ദൈവ​ഭ​യ​ത്തിൽ വിശു​ദ്ധി​യെ പൂർണ്ണ​മാ​ക്കൽ

“നമുക്ക്‌ ദൈവ​ഭ​യ​ത്തിൽ വിശു​ദ്ധി​യെ പൂർണ്ണ​മാ​ക്കി​ക്കൊണ്ട്‌ ജഡത്തി​ലെ​യും ആത്മാവി​ലെ​യും സകല മാലി​ന്യ​ത്തിൽനി​ന്നും നമ്മേത്തന്നെ ശുദ്ധരാ​ക്കാം.”—2 കൊരി​ന്ത്യർ 7:1.

1. ഉന്നതസ്ഥാ​ന​ങ്ങ​ളി​ലുള്ള ദൂതൻമാർ യഹോ​വ​യു​ടെ വിശു​ദ്ധി​യെ തിരി​ച്ച​റി​യു​ന്നു​വെന്ന്‌ നാം എങ്ങനെ അറിയു​ന്നു?

യഹോ​വ​യാണ്‌ വിശു​ദ്ധ​നായ ദൈവം. സ്വർഗ്ഗ​ത്തിൽ ഉന്നത സ്ഥാനങ്ങ​ളുള്ള ദൂതൻമാർ അനിശ്ചി​ത​മായ പദങ്ങളി​ലല്ല അവന്റെ വിശു​ദ്ധി​യെ ഘോഷി​ക്കു​ന്നത്‌. “സൈന്യ​ങ്ങ​ളു​ടെ യഹോവ പരിശു​ദ്ധൻ, പരിശു​ദ്ധൻ, പരിശു​ദ്ധൻ. സർവഭൂ​മി​യു​ടെ​യും പൂർണ്ണത അവന്റെ മഹത്വ​മാ​കു​ന്നു.” ക്രി.മു. എട്ടാം നൂററാ​ണ്ടിൽ പ്രവച​ക​നായ യെശയ്യാവ്‌ ഒരു ദർശന​ത്തിൽ കണ്ട സെറാ​ഫു​ക​ളു​ടെ ഉത്തേജ​ക​മായ ആഹ്വാ​ന​മ​ങ്ങ​നെ​യാ​യി​രു​ന്നു. ക്രി.വ. ഒന്നാം നൂററാ​ണ്ടി​ന്റെ അവസാ​ന​ത്തിൽ അപ്പോ​സ്‌ത​ല​നായ യോഹ​ന്നാൻ “കർത്താ​വി​ന്റെ ദിവസ”ത്തിൽ സംഭവി​ക്കാ​നു​ള്ള​വ​യു​ടെ ദർശനങ്ങൾ കണ്ടു. നാമി​പ്പോൾ ആ ദിവസ​ത്തി​ലാണ്‌. അവൻ യഹോ​വ​യു​ടെ സിംഹാ​സ​ന​ത്തി​നു ചുററും നാലു ജീവി​കളെ കണ്ടു. അവർ “ഉണ്ടായി​രു​ന്ന​വ​നും ഉള്ളവനും വരുന്ന​വ​നു​മായ സർവശ​ക്ത​നായ യഹോ​വ​യാം ദൈവം പരിശു​ദ്ധൻ, പരിശു​ദ്ധൻ, പരിശു​ദ്ധൻ” എന്ന്‌ അവിരാ​മം ഉദ്‌ഘോ​ഷി​ക്കു​ന്നതു കേൾക്കു​ക​യും​ചെ​യ്‌തു. യഹോ​വ​യു​ടെ സ്വർഗ്ഗീയ ആത്മ ജീവി​ക​ളു​ടെ മുമ്മട​ങ്ങായ പ്രഖ്യാ​പ​നങ്ങൾ സ്രഷ്ടാ​വി​ന്റെ അതിവി​ശിഷ്ട വിശു​ദ്ധി​യെ ഊന്നി​പ്പ​റ​യു​ന്നു.—യെശയ്യാവ്‌ 6:2, 3; വെളി​പ്പാട്‌ 1:10; 4:6-8.

വിശു​ദ്ധി​യും വേർപാ​ടും

2. (എ) വിശു​ദ്ധിക്ക്‌ ഏതു രണ്ടു വശങ്ങളുണ്ട്‌, ഈ രണ്ടു വശങ്ങളി​ലും യഹോവ വിശു​ദ്ധ​നാ​യി​രി​ക്കു​ന്ന​തെ​ങ്ങനെ? (ബി) മോശ യഹോ​വ​യു​ടെ വിശു​ദ്ധി​യെ ഊന്നി​പ്പ​റ​ഞ്ഞ​തെ​ങ്ങനെ?

² വിശുദ്ധി മതപര​മായ ശുദ്ധി​യെ​യും നിർമ്മ​ല​ത​യെ​യും മാത്രമല്ല വേർപാ​ടി​നെ​യും അഥവാ വിശു​ദ്ധീ​ക​ര​ണ​ത്തെ​യും അർത്ഥമാ​ക്കു​ന്നു. യഹോവ അത്യന്തം നിർമ്മ​ല​നോ വിശു​ദ്ധ​നോ ആണ്‌; അവൻ ജനതക​ളു​ടെ സകല മലിന​ദൈ​വ​ങ്ങ​ളിൽനി​ന്നും പൂർണ്ണ​മാ​യി വേറി​ട്ടു​നിൽക്കു​ന്ന​വ​നാണ്‌. മോശ പിൻവ​രു​ന്ന​പ്ര​കാ​രം പാടി​യ​പ്പോൾ അവന്റെ വിശു​ദ്ധി​യു​ടെ അഥവാ വിശു​ദ്ധീ​ക​ര​ണ​ത്തി​ന്റെ ഈ വശത്തിന്‌ അടിവ​ര​യി​ട​പ്പെട്ടു: “യഹോവേ, ദൈവ​ങ്ങ​ളു​ടെ ഇടയിൽ നിന്നേ​പ്പോ​ലെ ആരുള്ളു? വിശു​ദ്ധി​യിൽ ശക്തനായി നിന്നെ​ത്തന്നെ തെളി​യി​ക്കുന്ന നിന്നെ​പ്പോ​ലെ ആരുള്ളു?”—പുറപ്പാട്‌ 15:11.

3. ഏതു വിധങ്ങ​ളിൽ എല്ലാ ഇസ്രാ​യേ​ല്യ​രും വിശു​ദ്ധ​രാ​യി​രി​ക്കാൻ ആവശ്യ​പ്പെ​ട്ടി​രു​ന്നു, യഹോവ ഈ കാര്യ​ത്തിൽ അവരെ എങ്ങനെ സഹായി​ച്ചു?

