ഒരു മർമ്മം—ആരാണ്‌ വേശ്യ​യായ “മഹാബാ​ബി​ലോൻ”?

ശതകോ​ടി​ക്ക​ണ​ക്കി​നാ​ളു​ക​ളു​ടെ ജീവി​തത്തെ സ്വാധീ​നി​ച്ചി​ട്ടുള്ള ഒരു കുപ്ര​സിദ്ധ വേശ്യാ​സ്‌ത്രീ കൊല്ല​പ്പെ​ട്ടി​രി​ക്കു​ന്നു, വധിക്ക​പ്പെ​ട്ടി​രി​ക്കു​ന്നു. എന്നാൽ ഇത്‌ സാധാരണ വധനിർവ്വ​ഹ​ണമല്ല. ഇതിനെ വ്യത്യ​സ്‌ത​മാ​ക്കു​ന്ന​തെ​ന്താണ്‌? വധനിർവ്വാ​ഹകൻ അവളുടെ വസ്‌ത്ര​മു​രി​ഞ്ഞു നഗ്നയാക്കി അവളുടെ മാംസം ആർത്തി​യോ​ടെ വിഴു​ങ്ങി​യ​ശേഷം അവളുടെ അവശി​ഷ്ട​ങ്ങളെ അഗ്നിയാൽ ദഹിപ്പി​ക്കേ​ണ്ട​തിന്‌ വിട്ടേ​ക്കുന്ന ഒരു മൃഗമാണ്‌, ഒരു കാട്ടു​മൃ​ഗ​മാണ്‌. സ്വാധീ​ന​ശ​ക്തി​യുള്ള ഈ സ്‌ത്രീ ആരാണ്‌? ഒരു കാട്ടു​മൃ​ഗം അവളെ ആക്രമി​ക്കു​ന്ന​തെ​ന്തു​കൊണ്ട്‌? ഈ ഘോര​മായ അന്ത്യം അർഹി​ക്കാൻ അവൾ എന്താണ്‌ ചെയ്‌തി​രി​ക്കു​ന്നത്‌?a—വെളി​പ്പാട്‌ 17:16, 17.

ഇതിന്‌ അമ്പരപ്പി​ക്കുന്ന ഒരു നിഗൂ​ഢ​ക​ഥ​യു​ടെ അടിസ്ഥാ​ന​മാ​യി​രി​ക്കാൻ കഴിയും—ഇത്‌ ഒരു നോവ​ലി​ന്റെ ഇതിവൃ​ത്ത​മ​ല്ലെ​ന്നു​മാ​ത്രം. ഇത്‌ നിവർത്തി​ക്ക​പ്പെ​ട്ടു​കൊ​ണ്ടി​രി​ക്കുന്ന ഒരു ചരി​ത്ര​യാ​ഥാർത്ഥ്യ​മാണ്‌. ഇത്‌ നിങ്ങൾക്ക്‌ സാരവ​ത്താണ്‌, എന്തു​കൊ​ണ്ടെ​ന്നാൽ ഈ കുപ്ര​സിദ്ധ വേശ്യ ഇപ്പോൾത്തന്നെ നിങ്ങളു​ടെ ജീവി​തത്തെ സ്വാധീ​നി​ക്കു​ന്നു​ണ്ടാ​യി​രി​ക്കാം. അതിലു​പരി, നിങ്ങൾ അവളോട്‌ പററി​നിൽക്കു​ക​യോ അവളെ വിട്ടു​പോ​രു​ക​യോ ചെയ്യു​ന്നത്‌ ജീവ​നെ​യോ മരണ​ത്തെ​യോ അർത്ഥമാ​ക്കും. അതു​കൊണ്ട്‌ അവൾ ആരാണ്‌?

നിഗൂഢ സ്‌ത്രീ​യു​ടെ കക്ഷികൾ

ലജ്ജയി​ല്ലാത്ത, ചാരി​ത്ര​ഭ്രം​ശം വരുത്തുന്ന, ഈ വിനാ​ശ​കാ​രി​യായ സ്‌ത്രീ​യെ​ക്കു​റിച്ച്‌ യോഹ​ന്നാൻ വെളി​പ്പാട്‌ എന്ന പ്രവാചക ബൈബിൾ പുസ്‌ത​ക​ത്തിൽ വിവരി​ക്കു​ന്നു. അവിടെ നാം ഇങ്ങനെ വായി​ക്കു​ന്നു: “[ദൂതൻ] എന്നെ ആത്മാവി​ന്റെ ശക്തിയിൽ ഒരു മരുഭൂ​മി​യി​ലേക്ക്‌ കൂട്ടി​ക്കൊ​ണ്ടു​പോ​യി. ഏഴു തലയും പത്തു കൊമ്പും ഉള്ളതായി ദൂഷണ​നാ​മങ്ങൾ നിറഞ്ഞ കടും​ചെ​മ​പ്പുള്ള ഒരു കാട്ടു​മൃ​ഗ​ത്തിൻമേൽ ഒരു സ്‌ത്രീ ഇരിക്കു​ന്നത്‌ ഞാൻ കണ്ടു. സ്‌ത്രീ ധൂമ്ര​വർണ്ണ​വും കടും​ചെ​മ​പ്പു​മുള്ള വസ്‌ത്രം ധരിച്ചി​രു​ന്നു, പൊന്നും രത്‌ന​വും മുത്തു​ക​ളും അണിഞ്ഞി​രു​ന്നു, മ്ലേച്ഛത​ക​ളും അവളുടെ ദുർവൃ​ത്തി​യു​ടെ അശുദ്ധ​വ​സ്‌തു​ക്ക​ളും നിറഞ്ഞ ഒരു പൊൻപാ​ത്രം അവൾ കയ്യിൽ പിടി​ച്ചി​രു​ന്നു. അവളുടെ നെററി​യിൽ ഒരു നാമം, ഒരു മർമ്മം എഴുത​പ്പെ​ട്ടി​രു​ന്നു: ‘വേശ്യ​മാ​രു​ടെ​യും ഭൂമി​യി​ലെ മ്ലേച്ഛത​ക​ളു​ടെ​യും മാതാ​വായ മഹാബാ​ബി​ലോൻ.’”—വെളി​പ്പാട്‌ 17:3–5.

