നമുക്ക്‌ ദൈവത്തെ അറിയാൻ കഴിയു​ന്ന​തെ​ങ്ങനെ?

ദൈവം എല്ലായി​ട​ത്തും ഉണ്ട്‌, നക്ഷത്ര​ങ്ങ​ളി​ലും ഗ്രഹങ്ങ​ളി​ലും മഴവി​ല്ലി​ലും പക്ഷിയു​ടെ ചിറകി​ലും പുൽക്കൊ​ടി​യി​ലും അവൻ ഉണ്ട്‌ എന്ന്‌ ചില ആളുകൾ വിശ്വ​സി​ക്കു​ന്നു. എന്നാൽ ഒരു വ്യക്തി​യെ​ന്ന​നി​ല​യിൽ ദൈവ​ത്തിന്‌ ഒരു നിശ്ചിത വാസസ്ഥാ​നം ഉണ്ട്‌ എന്ന്‌ ബൈബിൾ പഠിപ്പി​ക്കു​ന്നു. ദൈവ​ത്തോ​ടുള്ള പ്രാർത്ഥ​ന​യിൽ ജ്ഞാനി​യായ ശലോ​മോൻ രാജാവ്‌ ഇങ്ങനെ പറഞ്ഞു: “നിന്റെ സ്ഥിര നിവാ​സ​സ്ഥ​ല​മായ സ്വർഗ്ഗ​ങ്ങ​ളിൽ നിന്ന്‌ നീ കേൾക്കു​ക​യും ചെയ്യേ​ണമേ.” ബൈബിൾ പുസ്‌ത​ക​മായ യെശയ്യാ​വിൽ ദൈവം തന്നെ ഇങ്ങനെ പറയു​ന്ന​താ​യി ഉദ്ധരി​ക്ക​പ്പെ​ട്ടി​രി​ക്കു​ന്നു: “സ്വർഗ്ഗങ്ങൾ എന്റെ സിംഹാ​സ​ന​മ​ത്രെ.”—1 രാജാ​ക്കൻമാർ 8:49; യെശയ്യാവ്‌ 66:1.

ദൈവം തന്റെ സൃഷ്ടി​യിൽ കുടി​കൊ​ള്ളു​ന്നി​ല്ലെ​ങ്കി​ലും അവന്റെ വ്യക്തി​ത്വ​ത്തി​ന്റെ ഗുണവി​ശേ​ഷങ്ങൾ അവയിൽ പ്രതി​ഫ​ലി​ച്ചു കാണുന്നു. റോമർ 1:20-ൽ അപ്പോ​സ്‌ത​ല​നായ പൗലോസ്‌ ഇങ്ങനെ പറയുന്നു: “അവന്റെ നിത്യ​ശ​ക്തി​യും ദിവ്യ​ത്വ​വു​മാ​യി അവന്റെ അദൃശ്യ​ഗു​ണങ്ങൾ ലോക​സൃ​ഷ്ടി മുതൽക്കേ വ്യക്തമാ​യി കാണ​പ്പെ​ടു​ന്നു, എന്തു​കൊ​ണ്ടെ​ന്നാൽ ഉണ്ടാക്ക​പ്പെട്ട വസ്‌തു​ക്ക​ളിൽ അവ ദൃശ്യ​മാണ്‌.” സങ്കീർത്ത​ന​ക്കാ​ര​നും സമാന​മായ ഒരു വിധത്തിൽ ഇങ്ങനെ എഴുതി: “ആകാശങ്ങൾ ദൈവ​മ​ഹ​ത്വം ഘോഷി​ക്കു​ന്നു; ആകാശ​വി​താ​നം അവന്റെ കൈ​വേ​ലയെ പ്രസി​ദ്ധ​മാ​ക്കു​ന്നു. പകലിനു പിറകെ പകൽ വാക്കു പൊഴി​ക്കു​ന്നു. രാവിന്‌ പിറകെ രാവ്‌ ജ്ഞാനം പ്രദർശി​പ്പി​ക്കു​ന്നു.”—സങ്കീർത്തനം 19:1, 2.