³ വിശുദ്ധ ദൈവ​മായ യഹോവ ഭൂമി​യി​ലെ തന്റെ ജനമാ​യി​രുന്ന പുരാതന ഇസ്രാ​യേ​ല്യ​രും വിശു​ദ്ധ​രാ​യി​രി​ക്ക​ണ​മെന്ന്‌ ആവശ്യ​പ്പെട്ടു. പുരോ​ഹി​തൻമാ​രിൽനി​ന്നും ലേവ്യ​രിൽനി​ന്നും മാത്രമല്ല, പിന്നെ​യോ മുഴു​ജ​ന​ത്തിൽനി​ന്നും ഇത്‌ ആവശ്യ​പ്പെ​ട്ടി​രു​ന്നു. യഹോവ മോശ​യോട്‌ ഇങ്ങനെ പറഞ്ഞു: “ഇസ്രാ​യേൽ പുത്രൻമാ​രു​ടെ മുഴു സഭയോ​ടും സംസാ​രി​ക്കുക, ‘നിങ്ങളു​ടെ ദൈവ​മായ യഹോ​വ​യായ ഞാൻ വിശു​ദ്ധ​നാ​യി​രി​ക്കു​ന്ന​തു​കൊണ്ട്‌ നിങ്ങൾ വിശു​ദ്ധ​രെന്ന്‌ തെളി​യി​ക്കണം.’” (ലേവ്യ​പു​സ്‌തകം 19:2) ആ ലക്ഷ്യത്തിൽ, ആത്മീയ​മാ​യും ധാർമ്മി​ക​മാ​യും മാനസി​ക​മാ​യും ശാരീ​രി​ക​മാ​യും ആചാര​പ​ര​മാ​യും ശുദ്ധരാ​യി നില​കൊ​ള്ളു​ന്ന​തിന്‌ അവരെ സഹായി​ക്കാൻ യഹോവ അവർക്ക്‌ നിയമങ്ങൾ കൊടു​ത്തു. ഒടുവിൽ പറഞ്ഞ ശുദ്ധി സമാഗ​മ​ന​കൂ​ടാ​ര​ത്തി​ലും പിന്നീട്‌ ആലയത്തി​ലു​മുള്ള അവരുടെ ആരാധ​ന​യോ​ടുള്ള ബന്ധത്തി​ലാ​യി​രു​ന്നു.

വേർതി​രി​ക്ക​പ്പെട്ട ഒരു ജനം

4, 5. (എ) ജഡിക ഇസ്രാ​യേൽ വിശു​ദ്ധീ​ക​രി​ക്ക​പ്പെട്ട ഒരു ജനതയാ​യി​രു​ന്ന​തെ​ങ്ങനെ? (ബി) ആത്മീയ ഇസ്രാ​യേ​ല്യ​രിൽനിന്ന്‌ എന്താവ​ശ്യ​പ്പെ​ട്ടി​രി​ക്കു​ന്നു, അപ്പോ​സ്‌ത​ല​നായ പത്രോസ്‌ ഇത്‌ എങ്ങനെ സ്ഥിരീ​ക​രി​ക്കു​ന്നു?

⁴ ഇസ്രാ​യേ​ല്യർ ദൈവ​നി​യ​മങ്ങൾ അനുസ​രി​ച്ച​ട​ത്തോ​ളം അവർ അവർക്കു ചുററു​പാ​ടു​മു​ണ്ടാ​യി​രുന്ന നീചരാ​യി​രുന്ന ജനതക​ളിൽനിന്ന്‌ വ്യത്യ​സ്‌ത​രാ​യി നില​കൊ​ണ്ടു. മോശ അവരോട്‌ ഇങ്ങനെ പറഞ്ഞു: “നീ നിന്റെ ദൈവ​മായ യഹോ​വക്ക്‌ ഒരു വിശു​ദ്ധ​ജ​ന​മാ​കു​ന്നു. ഭൂതല​ത്തുള്ള സകല ജനങ്ങളി​ലും​വെച്ച്‌ ഒരു പ്രത്യേക സ്വത്തായ തന്റെ ജനമാ​യി​രി​ക്കാൻ നിന്റെ ദൈവ​മായ യഹോവ തെര​ഞ്ഞെ​ടു​ത്തി​രി​ക്കു​ന്നത്‌ നിന്നെ​യാണ്‌.”—ആവർത്തനം 7:6.

⁵ അങ്ങനെ​യുള്ള ശുദ്ധി​യും വേർപാ​ടും ആത്മീയ ഇസ്രാ​യേ​ലിൽനി​ന്നും ആവശ്യ​പ്പെ​ടു​ന്നുണ്ട്‌. ആത്മീയ ഇസ്രാ​യേ​ലാ​യി​രി​ക്കാൻ തെര​ഞ്ഞെ​ടു​ക്ക​പ്പെ​ട്ട​വർക്ക്‌ അപ്പോ​സ്‌ത​ല​നായ പത്രോസ്‌ ഇങ്ങനെ എഴുതി: “അനുസ​ര​ണ​മുള്ള മക്കളെന്ന നിലയിൽ, നിങ്ങളു​ടെ അജ്ഞതയിൽ നിങ്ങൾക്ക്‌ മുമ്പു​ണ്ടാ​യി​രുന്ന ആഗ്രഹ​ങ്ങ​ളോട്‌ അനുരൂ​പ​പ്പെ​ടു​ന്നത്‌ നിർത്തുക, എന്നാൽ നിങ്ങളെ വിളിച്ച വിശു​ദ്ധന്‌ അനു​യോ​ജ്യ​മാ​യി നിങ്ങളും നിങ്ങളു​ടെ സകല നടത്തയി​ലും വിശു​ദ്ധ​രാ​യി​ത്തീ​രുക, എന്തു​കൊ​ണ്ടെ​ന്നാൽ ‘ഞാൻ വിശു​ദ്ധ​നാ​യി​രി​ക്കു​ന്ന​തു​കൊണ്ട്‌ നിങ്ങളും വിശു​ദ്ധ​രാ​യി​രി​ക്കണം’ എന്ന്‌ എഴുത​പ്പെ​ട്ടി​രി​ക്കു​ന്നു.”—1 പത്രോസ്‌ 1:1, 14-16.

6, 7. (എ) വെളി​പ്പാട്‌ 7-ാം അദ്ധ്യാ​യ​ത്തിൽ “മഹാപു​രു​ഷാര”ത്തിലെ അംഗങ്ങൾ വർണ്ണി​ക്ക​പ്പെ​ട്ടി​രി​ക്കു​ന്ന​തെ​ങ്ങനെ, യുക്ത്യാ​നു​സൃ​തം അവരിൽനിന്ന്‌ എന്താവ​ശ്യ​പ്പെ​ട്ടി​രി​ക്കു​ന്നു? (ബി) അടുത്ത ഖണ്ഡിക​ക​ളിൽ എന്ത്‌ പരിചി​ന്തി​ക്ക​പ്പെ​ടും?

