വായന​ക്കാ​രിൽ നിന്നുള്ള ചോദ്യ​ങ്ങൾ

മൂപ്പൻമാരുടെ നിയമ​ന​ത്തിൽ ആധുനി​ക​നാ​ളി​ലെ ഭരണസം​ഘ​ത്തോ​ടൊത്ത്‌ പരിശു​ദ്ധാ​ത്മാവ്‌ പ്രവർത്തി​ക്കു​ന്നത്‌ എപ്രകാ​ര​മാണ്‌?

എഫേസൂ​സി​ലെ ക്രിസ്‌തീയ മുപ്പൻമാ​രോട്‌ അപ്പോ​സ്‌ത​ല​നായ പൗലോസ്‌ പറഞ്ഞു: “നിങ്ങൾക്കു​ത​ന്നെ​യും അവൻ സ്വന്ത പുത്രന്റെ രക്തത്താൽ വിലയ്‌ക്കു വാങ്ങിയ ദൈവ​ത്തി​ന്റെ സഭയെ മേയി​ക്കു​വാൻ പരിശു​ദ്ധാ​ത്മാവ്‌ നിങ്ങളെ മേൽവി​ചാ​ര​കൻമാ​രാ​യി നിയമിച്ച മുഴു ആട്ടിൻകൂ​ട്ട​ത്തി​നും ശ്രദ്ധ നൽകു​വിൻ.”—പ്രവൃ​ത്തി​കൾ 20:28.

അപ്രകാ​ര​മു​ള്ള നിയമ​ന​ങ്ങ​ളിൽ പരിശു​ദ്ധാ​ത്മാവ്‌ പ്രവർത്തി​ച്ച​തെ​ങ്ങ​നെ​യെന്നു പൗലോസ്‌ വിശദ​മാ​യി വിവരി​ച്ചില്ല. എങ്കിലും, പരിച്‌ഛേദന സംബന്ധിച്ച ഒരു ചോദ്യം ഒന്നാം നൂററാ​ണ്ടി​ലെ ഭരണസം​ഘം പരിചി​ന്തി​ച്ച​പ്പോൾ സംഭവി​ച്ച​തിൽ നിന്നും നമുക്കു ഉൾക്കാഴ്‌ച നേടാൻ കഴിയും. തങ്ങളുടെ തീരു​മാ​നത്തെ സംക്ഷേ​പി​ച്ചു​കൊണ്ട്‌ അവർ എഴുതി: “ഈ ആവശ്യ സംഗതി​കൾ ഒഴിച്ച്‌, കൂടു​ത​ലായ മററു യാതൊ​രു ഭാരവും നിങ്ങ​ളോട്‌ കൂട്ടാ​തി​രി​ക്കു​ന്ന​തി​നോട്‌ പരിശു​ദ്ധാ​ത്മാ​വും ഞങ്ങൾത​ന്നെ​യും അനുകൂ​ലി​ച്ചി​രി​ക്കു​ന്നു.” (പ്രവൃ​ത്തി​കൾ 15:28) ആ സമയം ഉചിത​മായ തീരു​മാ​ന​ത്തി​ലെ​ത്തു​വാൻ, വ്യക്തി​ത്വ​മി​ല്ലാത്ത കർമ്മോ​ദ്യു​ക്ത​ശ​ക്തി​യായ ദൈവ​ത്തി​ന്റെ പരിശു​ദ്ധാ​ത്മാവ്‌, പ്രവർത്തി​ച്ച​തെ​പ്ര​കാ​ര​മാണ്‌?

