യഹോ​വ​യു​ടെ ധാർമ്മിക നിലവാ​ര​ങ്ങൾക്കു ചേർച്ച​യിൽ ജീവി​ക്കാൻ തീരു​മാ​നം ചെയ്‌തു

ഒരു പുരു​ഷ​നും സ്‌ത്രീ​യും നിയമാ​നു​സൃത വിവാ​ഹ​ത്തി​ന്റെ പ്രയോ​ജനം കൂടാതെ ഒരുമി​ച്ചു പാർക്കു​ന്നു എങ്കിൽ അവർ പരസംഗം ആണു ചെയ്‌തു​കൊ​ണ്ടി​രി​ക്കു​ന്ന​തെ​ന്നും ആ നിലയിൽ ദൈവ​രാ​ജ്യം അവകാ​ശ​മാ​ക്കു​ക​യില്ല എന്നും ബൈബിൾ വ്യക്തമാ​ക്കു​ന്നു. (1 കൊരി​ന്ത്യർ 6:9, 10) ബ്രട്ടീഷ്‌ വെസ്‌റ​റിൻഡീ​സിൽ നിന്നുള്ള ഒരനു​ഭവം ഈ സത്യം മനസ്സി​ലാ​ക്കിയ ഒരു യുവതി​യെ സംബന്ധി​ച്ചു വിവരി​ക്കു​ന്നു.

സെൻറ്‌ ലൂസി​യാ​യിൽ ഈ യുവതി​യെ യഹോ​വ​യു​ടെ സാക്ഷി​ക​ളിൽ രണ്ടുപേർ കണ്ടുമു​ട്ടു​ക​യും അവൾ ബൈബി​ളിൽ താല്‌പ​ര്യം പ്രകടി​പ്പി​ക്ക​യും ചെയ്‌തു. അതിന്റെ ഫലമായി അവളു​മാ​യി ഒരു ബൈബി​ള​ദ്ധ്യ​യനം ആരംഭി​ച്ചു. അവളുടെ ഗ്രാഹ്യ​ത്തിൽ അവൾ അഭിവൃ​ദ്ധി​പ്പെ​ട്ട​പ്പോൾ ചില ധാർമ്മിക ക്രമീ​ക​ര​ണങ്ങൾ ചെയ്യണ​മെന്നു അവൾ മനസ്സി​ലാ​ക്കി. അവൾ നാലു കുട്ടി​ക​ളു​ടെ മാതാ​വാ​യി​രു​ന്നെ​ങ്കി​ലും വിവാ​ഹി​ത​യാ​കാ​തെ ഒരു പുരു​ഷന്റെ കൂടെ ഉഭയ സമ്മത​പ്ര​കാ​രം വസിക്ക​യാ​യി​രു​ന്നു. അവർ ആറു​പേ​രും വസിക്ക​ത്ത​ക്ക​വണ്ണം അവളും അയാളും കഠിനാ​ദ്ധ്വാ​നം ചെയ്‌തു ഒരു ചെറിയ ഭവനം തീർത്തു.

തന്റെ ജീവിതം ദൈവ​ത്തി​ന്റെ നീതി​യുള്ള നിലവാ​ര​ങ്ങൾക്കു ചേർച്ച​യി​ല​ല്ലെന്നു തിരി​ച്ച​റിഞ്ഞ ആ ചെറു​പ്പ​ക്കാ​രി​യായ സ്‌ത്രീ മാററം വരുത്തു​ന്ന​തി​നു തീരു​മാ​നി​ച്ചു. ഒന്നുകിൽ അവൾ കൂടി​പ്പാർത്തി​രുന്ന ആ പുരു​ഷനെ വിവാഹം ചെയ്യു​ക​യോ അല്ലെങ്കിൽ അവനിൽ നിന്നു വേർപി​രി​ഞ്ഞു പാർക്കു​ക​യോ ചെയ്യണ​മാ​യി​രു​ന്നു. അവൾ അയാളു​മാ​യി വിഷയം ചർച്ച ചെയ്‌തു എങ്കിലും അയാൾക്കു വിവാ​ഹി​ത​നാ​കാൻ ആഗ്രഹ​മി​ല്ലാ​യി​രു​ന്നു. അയാൾ ഉഭയസ​മ്മ​ത​പ്ര​കാ​ര​മുള്ള ബന്ധത്തിൽ തികച്ചും സംതൃ​പ്‌ത​നാ​യി​രു​ന്നു. അവളുടെ വിശ്വാ​സം അവളെ എന്തു ചെയ്യാൻ പ്രേരി​പ്പി​ച്ചു? അവൾ യഹോ​വയെ പ്രീതി​പ്പെ​ടു​ത്താൻ ആഗ്രഹി​ച്ചി​രു​ന്നെ​ങ്കിൽ ഒരു തീരു​മാ​ന​മെ​ടു​ക്കേ​ണ്ടി​യി​രു​ന്നു, പ്രാർത്ഥ​നാ​പൂർവ്വ​ക​മായ പരിഗ​ണ​ന​ക്കു​ശേഷം ആ മനുഷ്യ​നിൽ നിന്നു വേർപി​രി​യാൻ അവൾ തീരു​മാ​നി​ച്ചു. എന്നാൽ അവൾ തന്റെ നാലു കുട്ടി​ക​ളോ​ടും​കൂ​ടെ എവിടെ പാർക്കും?