⁶ വെളി​പ്പാട്‌ 7-ാം അദ്ധ്യാ​യ​ത്തിൽ, “മഹാപു​രു​ഷാര”ത്തിൽപെട്ട അംഗങ്ങൾ “തങ്ങളുടെ അങ്കികൾ കുഞ്ഞാ​ടി​ന്റെ രക്തത്തിൽ അലക്കി വെളു​പ്പിച്ച്‌” “വെള്ളനി​ല​യ​ങ്കി​കൾ ധരിച്ച്‌ [യഹോ​വ​യു​ടെ] സിംഹാ​സ​ന​ത്തി​നും കുഞ്ഞാ​ടി​നും മുമ്പാകെ നിൽക്കു​ന്ന​താ​യി” വർണ്ണി​ക്ക​പ്പെ​ട്ടി​രി​ക്കു​ന്നു. (വെളി​പ്പാട്‌ 7:9, 14) അവരുടെ വെള്ള നിലയ​ങ്കി​കൾ യഹോ​വ​യു​ടെ മുമ്പാ​കെ​യുള്ള അവരുടെ ശുദ്ധവും നീതി​നി​ഷ്‌ഠ​വു​മായ നിലയെ പ്രതീ​ക​വൽക്ക​രി​ക്കു​ന്നു, വീണ്ടെ​ടു​പ്പി​നുള്ള ക്രിസ്‌തു​വി​ന്റെ രക്തത്തി​ലുള്ള വിശ്വാ​സം നിമി​ത്ത​മാണ്‌ അവൻ ആ നില അവർക്ക്‌ അനുവ​ദി​ച്ചു​കൊ​ടു​ക്കു​ന്നത്‌. ആ സ്ഥിതിക്ക്‌, അഭിഷിക്ത ക്രിസ്‌ത്യാ​നി​കൾ മാത്രമല്ല, “വേറെ ആടുക​ളും” യഹോ​വയെ സ്വീകാ​ര്യ​മാ​യി ആരാധി​ക്കാൻ ആത്മീയ​മാ​യും ധാർമ്മി​ക​മാ​യും ശുദ്ധരാ​യി നില​കൊ​ള്ളേ​ണ്ട​താണ്‌.—യോഹ​ന്നാൻ 10:16.

⁷ കഴിഞ്ഞ കാലത്തെ യഹോ​വ​യു​ടെ ജനം എങ്ങനെ നിർമ്മ​ല​രും വിശു​ദ്ധ​രു​മാ​യി തെളി​യി​ക്ക​ണ​മെന്ന്‌ ആവശ്യ​പ്പെ​ട്ടു​വെ​ന്നും ഇന്ന്‌ ദൈവ​ജ​ന​ത്തിന്‌ അതേ തത്വങ്ങൾ ബാധക​മാ​കു​ന്ന​തെ​ന്തു​കൊ​ണ്ടെ​ന്നും നമുക്കി​പ്പോൾ പരിചി​ന്തി​ക്കാം.

ആത്മീയ ശുദ്ധി

8. ഇസ്ര​യേ​ല്യർ ഏതു കാരണ​ങ്ങ​ളാൽ കനാനി​ലെ മതങ്ങളിൽനിന്ന്‌ വിട്ടു​നിൽക്ക​ണ​മാ​യി​രു​ന്നു?

⁸ ജഡിക ഇസ്രാ​യേൽ മററു ജനതക​ളു​ടെ അശുദ്ധ​മായ മതാചാ​ര​ങ്ങ​ളിൽനിന്ന്‌ തത്വനി​ഷ്‌ഠ​യോ​ടെ വേർപെ​ട്ടു​നിൽക്ക​ണ​മാ​യി​രു​ന്നു. മോശ​യി​ലൂ​ടെ സംസാ​രി​ച്ചു​കൊണ്ട്‌ യഹോവ ഇസ്രാ​യേ​ലി​നോട്‌ ഇങ്ങനെ പറഞ്ഞു: “നിന്റെ മദ്ധ്യേ ഒരു കെണി​യാ​യി​ത്തീ​രാ​തി​രി​ക്കു​ന്ന​തിന്‌ നീ പോകുന്ന ദേശത്തെ നിവാ​സി​ക​ളു​മാ​യി ഒരു ഉടമ്പടി​ചെ​യ്യാ​തി​രി​ക്കാൻ സൂക്ഷി​ക്കുക. എന്നാൽ അവരുടെ ബലിപീ​ഠ​ങ്ങളെ നിങ്ങൾ ഇടിച്ചു​പൊ​ളി​ച്ചു​ക​ള​യണം, അവരുടെ പാവന​സ്‌തൂ​പ​ങ്ങളെ [മ്ലേച്ഛമായ ലിംഗാ​രാ​ധ​ന​യോ​ടുള്ള ബന്ധത്തിൽ ഉപയോ​ഗി​ക്ക​പ്പെ​ട്ടി​രു​ന്നവ] നിങ്ങൾ തകർക്കണം, അവരുടെ പാവന​സ്‌തം​ഭ​ങ്ങളെ നിങ്ങൾ വെട്ടി​യി​ടണം. എന്തെന്നാൽ നീ മറെറാ​രു ദൈവ​ത്തി​ന്റെ മുമ്പാകെ സാഷ്ടാം​ഗ​പ്ര​ണാ​മം​ചെ​യ്യ​രുത്‌, എന്തു​കൊ​ണ്ടെ​ന്നാൽ തീക്ഷ്‌ണൻ എന്നു നാമമുള്ള യഹോവ, അവൻ തീക്ഷ്‌ണ​ത​യുള്ള [അല്ലെങ്കിൽ “അനന്യ​മായ ഭക്തി നിഷ്‌ക്കർഷി​ക്കുന്ന,” ന്യൂ​വേൾഡ്‌ ട്രാൻസേ​ഷ്‌ളൻ റഫറൻസ്‌ ബൈബിൾ, അടിക്കു​റിപ്പ്‌] ഒരു ദൈവ​മാ​കു​ന്നു; അവർ തീർച്ച​യാ​യും അവരുടെ ദൈവ​ങ്ങ​ളു​മാ​യി അധാർമ്മി​ക​ബ​ന്ധ​ങ്ങ​ളി​ലേർപ്പെ​ടു​ക​യും അവരുടെ ദൈവ​ങ്ങൾക്കു ബലിക​ഴി​ക്കു​ക​യും​ചെ​യ്യു​മ്പോൾ നീ ദേശത്തെ നിവാ​സി​ക​ളു​മാ​യി ഒരു ഉടമ്പടി ഉണ്ടാക്കാ​തി​രി​ക്കാൻതന്നെ.”—പുറപ്പാട്‌ 34:12-15.

