ്‌ക്കു സമർപ്പി​ക്കു​ന്നു, സ്‌നാ​ന​മേറ്റ്‌ യേശു​വി​ന്റെ ശിഷ്യ​രാ​കു​ന്നു. (മത്താ. 28:19, 20; മർക്കോ. 1:14; പ്രവൃ. 2:41) “നല്ല ഇടയ”നായ യേശു​ക്രിസ്‌തു​വി​നെ മുഴു ആട്ടിൻകൂ​ട്ട​ത്തി​ന്റെ​യും തലയായി അവർ മനസ്സോ​ടെ അംഗീ​ക​രി​ക്കു​ന്നു. അഭിഷി​ക്ത​ക്രിസ്‌ത്യാ​നി​ക​ളും “വേറെ ആടുക​ളും” ചേരു​ന്ന​താണ്‌ ആ ആട്ടിൻകൂ​ട്ടം. (യോഹ. 10:14, 16; എഫെ. 1:22, 23) ആ ‘ഒറ്റ ആട്ടിൻകൂ​ട്ടം’ ക്രിസ്‌തു നിയമിച്ച “വിശ്വസ്‌ത​നും വിവേ​കി​യും ആയ അടിമ” എന്ന സംഘട​നാ​സ​ര​ണി​ക്കു കീഴ്‌പെ​ടു​ന്നു. അവർ ക്രിസ്‌തു​വി​ന്റെ ശിരഃ​സ്ഥാ​നത്തെ ആത്മാർഥ​മാ​യി അംഗീ​ക​രിച്ച്‌ സഭയുടെ ഐക്യം നിലനി​റു​ത്തു​ക​യും ചെയ്യുന്നു. നമുക്കു തുടർന്നും നമ്മുടെ പൂർണ​മായ കൂറും പിന്തു​ണ​യും ഈ സരണിക്കു നൽകാം.​—മത്താ. 24:45.

മതകോർപ്പ​റേ​ഷ​നു​കൾ വഹിക്കുന്ന പങ്ക്‌

¹² തക്കസമ​യത്തെ ആത്മീയാ​ഹാ​രം നൽകു​ന്ന​തി​നും അന്ത്യം വരുന്ന​തി​നു മുമ്പ്‌ ദൈവ​രാ​ജ്യ​ത്തി​ന്റെ സന്തോ​ഷ​വാർത്ത പ്രസം​ഗി​ക്കു​ന്ന​തി​നും ആയി സംഘടന ചില കോർപ്പ​റേ​ഷ​നു​കൾ സ്ഥാപി​ച്ചി​ട്ടുണ്ട്‌. ഈ കോർപ്പ​റേ​ഷ​നു​കൾ നിയമാ​നു​സൃ​ത​മായ സ്ഥാപന​ങ്ങ​ളാണ്‌. അതാതു രാജ്യത്തെ നിയമ​പ​ര​മായ അംഗീ​കാ​ര​വും ഇവയ്‌ക്കുണ്ട്‌. പല രാജ്യ​ങ്ങ​ളി​ലാ​യി സ്ഥാപി​ച്ചി​രി​ക്കുന്ന ഈ കോർപ്പ​റേ​ഷ​നു​കൾ പരസ്‌പരം സഹകരിച്ച്‌ പ്രവർത്തി​ക്കു​ന്നു. ഇവ ലോക​വ്യാ​പ​ക​മാ​യി സന്തോ​ഷ​വാർത്ത പ്രസം​ഗി​ക്കു​ന്നത്‌ എളുപ്പ​മാ​ക്കി​ത്തീർക്കു​ന്നു.

ബ്രാഞ്ചു​കൾ സംഘടി​പ്പി​ക്ക​പ്പെ​ട്ടി​രി​ക്കുന്ന വിധം

¹³ ഒരു ബ്രാ​ഞ്ചോ​ഫീസ്‌ സ്ഥാപി​ക്കു​മ്പോൾ ആ ബ്രാഞ്ചി​ന്റെ അധികാ​ര​പ​രി​ധി​യി​ലുള്ള രാജ്യ​ത്തെ​യോ രാജ്യ​ങ്ങ​ളി​ലെ​യോ കാര്യങ്ങൾ നോക്കി​ന​ട​ത്തു​ന്ന​തി​നാ​യി മൂന്നോ അതില​ധി​ക​മോ മൂപ്പന്മാ​ര​ട​ങ്ങിയ ഒരു ബ്രാഞ്ച്‌ കമ്മിറ്റി​യെ നിയമി​ക്കു​ന്നു. ഈ കമ്മിറ്റി​യി​ലെ ഒരാൾ ബ്രാഞ്ച്‌ കമ്മിറ്റി ഏകോ​പകൻ ആയി സേവി​ക്കു​ന്നു.

