പ്രാർഥന എന്ന പദവി

1, 2. പ്രാർഥന ഒരു അമൂല്യ​സ​മ്മാ​ന​മാ​ണെന്നു നിങ്ങൾക്കു തോന്നു​ന്നത്‌ എന്തു​കൊണ്ട്‌? ബൈബിൾ പ്രാർഥ​ന​യെ​ക്കു​റിച്ച്‌ പഠിപ്പി​ക്കു​ന്നതു നമ്മൾ അറി​യേ​ണ്ടത്‌ എന്തു​കൊണ്ട്‌?

പ്രപഞ്ച​വു​മാ​യി താരത​മ്യം ചെയ്യു​മ്പോൾ ഭൂമി വളരെ ചെറു​താണ്‌. യഹോവ ഭൂമിയെ നോക്കു​മ്പോൾ, എല്ലാ ജനതയി​ലെ​യും എല്ലാവ​രും​കൂ​ടെ ചേർന്നാ​ലും അളവു​തൊ​ട്ടി​യി​ലെ ഒരു തുള്ളി വെള്ളം​പോ​ലെ മാത്ര​മേ​യു​ള്ളൂ. (സങ്കീർത്തനം 115:15; യശയ്യ 40:15) പ്രപഞ്ച​വു​മാ​യി താരത​മ്യം ചെയ്യു​മ്പോൾ നമ്മൾ വളരെ ചെറു​താ​ണെ​ങ്കി​ലും സങ്കീർത്തനം 145:18, 19 പറയുന്നു: “തന്നെ വിളി​ച്ച​പേ​ക്ഷി​ക്കുന്ന എല്ലാവർക്കും, അതെ, ആത്മാർഥ​ത​യോ​ടെ തന്നെ വിളി​ച്ച​പേ​ക്ഷി​ക്കുന്ന സകലർക്കും, യഹോവ സമീപസ്ഥൻ. തന്നെ ഭയപ്പെ​ടു​ന്ന​വ​രു​ടെ ആഗ്രഹം ദൈവം സാധി​ച്ചു​കൊ​ടു​ക്കു​ന്നു; സഹായ​ത്തി​നാ​യുള്ള അവരുടെ നിലവി​ളി കേട്ട്‌ അവരെ വിടു​വി​ക്കു​ന്നു.” എത്ര മഹത്തായ പദവി​യാ​ണു നമുക്കു​ള്ളത്‌! യഹോ​വ​യെന്ന നമ്മുടെ സർവശ​ക്ത​നായ സ്രഷ്ടാവ്‌, നമ്മളു​മാ​യി അടുത്ത ബന്ധം ഉണ്ടായി​രി​ക്കാൻ ആഗ്രഹി​ക്കു​ന്നു. നമ്മുടെ പ്രാർഥ​നകൾ കേൾക്കാ​നും ദൈവം ആഗ്രഹി​ക്കു​ന്നു. അതെ, പ്രാർഥന യഹോവ നമുക്ക്‌ ഓരോ​രു​ത്തർക്കും തന്നിരി​ക്കുന്ന പദവി​യാണ്‌, അമൂല്യ​സ​മ്മാ​ന​മാണ്‌.

² എന്നാൽ യഹോവ അംഗീ​ക​രി​ക്കുന്ന വിധത്തിൽ പ്രാർഥി​ച്ചാൽ മാത്രമേ യഹോവ അതു കേൾക്കു​ക​യു​ള്ളൂ. അത്‌ എങ്ങനെ ചെയ്യാം? പ്രാർഥ​ന​യെ​ക്കു​റിച്ച്‌ ബൈബിൾ എന്തു പറയു​ന്നെന്നു നമുക്കു നോക്കാം.

യഹോ​വ​യോ​ടു പ്രാർഥി​ക്കേ​ണ്ടത്‌ എന്തു​കൊണ്ട്‌?

3. നിങ്ങൾ യഹോ​വ​യോ​ടു പ്രാർഥി​ക്കേ​ണ്ടത്‌ എന്തു​കൊണ്ട്‌?

³ നിങ്ങൾ യഹോ​വ​യോ​ടു പ്രാർഥി​ക്കാൻ അഥവാ സംസാ​രി​ക്കാൻ യഹോവ ആഗ്രഹി​ക്കു​ന്നു. അത്‌ എങ്ങനെ അറിയാം? ദയവായി ഫിലി​പ്പി​യർ 4:6, 7 വായി​ക്കുക. സ്‌നേ​ഹ​ത്തോ​ടെ​യുള്ള ആ വാക്കു​ക​ളെ​ക്കു​റിച്ച്‌ ഒന്നു ചിന്തിച്ചേ. പ്രപഞ്ച​ത്തി​ന്റെ ഭരണാ​ധി​പനു നിങ്ങ​ളെ​ക്കു​റിച്ച്‌ അതിയായ താത്‌പ​ര്യ​മുണ്ട്‌. നിങ്ങൾ നിങ്ങളു​ടെ വികാ​ര​ങ്ങ​ളും പ്രശ്‌ന​ങ്ങ​ളും യഹോ​വ​യോ​ടു പറയാൻ യഹോവ ആഗ്രഹി​ക്കു​ന്നു.

4. കൂടെ​ക്കൂ​ടെ​യുള്ള പ്രാർഥന യഹോ​വ​യു​മാ​യുള്ള നിങ്ങളു​ടെ സൗഹൃദം ശക്തമാ​ക്കു​ന്നത്‌ എങ്ങനെ?