അതെ, താരനി​ബി​ഡ​മായ ഒരു രാത്രി​യിൽ പുറ​ത്തേക്ക്‌ നോക്കി, നമ്മുടെ പ്രപഞ്ചത്തെ സൃഷ്ടി​ക്കു​ന്ന​തിന്‌ ആവശ്യ​മായ ജ്ഞാന​ത്തെ​യും ശക്തി​യെ​യും കുറിച്ച്‌ ഒരു നിമി​ഷ​ത്തേക്ക്‌ മനസ്സി​രു​ത്തി ചിന്തി​ക്കുക! (യെശയ്യാവ്‌ 40:26 താരത​മ്യം ചെയ്യുക) തീർച്ച​യാ​യും, സൃഷ്ടി ദൈവ​ത്തി​ന്റെ വ്യക്തി​ത്വ​ത്തെ​ക്കു​റി​ച്ചുള്ള വിവര​ങ്ങ​ളു​ടെ അക്ഷയമായ ഉറവിടം ആണ്‌. ദൈവ​ത്തി​ന്റെ ഗുണങ്ങ​ളെ​യും സ്വഭാ​വ​വി​ശേ​ഷ​ണ​ങ്ങ​ളെ​യും കുറിച്ച്‌ അതു വിളി​ച്ച​റി​യി​ക്കുന്ന അപാര​മായ സാക്ഷ്യം മുഴു​വ​നാ​യി തിരി​ച്ച​റി​യാൻ മനുഷ്യന്‌ ഒരിക്ക​ലും കഴിയു​ക​യില്ല. ഇയ്യോ​ബി​ന്റെ പുസ്‌തകം ഇങ്ങനെ നമ്മെ ഓർമ്മി​പ്പി​ക്കു​ന്നു: “നോക്കു! ഇവ അവന്റെ വഴിക​ളു​ടെ അററങ്ങ​ള​ത്രേ, അവനെ​ക്കു​റിച്ച്‌ എത്ര മന്ദസ്വ​ര​ത്തി​ലുള്ള വൃത്താ​ന്ത​മാണ്‌ കേട്ടി​രി​ക്കു​ന്ന​തും!” (ഇയ്യോബ്‌ 26:14) ‘ശില്‌പി തന്റെ ശിൽപ്പ​ങ്ങ​ളേ​ക്കാൾ വലിയ​വ​ന​ത്രെ’ എന്നൊരു പഴയ സ്വീഡിഷ്‌ ചൊല്ലുണ്ട്‌. അതനു​സ​രിച്ച്‌ സൃഷ്ടി മഹത്തര​മെ​ങ്കിൽ ദൈവം അതി​ലേറെ മഹത്വ​മേ​റി​യവൻ ആയിരി​ക്കണം; സൃഷ്ടി ശക്തി പ്രകട​മാ​ക്കു​ന്നു​വെ​ങ്കിൽ ദൈവം അതി​ലേറെ ശക്തിയു​ള്ളവൻ ആയിരി​ക്കണം; സൃഷ്ടി ജ്ഞാനം പ്രദർശി​പ്പി​ക്കു​ന്നു​വെ​ങ്കിൽ ദൈവം ജ്ഞാനം ഏറിയ​വ​നും ആയിരി​ക്കണം!

ബൈബിൾ—ദൈവ​ത്തി​ന്റെ ഗ്രന്ഥം

ഇങ്ങനെ സൃഷ്ടി ദൈവ​ത്തെ​ക്കു​റിച്ച്‌ ധാരാളം വിവരങ്ങൾ പകർന്നു തരുന്നു. പക്ഷേ, സൃഷ്ടി​യു​ടെ പഠനം ദൈവ​ത്തി​ന്റെ പേർ നിങ്ങൾക്ക്‌ മനസ്സി​ലാ​ക്കി​ത്ത​രു​മോ? അത്‌ സൃഷ്ടി​യു​ടെ പിന്നി​ലുള്ള ഉദ്ദേശ്യ​മെ​ന്തെ​ന്നോ അവൻ ദുഷ്ടത അനുവ​ദി​ക്കു​ന്ന​തെ​ന്തു​കൊ​ണ്ടെ​ന്നോ വെളി​വാ​ക്കു​ന്നു​ണ്ടോ? അത്തരം ചോദ്യ​ങ്ങൾക്കുള്ള ഉത്തരങ്ങൾക്ക്‌ ദൈവം ഉണ്ടാക്കിയ ഭൗതിക സൃഷ്ടി​ക​ളു​ടെ പഠന​ത്തേ​ക്കാൾ അധികം ആവശ്യ​മാണ്‌. ഭാഗ്യ​വ​ശാൽ, ബൈബി​ളിൽ ഈ വിവരങ്ങൾ അവതരി​പ്പി​ക്കാൻ ദൈവം കരുതൽ ചെയ്‌തി​രി​ക്കു​ന്നു.