9. ക്രി.മു. 537-ൽ ബാബി​ലോ​നിൽനി​ന്നു വിട്ടു​പോന്ന വിശ്വ​സ്‌ത​ശേ​ഷി​പ്പിന്‌ ഏതു കൃത്യ​മായ നിർദ്ദേ​ശങ്ങൾ കൊടു​ക്ക​പ്പെ​ട്ടി​രു​ന്നു?

⁹ നൂററാ​ണ്ടു​കൾ കഴിഞ്ഞ്‌, ബാബി​ലോ​നിൽനിന്ന്‌ യഹൂദ​യി​ലേക്ക്‌ മടങ്ങി​വ​രുന്ന വിശ്വ​സ്‌ത​ശേ​ഷി​പ്പി​നോട്‌ ഈ പ്രാവ​ച​നി​ക​വാ​ക്കു​കൾ പറയാൻ യഹോവ യെശയ്യാ​വി​നെ നിശ്വ​സ്‌ത​നാ​ക്കി: “വിട്ടു​മാ​റുക, വിട്ടു​മാ​റുക, അവി​ടെ​നിന്ന്‌ പുറത്തു​പോ​രുക, അശുദ്ധ​മായ യാതൊ​ന്നും തൊട​രുത്‌; അവളുടെ മദ്ധ്യേ​നിന്ന്‌ പുറത്തു​പോ​രുക, യഹോ​വ​യു​ടെ ഉപകര​ണ​ങ്ങളെ ചുമക്കു​ന്ന​വരേ, [യരൂശ​ലേ​മി​ലെ ആലയത്തിൽ നിർമ്മ​ലാ​രാ​ധന പുനഃ​സ്ഥാ​പി​ക്കാൻ ഉപയോ​ഗി​ക്കു​ന്ന​തിന്‌] നിങ്ങ​ളെ​ത്തന്നെ ശുദ്ധരാ​യി സൂക്ഷി​ക്കുക.”—യെശയ്യാവ്‌ 52:11.

10, 11. (എ) ക്രി.വ. ഒന്നാം നൂററാ​ണ്ടിൽ ആത്മീയ ഇസ്രാ​യേ​ല്യർക്ക്‌ ഏതു സമാന​മായ നിർദ്ദേ​ശങ്ങൾ കൊടു​ക്ക​പ്പെട്ടു? (ബി) വിശേ​ഷിച്ച്‌ 1919 മുതലും 1935 മുതലും ഈ നിർദ്ദേ​ശങ്ങൾ എങ്ങനെ അനുസ​രി​ക്ക​പ്പെ​ട്ടി​രി​ക്കു​ന്നു, വേറെ ഏതു വിധത്തിൽ അഭിഷി​ക്ത​രും അവരുടെ സഹപ്ര​വർത്ത​ക​രും ആത്മീയ​മാ​യി ശുദ്ധരാ​യി നില​കൊ​ള്ളു​ന്നു?

¹⁰ സമാന​മാ​യി, ആത്മീയ ഇസ്രാ​യേ​ല്യ​രും അവരുടെ സഹപ്ര​വർത്ത​ക​രും ഈ ലോക​ത്തി​ലെ വിഗ്ര​ഹാ​രാ​ധ​നാ​പ​ര​മായ മതങ്ങളാൽ മലിന​പ്പെ​ടാ​തെ തങ്ങളേ​ത്തന്നെ സൂക്ഷി​ക്കേ​ണ്ട​താണ്‌. കൊരി​ന്ത്യ​സ​ഭ​യി​ലെ അഭിഷി​ക്ത​ക്രി​സ്‌ത്യാ​നി​കൾക്ക്‌ എഴുതി​ക്കൊണ്ട്‌, അപ്പോ​സ്‌ത​ല​നായ പൗലോസ്‌ ഇങ്ങനെ പ്രസ്‌താ​വി​ച്ചു: “ദൈവ​ത്തി​ന്റെ ആലയത്തിന്‌ വിഗ്ര​ഹ​ങ്ങ​ളോട്‌ എന്ത്‌ യോജി​പ്പാ​ണു​ള്ളത്‌? എന്തെന്നാൽ നാം ഒരു ജീവനുള്ള ദൈവ​ത്തി​ന്റെ ഒരു ആലയമാ​കു​ന്നു; ‘ഞാൻ അവരുടെ ഇടയിൽ വസിക്കു​ക​യും അവരുടെ ഇടയിൽ നടക്കു​ക​യും ചെയ്യും, ഞാൻ അവരുടെ ദൈവ​മാ​യി​രി​ക്കും, അവർ എന്റെ ജനമാ​യി​രി​ക്കും’ എന്ന്‌ ദൈവം പറഞ്ഞതു​പോ​ലെ​തന്നെ. ‘“അതു​കൊണ്ട്‌ അവരുടെ ഇടയിൽനിന്ന്‌ പുറത്തു​ക​ട​ക്കുക, നിങ്ങ​ളെ​ത്തന്നെ വേർപെ​ടു​ത്തുക” എന്ന്‌ യഹോവ പറയുന്നു, “അശുദ്ധ​മാ​യ​തി​നെ തൊടു​ന്നതു നിർത്തുക”’; ‘“ഞാൻ നിങ്ങളെ ചേർത്തു​കൊ​ള്ളും.”’”—2 കൊരി​ന്ത്യർ 6:16, 17.