⁴ യഹോ​വ​യു​മാ​യി ഒരു നല്ല സൗഹൃദം ഉണ്ടായി​രി​ക്കാൻ പ്രാർഥന നമ്മളെ സഹായി​ക്കു​ന്നു. കൂട്ടു​കാർ കൂടെ​ക്കൂ​ടെ അവരുടെ ചിന്തക​ളും പ്രശ്‌ന​ങ്ങ​ളും വികാ​ര​ങ്ങ​ളും അന്യോ​ന്യം പങ്കു​വെ​ക്കു​മ്പോൾ അവരുടെ അടുപ്പം ശക്തമാ​കു​ന്നു. യഹോ​വ​യോ​ടുള്ള പ്രാർഥ​ന​യു​ടെ കാര്യ​ത്തി​ലും ഇതു സത്യമാണ്‌. ബൈബി​ളിൽക്കൂ​ടി യഹോവ തന്റെ ചിന്തകൾ, വികാ​രങ്ങൾ, ഭാവി​യിൽ ചെയ്യാൻപോ​കുന്ന കാര്യങ്ങൾ എന്നിവ​യെ​ക്കു​റി​ച്ചെ​ല്ലാം നിങ്ങ​ളോ​ടു പറയുന്നു. തിരിച്ച്‌ നിങ്ങൾക്കും ഉള്ളിന്റെ ഉള്ളിലെ വികാ​രങ്ങൾ യഹോ​വ​യോ​ടു പറയാൻ കഴിയും. ഇങ്ങനെ എപ്പോ​ഴും ചെയ്യു​മ്പോൾ യഹോ​വ​യു​മാ​യുള്ള നിങ്ങളു​ടെ ബന്ധം ശക്തമാ​കും.—യാക്കോബ്‌ 4:8.

ദൈവം പ്രാർഥന കേൾക്കാൻ നമ്മൾ എന്തു ചെയ്യണം?

5. യഹോവ എല്ലാ പ്രാർഥ​ന​യും കേൾക്കു​ന്നി​ല്ലെന്നു നമുക്ക്‌ എങ്ങനെ അറിയാം?

⁵ എല്ലാ പ്രാർഥ​ന​യും യഹോവ കേൾക്കു​ന്നു​ണ്ടോ? ഇല്ല. യശയ്യ പ്രവാ​ച​കന്റെ കാലത്ത്‌ ഇസ്രാ​യേ​ല്യ​രോട്‌ യഹോവ പറഞ്ഞു: “നിങ്ങൾ എത്രതന്നെ പ്രാർഥി​ച്ചാ​ലും ഞാൻ ശ്രദ്ധി​ക്കില്ല; നിങ്ങളു​ടെ കൈക​ളിൽ രക്തം നിറഞ്ഞി​രി​ക്കു​ന്നു.” (യശയ്യ 1:15) അതു​കൊ​ണ്ടു ശ്രദ്ധി​ച്ചി​ല്ലെ​ങ്കിൽ യഹോ​വ​യു​മാ​യുള്ള ബന്ധം തകർക്കുന്ന കാര്യങ്ങൾ നമ്മൾ ചെയ്‌തേ​ക്കാം. അത്‌ യഹോവ നമ്മുടെ പ്രാർഥന കേൾക്കാ​തി​രി​ക്കാൻ ഇടയാ​ക്കി​യേ​ക്കാം.

6. വിശ്വാ​സം വളരെ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌? വിശ്വാ​സ​മു​ണ്ടെന്നു നിങ്ങൾ എങ്ങനെ തെളി​യി​ക്കു​ന്നു?

⁶ യഹോവ നമ്മുടെ പ്രാർഥന കേൾക്ക​ണ​മെ​ങ്കിൽ നമുക്ക്‌ യഹോ​വ​യിൽ വിശ്വാ​സ​മു​ണ്ടാ​യി​രി​ക്കണം. (മർക്കോസ്‌ 11:24) പൗലോസ്‌ അപ്പോസ്‌തലൻ പറഞ്ഞു: “വിശ്വാ​സ​മി​ല്ലാ​തെ ദൈവത്തെ പ്രസാ​ദി​പ്പി​ക്കാൻ കഴിയില്ല. ദൈവത്തെ സമീപി​ക്കു​ന്നവൻ ദൈവ​മു​ണ്ടെ​ന്നും തന്നെ ആത്മാർഥ​മാ​യി അന്വേ​ഷി​ക്കു​ന്ന​വർക്കു ദൈവം പ്രതി​ഫലം നൽകു​ന്നെ​ന്നും വിശ്വ​സി​ക്കേ​ണ്ട​താണ്‌.” (എബ്രായർ 11:6) എന്നാൽ വിശ്വാ​സ​മു​ണ്ടെന്നു വെറുതേ പറഞ്ഞതു​കൊ​ണ്ടാ​യില്ല. എല്ലാ ദിവസ​വും യഹോ​വയെ അനുസ​രി​ച്ചു​കൊണ്ട്‌ വിശ്വാ​സ​മു​ണ്ടെന്നു നമ്മൾ വ്യക്തമാ​യി തെളി​യി​ക്കണം.—യാക്കോബ്‌ 2:26 വായി​ക്കുക.