അവിടെ ദൈവം ഒരു അമൂർത്ത​വും നിർവ്വ​ചി​ക്കാ​നാ​കാ​ത്ത​വ​നു​മായ ഒരു ബുദ്ധി​വൈ​ഭ​വ​മോ സർവ്വവ്യാ​പി​യായ ഒരു ശക്തിയോ പ്രഭാ​വ​മോ എന്നനി​ല​യിൽ ഒരിക്ക​ലും അവതരി​പ്പി​ക്ക​പ്പെ​ട്ടി​ട്ടില്ല. പ്രവൃ​ത്തി​കൾ 3:19-ൽ നാം “യഹോ​വ​യാം വ്യക്തി”യെക്കു​റിച്ച്‌ വായി​ക്കു​ന്നു. അവന്റെ പുത്ര​നായ യേശു​ക്രി​സ്‌തു മരിച്ച​വ​രിൽ നിന്ന്‌ ഉയർപ്പി​ക്ക​പ്പെ​ട്ട​പ്പോൾ “യഹോ​വ​യാം വ്യക്തി [അക്ഷരാർത്ഥ​ത്തിൽ “മുഖം”] യുടെ മുമ്പാകെ പ്രത്യ​ക്ഷ​നാ​കു​ന്ന​തിന്‌ അവൻ സ്വർഗ്ഗ​ത്തി​ലേ​ക്കു​തന്നെ പ്രവേ​ശി​ച്ചു. (എബ്രായർ 9:24, രാജ്യ​വ​രി​മദ്ധ്യ ഭാഷാ​ന്തരം) യേശു ദൈവ​ത്തെ​ക്കു​റിച്ച്‌ സംസാ​രി​ച്ച​പ്പോ​ഴും അവനോട്‌ പ്രാർത്ഥി​ച്ച​പ്പോ​ഴും ഒരിക്ക​ലും അവനെ ഒരു വലിയ ശക്തി​യെ​ന്നോ അപരി​മേ​യ​മായ ബുദ്ധി​വൈ​ഭ​വ​മെ​ന്നോ അല്ലെങ്കിൽ മറേറ​തെ​ങ്കി​ലും അമൂർത്ത​മായ നാമം അവന്‌ നൽകി​ക്കൊ​ണ്ടോ അവനെ​ക്കു​റിച്ച്‌ സംസാ​രി​ച്ചില്ല. പ്രത്യുത, അവൻ ദൈവ​വു​മാ​യി തനിക്കു​ണ്ടാ​യി​രുന്ന ആഴമായ അടുപ്പം വെളി​പ്പെ​ടു​ത്തി​ക്കൊണ്ട്‌ മിക്ക​പ്പോ​ഴും അവനെ സ്വർഗ്ഗീ​യ​പി​താവ്‌ എന്ന്‌ വിളിച്ചു.—മത്തായി 5:48; 6:14, 26, 32.

അതു​കൊണ്ട്‌, ദൈവം പേരി​ല്ലാത്ത “എന്തോ” അല്ല, പിന്നെ​യോ ഒരു നാമമുള്ള വ്യക്തി​യാണ്‌. സങ്കീർത്തനം 83:18 ഇങ്ങനെ പറയുന്നു: “യഹോവ എന്ന നാമമുള്ള നീ മാത്രം സർവ്വഭൂ​മി​ക്കും മീതെ അത്യു​ന്നതൻ എന്ന്‌ ജനം അറി​യേ​ണ്ട​തിന്‌” ബൈബിൾ ദൈവ​ത്തിന്‌ പിൻവ​രുന്ന പ്രകാ​ര​മുള്ള ചില സ്ഥാന​പ്പേ​രു​ക​ളും വിശേ​ഷ​ണ​നാ​മ​ങ്ങ​ളും ഉപയോ​ഗി​ക്കു​ന്നു എന്നത്‌ സത്യം​തന്നെ: “സർവ്വശക്തൻ” “നിത്യ​ത​യു​ടെ രാജാവ്‌” “രക്ഷകൻ” “ഇടയൻ” “നാളു​ക​ളിൽ പുരാ​തനൻ” “മേൽവി​ചാ​രകൻ” “മഹാ​പ്ര​ബോ​ധകൻ” “മഹാനിർമ്മാ​താവ്‌” “പാറ” (രൂത്ത്‌ 1:20; 1 തിമൊ​ഥെ​യോസ്‌ 1:17; യെശയ്യാവ്‌ 43:11; സങ്കീർത്തനം 23:1; ദാനി​യേൽ 7:9, 13, 22; 1 പത്രോസ്‌ 2:25; യെശയ്യാവ്‌ 30:20; 54:5; ആവർത്തനം 32:4) അത്തരം പേരുകൾ, തന്റെ സർവ്വശക്തി, തന്റെ ജനങ്ങ​ളോ​ടുള്ള തന്റെ സ്‌നേ​ഹ​പൂർവ്വ​ക​മായ കരുതൽ, തന്റെ അപരി​മേയ ജ്ഞാനം എന്നിങ്ങനെ, ദൈവ​ത്തി​ന്റെ വ്യക്തി​ത്വ​ത്തി​ന്റെ കൂടു​ത​ലായ വിശിഷ്ട വശങ്ങളെ വെളി​പ്പെ​ടു​ത്തു​ക​യും ചെയ്യുന്നു.

