സംഭാഷണം തുടങ്ങുന്നതിന്‌
പാഠം 1
ആളുകളിലുള്ള താത്‌പര്യം
തത്ത്വം: “സ്‌നേഹം . . . സ്വാർഥതയോടെ തൻകാര്യം നോക്കുന്നില്ല.”—1 കൊരി. 13:4, 5.
യേശുവിന്റെ മാതൃക
1. വീഡിയോ കാണുക, അല്ലെങ്കിൽ യോഹന്നാൻ 4:6-9 വായിക്കുക. എന്നിട്ട്‌, ഈ ചോദ്യങ്ങൾ ചിന്തിക്കുക:
എ. സ്‌ത്രീയുമായി സംഭാഷണം തുടങ്ങുന്നതിനു മുമ്പ്‌ യേശു എന്തെല്ലാം നിരീക്ഷിച്ചു?
ബി. “കുടിക്കാൻ കുറച്ച്‌ വെള്ളം തരാമോ” എന്ന്‌ യേശു ചോദിച്ചു. സംഭാഷണം തുടങ്ങുന്നതിന്‌ ഈ രീതി ഫലപ്രദമായിരുന്നത്‌ എന്തുകൊണ്ട്‌?
യേശുവിൽനിന്ന്‌ എന്തു പഠിക്കാം?
2. ആളുകൾക്കു താത്‌പര്യമുള്ള ഒരു വിഷയത്തെക്കുറിച്ച്‌ സംസാരിച്ചുതുടങ്ങിയാൽ നല്ലൊരു സംഭാഷണത്തിലേക്ക്‌ അതു നയിച്ചേക്കാം.
യേശുവിനെ അനുകരിക്കുക
3. വഴക്കമുള്ളവരായിരിക്കുക. നിങ്ങൾ തയ്യാറായ വിഷയത്തെക്കുറിച്ച്‌ മാത്രമേ സംസാരിച്ചുതുടങ്ങുകയുള്ളൂ എന്നു നിർബന്ധം പിടിക്കരുത്‌. ആളുകൾ അന്നേ ദിവസം ചിന്തിക്കാൻ ഇടയുള്ള ഏതെങ്കിലും വിഷയത്തെക്കുറിച്ച്‌ പറഞ്ഞുതുടങ്ങാം. ചിന്തിച്ചുനോക്കുക:
എ. ‘എന്തൊക്കെയാണ്‌ ഇന്നത്തെ വാർത്തകൾ?’
ബി. ‘എന്റെ അയൽക്കാരുടെയും സഹജോലിക്കാരുടെയും സഹപാഠികളുടെയും ഇടയിലെ പ്രധാന സംസാരവിഷയം എന്താണ്‌?’
4. ശരിക്കും നിരീക്ഷിക്കുക. ചിന്തിച്ചുനോക്കുക:
എ. ‘ഈ വ്യക്തി എന്താണു ചെയ്‌തുകൊണ്ടിരിക്കുന്നത്‌? അദ്ദേഹം എന്തിനെക്കുറിച്ചായിരിക്കും ചിന്തിക്കുന്നത്‌?’
ബി. ‘ഈ വ്യക്തിയുടെ വീടും വേഷവും രൂപവും ഒക്കെ അദ്ദേഹത്തിന്റെ വിശ്വാസങ്ങളെക്കുറിച്ചും പശ്ചാത്തലത്തെക്കുറിച്ചും എന്താണ്‌ വെളിപ്പെടുത്തുന്നത്‌?’
സി. ‘അദ്ദേഹത്തോടു സംസാരിക്കാൻ പറ്റിയ സമയമാണോ ഇത്‌?’
5. ശ്രദ്ധിക്കുക.
എ. ഒരുപാടു സംസാരിക്കരുത്‌.
ബി. നമ്മളോടു തുറന്ന്‌ സംസാരിക്കാൻ തോന്നുന്ന രീതിയിൽ അവരോട്‌ ഇടപെടുക. ഉചിതമെങ്കിൽ ചോദ്യങ്ങൾ ചോദിക്കുക.