ആദ്യമേ, പൗലോ​സും ബർന്നബാ​സും ചോദ്യം അവതരി​പ്പി​ച്ചെന്ന്‌ പ്രവൃ​ത്തി​കൾ 15-ാം അദ്ധ്യായം കാണി​ക്കു​ന്നു. പിന്നെ ഒരു ചർച്ച നടന്നു. അപ്പോ​സ്‌ത​ല​നായ പത്രോസ്‌, പരിച്‌ഛേദന ഏൽക്കാഞ്ഞ കൊർന്ന​ല്യോ​സി​ന്റേ​യും ഭവനത്തി​ന്റെ​യും സ്‌നാ​ന​ത്തി​ലേക്കു നയിച്ച​തെ​ന്തെന്നു വിവരി​ച്ചു. പത്രോസ്‌ വിശദീ​ക​രി​ച്ചു, ‘അവൻ നമ്മോടു ചെയ്‌ത​തു​പോ​ലെ​തന്നെ, അവർക്കും പരിശു​ദ്ധാ​ത്മാ​വി​നെ നൽകി​യ​തി​നാൽ ദൈവം സാക്ഷ്യം വഹിച്ചു.’ (പ്രവൃ​ത്തി​കൾ 15:7, 8; 10:9-48) അനന്തരം പൗലോ​സും ബർന്നബാ​സും ‘ദൈവം തങ്ങളെ​ക്കൊ​ണ്ടു ജനതക​ളു​ടെ​യി​ട​യിൽ ചെയ്യിച്ച അനേക അടയാ​ള​ങ്ങ​ളെ​യും അത്ഭുത​ങ്ങ​ളെ​യും വിവരി​ച്ചു.’ (പ്രവൃ​ത്തി​കൾ 15:12) അപ്രകാ​രം, പത്രോ​സി​ന്റെ​യും കൊർന്ന​ല്യോ​സി​ന്റേ​യും പൗലോ​സി​ന്റെ​യും ബർന്നബാ​സി​ന്റെ​യും മേലുള്ള അതിന്റെ പ്രവർത്ത​ന​ത്താൽ ജാതികൾ പരിച്‌ഛേദന ഏൽക്ക​പ്പെ​ടേണ്ട ആവശ്യ​മി​ല്ലെന്നു പരിശു​ദ്ധാ​ത്മാവ്‌ സൂചി​പ്പി​ച്ചു.

എങ്കിലും ഭരണസം​ഘം എടുത്ത തീരു​മാ​ന​ത്തിൽ എത്തുവാൻ പരിശു​ദ്ധാ​ത്മാ​വി​ന്റെ മററു പ്രവർത്ത​ന​ങ്ങ​ളും ഉൾപ്പെ​ട്ടി​രു​ന്നു. അവരുടെ പര്യാ​ലോ​ച​ന​ക​ളിൻമേൽ പരിശു​ദ്ധാ​ത്മാ​വി​ന്റെ സഹായ​ത്തി​നാ​യി അവർ അപേക്ഷി​ച്ചി​രു​ന്നു​വെന്നു നമുക്ക്‌ അനുമാ​നി​ക്കാം. അപ്രകാ​ര​മുള്ള സഹായ​മാ​യി​രി​ക്കണം ആമോസ്‌ 9:11, 12-ലെ പ്രവചനം ഓർമ്മ​യി​ലേക്കു വരുന്ന​തി​നും അതിന്റെ പ്രയുക്തത കാണു​ന്ന​തി​നും ശിഷ്യ​നായ യാക്കോ​ബി​നെ പ്രേരി​പ്പി​ച്ചത്‌. ആ പ്രവചനം, നിശ്ചയ​മാ​യും പരിശു​ദ്ധാ​ത്മ​നി​ശ്വ​സ്‌ത​ത​യി​ലാണ്‌ എഴുത​പ്പെ​ട്ടത്‌. (പ്രവൃ​ത്തി​കൾ 15:13-20) കൂടാതെ, ഭരണസം​ഘം രൂപീ​കൃ​ത​മാ​യി​രുന്ന “യരൂശ​ലേ​മി​ലെ അപ്പോ​സ്‌ത​ലൻമാ​രും മൂപ്പൻമാ​രും” പരിശു​ദ്ധാ​ത്മാ​വി​നാൽ അഭി​ഷേകം ചെയ്യപ്പെട്ട ക്രിസ്‌ത്യാ​നി​ക​ളാ​യി​രു​ന്നു. അവർ അതിന്റെ ഫലങ്ങൾ പുറ​പ്പെ​ടു​വി​ക്കു​ന്ന​തി​നാ​ലെ​ന്ന​പോ​ലെ, തങ്ങളുടെ ജീവി​ത​ങ്ങ​ളിൽ അതിന്റെ പ്രവർത്തനം വെളി​പ്പെ​ടു​ത്തി.—പ്രവൃ​ത്തി​കൾ 15:2; റോമർ 8:14-17; 1 കൊരി​ന്ത്യർ 7:40; ഗലാത്യർ 5:22, 23.

