നിങ്ങൾ പുതിയ ആശയങ്ങളെ സ്വാഗതം ചെയ്യു​ന്നു​വോ?

ചിലയാ​ളു​കൾ ഏതു പുതിയ ആശയം സംബന്ധി​ച്ചും തങ്ങളുടെ മനസ്സട​ച്ചു​ക​ള​യു​ന്നു. അത്‌ തങ്ങളുടെ വീക്ഷണ​ഗ​തി​യിൽനിന്ന്‌ വ്യത്യ​സ്‌ത​മാ​യി​രി​ക്കു​ന്ന​തു​കൊ​ണ്ടാ​യി​രി​ക്കാം അതിനെ തള്ളുന്നത്‌. ഉദാഹ​ര​ണ​ത്തിന്‌, ഡൻമാർക്കി​ലെ ഒരു പ്രത്യേക സ്‌ത്രീ ഹെജമ​ററ എന്ന വാരി​കക്ക്‌ എഴുതി​ക്കൊണ്ട്‌ ഇങ്ങനെ പറഞ്ഞു: “ഞങ്ങൾ ഞങ്ങളുടെ വാതിൽക്കൽ യഹോ​വ​യു​ടെ സാക്ഷി​ക​ളാൽ നിരന്തരം സന്ദർശി​ക്ക​പ്പെ​ടു​ക​യാണ്‌. അവർ എന്നെ ഭയങ്കര​മാ​യി ശല്യ​പ്പെ​ടു​ത്തു​ന്നു. എന്നാൽ അവരെ എങ്ങനെ പറഞ്ഞു​വി​ടാ​മെന്ന്‌ എനിക്ക്‌ കണ്ടുപി​ടി​ക്കാൻ കഴിയു​ന്നില്ല. . . . അവരുടെ ശല്യ​പ്പെ​ടു​ത്ത​ലി​നെ നിയമ​ത്താൽ തടയേ​ണ്ട​ത​ല്ല​യോ?”

പത്തൊൻപ​താം നൂററാ​ണ്ടി​ന്റെ മദ്ധ്യത്തി​ലെ ജപ്പാൻകാർക്ക്‌ പാശ്ചാ​ത്യ​രാ​ലുള്ള അവരുടെ വാതിൽക്കലെ മുട്ടലും “ശല്യ​പ്പെ​ടു​ത്തൽ” ആയിട്ടാണ്‌ വീക്ഷി​ക്ക​പ്പെ​ട്ടത്‌. അവരിൽ അനേക​രു​ടെ​യും ദൃഷ്ടി​യിൽ നുഴഞ്ഞു​ക​യ​റ​റ​ക്കാ​രോ​ടു ബന്ധപ്പെട്ട സകലവും വില​കെ​ട്ട​തും ഹാനി​ക​രം​പോ​ലു​മാ​യി​രു​ന്നു. ഒരു പൗരസ്‌ത്യ​പ​ഴ​മൊ​ഴി പറയു​ന്ന​തു​പോ​ലെ, “സംശയം ഇരുട്ടിൽ ഭീകര​രൂ​പി​കളെ സൃഷ്ടി​ക്കു​ന്നു.” അനേകം ജപ്പാൻകാ​രു​ടെ മനസ്ഥിതി കമഡോർ പെറിയെ ചിത്രീ​ക​രി​ക്കുന്ന അവരുടെ വരകളിൽ നന്നായി ദൃഷ്ടാ​ന്തീ​ക​രി​ക്ക​പ്പെട്ടു. ശേഷി​ക്കുന്ന ഏതാണ്ട്‌ 50 ചിത്ര​ങ്ങ​ളിൽ 2ഓ 3ഓ മാത്രമേ സാധാ​ര​ണ​യുള്ള ഒരു അമേരി​ക്കൻ നാവി​കോ​ദ്യോ​ഗ​സ്ഥ​നെ​പ്പോ​ലെ അദ്ദേഹത്തെ പ്രതി​നി​ധാ​നം​ചെ​യ്യു​ന്നു​ള്ളു. മററുള്ളവ ഇവിടെ ചിത്രീ​ക​രി​ച്ചി​രി​ക്കു​ന്ന​തു​പോ​ലെ നീണ്ട മൂക്കുള്ള ഒരു വേതാ​ള​ത്തെ​പ്പോ​ലെ​യോ വിളറിയ മുഖമുള്ള ഒരു രാക്ഷസ​നെ​പ്പേ​ലെ​യോ വരച്ചു​കാ​ട്ടു​ന്നു.

