ലോക​ഭ​ര​ണാ​ധി​പ​ത്യം മാറുന്നു

നിങ്ങൾക്ക്‌ തിര​ഞ്ഞെ​ടു​ക്കുക സാധ്യ​മാ​യി​രു​ന്നെ​ങ്കിൽ നിങ്ങൾ ഏതുതരം ഗവൺമെൻറിൻകീ​ഴിൽ ജീവി​ക്കാൻ ആഗ്രഹി​ക്കു​മാ​യി​രു​ന്നു? സാധ്യ​ത​യ​നു​സ​രിച്ച്‌ നമ്മിൽ മിക്കവ​രും ഒരു ന്യായ​മായ അളവിൽ വ്യക്തി​സ്വാ​ത​ന്ത്ര്യം അനുവ​ദി​ക്കുന്ന ഒരു ഉറച്ച ഭരണകൂ​ടത്തെ തെര​ഞ്ഞെ​ടു​ക്കു​മാ​യി​രു​ന്നു. കുററ​കൃ​ത്യ​ത്തെ നിയ​ന്ത്രി​ക്കു​ക​യും സമാധാ​നത്തെ ഉന്നമി​പ്പി​ക്കു​ക​യും സാമൂ​ഹ്യ​നീ​തി​യെ പോഷി​പ്പി​ക്കു​ക​യും ഭൗതി​ക​സ​മൃ​ദ്ധി കൈവ​രു​ത്തു​ക​യും ചെയ്യാൻ കഴിവുള്ള ഒരു ഗവൺമെൻറി​നെ നാം ഇഷ്‌ട​പ്പെ​ടു​മാ​യി​രു​ന്നു. നിശ്ചയ​മാ​യും നാം മർദ്ദക​മ​ല്ലാ​ത്ത​തൊ അഴിമ​തി​യി​ല്ലാ​ത്ത​തൊ ആയ ഒരു ഗവൺമെൻറി​നെ ഇഷ്‌ട​പ്പെ​ടു​മാ​യി​രു​ന്നു.

ഖേദക​ര​മെ​ന്നു പറയട്ടെ, മിക്ക ഗവൺമെൻറു​ക​ളും ഈ വിധത്തി​ലു​ള്ള​വ​യാ​യി​രു​ന്നി​ട്ടില്ല. ഈ 20-ാം നൂററാ​ണ്ടി​ന്റെ ഉത്തരാർദ്ധ​ത്തിൽ ലോകം ആയിരി​ക്കു​ന്ന​തു​പോ​ലെ അതിനെ പരിഗ​ണി​ച്ചാൽ നാം എന്താണു കാണു​ന്നത്‌? ദാരി​ദ്ര്യ​വും അഴിമ​തി​യും പ്രാപ്‌തി​യി​ല്ലാ​യ്‌മ​യും മർദ്ദന​വും സാമൂഹ്യ അനീതി​യും കുററ​കൃ​ത്യ​വും അന്തർദ്ദേ​ശീയ സംഘർഷ​വും. ആയിര​ക്ക​ണ​ക്കി​നു വർഷങ്ങ​ളി​ലെ മാനുഷ ഗവൺമെൻറു​ക​ളു​ടെ അന്തിമ​ഫ​ല​മാ​ണിത്‌.

തീർച്ച​യാ​യും ഭരണാ​ധി​പൻമാ​രിൽ ചില വ്യക്തികൾ സൻമ​നോ​ഭാ​വ​മു​ള്ള​വ​രും പ്രാപ്‌തൻമാ​രു​മാ​യി​രു​ന്നി​ട്ടുണ്ട്‌ എന്നത്‌ സത്യം​തന്നെ. ചില ഗവൺമെൻറു​കൾ ആപേക്ഷി​ക​മാ​യി കുറേ​ക്കാ​ല​ത്തേക്ക്‌ ഉറപ്പു​ള്ള​തും ഫലപ്ര​ദ​വു​മാ​യി​രു​ന്നി​ട്ടു​മുണ്ട്‌. എന്നാൽ മാനുഷ ഗവൺമെൻറ്‌ മനുഷ്യ​വർഗ്ഗ​ത്തി​നു​വേണ്ടി ചെയ്യണ​മെന്ന്‌ നാം സഹജമാ​യി വിചാ​രി​ക്കു​ന്നതു ചെയ്യു​ന്ന​തിൽ മൊത്ത​ത്തി​ലുള്ള അതിന്റെ പരാജയം ഈ വിധത്തിൽ ബൈബിൾ പറയു​ന്ന​തി​ന്റെ സത്യതയെ തെളി​യി​ക്കു​ന്നു: “ഭൗമിക മമനു​ഷ്യ​ന്റെ വഴി അവനു​ള്ളതല്ല. തന്റെ കാലടി​യെ നേരെ നയിക്കു​ന്ന​തു​പോ​ലും നടക്കുന്ന മനുഷ്യ​നു​ള്ളതല്ല.” (യിരെ​മ്യാവ്‌ 10:23) മററു വാക്കു​ക​ളിൽ പറഞ്ഞാൽ, മനുഷ്യൻ പുറത്തു​നി​ന്നുള്ള സഹായം കൂടാതെ തന്നെത്തന്നേ നിയ​ന്ത്രി​ക്കാൻവേണ്ടി ഉണ്ടാക്ക​പ്പെ​ട്ട​വനല്ല.