ദൈവം ഒരു വ്യക്തി​യാ​യ​തു​കൊണ്ട്‌ അവന്‌ ഇഷ്ടാനി​ഷ്ട​ങ്ങ​ളും വികാ​ര​ങ്ങ​ളും പോലു​മുണ്ട്‌. അവൻ തന്റെ ജനത്തെ സ്‌നേ​ഹി​ക്കു​ന്നു​വെ​ന്നും (1 രാജാ​ക്കൻമാർ 10:9), തന്റെ പ്രവൃ​ത്തി​ക​ളിൽ ആനന്ദി​ക്കു​ന്നു​വെ​ന്നും (സങ്കീർത്തനം 104:31), വിഗ്ര​ഹാ​രാ​ധ​നയെ വെറു​ക്കു​ന്നു​വെ​ന്നും (ആവർത്തനം 16:22), ദുഷ്ടത​യിൽ മുറി​പ്പെ​ടു​ന്നു​വെ​ന്നും (ഉൽപത്തി 6:6), 1 തിമൊ​ഥെ​യോസ്‌ 1:11-ൽ “സന്തുഷ്ട​നായ ദൈവം” എന്നും വിളി​ക്ക​പ്പെ​ടു​ന്നു.

ദൈവത്തെ അടുത്ത​റി​യൽ

ദൈവ​ത്തി​ന്റെ വ്യക്തി​ത്വ​ത്തെ സംബന്ധി​ച്ചുള്ള മുഴു വെളി​പ്പാ​ടും ഉൾക്കൊ​ള്ളാൻ തക്ക ഉൾവ്യാ​പ്‌തി മനുഷ്യ​മ​ന​സ്സി​നില്ല എന്നത്‌ സത്യം ആണ്‌. “ഓ, ദൈവ​ത്തി​ന്റെ ധനം, ജ്ഞാനം, അറിവ്‌ എന്നിവ​യു​ടെ ആഴമേ! അവന്റെ ന്യായ​വി​ധി​കൾ എത്ര അപ്ര​മേ​യ​വും അവന്റെ വഴികൾ എത്ര അഗോ​ച​ര​വും ആകുന്നു! എന്തെന്നാൽ ‘യഹോ​വ​യു​ടെ മനസ്സ്‌ അറിയാ​നി​ട​വ​ന്നി​ട്ടു​ള്ള​വ​നാർ അഥവാ അവന്‌ ആലോ​ച​ക​നാ​യി​രു​ന്നി​ട്ടു​ള്ളവൻ ആർ?’” (റോമർ 11:33, 34) എങ്കിലും വിശ്വാ​സ​മുള്ള ഒരുവന്‌ മറേറ​തൊ​രു വ്യക്തി​യെ​യും പോലെ ദൈവം യഥാർത്ഥ​മാ​യി​ത്തീ​രു​ന്നു. യഹോവ തന്റെ സ്വന്ത പാർശ്വ​ത്തു​ണ്ടാ​യി​രു​ന്നാ​ലെ​ന്ന​പോ​ലെ “നോഹ സത്യ​ദൈ​വ​ത്തോ​ടൊ​ത്തു നടന്നു” എന്ന്‌ ബൈബിൾ നമ്മോട്‌ പറയുന്നു. (ഉൽപത്തി 6:9) താൻ “അദൃശ്യ​നാ​യ​വനെ കാണു​മ്പോ”ഴെന്ന​പോ​ലെ മോ​ശെക്ക്‌ ദൈവം അത്ര യഥാർത്ഥ​മാ​യി​രു​ന്നു. (എബ്രായർ 11:27) അബ്രാ​ഹാ​മി​നെ​ക്കു​റിച്ച്‌ അവൻ “യഹോ​വ​യു​ടെ സ്‌നേ​ഹി​തൻ” ആയിരു​ന്നു​വെന്ന്‌ പറയ​പ്പെട്ടു.—യാക്കോബ്‌ 2:23.

