എല്ലായി​ട​ത്തും ദൈവ​രാ​ജ്യം ഘോഷി​ക്കു​ക

“മരിച്ചവർ തങ്ങളുടെ മരിച്ച​വരെ കുഴി​ച്ചി​ടട്ടെ, എന്നാൽ നീ പോയി എല്ലായി​ട​ത്തും ദൈവ​രാ​ജ്യം ഘോഷി​ക്കുക.”—ലൂക്കോസ്‌ 9:60.

1. ലൂക്കോസ്‌ 9:60-ലെ യേശു​വി​ന്റെ പ്രസ്‌താ​വന ഏതു പ്രധാന ചോദ്യ​ങ്ങൾ ഉന്നയി​ക്കു​ന്നു?

ദൈവ​രാ​ജ്യം—അതായി​രു​ന്നു യേശു​വി​ന്റെ ജീവി​ത​ത്തി​ലെ അതി​പ്ര​ധാന താത്‌പ​ര്യം! അവന്റെ യഥാർത്ഥ പാദാ​നു​ഗാ​മി​ക​ളായ നമ്മെ​യെ​ല്ലാം സംബന്ധിച്ച്‌ ഇന്ന്‌ അങ്ങനെ​ത​ന്നെ​യാണ്‌. ക്രിസ്‌ത്യാ​നി​ക​ളെന്ന നിലയിൽ നാം ബൈബി​ള​നു​സ​രി​ച്ചു ജീവി​ച്ചു​കൊണ്ട്‌ യേശു​വി​ന്റെ കാൽചു​വ​ടു​കളെ അടുത്തു പിന്തു​ട​രാൻ കഠിന​ശ്രമം ചെയ്യു​ക​യാണ്‌. (1 പത്രോസ്‌ 2:21) എന്നാൽ നാം 1986 എന്ന വർഷത്തി​ലേക്കു കടന്നി​രി​ക്കെ, നാം നമ്മുടെ ജീവി​ത​ത്തി​ലെ മുൻഗ​ണ​ന​കളെ പരി​ശോ​ധി​ക്കേ​ണ്ട​യാ​വ​ശ്യ​മു​ണ്ടോ? ഉദാഹ​ര​ണ​ത്തിന്‌, “മരിച്ചവർ തങ്ങളുടെ മരിച്ച​വരെ കുഴി​ച്ചി​ടട്ടെ” എന്ന്‌ യേശു ഒരാ​ളോ​ടു പറഞ്ഞതി​നെ നിങ്ങൾ എങ്ങനെ വിശദീ​ക​രി​ക്കും? ഉചിത​മായ കുടും​ബ​താ​ത്‌പ​ര്യ​ങ്ങ​ളെന്ന്‌ തോന്നു​ന്ന​തി​നു വിരു​ദ്ധ​മാ​യി അപ്പോൾ യേശു രാജ്യ സന്ദേശം ഘോഷി​ക്കു​ന്ന​തി​ന്റെ പ്രാധാ​ന്യ​ത്തെ ഊന്നി​പ്പ​റ​ഞ്ഞു​വെന്ന്‌ നിങ്ങൾ എന്തു​കൊണ്ട്‌ വിചാ​രി​ക്കു​ന്നു? നിങ്ങൾ എന്തു പറയുന്നു?

2. യഹോ​വ​യു​ടെ പരമാ​ധി​കാ​രം എപ്പോൾ തുടങ്ങി, അത്‌ എത്ര നിലനിൽപ്പു​ള്ള​താണ്‌?

² യേശു “ദൈവ​രാ​ജ്യം” എന്ന പദപ്ര​യോ​ഗം ഉപയോ​ഗി​ക്കു​ന്ന​തിന്‌ ദീർഘ​നാൾ മുമ്പ്‌ സങ്കീർത്ത​ന​ക്കാ​ര​നായ ദാവീദ്‌ ദിവ്യ​നി​ശ്വ​സ്‌ത​ത​യിൽ ഇങ്ങനെ എഴുതി: “യഹോ​വ​തന്നെ തന്റെ സിംഹാ​സ​നത്തെ ആകാശ​ങ്ങ​ളിൽ ഉറപ്പായി സ്ഥാപി​ച്ചി​രി​ക്കു​ന്നു; അവന്റെ സ്വന്തം രാജത്വം സകലത്തിൻമേ​ലും ആധിപ​ത്യം നടത്തി​യി​രി​ക്കു​ന്നു.” (സങ്കീർത്തനം 103:19) യഹോ​വ​യു​ടെ പരമാ​ധി​കാ​രം അവൻ സൃഷ്ടിപ്പ്‌ ആരംഭി​ച്ച​പ്പോൾ തുടങ്ങി. അവന്റെ സിംഹാ​സ​ന​ത്തി​ന്റെ അടിസ്ഥാ​നത്തെ ഒരിക്ക​ലും ഇളക്കാൻ കഴിക​യില്ല. സാർവ്വ​ത്രിക പരമാ​ധി​കാ​രം സംബന്ധിച്ച അവന്റെ അവകാശം ഒരിക്ക​ലും അവനിൽനിന്ന്‌ പിടിച്ചു പറിക്കാൻ കഴിക​യില്ല. “ജനതക​ളു​ടെ ഇടയിൽ അവന്റെ മഹത്വം ഘോഷി​ക്കുക, . . . എന്തെന്നാൽ യഹോവ വലിയ​വ​നും വളരെ​യ​ധി​കം സ്‌തു​ത്യ​നു​മാ​കു​ന്നു!” എന്ന്‌ ഒരു സങ്കീർത്ത​ന​ക്കാ​രൻ ഉദ്‌ബോ​ധി​പ്പി​ക്കു​ന്നത്‌ ഒട്ടും അതിശ​യമല്ല!—സങ്കീർത്തനം 96:3, 4; 109:21; ദാനി​യേൽ 4:34, 35.

3. (എ) ഏതു സംഭവങ്ങൾ യഹോ​വ​യു​ടെ ഭരണാ​ധി​പ​ത്യ​ത്തി​നെ​തി​രായ ഒരു വെല്ലു​വി​ളി​യി​ലേക്കു നയിച്ചു? (ബി) ദൈവം സാർവ്വ​ത്രി​ക​പ​ര​മാ​ധി​കാ​ര​ത്തി​ന്റെ വിവാ​ദ​പ്ര​ശ്‌ന​ത്തിന്‌ എങ്ങനെ തീരു​മാ​ന​മു​ണ്ടാ​ക്കാൻ ഉദ്ദേശി​ക്കു​ന്നു?