അതു​കൊ​ണ്ടാണ്‌ ലോകാ​ധി​പ​ത്യം മാറുന്നു എന്നറി​യു​ന്നത്‌ നല്ലതാ​യി​രി​ക്കു​ന്നത്‌. ഇങ്ങനെ പറയു​ന്ന​തു​കൊണ്ട്‌ ഞങ്ങൾ എന്താണർത്ഥ​മാ​ക്കു​ന്നത്‌? മനുഷ്യ​വർഗ്ഗ​ത്തി​ന്റെ ദൈനം​ദിന ജീവി​ത​ത്തി​ന്റെ നിയ​ന്ത്രണം പൂർണ്ണ​മാ​യും വിജയ​പ്ര​ദ​മാ​യി​രി​ക്കു​ന്ന​തും തികച്ചും പുതിയ തരത്തി​ലു​ള്ള​തു​മായ ഗവൺമെൻറി​ന്റെ കൈക​ളിൽ ആയിത്തീ​രു​മെ​ന്നാണ്‌ ഞങ്ങൾ അർത്ഥമാ​ക്കു​ന്നത്‌. ഗവൺമെൻറി​ന്റെ മൗലി​ക​മായ ഈ മാററം ദൈവ​ത്താൽ മുൻകൂ​ട്ടി​പ്പ​റ​യ​പ്പെ​ട്ടി​രു​ന്നു. വാസ്‌ത​വ​ത്തിൽ, ഇതാണ്‌ ബൈബി​ളി​ന്റെ പ്രതി​പാ​ദ്യ​വി​ഷയം തന്നെ.

ഗവൺമെൻറി​നെ സംബന്ധിച്ച ദൈവ​ത്തി​ന്റെ താൽപ​ര്യം

ദൈവം എല്ലായ്‌പ്പോ​ഴും മനുഷ്യ​വർഗ്ഗ​ത്തി​ന്റെ ഭരണത്തിൽ താൽപ​ര്യ​മു​ള്ള​വ​നാ​യി​രു​ന്നി​ട്ടുണ്ട്‌. അവൻ, മാനു​ഷ​ഗ​വൺമെൻറു​കൾ അവയുടെ ഉത്തരവാ​ദി​ത്വം എത്ര​ത്തോ​ളം നിവർത്തി​ക്കു​ന്നു​വെന്ന്‌ അടുത്തു വീക്ഷി​ക്കു​ക​യും ചില​പ്പോൾ അവൻ അവരോട്‌ സമാധാ​നം ആവശ്യ​പ്പെ​ടു​ക​യും ചെയ്യുന്നു. വാസ്‌ത​വ​ത്തിൽ, ചരി​ത്ര​ത്തി​ലെ കഴിഞ്ഞ 2500 വർഷങ്ങ​ളി​ലെ ചില പ്രമുഖ ഭരണകൂ​ട​ങ്ങ​ളു​ടെ സംഭവ​ച​രി​ത്രം ബൈബി​ളിൽ മുൻകൂ​ട്ടി​പ്പ​റ​ഞ്ഞി​രു​ന്നു. ക്രിസ്‌തു​വി​ന്റെ ജനനത്തിന്‌ 500-ൽപരം വർഷങ്ങൾക്കു മുമ്പ്‌ എഴുത​പ്പെട്ട ദാനി​യേ​ലി​ന്റെ പുസ്‌ത​ക​ത്തിൽ പുരാതന ബാബി​ലോ​നി​ന്റെ വീഴ്‌ച​യെ​സം​ബ​ന്ധി​ച്ചും അതു​പോ​ലെ മെദോ പേർഷ്യ, ഗ്രീസ്‌, റോമാ എന്നിവ​യു​ടെ ഉയർച്ച​യും പതനവും സംബന്ധി​ച്ചും മുൻകൂ​ട്ടി​പ്പറഞ്ഞ പ്രവച​നങ്ങൾ രേഖ​പ്പെ​ടു​ത്തി​യി​രു​ന്നു. ഈ പ്രവച​ന​ങ്ങ​ളിൽ നമ്മുടെ സ്വന്തം നാളിലെ ആംഗ്ലോ-അമേരി​ക്കൻ ലോക​ശ​ക്തി​യു​ടെ വികാ​സത്തെ സംബന്ധി​ച്ചു​പോ​ലും മുൻകൂ​ട്ടി​പ്പ​റ​ഞ്ഞി​രു​ന്നു. ഈ പ്രവച​ന​ങ്ങ​ളിൽ ചിലവയെ സംബന്ധിച്ച ഒരു ഹ്രസ്വ​മായ പരിചി​ന്തനം ലോക​ഭ​ര​ണാ​ധി​പ​ത്യം മാറുന്നു എന്ന പ്രസ്‌താ​വ​ന​യു​ടെ അർത്ഥം ഗ്രഹി​ക്കാൻ നമ്മെ സഹായി​ക്കും.