എന്നിരു​ന്നാ​ലും, തങ്ങളുടെ രാജ്യ​ത്തി​ന്റെ തുറക്ക​ലോ​ടെ വിദേ​ശി​കൾ കിരാ​തൻമാ​ര​ല്ലെന്ന്‌ വിശാ​ല​മ​ന​സ്‌ക്ക​രായ ജപ്പാൻകാർ തിരി​ച്ച​റി​യാ​നി​ട​യാ​യി. ഐക്യ​നാ​ടു​ക​ളി​ലേ​ക്കുള്ള ഒന്നാമത്തെ ജാപ്പനീസ്‌ നിയു​ക്ത​സ​മി​തി​യിൽപെട്ട ചിലരു​ടെ കാര്യ​ത്തിൽ അത്‌ ആദ്യമാ​യി പാശ്ചാ​ത്യ​സം​സ്‌ക്കാ​രം കണ്ടപ്പോൾ അവരുടെ കണ്ണുക​ളിൽനിന്ന്‌ ചെതുമ്പൽ വീണതു​പോ​ലെ​യാ​യി​രു​ന്നു. ഒരു ജാപ്പനീസ്‌ വീക്ഷണ​ത്തിൽ അമേരി​ക്ക​ക്കാർ എത്ര മര്യാ​ദ​കെ​ട്ട​വ​രാ​ണെന്ന്‌ ഉയർന്ന ഉദ്യോ​ഗ​സ്ഥൻമാർ പരാതി​പ്പെ​ട്ടു​കൊ​ണ്ടി​രു​ന്നു. എന്നാൽ ഇളംത​ല​മുറ പുതിയ സംസ്‌ക്കാ​ര​ത്തെ​ക്കു​റിച്ച്‌ കൂടുതൽ സന്തുലി​ത​മായ ഒരു വിധി നൽകി.

ഒരു ഉയർന്ന ഉദ്യോ​ഗ​സ്ഥന്റെ 19 വയസ്സു​കാ​രൻ സേവകൻ പിന്നീട്‌ ഇങ്ങനെ എഴുതി: “ഈ ദൗത്യം സംബന്ധിച്ച 70 ജാപ്പനീസ്‌ പ്രതി​നി​ധി​ക​ളിൽ മിക്കവ​രും [അമേരി​ക്ക​ക്കാ​രോ​ടു] നീരസ​പ്പെട്ടു, അല്ലെങ്കിൽ അവരെ വെറുത്തു. എന്നിരു​ന്നാ​ലും, യഥാർത്ഥ അവസ്ഥകൾ നേരിൽ കണ്ടപ്പോൾ അവരുടെ ഇടയിലെ വ്യക്തികൾ തങ്ങൾക്കു തെററു​പ​റ​റി​യെന്നു തിരി​ച്ച​റി​യു​ക​യും അങ്ങനെ​യുള്ള വികാ​രങ്ങൾ വെച്ചു​പു​ലർത്തി​യ​തിൽ ഖേദി​ക്കു​ക​യും ചെയ്‌തു. വിദേ​ശി​കൾ പട്ടിക​ളെ​യും കുതി​ര​ക​ളെ​യും പോലെ ഹീനരാ​ണെന്നു പരിഗ​ണി​ക്കു​ന്ന​തും അവരെ നിന്ദി​ക്കു​ന്ന​തും അവരിൽനിന്ന്‌ കരുണ​യി​ല്ലാ​ത്ത​വ​രും നീതി​കെ​ട്ട​വ​രു​മാ​യി​രി​ക്കു​ന്ന​തി​ന്റെ കുപ്ര​സി​ദ്ധി നേടു​ക​യേ​യു​ള്ളു.” ഈ യുവ​സേ​വ​ക​ന്റേ​തു​പോ​ലെ മുൻവി​ധി​യി​ല്ലാത്ത ഒരു മനോ​ഭാ​വ​ത്തോ​ടെ പുതിയ ആശയങ്ങളെ വീക്ഷി​ക്കാൻ തക്ക ഹൃദയ​വി​ശാ​ല​ത​യു​ള്ള​യാ​ളാ​ണോ നിങ്ങൾ?