ഇപ്പോൾ, ഈ “മഹാബാ​ബി​ലോൻ” ഉഗ്രയായ ഒരു സ്‌ത്രീ​യാ​യി​രി​ക്കണം, എന്തു​കൊ​ണ്ടെ​ന്നാൽ 1-ാം വാക്യ​ത്തിൽ അവൾ “നിരവധി വെള്ളങ്ങ​ളു​ടെ​മേൽ ഇരിക്കു​ന്നു” എന്ന്‌ വിവരണം പറയുന്നു. അതി​ന്റെ​യർത്ഥ​മെ​ന്താണ്‌? ദൈവ​ദൂ​തൻ യോഹ​ന്നാന്‌ വിശദീ​ക​രി​ച്ചു​കൊ​ടു​ത്തു: “നീ കണ്ടതും വേശ്യ ഇരിക്കു​ന്ന​തു​മായ വെള്ളങ്ങൾ വംശങ്ങ​ളും പുരു​ഷാ​ര​ങ്ങ​ളും ജനതക​ളും ഭാഷക​ളും അത്രേ.” (വെളി​പ്പാട്‌ 17:15) നിസ്സം​ശ​യ​മാ​യും ഇത്‌ ലോക​വ്യാ​പ​ക​മാ​യി സ്വാധീ​ന​മുള്ള ഒരു വേശ്യ​യാണ്‌. എന്നാൽ അവൾ സാധാരണ വ്യഭി​ചാ​രി​ണി​യല്ല, അവൾ “വേശ്യ​മാ​രു​ടെ മാതാവ്‌,” ഈ പ്രസ്ഥാ​ന​ത്തി​ന്റെ നായിക, ആണ്‌. ദുർവൃ​ത്തി​യു​ടെ സംഗതി​യിൽ അവളാണ്‌ നിർദ്ദേ​ശങ്ങൾ നൽകു​ന്നത്‌. എന്നാൽ അവൾക്കും പ്രത്യേക കക്ഷികൾ ഉണ്ട്‌.

ഈ മഹാ​വേ​ശ്യ​യു​ടെ പ്രീതിക്ക്‌ പാത്രീ​ഭൂ​ത​രാ​യി​രി​ക്കുന്ന കക്ഷികൾ ആരാ​ണെന്ന്‌ ദൂതൻ വെളി​പ്പെ​ടു​ത്തു​ന്നു. അവൻ അവരെ എങ്ങനെ​യാണ്‌ തിരി​ച്ച​റി​യി​ക്കു​ന്നത്‌? “ഭൂമി​യി​ലെ രാജാ​ക്കൻമാർ ദുർവൃ​ത്തി​യി​ലേർപ്പെ​ട്ട​തും തന്റെ ദുർവൃ​ത്തി​യു​ടെ വീഞ്ഞി​നാൽ ഭൂവാ​സി​കളെ മത്തരാ​ക്കി​യ​തും” ഈ മഹാബാ​ബി​ലോൻ ആണെന്ന്‌ അവൻ പറയുന്നു. (വെളി​പ്പാട്‌ 17:2) ഇത്‌ “ഭൂമി​യി​ലെ രാജാ​ക്കൻമാർ”തന്നെയാ​യി​രി​ക്കുന്ന ലോക​ത്തി​ന്റെ രാഷ്‌ട്രീയ ഭരണകർത്താ​ക്കളെ വശീക​രി​ക്കാൻ കഴിയു​ന്ന​തിന്‌ നല്ല ബന്ധങ്ങളുള്ള മോഹി​നി​യായ ഒരു വേശ്യ​യാ​യി​രി​ക്കേ​ണ്ട​തുണ്ട്‌! അതു​കൊണ്ട്‌ അവൾ ആരാണ്‌?

അവൾക്ക്‌ “മഹാബാ​ബി​ലോൻ” എന്ന ഒരു നാമം, ഒരു നിഗൂ​ഢ​നാ​മ​മു​ണ്ടെന്ന്‌ ദൂതൻ പറയുന്നു. ഇപ്പോൾ അവളുടെ തിരി​ച്ച​റി​യ​ലിന്‌ രണ്ട്‌ സൂചന​ക​ളുണ്ട്‌—ഒന്ന്‌ അവളുടെ പ്രീതി​യുള്ള കക്ഷികൾ, മറേറത്‌ മഹാബാ​ബി​ലോൻ എന്ന അവളുടെ പേര്‌. ആ സൂചനകൾ ഏത്‌ നിഗമ​ന​ത്തി​ലേ​ക്കാണ്‌ നയിക്കു​ന്നത്‌? (w89 4/1)

[അടിക്കു​റി​പ്പു​കൾ]