സത്യസന്ധത കാലഹ​ര​ണ​പ്പെ​ട്ടോ?

ഒരു ജീവി​ത​രീ​തി​യെന്ന നിലയിൽ സത്യസ​ന്ധ​തയെ മുറുകെ പിടിക്കൽ—അത്‌ ആധുനി​ക​ലോ​ക​ത്തിൽ കാലഹ​ര​ണ​പ്പെ​ട്ടി​രി​ക്കു​ക​യാ​ണോ, മേലാൽ പ്രാ​യോ​ഗി​ക​മോ യഥാർത്ഥ​മൂ​ല്യ​മു​ള്ള​തോ അല്ലെന്നുള്ള നിലയിൽ ത്യജി​ക്ക​പ്പെ​ട്ടി​രി​ക്കു​ക​യാ​ണോ? അങ്ങനെ​യാ​ണു തോന്നുക. സത്യസ​ന്ധ​ത​യി​ല്ലായ്‌മ എത്ര വിപു​ല​വ്യാ​പ​ക​മാ​ണെ​ന്നു​ള്ള​തി​ന്റെ​യും അതിന്റെ രൂപങ്ങ​ളു​ടെ​യും അതു നുഴഞ്ഞു​ക​യ​റി​യി​രി​ക്കുന്ന തലങ്ങളു​ടെ​യും അത്‌ എത്ര ചെല​വേ​റിയ ഭാരമാ​യി​ത്തീർന്നി​രി​ക്കു​ന്നു​വെ​ന്ന​തി​ന്റെ​യും ചുരുക്കം ചില ദൃഷ്ടാ​ന്തങ്ങൾ പരിചി​ന്തി​ക്കുക.

സമീപ​സം​വ​ത്‌സ​ര​ങ്ങ​ളിൽ പശ്ചിമ​ജർമ്മ​നി​യി​ലെ നികു​തി​വെ​ട്ടി​പ്പു​മൂ​ല​മുള്ള നഷ്‌ടം വാർഷി​ക​മാ​യി 15,000 കോടി രൂപയാണ്‌. സ്വീഡ​നിൽ വാർഷി​ക​ന​ഷ്‌ടം ആളാം​പ്രതി 10,800 രൂപയാണ്‌. അതു​കൊണ്ട്‌ നിങ്ങൾ ഇതിൽ ഏതു രാജ്യത്ത്‌ ജീവി​ച്ചാ​ലും സത്യസ​ന്ധ​ത​യി​ല്ലായ്‌മ നിങ്ങൾ കൊടു​ക്കുന്ന നികു​തി​യെ ബാധി​ക്കു​ന്നു. ആദായ​നി​കു​തി കൊടു​ക്കു​ന്ന​തി​ലുള്ള വഞ്ചന ഐക്യ​നാ​ടു​ക​ളിൽ വളരെ പ്രബല​പ്പെ​ട്ടി​രി​ക്കു​ന്ന​തു​കൊണ്ട്‌ ഗവൺമെൻറിന്‌ വാർഷി​ക​വ​രു​മാ​ന​ത്തിൽ കണക്കാ​ക്ക​പ്പെ​ട്ട​പ്ര​കാ​രം 15,00,000 കോടി രൂപാ നഷ്‌ട​പ്പെ​ടു​ന്നു. ആ പണം വമ്പിച്ച ഫെഡറൽ ബജററ്‌ കമ്മി നികത്തു​ന്ന​തിൽ എത്ര സഹായ​മാ​യി​രി​ക്കു​മാ​യി​രു​ന്നു​വെന്ന്‌ ചിന്തി​ക്കുക! മാത്ര​വു​മല്ല, നിയമ​വി​രുദ്ധ ബിസി​ന​സ്സു​കൾ യു. എസ്‌. ഗവൺമെൻറി​നെ മറെറാ​രു 15,000 കോടി രൂപ വഞ്ചിക്കു​ന്നു. ഐക്യ​നാ​ടു​ക​ളി​ലെ കടകളിൽ നടക്കുന്ന മോഷ​ണ​വും ചൂണ്ടലും ചരക്കു​ക​ളു​ടെ വില വർദ്ധി​പ്പി​ക്കാ​നി​ട​യാ​ക്കി​ക്കൊണ്ട്‌ 6,000 കോടി രൂപയു​ടെ നഷ്ടമാണ്‌ കടകൾക്ക്‌ വർഷം​തോ​റും വരുത്തി​ക്കൂ​ട്ടു​ന്നത്‌. ദീർഘ​ദൂര ഫോൺവി​ളി​കളെ വഞ്ചനാ​പ​ര​മാ​യി മറെറാ​രു നമ്പറിനു ചാർജു ചെയ്യു​ന്ന​തി​നാൽ അമേരി​ക്ക​ക്കാർക്ക്‌ വർഷം തോറും 1,50,00,000 രൂപയു​ടെ നഷ്ടം ഉണ്ടാകു​ന്നുണ്ട്‌.