തീർച്ച​യാ​യും ദൈവം തന്നെത്തന്നെ വ്യക്തി​പ​ര​മാ​യി നോഹ, അബ്രാ​ഹാം, മോശെ എന്നിവർക്ക്‌ വെളി​പ്പെ​ടു​ത്തി. ചിലർ ഇങ്ങനെ പറഞ്ഞേ​ക്കാം, ‘ആകട്ടെ, ദൈവം അതു​പോ​ലുള്ള ഒരു വ്യക്തി​പ​ര​മായ വിധത്തിൽ എനിക്ക്‌ തന്നെത്തന്നെ വെളി​പ്പെ​ടു​ത്തി​യാൽ, അവൻ എനിക്കും യഥാർത്ഥ​മാ​യി​ത്തീ​രും.’ നോഹ​ക്കും, അബ്രാ​ഹാ​മി​നും മോ​ശെ​ക്കും തങ്ങളുടെ പക്കൽ ബൈബിൾ ഇല്ലായി​രു​ന്നു, അവർക്ക്‌ യേശു​ക്രി​സ്‌തു​വി​നെ​ക്കു​റി​ച്ചോ അവൻ നിവർത്തിച്ച ഡസൻ കണക്കിന്‌ പ്രവച​ന​ങ്ങ​ളി​ലെ​ല്ലാ​റ​റി​നെ​യും കുറി​ച്ചോ അറിവു​ണ്ടാ​യി​രു​ന്നില്ല. തൻനി​മി​ത്തം യേശു​ക്രി​സ്‌തു ദൈവ​ത്തെ​ക്കു​റിച്ച്‌ വെളി​പ്പെ​ടു​ത്തിയ സർവ്വതും അവർക്ക്‌ അജ്ഞാത​മാ​യി​രു​ന്നു. അത്തരം സാഹച​ര്യ​ങ്ങ​ളിൽ തന്നെക്കു​റി​ച്ചു​തന്നെ ആ വിധം നേരി​ട്ടുള്ള വെളി​പ്പാ​ടു​കൾ നൽകുക ദൈവത്തെ സംബന്ധി​ച്ചി​ട​ത്തോ​ളം ആവശ്യ​വും ഉചിത​വും ആയിരു​ന്നു.

ഇന്ന്‌ നമുക്ക്‌ ബൈബി​ളും ബൈബിൾ പ്രവച​ന​ങ്ങ​ളു​ടെ നൂററാ​ണ്ടു​ക​ളി​ലൂ​ടെ​യുള്ള നിവൃ​ത്തി​യു​ടെ പശ്ചാത്ത​ല​വും ഉണ്ട്‌. യേശു​ക്രി​സ്‌തു​വി​ന്റെ ജീവിതം, പ്രവൃ​ത്തി​കൾ, വചനങ്ങൾ എന്നിവയെ സംബന്ധി​ക്കുന്ന സുവി​ശേ​ഷ​രേ​ഖകൾ നമുക്കുണ്ട്‌. പൗലോസ്‌ ഇങ്ങനെ​യും പറയുന്നു: “അവനിൽ [ക്രിസ്‌തു​വിൽ] അല്ലോ ദൈവ​ഗു​ണ​ത്തി​ന്റെ സമ്പൂർണ്ണത ദേഹരൂ​പ​മാ​യി വസിക്കു​ന്നത്‌.” (കൊ​ലോ​സ്യർ 2:9) അതെ, പൂർവ്വ​പി​താ​ക്കൻമാ​രു​ടെ കാലത്ത്‌, അസാദ്ധ്യ​മാ​യി​രുന്ന ഒരു അടുപ്പ​ത്തിൽ ദൈവത്തെ അറിയാൻ തക്ക ഒരു നിലയി​ലാണ്‌ നാം. അവൻ നേരിട്ട്‌ സ്വയമേ നമുക്ക്‌ വെളി​പ്പെ​ട്ടി​ട്ടില്ല എന്ന വസ്‌തു​തയെ ഇത്‌ കവിഞ്ഞ അളവിൽ പരിഹ​രി​ക്കു​ന്നി​ല്ലേ?