അതിനാൽ പരിച്‌ഛേ​ദനാ ചോദ്യ​ത്തിൻമേൽ സ്വർഗ്ഗ​ത്തിൽ നിന്നു കേൾക്കത്തക്ക ഒരു സൂചകം ഇല്ലാ​തെ​തന്നെ, ഭരണസം​ഘ​ത്തി​ലു​ണ്ടാ​യി​രു​ന്ന​വർക്ക്‌ തങ്ങളുടെ തീരു​മാ​ന​ത്തി​ലെ​ത്തു​വാൻ “പരിശു​ദ്ധാ​ത്മാവ്‌” നയിച്ചു എന്നു ശരിയാ​യി പറയു​വാൻക​ഴി​യും.

മൂപ്പൻമാ​രാ​യോ, മേൽവി​ചാ​ര​കൻമാ​രാ​യോ ക്രിസ്‌തീയ പുരു​ഷൻമാ​രെ ഇന്നു സഭകളിൽ നിയമി​ക്കു​ന്ന​തും ഇതേ പ്രകാ​ര​മാണ്‌. സഹോ​ദ​രൻമാ​രെ മേൽവി​ചാ​ര​കൻമാ​രാ​യി നിയമി​ക്കു​ന്ന​തി​നു​വേണ്ടി ശുപാർശ​ചെ​യ്യു​ന്നതു പരിചി​ന്തി​ക്കു​ന്ന​തിന്‌ കാലി​ക​മാ​യി മൂപ്പൻമാ​രു​ടെ ഒരുകൂ​ട്ടം (സൊ​സൈ​റ​റി​യു​ടെ ഒരു സഞ്ചാര​മേൽവി​ചാ​രകൻ ഉൾപ്പെ​ട്ടി​രി​ക്കാം) കൂടി​വ​രു​ന്നു. ആ കൂട്ടത്തി​ലു​ള്ള​വ​രെ​ത്തന്നെ മൂപ്പൻമാ​രാ​യി നിയമി​ക്ക​പ്പെ​ട്ട​വ​രും അവർ തങ്ങളുടെ ജീവി​ത​ങ്ങ​ളിൽ പരിശു​ദ്ധാ​ത്മാ​വു​ണ്ടെന്നു വെളി​പ്പെ​ടു​ത്തു​ന്ന​വ​രും ആണ്‌. ആത്മാവി​ന്റെ നടത്തി​പ്പി​നാ​യി പ്രാർത്ഥ​ന​യോ​ടെ അവർ ചർച്ച ആരംഭി​ക്കു​ന്നു. പിന്നെ, മീററിം​ഗു​സ​മ​യത്ത്‌ അവർ പരിഗ​ണി​ക്കുന്ന ഓരോ സഹോ​ദ​ര​നും ബൈബി​ളിൽ മൂപ്പൻമാർക്കാ​യി വെച്ചി​രി​ക്കുന്ന യോഗ്യ​ത​ക​ളി​ലെ​ത്തു​ന്നു​ണ്ടോ​യെന്നു വിശക​ലനം ചെയ്യുന്നു. ആ യോഗ്യ​തകൾ പരിശു​ദ്ധാത്മ നിയ​ന്ത്ര​ണ​ത്തിൽ രേഖ​പ്പെ​ടു​ത്തി​യ​വ​യാണ്‌. (1 തിമൊ​ഥെ​യോസ്‌ 3:2-7; തീത്തോസ്‌ 1:5-9) തന്റെ ജീവി​ത​രീ​തി​യിൽ ആ സഹോ​ദരൻ “ആത്മാവും ജ്ഞാനവും നിറഞ്ഞവൻ” എന്നു തെളി​യി​ക്കു​ന്നു​ണ്ടോ​യെന്ന്‌ അവർ പരിഗ​ണി​ക്കു​ന്നു. (പ്രവൃ​ത്തി​കൾ 6:3) അയാൾ ആ മാതൃ​ക​യി​ലു​ള്ള​വ​നും ന്യായ​മായ ഒരളവിൽ യോഗ്യ​ത​ക​ളിൽ എത്തി​ചേ​രു​ന്ന​വ​നും ആണെന്നു അവർ യോജി​ക്കു​ന്നു​വെ​ങ്കിൽ അവരുടെ ശുപാർശ പരിശു​ദ്ധാ​ത്മ​നി​യോ​ഗി​ത​രായ ഭരണസം​ഘ​ത്തി​നോ അതിന്റെ തിര​ഞ്ഞെ​ടു​ക്ക​പ്പെട്ട പ്രതി​നി​ധി​കൾക്കോ അയക്ക​പ്പെ​ടു​ന്നു. ആ സഹോ​ദരൻ നിയമി​ത​നാ​യോ എന്നുള്ളത്‌ പിന്നീട്‌ സഭയെ അറിയി​ച്ചേ​ക്കാം.

