ബാബി​ലോൻ—വ്യാജാ​രാ​ധ​ന​യു​ടെ കേന്ദ്രം

“അവൾ വീണി​രി​ക്കു​ന്നു! ബാബി​ലോൻ വീണി​രി​ക്കു​ന്നു, അവളുടെ ദൈവ​ങ്ങ​ളു​ടെ കൊത്ത​പ്പെട്ട സകല പ്രതി​മ​ക​ളെ​യും അവൻ പൊട്ടി​ച്ചു ഭൂമി​യി​ലി​ട്ടി​രി​ക്കു​ന്നു!” യെശയ്യാവ്‌ പ്രവചിച്ച ബാബി​ലോൻ ഏതുതരം നഗരമാ​യി​രു​ന്നു? അത്‌ ആധുനിക മഹാബാ​ബി​ലോ​ന്റെ പ്രാധാ​ന്യ​ത്തെ​സം​ബ​ന്ധി​ച്ചുള്ള നമ്മുടെ ഗ്രാഹ്യ​ത്തി​നുള്ള മർമ്മ​പ്ര​ധാ​ന​മായ ഒരു സൂചന​യാണ്‌.—യെശയ്യാവ്‌ 21:9.

പുരാ​ത​ന​ബാ​ബി​ലോൻ അതിന്റെ പുറജാ​തി​ദൈ​വ​ങ്ങ​ളു​ടെ​യും ദേവി​ക​ളു​ടെ​യും ആരാധ​ന​സം​ബ​ന്ധി​ച്ചു കീർത്തി​പ്പെ​ട്ട​താ​യി​രു​ന്നു. പ്രൊ​ഫസ്സർ എസ്‌. എച്ച്‌. ഹൂക്ക്‌ ബാബി​ലോ​ന്യൻ ആൻഡ്‌ അസ്സീറി​യൻ റിലി​ജി​യൻ എന്ന തന്റെ പുസ്‌ത​ക​ത്തിൽ ഇങ്ങനെ പ്രസ്‌താ​വി​ക്കു​ന്നു: “ആരാധി​ക്ക​പ്പെ​ട്ടി​രുന്ന മററു ദൈവ​ങ്ങ​ളു​ടെ ഇടയിൽ മാർഡു​ക്കിന്‌ മുഖ്യ​സ്ഥാ​ന​മു​ണ്ടാ​യി​രുന്ന നഗരമാ​യി​രു​ന്നു ബാബി​ലോൻ. . . . നെബൂ​ഖ​ദ്‌നേസ്സർ രണ്ടാമന്റെ കാലത്ത്‌ ബാബി​ലോ​നിൽ നാമക​ര​ണം​ചെ​യ്യ​പ്പെട്ട അമ്പത്തെ​ട്ടിൽ കുറയാ​തെ ദൈവ​ങ്ങ​ളു​ടെ ക്ഷേത്ര​ങ്ങ​ളു​ണ്ടാ​യി​രു​ന്നു, അങ്ങനെ നിയോ​ഗി​ക്ക​പ്പെ​ടാഞ്ഞ മററ​നേകം ക്ഷേത്ര​ങ്ങ​ളെ​ക്കു​റിച്ച്‌ പറയു​ക​യും വേണ്ട. അതു​കൊണ്ട്‌ ഒരു മഹാന​ഗ​ര​ത്തി​ന്റെ ജീവി​ത​ത്തിൽ പുരോ​ഹി​ത​ജാ​തി എത്ര വലിയ പങ്കു വഹിച്ചി​രു​ന്നു​വെന്ന്‌ കാണാൻക​ഴി​യും.” ബാബി​ലോ​നി​ലെ മാർഡു​ക്കി​ന്റെ ക്ഷേത്ര​ത്തിന്‌ 55 പാർശ്വ ചാപ്പലു​കൾ ഉണ്ടായി​രു​ന്നു​വെന്ന്‌ പറയ​പ്പെ​ടു​ന്നു. പ്രാധാ​ന്യം കുറഞ്ഞ ദൈവ​ങ്ങൾക്കും വിശു​ദ്ധൻമാർക്കും മഡോ​ണ​കൾക്കും വേണ്ടി പാർശ്വ ചാപ്പലു​ക​ളുള്ള ഇന്നത്തെ അനേകം ക്ഷേത്ര​ങ്ങ​ളെ​യും പള്ളിക​ളെ​യും കത്തീ​ഡ്ര​ലു​ക​ളെ​യും ഇത്‌ എത്ര നന്നായി അനുസ്‌മ​രി​പ്പി​ക്കു​ന്നു!