7. (എ) യഹോ​വ​യോ​ടു പ്രാർഥി​ക്കു​മ്പോൾ നമുക്കു താഴ്‌മ​യും ആദരവും ഉണ്ടായി​രി​ക്കേ​ണ്ടത്‌ എന്തു​കൊണ്ട്‌? (ബി) നമ്മൾ ആത്മാർഥ​ത​യോ​ടെ​യാ​ണു പ്രാർഥി​ക്കു​ന്ന​തെന്ന്‌ എങ്ങനെ തെളി​യി​ക്കാം?

⁷ യഹോ​വ​യോ​ടു പ്രാർഥി​ക്കു​മ്പോൾ നമുക്കു താഴ്‌മ​യും ആദരവും ഉണ്ടായി​രി​ക്കണം. അത്‌ എന്തു​കൊ​ണ്ടാണ്‌? നമ്മൾ ഒരു രാജാ​വി​നോ​ടോ പ്രസി​ഡ​ന്റി​നോ​ടോ സംസാ​രി​ക്കു​മ്പോൾ ആദര​വോ​ടെ​യാ​യി​രി​ക്കും സംസാ​രി​ക്കു​ന്നത്‌. യഹോവ സർവശ​ക്ത​നായ ദൈവ​മാണ്‌. അതു​കൊണ്ട്‌ ദൈവ​ത്തോ​ടു സംസാ​രി​ക്കു​മ്പോൾ മറ്റാ​രോ​ടു​മു​ള്ള​തി​നെ​ക്കാൾ ആദരവും താഴ്‌മ​യും വേണ്ടേ? (ഉൽപത്തി 17:1; സങ്കീർത്തനം 138:6) അതു​പോ​ലെ നമ്മുടെ പ്രാർഥ​നകൾ ആത്മാർഥ​വും ഹൃദയ​ത്തിൽനി​ന്നു​ള്ള​തും ആയിരി​ക്കണം. അല്ലാതെ ഒരേ കാര്യങ്ങൾ തന്നെയും പിന്നെ​യും ഉരുവി​ടു​ന്ന​താ​യി​രി​ക്ക​രുത്‌.—മത്തായി 6:7, 8.

8. ഒരു കാര്യ​ത്തി​നു​വേണ്ടി പ്രാർഥി​ക്കു​മ്പോൾ നമ്മൾ എന്തുകൂ​ടി ചെയ്യേ​ണ്ട​തുണ്ട്‌?

⁸ കൂടാതെ, ഒരു കാര്യ​ത്തി​നു​വേണ്ടി പ്രാർഥി​ക്കു​മ്പോൾ ആ കാര്യ​ത്തി​നാ​യി നമ്മളെ​ക്കൊണ്ട്‌ ആകുന്ന​തെ​ല്ലാം നമ്മൾ ചെയ്യണം. ഉദാഹ​ര​ണ​ത്തിന്‌ അനുദി​നാ​വ​ശ്യ​ങ്ങൾക്കു​വേണ്ടി പ്രാർഥി​ക്കു​മ്പോൾത്തന്നെ അധ്വാ​നി​ക്കാ​നും നമ്മൾ തയ്യാറാ​കണം. കഴിവു​ണ്ടാ​യി​ട്ടും ജോലി ചെയ്യാതെ എല്ലാം യഹോവ തരട്ടെ എന്നു പ്രതീ​ക്ഷിച്ച്‌ മടിപി​ടി​ച്ചി​രി​ക്ക​രുത്‌. ചെയ്യാൻ പറ്റുന്ന ഏതു ജോലി​യും ഏറ്റെടു​ക്കുക. (മത്തായി 6:11; 2 തെസ്സ​ലോ​നി​ക്യർ 3:10) ഇനി, യഹോ​വയ്‌ക്ക്‌ ഇഷ്ടമി​ല്ലാത്ത ഒരു കാര്യം ചെയ്യു​ന്നതു നിറു​ത്താ​നുള്ള സഹായ​ത്തി​നാ​യി പ്രാർഥി​ക്കു​ന്നെ​ങ്കിൽ ആ തെറ്റി​ലേക്കു നയിക്കുന്ന എല്ലാ സാഹച​ര്യ​ങ്ങ​ളും നമ്മൾ ഒഴിവാ​ക്കു​ക​യും വേണം. (കൊ​ലോ​സ്യർ 3:5) പ്രാർഥ​ന​യെ​ക്കു​റിച്ച്‌ സാധാരണ ചോദി​ക്കാ​റുള്ള ചില ചോദ്യ​ങ്ങൾ നമുക്കു നോക്കാം.

പ്രാർഥ​ന​യെ​ക്കു​റി​ച്ചുള്ള ചില ചോദ്യ​ങ്ങൾ

9. ആരോ​ടാ​ണു നമ്മൾ പ്രാർഥി​ക്കേ​ണ്ടത്‌? യോഹ​ന്നാൻ 14:6 പ്രാർഥ​ന​യെ​ക്കു​റിച്ച്‌ നമ്മളെ എന്തു പഠിപ്പി​ക്കു​ന്നു?