¹¹ ആയിര​ത്തി​ത്തൊ​ള്ളാ​യി​രത്തി പത്തൊൻപ​തു​മു​തൽ നിർമ്മ​ലീ​ക​രി​ക്ക​പ്പെ​ടു​ക​യും ശുദ്ധീ​ക​രി​ക്ക​പ്പെ​ടു​ക​യും ചെയ്‌ത അഭിഷി​ക്ത​ശേ​ഷി​പ്പി​ലെ അംഗങ്ങൾ മഹാബാ​ബി​ലോ​നി​ലെ അശുദ്ധ​വും വിഗ്ര​ഹാ​രാ​ധ​നാ​പ​ര​വു​മായ മതങ്ങളിൽനിന്ന്‌ സ്വത​ന്ത്ര​രാ​ക്ക​പ്പെ​ട്ടി​രി​ക്കു​ന്നു. (മലാഖി 3:1-3) അവർ ഈ സ്വർഗ്ഗീയ ആഹ്വാ​ന​ത്തി​നു ചെവി​കൊ​ടു​ത്തി​രി​ക്കു​ന്നു: “എന്റെ ജനമേ, നിങ്ങൾ അവളുടെ പാപങ്ങ​ളിൽ പങ്കുപ​റ​റാൻ ആഗ്രഹി​ക്കു​ന്നി​ല്ലെ​ങ്കിൽ, നിങ്ങൾ അവളുടെ ബാധക​ളു​ടെ ഓഹരി ലഭിക്കാൻ ആഗ്രഹി​ക്കു​ന്നി​ല്ലെ​ങ്കിൽ അവളെ വിട്ടു​പോ​രുക.” (വെളി​പ്പാട്‌ 18:4) 1935 മുതൽ വർദ്ധി​ച്ചു​കൊ​ണ്ടി​രി​ക്കുന്ന “വേറെ ആടുക​ളു​ടെ” മഹാപു​രു​ഷാ​ര​വും അതു​പോ​ലെ​തന്നെ ഈ ആഹ്വാ​ന​ത്തി​നു ചെവി​കൊ​ടുത്ത്‌ അശുദ്ധ​മായ ബാബി​ലോ​ന്യ​മ​തത്തെ ഉപേക്ഷി​ച്ചി​രി​ക്കു​ന്നു. അഭിഷി​ക്ത​രും അവരുടെ സഹപ്ര​വർത്ത​ക​രും വിശ്വാ​സ​ത്യാ​ഗി​ക​ളു​ടെ ഹാനി​ക​ര​മായ ആശയങ്ങ​ളു​മാ​യുള്ള സകല സമ്പർക്ക​ങ്ങ​ളെ​യും ഒഴിവാ​ക്കി​ക്കൊ​ണ്ടും ആത്മീയ​ശു​ദ്ധി നിലനിർത്തു​ന്നു—യോഹ​ന്നാൻ 10:16; 2 യോഹ​ന്നാൻ 9-11.

ധാർമ്മി​ക​ശു​ദ്ധി

12. (എ) യഹോവ ഏതു നിയമ​ങ്ങൾമു​ഖേന ഇസ്രാ​യേ​ല്യ​രു​ടെ ധാർമ്മി​ക​നി​ലയെ ചുററു​പാ​ടു​മു​ണ്ടാ​യി​രുന്ന ജനതക​ളു​ടേ​തി​നെ​ക്കാൾ വളരെ ഉയർത്തി? (ബി) പുരോ​ഹി​തൻമാർക്ക്‌ ഏതു നിയമങ്ങൾ വിശേ​ഷാൽ കർശന​മാ​യി​രു​ന്നു?

¹² യഹോവ ന്യായ​പ്ര​മാണ ഉടമ്പടി മുഖേന ഇസ്രാ​യേ​ല്യ​രു​ടെ ധാർമ്മിക നിലയെ ചുററു​പാ​ടു​മുള്ള ജനതക​ളു​ടെ അധഃപ​തിച്ച അവസ്ഥ​യെ​ക്കാൾ വളരെ മീതെ ഉയർത്തി. വിവാ​ഹ​വും കുടും​ബ​ജീ​വി​ത​വും ഇസ്രാ​യേ​ലിൽ സംരക്ഷി​ത​മായ ഏർപ്പാ​ടു​ക​ളാ​യി​രു​ന്നു. പത്തു കല്‌പ​ന​ക​ളിൽ ഏഴാമ​ത്തേത്‌ വ്യഭി​ചാ​രത്തെ വിലക്കി. വ്യഭി​ചാ​ര​ത്തി​നും ദുർവൃ​ത്തി​ക്കും കഠിന​ശിക്ഷ കൊടു​ത്തി​രു​ന്നു. (ആവർത്തനം 22:22-24) ന്യായ​പ്ര​മാ​ണ​ത്തിൻകീ​ഴിൽ കന്യക​മാർ സംരക്ഷി​ക്ക​പ്പെ​ട്ടി​രു​ന്നു. (ആവർത്തനം 22:28, 29) പുരോ​ഹി​തൻമാ​രു​ടെ വിവാ​ഹം​സം​ബ​ന്ധിച്ച നിയമങ്ങൾ വിശേ​ഷാൽ കർശന​മാ​യി​രു​ന്നു. മഹാപു​രോ​ഹി​തനെ സംബന്ധി​ച്ചാ​ണെ​ങ്കിൽ, ഒരു ഭാര്യ​യാ​യി ഒരു നിർമ്മല കന്യകയെ തെര​ഞ്ഞെ​ടു​ക്കാൻ അദ്ദേഹ​ത്തോട്‌ ആവശ്യ​പ്പെ​ട്ടി​രു​ന്നു.—ലേവ്യ​പു​സ്‌തകം 21:6, 7, 10,13.

13. ക്രിസ്‌തു​വി​ന്റെ “മണവാട്ടി”യിലെ അംഗങ്ങൾ ആരോട്‌ ഉപമി​ക്ക​പ്പെ​ട്ടി​രി​ക്കു​ന്നു, എന്തു​കൊണ്ട്‌?