ബെരോ​വ​ക്കാ​രു​ടെ മാതൃക

ക്രി.വ. ഒന്നാം നൂററാ​ണ്ടിൽ, അനേകം യഹൂദൻമാർ ക്രിസ്‌തീയ ഉപദേ​ശ​ങ്ങ​ളോട്‌ ന്യായ​ര​ഹി​ത​മായ മുൻവി​ധി പുലർത്തി. ചില വിധങ്ങ​ളിൽ, അത്‌ പുറം​ലോ​ക​വു​മാ​യി ഒററപ്പെട്ട ജപ്പാൻകാ​രു​ടെ മുൻവി​ധി​യോ​ടു സദൃശ​മാ​യി​രു​ന്നു. പുരാതന റോമി​ലെ യഹൂദൻമാർ “എല്ലായി​ട​ത്തും [ക്രിസ്‌ത്യാ​നി​ത്വ​ത്തിന്‌] എതിരാ​യി​ട്ടാണ്‌ സംസാ​രി​ക്കു​ന്നത്‌” എന്നു അവകാ​ശ​പ്പെട്ടു. (പ്രവൃ​ത്തി​കൾ 28:22) തെസ്സ​ലോ​നീ​ക്യ​ന​ഗ​ര​ത്തി​ലെ ചില ക്രിസ്‌ത്യാ​നി​കളെ സംബന്ധിച്ച്‌ മുൻവി​ധി​യു​ണ്ടാ​യി​രുന്ന യഹൂദൻമാർ ഇങ്ങനെ ആക്രോ​ശി​ച്ചു: “നിവസി​ത​ഭൂ​മി​യെ മറിച്ചു​ക​ള​ഞ്ഞി​രി​ക്കുന്ന ഈ മനുഷ്യർ ഇവി​ടെ​യും വന്നിരി​ക്കു​ന്നു.”—പ്രവൃ​ത്തി​കൾ 17:6.

എന്നിരു​ന്നാ​ലും തങ്ങളുടെ മുൻവി​ധി​ക്ക​തീ​ത​മാ​യി നോക്കാൻ മനസ്സുള്ള ആളുകൾ ഉണ്ടായി​രു​ന്നു. ദൃഷ്ടാ​ന്ത​ത്തിന്‌, ബെരോ​വ​യി​ലെ നിവാ​സി​കൾ അപ്പോ​സ്‌ത​ല​നായ പൗലോ​സും അവന്റെ കൂട്ടാ​ളി​യായ ശീലാ​സും പ്രസം​ഗിച്ച സുവാർത്ത​യോട്‌ എങ്ങനെ പ്രതി​ക​രി​ച്ചു? ബെരോ​വ​ക്കാ​രെ സംബന്ധിച്ച്‌ ബൈബി​ളെ​ഴു​ത്തു​കാ​ര​നായ ലൂക്കോസ്‌ ഇങ്ങനെ പറഞ്ഞു: “ഒടുവിൽ പറഞ്ഞവർ തെസ്സ​ലോ​നീ​ക്യ​യി​ലു​ള്ള​വ​രെ​ക്കാൾ ശ്രേഷ്‌ഠ​മ​ന​സ്‌ക്ക​രാ​യി​രു​ന്നു, എന്തെന്നാൽ അവർ മനസ്സിന്റെ ഏററവും വലിയ ആകാം​ക്ഷ​യോ​ടെ വചനം സ്വീക​രി​ക്കു​ക​യും ഈ കാര്യങ്ങൾ അങ്ങനെ​ത​ന്നെ​യാ​ണോ​യെ​ന്ന​തു​സം​ബ​ന്ധിച്ച്‌ ദൈനം​ദി​നം തിരു​വെ​ഴു​ത്തു​കളെ പരി​ശോ​ധി​ക്കു​ക​യും​ചെ​യ്‌തു.” (പ്രവൃ​ത്തി​കൾ 17:11) നിങ്ങൾ ആ ബെരോ​വ​ക്കാ​രെ​പ്പോ​ലെ ശ്രേഷ്‌ഠ​മ​ന​സ്‌ക്ക​രാ​ണോ?