⁹ ആരോ​ടാ​ണു നമ്മൾ പ്രാർഥി​ക്കേ​ണ്ടത്‌? ‘സ്വർഗ​സ്ഥ​നായ പിതാ​വി​നോ​ടു’ പ്രാർഥി​ക്കാൻ യേശു തന്റെ അനുഗാ​മി​കളെ പഠിപ്പി​ച്ചു. (മത്തായി 6:9) “ഞാൻത​ന്നെ​യാ​ണു വഴിയും സത്യവും ജീവനും. എന്നിലൂ​ടെ​യ​ല്ലാ​തെ ആരും പിതാ​വി​ന്റെ അടു​ത്തേക്കു വരുന്നില്ല” എന്നും യേശു പറഞ്ഞു. (യോഹ​ന്നാൻ 14:6) അതു​കൊണ്ട്‌ നമ്മൾ യേശു​വി​ലൂ​ടെ യഹോ​വ​യോ​ടു മാത്രമേ പ്രാർഥി​ക്കാ​വൂ. യേശു​വി​ലൂ​ടെ പ്രാർഥി​ക്കുക എന്നു പറഞ്ഞാൽ എന്താണ്‌? യഹോവ നമ്മുടെ പ്രാർഥന കേൾക്ക​ണ​മെ​ങ്കിൽ യഹോവ യേശു​വിന്‌ കൊടു​ത്തി​രി​ക്കുന്ന പ്രത്യേക പദവി അഥവാ സ്ഥാനം നമ്മൾ ആദരി​ക്കണം. നമ്മൾ പഠിച്ച​തു​പോ​ലെ യേശു ഭൂമി​യി​ലേക്കു വന്നതു നമ്മളെ പാപത്തിൽനി​ന്നും മരണത്തിൽനി​ന്നും രക്ഷിക്കാ​നാണ്‌. (യോഹ​ന്നാൻ 3:16; റോമർ 5:12) അതു​പോ​ലെ യേശു​വി​നെ മഹാപു​രോ​ഹി​ത​നാ​യും ന്യായാ​ധി​പ​നാ​യും യഹോവ നിയമി​ച്ചി​രി​ക്കു​ന്നു.—യോഹ​ന്നാൻ 5:22; എബ്രായർ 6:20.

10. പ്രാർഥി​ക്കു​മ്പോൾ ഒരു പ്രത്യേക ശരീര​നില ആവശ്യ​മാ​ണോ? വിശദീ​ക​രി​ക്കുക.

¹⁰ പ്രാർഥിക്കുമ്പോൾ ഒരു പ്രത്യേക ശരീരനില വേണോ? വേണ്ടാ. പ്രാർഥി​ക്കു​മ്പോൾ മുട്ടു​കു​ത്താ​നോ ഇരിക്കാ​നോ നിൽക്കാ​നോ യഹോവ ആവശ്യ​പ്പെ​ടു​ന്നില്ല. യഹോ​വ​യോ​ടു സംസാ​രി​ക്കു​മ്പോൾ, ആദര​വോ​ടെ​യുള്ള ഏതു ശരീര​നി​ല​യും സ്വീകാ​ര്യ​മാ​ണെന്നു ബൈബിൾ പഠിപ്പി​ക്കു​ന്നു. (1 ദിനവൃ​ത്താ​ന്തം 17:16; നെഹമ്യ 8:6; ദാനി​യേൽ 6:10; മർക്കോസ്‌ 11:25) പ്രാർഥി​ക്കു​മ്പോ​ഴത്തെ നമ്മുടെ ശരീര​നി​ലയല്ല, ശുദ്ധമായ ആന്തരമാണ്‌ യഹോ​വയ്‌ക്ക്‌ ഏറ്റവും പ്രധാനം. പകലോ രാത്രി​യോ എപ്പോൾ വേണ​മെ​ങ്കി​ലും എവി​ടെ​യാ​ണെ​ങ്കി​ലും നമുക്കു പ്രാർഥി​ക്കാം. മൗനമാ​യോ ഉച്ചത്തി​ലോ പ്രാർഥി​ക്കാം. മറ്റാരും കേൾക്കു​ന്നി​ല്ലെ​ങ്കി​ലും നമ്മൾ പറയു​ന്നത്‌ യഹോവ കേൾക്കു​മെന്നു നമുക്ക്‌ ഉറച്ചു​വി​ശ്വ​സി​ക്കാം.—നെഹമ്യ 2:1-6.

11. പ്രാർഥ​ന​യിൽ ഉൾപ്പെ​ടു​ത്താ​വുന്ന ചില കാര്യങ്ങൾ ഏവ?