¹³ സമാന​മാ​യി, വലിയ മഹാപു​രോ​ഹി​ത​നായ യേശു​ക്രി​സ്‌തു​വിന്‌ “കന്യക​മാ​രോ”ട്‌ ഉപമി​ക്ക​പ്പെ​ട്ടി​രി​ക്കുന്ന 1,44,000 അഭിക്ഷിക്ത ക്രിസ്‌ത്യാ​നി​കൾ ചേർന്ന ഒരു “മണവാട്ടി”യാണു​ള്ളത്‌. (വെളി​പ്പാട്‌ 14:1-5; 21:9) അവർ സാത്താന്റെ ലോക​ത്താൽ മലിന​മാ​കാ​തെ സൂക്ഷി​ക്കു​ക​യും ഉപദേ​ശ​പ​ര​മാ​യും ധാർമ്മി​ക​മാ​യും നിർമ്മ​ല​രാ​യി നില​കൊ​ള്ളു​ക​യും ചെയ്യുന്നു. അപ്പോ​സ്‌ത​ല​നായ പൗലോസ്‌ കൊരി​ന്തി​ലെ അഭിഷിക്ത ക്രിസ്‌ത്യാ​നി​കൾക്ക്‌ ഇങ്ങനെ എഴുതി: “ഞാൻ ദൈവി​ക​മായ ഒരു തീക്ഷ്‌ണ​ത​യോ​ടെ നിങ്ങളെ സംബന്ധി​ച്ചു തീക്ഷ്‌ണ​ത​യു​ള്ള​വ​നാണ്‌, എന്തെന്നാൽ ഞാൻ നിങ്ങളെ ഒരു നിർമ്മ​ല​ക​ന്യ​ക​യാ​യി ക്രിസ്‌തു​വിന്‌ കാഴ്‌ച​വെ​ക്കേ​ണ്ട​തിന്‌ ഏക ഭർത്താ​വിന്‌ നിങ്ങളെ വിവാ​ഹ​വാ​ഗ്‌ദാ​നം ചെയ്‌തി​രി​ക്കു​ന്നു.” (2 കൊരി​ന്ത്യർ 11:2) പൗലോസ്‌ ഇങ്ങനെ​യും എഴുതി: “ക്രിസ്‌തു​വും ഒരു കളങ്കമോ ഒരു ചുളി​യോ അങ്ങനെ​യുള്ള എന്തെങ്കി​ലു​മോ ഇല്ലാതെ സഭ വിശു​ദ്ധ​വും കളങ്കമി​ല്ലാ​ത്ത​തു​മാ​യി​രി​ക്കേ​ണ്ട​തിന്‌, അതിന്റെ ശോഭ​യിൽ തനിക്കു​തന്നെ അതിനെ കാഴച​വെ​ക്കേ​ണ്ട​തിന്‌, വചനം മൂലമുള്ള ജലസ്‌നാ​ന​ത്താൽ അതിനെ വെടി​പ്പാ​ക്കി​ക്കൊണ്ട്‌ അതിനെ വിശു​ദ്ധീ​ക​രി​ക്കാൻ, അതിനെ സ്‌നേ​ഹി​ക്കു​ക​യും തന്നേത്തന്നെ അതിനു​വേണ്ടി ഏല്‌പ്പി​ച്ചു​കൊ​ടു​ക്കു​ക​യും ചെയ്‌തു.”—എഫേസ്യർ 5:25-27.

14, 15. (എ) മണവാ​ട്ടി​വർഗ്ഗ​ത്തി​ന്റെ ആത്മീയ​ശു​ദ്ധി​യോ​ടു​കൂ​ടെ എന്തുണ്ടാ​യി​രി​ക്കണം, ഏതു തിരു​വെ​ഴുത്ത്‌ ഇത്‌ പ്രകട​മാ​ക്കു​ന്നു? (ബി) ധാർമ്മി​ക​ശു​ദ്ധി​യു​ടെ സമാന​വ്യ​വ​സ്ഥകൾ വേറെ ആടുകൾക്കും ബാധക​മാ​കു​ന്നു​വെന്ന്‌ പ്രകട​മാ​യി​രി​ക്കു​ന്ന​തെ​ന്തു​കൊണ്ട്‌?

¹⁴ ക്രിസ്‌തു​വി​ന്റെ മണവാ​ട്ടി​യു​ടെ ഈ ആത്മീയ​ശു​ദ്ധി​യോ​ടു​കൂ​ടെ അതിന്റെ അംഗങ്ങ​ളു​ടെ ഭാഗത്തെ ധാർമ്മി​ക​ശു​ദ്ധി​യു​മു​ണ്ടാ​യി​രി​ക്കണം. അപ്പോ​സ്‌ത​ല​നായ പൗലോസ്‌ ഇങ്ങനെ പ്രസ്‌താ​വി​ച്ചു: “വഴി​തെ​റ​റി​ക്ക​പ്പെ​ട​രുത്‌. ദുർവൃ​ത്ത​രോ, വിഗ്ര​ഹാ​രാ​ധി​ക​ളോ വ്യഭി​ചാ​രി​ക​ളോ . . . ദൈവ​രാ​ജ്യം അവകാ​ശ​പ്പെ​ടു​ത്തു​ക​യില്ല. എന്നിരു​ന്നാ​ലും നിങ്ങളിൽ ചിലർ അതായി​രു​ന്നു. എന്നാൽ നിങ്ങൾ കഴുകി​ശു​ദ്ധ​രാ​ക്ക​പ്പെ​ട്ടി​രി​ക്കു​ന്നു, എന്നാൽ നിങ്ങൾ വിശു​ദ്ധീ​ക​രി​ക്ക​പ്പെ​ട്ടി​രി​ക്കു​ന്നു.”—1 കൊരി​ന്ത്യർ 6:9-11.

¹⁵ തന്റെ വാഗ്‌ദ​ത്തം​ചെ​യ്യ​പ്പെട്ട പുതിയ ആകാശ​ത്തിൽനി​ന്നും പുതിയ ഭൂമി​യിൽനി​ന്നും യഹോവ ആരെ ഒഴിവാ​ക്കു​മെന്നു പരിചി​ന്തി​ക്കു​മ്പോൾ അങ്ങനെ​യുള്ള ധാർമ്മി​ക​ശു​ദ്ധി​യു​ടെ വ്യവസ്ഥകൾ വേറെ ആടുകൾക്കും ബാധക​മാ​കു​ന്നു​വെന്ന്‌ പ്രകട​മാ​കു​ന്നു. നാം വായി​ക്കു​ന്നു: “എന്നാൽ . . . തങ്ങളുടെ മാലി​ന്യ​ത്തിൽ അറെക്ക​ത്ത​ക്ക​വ​രും കൊല​പാ​ത​കി​ക​ളും ദുർവൃ​ത്ത​രും . . . ആയവരെ സംബന്ധി​ച്ചി​ട​ത്തോ​ളം, അവരുടെ ഓഹരി തീയും ഗന്ധകവും കത്തുന്ന തടാക​ത്തി​ലാ​യി​രി​ക്കും. ഇതിന്റെ അർത്ഥം രണ്ടാം മരണ​മെ​ന്നാണ്‌.”—വെളി​പ്പാട്‌ 21:1, 8.

മാന്യ​മായ വിവാഹം

16, 17. (എ) ബ്രഹ്മച​ര്യം ധാർമ്മി​ക​ശു​ദ്ധി​യ്‌ക്കുള്ള ഒരു വ്യവസ്ഥ​യ​ല്ലെന്ന്‌ ഏതു തിരു​വെ​ഴു​ത്തു പ്രകട​മാ​ക്കു​ന്നു? (ബി) ഒരു ക്രിസ്‌ത്യാ​നിക്ക്‌ ഒരു വിവാ​ഹിത ഇണയുടെ തെര​ഞ്ഞെ​ടു​പ്പിൽ ഉചിത​മായ ദൈവ​ഭയം എങ്ങനെ പ്രകട​മാ​ക്കാൻ കഴിയും, ഈ അപ്പോ​സ്‌ത​ലിക നിയ​ന്ത്ര​ണത്തെ അവഗണി​ക്കു​ന്നത്‌ ബുദ്ധി​ശൂ​ന്യ​മാ​യി​രി​ക്കു​ന്ന​തെ​ന്തു​കൊണ്ട്‌?