അത്ഭുത​ക​ര​മാ​യ ഈ പ്രവച​ന​ങ്ങ​ളിൽ ഒന്നാമ​ത്തേത്‌ ദാനി​യേ​ലി​ന്റെ നാൾ മുതൽ നമ്മുടെ കാലം വരെയുള്ള ലോക​രാ​ഷ്‌ട്രീ​യ​ശ​ക്തി​കൾ ഒരു വലിയ ബിംബ​ത്താൽ പ്രതി​നി​ധാ​നം ചെയ്യ​പ്പെ​ടുന്ന ഒരു നിശ്വസ്‌ത സ്വപ്‌ന​മാ​യി​രു​ന്നു. പിന്നീട്‌, കൈക​ളാ​ല​ല്ലാ​തെ വെട്ടി​യെ​ടു​ക്ക​പ്പെട്ട ഒരു കല്ല്‌, ഈ ബിംബത്തെ അടിച്ചു​ത​കർത്തു​ക​ളഞ്ഞു. ആ കല്ല്‌ ഈ ലോക​ശ​ക്തി​കളെ, “വേനൽക്കാ​ലത്തെ കളത്തിലെ പതിർപോ​ലെ ആക്കുക​യും ഒന്നും അവശേ​ഷി​പ്പി​ക്കാ​തെ കാററ്‌ പറപ്പി​ച്ചു​കൊ​ണ്ടു​പോ​ക​യും ചെയ്യ”ത്തക്കവണ്ണം അവയെ തകർത്തു പൊടി​യാ​ക്കി​ക്ക​ളഞ്ഞു.—ദാനി​യേൽ 2:31-43.

ദാനി​യേ​ലി​ന്റെ അതേ അദ്ധ്യാ​യം​തന്നെ അതിന്റെ അർത്ഥ​മെ​ന്തെന്ന്‌ വിശദീ​ക​രി​ക്കു​ന്നു. അത്‌ പരാജ​യ​പ്പെ​ടുന്ന മനുഷ്യ​ഗ​വൺമെൻറു​കൾ സീമാ​തീ​ത​മാ​യി ഉയർന്ന ഒന്നിനാൽ മാററി​സ്ഥാ​പി​ക്ക​പ്പെ​ടു​മെന്ന്‌ കാണി​ക്കു​ന്നു. അത്‌ നമ്മോട്‌ ഇപ്രകാ​രം പറയുന്നു: “ആ രാജാ​ക്കൻമാ​രു​ടെ കാലത്ത്‌ സ്വർഗ്ഗ​സ്ഥ​നായ ദൈവം ഒരിക്ക​ലും നശിപ്പി​ക്ക​പ്പെ​ടു​ക​യി​ല്ലാത്ത ഒരു രാജത്വം സ്ഥാപി​ക്കും. ആ രാജത്വം​തന്നെ മററ്‌ യാതൊ​രു ജനത്തി​നും കൈമാ​റ​പ്പെ​ടു​ക​യില്ല. അത്‌ ഈ [മാനുഷ] രാജത്വ​ങ്ങളെ ഒക്കെയും തകർത്ത്‌ അന്തം വരുത്തു​ക​യും അതുതന്നേ അനിശ്ചി​ത​കാ​ല​ത്തോ​ളം നിലനിൽക്കു​ക​യും ചെയ്യും . . . സ്വപ്‌നം ആശ്രയ​യോ​ഗ്യ​വും അതിന്റെ വ്യാഖ്യാ​നം വിശ്വ​സ​നീ​യ​വു​മാ​കു​ന്നു.”—ദാനി​യേൽ 2:44, 45.

എന്നാൽ അത്‌ കാര്യ​ങ്ങ​ളു​ടെ സമാപ്‌തി​യ​ല്ലാ​യി​രു​ന്നു. രണ്ടാമ​തൊ​രു ദർശന​ത്തിൽ ക്രമാ​നു​ഗ​ത​മാ​യി തുടർന്നു​വ​രുന്ന ലോക​ശ​ക്തി​കൾ, പ്രതി​നി​ധാ​നം​ചെ​യ്യ​പ്പെ​ടുന്ന ശക്തിയു​ടെ സ്വഭാ​വ​വി​ശേ​ഷ​തകൾ ഉണ്ടായി​രുന്ന വലിയ കാട്ടു​മൃ​ഗ​ങ്ങ​ളാൽ പ്രതി​നി​ധാ​നം​ചെ​യ്യ​പ്പെട്ടു. പിന്നീട്‌ ദാനി​യേ​ലി​നെ “ദിവസ​ങ്ങ​ളിൽ പുരാ​ത​ന​നായ”വന്റെ ഭയജന​ക​മായ സ്വർഗ്ഗീയ സിംഹാ​സനം വരെ കാണു​ന്ന​തിന്‌ അനുവ​ദി​ച്ചു, അവന്റെ കാലത്തല്ല, നമ്മുടെ സ്വന്തം കാലത്തെ ആംഗ്ലോ-അമേരി​ക്കൻ ലോക​ശ​ക്തി​യു​ടെ വാഴ്‌ച​ക്കാ​ലത്ത്‌ സംഭവി​ക്കാ​നി​രുന്ന ചില കാര്യ​ങ്ങ​ളും അവനെ കാണിച്ചു. അവൻ ഈ ലോക​ശ​ക്തി​കളെ ന്യായം​വി​ധി​ക്കു​ന്ന​തിന്‌ യഹോ​വ​യു​ടെ മഹത്തായ സ്വർഗ്ഗീയ കോടതി ഇരിക്കു​ന്ന​തും കണ്ടു. (ദാനി​യേൽ 7:2-12) താഴെ​ക്കൊ​ടു​ക്കുന്ന വാക്യങ്ങൾ കാണി​ക്കു​ന്ന​തു​പോ​ലെ ഒരു ഭരണമാ​റ​റ​ത്തി​നുള്ള ദിവ്യ ഉത്തരവ്‌ പുറ​പ്പെ​ടു​വി​ക്ക​പ്പെട്ടു. ഈ ഭരണാ​ധി​പ​ത്യം ആർക്കു കൊടു​ക്ക​പ്പെ​ടും?