ബൈബിൾ വായന നമ്മെ ദൈവ​ത്തോട്‌ അടുപ്പി​ക്കു​ന്നു

യാക്കോബ്‌ 4:8-ൽ നാം വായി​ക്കു​ന്നു: “ദൈവ​ത്തോട്‌ അടുത്തു ചെല്ലുക, അവൻ നിങ്ങ​ളോ​ടും അടുത്തു​വ​രും.” ബൈബിൾ വായി​ക്കു​ന്ന​തി​ലൂ​ടെ നമുക്ക്‌ ദൈവ​ത്തോട്‌ അടുക്കാം. എന്നാൽ എങ്ങനെ? ഒരു സംഗതി, ഒരു ബൈബിൾ ഭാഗം ദിനം​പ്രതി വായി​ക്കു​ന്ന​തി​ലൂ​ടെ നിങ്ങൾ അവന്റെ പുതു​തായ സ്വഭാ​വ​വി​ശേ​ഷ​ങ്ങ​ളും ഗുണങ്ങ​ളും മനസ്സി​ലാ​ക്കു​ന്നു എന്നതാണ്‌. നിങ്ങൾ വായി​ക്കു​മ്പോ​ഴെ​ല്ലാം ആവർത്തിച്ച്‌ നിർത്തി​ക്കൊണ്ട്‌ നിങ്ങ​ളോട്‌ തന്നെ ചോദി​ക്കുക: ‘ഈ വാക്യ​ത്തി​ലോ ഭാഗത്തോ ദൈവ​ത്തെ​ക്കു​റിച്ച്‌ ഞാൻ എന്തു ഗ്രഹിച്ചു?’ ഇതിലു​പ​രി​യാ​യി, ദൈവ​ത്തോ​ട​ടു​ക്കു​ന്ന​തി​ലും കാര്യ​ഗ്ര​ഹ​ണ​ത്തി​ലും ഒരു “സഹായി” ആയി വർത്തി​ക്കു​ന്ന​തിന്‌ ദൈവാ​ത്മാ​വി​നു​വേണ്ടി നമുക്ക്‌ പ്രാർത്ഥി​ക്കു​ന്ന​തി​നും കഴിയും.—യോഹ​ന്നാൻ 14:26.

“ഒരു വ്യക്തി​യെ​ന്ന​നി​ല​യിൽ യഹോ​വ​യെ​ക്കു​റിച്ച്‌ ഒരു മെച്ചമായ ഗ്രാഹ്യം സംമ്പാ​ദി​ക്കു​ന്ന​തി​നെ ഞാൻ വിലമ​തി​ച്ചി​ട്ടുണ്ട്‌” എന്ന്‌ ഒരു ക്രിസ്‌തീയ സ്‌ത്രീ പ്രസ്‌താ​വി​ച്ചു. മിഷന​റി​മാ​രെ പരിശീ​ലി​പ്പിച്ച്‌ ലോക​മെ​മ്പാ​ടും അയ്‌ക്കുന്ന വാച്ച്‌ടവർ ബൈബിൾ സ്‌കൂ​ളി​ലെ ഒരു വിദ്യാർത്ഥി ആയിരു​ന്നു അവർ. ഈ സ്‌കൂ​ളിൽ ഏതുവി​ധ​ത്തി​ലുള്ള ബൈബിൾ പഠനമാണ്‌ അവലം​ബി​ച്ചി​രു​ന്നത്‌? ഇൻസ്‌ട്ര​ക്ടർമാ​രിൽ ഒരാൾ ഇങ്ങനെ വിശദീ​ക​രി​ക്കു​ന്നു: “ഒരു സംഘം എന്നനി​ല​യിൽ മുഴു​ബൈ​ബി​ളും പഠിക്കു​ന്ന​തി​നുള്ള ഒരു പരിപാ​ടിക്ക്‌ ഞങ്ങൾ തുടക്ക​മി​ട്ടു. ഞങ്ങൾ ഓരോ ദിവസ​വും 10 മുതൽ 15 വരെ താളുകൾ പഠിച്ചു, വിദ്യാർത്ഥി​ക​ളിൽ എല്ലാവ​രും ഗവേഷണം ചെയ്യു​ക​യും ചർച്ചക്ക്‌ സംഭാവന ചെയ്യു​ക​യും ചെയ്‌തു. ഞങ്ങൾ ഒരു ബുദ്ധി​മു​ട്ടേ​റിയ വാക്യം കണ്ടാൽ അതിന്റെ (1) സന്ദർഭം (2) എഴുതിയ കാലത്തെ സാഹച​ര്യ​ങ്ങൾ (3) വാക്യ​ത്തി​ലെ കാതലായ പദങ്ങൾ എന്നിവ ഞങ്ങൾ പരിചി​ന്തി​ക്കു​മാ​യി​രു​ന്നു. ഞങ്ങൾ നിരന്തരം ഇങ്ങനെ ചോദി​ച്ചി​രു​ന്നു: ‘യഹോ​വ​യെ​യും അവന്റെ ഗുണങ്ങ​ളെ​യും കുറിച്ച്‌ ഇത്‌ നമ്മോ​ടെന്ത്‌ പറയുന്നു?’ അത്‌ എപ്പോ​ഴും അവനെ​ക്കു​റിച്ച്‌ എന്തെങ്കി​ലും ഞങ്ങളോട്‌ പറഞ്ഞി​രു​ന്നു എന്ന്‌ ഞങ്ങൾ കണ്ടെത്തി.”