¹¹ എന്തെല്ലാം കാര്യ​ങ്ങൾക്കു​വേണ്ടി പ്രാർഥി​ക്കാം? യഹോവ അംഗീ​ക​രി​ക്കുന്ന ഏതു കാര്യ​ത്തി​നു​വേ​ണ്ടി​യും നമുക്കു പ്രാർഥി​ക്കാം. “ദൈവ​ത്തി​ന്റെ ഇഷ്ടത്തിനു ചേർച്ച​യിൽ എന്ത്‌ അപേക്ഷി​ച്ചാ​ലും ദൈവം നമ്മുടെ അപേക്ഷ കേൾക്കും” എന്നു ബൈബിൾ പറയുന്നു. (1 യോഹ​ന്നാൻ 5:14) നമ്മുടെ വ്യക്തി​പ​ര​മായ കാര്യ​ങ്ങൾക്കു​വേണ്ടി പ്രാർഥി​ക്കാ​മോ? പ്രാർഥി​ക്കാം. ഒരു ഉറ്റ സുഹൃ​ത്തി​നോ​ടു സംസാ​രി​ക്കു​ന്ന​തു​പോ​ലെ​യാ​യിരി​ക്കണം യഹോ​വ​യോ​ടു പ്രാർഥി​ക്കാൻ. നമ്മുടെ മനസ്സി​ലും ഹൃദയ​ത്തി​ലും ഉള്ള എന്തും യഹോ​വ​യോ​ടു പറയാം. (സങ്കീർത്തനം 62:8) ശരിയായ കാര്യങ്ങൾ ചെയ്യാൻ നമ്മളെ സഹായി​ക്കു​ന്ന​തി​നു ദൈവ​ത്തി​ന്റെ ശക്തിയായ പരിശു​ദ്ധാ​ത്മാവ്‌ ലഭിക്കാൻവേ​ണ്ടി​യും നമുക്കു പ്രാർഥി​ക്കാം. (ലൂക്കോസ്‌ 11:13) നല്ല തീരു​മാ​നങ്ങൾ എടുക്കാ​നുള്ള ജ്ഞാനത്തി​നു​വേ​ണ്ടി​യും ബുദ്ധി​മു​ട്ടേ​റിയ സാഹച​ര്യ​ങ്ങളെ നേരി​ടാ​നുള്ള ശക്തിക്കു​വേ​ണ്ടി​യും നമുക്ക്‌ അപേക്ഷി​ക്കാം. (യാക്കോബ്‌ 1:5) നമ്മുടെ പാപങ്ങൾ ക്ഷമിക്കാ​നും യാചി​ക്കണം. (എഫെസ്യർ 1:3, 7) നമ്മുടെ കുടും​ബാം​ഗങ്ങൾ, സഭയിലെ സഹോ​ദ​രീ​സ​ഹോ​ദ​ര​ന്മാർ എന്നിവർ ഉൾപ്പെടെ മറ്റുള്ള​വർക്കു​വേ​ണ്ടി​യും നമ്മൾ പ്രാർഥി​ക്കണം.—പ്രവൃ​ത്തി​കൾ 12:5; കൊ​ലോ​സ്യർ 4:12.

12. നമ്മുടെ പ്രാർഥ​ന​യി​ലെ പ്രധാ​ന​വി​ഷ​യങ്ങൾ എന്തായി​രി​ക്കണം?

¹² നമ്മുടെ പ്രാർഥ​ന​യി​ലെ പ്രധാ​ന​വി​ഷ​യങ്ങൾ എന്തായി​രി​ക്കണം? യഹോ​വ​യും യഹോ​വ​യു​ടെ ഇഷ്ടവും. നമുക്കു​വേണ്ടി യഹോവ ചെയ്‌തി​രി​ക്കുന്ന എല്ലാ കാര്യ​ങ്ങൾക്കും നമ്മൾ ഹൃദയ​ത്തിൽനിന്ന്‌ നന്ദി പറയണം. (1 ദിനവൃ​ത്താ​ന്തം 29:10-13) ഭൂമി​യി​ലാ​യി​രു​ന്ന​പ്പോൾ യേശു ശിഷ്യ​ന്മാ​രെ പഠിപ്പിച്ച പ്രാർഥ​ന​യിൽനിന്ന്‌ നമുക്ക്‌ അതു മനസ്സി​ലാ​ക്കാം. (മത്തായി 6:9-13 വായി​ക്കുക.) ആദ്യം​തന്നെ, ദൈവ​ത്തി​ന്റെ പേര്‌ പരിശു​ദ്ധ​മാ​യി​രി​ക്കാൻ, അതായത്‌ വിശു​ദ്ധ​മാ​യി കണക്കാ​ക്ക​പ്പെ​ടാൻ, പ്രാർഥി​ക്ക​ണ​മെന്നു യേശു പറഞ്ഞു. അടുത്ത​താ​യി, ദൈവ​രാ​ജ്യം വരുന്ന​തി​നും യഹോ​വ​യു​ടെ ഇഷ്ടം മുഴു​ഭൂ​മി​യി​ലും നടപ്പാ​കു​ന്ന​തി​നും വേണ്ടി പ്രാർഥി​ക്ക​ണ​മെ​ന്നും യേശു പഠിപ്പി​ച്ചു. വളരെ പ്രധാ​ന​പ്പെട്ട ഈ വിഷയങ്ങൾ പ്രാർഥി​ച്ച​തി​നു ശേഷമാണ്‌ നമ്മുടെ വ്യക്തി​പ​ര​മായ ആവശ്യ​ങ്ങൾക്കു​വേണ്ടി പ്രാർഥി​ക്കു​ന്ന​തി​നെ​ക്കു​റിച്ച്‌ യേശു പറഞ്ഞത്‌. യഹോ​വയ്‌ക്കും യഹോ​വ​യു​ടെ ഇഷ്ടത്തി​നും പ്രാർഥ​ന​യിൽ ഒന്നാം സ്ഥാനം കൊടു​ക്കു​മ്പോൾ നമുക്ക്‌ ഏറ്റവും പ്രധാ​ന​പ്പെ​ട്ടത്‌ എന്താ​ണെന്നു നമ്മൾ കാണി​ക്കു​ക​യാ​യി​രി​ക്കും.

13. നമ്മുടെ പ്രാർഥ​നകൾ എത്ര ദൈർഘ്യ​മു​ള്ള​താ​യി​രി​ക്കണം?