ബാബി​ലോൻ ദൈവ​ങ്ങ​ളു​ടെ പൂജയി​ലെ വിഗ്ര​ഹാ​രാ​ധ​ന​യു​ടെ ഒരു കേന്ദ്ര​മാ​യി​രു​ന്നു. പുരോ​ഹി​തൻമാ​രും വിശ്വാ​സി​ക​ളും “ദൈവ​ങ്ങ​ളു​മാ​യി മാദ്ധ്യസ്ഥം വഹിക്കു​ന്ന​വ​യെ​ന്ന​നി​ല​യിൽ തങ്ങളുടെ വിശു​ദ്ധ​പ്ര​തി​മ​കൾക്ക്‌ വളരെ​യേറെ ശ്രദ്ധ കൊടു​ക്കുക പതിവാ​യി​രു​ന്നു”വെന്ന്‌ ഒരു വിവരണം പ്രസ്‌താ​വി​ക്കു​ന്നു. പ്രതി​മ​കളെ വില​യേ​റിയ പദവി​വ​സ്‌ത്ര​ങ്ങൾകൊ​ണ്ടു മൂടു​ക​യും നെക്ക്‌ലേ​സു​ക​ളും കങ്കണങ്ങ​ളും മോതി​ര​ങ്ങ​ളും അണിയി​ക്കു​ക​യും ചെയ്‌തി​രു​ന്നു; അവ ആഡംബ​ര​പൂർവ​ക​മായ പീഠങ്ങ​ളിൻമേൽ നിന്നി​രു​ന്നു. അവയെ കരയി​ലും വെള്ളത്തി​ലും ഘോഷ​യാ​ത്ര​ക​ളിൽ കാൽന​ട​യാ​യും വാഹന​ങ്ങ​ളി​ലും സ്വകാ​ര്യ​വ​ള്ള​ങ്ങ​ളി​ലും വഹിച്ചു​കൊ​ണ്ടു​പോ​യി​രു​ന്നു.”a ആധുനി​ക​ഹി​ന്ദു​മ​ത​ത്തി​ലും ബുദ്ധമ​ത​ത്തി​ലും കത്തോ​ലി​ക്കാ​മ​ത​ത്തി​ലും ദൈവ​ങ്ങൾക്കും വിശു​ദ്ധൻമാർക്കും മഡോ​ണാ​കൾക്കും കൊടു​ക്ക​പ്പെ​ടുന്ന ആരാധ​ന​യോട്‌ എത്ര സമാനം. അവരും അതു​പോ​ലെ​തന്നെ തങ്ങളുടെ പ്രതി​മ​കളെ തെരു​വു​ക​ളി​ലൂ​ടെ​യും നദിക​ളി​ലൂ​ടെ​യും കടലി​ലൂ​ടെ​യും പ്രദർശി​പ്പി​ച്ചു​കൊ​ണ്ടു​ന​ട​ക്കു​ന്നു!