¹⁶ ധാർമ്മി​ക​മാ​യി ശുദ്ധരാ​യി നില​കൊ​ള്ളു​ന്ന​തിന്‌, മണവാ​ട്ടി​വർഗ്ഗ​ത്തി​ലെ അഭിഷി​ക്താം​ഗ​ങ്ങ​ളും വേറെ ആടുക​ളും അവിവാ​ഹി​ത​രാ​യി നില​കൊ​ള്ള​ണ​മെന്ന്‌ ആവശ്യ​പ്പെ​ട്ടി​ട്ടില്ല. നിർബ​ന്ധിത ബ്രഹ്മച​ര്യം തിരു​വെ​ഴു​ത്തു​വി​രു​ദ്ധ​മാണ്‌. (1 തിമൊ​ഥെ​യോസ്‌ 4:1-3) ദാമ്പത്യ​ബ​ന്ധ​ത്തി​നു​ള്ളി​ലെ ലൈം​ഗി​ക​വേ​ഴ്‌ചകൾ അശുദ്ധമല്ല. ദൈവ​വ​ചനം ഇങ്ങനെ പ്രസ്‌താ​വി​ക്കു​ന്നു: “വിവാഹം എല്ലാവ​രു​ടെ​യും ഇടയിൽ മാന്യ​വും വിവാ​ഹശയ്യ നിർമ്മ​ല​വു​മാ​യി​രി​ക്കട്ടെ, എന്തു​കൊ​ണ്ടെ​ന്നാൽ ദൈവം ദുർവൃ​ത്ത​രെ​യും വ്യഭി​ചാ​രി​ക​ളെ​യും ന്യായം​വി​ധി​ക്കും.”—എബ്രായർ 13:4.

¹⁷ എന്നിരു​ന്നാ​ലും, ‘ദൈവ​ഭ​യ​ത്തിൽ വിശു​ദ്ധി​യെ പൂർണ്ണ​മാ​ക്കാൻ’ ആഗ്രഹി​ക്കുന്ന ഒരു ക്രിസ്‌ത്യാ​നി തനിക്കി​ഷ്ട​മുള്ള ആരെയും വിവാ​ഹം​ക​ഴി​ക്കാൻ സ്വതന്ത്രൻ അല്ലെങ്കിൽ സ്വത​ന്ത്ര​യാ​ണെന്ന്‌ വിചാ​രി​ക്ക​രുത്‌. ‘ദൈവ​ഭ​യ​ത്തിൽ വിശു​ദ്ധി​യെ പൂർണ്ണ​മാ​ക്കി​ക്കൊണ്ട്‌ ജഡത്തി​ലെ​യും ആത്മാവി​ലെ​യും സകല മാലി​ന്യ​വും നീക്കി തങ്ങളെ​ത്തന്നെ ശുദ്ധീ​ക​രി​ക്കാൻ’ തന്റെ സഹക്രി​സ്‌ത്യാ​നി​കളെ ബുദ്ധി​യു​പ​ദേ​ശി​ക്കു​ന്ന​തി​നു തൊട്ടു​മുമ്പ്‌, അപ്പോ​സ്‌ത​ല​നായ പൗലോസ്‌ ഇങ്ങനെ എഴുതി: “അവിശ്വാ​സി​ക​ളു​മാ​യി അസമമാ​യി അമിക്ക​പ്പെ​ട​രുത്‌. എന്തെന്നാൽ നീതി​ക്കും അധർമ്മ​ത്തി​നും എന്തു കൂട്ടാ​യ്‌മ​യാ​ണു​ള്ളത്‌? . . . അല്ലെങ്കിൽ ഒരു വിശ്വ​സ്‌ത​നായ ആൾക്ക്‌ ഒരു അവിശ്വാ​സി​യു​മാ​യി എന്ത്‌ ഓഹരി​യാ​ണു​ള്ളത്‌?” (2 കൊരി​ന്ത്യർ 6:14, 15; 7:1) വേർപെ​ട്ട​തും ശുദ്ധവു​മായ യഹോ​വ​യു​ടെ ജനത്തിന്റെ ഒരു അംഗമെന്ന നിലയിൽ വിവാ​ഹം​ക​ഴി​ക്കാ​നാ​ഗ്ര​ഹി​ക്കുന്ന ഒരു ക്രിസ്‌തീയ പുരുഷൻ അല്ലെങ്കിൽ സ്‌ത്രീ “കർത്താ​വിൽ മാത്രം” അങ്ങനെ ചെയ്യാ​നുള്ള അപ്പോ​സ്‌ത​ലിക നിയ​ന്ത്രണം സ്വീക​രി​ക്കും, അതായത്‌, സമർപ്പി​ത​നും സ്‌നാ​പ​ന​മേ​റ​റ​വ​നും വിശ്വ​സ്‌ത​നു​മായ ഒരു യഹോ​വ​യു​ടെ ദാസനോ ദാസി​യോ ആയിരി​ക്കുന്ന ഒരാളെ തെര​ഞ്ഞെ​ടു​ക്കും. (1 കൊരി​ന്ത്യർ 7:39) കഴിഞ്ഞ കാല​ത്തെ​ന്ന​പോ​ലെ ഇന്നും ദൈവ​ജ​ന​ത്തി​ന്റെ ഇടയിലെ സമർപ്പി​തർ തിരു​വ​ച​നാ​നു​സൃ​ത​മായ ഈ ബുദ്ധി​യു​പ​ദേ​ശത്തെ അവഗണി​ക്കു​ന്നത്‌ തീർച്ച​യാ​യും ബുദ്ധി​ശൂ​ന്യ​മാ​യി​രി​ക്കും. (ആവർത്തനം 7:3, 4; നെഹെ​മ്യാവ്‌ 13:23-27 താരത​മ്യ​പ്പെ​ടു​ത്തുക.) അത്‌ നമ്മുടെ മഹോ​പ​ദേ​ഷ്ടാ​വായ യഹോ​വ​യോ​ടുള്ള ഉദാത്ത​മായ ഭയം പ്രകട​മാ​ക്ക​ലാ​യി​രി​ക്ക​യില്ല.—മലാഖി 1:6.

18. ക്രിസ്‌ത്യാ​നി​കൾക്ക്‌ വേറെ ഏതു വിധത്തിൽ തങ്ങളുടെ വിവാ​ഹത്തെ മാന്യ​മാ​ക്കി നിലനിർത്താൻ കഴിയും?