മനുഷ്യ​പു​ത്ര​നോ​ടു സദൃശ​നായ ഒരുവൻ

ദാനി​യേൽ കോൾമ​യിർ കൊള്ളി​ക്കുന്ന ഉത്തരം നൽകുന്നു:

“രാത്രി​ദർശ​ന​ങ്ങ​ളിൽ ഞാൻ നോക്കി​ക്കൊ​ണ്ടി​രു​ന്നു, അതാ കാൺമിൻ! മനുഷ്യ​പു​ത്ര​നോ​ടു സദൃശ​നായ ഒരുവൻ ആകാശ​മേ​ഘ​ങ്ങ​ളോ​ടെ വന്നു; അവന്‌ ദിവസ​ങ്ങ​ളിൽ പുരാ​ത​ന​നാ​യ​വന്റെ അടുക്കൽ പ്രവേ​ശനം ലഭിച്ചു, അവർ അവനെ ആ ഒരുവന്റെ അടുക്കൽത്തന്നെ അടുത്തു കൊണ്ടു​വന്നു. ജനങ്ങളും ദേശീ​യ​കൂ​ട്ട​ങ്ങ​ളും ഭാഷക​ളു​മെ​ല്ലാം അവനെ​ത്തന്നെ സേവി​ക്കേ​ണ്ട​തിന്‌ അവന്‌ ആധിപ​ത്യ​വും മഹത്വ​വും രാജത്വ​വും കൊടു​ക്ക​പ്പെട്ടു. അവന്റെ ഭരണാ​ധി​പ​ത്യം നീങ്ങി​പ്പോ​കാത്ത അനിശ്ചി​ത​മാ​യി നിലനിൽക്കുന്ന ഭരണാ​ധി​പ​ത്യ​വും അവന്റെ രാജത്വം നശിപ്പി​ക്ക​പ്പെ​ടാൻ കഴിയാത്ത ഒന്നും ആകുന്നു.”—ദാനി​യേൽ 7:13, 14.

അങ്ങനെ, “ദിവസ​ങ്ങ​ളിൽ പുരാ​ത​ന​നായ” യഹോ​വ​യാം ദൈവം​തന്നെ ഞെരു​ക്കുന്ന മാനു​ഷ​ഗ​വൺമെൻറു​ക​ളാ​ലുള്ള ദുർഭ​ര​ണത്തെ അവസാ​നി​പ്പി​ക്കു​മെന്ന്‌ മുൻകൂ​ട്ടി​പ്പ​റ​യാൻ ദാനി​യേൽ ഉപയോ​ഗി​ക്ക​പ്പെട്ടു. അവൻ ഇതിന്റെ സ്ഥാനത്ത്‌ മനുഷ്യ​വർഗ്ഗ​ത്തിന്‌ സങ്കൽപ്പി​ക്കാൻ കഴിയു​ന്ന​തി​നേ​ക്കാൾ മെച്ചമായ ഒരു ഗവൺമെൻറ്‌—സ്വർഗ്ഗ​ത്തിൽനിന്ന്‌ ശക്തിയും അധികാ​ര​വും പ്രയോ​ഗി​ക്കുന്ന ഒരു അദൃശ്യ രാജ്യം—സ്ഥാപി​ക്കു​ന്ന​താ​യി​രി​ക്കും. എന്നാൽ രാജ്യം ലഭിക്കുന്ന ഈ “മനുഷ്യ​പു​ത്ര​നോ​ടു സദൃശ്യ​നായ ഒരുവൻ” ആരാണ്‌?

നാം സംശയ​ത്തിൽ വിട​പ്പെ​ട്ടി​ട്ടില്ല. യേശു തന്നെത്തന്നേ “മനുഷ്യ​പു​ത്രൻ” എന്നു തിരി​ച്ച​റി​യി​ച്ചു. അവൻ തന്റെ സാന്നി​ദ്ധ്യ​ത്തെ “മനുഷ്യ​പു​ത്രൻ തന്റെ മഹത്വ​ത്തിൽ എല്ലാ ദൂതൻമാ​രോ​ടും​കൂ​ടെ വന്നെത്തുന്ന” സമയ​മെന്ന്‌ വർണ്ണിച്ചു. (മത്തായി 25:31) യഹൂദ​മ​ഹാ​പു​രോ​ഹി​തൻ യേശു​വി​നോ​ടു താൻ “ദൈവ​പു​ത്ര​നായ ക്രിസ്‌തു” തന്നെയാ​ണോ​യെന്ന്‌ കോട​തി​യോ​ടു പറയു​ന്ന​തിന്‌ ആവശ്യ​പ്പെ​ട്ട​പ്പോൾ യേശു ഇപ്രകാ​രം മറുപടി പറഞ്ഞു: “നീതന്നേ അതു പറഞ്ഞി​രി​ക്കു​ന്നു. എന്നിരു​ന്നാ​ലും പുരു​ഷൻമാ​രേ ഞാൻ നിങ്ങ​ളോ​ടു പറയുന്നു, ഇനിയും മനുഷ്യ​പു​ത്രൻ ശക്തിയു​ടെ വലത്തു​ഭാ​ഗത്ത്‌ ഇരിക്കു​ന്ന​തും ആകാശ​മേ​ഘ​ങ്ങ​ളോ​ടെ വരുന്ന​തും നിങ്ങൾ കാണും.”a—മത്തായി 26:63, 64.