പുരാ​ത​ന​ബാ​ബി​ലോ​നും ആധുനി​ക​മ​ത​വും തമ്മിലുള്ള സമാന്ത​ര​ത്തി​ന്റെ കൂടു​ത​ലായ ഒരു ദൃഷ്ടാ​ന്ത​മെ​ന്ന​നി​ല​യിൽ ഇതേ വിജ്ഞാ​ന​കോ​ശ​ത്തിൽനി​ന്നെ​ടുത്ത ചുവടെ ചേർത്തി​രി​ക്കുന്ന വർണ്ണന പരിചി​ന്തി​ക്കുക: “അവളുടെ വിശ്വ​സ്‌ത​വി​ശ്വാ​സി​കൾ അവളെ മധുര​ത​മ​ങ്ങ​ളായ പേരുകൾ വിളി​ക്കു​ന്നു: അവൾ ദേവി​യും സ്വാമി​നി​യും മാത്രമല്ല, പിന്നെ​യോ കാരു​ണ്യ​വ​തി​യായ അമ്മയും പ്രാർത്ഥ​ന​കേൾക്കു​ന്ന​വ​ളും മാദ്ധ്യ​സ്ഥം​വ​ഹി​ക്കു​ന്ന​വ​ളും . . . പ്രപഞ്ച​ത്തി​നും മനുഷ്യ​രാ​ശി​ക്കും ജീവൻ കൊടു​ത്തി​രി​ക്കു​ന്ന​വ​ളും​തന്നെ.” ഇതും എൽ സാന്റോ റൊ​സേ​രി​യോ​യിൽനി​ന്നുള്ള (വിശു​ദ്ധ​കൊന്ത) പിൻവ​രുന്ന പ്രാർത്ഥ​ന​യു​മാ​യി താരത​മ്യ​പ്പെ​ടു​ത്തുക: “പരമാ​ധി​കാ​ര​പ്ര​ഭ്വീ, അങ്ങെയു​ടെ നൻമ​ചെ​യ്യുന്ന കൈയിൽനിന്ന്‌ ഞങ്ങൾ അനുദി​നം സ്വീക​രി​ക്കുന്ന ഉപകാ​ര​ങ്ങൾക്ക്‌ ഞങ്ങൾ നന്ദിപ​റ​യു​ന്നു; പ്രഭ്വീ, ഇപ്പോ​ഴും എന്നേക്കും അങ്ങെയു​ടെ സംരക്ഷ​ണ​ത്തി​ലും അഭയത്തി​ലും ഞങ്ങളെ സൂക്ഷി​ക്കാൻ കനിവു​ണ്ടാ​കേ​ണമേ.”

ഈ വർണ്ണന​യു​ടെ​യും പ്രാർത്ഥ​ന​യു​ടെ​യും വിഷയ​മാ​രാണ്‌? അനേക​രും പെട്ടെ​ന്നു​തന്നെ “കന്യക​മ​റി​യാം” എന്ന്‌ നിഗമ​നം​ചെ​യ്യും. ആ ഉത്തരം പകുതി​മാ​ത്രമേ സത്യമാ​യി​രി​ക്കു​ന്നു​ള്ളു. എന്നിരു​ന്നാ​ലും, ലാസ്‌ ഗ്രാൻഡസ്‌ റിലി​ജി​യൻസ്‌ ഇലസ്‌​ട്രേ​ഡസ്‌ നമ്മെ അറിയി​ക്കു​ന്ന​തു​പോ​ലെ ആദ്യത്തെ ഉദ്ധരണി ഫലപുഷ്ടി, കാമം, യുദ്ധം എന്നിവ​യു​ടെ ബാബി​ലോ​ന്യ​ദേ​വ​ത​യായ ഇഷ്‌ടാ​റി​ന്റെ, “കാമിനി”യുടെ, ഒരു വർണ്ണന​യാണ്‌. ചില​പ്പോൾ അവൾ പ്രതി​മ​ക​ളിൽ “ആൺകു​ഞ്ഞി​നെ മുലകു​ടി​പ്പി​ക്കുന്ന ഒരു മാതാ​വാ​യി” അവതരി​പ്പി​ക്ക​പ്പെ​ടു​ന്നു.b ഇത്‌ ആധുനി​ക​മതം പുരാ​ത​ന​ബാ​ബി​ലോ​നിൽനിന്ന്‌ വളരെ അകലത്തി​ല​ല്ലെ​ന്നു​ള്ള​തി​ന്റെ മറെറാ​രു ദൃഷ്‌ടാ​ന്ത​മാണ്‌!

മനുഷ്യ​ദേ​ഹി​യു​ടെ​യും ദൈവ​ത്ര​യ​ങ്ങ​ളു​ടെ​യും സങ്കൽപ്പ​ന​ങ്ങ​ളോ​ടു​കൂ​ടിയ പുരാ​ത​ന​ബാ​ബി​ലോ​നും ആധുനി​ക​മ​ത​ത്തി​ലെ അമർത്യ​ദേ​ഹി​യു​ടെ​യും ദൈവ​ത്ര​യ​ങ്ങ​ളു​ടെ​യും സമാന​സ​ങ്കൽപ്പ​ന​ങ്ങ​ളും തമ്മിലും നമുക്കു താരത​മ്യ​പ്പെ​ടു​ത്താൻക​ഴി​യും. “മഹാബാ​ബി​ലോൻ” സാത്താന്റെ വ്യാജമത ലോക​സാ​മ്രാ​ജ്യ​ത്തി​ന്റെ ഒരു സമുചി​ത​പ്ര​തീ​ക​മാ​ണെ​ന്നുള്ള നമ്മുടെ ഗ്രാഹ്യ​ത്തെ തെളിവ്‌ ബലവത്താ​ക്കു​ന്നു.