കാനഡാ​യിൽ, ജോലി​യിൽ സമയം പാഴാ​ക്കുന്ന “സമയക്ക​ള്ളൻമാർ” അവരുടെ മുതലാ​ളി​മാർക്ക്‌ പ്രതി​വർഷം 1,500 കോടി കനേഡി​യൻ ഡോള​റി​ന്റെ നഷ്ടം വരുത്തി​ക്കൂ​ട്ടു​ന്നു. ഇത്‌ “മോഷ്ടി​ക്കുന്ന തൊഴി​ലാ​ളി​ക​ളി​ലൂ​ടെ​യും പണാപ​ഹ​ര​ണ​ത്തി​ലൂ​ടെ​യും ഇൻഷു​റൻസ്‌ വഞ്ചനയി​ലൂ​ടെ​യും സർവനാ​ശ​ക​സ്വ​ഭാ​വ​ത്തി​ലൂ​ടെ​യും കൈക്കൂ​ലി​യി​ലൂ​ടെ​യും കൊള്ളി​വെ​യ്‌പി​ലൂ​ടെ​യും ബിസി​ന​സി​നെ​തി​രായ മററു യഥാർത്ഥ കുററ​കൃ​ത്യ​ങ്ങ​ളി​ലൂ​ടെ​യു​മുള്ള മൊത്തം നഷ്ടത്തിന്റെ മൂന്നി​ര​ട്ടി​യാണ്‌.” 1986-ലെ ഒരു പഠനമ​നു​സ​രിച്ച്‌ ഐക്യ​നാ​ടു​ക​ളി​ലെ സമയ​മോ​ഷ​ണ​ത്താ​ലുള്ള ഭാരം വാർഷി​ക​മാ​യി 2,55,000 കോടി രൂപയാണ്‌.

വിജയം​നേ​ടു​ന്ന ബഹുകോടി−ഡോളർ സ്ഥാപനങ്ങൾ അത്യാ​ഗ്ര​ഹ​ത്തോ​ടെ സ്വന്തം ഗവൺമെൻറു​ക​ളിൽനി​ന്നു മോഷ്ടി​ക്കു​ന്നു. എങ്ങനെ? അവയ്‌ക്ക്‌ അമിത​മായ വിലക്ക്‌ ഉപകര​ണ​ങ്ങ​ളും പാർട്ടു​ക​ളും വിൽക്കു​ന്ന​തി​നാൽ: 12 സെൻറ്‌ വിലവ​രുന്ന അലൻ റെഞ്ചുകൾ 9,606 ഡോള​റിന്‌; 67-സെൻറ്‌ ട്രാൻസി​സ്‌റ​റ​റു​കൾ 814 ഡോള​റിന്‌; 17 സെൻറ്‌ വിലയുള്ള സ്‌ററൂൾ കാലു​കൾക്കുള്ള പ്ലാസ്‌റ​റിക്ക്‌ തൊപ്പി​കൾ 1,118 ഡോള​റിന്‌; “നിങ്ങൾ ഗവൺമെൻറി​നു നേരി​ടുന്ന ശതകോ​ടി​ക്ക​ണ​ക്കിന്‌ ഡോള​റി​ന്റെ നഷ്ടത്തെ​ക്കു​റി​ച്ചാണ്‌ സംസാ​രി​ക്കു​ന്നത്‌” എന്ന്‌ ഒരു യു. എസ്‌. സെനററർ പറയു​ക​യു​ണ്ടാ​യി.

ഇതിനു പുറമേ, എല്ലായി​ട​ത്തു​മുള്ള പ്രമു​ഖ​വ്യ​ക്തി​ക​ളാ​ലുള്ള ചീത്ത ദൃഷ്ടാ​ന്തങ്ങൾ സത്യസ​ന്ധ​തയെ നിരു​ത്‌സാ​ഹ​പ്പെ​ടു​ത്തു​ന്നു. നിങ്ങൾ ശ്രദ്ധി​ച്ചി​രി​ക്കാ​നി​ട​യു​ള്ള​തു​പോ​ലെ ചില രാജ്യ​ങ്ങ​ളി​ലെ നേതാ​ക്കൻമാർ കള്ളംപ​റ​യു​ക​യും തെററി​ദ്ധ​രി​പ്പി​ക്കു​ക​യും തെററു മൂടി​വെ​ക്കു​ക​യും തങ്ങളുടെ ഉത്തരവാ​ദി​ത്ത​ങ്ങ​ളിൽനിന്ന്‌ ഒഴിഞ്ഞു​മാ​റു​ക​യും ചെയ്യുന്നു—അതെ, രാഷ്‌ട്രീ​യ​വൈ​രി​കളെ കൊല​ചെ​യ്യു​ക​പോ​ലും ചെയ്‌തിട്ട്‌ മററാ​രോ ആണ്‌ കുററ​ക്കാ​രെന്ന്‌ തോന്നി​പ്പി​ക്കു​ന്നു.

അതു​കൊണ്ട്‌ സത്യസന്ധത കാലഹ​ര​ണ​പ്പെ​ട്ട​താ​ണോ? അത്‌ മേലാൽ ഏററവും നല്ല നയമല്ലേ? നാം സത്യസ​ന്ധ​രാ​യി​രി​ക്ക​ണ​മെന്ന്‌ ദൈവ​വ​ചനം നമ്മോടു പറയു​ന്ന​തു​കൊ​ണ്ടു​മാ​ത്ര​മാ​ണോ സത്യസന്ധത ഏററം നന്നായി​രി​ക്കു​ന്നത്‌? നിങ്ങൾ ഈ ചോദ്യ​ങ്ങൾക്ക്‌ ഉത്തരം ആഗ്രഹി​ക്കു​ന്നു​വെ​ങ്കിൽ അടുത്ത ലേഖനം നിങ്ങൾക്ക്‌ പ്രധാ​ന​മാണ്‌. (w88 2/15)