³ എന്നിരു​ന്നാ​ലും, എല്ലാവ​രും യഹോ​വയെ സ്‌തു​തി​ക്കു​ന്ന​തിൽ തുടർന്നി​ട്ടില്ല. ആദ്യത്തെ വിശ്വാ​സ​ത്യാ​ഗി​യായ സാത്താൻ ഭൂമി​യി​ലെ തന്റെ സൃഷ്ടി​ക​ളു​ടെ മേൽ യഹോവ തന്റെ പരമാ​ധി​കാ​രം വെളി​പ്പെ​ടു​ത്തു​ക​യും പ്രയോ​ഗി​ക്കു​ക​യും ചെയ്‌ത വിധത്തെ വെല്ലു​വി​ളി​ച്ചു. (ഉല്‌പത്തി 3:1-5; ഇയ്യോബ്‌ 1:6-12; 2:1-5) തൽഫല​മാ​യി, ഭൂമി​യി​ലും പിന്നീടു സ്വർഗ്ഗ​ത്തി​ലും, ചില സൃഷ്ടി​കളെ സാത്താന്റെ മത്സരമ​നോ​ഭാ​വം ബാധിച്ചു. സാത്താൻ മാനുഷ രാജ്യ​ങ്ങ​ളു​ടെ ഒരു പരമ്പര സ്ഥാപി​ക്കാ​നും മനുഷ്യ​രെ സ്വാധീ​നി​ച്ചു. ദൈവ​ത്തി​ന്റെ ഭരണാ​ധി​പ​ത്യ​ത്തി​ന്റെ ഔചി​ത്യ​ത്തെ വെല്ലു​വി​ളി​ക്കാൻ സാത്താൻ ഇവയെ ഉപയോ​ഗി​ച്ചി​രി​ക്കു​ന്നു. (വെളി​പ്പാട്‌ 13:1-6) സാർവ്വ​ത്രി​ക​പ​ര​മാ​ധി​കാ​ര​ത്തി​ന്റെ ഈ വിവാ​ദ​പ്ര​ശ്‌നം പരിഹ​രി​ക്കു​ന്ന​തിന്‌ ദാനി​യേൽ 2:44-ൽ മുൻകൂ​ട്ടി​പ്പ​റ​ഞ്ഞ​പ്ര​കാ​രം യഹോവ അസാധാ​ര​ണ​മായ ഒന്ന്‌ ഉദ്ദേശി​ച്ചു: “ആ രാജാ​ക്കൻമാ​രു​ടെ കാലത്ത്‌ സ്വർഗ്ഗ​ത്തി​ലെ ദൈവം ഒരിക്ക​ലും നശിപ്പി​ക്ക​പ്പെ​ടു​ക​യി​ല്ലാത്ത ഒരു രാജ്യം സ്ഥാപി​ക്കും . . . അത്‌ ഈ രാജ്യ​ങ്ങ​ളെ​യെ​ല്ലാം തകർക്കു​ക​യും അവസാ​നി​പ്പി​ക്കു​ക​യും ചെയ്യും, അതുതന്നെ അനിശ്ചി​ത​കാ​ല​ത്തോ​ളം നിൽക്കു​ക​യും ചെയ്യും.”

യഹോവ യിസ്രാ​യേ​ലിൻമേൽ രാജാ​വാ​യി​ത്തീ​രു​ന്നു

4. “യഹോ​വ​തന്നെ രാജാ​വാ​യി​രി​ക്കു​ന്നു” എന്ന്‌ ഏതർത്ഥ​ത്തിൽ ദാവീ​ദി​നു പറയാൻ കഴിഞ്ഞു, അത്തര​മൊ​രു സംഭവം എന്താവ​ശ്യ​മാ​ക്കി​ത്തീർത്തു?

⁴ അതു​കൊണ്ട്‌; യഹോ​വ​യു​ടെ പരമാ​ധി​കാ​രം അവൻ സൃഷ്ടിപ്പു തുടങ്ങി​യതു മുതലു​ള്ള​താ​ണെ​ങ്കി​ലും തന്റെ പരമാ​ധി​കാ​ര​ത്തി​ന്റെ ഔചി​ത്യം സംബന്ധിച്ച പ്രശ്‌നം എന്നേക്കു​മാ​യി പരിഹ​രി​ക്കു​ന്ന​തിന്‌ തന്റെ ഭരണാ​ധി​പ​ത്യ​ത്തി​ന്റെ ഒരു പ്രത്യേക പ്രകടനം നടത്താൻ അവൻ ഉദ്ദേശി​ച്ചു​വെന്ന്‌ ഇപ്പോൾ വ്യക്തമാ​കു​ന്നു. ഈ പ്രകട​ന​മാ​യി​രു​ന്നു സ്വർഗ്ഗീ​യ​മ​ശി​ഹൈ​ക​രാ​ജ്യം. യിസ്രാ​യേൽ ജനതയു​ടെ മേൽ യഹോവ സ്ഥാപിച്ച ഭൗമി​ക​രാ​ജ്യം “ഒരിക്ക​ലും നശിപ്പി​ക്ക​പ്പെ​ടു​ക​യി​ല്ലാത്ത” ഈ രാജ്യ​ത്തി​ന്റെ ചെറി​യ​തോ​തി​ലുള്ള ഒരു പ്രതി​നി​ധാ​ന​മാ​യി ഉതകി. അതു​കൊണ്ട്‌, ദാവീ​ദു​രാ​ജാവ്‌ നിയമ​പെ​ട്ടകം യരൂശ​ലേം നഗരത്തി​ലേക്ക്‌ കൊണ്ടു​വ​ന്ന​പ്പോൾ “ആകാശങ്ങൾ സന്തോ​ഷി​ക്കട്ടെ, ഭൂമി ആനന്ദി​ക്കട്ടെ, ‘യഹോ​വ​തന്നെ രാജാ​വാ​യി​രി​ക്കു​ന്നു!’ എന്ന്‌ ജനതക​ളു​ടെ ഇടയിൽ അവ പറയട്ടെ” എന്ന്‌ ആഹ്ലാദ​പൂർവ്വം പാടാൻ അവനു കഴിഞ്ഞു. (1 ദിനവൃ​ത്താ​ന്തം 16:31) അതെ, ഒരു പ്രത്യേക അർത്ഥത്തിൽ യഹോവ സകല യിസ്രാ​യേ​ലി​നും വേണ്ടി “രാജാ​വാ​യി”ത്തീർന്നി​രു​ന്നു. അത്‌ വലിയ സന്തോ​ഷ​ത്തി​നുള്ള ഒരു സമയമാ​യി​രു​ന്നു, ആ അത്ഭുത​ക​ര​മായ സംഭവം എല്ലായി​ട​ത്തും ഘോഷി​ക്കാൻ ദാവീദ്‌ ആഗ്രഹി​ച്ചു!

5, 6. (എ) ദാവീദു രാജാ​ക്കൻമാ​രു​ടെ ഇടയിൽ ഏതു വിധത്തിൽ അനുപ​മ​നാ​യി​രു​ന്നു? (ബി) ദാവീദ്‌ ആരെ മുൻനി​ഴ​ലാ​ക്കി, ഏതു വിധത്തിൽ?

⁵ ദാവീദ്‌ രാജാ​വി​ന്റെ ഇടയപ​ശ്ചാ​ത്തലം അവൻ രാജാ​ക്കൻമാ​രു​ടെ ഇടയിൽ ഒരു അനുപ​മ​നായ രാജാ​വാ​യി​രി​ക്കു​ന്ന​തി​നുള്ള അടിത്തറ സ്ഥാപിച്ചു. അവൻ ഒരു ഇടയരാ​ജാ​വാ​യി​രു​ന്നു. ദാവീദ്‌ ഈ സ്ഥാനത്തി​നു വേണ്ടി ദൈവ​ത്താൽ തെര​ഞ്ഞെ​ടു​ക്ക​പ്പെ​ടു​ന്ന​തി​നെ​ക്കു​റിച്ച്‌ സങ്കീർത്ത​ന​ക്കാ​രൻ വർണ്ണിച്ചു പറയുന്നു: “[യഹോവ] തന്റെ ദാസനായ ദാവീ​ദി​നെ തെര​ഞ്ഞെ​ടു​ക്കു​ക​യും അവനെ ആട്ടിൻ തൊഴു​ത്തു​ക​ളിൽനിന്ന്‌ കൊണ്ടു​വ​രി​ക​യും ചെയ്‌തു . . . തന്റെ ജനമായ യാക്കോ​ബിൻമേ​ലും തന്റെ അവകാ​ശ​മായ യിസ്രാ​യേ​ലിൻമേ​ലും ഒരു ഇടയനാ​യി​രി​ക്കേ​ണ്ട​തി​നു​തന്നെ. അവൻ തന്റെ ഹൃദയ​ത്തി​ന്റെ നിർമ്മലത പ്രകാരം അവരെ മേയി​ക്കാൻ തുടങ്ങി, തന്റെ കൈമി​ടു​ക്കോ​ടെ അവൻ അവരെ നയിക്കാൻ തുടങ്ങി.”—സങ്കീർത്തനം 78:70-72.

