വേശ്യ​യും “ഭൂമി​യി​ലെ രാജാ​ക്കൻമാ​രും”

ക്രൈ​സ്‌ത​വ​ലോ​ക​ത്തി​ന്റെ ചരി​ത്രം​നി​റയെ സ്വാധീ​നം ചെലു​ത്ത​ലി​ന്റെ​യും അധികാ​ര​ത്തി​ന്റെ മണ്ഡലത്തിൽ അനാവ​ശ്യ​മാ​യി ഇടപെ​ട്ട​തി​ന്റെ​യും ഉദാഹ​ര​ണ​ങ്ങ​ളുണ്ട്‌. നമുക്ക്‌ അവയിൽ ഏതാനും ചിലത്‌ പരി​ശോ​ധി​ക്കാം. ചാൾമെ​യിൻ (ഏ. ഡി. 742-814) മതവു​മാ​യി കൂട്ടു​ചേ​രു​ന്ന​തി​ന്റെ​യും കത്തോ​ലി​ക്കാ​മ​ത​ത്തി​ലെ പുരോ​ഹി​തൻമാ​രു​ടെ അനു​ഗ്ര​ഹ​മു​ണ്ടാ​യി​രി​ക്കു​ന്ന​തി​ന്റെ​യും പ്രയോ​ജ​നങ്ങൾ തിരി​ച്ച​റിഞ്ഞ ഒരു ഭരണാ​ധി​പ​നാ​യി​രു​ന്നു.

ചാൾമെ​യി​നി​ന്റെ കുടും​ബം അധികാ​ര​ത്തിൽനിന്ന്‌ ‘പുറം​ത​ള്ള​പ്പെ​ട്ട​ശേഷം’ ഒരു പുതിയ രാജവം​ശം സ്ഥാപി​ക്കാൻവേണ്ടി പോപ്പ്‌ അദ്ദേഹ​ത്തെ​യും അദ്ദേഹ​ത്തി​ന്റെ പിതാ​വി​നെ​യും അദ്ദേഹ​ത്തി​ന്റെ സഹോ​ദ​ര​നെ​യും അഭി​ഷേകം ചെയ്‌തു എന്ന്‌ ദി ന്യൂ എൻ​സൈ​ക്ലോ​പ്പീ​ഡിയ ബ്രിട്ടാ​നിക്ക വിശദീ​ക​രി​ക്കു​ന്നു. അതി​പ്ര​കാ​രം കൂട്ടി​ച്ചേർക്കു​ന്നു: “ലൊമ്പാർഡു​കൾക്കെ​തി​രെ​യുള്ള ഫ്രാങ്കു​ക​ളു​ടെ​യും (ചാൾമെ​യി​നി​ന്റെ ആളുകൾ) പോപ്പി​ന്റെ​യും രാഷ്‌ട്രീയ കൂട്ടു​കെട്ട്‌ അതേ സന്ദർഭ​ത്തിൽ ഉറപ്പാ​ക്ക​പ്പെട്ടു. . . .(ചാൾമെ​യി​നാ​യി​ത്തീർന്ന) ചാൾസ്‌ നേരത്തെ തന്നെ ലൗകി​കാ​ധി​കാ​ര​വും സഭയും തമ്മിലുള്ള അടുത്ത ബന്ധം അംഗീ​ക​രി​ച്ചി​രു​ന്നു.”

ഏ. ഡി. 800-ൽ ലിയോ മൂന്നാമൻ പാപ്പാ പശ്ചിമ റോമാ സാമ്രാ​ജ്യ​ത്തി​ന്റെ “ചക്രവർത്തി​യാ​യി ചാൾസി​നെ വാഴി​ക്കാൻ തീരു​മാ​നി​ച്ചു​കൊണ്ട്‌” റോമിൽ പത്രോ​സി​ന്റെ ദേവാ​ല​യ​ത്തിൽ ക്രിസ്‌തു​മസ്സ്‌ കുർബാ​ന​യു​ടെ സമയത്ത്‌ അദ്ദേഹത്തെ കിരീ​ട​മ​ണി​യി​ച്ചു.