ബാബി​ലോൻ—സത്യാ​രാ​ധ​ന​യു​ടെ അഹങ്കാ​രി​യായ ശത്രു

ബാബി​ലോൻ യഹോ​വ​യു​ടെ പുരാ​ത​ന​ജ​ന​മായ യിസ്രാ​യേ​ലി​ന്റെ അഹങ്കാ​രി​യായ ശത്രു​വും സത്യാ​രാ​ധ​ന​യു​ടെ ഒരു നിന്ദക​യു​മാ​യി​രു​ന്നു. ബാബി​ലോൻ ക്രി. മു. 607-ൽ യരുശ​ലേ​മി​ലെ ആലയം നശിപ്പി​ക്കു​ക​യും യഹോ​വ​യു​ടെ ആരാധ​ന​യോ​ടു ബന്ധപ്പെട്ട വിലപ്പെട്ട സകല ഉപകര​ണ​ങ്ങ​ളും എടുത്തു​കൊ​ണ്ടു​പോ​കു​ക​യും ആ പാത്ര​ങ്ങളെ ബേൽശ​സ്സ​രു​ടെ വിരു​ന്നിൽ അശുദ്ധ​മാ​ക്കു​ക​യും​ചെ​യ്‌തു.—ദാനി​യേൽ 5:3, 4.

അതു​പോ​ലെ​ത​ന്നെ, ആധുനി​ക​കാ​ല​ങ്ങ​ളിൽ മഹാബാ​ബി​ലോൻ സത്യാ​രാ​ധ​ന​യു​ടെ ഒരു നിരന്തര എതിരാ​ളി​യാ​യി​രി​ക്കു​ന്നു. യഹോ​വ​യു​ടെ സാക്ഷികൾ പീഡി​പ്പി​ക്ക​പ്പെ​ട്ടി​രി​ക്കുന്ന മിക്ക സന്ദർഭ​ങ്ങ​ളി​ലും മിക്ക​പ്പോ​ഴും രാഷ്‌ട്രീ​യ​ഭ​ര​ണാ​ധി​കാ​രി​ക​ളു​മാ​യുള്ള സഖ്യത്തി​ലൂ​ടെ വൈദി​ക​രാണ്‌ അതിന്‌ പ്രോൽസാ​ഹി​പ്പി​ച്ചി​രി​ക്കു​ന്നത്‌.