അവസാ​നത്തെ മാനുഷ ലോക​ശ​ക്തി

ദാനി​യേ​ലി​ന്റെ കാലത്തിന്‌ 600-ഓളം വർഷങ്ങൾക്കു​ശേഷം അപ്പോ​സ്‌ത​ല​നായ യോഹ​ന്നാൻ ദിവ്യ​നി​ശ്വ​സ്‌ത​ത​യിൽ വെളി​പ്പാട്‌ എന്ന ബൈബിൾപു​സ്‌തകം എഴുതി. ആ പുസ്‌തകം ഈ ലോക​ശ​ക്തി​കളെ ശക്തരായ “രാജാ​ക്കൻമാർ” എന്നു പരാമർശി​ച്ചു​കൊണ്ട്‌ ഇപ്രകാ​രം പറയുന്നു: “ഏഴു രാജാ​ക്കൻമാർ ഉണ്ട്‌: അഞ്ചുപേർ വീണു​പോ​യി, ഒരുത്തൻ ഉണ്ട്‌, മററവൻ ഇതുവരെ വന്നിട്ടില്ല, അവൻ വരിക​തന്നെ ചെയ്യു​മ്പോൾ അവൻ അൽപ്പകാ​ല​ത്തേക്ക്‌ നിൽക്കണം.”—വെളി​പ്പാട്‌ 17:10.

യോഹ​ന്നാൻ ഇത്‌ എഴുതി​യ​പ്പോൾ വീണു​ക​ഴി​ഞ്ഞി​രുന്ന അഞ്ചുപേർ ഈജി​പ്‌ററ്‌, അസ്സീറി​യാ, ബാബി​ലോൺ, മെദോ-പേർഷ്യ, ഗ്രീസ്‌ എന്നിവ​യാ​യി​രു​ന്നു. റോമാ​സാ​മ്രാ​ജ്യം അപ്പോ​ഴും “ഉണ്ടായി​രു​ന്നു.” പ്രത്യ​ക്ഷ​ത്തിൽ, ഏഴാമ​ത്തേത്‌, നമ്മുടെ കാലത്തെ ആംഗ്ലോ-അമേരി​ക്കൻ ലോക​ശക്തി, വന്നിട്ടു​ണ്ടാ​യി​രു​ന്നില്ല. വെളി​പ്പാട്‌ അനുസ​രിച്ച്‌ ഇന്നു നിലവി​ലി​രി​ക്കുന്ന ഏഴാമ​ത്തേ​തി​നെ ഒരു ലോക​ശ​ക്തി​യും അതിജീ​വി​ക്കു​ന്നില്ല. ഇത്‌ അവസാ​ന​ത്തേ​താണ്‌. ഇനി വേറെ​യില്ല.

എന്നിരു​ന്നാ​ലും അത്‌ ഒരു ഭീതി​ദ​മായ ആശയമാ​യി​രി​ക്ക​രുത്‌—അതൊരു പുളക​പ്ര​ദ​മായ ആശയമാണ്‌! അതിന്റെ അർത്ഥം അനീതി​യും പരസ്‌പര ശത്രു​ത​യിൽ വർത്തി​ക്കുന്ന മാനുഷ ഭരണാ​ധി​പ​ത്യ​വും അവസാ​ന​ത്തോ​ട​ടു​ക്കു​ന്നു​വെ​ന്നാണ്‌. ഈ പ്രവച​നങ്ങൾ ഭൂമി ഭരിക്ക​പ്പെ​ടുന്ന വിധത്തി​ലെ ഒരു ഗൗരവ​ത​ര​മായ മാററ​ത്തെ​ക്കു​റിച്ച്‌—സ്വാർത്ഥ​പൂർവ​ക​മായ മാനു​ഷ​ഗ​വൺമെൻറിൽനിന്ന്‌ നീതി​യുള്ള ഒരു സ്വർഗ്ഗീയ ദൈവ​രാ​ജ്യ​ത്തി​ലേ​ക്കുള്ള മാററ​ത്തെ​ക്കു​റിച്ച്‌— പറയു​ന്ന​തിൽ യോജി​ക്കു​ന്നു.