ഒരു അത്യാർത്തി​പൂണ്ട വേശ്യ

എന്നാൽ ഒരു വേശ്യക്ക്‌ അവളുടെ കൂലി കിട്ടേ​ണ്ട​തുണ്ട്‌. ബാബി​ലോ​നി​ന്റെ പ്രതി​നി​ധി​യായ റോമിന്‌ ചാൾമെ​യി​നി​ന്റെ ഭാഗത്തു​നിന്ന്‌ എന്തു കൊടു​ക്കാൻ കഴിയു​മാ​യി​രു​ന്നു? “സെൻറ്‌ പീറേ​റ​ഴ്‌സ്‌ ബസ്സിലി​ക്കാ​യിൽവച്ച്‌ ഇററലി​യു​ടെ വലിയ ഭാഗങ്ങൾ പോപ്പി​ന്റെ ഭരണത്തിൻ കീഴി​ലേക്ക്‌ മാററാ​മെ​ന്നുള്ള തന്റെ പിതാ​വി​ന്റെ വാഗ്‌ദാ​നം ചാൾസ്‌ ആവർത്തി​ച്ചു.” അതേ ഉറവ്‌ ഇപ്രകാ​രം കൂട്ടി​ച്ചേർക്കു​ന്നു: “രാഷ്‌ട്രീ​യ​മാ​യി പരുവ​പ്പെ​ടു​ത്ത​പ്പെട്ട അദ്ദേഹ​ത്തി​ന്റെ മതഭ്രാ​ന്തിൽ സാമ്രാ​ജ്യ​വും മതവും സ്ഥാപന​പ​ര​മാ​യും ആത്മീയ​മാ​യും ഒന്നായി​ത്തീർന്നു.”

ഭരണത്തിൽ മതത്തി​നുള്ള ശക്തമായ സ്വാധീ​ന​ത്തി​ന്റെ മറെറാ​രു ദൃഷ്ടാ​ന്ത​മാണ്‌ ഇംഗ്ലണ്ടി​ലെ കാർഡി​നൽ വുൾസി (1475-1530). അദ്ദേഹം “ഇംഗ്ലണ്ടി​ലെ ഹെൻട്രി എട്ടാമൻ രാജാ​വി​ന്റെ ഭരണത്തെ ശക്തമായി സ്വാധീ​നിച്ച കർദ്ദി​നാ​ളും രാജ്യ തന്ത്രജ്ഞ​നു​മാ​യി​രു​ന്നു” എന്ന്‌ ബ്രിട്ടാ​നിക്ക പ്രസ്‌താ​വി​ക്കു​ന്നു. . . . “വുൾസി 1515-ൽ ഇംഗ്ലണ്ടി​ന്റെ ലോർഡ്‌ ചാൻസലർ ആയിത്തീർന്നു. . . . തന്റെ ലൗകി​ക​വും സഭാപ​ര​വു​മായ വലിയ അധികാ​ര​മു​പ​യോ​ഗിച്ച്‌ അദ്ദേഹം രാജാവു കഴിഞ്ഞാൽ പിന്നത്തെ ഏററം വലിയ സമ്പന്നനാ​യി​ത്തീർന്നു.” വെളി​പ്പാട്‌ പുസ്‌ത​ക​ത്തി​ന്റെ പ്രതീ​കാ​ത്മക ഭാഷ ഉപയോ​ഗി​ച്ചാൽ ഉന്നത വ്യക്തി​ക​ളു​മാ​യുള്ള വ്യഭി​ചാ​ര​ത്തിന്‌ ഉയർന്ന നിരക്കിൽ കൂലി കൊടു​ക്കേ​ണ്ടത്‌ ആവശ്യ​മാ​യി വരുന്നു.

രാജ്യ​ഭ​രണ കാര്യ​ങ്ങ​ളിൽ മതം സ്വാധീ​നം ചെലു​ത്തി​യ​തി​ന്റെ ദുഷ്‌പേരു കേൾപ്പിച്ച മറെറാ​രു ദൃഷ്ടാ​ന്ത​മാ​യി​രു​ന്നു കർദ്ദി​നാ​ളും പ്രഭു​വു​മാ​യി​രുന്ന റിഷ്‌ലൂ. (1585-1642) അദ്ദേഹം ഫ്രാൻസിൽ വലിയ അധികാ​രം കൈയ്യാ​ളു​ക​യും “ആ കാലഘ​ട്ട​ത്തി​ന്റെ നിലവാ​രം വച്ചു നോക്കി​യാൽ പോലും അത്യധി​ക​മായ ധനം” സമ്പാദി​ക്കു​ക​യും ചെയ്‌തു എന്ന്‌ ബ്രിട്ടാ​നിക്ക പ്രസ്‌താ​വി​ക്കു​ന്നു.