മസാജി​യു​ടെ കേസ്‌ പരിചി​ന്തി​ക്കുക. ഒരു കാലത്ത്‌ അയാൾക്ക്‌ ക്രിസ്‌ത്യാ​നി​ത്വ​ത്തോ​ടു ശക്തമായ ശത്രുത ഉണ്ടായി​രു​ന്നു. ജപ്പാന്റെ തുറക്ക​ലി​നെ എതിർത്ത ഏകാന്ത​വാ​സി​ക​ളെ​പ്പോ​ലെ​യാ​യി​രു​ന്നു അയാൾ. അയാളു​ടെ ഭാര്യ ബൈബിൾ പഠിക്കാൻ തുടങ്ങി​യ​പ്പോൾ അയാൾ ഉഗ്രമാ​യി എതിർത്തു. അയാൾ തന്റെ കുടും​ബത്തെ കൊന്നിട്ട്‌ ആത്മഹത്യ​ചെ​യ്യു​ന്ന​തി​നെ​ക്കു​റി​ച്ചു​പോ​ലും ചിന്തിച്ചു. അയാളു​ടെ അക്രമം നിമിത്തം അയാളു​ടെ കുടും​ബം ഉത്തര ജപ്പാനി​ലുള്ള സചി​ക്കോ​യു​ടെ ജ്യേഷ്‌ഠ​സ​ഹോ​ദ​രന്റെ വീട്ടി​ലേക്ക്‌ ഓടി​പ്പോ​കേ​ണ്ടി​വന്നു.

ഒടുവിൽ മസാജി തന്റെ മനസ്സ്‌ അല്‌പം തുറക്കാ​നും തന്റെ ഭാര്യ​യു​ടെ മതത്തെ പരി​ശോ​ധി​ക്കാ​നും തീരു​മാ​നി​ച്ചു. കുറെ ബൈബിൾസാ​ഹി​ത്യ​ങ്ങൾ വായി​ച്ച​ശേഷം അയാൾ മാററങ്ങൾ വരു​ത്തേ​ണ്ട​തി​ന്റെ ആവശ്യം കണ്ടു. അയാൾ തിരു​വെ​ഴു​ത്തു​കൾ പഠിച്ച​തോ​ടെ അയാളു​ടെ അക്രമാ​സ​ക്ത​മ​നോ​ഭാ​വം ദൈവാ​ത്മാ​വി​ന്റെ ഫലങ്ങളെ പ്രതി​ഫ​ലി​പ്പിച്ച ഒന്നായി മാറി. (ഗലാത്യർ 5:22, 23) സാക്ഷി​ക​ളോ​ടുള്ള അയാളു​ടെ അക്രമം നിമിത്തം അവർ പ്രതി​കാ​രം ചെയ്‌തേ​ക്കു​മെന്ന്‌ ഭയന്നതു​കൊണ്ട്‌ മസാജി യഹോ​വ​യു​ടെ സാക്ഷി​ക​ളു​ടെ യോഗ​ങ്ങൾക്കു ഹാജരാ​കാൻ മടിച്ചു. എന്നാൽ അയാൾ ഒടുവിൽ ഒരു രാജ്യ​ഹാൾ സന്ദർശി​ച്ച​പ്പോൾ അയാളെ വളരെ ഊഷ്‌മ​ള​മാ​യി സ്വീക​രി​ച്ച​തോ​ടെ അയാൾ കരഞ്ഞു​പോ​യി.

അതെ, മുൻവി​ധി തരണം​ചെ​യ്യു​ക​യും പുതിയ ആശയങ്ങൾ പരി​ശോ​ധി​ക്കു​ക​യും ചെയ്യു​മ്പോൾ അതിനു നമ്മുടെ ചക്രവാ​ളത്തെ വിശാ​ല​മാ​ക്കാൻ കഴിയും, മററു വിധങ്ങ​ളി​ലും നമുക്കു പ്രയോ​ജനം ചെയ്‌തേ​ക്കാം. എന്നിരു​ന്നാ​ലും, പൊന്തി​വ​രുന്ന ഏതു പുതിയ ആശയ​ത്തെ​യും നാം സ്വാഗ​തം​ചെ​യ്യ​ണ​മെന്ന്‌ അതിനർത്ഥ​മു​ണ്ടോ?