¹⁴ ഓരോ ബ്രാഞ്ചി​ന്റെ​യും കീഴിൽ വരുന്ന സഭകളെ പല സർക്കി​ട്ടു​ക​ളാ​യി സംഘടി​പ്പി​ച്ചി​രി​ക്കു​ന്നു. ഭൂമി​ശാസ്‌ത്ര​പ​ര​മായ ഘടകങ്ങൾ പരിഗ​ണി​ച്ചും ഭാഷയു​ടെ അടിസ്ഥാ​ന​ത്തി​ലും സഭകളു​ടെ എണ്ണം നോക്കി​യും ആണ്‌ സർക്കി​ട്ടു​കൾ തിരി​ക്കു​ന്നത്‌. അതു​കൊണ്ട്‌ സർക്കി​ട്ടു​കൾ എല്ലാം ഒരേ വലിപ്പ​മു​ള്ള​വ​യാ​യി​രി​ക്ക​ണ​മെ​ന്നില്ല. ഓരോ സർക്കി​ട്ടി​ലെ​യും സഭകളെ സേവി​ക്കാ​നാ​യി ഒരു സർക്കിട്ട്‌ മേൽവി​ചാ​ര​കനെ നിയമി​ക്കു​ന്നു. തന്റെ ചുമത​ലകൾ എങ്ങനെ കൈകാ​ര്യം ചെയ്യണ​മെന്നു ബ്രാ​ഞ്ചോ​ഫീസ്‌ അദ്ദേഹ​ത്തി​നു നിർദേ​ശങ്ങൾ നൽകും.

¹⁵ എല്ലാവ​രു​ടെ​യും പ്രയോ​ജ​ന​ത്തി​നാ​യി നൽകി​യി​രി​ക്കുന്ന സംഘട​നാ​പ​ര​മായ ക്രമീ​ക​ര​ണങ്ങൾ സഭകൾ സ്വീക​രി​ക്കു​ക​യും പിൻപ​റ്റു​ക​യും ചെയ്യുന്നു. ബ്രാഞ്ചു​ക​ളി​ലും സർക്കി​ട്ടു​ക​ളി​ലും സഭകളി​ലും മേൽനോ​ട്ടം വഹിക്കാൻ നിയമി​ക്കുന്ന മൂപ്പന്മാ​രെ സഭകൾ അംഗീ​ക​രി​ക്കു​ന്നു. അവർ തക്കസമ​യത്തെ ആത്മീയാ​ഹാ​ര​ത്തി​നാ​യി വിശ്വസ്‌ത​നും വിവേ​കി​യും ആയ അടിമ​യി​ലേക്കു നോക്കു​ന്നു. വിശ്വസ്‌ത​നായ അടിമ യേശു​ക്രിസ്‌തു​വി​ന്റെ ശിരഃ​സ്ഥാ​ന​ത്തോ​ടു പറ്റിനിൽക്കു​ന്നു, ബൈബിൾത​ത്ത്വ​ങ്ങൾ മുറു​കെ​പ്പി​ടി​ക്കു​ന്നു, പരിശു​ദ്ധാ​ത്മാ​വി​ന്റെ മാർഗ​നിർദേ​ശ​ത്തി​നു കീഴ്‌പെ​ടു​ന്നു. ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ ഐക്യ​ത്തോ​ടെ ഒരുമിച്ച്‌ പ്രവർത്തി​ച്ച​പ്പോൾ, “സഭകളു​ടെ വിശ്വാ​സം ശക്തമായി; അംഗസം​ഖ്യ ദിവസേന വർധിച്ചു.” അതു​പോ​ലെ പ്രവർത്തി​ക്കു​ക​യാ​ണെ​ങ്കിൽ ഇന്നു നമുക്കും അതേ സത്‌ഫ​ലങ്ങൾ ആസ്വദി​ക്കാൻ കഴിയും!​—പ്രവൃ. 16:5.