റിഷ്‌ലൂ​വി​ന്റെ പിൻഗാ​മി​യാ​യി മറെറാ​രു കർദ്ദി​നാ​ളു​മു​ണ്ടാ​യി​രു​ന്നു, ലൂയി പതിനാ​ലാ​മന്റെ ഭരണകാ​ലത്ത്‌ ആദ്യത്തെ മന്ത്രി​യാ​യി​ത്തീർന്ന ജൂൾ മസാറിൻ. (1602-61) അയാൾ ഒരു പുരോ​ഹി​ത​ന​ല്ലാ​തി​രു​ന്നി​ട്ടും 1641-ൽ പോപ്പ്‌ ഉർബൻ എട്ടാമൻ അയാളെ ഒരു കർദ്ദി​നാ​ളാ​ക്കി. കർദ്ദി​നാൾ മസാറി​നും ധനം സമ്പാദി​ക്കു​ന്ന​തിൽ ഉത്സുക​നാ​യി​രു​ന്നു. എൻ​സൈ​ക്ലോ​പ്പീ​ഡിയ ഇപ്രകാ​രം പ്രസ്‌താ​വി​ക്കു​ന്നു: “മസാറി​ന്റെ ശത്രുക്കൾ ധനത്തി​ലുള്ള ആർത്തി സംബന്ധിച്ച്‌ അയാളെ കുററ​പ്പെ​ടു​ത്തി. അയാൾ സ്ഥാനമാ​ന​ങ്ങ​ളും സമ്പത്തും സ്വരു​ക്കൂ​ട്ടി, ചില​പ്പോൾ രാജാ​വിന്‌ ചെല്ലേ​ണ്ടി​യി​രുന്ന പണം തന്റേതാ​ണെന്ന്‌ ധരിക്കു​ക​യും ചെയ്‌തി​രു​ന്നു.”

ആധുനിക നാളി​ലും വ്യാജ​മതം സമ്പത്ത്‌ ആർജ്ജി​ക്കു​ക​യും രാഷ്‌ട്രീയ ഘടകങ്ങളെ സ്വാധീ​നി​ക്കാൻ ശ്രമി​ക്കു​ക​യും കഴിയു​മെ​ങ്കിൽ നിയ​ന്ത്രി​ക്കു​ക​യും ചെയ്യുന്നു. ഒരു ശ്രദ്ധേ​യ​മായ ദൃഷ്ടാന്തം ഓപ്പൂസ്‌ ദേയി (ദൈവ​ത്തി​ന്റെ വേല എന്നതിന്റെ ലത്തീൻ) എന്ന കത്തോ​ലിക്ക രഹസ്യ സംഘട​ന​യാണ്‌. അതിന്‌ ഇപ്പോൾ പോപ്പി​ന്റെ അംഗീ​കാ​ര​മുണ്ട്‌, മാത്ര​വു​മല്ല എഴുത്തു​കാ​ര​നായ ലോറൻസ്‌ ലെയ്‌ഡർ പറയും പ്രകാരം അത്‌ “കമ്മ്യൂ​ണി​സ്‌ററ്‌ വിരു​ദ്ധ​ത​യ്‌ക്കും വലതു പക്ഷ രാഷ്‌ട്രീ​യ​ത്തി​നും പൂർണ്ണ​മാ​യി അർപ്പി​ക്ക​പ്പെ​ട്ട​താണ്‌.” കത്തോ​ലിക്ക യുവജ​ന​ങ്ങ​ളിൽ ഏററം ബുദ്ധി​മാൻമാ​രെ തെര​ഞ്ഞെ​ടുത്ത്‌ അവരുടെ ഹൈസ്‌കൂ​ളു​ക​ളി​ലും യൂണി​വേ​ഴ്‌സി​റ​റി​ക​ളി​ലും പരിശീ​ലി​പ്പിച്ച്‌ അതിന്റെ ആളുകളെ ഗവൺമെൻറി​ലും സാമ്പത്തിക രംഗത്തും പത്ര​പ്ര​വർത്തന രംഗത്തും സ്വാധീ​ന​വും നിയ​ന്ത്ര​ണ​വും ചെലു​ത്താൻ കഴിയുന്ന ഉന്നത സ്ഥാനങ്ങ​ളി​ലാ​ക്കി​വ​യ്‌ക്കുക എന്നതാണ്‌ അവരുടെ നയം. സ്‌പെ​യി​നിൽ കത്തോ​ലിക്ക ഫാസി​സ്‌ററ്‌ ഏകാധി​പ​തി​യാ​യി​രുന്ന ഫ്രാ​ങ്കോ​യു​ടെ കാലത്ത്‌, അദ്ദേഹ​ത്തി​ന്റെ 19 ക്യാബി​ന​ററ്‌ അംഗങ്ങ​ളിൽ 10 പേരും വിശിഷ്ട ഓപ്പൂസ്‌ ദേയി​യോട്‌ ബന്ധപ്പെ​ട്ട​വ​രാ​യി​രു​ന്ന​പ്പോൾ, അത്‌ അവരുടെ ഏററം നല്ല കാലമാ​യി​രു​ന്നു.a