¹³ നമ്മുടെ പ്രാർഥ​നകൾ എത്ര ദൈർഘ്യ​മു​ള്ള​താ​യി​രി​ക്കണം? ബൈബിൾ അതേക്കു​റിച്ച്‌ ഒന്നും പറയു​ന്നില്ല. സാഹച​ര്യ​ങ്ങൾക്ക​നു​സ​രിച്ച്‌ നമ്മുടെ പ്രാർഥ​നകൾ വലുതോ ചെറു​തോ ആകാം. ഉദാഹ​ര​ണ​ത്തിന്‌ ആഹാര​ത്തി​നു മുമ്പ്‌ നമ്മൾ ചെറിയ ഒരു പ്രാർഥന നടത്തി​യേ​ക്കാം. എന്നാൽ യഹോ​വ​യോ​ടു നന്ദി പറയു​മ്പോ​ഴോ നമ്മുടെ പ്രശ്‌ന​ങ്ങ​ളെ​ക്കു​റിച്ച്‌ പറയു​മ്പോ​ഴോ ദൈർഘ്യം കൂടിയ പ്രാർഥ​നകൾ നമ്മൾ നടത്തി​യേ​ക്കാം. (1 ശമുവേൽ 1:12, 15) യേശു​വി​ന്റെ നാളിലെ ചില​രെ​പ്പോ​ലെ മറ്റുള്ള​വരെ കാണി​ക്കാൻവേണ്ടി നമ്മൾ വലിയ പ്രാർഥ​നകൾ നടത്തരുത്‌. (ലൂക്കോസ്‌ 20:46, 47) അങ്ങനെ​യുള്ള പ്രാർഥ​നകൾ യഹോ​വയ്‌ക്ക്‌ ഇഷ്ടമില്ല. ഹൃദയ​ത്തിൽനി​ന്നുള്ള നമ്മുടെ പ്രാർഥ​ന​ക​ളാണ്‌ യഹോവ വിലമ​തി​ക്കു​ന്നത്‌.

14. എത്ര കൂടെ​ക്കൂ​ടെ നമ്മൾ പ്രാർഥി​ക്കണം? യഹോ​വ​യെ​ക്കു​റിച്ച്‌ ഇത്‌ എന്തു പഠിപ്പി​ക്കു​ന്നു?

¹⁴ എത്ര കൂടെ​ക്കൂ​ടെ നമ്മൾ പ്രാർഥി​ക്കണം? പതിവാ​യി യഹോ​വ​യോ​ടു സംസാ​രി​ക്കാൻ യഹോവ നമ്മളെ ക്ഷണിക്കു​ന്നു. ‘എപ്പോ​ഴും പ്രാർഥി​ക്കാ​നും’ ‘മടുത്ത്‌ പിന്മാ​റാ​തെ പ്രാർഥി​ച്ചു​കൊ​ണ്ടി​രി​ക്കാ​നും’ ‘ഇടവി​ടാ​തെ പ്രാർഥി​ക്കാ​നും’ ബൈബിൾ പറയുന്നു. (മത്തായി 26:41; റോമർ 12:12; 1 തെസ്സ​ലോ​നി​ക്യർ 5:17) നമ്മുടെ പ്രാർഥ​നകൾ കേൾക്കാൻ യഹോവ എപ്പോ​ഴും തയ്യാറാണ്‌. യഹോ​വ​യു​ടെ സ്‌നേ​ഹ​ത്തി​നും ഉദാര​തയ്‌ക്കും ദിവസ​വും നമുക്ക്‌ യഹോ​വ​യോ​ടു നന്ദി പറയാം. മാർഗ​നിർദേ​ശ​ത്തി​നും ശക്തിക്കും ആശ്വാ​സ​ത്തി​നും വേണ്ടി നമുക്കു ദൈവ​ത്തോട്‌ അപേക്ഷി​ക്കാം. യഹോ​വ​യോ​ടു പ്രാർഥി​ക്കാ​നുള്ള പദവി ശരിക്കും വിലമ​തി​ക്കു​ന്നെ​ങ്കിൽ അതിനുള്ള ഒരവസ​ര​വും നമ്മൾ പാഴാ​ക്കില്ല.

15. പ്രാർഥ​ന​യു​ടെ അവസാനം നമ്മൾ “ആമേൻ” പറയേ​ണ്ടത്‌ എന്തു​കൊണ്ട്‌?

¹⁵ പ്രാർഥ​ന​യു​ടെ അവസാനം നമ്മൾ “ആമേൻ” പറയേ​ണ്ടത്‌ എന്തു​കൊണ്ട്‌? “ആമേൻ” എന്ന വാക്കിന്റെ അർഥം “തീർച്ച​യാ​യും,” “അങ്ങനെ​ത​ന്നെ​യാ​യി​രി​ക്കട്ടെ” എന്നൊ​ക്കെ​യാണ്‌. പ്രാർഥ​ന​യിൽ പറഞ്ഞ കാര്യങ്ങൾ വെറുതേ പറഞ്ഞതല്ല, ആത്മാർഥ​മാ​യി പറഞ്ഞതാണ്‌ എന്നു കാണി​ക്കാ​നുള്ള ഒരു വിധമാണ്‌ ഇത്‌. (സങ്കീർത്തനം 41:13) പരസ്യ​പ്രാർഥ​നയ്‌ക്കു ശേഷം ആ പറഞ്ഞ കാര്യ​ങ്ങ​ളോ​ടു നമ്മൾ യോജി​ക്കു​ന്നെന്നു കാണി​ക്കാൻ മൗനമാ​യോ ഉച്ചത്തി​ലോ “ആമേൻ” പറയു​ന്നതു നല്ലതാ​ണെന്നു ബൈബിൾ പഠിപ്പി​ക്കു​ന്നു.—1 ദിനവൃ​ത്താ​ന്തം 16:36; 1 കൊരി​ന്ത്യർ 14:16.