രാജ്യ​ഗ​വൺമെൻറ്‌

എന്നാൽ ആ രാജ്യം ഏതാണ്‌? അത്‌ കേവലം മനുഷ്യ​രു​ടെ ഹൃദയ​ങ്ങ​ളി​ലും ജീവി​ത​ങ്ങ​ളി​ലും നൻമക്കു​വേ​ണ്ടി​യുള്ള ഒരു സ്വാധീ​ന​ത്തെ​ക്കാൾ വളരെ കവിഞ്ഞ​താണ്‌. അത്‌ ക്രൈ​സ്‌ത​വസഭ എന്നു വിളി​ക്ക​പ്പെ​ടു​ന്ന​തി​ന്റെ ജീവി​ത​ത്തെ​ക്കാ​ളും വളരെ കവിഞ്ഞ​താണ്‌. ദൈവ​രാ​ജ്യം ഒരു യഥാർത്ഥ ഗവൺമെൻറാണ്‌. അതിന്‌ ഒരു രാജാ​വും സഹഭര​ണാ​ധി​പൻമാ​രും ഒരു പ്രദേ​ശ​വും പ്രജക​ളും ഉണ്ട്‌. അത്‌ നേരത്തെ പരാമർശിച്ച അത്ഭുത​ക​ര​മായ അനു​ഗ്ര​ഹങ്ങൾ ഉളവാ​ക്കു​ക​യും ചെയ്യും.

യേശു ആ രാജ്യ​ത്തി​ന്റെ രാജാ​വാ​യി തിരി​ച്ച​റി​യി​ക്ക​പ്പെ​ടു​ന്നു. അവൻ, “തനിക്കു​തന്നേ രാജാ​ധി​കാ​രം നേടി മടങ്ങി​വ​രു​ന്ന​തി​നു​വേണ്ടി ദൂര​ദേ​ശ​ത്തേക്കു യാത്ര​ചെയ്‌ത” കുലീ​ന​നായ ഒരു മനുഷ്യ​നോ​ടു തന്നെത്തന്നേ ഉപമിച്ചു. ആ ഭാവി​സ​മ​യ​ത്തേ​ക്കു​റിച്ച്‌ അവൻ പറഞ്ഞു: “മനുഷ്യ​പു​ത്രൻ സകല ദൂതൻമാ​രു​മാ​യി തന്റെ മഹത്വ​ത്തിൽ വന്നെത്തു​മ്പോൾ അവൻ തന്റെ മഹത്വ​മുള്ള സിംഹാ​സ​ന​ത്തിൽ ഇരിക്കും.”—ലൂക്കോസ്‌ 19:12; മത്തായി 25:31.

“മനുഷ്യ​പു​ത്രൻ” വരുന്ന​തെ​പ്പോ​ഴാ​യി​രി​ക്കും? നാം ഉത്തരം ഊഹി​ക്കേണ്ട കാര്യ​മില്ല. യേശു​വി​ന്റെ വാക്കുകൾ “നിന്റെ സാന്നി​ദ്ധ്യ​ത്തി​ന്റെ​യും വ്യവസ്ഥി​തി​യു​ടെ സമാപ​ന​ത്തി​ന്റെ​യും അടയാളം എന്തായി​രി​ക്കും?” എന്ന ചോദ്യ​ത്തി​നുള്ള അവന്റെ ഉത്തരത്തി​ന്റെ ഭാഗമാണ്‌. (മത്തായി 24:3, 30) ഈ മാസി​ക​യു​ടെ കോള​ങ്ങ​ളിൽ മിക്ക​പ്പോ​ഴും കാണി​ച്ചി​ട്ടു​ള്ള​തു​പോ​ലെ, ആ “സാന്നി​ദ്ധ്യം” 1914-ൽ “രാഷ്‌ട്ര​ങ്ങ​ളു​ടെ നിയമിത കാലങ്ങ​ളു​ടെ” അവസാ​ന​ത്തിൽ സ്വർഗ്ഗ​ങ്ങ​ളിൽ അദൃശ്യ​മാ​യി തുടങ്ങി.b—ലൂക്കോസ്‌ 21:24.

സംഭവി​ക്കു​മെന്ന്‌ വെളി​പ്പാട്‌ 12-ാം അദ്ധ്യാ​യ​ത്തിൽ പറഞ്ഞി​രു​ന്ന​തു​പോ​ലെ, യേശു തന്റെ അധികാ​രം ഏറെറ​ടു​ക്കു​ക​യും സാത്താനെ സ്വർഗ്ഗ​ത്തിൽനിന്ന്‌ ഭൂമി​യു​ടെ പരിസ​ര​ത്തി​ലേക്ക്‌ താഴോട്ട്‌ ചുഴറ​റി​യെ​റി​യു​ക​യും ചെയ്‌തു. സ്വർഗ്ഗ​ത്തിൽ ഒരു ശബ്ദം ഇപ്രകാ​രം പ്രഖ്യാ​പി​ച്ചു: “ഇപ്പോൾ നമ്മുടെ ദൈവ​ത്തി​ന്റെ രക്ഷയും ശക്തിയും രാജ്യ​വും അവന്റെ ക്രിസ്‌തു​വി​ന്റെ ആധിപ​ത്യ​വും തുടങ്ങി​യി​രി​ക്കു​ന്നു, എന്തു​കൊ​ണ്ടെ​ന്നാൽ നമ്മുടെ സഹോ​ദ​രൻമാ​രു​ടെ അപവാ​ദി​യെ താഴോ​ട്ടു ചുഴറ​റി​യെ​റി​ഞ്ഞു​വ​ല്ലോ.” ഇത്‌ ആ സമയം​മു​തൽ ലോകാ​വ​സ്ഥകൾ വഷളാ​യി​ക്കൊ​ണ്ടി​രി​ക്കു​ന്ന​തി​ന്റെ കാരണം വ്യക്തമാ​ക്കു​ന്നു. അപ്രകാ​രം സ്വർഗ്ഗ​ത്തി​ലെ ശബ്ദം തുടർന്നു: “ഭൂമി​ക്കും സമു​ദ്ര​ത്തി​നും അയ്യോ കഷ്ടം, എന്തു​കൊ​ണ്ടെ​ന്നാൽ സാത്താൻ തനിക്ക്‌ ചുരു​ങ്ങിയ കാലഘ​ട്ട​മേ​യു​ള്ളു​വെ​ന്ന​റി​ഞ്ഞു​കൊണ്ട്‌ മഹാ കോപ​ത്തോ​ടെ നിങ്ങളു​ടെ അടുക്ക​ലേക്ക്‌ ഇറങ്ങി വന്നിരി​ക്കു​ന്നു.”—വെളി​പ്പാട്‌ 12:9-12.

