പ്രൗഢ​മായ മഴവില്ല്‌

വർണരാ​ജി കാണി​ക്കുന്ന അർധവൃ​ത്താ​കൃ​തി​യി​ലുള്ള ഒരു വില്ല്‌ അല്ലെങ്കിൽ ചാപം എന്നും “ഇനി സകലജ​ഡ​വും ജലപ്ര​ള​യ​ത്താൽ നശിക്ക​യില്ല; ഭൂമിയെ നശിപ്പി​പ്പാൻ ഇനി ജലപ്ര​ളയം ഉണ്ടാക​യു​മില്ല” എന്ന യഹോ​വ​യു​ടെ ഉടമ്പടി വാഗ്‌ദാ​ന​ത്തി​ന്റെ ഒരു ദൃശ്യ അടയാളം എന്നും അത്‌ നിർവ​ചി​ക്ക​പ്പെ​ടു​ന്നു. (ഉല്‌പത്തി 9:11-16) മഴവി​ല്ലി​നു പ്രത്യേക എബ്രായ പദമൊ​ന്നു​മില്ല. അതു​കൊണ്ട്‌ (അമ്പുകൾ എയ്യുന്ന​തി​നു​പ​യോ​ഗി​ക്കുന്ന) “വില്ല്‌” എന്നതി​നുള്ള സാധാരണ പദമാണു ബൈബി​ളിൽ ഉപയോ​ഗി​ച്ചി​രി​ക്കു​ന്നത്‌.—യെഹെ​സ്‌കേൽ 1:28.

മഴവി​ല്ലി​ന്റെ രൂപീ​ക​ര​ണത്തെ വിശദീ​ക​രി​ക്കാൻ സങ്കീർണ​മായ സിദ്ധാ​ന്ത​ങ്ങ​ളും സൂത്ര​വാ​ക്യ​ങ്ങ​ളും ഉപയോ​ഗി​ച്ചു​വ​രു​ന്നു. ചെറിയ ഒരു പ്രിസം​പോ​ലെ പ്രവർത്തി​ക്കുന്ന മഴത്തു​ള്ളി​യിൽ വെളുത്ത പ്രകാശം കടക്കു​മ്പോൾ അതിന്‌ അപവർത്തനം (refraction) സംഭവി​ച്ചു പല വർണങ്ങ​ളാ​യി വേർതി​രി​യു​ന്നു. ഓരോ വർണവും മഴത്തു​ള്ളി​യു​ടെ ഉൾപ്ര​ത​ല​ത്തിൽ തട്ടി വ്യത്യ​സ്‌ത​മായ, പ്രത്യേക കോണിൽ പ്രതി​ഫ​ലി​ക്കു​ന്നു. അങ്ങനെ ഒരു നിരീ​ക്ഷകൻ വർണരാ​ജി​യി​ലെ ഏഴു നിറങ്ങ​ളും (ചാപത്തി​ന്റെ ഉള്ളിൽനി​ന്നു പുറ​ത്തേക്ക്‌: വൈലറ്റ്‌, ഇൻഡി​ഗോ, നീല, പച്ച, മഞ്ഞ, ഓറഞ്ച്‌, ചുവപ്പ്‌) ഉൾക്കൊണ്ട ഒരു മഴവില്ലു കാണുന്നു. എങ്കിലും ഇവ കൂടി​ക്ക​ലർന്നി​രി​ക്കു​ന്ന​തി​നാൽ നാലോ അഞ്ചോ വർണങ്ങൾ മാത്രമേ വ്യക്തമാ​യി​രി​ക്കു​ന്നു​ള്ളൂ. ചില​പ്പോൾ വർണങ്ങൾ നേരെ വിപരീത ക്രമത്തിൽ ക്രമീ​ക​രി​ച്ചി​രി​ക്കു​ന്ന​തും വലിപ്പ​മേ​റി​യ​തും ലേശം വ്യത്യ​സ്‌ത​വു​മായ ഒരു “ദ്വിതീയ” മഴവില്ല്‌ രൂപീ​കൃ​ത​മാ​കു​ന്നു. ശാസ്‌ത്ര​ജ്ഞൻമാർ ഇപ്പോ​ഴും മഴവി​ല്ലി​നെ​ക്കു​റി​ച്ചു പഠിച്ചു​കൊ​ണ്ടി​രി​ക്കു​ക​യാണ്‌. കാൾ ബി. ബോയെർ ഇപ്രകാ​രം അഭി​പ്രാ​യ​പ്പെ​ടു​ന്നു: “മഴത്തു​ള്ളി​ക്കു​ള്ളിൽ പ്രകാ​ശോർജ​വും പദാർഥ​വും തമ്മിലു​ണ്ടാ​കുന്ന വളരെ​യ​ടുത്ത പരസ്‌പ​ര​പ്ര​വർത്തനം ഒരുവനെ ക്വാണ്ടം മെക്കാ​നി​ക്‌സി​ലേ​ക്കും ആപേക്ഷി​കതാ സിദ്ധാ​ന്ത​ത്തി​ലേ​ക്കും നേരിട്ടു നയിക്കു​ന്നു. . . . മഴവി​ല്ലി​ന്റെ രൂപീ​ക​ര​ണ​ത്തെ​ക്കു​റി​ച്ചു വളരെ​യ​ധി​കം അറിയാ​മെ​ങ്കി​ലും അതിനെ നമുക്ക്‌ ആ രീതി​യിൽ കാണാൻ കഴിയു​ന്നതു സംബന്ധി​ച്ചു നമുക്കു മനസ്സി​ലാ​യി​ട്ടില്ല.”—മഴവില്ല്‌, സങ്കൽപ്പ​ത്തിൽനി​ന്നു ഗണിത​ശാ​സ്‌ത്ര​ത്തി​ലേക്ക്‌ (ഇംഗ്ലീഷ്‌), 1959, പേ. 320, 321.