ദൈവം പ്രാർഥ​നയ്‌ക്ക്‌ ഉത്തരം തരുന്ന വിധം

16. യഹോവ നമ്മുടെ പ്രാർഥ​ന​കൾക്ക്‌ ശരിക്കും ഉത്തരം തരുന്നു​ണ്ടോ? വിശദീ​ക​രി​ക്കുക.

¹⁶ യഹോവ നമ്മുടെ പ്രാർഥ​ന​കൾക്ക്‌ ശരിക്കും ഉത്തരം തരുന്നു​ണ്ടോ? ഉണ്ട്‌. ‘പ്രാർഥന കേൾക്കു​ന്നവൻ’ എന്നാണു ബൈബിൾ ദൈവത്തെ വിളി​ക്കു​ന്നത്‌. (സങ്കീർത്തനം 65:2) ലക്ഷക്കണ​ക്കിന്‌ ആളുക​ളു​ടെ ആത്മാർഥ​മായ പ്രാർഥ​നകൾ യഹോവ കേൾക്കു​ക​യും പല വിധങ്ങ​ളിൽ ഉത്തരം കൊടു​ക്കു​ക​യും ചെയ്യുന്നു.

17. നമ്മുടെ പ്രാർഥ​നയ്‌ക്ക്‌ ഉത്തരം തരുന്ന​തിന്‌ യഹോവ ദൂതന്മാ​രെ​യും ഭൂമി​യി​ലെ ദാസന്മാ​രെ​യും ഉപയോ​ഗി​ക്കു​ന്നത്‌ എങ്ങനെ?

¹⁷ നമ്മുടെ പ്രാർഥ​നയ്‌ക്ക്‌ ഉത്തരം തരുന്ന​തിന്‌ യഹോവ ചില​പ്പോൾ തന്റെ ദൂതന്മാ​രെ​യും ഭൂമി​യി​ലെ ദാസന്മാ​രെ​യും ഉപയോ​ഗി​ക്കു​ന്നു. (എബ്രായർ 1:13, 14) ബൈബിൾ മനസ്സി​ലാ​ക്കാ​നുള്ള സഹായ​ത്തി​നു​വേണ്ടി പ്രാർഥി​ച്ച​പ്പോൾ പെട്ടെ​ന്നു​തന്നെ യഹോ​വ​യു​ടെ സാക്ഷി​ക​ളിൽ ഒരാൾ സന്ദർശി​ച്ച​തി​ന്റെ പല അനുഭ​വ​ങ്ങ​ളു​മുണ്ട്‌. ഭൂമി​യി​ലെ​ങ്ങും “സന്തോ​ഷ​വാർത്ത” അറിയി​ക്കു​ന്ന​തിൽ ദൈവ​ദൂ​ത​ന്മാർക്കു പങ്കു​ണ്ടെന്നു ബൈബിൾ കാണി​ക്കു​ന്നു. (വെളി​പാട്‌ 14:6 വായി​ക്കുക.) നമുക്കുള്ള ഒരു പ്രശ്‌ന​ത്തെ​പ്പ​റ്റി​യോ ആവശ്യ​ത്തെ​പ്പ​റ്റി​യോ പ്രാർഥി​ച്ച​പ്പോൾ ഒരു ക്രിസ്‌തീയ സഹോ​ദ​ര​നിൽനി​ന്നോ സഹോ​ദ​രി​യിൽനി​ന്നോ സഹായം കിട്ടി​യ​തി​ന്റെ അനുഭ​വ​ങ്ങ​ളും നമ്മളിൽ പലർക്കു​മുണ്ട്‌.—സുഭാ​ഷി​തങ്ങൾ 12:25; യാക്കോബ്‌ 2:16.

18. പരിശു​ദ്ധാ​ത്മാ​വി​ലൂ​ടെ​യും ബൈബി​ളി​ലൂ​ടെ​യും യഹോവ പ്രാർഥ​നയ്‌ക്ക്‌ ഉത്തരം തരുന്നത്‌ എങ്ങനെ?