⁶ തന്റെ ജനത്തിൻമേ​ലുള്ള ദാവീ​ദി​ന്റെ ഇടയപ​രി​പാ​ല​ന​വും തന്റെ ദൈവ​ത്തോ​ടുള്ള അവന്റെ ഹൃദയ നിർമ്മ​ല​ത​യും ഒരു നേതാ​വെന്ന നിലയി​ലുള്ള അവന്റെ വൈദ​ഗ്‌ദ്ധ്യ​വും വരാനി​രുന്ന മശിഹാ​യെ ചിത്രീ​ക​രി​ക്കാൻ അവനെ നന്നായി യോഗ്യ​നാ​ക്കി. മശിഹാ യഹോ​വ​യു​ടെ സാർവ്വ​ത്രി​ക​രാ​ജ​ത്വ​ത്തെ പ്രകാ​ശി​പ്പി​ക്കു​ന്ന​തി​നും ഒരു സ്‌നേ​ഹ​വാ​നായ ഇടയരാ​ജാ​വാ​യി വർത്തി​ക്കു​ന്ന​തി​നും ഒരു പ്രത്യേ​ക​വി​ധ​ത്തിൽ ഉപയോ​ഗി​ക്ക​പ്പെ​ടേ​ണ്ട​താ​യി​രു​ന്നു. യഹോ​വ​യു​ടെ ഉദ്ദേശ്യ​ങ്ങ​ളി​ലെ ഈ അത്ഭുത​ക​ര​മായ വികാസം പിന്നീട്‌ പ്രവാ​ച​ക​നായ യെഹെ​സ്‌ക്കേ​ലി​നാൽ മുൻകൂ​ട്ടി​പ്പ​റ​യ​പ്പെട്ടു: “ഞാൻ [യിസ്രാ​യേ​ലിൻമേൽ] ഏക ഇടയനെ എഴു​ന്നേൽപ്പി​ക്കും; അവൻ, എന്റെ ദാസനായ ദാവീ​ദ്‌തന്നെ, അവരെ പോഷി​പ്പി​ക്കേ​ണ്ട​താണ്‌ . . . യഹോ​വ​യായ ഞാൻ തന്നെ അവരുടെ ദൈവ​മാ​യി​ത്തീ​രും, എന്റെ ദാസനായ ദാവീദ്‌ അവരുടെ ഇടയിൽ ഒരു പ്രമാ​ണി​യും. യഹോ​വ​യായ ഞാൻ തന്നെ പ്രസ്‌താ​വി​ച്ചി​രി​ക്കു​ന്നു.”—യെഹെ​സ്‌ക്കേൽ 34:22-24.

മുൻകൂ​ട്ടി​പ്പ​റ​യ​പ്പെട്ട ഇടയരാ​ജാവ്‌ പ്രത്യ​ക്ഷ​പ്പെ​ടു​ന്നു

7, 8. (എ) മുൻകൂ​ട്ടി പറയപ്പെട്ട ഇടയരാ​ജാവ്‌ എങ്ങനെ തിരി​ച്ച​റി​യി​ക്ക​പ്പെട്ടു, അവന്റെ പ്രത്യക്ഷത എന്തിനർഹ​മാ​യി​രു​ന്നു? (ബി) യേശു എന്ത്‌ ഉദ്ദേശ്യ​ത്തി​നു വേണ്ടി യഹോ​വ​യാൽ “അംഗീ​ക​രിക്ക”പ്പെട്ടു?

⁷ യഹോവ മുൻകൂ​ട്ടി​പ്പ​റ​ഞ്ഞത്‌ തന്റെ സ്വന്തം പുത്ര​നായ യേശു​വി​നെ സംബന്ധി​ച്ചാ​യി​രു​ന്നു. അവനെ സംബന്ധിച്ച്‌ ഗബ്രി​യേൽ ദൂതൻ കന്യക​മ​റി​യാ​മി​നോട്‌ ഇങ്ങനെ പറഞ്ഞു: “നോക്കൂ! നീ ഗർഭം ധരിച്ച്‌ ഒരു പുത്രനെ പ്രസവി​ക്കും, നീ അവനെ യേശു എന്നു പേർ വിളി​ക്കണം. ഇവൻ വലിയ​വ​നാ​കു​ക​യും അത്യു​ന്ന​തന്റെ പുത്രൻ എന്നു വിളി​ക്ക​പ്പെ​ടു​ക​യും ചെയ്യും; യഹോ​വ​യായ ദൈവം അവന്റെ പിതാ​വായ ദാവീ​ദി​ന്റെ സിംഹാ​സനം അവനു കൊടു​ക്കും, അവൻ യാക്കോബ്‌ ഗൃഹത്തിൻമേൽ എന്നേക്കും രാജാ​വാ​യി ഭരിക്കും, അവന്റെ രാജ്യ​ത്തിന്‌ അവസാ​ന​മു​ണ്ടാ​യി​രി​ക്ക​യില്ല.” (ലൂക്കോസ്‌ 1:31-33) ഇത്‌ യഹോ​വ​യു​ടെ രാജത്വ​ത്തി​ന്റെ എത്ര അത്ഭുത​ക​ര​മായ ഒരു പ്രകട​ന​മാ​യി​രി​ക്കാൻ പോകു​ക​യാ​യി​രു​ന്നു! തീർച്ച​യാ​യും, ആസന്നമാ​യി​രുന്ന അത്തര​മൊ​രു സംഭവം “യഹോ​വ​തന്നെ രാജാ​വാ​യി​രി​ക്കു​ന്നു!” എന്ന ഏററവും വലിയ ഒരു ലോക​വ്യാ​പക ഘോഷണം ആവശ്യ​മാ​ക്കി​ത്തീർക്കു​മാ​യി​രു​ന്നു.

⁸ യേശു​വി​ന്റെ അത്ഭുത​ക​ര​മായ ജനന​ത്തെ​യും പുരു​ഷ​ത്വ​ത്തി​ലേ​ക്കുള്ള വളർച്ച​യെ​യും തുടർന്ന്‌ അവൻ യോർദ്ദാൻ നദിയി​ലെ വെള്ളത്തിൽ സ്വയം സ്‌നാ​ന​ത്തിന്‌ അർപ്പിച്ചു. ആ സമയത്ത്‌ യേശു​വി​ന്റെ മേൽ തന്റെ ആത്മാവി​നെ പകർന്നു​കൊ​ണ്ടും “നീ എന്റെ പ്രിയ​പ്പെട്ട പുത്ര​നാ​കു​ന്നു; ഞാൻ നിന്നെ അംഗീ​ക​രി​ച്ചി​രി​ക്കു​ന്നു” എന്നു പറഞ്ഞു​കൊ​ണ്ടും ദൈവം യേശു​വി​നെ തന്റെ പുത്ര​നാ​യി സമ്മതി​ച്ചു​പ​റഞ്ഞു. (ലൂക്കോസ്‌ 3:22) യേശു​വി​നെ എന്തിനാ​യിട്ട്‌ “അംഗീ​ക​രി​ച്ചു”? ലൂക്കോ​സി​ന്റെ വിവരണം വിശദീ​ക​രി​ക്കു​ന്നു: “യേശു​തന്നെ, അവന്റെ വേല തുടങ്ങി​യ​പ്പോൾ ഏകദേശം മുപ്പതു വയസ്സു​ള്ളവൻ ആയിരു​ന്നു.” (ലൂക്കോസ്‌ 3:23; സംശോ. ബൈ. അടിക്കു​റിപ്പ്‌: “അല്ലെങ്കിൽ ‘[പഠിപ്പി​ക്കാൻ] തുടങ്ങി​യ​പ്പോൾ‘”) പരിഷ്‌ക്ക​രിച്ച പ്രമാ​ണ​ഭാ​ഷാ​ന്ത​ര​വും പുതിയ സാർവ്വ​ദേ​ശീയ ഭാഷാ​ന്ത​ര​വും “അവൻ തന്റെ ശുശ്രൂഷ തുടങ്ങി​യ​പ്പോൾ” എന്നു പറയുന്നു. യേശു​വി​ന്റെ “വേല” അഥവാ “ശുശ്രൂഷ” എന്തായി​രു​ന്നു? അവൻ എന്തു പഠിപ്പി​ച്ചു? എഴുത്തു​കാ​ര​നായ മത്തായി ഉത്തരം നൽകുന്നു: “[യേശു] അവരുടെ സിന്ന​ഗോ​ഗു​ക​ളിൽ പഠിപ്പി​ച്ചു​കൊ​ണ്ടും രാജ്യ​ത്തി​ന്റെ സുവാർത്ത പ്രസം​ഗി​ച്ചു​കൊ​ണ്ടും ജനത്തിന്റെ ഇടയിലെ സകലതരം രോഗ​വും സകലതരം ദൗർബ്ബ​ല്യ​വും സൗഖ്യ​മാ​ക്കി​ക്കൊ​ണ്ടും മുഴു ഗലീല​യി​ലും അങ്ങോ​ള​മി​ങ്ങോ​ളം ചുററി​സ​ഞ്ച​രി​ച്ചു.”—മത്തായി 4:23.