ആ ചുരു​ങ്ങിയ കാലം പെട്ടെന്ന്‌ അവസാ​നി​ക്കും. ഏതാനും അദ്ധ്യാ​യങ്ങൾ കഴിഞ്ഞ്‌ മഹത്വീ​ക​രി​ക്ക​പ്പെട്ട യേശു ഒരു വെള്ളക്കു​തി​ര​പ്പു​റത്തു കാണ​പ്പെ​ടു​ന്നു. അവൻ “ദൈവ​വ​ചനം” എന്നു വിളി​ക്ക​പ്പെ​ടു​ന്നു. അവൻ “രാഷ്‌ട്ര​ങ്ങളെ വെട്ടു​ക​യും” “ഒരു ഇരുമ്പു​കോൽകൊണ്ട്‌ അവയെ മേയി​ക്കു​ക​യും” ചെയ്യും—മുഴു​ഭൂ​മി​യി​ലും നിറയുന്ന ദൈവ​ത്തി​ന്റെ കല്ലുസ​മാ​ന​മായ രാജ്യ​ത്താൽ തകർക്ക​പ്പെ​ടു​മെന്ന്‌ ദാനി​യേൽ പ്രകട​മാ​ക്കി​യി​രു​ന്ന​തു​പോ​ലെ​തന്നെ.—വെളി​പ്പാട്‌ 19:11-16; ദാനി​യേൽ 2:34, 35, 44, 45.

വീണ്ടും ഒരിക്ക​ലും കാട്ടു​മൃ​ഗ​ത്തെ​പ്പോ​ലെ​യുള്ള മാനുഷ രാഷ്‌ട്രീയ ശക്തികൾ മനുഷ്യ​വർഗ്ഗത്തെ ഞെരു​ക്കു​ക​യില്ല!

സഹഭര​ണാ​ധി​കാ​രി​കൾ

എന്നാൽ അതില​ധി​ക​മുണ്ട്‌. രാജ്യം “മനുഷ്യ​പു​ത്ര​നോ​ടു സദൃശ​നായ ഒരുവനു” മാത്രമല്ല പിന്നെ​യോ “അത്യു​ന്ന​തന്റെ വിശു​ദ്ധൻമാ​രായ ജനത്തി​നും” കൊടു​ക്ക​പ്പെ​ടും എന്ന്‌ പറയു​ന്ന​തിന്‌ ദാനി​യേൽ നിശ്വ​സ്‌ത​നാ​ക്ക​പ്പെട്ടു.—ദാനി​യേൽ 7:27.

ഇവർ ആരാണ്‌? വെളി​പ്പാട്‌ കുഞ്ഞാ​ടായ ക്രിസ്‌തു​യേ​ശു​വി​നെ​ക്കു​റിച്ച്‌ ഇപ്രകാ​രം പറയുന്നു: “നീ ദൈവ​ത്തി​നു​വേണ്ടി സകല ഗോ​ത്ര​ങ്ങ​ളിൽനി​ന്നും ഭാഷക​ളിൽനി​ന്നും ജനങ്ങളിൽനി​ന്നും രാഷ്‌ട്ര​ങ്ങ​ളിൽനി​ന്നു​മുള്ള ആളുകളെ വിലക്കു​വാ​ങ്ങു​ക​യും നീ അവരെ നമ്മുടെ ദൈവ​ത്തിന്‌ ഒരു രാജ്യ​വും പുരോ​ഹി​തൻമാ​രും ആക്കുക​യും ചെയ്‌തു, അവർ ഭൂമി​മേൽ രാജാ​ക്കൻമാ​രാ​യി വാഴേ​ണ്ട​താ​കു​ന്നു.” അവർ “ദൈവ​ത്തി​ന്റെ​യും ക്രിസ്‌തു​വി​ന്റെ​യും പുരോ​ഹി​തൻമാ​രാ​യി അവനോ​ടു​കൂ​ടെ രാജാ​ക്കൻമാ​രാ​യി ആയിരം വർഷം വാഴും” എന്ന്‌ അത്‌ കൂടു​ത​ലാ​യി പറയുന്നു. അവരുടെ സംഖ്യ 144000 ആണെന്നു പറയ​പ്പെ​ട്ടി​രി​ക്കു​ന്നു.—വെളി​പ്പാട്‌ 5:9, 10; 14:1; 20:6.