വൈദി​ക​പ്രേ​രി​ത​മായ എതിർപ്പി​ന്റെ വ്യക്തമായ ഒരു ദൃഷ്ടാന്തം 1917 വരെ പിമ്പോ​ട്ടു​പോ​കു​ന്നു. ആ മാതൃക പലപ്പോ​ഴും ആവർത്തി​ക്ക​പ്പെ​ട്ടി​ട്ടു​മുണ്ട്‌. ആ വർഷത്തിൽ അന്തർദ്ദേ​ശീയ ബൈബിൾ വിദ്യാർത്ഥി​കൾ—അന്ന്‌ യഹോ​വ​യു​ടെ സാക്ഷികൾ അങ്ങനെ​യാണ്‌ അറിയ​പ്പെ​ട്ടി​രു​ന്നത്‌—പൂർത്തി​യായ മർമ്മം എന്ന പുസ്‌തകം പ്രസി​ദ്ധ​പ്പെ​ടു​ത്തി. ഈ പുസ്‌ത​ക​ത്തി​ന്റെ ഏതാനും​ചില പേജുകൾ വിധ്വം​സ​ക​മാ​ണെന്ന്‌ കാനഡാ​യി​ലെ​യും ഐക്യ​നാ​ടു​ക​ളി​ലെ​യും വൈദി​കർ വ്യാഖ്യാ​നി​ച്ചു. അവരുടെ രാജ്യങ്ങൾ അന്ന്‌ യുദ്ധത്തിൽ കുടു​ങ്ങി​യി​രി​ക്കു​ക​യാ​യി​രു​ന്നു. അവർ തങ്ങളുടെ രാഷ്‌ട്രീ​യ​ജാ​രൻമാ​രെ ഈ പുസ്‌ത​ക​ത്തെ​ക്കു​റിച്ച്‌ അറിയി​ക്കാൻ ധൃതി​കൂ​ട്ടി. ഫലമെ​ന്താ​യി​രു​ന്നു? പ്രൊ​ഫസ്സർ മാർട്ടിൻ മാർട്ടി ആധുനിക അമേരി​ക്കൻമതം—അതി​ന്റെ​യെ​ല്ലാം വിരോ​ധാ​ഭാ​സം എന്ന പുസ്‌ത​ക​ത്തിൽ പറയു​ന്ന​ത​നു​സ​രിച്ച്‌ “വൈദി​കർ റസ്സലു​കാർക്കെ​തി​രെ [സാക്ഷികൾ] തിരി​യു​ക​യും യഹോ​വ​യു​ടെ സാക്ഷി​ക​ളു​ടെ കുററം​വി​ധി​ക്ക​പ്പെട്ട നേതാ​ക്കൻമാ​രു​ടെ​മേൽ [രാജ്യ​ദ്രോ​ഹം ആരോ​പിച്ച്‌] ഇരുപ​തു​വർഷത്തെ തടവു വിധി​ക്കു​ന്നു​വെന്ന്‌ കേട്ടതിൽ സന്തോ​ഷി​ക്കു​ക​യും​ചെ​യ്‌തു.”

എന്നാൽ ചുരുക്കം ചില മാസങ്ങൾക്കു​ശേഷം ആ നേതാ​ക്കൻമാ​രെ കുററ​വി​മു​ക്ത​രാ​യി പ്രഖ്യാ​പി​ച്ച​പ്പോൾ വൈദി​ക​രു​ടെ പ്രതി​ക​ര​ണ​മെ​ന്താ​യി​രു​ന്നു? “ഓർത്ത​ഡോ​ക്‌സ്‌ പള്ളിയം​ഗങ്ങൾ സന്തോ​ഷി​ച്ചില്ല.” “തങ്ങളുടെ മതത്തെ​പ്രതി ഫെഡറൽഗ​വൺമെൻറി​നെ പിണക്കത്തക്ക ഘട്ടം വരെ” സാക്ഷികൾ ഒററക്ക്‌ ബൈബിൾത​ത്വ​ങ്ങൾക്കു​വേണ്ടി നില​കൊ​ണ്ടു. സാക്ഷികൾ ഒരിക്ക​ലും ജർമ്മനി​യി​ലെ നാസി​ഭ​ര​ണ​ത്തിൻകീ​ഴിൽപോ​ലു​മോ ഇററലി​യി​ലെ​യോ സ്‌പെ​യി​നി​ലെ​യോ പോർട്ടു​ഗ​ലി​ലെ​യോ ഫാസി​സ്‌ററ്‌ ഭരണത്തിൻകീ​ഴി​ലോ രാഷ്‌ട്രീ​യ​ഭ​ര​ണാ​ധി​കാ​രി​കൾക്ക്‌ അടിപ​ണി​യാൻ സന്നദ്ധരായ സഹചാ​രി​ക​ളാ​യി​രു​ന്നില്ല, ഒരിക്ക​ലും ആയിരു​ന്നി​ട്ടു​മില്ല.