9. യേശു ഏതു വിധങ്ങ​ളിൽ തന്റെ പൂർവ്വ​പി​താ​വായ ദാവീ​ദി​നെ​പ്പോ​ലെ​യാ​യി​രു​ന്നു?

⁹ യേശു തന്റെ ജീവി​തത്തെ ‘ദൈവ​രാ​ജ്യം എല്ലായി​ട​ത്തും ഘോഷി​ക്കു​ന്ന​തി​നാ​യി’ അർപ്പിച്ചു. തന്റെ പൂർവ്വ​പി​താ​വായ ദാവീ​ദി​നെ​പ്പോ​ലെ അവൻ യഹോ​വ​യു​ടെ രാജ്യ​ത്തോ​ടുള്ള തന്റെ കൂറു സംബന്ധി​ച്ചു ഒരിക്ക​ലും വിട്ടു​വീഴ്‌ച ചെയ്യാതെ തന്റെ ഹൃദയ നിർമ്മലത പ്രകട​മാ​ക്കി. (ലൂക്കോസ്‌ 9:60; 4:3-13; യോഹ​ന്നാൻ 16:33) യഹോവ എഴു​ന്നേൽപ്പി​ക്കു​മെന്ന്‌ വാഗ്‌ദാ​നം ചെയ്‌തി​രുന്ന “ഏക ഇടയൻ” താനാ​ണെന്ന്‌ യേശു തെളി​യി​ച്ചു. മതനേ​താ​ക്കൻമാ​രാൽ “ഇടയനി​ല്ലാത്ത ആടുക​ളെ​പ്പോ​ലെ തൊലി​യു​രി​യ​പ്പെ​ടു​ക​യും ചിതറി​ക്ക​പ്പെ​ടു​ക​യും ചെയ്‌തി​രു​ന്ന​വരെ” ആത്മീയ​മാ​യി പോഷി​പ്പി​ക്കു​ന്ന​തിന്‌ അവൻ സന്തോ​ഷ​മു​ള്ള​വ​നാ​യി​രു​ന്നു. (മത്തായി 9:36) ജനങ്ങളെ മേയി​ക്കുന്ന തന്റെ വിദഗ്‌ദ്ധ​മായ വേലയെ സംബന്ധി​ച്ചും അത്‌ വരും​വർഷ​ങ്ങ​ളിൽ ക്രമേണ വിപു​ല​മാ​കു​ന്ന​തി​നെ​ക്കു​റി​ച്ചും യേശു ഇങ്ങനെ പറഞ്ഞു: “ഞാൻ നല്ല ഇടയനാ​കു​ന്നു, ഞാൻ എന്റെ ആടുകളെ അറിയു​ന്നു, എന്റെ ആടുകൾ എന്നെ അറിയു​ന്നു . . . ഈ തൊഴു​ത്തിൽ ഉൾപ്പെ​ടാത്ത വേറെ ആടുകൾ എനിക്കുണ്ട്‌; അവയെ​യും ഞാൻ കൊണ്ടു​വ​രേ​ണ്ട​താണ്‌. അവ എന്റെ ശബ്ദം ശ്രദ്ധി​ക്കും, അവ ഏക ആട്ടിൻകൂ​ട്ട​വും ഏക ഇടയനും ആയിത്തീ​രും.”—യോഹ​ന്നാൻ 10:14, 16.

10. തന്നെ അനുഗ​മി​ക്കാ​നുള്ള യേശു​വി​ന്റെ ക്ഷണത്തോ​ടുള്ള യഹൂദൻമാ​രു​ടെ വ്യത്യസ്‌ത പ്രതി​ക​ര​ണ​ങ്ങ​ളിൽ നിന്ന്‌ നമുക്ക്‌ എങ്ങനെ പാഠം പഠിക്കാം?

¹⁰ തന്റെ ചെമ്മരി​യാ​ടു​തു​ല്യ​രായ അനുഗാ​മി​ക​ളാ​യി​ത്തീ​രാ​നുള്ള യേശു​വി​ന്റെ ക്ഷണത്തോട്‌ യഹൂദൻമാർ എങ്ങനെ പ്രതി​ക​രി​ച്ചു? അവരുടെ പ്രതി​ക​ര​ണങ്ങൾ വ്യത്യ​സ്‌ത​ങ്ങ​ളാ​യി​രു​ന്നു. ഈ പ്രതി​ക​ര​ണ​ങ്ങ​ളിൽ ചിലത്‌ നാം പരി​ശോ​ധി​ക്കു​മ്പോൾ ദൈവ​രാ​ജ്യ​സ​ന്ദേ​ശ​ത്തോട്‌ സമ്പർക്ക​ത്തിൽ വന്നതു മുതൽ നിങ്ങളു​ടെ പ്രതി​വർത്തനം എന്തായി​രു​ന്നു​വെന്ന്‌ പരിചി​ന്തി​ക്കുക.

“എന്റെ അനുഗാ​മി​യാ​യി​രി​ക്കുക”—നിങ്ങൾ എങ്ങനെ പ്രതി​ക​രി​ക്കു​ന്നു?

11. “എന്റെ പിന്നാലെ വരിക” എന്ന യേശു​വി​ന്റെ ക്ഷണത്തോ​ടുള്ള ശിമ​യോ​ന്റെ​യും അന്ത്ര​യോ​സി​ന്റെ​യും യാക്കോ​ബി​ന്റെ​യും യോഹ​ന്നാ​ന്റെ​യും മത്തായി​യു​ടെ​യും പ്രതി​ക​രണം വർണ്ണി​ക്കുക.