¹⁸ നമ്മുടെ പ്രാർഥ​നയ്‌ക്ക്‌ ഉത്തരം തരുന്ന​തി​നു പരിശു​ദ്ധാ​ത്മാ​വി​നെ​യും യഹോവ ഉപയോ​ഗി​ക്കു​ന്നു. ഒരു പ്രശ്‌നത്തെ നേരി​ടാ​നുള്ള സഹായ​ത്തി​നു​വേണ്ടി നമ്മൾ പ്രാർഥി​ക്കു​മ്പോൾ നമ്മളെ വഴിന​യി​ക്കു​ന്ന​തി​നും നമുക്കു ശക്തി പകരു​ന്ന​തി​നും യഹോവ പരിശു​ദ്ധാ​ത്മാ​വി​നെ ഉപയോ​ഗി​ച്ചേ​ക്കാം. (2 കൊരി​ന്ത്യർ 4:7) ബൈബി​ളി​ലൂ​ടെ​യും യഹോവ പ്രാർഥ​നയ്‌ക്ക്‌ ഉത്തരം തരുക​യും ശരിയായ തീരു​മാ​ന​ങ്ങ​ളെ​ടു​ക്കാൻ നമ്മളെ സഹായി​ക്കു​ക​യും ചെയ്യുന്നു. ബൈബിൾ വായി​ക്കു​മ്പോൾ നമുക്കു പ്രയോ​ജനം ചെയ്യുന്ന വാക്യങ്ങൾ നമ്മൾ കണ്ടേക്കാം. സഭാ​യോ​ഗ​ങ്ങ​ളിൽ, നമുക്കു ഗുണം ചെയ്യുന്ന ഒരു ആശയം ഉത്തരത്തി​ലൂ​ടെ പറയാൻ യഹോ​വയ്‌ക്ക്‌ ഒരു വ്യക്തിയെ പ്രചോ​ദി​പ്പി​ക്കാ​നാ​കും. അല്ലെങ്കിൽ ബൈബി​ളിൽനിന്ന്‌ ഏതെങ്കി​ലും ഒരു ആശയം നമ്മളു​മാ​യി പങ്കു​വെ​ക്കാൻ സഭയിലെ ഒരു മൂപ്പനെ യഹോവ ഉപയോ​ഗി​ച്ചേ​ക്കാം.—ഗലാത്യർ 6:1.

19. യഹോവ നമ്മുടെ പ്രാർഥ​നയ്‌ക്ക്‌ ഉത്തരം തരാത്ത​താ​യി തോന്നി​യേ​ക്കാ​വു​ന്നത്‌ എന്തു​കൊണ്ട്‌?

¹⁹ ‘യഹോവ എന്താണ്‌ ഇതുവരെ എന്റെ പ്രാർഥ​നയ്‌ക്ക്‌ ഉത്തരം തരാത്തത്‌’ എന്നു ചില​പ്പോൾ നമ്മൾ ചിന്തി​ച്ചേ​ക്കാം. എന്നാൽ ഒന്നോർക്കുക, നമ്മുടെ പ്രാർഥ​നയ്‌ക്ക്‌ എപ്പോൾ, എങ്ങനെ ഉത്തരം തരണ​മെ​ന്നും നമുക്ക്‌ എന്താണ്‌ ആവശ്യ​മെ​ന്നും യഹോ​വയ്‌ക്ക്‌ അറിയാം. ചില​പ്പോൾ ഒരു കാര്യ​ത്തി​നു​വേണ്ടി നമ്മൾ തുടർച്ച​യാ​യി പ്രാർഥി​ക്കേ​ണ്ട​തു​ണ്ടാ​യി​രി​ക്കാം. അതിലൂ​ടെ നമ്മുടെ പ്രാർഥന ആത്മാർഥ​മാ​ണെ​ന്നും നമുക്കു യഹോ​വ​യിൽ വിശ്വാ​സ​മു​ണ്ടെ​ന്നും തെളി​യി​ക്കു​ക​യാ​യി​രി​ക്കും നമ്മൾ. (ലൂക്കോസ്‌ 11:5-10) ചില​പ്പോൾ നമ്മൾ പ്രതീ​ക്ഷി​ക്കാത്ത വിധത്തി​ലാ​യി​രി​ക്കാം യഹോവ നമ്മുടെ പ്രാർഥ​ന​കൾക്ക്‌ ഉത്തരം തരുന്നത്‌. ഉദാഹ​ര​ണ​ത്തിന്‌ ബുദ്ധി​മു​ട്ടേ​റിയ ഒരു സാഹച​ര്യ​ത്തിൽ നമ്മൾ പ്രാർഥി​ക്കു​ന്നെ​ന്നി​രി​ക്കട്ടെ. ആ പ്രശ്‌നം അപ്പാടെ നീക്കം ചെയ്യു​ന്ന​തി​നു പകരം അതു സഹിച്ചു​നിൽക്കാ​നുള്ള ശക്തിയാ​യി​രി​ക്കാം യഹോവ തരുന്നത്‌.—ഫിലി​പ്പി​യർ 4:13 വായി​ക്കുക.

20. കൂടെ​ക്കൂ​ടെ യഹോ​വ​യോ​ടു പ്രാർഥി​ക്കേ​ണ്ടത്‌ എന്തു​കൊണ്ട്‌?

²⁰ യഹോ​വ​യോ​ടു പ്രാർഥി​ക്കുക എന്നത്‌ എത്ര മഹത്തായ പദവി​യാണ്‌! നമ്മുടെ പ്രാർഥന യഹോവ കേൾക്കു​മെന്ന്‌ ഉറപ്പു​ണ്ടാ​യി​രി​ക്കുക. (സങ്കീർത്തനം 145:18) എത്ര കൂടെ​ക്കൂ​ടെ നമ്മൾ യഹോ​വ​യോട്‌ ആത്മാർഥ​മാ​യി പ്രാർഥി​ക്കു​ന്നു​വോ അത്ര ശക്തമാ​യി​രി​ക്കും യഹോ​വ​യു​മാ​യുള്ള നമ്മുടെ സുഹൃദ്‌ബന്ധം.