തെര​ഞ്ഞെ​ടു​ക്കുക!

ജപ്പാന്റെ ഏകാന്ത​വാ​സം അവസാ​നി​ച്ച​തോ​ടെ പുതിയ ആശയങ്ങൾ രാജ്യ​ത്തേക്കു പ്രവഹി​ച്ചു. അവയിൽ ചിലത്‌ ജപ്പാൻകാർക്കു പ്രയോ​ജ​നം​ചെ​യ്‌തു. എന്നാൽ മററു ചിലതി​ല്ലാ​തി​രു​ന്നെ​ങ്കിൽ അവർക്കു മെച്ചമാ​യി​രി​ക്കു​മാ​യി​രു​ന്നു. രണ്ടാം ലോക​മ​ഹാ​യു​ദ്ധ​ത്തി​നു​ശേഷം ജപ്പാന്റെ കീഴടങ്ങൽ സ്വീക​രി​ച്ച​പ്പോൾ യു. എസ്‌. ജനറൽ ഡഗ്ലസ്‌ മക്കാർതർ ഇങ്ങനെ പറഞ്ഞു: “കമഡോർ പെറി​യു​ടെ ഉദ്ദേശ്യ​ങ്ങൾക്കെ​തി​രാ​യി ജപ്പാൻ പാശ്ചാ​ത്യ​വി​ജ്ഞാ​നത്തെ പീഡന​ത്തി​നും അടിമ​ത്വ​ത്തി​നു​മുള്ള ഒരു ഉപകര​ണ​മാ​ക്കി മാററി.” അതിന്റെ പാശ്ചാത്യ ഉപദേ​ഷ്ടാ​ക്കളെ അനുക​രി​ച്ചു​കൊണ്ട്‌ ജപ്പാൻ യുദ്ധങ്ങ​ളു​ടെ ഒരു പരമ്പര​യി​ലേക്കു നയിച്ച ഒരു ഗതിയിൽ പ്രവേ​ശി​ച്ചു. ഇതു രണ്ടാം ലോക​മ​ഹാ​യു​ദ്ധ​ത്തിൽ കലാശി​ച്ചു. അതിന്റെ അവസാ​ന​ത്തിൽ രണ്ട്‌ ആററം​ബോം​ബു​കൾ ജപ്പാന്റെ പ്രദേ​ശത്ത്‌ ഇടപ്പെട്ടു.

നമുക്ക്‌ ഇതിൽനിന്ന്‌ എന്തു പഠിക്കാൻ കഴിയും? പുതിയ ആശയങ്ങൾ സ്വീക​രി​ക്കു​ന്ന​തു​സം​ബ​ന്ധി​ച്ചു നാം തെര​ഞ്ഞെ​ടു​പ്പു നടത്തണ​മെ​ന്നു​തന്നെ. നാം “ഈ കാര്യങ്ങൾ [പൗലോസ്‌ പഠിപ്പി​ച്ചവ] അങ്ങനെ​ത​ന്നെ​യാ​ണോ​യെ​ന്നതു സംബന്ധിച്ച്‌ ദൈനം​ദി​നം തിരു​വെ​ഴു​ത്തു​കളെ ശ്രദ്ധാ​പൂർവം പരി​ശോ​ധി​ക്കുന്ന”തിനാൽ ബെരോ​വ​ക്കാ​രെ അനുക​രി​ക്കു​ന്നത്‌ നല്ലതാണ്‌. (പ്രവൃ​ത്തി​കൾ 17:11) “പരി​ശോ​ധി​ക്കുക” എന്ന്‌ ഇവിടെ ഉപയോ​ഗി​ച്ചി​രി​ക്കുന്ന ഗ്രീക്ക്‌ പദത്തിന്റെ അർത്ഥം “നിയമ​ന​ട​പ​ടി​ക​ളി​ലെ​ന്ന​പോ​ലെ ശ്രദ്ധാ​പൂർവ​ക​വും കൃത്യ​വു​മായ ഗവേഷണം നടത്തുക” എന്നാണ്‌. (പുതിയ നിയമ​ത്തി​ലെ പദചി​ത്രങ്ങൾ, ഏ.ററി. റോബർട്ട്‌സ​നാൽ വിരചി​തം) നമുക്ക്‌ അവതരി​പ്പി​ക്ക​പ്പെ​ടുന്ന ഏതു പുതിയ ആശയവും അന്ധമായി സ്വീക​രി​ക്കു​ന്ന​തി​നു​പ​കരം നാം ശ്രദ്ധാ​പൂർവ​ക​വും കൃത്യ​വു​മായ ഗവേഷണം നടത്തേ​ണ്ട​തുണ്ട്‌, ഒരു ന്യായാ​ധി​പതി ഒരു നിയമ​പ​ര​മായ കേസ്‌ കേൾക്കു​മ്പോ​ഴെ​ന്ന​പോ​ലെ​തന്നെ.