¹¹ യേശു ഗലീല​ക്ക​ട​ലി​നു സമീപം നടക്കു​മ്പോൾ ശിമോ​നും അവന്റെ സഹോ​ദ​ര​നായ അന്ത്ര​യോ​സും മീൻപി​ടി​ക്കു​ന്നതു കണ്ടു. “യേശു അവരോട്‌: ‘എന്റെ പിന്നാലെ വരിക, ഞാൻ നിങ്ങളെ മനുഷ്യ​രെ വീശി​പ്പി​ടി​ക്കു​ന്ന​വ​രാ​ക്കും’ എന്നു പറഞ്ഞു. ഉടൻതന്നെ അവർ തങ്ങളുടെ വലകൾ ഉപേക്ഷി​ച്ചിട്ട്‌ അവനെ അനുഗ​മി​ച്ചു. അല്‌പ​ദൂ​രം​കൂ​ടെ പോയ​ശേഷം അവൻ സെബദി​യു​ടെ മകനായ യാക്കോ​ബി​നെ​യും അവന്റെ സഹോ​ദ​ര​നായ യോഹ​ന്നാ​നെ​യും കണ്ടു . . . അവൻ അവരെ വിളിച്ചു. ക്രമത്തിൽ അവർ തങ്ങളുടെ പിതാ​വായ സെബദി​യെ വള്ളത്തിൽ കൂലി​ക്കാ​രോ​ടു​കൂ​ടെ വിടു​ക​യും അവന്റെ പിന്നാലെ പോകു​ക​യും ചെയ്‌തു.” (മർക്കാസ്‌ 1:16-20) നികുതി പിരി​വു​കാ​ര​നായ ലേവി​യും അഥവാ മത്തായി​യും ഇതേ ക്രീയാ​ത്മക പ്രതി​ക​രണം കാട്ടി. “‘എന്റെ അനുഗാ​മി​യാ​യി​രി​ക്കുക’ എന്ന്‌ [യേശു] അവനോ​ടു പറഞ്ഞു. സകലവും പിൻപിൽവി​ട്ടിട്ട്‌ അവൻ എഴു​ന്നേൽക്കു​ക​യും അവനെ അനുഗ​മി​ക്കു​ക​യും ചെയ്‌തു.”—ലുക്കോസ്‌ 5:27, 28.

12. “നീ എവിടെ പോയാ​ലും ഞാൻ നിന്നെ അനുഗ​മി​ക്കും” എന്ന്‌ യേശു​വി​നോ​ടു പറഞ്ഞ മമനു​ഷ്യ​ന്റെ പ്രശ്‌നം എന്തായി​രു​ന്നു?

¹² എന്നിരു​ന്നാ​ലും, “എന്റെ അനുഗാ​മി​യാ​യി​രി​ക്കുക” എന്ന യേശു​വി​ന്റെ ക്ഷണത്തോട്‌ എല്ലാവ​രും ക്രിയാ​ത്മ​ക​മാ​യി പ്രതി​ക​രി​ച്ചില്ല. ലൂക്കോസ്‌ 9-ാം അദ്ധ്യാ​യ​ത്തിൽ വർണ്ണി​ച്ചി​രി​ക്കുന്ന ആ മനുഷ്യ​നെ​ക്കു​റി​ച്ചു ചിന്തി​ക്കുക. ഗ്രാമം തോറും സഞ്ചരി​ച്ച​പ്പോ​ഴാ​ണു യേശു അയാളെ കണ്ടത്‌. അയാൾ യേശു​വി​നോട്‌: “നീ എവിടെ പോയാ​ലും ഞാൻ നിന്നെ അനുഗ​മി​ക്കും” എന്നു പറഞ്ഞു. ഈ മനുഷ്യൻ ഒരു ശാസ്‌ത്രീ ആയിരു​ന്നു​വെന്ന്‌ മത്തായി​യു​ടെ വിവരണം സൂചി​പ്പി​ക്കു​ന്നു. ആളുകൾ ശാസ്‌ത്രി​മാ​രി​ലേക്കു നോക്കു​ക​യും “റബ്ബി” എന്നു വിളി​ക്കു​ക​യും ചെയ്‌തി​രു​ന്നു. ഇപ്പോൾ യേശു​വി​ന്റെ മറുപടി ശ്രദ്ധി​ക്കുക: “കുറു​ക്കൻമാർക്ക്‌ കുഴി​ക​ളും ആകാശ​ത്തി​ലെ പക്ഷികൾക്ക്‌ കൂടു​മുണ്ട്‌, എന്നാൽ മനുഷ്യ​പു​ത്രന്‌ തലവെ​ക്കാൻ യാതൊ​രി​ട​വു​മില്ല.” (ലൂക്കോസ്‌ 9:57, 58) തന്റെ അനുഗാ​മി​യാ​യാൽ പ്രയാ​സ​പ്പെട്ടു ജീവി​ക്കേ​ണ്ടി​വ​രു​മെന്ന്‌ യേശു ആ മനുഷ്യ​നോട്‌ പറയു​ക​യാ​യി​രു​ന്നു. ഇത്തരം ജീവിതം സ്വീക​രി​ക്കാൻ മനസ്സി​ല്ലാ​ത്ത​വി​ധം അയാൾ അത്ര അഹങ്കാ​രി​യാ​യി​രു​ന്നു​വെ​ന്നാ​യി​രു​ന്നു സൂചന. അടുത്ത രാത്രി എവിടെ ചെലവ​ഴി​ക്കു​മെന്ന്‌ അറിവി​ല്ലാ​ത്ത​തി​ലുള്ള അനിശ്ചി​ത​ത്വം അയാൾക്ക്‌ വഹിക്കാ​വു​ന്ന​തി​ല​ധി​ക​മാ​യി​രു​ന്നു.

13. ഒരു അനുഗാ​മി​യാ​യി​ത്തീ​രാൻ കഴിയു​മാ​യി​രുന്ന മറെറാ​രാ​ളോട്‌ യേശു അങ്ങനെ മറുപടി പറഞ്ഞ​തെ​ന്തു​കൊണ്ട്‌?

¹³ യേശു അടുത്തു​നിന്ന മറെറാ​രാ​ളോട്‌ “എന്റെ അനുഗാ​മി​യാ​യി​രി​ക്കുക” എന്നു പറഞ്ഞു. എന്നാൽ മറുപ​ടി​യാ​യി അയാൾ യേശു​വി​നോട്‌: “ആദ്യം പോയി എന്റെ അപ്പനെ കുഴി​ച്ചി​ടാൻ എന്നെ അനുവ​ദി​ച്ചാ​ലും” എന്നു പറഞ്ഞു. യേശു​വി​ന്റെ മറുപടി ശ്രദ്ധി​ക്കുക: “മരിച്ചവർ തങ്ങളുടെ മരിച്ച​വരെ കുഴി​ച്ചി​ടട്ടെ, എന്നാൽ നീ പോയി എല്ലായി​ട​ത്തും ദൈവ​രാ​ജ്യം ഘോഷി​ക്കുക.” (ലൂക്കോസ്‌ 9:59, 60) ഈ മമനു​ഷ്യ​ന്റെ ഒഴിക​ഴി​വു​കൾ അവന്റെ അപ്പൻ അപ്പോൾത്തന്നെ മരിച്ചി​രു​ന്നു​വെന്ന്‌ സൂചി​പ്പി​ക്കു​ന്നില്ല. അയാൾ മരിച്ചി​രു​ന്നു​വെ​ങ്കിൽ, പുത്രൻ യേശു​വി​നെ ശ്രദ്ധി​ച്ചു​കൊണ്ട്‌ വഴിയിൽ നിൽക്കാൻ തീരെ സാദ്ധ്യ​ത​യി​ല്ലാ​യി​രു​ന്നു. ഇല്ല, ആ മനുഷ്യൻ പറഞ്ഞതിൽനിന്ന്‌, അയാളു​ടെ അപ്പന്റെ മരണത്തിന്‌ കാത്തി​രി​ക്കാൻ സമയം ചോദി​ക്കു​ക​യാ​യി​രു​ന്നു​വെന്നു തോന്നു​ന്നു. അയാൾ ഉടൻതന്നെ തന്റെ ജീവി​ത​ത്തിൽ ഒന്നാമതു ദൈവ​രാ​ജ്യം വെക്കാൻ തയ്യാറ​ല്ലാ​യി​രു​ന്നു.—മത്തായി 6:33.

14, 15. (എ) യേശു​വി​നോ​ടുള്ള മൂന്നാ​മത്തെ മമനു​ഷ്യ​ന്റെ അപേക്ഷ​യിൽ സൂചി​പ്പി​ക്ക​പ്പെ​ടു​ന്ന​തെന്ത്‌? (ബി) ഈ മനുഷ്യ​നോ​ടുള്ള യേശു​വി​ന്റെ മറുപ​ടി​യിൽനിന്ന്‌ ഇന്നു നമുക്ക്‌ എന്തു പാഠം പഠിക്കാൻ കഴിയും?