ബാബി​ലോൻ അപലപി​ക്ക​പ്പെ​ടു​ക​യും ലജ്ജിത​യാ​കു​ക​യും ചെയ്യുന്നു

അപ്പോൾ, മഹാബാ​ബി​ലോൻ “വിശു​ദ്ധൻമാ​രു​ടെ രക്തവും യേശു​വി​ന്റെ സാക്ഷി​ക​ളു​ടെ രക്തവും കുടിച്ച്‌ മത്തയാ​യി​രി​ക്കു​ന്നു”വെന്നും “പ്രവാ​ച​കൻമാ​രു​ടെ​യും വിശു​ദ്ധൻമാ​രു​ടെ​യും ഭൂമി​യിൽ കൊല്ല​പ്പെ​ട്ടി​ട്ടുള്ള സകലരു​ടെ​യും രക്തം അവളിൽ കാണ​പ്പെട്ടു”വെന്നും വെളി​പ്പാട്‌ പ്രസ്‌താ​വി​ക്കു​ന്നത്‌ എത്ര ഉചിതം. യുദ്ധത്തി​ലോ സത്യ​ക്രി​സ്‌ത്യാ​നി​ക​ളു​ടെ പീഡന​ത്തി​ലോ സജീവ​മാ​യി പങ്കെടു​ക്കു​ക​യോ നിഷ്‌ക്രി​യ​മാ​യി അവയെ അംഗീ​ക​രി​ക്കു​ക​യോ ചെയ്യു​ന്ന​തി​ലുള്ള ലോക​മ​ത​ത്തി​ന്റെ രക്തപാ​തകം നൂററാ​ണ്ടു​ക​ളി​ലെ​ല്ലാം കാണാ​വു​ന്ന​താണ്‌.—വെളി​പ്പാട്‌ 17:6; 18:24.

വ്യാജ​മ​ത​ലോ​ക​സാ​മ്രാ​ജ്യ​മായ മഹാബാ​ബി​ലോൻ ചരി​ത്ര​ത്തി​ലു​ട​നീ​ളം ആഡംബ​ര​വും അധികാ​ര​വും ആസ്വദി​ച്ചി​ട്ടുണ്ട്‌. എന്നാൽ മഹാ​വേ​ശ്യ​യു​ടെ നാശത്തി​നുള്ള ദിവസം വരു​മെന്ന്‌ ഒരു ദൂതൻ യോഹ​ന്നാ​നു മുന്നറി​യി​പ്പു​കൊ​ടു​ത്തു. വിവരണം നമ്മോട്‌ ഇങ്ങനെ പറയുന്നു: “അവൻ ഒരു ഉറച്ച ശബ്ദത്തിൽ വിളി​ച്ചു​പ​റഞ്ഞു: ‘അവൾ വീണി​രി​ക്കു​ന്നു! മഹാബാ​ബി​ലോൻ വീണി​രി​ക്കു​ന്നു, അവൾ ഭൂതങ്ങ​ളു​ടെ ഒരു നിവാ​സ​സ്ഥ​ല​വും സകല അശുദ്ധ ഉച്ഛ്വസ​ന​ത്തി​ന്റെ​യും പതുങ്ങൽസ്ഥ​ല​വും അശുദ്ധ​വും വെറു​ക്ക​പ്പെ​ട്ട​തു​മായ സകല പക്ഷിക​ളു​ടെ​യും പതുങ്ങൽസ്ഥ​ല​വു​മാ​യി​ത്തീർന്നി​രി​ക്കു​ന്നു!’”—വെളി​പ്പാട്‌ 18:2.

ബാബി​ലോൻ എപ്പോൾ വീഴും? അതോ അവൾ ഇപ്പോൾത്തന്നെ വീണി​രി​ക്കു​ന്നു​വോ? അവൾക്ക്‌ ഏതു വിധത്തി​ലാണ്‌ ഒരു വീഴ്‌ച അനുഭ​വ​പ്പെ​ടു​ന്നത്‌? അത്‌ നിങ്ങളെ എങ്ങനെ ബാധി​ക്കു​ന്നു? ഇവയ്‌ക്കും ബന്ധപ്പെട്ട ചോദ്യ​ങ്ങൾക്കും ഞങ്ങളുടെ വീക്ഷാ​ഗോ​പു​ര​ത്തി​ന്റെ അടുത്ത ലക്കത്തിൽ ഉത്തരം നൽകു​ന്ന​താ​യി​രി​ക്കും. (w89 4/1)

[അടിക്കു​റി​പ്പു​കൾ]

[8, 9 പേജു​ക​ളി​ലെ ചിത്രം]

മഹാബാബിലോന്‌ പുരാതന ബാബി​ലോ​ന്യ​മ​ത​ത്തി​ലാണ്‌ അവളുടെ വേരു​ക​ളു​ള്ളത്‌