ആ മനുഷ്യ​നു​മാ​യി വിഷയം സംസാ​രി​ച്ച​ശേഷം നീതി​പൂർവ്വ​ക​മായ ഒരു ക്രമീ​ക​ര​ണ​ത്തി​നു തീരു​മാ​നം ചെയ്‌തു—ഓരോ​രു​ത്തർക്കും പകുതി വീതം! അവൾ ഉപേക്ഷിച്ച ആ മനുഷ്യ​ന്റെ​യും സഹോ​ദ​രൻമാ​രു​ടെ​യും സ്‌നേ​ഹ​പൂർവ്വ​മായ സഹായ​ത്തോ​ടെ ആ വീടിന്റെ ഒരു പകുതി അവൾക്കും മറേറ പകുതി അയാൾക്കു​മാ​യി വിഭജി​ച്ചു. അവൾക്കു ലഭിച്ച വീടിന്റെ പകുതി അന്നേ ദിവസം തന്നെ ഏകദേശം 8 കിലോ​മീ​ററർ അകലെ മറെറാ​രു സ്ഥലത്തേക്കു കൊണ്ടു​പോ​യി. ഒരാഴ്‌ച​ക്കകം അതു ചെറിയ രണ്ടു കിടപ്പു​മു​റി​ക​ളോ​ടു കൂടിയ ഒരു ഭവനമാ​യി പുനർനിർമ്മി​ച്ചു.

അങ്ങനെ തന്റെ ജീവിതം യഹോ​വ​യു​ടെ നിലവാ​ര​ങ്ങ​ളോ​ടു ചേർച്ച​യിൽ ആക്കിത്തീർക്കാൻ ആവശ്യ​മായ പടികൾ എടുത്ത​ശേഷം അവൾ തന്റെ നാലു കുട്ടി​ക​ളോ​ടും​കൂ​ടെ പെട്ടെന്നു തന്നെ വയൽസേ​വ​ന​ത്തിൽ ഏർപ്പെ​ടാൻ തുടങ്ങി. പിന്നീട്‌ താമസി​യാ​തെ അവൾ തന്റെ ജീവൻ യഹോ​വ​യ്‌ക്കു സമർപ്പി​ക്കു​ക​യും സ്‌നാ​ന​പ്പെ​ടു​ക​യും ചെയ്‌തു. ആ അവസരം ആഘോ​ഷി​ക്കു​ന്ന​തി​നാ​യി അവൾ ഒരു സഹായ​പ​യ​നി​യ​റാ​യി പേർ ചാർത്തി. അവളുടെ പുതിയ ഭവനം ശരാശരി 17 പേർ ഹാജരാ​കുന്ന പുസ്‌ത​കാ​ദ്ധ്യ​യ​ന​ത്തി​നുള്ള ഒരു സ്ഥാനമാ​യി ഉപയോ​ഗി​ച്ചു​കൊണ്ട്‌ അവൾ ഇപ്പോൾ കൂടു​ത​ലാ​യി അനു​ഗ്ര​ഹി​ക്ക​പ്പെ​ട്ടി​രി​ക്കു​ന്നു. തീർച്ച​യാ​യും യഹോ​വ​യു​ടെ ഒരു ശുദ്ധാ​രാ​ധ​ക​യാ​കാ​നുള്ള അവളുടെ തീരു​മാ​നത്തെ അവൻ അനു​ഗ്ര​ഹി​ച്ചി​രി​ക്കു​ന്നു. (w86 4/1)