¹⁴ “കർത്താവേ, ഞാൻ നിന്നെ അനുഗ​മി​ക്കാം, എന്നാൽ എന്റെ വീട്ടി​ലു​ള്ള​വ​രോട്‌ യാത്ര​പ​റ​യാൻ എന്നെ ആദ്യം അനുവ​ദി​ച്ചാ​ലും” എന്ന്‌ സ്വമേ​ധയാ പറഞ്ഞ മൂന്നാ​മത്തെ ഒരു മനുഷ്യ​നെ​ക്കു​റിച്ച്‌ രേഖ പറയുന്നു. ഈ മനുഷ്യൻ, പ്രത്യ​ക്ഷ​ത്തിൽ, യേശു​വി​ന്റെ ഒരു അനുഗാ​മി​യാ​യി​ത്തീ​രു​ന്ന​തിന്‌ വ്യവസ്ഥകൾ വെക്കു​ക​യാ​യി​രു​ന്നു. ഫലത്തിൽ അയാൾ യേശു​വി​നോട്‌: ‘നോക്കൂ! . . . എങ്കിൽ ഞാൻ നിന്റെ അനുഗാ​മി​ക​ളി​ലൊ​രാ​ളാ​കാം’ എന്നു പറയു​ക​യാ​യി​രു​ന്നു. യേശു​വി​ന്റെ ഉത്തരം എന്തായി​രു​ന്നു? “കലപ്പയ്‌ക്കു കൈ​വെ​ച്ചിട്ട്‌ പിൻപി​ലു​ള്ള​വ​യി​ലേക്ക്‌ നോക്കുന്ന യാതൊ​രു മനുഷ്യ​നും ദൈവ​രാ​ജ്യ​ത്തിന്‌ നന്നായി യോജി​ച്ച​വ​നാ​യി​രി​ക്കു​ന്നില്ല.” (ലൂക്കോസ്‌ 9:61, 62) ഒരു ഉഴവു​കാ​രൻ വയലിൽ നേരേ ഉഴുതു​മ​റി​ക്കാ​നാ​ഗ്ര​ഹി​ക്കു​മ്പോൾ അയാൾ നേരേ മുമ്പോ​ട്ടു​തന്നെ നോക്കി​ക്കൊ​ണ്ടി​രി​ക്കണം. അയാൾ പിമ്പോ​ട്ടു​നോ​ക്കാൻ തല തിരി​ക്കു​ന്നു​വെ​ങ്കിൽ ആ ചാല്‌ വളഞ്ഞു​പോ​കാ​നി​ട​യുണ്ട്‌. അയാൾ തട്ടിവീ​ഴു​ക​പോ​ലും ചെയ്‌തേ​ക്കാം! യേശു​വി​ന്റെ പാദാ​നു​ഗാ​മി​കളെ സംബന്ധി​ച്ചും അങ്ങനെ​ത​ന്നെ​യാണ്‌. ഒരു നിമി​ഷ​ത്തേ​ക്കു​പോ​ലും അവർ ഈ പഴയ വ്യവസ്ഥി​തി​യി​ലേക്കു തിരി​ഞ്ഞു​നോ​ക്കു​ന്നത്‌ കുഴപ്പം വരുത്തി​വെ​ക്കു​ക​യാണ്‌. അത്‌ അവരുടെ കാലുകൾ ഇടറു​ന്ന​തി​നും ‘ജീവനി​ലേക്കു നയിക്കുന്ന ഞെരു​ക്ക​മുള്ള വഴി’യിൽനിന്ന്‌ വിട്ടു​മാ​റി അലയു​ന്ന​തി​നും ഇടയാ​ക്കി​യേ​ക്കാം.—മത്തായി 7:14; ലൂക്കോസ്‌ 17:31-35 കാണുക.

¹⁵ “എന്റെ അനുഗാ​മി​യാ​യി​രി​ക്കുക” എന്ന യേശു​വി​ന്റെ ക്ഷണം നിങ്ങൾ കേട്ടി​രി​ക്കു​ന്നു​വോ? നിങ്ങളു​ടെ പ്രതി​ക​രണം എന്തായി​രു​ന്നു? നിങ്ങൾ ശിഷ്യ​രാ​യി​രുന്ന ശിമ​യോ​നെ​യും അന്ത്ര​യോ​സി​നെ​യും യാക്കോ​ബി​നെ​യും യോഹ​ന്നാ​നെ​യും മത്തായി​യെ​യും പോലെ ക്രിയാ​ത്മ​ക​മായ അതേ മനോ​ഭാ​വം പ്രകട​മാ​ക്കി​യി​രി​ക്കു​ന്നു​വോ? ആ മനുഷ്യ​രെ​പ്പോ​ലെ, യജമാ​നന്റെ കാൽച്ചു​വ​ടു​കൾ പിന്തു​ട​രു​ന്ന​തിന്‌ ആവശ്യ​മായ ഏതു ത്യാഗ​വും സഹിക്കാൻ നിങ്ങൾ തയ്യാറാ​ണോ? നിങ്ങളു​ടെ ഉത്തരം ഉവ്വ്‌ എന്നാ​ണെ​ങ്കിൽ നിങ്ങളും രാജ്യ​സു​വാർത്ത എല്ലായി​ട​ത്തും ഘോഷി​ക്കു​ന്ന​തിൽ പങ്കെടു​ക്കുന്ന വിലതീ​രാത്ത പദവി ആസ്വദി​ക്കു​ന്ന​താ​യി​രി​ക്കും.

16. സുവാർത്ത പ്രസം​ഗി​ക്കു​ന്ന​തിൽ തന്നോ​ടു​കൂ​ടെ പങ്കെടു​ക്കാൻ യേശു തന്റെ ശിഷ്യൻമാ​രെ എങ്ങനെ ഒരുക്കി?

¹⁶ എന്നാൽ രാജ്യം ഘോഷി​ക്കാൻ യേശു തന്റെ ശിഷ്യരെ അയച്ചതി​നു മുൻപ്‌ അവൻ വ്യക്തി​പ​ര​മായ സ്വന്തം മാതൃ​ക​യാൽ അങ്ങനെ ചെയ്യാൻ അവരെ വിദഗ്‌ദ്ധ​മാ​യി പഠിപ്പി​ച്ചു. അതിനെ തുടർന്ന്‌, ഏതു പ്രദേ​ശ​ത്തും ചെമ്മരി​യാ​ടു​തു​ല്യ​രെ എങ്ങനെ തെരയാ​മെ​ന്നതു സംബന്ധിച്ച്‌ വിശദ​മായ നിർദ്ദേ​ശങ്ങൾ യേശു അവർക്കു കൊടു​ത്തു. യേശു​വി​ന്റെ നിർദ്ദേ​ശങ്ങൾ ഈ 20-ാം നൂററാ​ണ്ടിൽ ഇപ്പോ​ഴും ബാധക​മാണ്‌. മത്തായി 10-ാം അദ്ധ്യാ​യ​ത്തി​ലെ വിവര​ണ​ത്തിൽ രേഖ​പ്പെ​ടു​ത്തി​യി​രി​ക്കുന്ന ഇവയിൽ ചിലത്‌ നമുക്ക്‌ പരി​ശോ​ധി​ക്കാം.

രാജ്യ​പ്ര​സംഗ നിർദ്ദേ​ശ​ങ്ങൾ

17. ഒന്നാം നൂററാ​ണ്ടിൽ പ്രസം​ഗി​ക്ക​പ്പെട്ട രാജ്യ​സ​ന്ദേ​ശ​ത്തി​ന്റെ​യും ഇന്നത്തേ​തി​ന്റെ​യും സാരം താരത​മ്യ​പ്പെ​ടു​ത്തുക.