നാം തെര​ഞ്ഞെ​ടു​ക്കു​ന്ന​വ​രാ​ണെ​ങ്കിൽ നാം യഥാർത്ഥ​ത്തിൽ ഹാനി​ക​ര​മായ ഏതു ക്ഷണിക ഭ്രമത്താ​ലും അല്ലെങ്കിൽ പുതിയ ആശയങ്ങ​ളാ​ലും സ്വാധീ​നി​ക്ക​പ്പെ​ടു​ക​യില്ല. ഉദാഹ​ര​ണ​ത്തിന്‌, 1960കളിൽ പുതിയ ധാർമ്മി​ക​നിഷ്‌ഠ എന്നു വിളി​ക്ക​പ്പെ​ട്ടത്‌ ചിലർക്ക്‌ ആകർഷ​ക​മായ ഒരു പുതിയ ആശയമാ​യി തോന്നി. എന്നാൽ സൂക്ഷ്‌മ​പ​രി​ശോ​ധന അത്‌ പുതിയ പേരി​ലുള്ള പഴയ ഹാനി​ക​ര​മായ ദുർമ്മാർഗ്ഗ​മാ​ണെന്ന്‌ വെളി​പ്പെ​ടു​ത്തു​മാ​യി​രു​ന്നു. കൂടാതെ, 1920കളിലെ സാമ്പത്തി​ക​മാ​യി കുഴഞ്ഞ ജർമ്മനി​യിൽ നിസ്സം​ശ​യ​മാ​യി അനേകർ നാസി​സത്തെ ആവേശ​ക​ര​മായ ഒരു പുതിയ ആശയമാ​യി വീക്ഷിച്ചു, എന്നാൽ അത്‌ എന്ത്‌ കഠിന​വേദന കൈവ​രു​ത്തി!