ജലപ്രളയ അതിജീ​വകർ പെട്ടക​ത്തിൽനി​ന്നു പുറത്തു​വ​ന്ന​തി​നു​ശേഷം ദൈവം നോഹ​യോ​ടും അവന്റെ മക്കളോ​ടും നടത്തിയ ഉടമ്പടി​യു​ടെ വിവര​ണ​ത്തി​ലാ​ണു മഴവി​ല്ലി​നെ​ക്കു​റി​ച്ചുള്ള ബൈബി​ളി​ലെ ആദ്യ പരാമർശം നാം കാണു​ന്നത്‌. (ഉല്‌പത്തി 9:8-17; യെശയ്യാ​വു 54:9, 10) അതിന്റെ ഉജ്ജ്വല​മായ ദൃശ്യം​തന്നെ നോഹ​യ്‌ക്കും അദ്ദേഹ​ത്തി​ന്റെ കുടും​ബ​ത്തി​നും സമാധാ​നം വീണ്ടും ഉറപ്പാ​ക്കുന്ന ഒരു അടയാ​ള​മാ​യി​രി​ക്കു​മാ​യി​രു​ന്നു.

മനുഷ്യർ മഴവി​ല്ലി​നെ കണ്ട ആദ്യ അവസരം ഇതാണോ എന്നതു സംബന്ധിച്ച്‌ അനേകം അഭി​പ്രാ​യങ്ങൾ ഉണ്ടായി​ട്ടുണ്ട്‌. മഴവി​ല്ലു​കൾ മുമ്പും ദൃശ്യ​മാ​യി​ട്ടു​ണ്ടെ​ന്നും ദൈവം ഈ സമയത്തു മഴവില്ലു ‘നൽകി’യപ്പോൾ വാസ്‌ത​വ​ത്തിൽ നേരത്തെ ഉണ്ടായി​രുന്ന ഒരു പ്രതി​ഭാ​സ​ത്തിന്‌ ഒരു പ്രത്യേക അർഥമോ പ്രാധാ​ന്യ​മോ നൽകു​ക​യാ​യി​രു​ന്നു​വെ​ന്നും ചില വ്യാഖ്യാ​താ​ക്കൾ അഭി​പ്രാ​യ​പ്പെ​ട്ടി​രി​ക്കു​ന്നു. ഈ വീക്ഷണ​മുള്ള പലരും ജലപ്ര​ളയം പ്രാ​ദേ​ശി​കം മാത്ര​മാ​യി​രു​ന്നു​വെ​ന്നും അത്‌ അന്തരീ​ക്ഷ​ത്തി​നു ഗണ്യമായ മാറ്റ​മൊ​ന്നും വരുത്തി​യി​ല്ലെ​ന്നും വിശ്വ​സി​ക്കു​ന്നു.

എന്നിരു​ന്നാ​ലും അതു മഴവി​ല്ലി​നെ​ക്കു​റി​ച്ചുള്ള ആദ്യ പരാമർശ​ന​മാണ്‌. മഴവില്ല്‌ നേരത്തെ ദൃശ്യ​മാ​യി​ട്ടു​ണ്ടാ​യി​രു​ന്നെ​ങ്കിൽ തന്റെ ഉടമ്പടി​യു​ടെ ഒരു പ്രമുഖ അടയാ​ള​മാ​യി ദൈവം അതു നിർമി​ക്കു​ന്ന​തിൽ യഥാർഥ​മായ യാതൊ​രു പ്രാധാ​ന്യ​വും ഉണ്ടായി​രി​ക്കു​മാ​യി​രു​ന്നില്ല. അതൊരു സാധാരണ സംഗതി​യാ​യി​രി​ക്കു​മാ​യി​രു​ന്നു, ഒരു മാറ്റത്തി​ന്റെ​യോ, പുതിയ ഒരു സംഗതി​യു​ടെ​യോ ഒരു സുപ്ര​ധാന അടയാ​ള​മാ​യി​രി​ക്കു​മാ​യി​രു​ന്നില്ല.