¹⁷ ശിഷ്യൻമാ​രു​ടെ സന്ദേശ​ത്തി​ന്റെ വിഷയം യേശു ഘോഷിച്ചുകൊണ്ടിരുന്നതുതന്നെയായിരിക്കണമായിരുന്നു: “നിങ്ങൾ പോകു​മ്പോൾ ‘സ്വർഗ്ഗ​രാ​ജ്യം സമീപി​ച്ചി​രി​ക്കു​ന്നു’ എന്നു പറഞ്ഞു​കൊണ്ട്‌ പ്രസം​ഗി​ക്കുക.” (മത്തായി 10:7) എന്നിരു​ന്നാ​ലും, ആ രാജ്യം ഇപ്പോൾ സ്വർഗ്ഗ​ത്തിൽ സ്ഥാപി​ക്ക​പ്പെ​ട്ടി​രി​ക്കു​ക​യാണ്‌. യഹോ​വ​യു​ടെ ഇടയരാ​ജാ​വായ ക്രിസ്‌തു​യേശു ഇപ്പോൾ ഭരിക്കു​ന്നു! അതു​കൊണ്ട്‌ “ആകാശങ്ങൾ സന്തോ​ഷി​ക്കട്ടെ, ഭൂമി ആനന്ദി​ക്കട്ടെ, ‘യഹോ​വ​തന്നെ രാജാ​വാ​യി​രി​ക്കു​ന്നു!’ എന്ന്‌ അവ ജനതക​ളു​ടെ ഇടയിൽ പറയട്ടെ” എന്ന ദാവീ​ദി​ന്റെ വാക്കു​കൾക്ക്‌ ഇപ്പോൾ മഹത്തര​മായ അർത്ഥം കൈവ​രു​ന്നു. (1 ദിനവൃ​ത്താ​ന്തം 16:31) ഇന്ന്‌ യഹോ​വ​യു​ടെ സാർവ്വ​ത്രി​ക​രാ​ജ്യ​ത്വ​ത്തി​ന്റെ ഈ പ്രത്യേക പ്രകട​നത്തെ പിന്താ​ങ്ങാൻ നമുക്കു പദവി​ല​ഭി​ച്ചി​രി​ക്കു​ന്നു​വെന്നു മാത്രമല്ല, യഹോ​വ​യു​ടെ പരമാ​ധി​കാ​ര​ത്തി​ന്റെ വിവാ​ദ​പ്ര​ശ്‌നം സദാകാ​ല​ത്തേ​ക്കും തീരു​മാ​നി​ക്ക​പ്പെ​ടുന്ന സമയത്തു ജീവി​ക്കു​ന്ന​തി​ലുള്ള സന്തോ​ഷ​വും നമുക്കുണ്ട്‌.

18. യേശു മത്തായി 10:8-10 വരെ തന്റെ അനുഗാ​മി​ക​ളോട്‌ എന്ത്‌ ഊന്നി​പ്പ​റഞ്ഞു, ഇന്ന്‌ ഇത്‌ ആർക്ക്‌ വിശേ​ഷാൽ വിലമ​തി​ക്കാൻ കഴിയും?

¹⁸ മത്തായി 10:8-10 പ്രസം​ഗ​വേ​ല​യിൽ പങ്കെടു​ക്കു​ന്ന​വ​രു​ടെ മനോ​ഭാ​വത്തെ വർണ്ണി​ക്കു​ന്നു. അവരുടെ ജീവി​ത​ത്തിൽ ദൈവ​രാ​ജ്യം ഒന്നാമതു വരണം, ഭൗതി​കാ​വ​ശ്യ​ങ്ങൾ രണ്ടാമ​ത്തേ​താണ്‌. എന്തു​കൊണ്ട്‌? യേശു പറയുന്നു: “എന്തെന്നാൽ വേലക്കാ​രൻ തന്റെ ആഹാര​ത്തിന്‌ അർഹനാണ്‌.” നമ്മുടെ സ്വർഗ്ഗീയ പിതാവ്‌ തന്നിൽ ആശ്രയി​ക്കു​ന്ന​വരെ എല്ലായ്‌പ്പോ​ഴും പരിപാ​ലി​ക്കും. യഹോ​വ​യു​ടെ സാക്ഷി​ക​ളു​ടെ ശതസഹ​സ്ര​ക്ക​ണ​ക്കിന്‌ മുഴു​സ​മ​യ​ശു​ശ്രൂ​ഷ​കൻമാർക്ക്‌ ഇന്ന്‌ ഈ വസ്‌തു​തക്ക്‌ സാക്ഷ്യം വഹിക്കാൻ കഴിയും.—സംഖ്യാ​പു​സ്‌തകം 18:30, 31; ആവർത്തനം 25:4.

19. ഇന്ന്‌ അർഹി​ക്കു​ന്ന​വരെ എങ്ങനെ അന്വേ​ഷി​ക്കു​ന്നു, ആരുടെ മാർഗ്ഗ​നിർദ്ദേ​ശ​ത്തിൻ കീഴിൽ?

¹⁹ അടുത്ത​താ​യി യേശു ഇങ്ങനെ ഉദ്‌ബോ​ധി​പ്പി​ക്കു​ന്നു: “നിങ്ങൾ ഏതു നഗരത്തിൽ അല്ലെങ്കിൽ ഗ്രാമ​ത്തിൽ പ്രവേ​ശി​ച്ചാ​ലും അതിൽ അർഹി​ക്കു​ന്ന​താ​രെന്ന്‌ അന്വേ​ഷി​ക്കുക, നിങ്ങൾ വിട്ടു​പോ​കു​ന്ന​തു​വരെ അവിടെ താമസി​ക്കുക.” (മത്തായി 10:11) എന്തിന്‌ അർഹി​ക്കു​ന്നവർ? യഹോ​വ​യു​ടെ ഈ ദാസനെ സൽക്കരി​ക്കാ​നും ദൈവ​രാ​ജ്യ​സ​ന്ദേശം ശ്രദ്ധി​ക്കാ​നു​മുള്ള പദവിക്ക്‌ അർഹത​യു​ള്ളവർ. തീർച്ച​യാ​യും, അക്കാലത്ത്‌ ശിഷ്യൻമാർ ആ അർഹത​യു​ള്ള​യാ​ളി​ന്റെ വീട്ടിൽ താമസി​ക്കു​ക​യും അത്തര​മൊ​രു താവളം ഉപയോ​ഗി​ച്ചു​കൊണ്ട്‌ അർഹത​യു​ള്ള​മ​റ​റു​ള്ള​വരെ കണ്ടെത്താൻ പ്രദേ​ശ​ത്തി​ന്റെ ശേഷിച്ച ഭാഗത്ത്‌ തെരച്ചിൽ നടത്തു​ക​യും ചെയ്‌തി​രി​ക്കാ​നി​ട​യുണ്ട്‌. ഇക്കാലത്ത്‌ യഹോ​വ​യു​ടെ സാക്ഷികൾ സമാന​മായ ഒരു നടപടി​ക്രമം അനുസ​രി​ക്കു​ന്നു. അവർ വിവി​ധ​പ്ര​ദേ​ശ​ങ്ങ​ളിൽ അർഹി​ക്കു​ന്ന​വരെ അന്വേ​ഷി​ച്ചു​കൊണ്ട്‌ ദശലക്ഷ​ക്ക​ണ​ക്കിന്‌ മണിക്കൂർ ചെലവ​ഴി​ക്കു​ക​യും വളരെ​യ​ധി​കം ശ്രമം ചെലു​ത്തു​ക​യും ചെയ്യുന്നു. പിന്നീട്‌, അവരെ കണ്ടെത്തു​മ്പോൾ, ആ വീട്ടു​കാ​രെ വീണ്ടും സന്ദർശിച്ച്‌ അവർക്ക്‌ ദൈവ​വ​ചനം വിശദീ​ക​രി​ച്ചു​കൊ​ടു​ക്കാൻ സാക്ഷി​കൾക്ക്‌ വളരെ സന്തോ​ഷ​മുണ്ട്‌. അങ്ങനെ, ഇന്ന്‌, യേശു തന്റെ പ്രീതി​യു​ടെ വലതു​ഭാ​ഗ​ത്തേക്ക്‌ വേറെ ചെമ്മരി​യാ​ടു​തു​ല്യ​രെ വിദഗ്‌ദ്ധ​മാ​യി മേയി​ച്ചു​കൊ​ണ്ടി​രി​ക്കു​ക​യാണ്‌.—മത്തായി 25:31-33.