ഇവരാണ്‌ അത്യു​ന്ന​ത​നായ ദൈവം തന്റെ പുത്ര​നായ യേശു​ക്രി​സ്‌തു​വി​നോ​ടൊത്ത്‌ ലോക​ഗ​വൺമെൻറിൽ പങ്കുണ്ടാ​യി​രി​ക്കാൻ തിര​ഞ്ഞെ​ടു​ക്കു​ന്നവർ. നമ്മുടെ ഭാവി ദൈവം തിര​ഞ്ഞെ​ടു​ക്കുന്ന ഇവരു​ടേ​തി​നേ​ക്കാൾ അധികം സുരക്ഷി​ത​മായ കൈക​ളി​ലാ​യി​രി​ക്കാൻ കഴിയു​മോ? ഇല്ല, ഈ രാജ്യം സാധ്യ​മാ​യ​തി​ലേ​ക്കും ഏററം മെച്ചപ്പെട്ട ഗവൺമെൻറാ​യി​രി​ക്കും—മനുഷ്യൻ ഇതുവരെ അറിഞ്ഞി​ട്ടുള്ള ഏതൊ​ന്നി​നേ​ക്കാ​ളും വളരെ​യ​ധി​കം ഉയർന്നത്‌. അതിന്റെ ഭരണത്തിൻകീ​ഴിൽ മുഴു​ഭൂ​മി​യും ആദിയിൽ ദൈവ​ത്താൽ ഉദ്ദേശി​ക്ക​പ്പെ​ട്ടി​രു​ന്ന​തു​പോ​ലെ പരദീ​സ​യാ​യി രൂപാ​ന്ത​ര​പ്പെ​ടു​ത്ത​പ്പെ​ടും.

തുടർന്നു​വ​രു​ന്ന ലേഖനം വായി​ക്കു​ക​യും ഇത്തരം ഗവൺമെൻറിൻകീ​ഴി​ലാ​ണോ നിങ്ങൾ ജീവി​ക്കാൻ ഇഷ്ടപ്പെ​ടു​ന്ന​തെന്ന്‌ കാണു​ക​യും​ചെ​യ്യുക. (w88 6/15)

[അടിക്കു​റിപ്പ്‌]

[8-ാം പേജിലെ ചതുരം]

“യേശു​വി​ന്റെ പഠിപ്പി​ക്ക​ലി​ന്റെ കേന്ദ്ര​വി​ഷയം”

“ദൈവ​രാ​ജ്യ​വി​ഷയം യേശു​വി​ന്റെ പഠിപ്പി​ക്ക​ലിൽ ഒരു പ്രമു​ഖ​സ്ഥാ​നം വഹിക്കു​ന്നു.—ന്യൂ കാത്തലിക്ക എൻ​സൈ​ക്ലോ​പീ​ഡി​യാ.

“[ദൈവ​രാ​ജ്യം] യേശു​വി​ന്റെ പഠിപ്പി​ക്ക​ലി​ന്റെ കേന്ദ്ര വിഷയ​മാ​യി പൊതു​വേ പരിഗ​ണി​ക്ക​പ്പെ​ടു​ന്നു.”—എൻ​സൈ​ക്ലോ​പീ​ഡി​യാ ബ്രിട്ടാ​നി​ക്കാ.

എന്നാൽ നിങ്ങൾ “യേശു​വി​ന്റെ പഠിപ്പി​ക്ക​ലി​ന്റെ ആ കേന്ദ്ര​വി​ഷയം” ഒരു പള്ളിയിൽ ചർച്ച​ചെ​യ്യ​പ്പെ​ട്ടു​കേട്ട അവസാന സന്ദർഭ​മേ​താ​യി​രു​ന്നു?

[9-ാം പേജിലെ ചതുരം]

ദൈവരാജ്യത്തെസംബന്ധിച്ച കുഴച്ചിൽ

ചിലയാ​ളു​കൾ “ഭൂമി​യി​ലെ സഭ”യാണ്‌ ദൈവ​രാ​ജ്യ​മെന്ന്‌ വിചാ​രി​ച്ച​പ്പോൾ മററു​ള്ളവർ ഇന്നത്തെ ലോകം “രാജ്യ​മാ​യി​ത്തീ​രു​ന്ന​തു​വരെ ക്രിസ്‌തീയ സ്വാധീ​ന​ത്തിൻകീ​ഴിൽ വികാസം പ്രാപി​ക്കു”മെന്ന്‌ വിശ്വ​സി​ച്ചു. പിന്നെ​യും മററു ചിലർ ദൈവ​രാ​ജ്യം “വ്യക്തി​യു​ടെ ഹൃദയ​ത്തി​ലും ജീവി​ത​ത്തി​ലു​മുള്ള ദൈവ​ത്തി​ന്റെ വാഴ്‌ച​യാ​ണെന്ന്‌” പറയുന്നു.

എന്നാൽ ദൈവ​രാ​ജ്യ​ത്തിന്‌ ഇതു മാത്ര​മാ​ണോ ഉള്ളത്‌—ഒരു മതപര​മായ വ്യവസ്ഥി​തി, സാവകാ​ശ​ത്തി​ലുള്ള രാഷ്‌ട്രീ​യ​മാ​ററം, ആളുക​ളു​ടെ ഹൃദയ​ത്തി​ലെ ഒരു ആത്മീയ അവസ്ഥ?