ജലപ്ര​ള​യ​ത്തി​നു തൊട്ടു​മുമ്പ്‌ അന്തരീക്ഷം എത്രമാ​ത്രം തെളി​ഞ്ഞ​താ​യി​രു​ന്നു​വെന്നു ബൈബിൾ വർണി​ക്കു​ന്നില്ല. നോഹ​യ്‌ക്കും അദ്ദേഹ​ത്തി​ന്റെ കുടും​ബ​ത്തി​നും​മുമ്പ്‌ ആരും മഴവില്ലു കണ്ടിട്ടി​ല്ലാ​ത്ത​വി​ധ​മാ​യി​രു​ന്നു അന്തരീക്ഷ അവസ്ഥക​ളെന്നു തോന്നു​ന്നു. ‘ആകാശ​ത്തി​ന്റെ കിളി​വാ​തി​ലു​കൾ തുറന്ന’പ്പോഴു​ണ്ടായ മാറ്റ​ത്തോ​ടു​കൂ​ടി​യാണ്‌ അതു ദൃശ്യ​മാ​യത്‌. (ഉല്‌പത്തി 7:11) ഇന്നു​പോ​ലും, ഒരു മഴവില്ല്‌ ദൃശ്യ​മാ​ണോ അല്ലയോ എന്നതിനെ അന്തരീക്ഷ അവസ്ഥകൾ സ്വാധീ​നി​ക്കു​ന്നു.

ഒരു കൊടു​ങ്കാ​റ്റി​നെ തുടർന്നു പ്രത്യ​ക്ഷ​മാ​കുന്ന മഴവി​ല്ലി​ന്റെ പ്രൗഢി​യും മനോ​ഹാ​രി​ത​യും പ്രശാ​ന്ത​ത​യും ദൈവ​ത്തെ​യും അവന്റെ സിംഹാ​സ​ന​ത്തെ​യും​കു​റി​ച്ചുള്ള ബൈബിൾ വിവര​ണ​ങ്ങ​ളിൽ വരച്ചു​കാ​ട്ട​പ്പെ​ട്ടി​രി​ക്കു​ന്നു. യെഹെ​സ്‌കേ​ലി​നുള്ള ദൈവ​ത്തി​ന്റെ ദർശന​ത്തിൽ “മഴയുള്ള ദിവസ​ത്തിൽ മേഘത്തിൽ കാണുന്ന വില്ലിന്റെ കാഴ്‌ച​പോ​ലെ” ഒന്ന്‌ പ്രവാ​ചകൻ കാണു​ക​യു​ണ്ടാ​യി. ഇത്‌ “യഹോ​വ​യു​ടെ മഹത്വ”ത്തെ ഊന്നി​പ്പ​റഞ്ഞു. (യെഹെ​സ്‌കേൽ 1:28) സമാന​മാ​യി, യോഹ​ന്നാൻ യഹോ​വ​യു​ടെ ഉജ്ജ്വല സിംഹാ​സനം കണ്ടു. ‘അതിനു​ചു​റ്റും കാഴ്‌ചെക്കു മരതക​ത്തോ​ടു സദൃശ​മാ​യോ​രു പച്ചവില്ല്‌ ഉണ്ടായി​രു​ന്നു.’ മഴവി​ല്ലി​ന്റെ വിശ്ര​മ​ദാ​യ​ക​മായ മരതക​പ്പ​ച്ച​നി​റം സമനി​ല​യെ​യും പ്രശാ​ന്ത​ത​യെ​യും​കു​റി​ച്ചു യോഹ​ന്നാ​നു സൂചന നൽകു​മാ​യി​രു​ന്നു. യഹോവ എല്ലാ സാഹച​ര്യ​ങ്ങ​ളു​ടെ​യും അധിപ​നും പ്രൗഢ​നായ ഭരണാ​ധി​പ​നും ആയതി​നാൽ ഉചിത​മാ​യും അങ്ങനെ​യാണ്‌. (വെളി​പ്പാ​ടു 4:3) “തലയിൽ ആകാശ​വി​ല്ലു”മായി നിൽക്കുന്ന ഒരു ദൂത​നെ​യും യോഹ​ന്നാൻ കണ്ടു. (വെളി​പ്പാ​ടു 10:1) അവൻ “സമാധാ​ന​ത്തി​ന്റെ ദൈവ”ത്തിന്റെ ഒരു പ്രത്യേക പ്രതി​നി​ധി​യാ​യി​രു​ന്നെന്ന്‌ അതു സൂചി​പ്പി​ക്കു​ന്നു.—ഫിലി​പ്പി​യർ 4:9.