സന്തോ​ഷ​ക​ര​മെ​ന്നു പറയട്ടെ, ദൈവം പുതിയ ആശയങ്ങളെ പരി​ശോ​ധി​ക്കു​ന്ന​തിന്‌ ഉപയോ​ഗി​ക്കാൻ കഴിയുന്ന ഒരു ഉരകല്ല്‌ പ്രദാ​നം​ചെ​യ്‌തി​ട്ടുണ്ട്‌. അത്‌ അവന്റെ നിശ്വ​സ്‌ത​വ​ച​ന​മായ ബൈബി​ളാണ്‌. അതിലെ മാർഗ്ഗ​രേ​ഖകൾ കുടും​ബ​ജീ​വി​ത​ത്തി​നും മാനു​ഷ​ബ​ന്ധ​ത്തി​നും ബാധക​മാ​ക്കു​ന്നത്‌ ഇന്ന്‌ വൈദ​ഗ്‌ദ്ധ്യ​മു​ണ്ടെ​ന്ന​വ​കാ​ശ​പ്പെ​ടുന്ന സാമൂ​ഹി​ക​ശാ​സ്‌ത്ര​ജ്ഞൻമാ​രിൽനി​ന്നും മനഃശാ​സ്‌ത്ര​ജ്ഞൻമാ​രിൽനി​ന്നും മററു​ള്ള​വ​രിൽനി​ന്നും കേൾക്ക​പ്പെ​ടുന്ന അനേകം ആശയങ്ങളെ പരി​ശോ​ധി​ക്കു​ന്ന​തിന്‌ നമ്മെ സഹായി​ക്കും. (എഫേസ്യർ 5:21–6:4; കൊ​ലോ​സ്യർ 3:5-14) ദൈവ​ത്തോ​ടും അയൽക്കാ​ര​നോ​ടു​മുള്ള നമ്മുടെ ബന്ധം സംബന്ധിച്ച ബൈബി​ളി​ന്റെ ബുദ്ധി​യു​പ​ദേശം മതത്തിന്റെ വിഷയ​ത്തിൽ ഇന്നു പരക്കുന്ന നവീനാ​ശ​യ​ങ്ങ​ളിൽ അനേക​വും പരി​ശോ​ധി​ക്കു​ന്ന​തി​നുള്ള ഒരു മാർഗ്ഗം നമുക്കു നൽകുന്നു. (മർക്കോസ്‌ 12:28-31) ഒരു പുതിയ ആശയത്തിന്‌ യഥാർത്ഥ മൂല്യ​മു​ണ്ടോ ഇല്ലയോ എന്ന്‌ നിർണ്ണ​യി​ക്കാൻ സൂക്ഷ്‌മ​മായ ബൈബിൾ പരിജ്ഞാ​നം നമ്മെ സജ്ജരാ​ക്കും. അപ്പോൾ നമുക്ക്‌ ‘സകലവും തിട്ട​പ്പെ​ടു​ത്താ​നും നല്ലതിനെ മുറു​കെ​പ്പി​ടി​ക്കാ​നും’ കഴിയും.—1 തെസ്സ​ലോ​നീ​ക്യർ 5:21.

യഹോ​വ​യു​ടെ സാക്ഷികൾ ബൈബി​ളി​നെ​ക്കു​റി​ച്ചു പഠിക്കാ​നും അങ്ങനെ പുതിയ ആശയങ്ങളെ ഉചിത​മാ​യി വിധി​ക്കാൻ പ്രാപ്‌ത​രാ​കു​ന്ന​തി​നും തങ്ങളുടെ അയൽക്കാ​രെ പ്രോൽസാ​ഹി​പ്പി​ക്കു​ന്ന​തിന്‌ അവരെ സന്ദർശി​ക്കു​ന്നു. സാക്ഷികൾ അനേകർക്കു പുതു​തായ ബൈബി​ളാ​ശ​യങ്ങൾ ചൂണ്ടി​ക്കാ​ണി​ക്കു​ന്നു​മുണ്ട്‌. ഇവയിൽ നാം ജീവി​ക്കുന്ന കാലത്തെ സംബന്ധി​ച്ചുള്ള സത്യവും മനുഷ്യ​വർഗ്ഗ​ത്തിന്‌ ഭാവി യഥാർത്ഥ​ത്തിൽ എന്തു കരുതി​വെ​ക്കു​ന്നു​വെ​ന്ന​തും ഉൾപ്പെ​ടു​ന്നു. (മത്തായി 24:3-44; 2 തിമൊ​ഥെ​യോസ്‌ 3:1-5; വെളി​പ്പാട്‌ 21:3, 4) അതു​കൊണ്ട്‌ സാക്ഷികൾ നിങ്ങളു​ടെ വീടുകൾ സന്ദർശി​ക്കു​മ്പോൾ ഒരു ഏകാന്ത​വാ​സ​മ​നോ​ഭാ​വം കൈ​ക്കൊ​ള്ള​രുത്‌. പകരം, നിങ്ങളു​ടെ വാതിൽ തുറക്കു​ക​യും അവർക്കു പറയാ​നു​ള്ളതു ശ്രദ്ധി​ക്കു​ക​യും ചെയ്യാൻ പാടില്ലേ? നിങ്ങൾക്ക്‌ നിത്യ​പ്ര​യോ​ജനം കൈവ​രു​ത്താൻ കഴിയുന്ന ആശയങ്ങൾ സംബന്ധിച്ച്‌ നിങ്ങളു​ടെ മനസ്സട​ച്ചു​ക​ള​യ​രുത്‌. (w89 1⁄15)

[5-ാം പേജിലെ ചിത്ര​ത്തിന്‌ കടപ്പാട]

Library of Congress photo LC-USC62-7258