ഗ്രഹി​ക്കാ​വു​ന്ന​തു​പോ​ലെ, നിയമി​ത​മൂ​പ്പൻ പിന്നെ​യും, അപൂർണ്ണ​നും പരിമി​തി​കൾ ഉണ്ടായി​രു​ന്നേ​ക്കാ​വു​ന്ന​വ​നു​മാണ്‌. അപ്പോ​സ്‌ത​ലൻമാർ, യേശു അവരെ തിര​ഞ്ഞെ​ടു​ക്കു​ന്ന​തി​നു മുമ്പും ഭരണസം​ഘ​ത്തിൽ അവർ സേവി​ക്കു​മ്പോ​ഴും അപൂർണ്ണ​രാ​യി​രു​ന്നു. (ലൂക്കോസ്‌ 9:46, 54; 22:54-62; ഗലാത്യർ 2:11-14) എന്നുവ​രി​കി​ലും അവർക്കു നിശ്ചയ​മാ​യും, ദൈവാ​ത്മാ​വു​ണ്ടാ​യി​രി​ക്ക​യും അതിന്റെ നേതൃ​ത്വ​ത്തിൽ നിയമി​ക്ക​പ്പെ​ടു​ക​യും ചെയ്‌തി​രു​ന്നു. തത്തുല്യ​മാ​യി, സഹോ​ദ​രൻമാർക്കും, സഹോ​ദ​രി​മാർക്കും, ‘സഭയെ മേയി​ക്കു​വാൻ, മേൽവി​ചാ​ര​കൻമാ​രെ പരിശു​ദ്ധാ​ത്മാവ്‌ നിയമി​ച്ചി​രി​ക്കു​ന്നു’ എന്നു ഉറപ്പു​ള്ള​വ​രാ​യി​രി​ക്കാം. (പ്രവൃ​ത്തി​കൾ 20:28) അപ്രകാ​ര​മുള്ള പുരു​ഷൻമാ​രെ സംബന്ധി​ച്ചാണ്‌ ബുദ്ധി​യു​പ​ദേശം നൽക​പ്പെ​ട്ടി​രി​ക്കു​ന്നത്‌: “നിങ്ങ​ളോ​ടു ദൈവ​വ​ചനം സംസാ​രി​ച്ചി​രി​ക്കു​ന്ന​വ​രും, നിങ്ങളിൽ നേതൃ​ത്വം എടുക്കു​ന്ന​വ​രു​മാ​യ​വരെ ഓർത്തു​കൊൾക, അവരുടെ നടത്ത എപ്രകാ​ര​മാ​യി​ത്തീ​രു​മെന്നു നിരൂ​പി​ച്ചു​കൊ​ണ്ടി​രി​ക്കെ അവരുടെ വിശ്വാ​സം അനുക​രിക്ക.”—എബ്രായർ 13:7.(w85 8/1)