20. അർഹത​യുള്ള ഒരു വീടിന്‌ രാജ്യ​പ്ര​സം​ഗകൻ അതിൻമേൽ ആശംസി​ക്കുന്ന സമാധാ​നം അനുഭ​വ​പ്പെ​ടു​ന്ന​തെ​ങ്ങനെ?

²⁰ “നിങ്ങൾ വീട്ടിൽ പ്രവേ​ശി​ക്കു​മ്പോൾ, വീടിന്‌ വന്ദനം പറയുക; വീടിന്‌ അർഹത​യു​ണ്ടെ​ങ്കിൽ, നിങ്ങൾ ആശംസി​ക്കുന്ന സമാധാ​നം അതിൻമേൽ വരട്ടെ.” (മത്തായി 10:12, 13) “ഈ വീടിന്‌ സമാധാ​ന​മു​ണ്ടാ​യി​രി​ക്കട്ടെ” എന്നത്‌ യേശു​വി​ന്റെ നാളിലെ ഒരു പൊതു അഭിവാ​ദ​ന​മാ​യി​രു​ന്നു. (ലൂക്കോസ്‌ 10:5) ദൂതൻമാർ യേശു​വി​ന്റെ ജനനസ​മ​യത്ത്‌ “മീതെ അത്യു​ന്ന​ത​ങ്ങ​ളിൽ ദൈവ​ത്തി​നു മഹത്വം ഭൂമി​യിൽ സൻമന​സ്സുള്ള മനുഷ്യ​രു​ടെ ഇടയിൽ സമാധാ​നം” എന്നു പാടി. (ലൂക്കോസ്‌ 2:14) ശിഷ്യൻമാ​രു​ടെ രാജ്യ​സ​ന്ദേശം സ്വീക​രി​ക്കു​ന്ന​തി​നാൽ, അർഹത​യുള്ള ഒരു വീടിന്‌ മുൻകൂ​ട്ടി​പ്പറഞ്ഞ ഈ സമാധാ​നം അനുഭ​വ​പ്പെ​ട്ടി​രു​ന്നു. ഇന്നും രാജ്യ​സു​വാർത്തക്ക്‌ ഇതേ ഫലമുണ്ട്‌. അത്‌ യേശു​ക്രി​സ്‌തു മുഖേന ആളുകളെ ദൈവ​വു​മാ​യുള്ള സമാധാ​ന​ബ​ന്ധ​ങ്ങ​ളി​ലേക്കു വരുത്തു​ന്നു, അത്‌ സഹവി​ശ്വാ​സി​ക​ളു​ടെ ഇടയിൽ സമാധാ​നം കൈവ​രു​ത്തു​ന്നു.—2 കൊരി​ന്ത്യർ 5:20, 21; ഫിലി​പ്യർ 4:7; എഫേസ്യർ 4:3.

21. 1986-ലെ വാർഷി​ക​വാ​ക്യം എന്തു​കൊണ്ട്‌ വളരെ ഉചിത​മാ​യി​രി​ക്കു​ന്നു?

²¹ ഭൂമി​യി​ലെ​ല്ലാ​മുള്ള യഹോ​വ​യു​ടെ സാക്ഷി​ക​ളു​ടെ രാജ്യ​ഹാ​ളു​ക​ളിൽ 1986-ലെ കലണ്ടർ വർഷത്തിൽ ലൂക്കോസ്‌ 9:60-ൽ നിന്നെ​ടുത്ത വാർഷിക വാക്യം പ്രദർശി​പ്പി​ക്കു​ന്ന​താ​യി​രി​ക്കും: “പോയി എല്ലായി​ട​ത്തും ദൈവ​രാ​ജ്യം ഘോഷി​ക്കുക.” ഇത്‌ ദൈവ​രാ​ജ്യ​പ്ര​സം​ഗ​ത്തിൽ ക്രമമാ​യി പങ്കുപ​റ​റാൻ ദൈവ​ത്തി​ന്റെ യഥാർത്ഥ ശുശ്രൂ​ഷ​കർക്കെ​ല്ലാം എത്ര നല്ല ഓർമ്മി​പ്പി​ക്ക​ലാണ്‌, പ്രചോ​ദ​ന​മാണ്‌! അതെ, ആ രാജ്യം 1914 മുതൽ ഇവി​ടെ​യുണ്ട്‌! അത്‌ സാത്താന്റെ ലൗകി​ക​രാ​ജ്യ​ങ്ങ​ളെ​യെ​ല്ലാം തകർക്കു​ന്ന​തിന്‌ ദൈവ​ത്തി​ന്റെ മശി​ഹൈ​ക​രാ​ജാ​വി​ന്റെ കൈക​ളി​ലെ ദൈവ​ത്തി​ന്റെ ഉപകര​ണ​മാണ്‌. അപ്പോൾ, യഹോ​വ​യു​ടെ സാക്ഷി​ക​ളിൽ ഓരോ​രു​ത്ത​രു​ടെ​യും ജീവി​ത​ത്തിൽ ദൈവ​രാ​ജ്യം പ്രഥമ പ്രാധാ​ന്യ​മു​ള്ള​താ​യി​രി​ക്കു​ന്നത്‌ ഒട്ടും അതിശ​യമല്ല. ഇത്‌ ജീവനി​ലേ​ക്കുള്ള നമ്മുടെ രക്ഷയെ അർത്ഥമാ​ക്കു​ന്നു​വെന്ന്‌ നമുക്ക​റി​യാം!—1 തിമൊ​ഥെ​യോസ്‌ 4:16. (w85 12/15)

നിങ്ങൾ എങ്ങനെ ഉത്തരം നൽകും?

▫യഹോവയുടെ രാജത്വം എത്ര നിലനിൽപ്പും സുരക്ഷി​ത​ത്വ​വു​മു​ള്ള​താണ്‌?

▫ഏതു സാർവ്വ​ത്രിക വിവാ​ദ​പ്ര​ശ്‌നം ഇപ്പോൾ തീരു​മാ​നി​ക്ക​പ്പെ​ടേ​ണ്ട​തുണ്ട്‌?

▫യേശുവിന്റെ സകല അനുഗാ​മി​ക​ളും എന്തു ചെയ്യാൻ ഒരുങ്ങി​യി​രി​ക്കണം?

▫“യഹോ​വ​തന്നെ രാജാ​വാ​യി​രി​ക്കു​ന്നു” എന്ന പദപ്ര​യോ​ഗം ഇന്ന്‌ കൂടുതൽ അർത്ഥവ​ത്താ​യി​രി​ക്കു​ന്ന​തെ​ന്തു​കൊണ്ട്‌?

▫1986-ലെ വാർഷി​ക​വാ​ക്യ​ത്താൽ എന്ത്‌ ഉദ്ദേശ്യം സാധി​ക്കും?

[12-ാം പേജിലെ ചിത്രം]

മത്തായി സകലവും പിൻപിൽ വിട്ടിട്ട്‌ യേശു​വി​നെ അനുഗ​മി​ച്ച