ഐക്യ​നാ​ടു​ക​ളിൽ ടെലി​വി​ഷൻ സുവി​ശേ​ഷകർ അവരുടെ സമ്പത്തി​ന്റെ​യും സുഖ​ലോ​ലു​പ​മായ ജീവിത ശൈലി​യു​ടെ​യും പ്രകടനം നിമിത്തം ശ്രദ്ധേ​യ​രാണ്‌. ചില പ്രോ​ട്ട​സ്‌റ​റൻറ്‌ വൈദി​കർ അഭിമാ​ന​പൂർവം രാഷ്‌ട്രീയ രംഗ​ത്തേക്ക്‌ കടന്നു​ചെ​ല്ലു​ക​യും പ്രസി​ഡൻറു സ്ഥാന​ത്തേക്ക്‌ മത്സരി​ക്കു​ക​യും പോലും ചെയ്‌തി​ട്ടുണ്ട്‌. വീഴ്‌ച​ഭ​വിച്ച അവസ്ഥയി​ലാ​ണെ​ങ്കി​ലും ആ പഴയ വേശ്യ ഇപ്പോ​ഴും ഒരു വിധത്തിൽ അല്ലെങ്കിൽ മറെറാ​രു വിധത്തിൽ സുഖജീ​വി​ത​ത്തി​ന്റെ​യും അധികാ​ര​ത്തി​ന്റെ​യും വേഷം അണിയു​ക​യും രംഗം അടക്കി​വാ​ഴാൻ ശ്രമി​ക്കു​ക​യും ചെയ്യുന്നു.—വെളി​പ്പാട്‌ 17:4.

എന്നാൽ ഈ വേശ്യ​യു​ടെ മഹാ ബാബി​ലോൻ എന്ന പേര്‌ സംബന്ധി​ച്ചെന്ത്‌? വെളി​പ്പാട്‌ പുസ്‌ത​ക​ത്തി​ലെ പ്രതീ​കാ​ത്മക സ്‌ത്രീ​യു​ടെ താദാ​ത്മ്യം സംബന്ധിച്ച്‌ ഉറപ്പു​ണ്ടാ​യി​രി​ക്കാൻ അതെങ്ങ​നെ​യാണ്‌ നമ്മളെ സഹായി​ക്കു​ന്നത്‌? (w89 4/1)

[അടിക്കു​റി​പ്പു​കൾ]

[6-ാം പേജിലെ ചിത്രം]

കർദ്ദിനാളൻമാരായ വുൾസി​യും മസാറി​നും റിഷ്‌ലൂ​വും രാഷ്‌ട്രത്തെ സേവി​ക്ക​യിൽ സമ്പത്ത്‌ വാരി​ക്കൂ​ട്ടി