ഈ സ്‌കൂ​ളിൽ ഔപചാ​രി​ക​മാ​യി ബൈബിൾ പഠിക്കാൻ നിങ്ങൾക്ക്‌ പദവി ലഭിച്ചി​ട്ടി​ല്ലെ​ങ്കി​ലും ഈ പഠനവി​ധ​ങ്ങ​ളിൽ ചിലവ നിങ്ങൾക്കും ഉപകരി​ക്കും. ഉദാഹ​ര​ണ​ത്തിന്‌ തങ്ങളുടെ സഭാ​യോ​ഗ​ങ്ങ​ളോ​ടുള്ള ബന്ധത്തിൽ ബൈബി​ളി​ന്റെ കുറെ അദ്ധ്യാ​യങ്ങൾ ഓരോ വാരത്തി​ലും പഠിക്കുന്ന ഒരു രീതി യഹോ​വ​യു​ടെ സാക്ഷി​കൾക്കി​ട​യിൽ ഉണ്ട്‌. ഒരു കുടും​ബം എന്നനി​ല​യിൽ ബൈബിൾ പാരാ​യ​ണ​ത്തി​ന്റെ ഈ പട്ടിക എന്തു​കൊണ്ട്‌ പിന്തു​ടർന്നു​കൂ​ടാ? കൂടാതെ, ബുദ്ധി​മു​ട്ടേ​റിയ ചില ബൈബിൾ ഭാഗങ്ങൾ ഗ്രഹി​ക്കാൻ നിങ്ങളെ സഹായി​ക്കുന്ന ബൈബിൾ ഗ്രാഹ്യ​സ​ഹാ​യി, പുതി​യ​ലോക ഭാഷാ​ന്തരം റഫറൻസ്‌ ബൈബിൾ എന്നീ ഗവേഷണ സഹായി​കൾ വാച്ച്‌ടവർ ബൈബിൾ സൊ​സൈ​ററി പ്രസി​ദ്ധീ​ക​രി​ക്കു​ന്നു.a ബൈബിൾ പാരാ​യ​ണ​ത്തി​ന്റെ ഒരു ക്രമമായ പരിപാ​ടിക്ക്‌ യഹോ​വ​യു​ടെ വ്യക്തി​ത്വം സംബന്ധിച്ച നിങ്ങളു​ടെ വിലമ​തിപ്പ്‌ വളരെ​യ​ധി​കം വർദ്ധി​പ്പി​ക്കാൻ കഴിയും.

നിങ്ങൾക്ക്‌ പ്രത്യേക പ്രിയ​മുള്ള ഏതെങ്കി​ലും ബൈബിൾ ഭാഗം തിര​ഞ്ഞെ​ടു​ക്കു​ക​യു​മാ​കാം. ഉദാഹ​ര​ണ​ത്തിന്‌, സങ്കീർത്തനം 86-ലെ 17 വാക്യങ്ങൾ നിങ്ങൾ പഠനത്തിന്‌ തെര​ഞ്ഞെ​ടു​ത്താൽ ദൈവ​വ്യ​ക്തി​ത്വ​ത്തി​ന്റെ 15 സവി​ശേ​ഷ​തകൾ നിങ്ങൾ കണ്ടെത്താ​നി​ട​യാ​കും: അവൻ നല്ലവനും, ക്ഷമാതൽപ്പ​ര​നും, സ്‌നേ​ഹ​ദ​യ​യിൽ സമ്പന്നനും, പ്രാർത്ഥ​ന​കൾക്ക്‌ ഉത്തരമ​രു​ളാൻ ഒരുക്ക​മു​ള്ള​വ​നും, ദൈവ​ങ്ങ​ളു​ടെ​യി​ട​യിൽ അതുല്യ​നും, ഒരു സൃഷ്ടി​കർത്താ​വെ​ന്ന​നി​ല​യിൽ കിടയ​റ​റ​വ​നും, പരമാ​ധീ​ശ​ഭ​ര​ണാ​ധി​കാ​രി​യും, അത്ഭുത​കാ​ര്യ​ങ്ങൾ ചെയ്യു​ന്ന​വ​നും, മരണത്തിൽ നിന്നുള്ള വിമോ​ച​ക​നും, കരുണാ​സ​മ്പ​ന്ന​നും, കൃപാ​ലു​വും, കോപ​ത്തിന്‌ താമസ​മു​ള്ള​വ​നും, സത്യത​യിൽ സമ്പന്നനും, ഒരു സഹായി​യും, ഒരു ആശ്വാ​സ​ക​നും തന്നെ. നിങ്ങളു​ടെ സ്രഷ്ടാ​വി​നെ​പ്പ​ററി പഠിക്കാൻ ശ്രമി​ക്കു​ന്ന​തിൽപ​ര​മാ​യി എന്ത്‌ ശ്രേഷ്‌ഠ​ല​ക്ഷ്യ​മാണ്‌ നിങ്ങൾക്കു​ണ്ടാ​യി​രി​ക്കാൻ കഴിയുക?

ദൈവത്തെ അറിയു​ന്ന​തിൽനി​ന്നുള്ള മഹത്തായ പ്രയോ​ജ​ന​ങ്ങൾ

നിത്യ​ജീ​വൻ എന്ന അന്തിമ​ലാ​ക്കി​ലെ​ത്തുക എന്നതാണ്‌ ദൈവത്തെ അറിയു​ന്ന​തിൽ നിന്നുള്ള കേവലം ഒരു പ്രയോ​ജനം. (യോഹ​ന്നാൻ 17:3) നിങ്ങൾക്കു​വേണ്ടി അധിക​മാ​യി കരുതു​ക​യും പാറ​പോ​ലെ ഉറച്ചു​നിൽക്കു​ക​യും ചെയ്യു​ന്ന​വ​നായ ഒരു അനുദിന സഹചാ​രി​യെ ലഭിക്കുക എന്ന പ്രയോ​ജ​ന​വും ഉണ്ടായി​രി​ക്കും. (സങ്കീർത്തനം 18:31) ദാവീദ്‌ രാജാ​വിന്‌ താൻ ശത്രു​ക്ക​ളാൽ വലയം ചെയ്യ​പ്പെ​ട്ട​താ​യും പ്രശ്‌ന​ഭാ​ര​ങ്ങൾക്ക​ടി​പ്പെ​ട്ട​താ​യും തോന്നി​യ​പ്പോൾ തനിക്ക്‌ ലഭ്യമായ ഏക സഹായി ദൈവ​മാണ്‌ എന്ന്‌ അവൻ കണ്ടെത്തി. അതു​കൊണ്ട്‌ അവൻ പറഞ്ഞു: “യഹോ​വ​യിൻമേൽത്തന്നെ നിങ്ങളു​ടെ ഭാരം ഇട്ടു​കൊൾക, അവൻതന്നെ നിന്നെ താങ്ങി​ക്കൊ​ള്ളും. നീതി​മാൻ കുലു​ങ്ങി​പ്പോ​കാൻ അവൻ ഒരിക്ക​ലും അനുവ​ദി​ക്കു​ക​യില്ല.”—സങ്കീർത്തനം 55:22.

ദൈവത്തെ അറിയാൻ നിങ്ങൾ സമയം എടുക്കു​ന്നു​വെ​ങ്കിൽ അവനു​മാ​യി അത്തര​മൊ​രു ബന്ധം നിങ്ങൾക്കും ആസ്വദി​ക്കാൻ കഴിയും. ഇത്‌ അത്ര പ്രയാ​സമല്ല. അവന്റെ വചനം വായി​ക്കാൻ വേണ്ടത്ര പ്രയത്‌നം ചെലു​ത്തുക. ഈ മാസിക നിങ്ങൾക്ക്‌ കൊണ്ടു​ത​ന്ന​വ​രെ​പ്പോ​ലെ ദൈവത്തെ അറിയു​ന്നു എന്ന്‌ സ്വന്തജീ​വി​ത​ത്തി​ലൂ​ടെ പ്രകട​മാ​ക്കു​ന്ന​വ​രായ ആളുക​ളു​മാ​യി സഹവസി​ക്കുക. യഹോ​വ​യോട്‌ പ്രാർത്ഥ​ന​യിൽ വിളി​ച്ച​പേ​ക്ഷി​ക്കുക. നിങ്ങളു​ടെ നിലവി​ളി​കൾ കേൾക്കാ​നാ​കാത്ത വെറും അമൂർത്ത​മായ ശക്തിയല്ല അവൻ. അവൻ ജീവനുള്ള ദൈവ​വും “പ്രാർത്ഥ​ന​കേൾക്കു​ന്ന​വ​നും” അത്രെ. “നിങ്ങൾ അവനെ അന്വേ​ഷി​ക്കു​ന്നു​വെ​ങ്കിൽ നിങ്ങൾ അവനെ കണ്ടെത്താൻ അവൻ ഇടയാ​ക്കും.”—സങ്കീർത്തനം 65:2; 1 ദിനവൃ​ത്താ​ന്തം 28:9. (w87 4/1)

[അടിക്കു​റി​പ്പു​കൾ]

[5-ാം പേജിലെ ചിത്രം]

നോഹ, അബ്രാ​ഹാം, മോശെ എന്നിവർക്ക്‌ ദൈവം വ്യക്തി​പ​ര​മാ​യി വെളി​പ്പെ​ടു​ത്തി.

[7-ാം പേജിലെ ചിത്രം]

സൃഷ്ടി ദൈവ​ത്തി​ന്റെ വ്യക്തി​ത്വ​ത്തെ സംബന്ധിച്ച്‌ വിവരം നൽകുന്ന ഒരു വിപു​ല​മായ സരണി​യാണ്‌