¹⁸ തന്നെയു​മല്ല, ഇസ്രാ​യേ​ലിൽ നിയമങ്ങൾ ദാമ്പത്യ​ബ​ന്ധ​ത്തിൽപോ​ലു​മുള്ള ലൈം​ഗി​ക​പ്ര​വർത്ത​ന​ങ്ങളെ പരിമി​ത​പ്പെ​ടു​ത്തി. ഭാര്യ​യു​ടെ ആർത്തവ​ഘ​ട്ട​ത്തിൽ ഭർത്താവ്‌ ഭാര്യ​യു​മാ​യുള്ള ലൈം​ഗി​ക​വേ​ഴ്‌ച​ക​ളിൽനിന്ന്‌ ഒഴിഞ്ഞി​രി​ക്ക​ണ​മാ​യി​രു​ന്നു. (ലേവ്യ​പു​സ്‌തകം 15:24; 18:19; 20:18) ഇത്‌ ഇസ്രാ​യേ​ല്യ​പു​രു​ഷൻമാ​രു​ടെ ഭാഗത്ത്‌ സ്‌നേ​ഹ​പൂർണ്ണ​മായ പരിഗ​ണ​ന​യും ആത്മനി​യ​ന്ത്ര​ണ​വും ആവശ്യ​മാ​ക്കി​ത്തീർത്തു. ക്രിസ്‌ത്യാ​നി​കൾക്ക്‌ തങ്ങളുടെ ഭാര്യ​മാ​രേ​ക്കു​റിച്ച്‌ അതിലും കുറഞ്ഞ പരിഗണന മതിയോ? ക്രിസ്‌തീയ ഭർത്താ​ക്കൻമാർ “പരിജ്ഞാ​ന​പ്ര​കാ​രം,” അതായത്‌, “ഒരു ദൗർബ​ല്യ​മേ​റിയ പാത്ര​മായ സ്‌ത്രീ”യെന്ന നിലയി​ലുള്ള അവളുടെ ഘടന​യെ​ക്കു​റി​ച്ചുള്ള പരിജ്ഞാ​ന​ത്തോ​ടെ, തങ്ങളുടെ ഭാര്യ​മാ​രോ​ടു​കൂ​ടെ വസിക്ക​ണ​മെന്ന്‌ അപ്പോ​സ്‌ത​ല​നായ പത്രോസ്‌ പറയുന്നു.—1 പത്രോസ്‌ 3:7.

“വിശു​ദ്ധി​യു​ടെ വഴി”യിൽ നടക്കുക

19, 20. (എ) മനുഷ്യ​വർഗ്ഗ​ത്തിൽ ഭൂരി​പ​ക്ഷ​വും ചരിക്കുന്ന വിശാ​ല​മായ പാതയെ വർണ്ണി​ക്കുക. (ബി) യഹോ​വ​യു​ടെ ജനം സാത്താന്റെ ലോക​ത്തിൽനിന്ന്‌ എങ്ങനെ വ്യത്യ​സ്‌ത​രാ​യി​രി​ക്കണം? (സി) ദൈവ​ജനം ഏതു പെരു​വ​ഴി​യിൽ ചരിക്കു​ന്നു, അത്‌ എപ്പോൾ തുറക്ക​പ്പെട്ടു, അവിടെ അനുവ​ദി​ക്ക​പ്പെ​ടു​ന്നത്‌ ആർ മാത്ര​മാണ്‌?

¹⁹ മേൽപ്ര​സ്‌താ​വി​ച്ചത്‌ യഹോ​വ​യു​ടെ ജനത്തെ സാത്താന്റെ ലോക​ത്തിൽനിന്ന്‌ വേർപെ​ടു​ത്തുന്ന സദാ വിപു​ല​മാ​യി​ക്കൊ​ണ്ടി​രി​ക്കുന്ന പിളർപ്പിന്‌ അടിവ​ര​യി​ടു​ന്നു. ഇപ്പോ​ഴത്തെ ലോക​വ്യ​വ​സ്ഥി​തി വർദ്ധമാ​ന​മാ​യി അനുവാ​ദാ​ത്മ​ക​വും ഭോഗാ​സ​ക്ത​വു​മാണ്‌. യേശു ഇങ്ങനെ പ്രസ്‌താ​വി​ച്ചു: “ഇടുങ്ങിയ പടിവാ​തി​ലി​ലൂ​ടെ അകത്തു പോകുക; എന്തു​കൊ​ണ്ടെ​ന്നാൽ നാശത്തി​ലേക്കു നയിക്കുന്ന പാത വീതി​യു​ള്ള​തും വിശാ​ല​വു​മാ​കു​ന്നു, അതിലൂ​ടെ പോകു​ന്നവർ അനേക​രാ​കു​ന്നു.” (മത്തായി 7:13) വീതി​യുള്ള ആ പാതയി​ലൂ​ടെ​യാണ്‌ മനുഷ്യ​വർഗ്ഗ​ത്തിൽ ഭൂരി​പ​ക്ഷ​വും പോകു​ന്നത്‌. അപ്പോ​സ്‌ത​ല​നായ പത്രോ​സി​നെ ഉദ്ധരി​ച്ചാൽ അത്‌ “അഴിഞ്ഞ നടത്ത, ദുർമ്മോ​ഹങ്ങൾ, വീഞ്ഞിലെ അമിത​ത്വ​ങ്ങൾ, ആഹ്ലാദ​വി​ഹാ​രങ്ങൾ, കുടി​മ​ത്സ​രങ്ങൾ, നിയമ​വി​രുദ്ധ വിഗ്ര​ഹാ​രാ​ധ​നകൾ” എന്നിവ​യു​ടെ വഴിയാണ്‌, അത്‌ “അതി​ഭോ​ഗാ​സ​ക്തി​യു​ടെ നിന്ദ്യ​മായ അധഃപതന”ത്തിലേക്കു നയിക്കുന്ന ഒരു വഴിയാണ്‌. (1 പത്രോസ്‌ 4:3, 4) അതിന്റെ അവസാനം നാശമാണ്‌.

²⁰ മറിച്ച്‌, ദൈവ​ജനം ഒരു വ്യത്യ​സ്‌ത​പാ​ത​യി​ലാണ്‌, ശുദ്ധി​യുള്ള ജനം പോകുന്ന ഒരു ശുദ്ധി​യുള്ള പാതയി​ലാണ്‌ നടക്കു​ന്നത്‌. അന്ത്യകാ​ലത്ത്‌ ഈ പാത തുറക്കു​ന്ന​തി​നെ​ക്കു​റിച്ച്‌ പ്രവാ​ച​ക​നായ യെശയ്യാവ്‌ മുൻകൂ​ട്ടി​പ്പ​റ​ഞ്ഞി​രു​ന്നു. അവൻ ഇങ്ങനെ എഴുതി: “തീർച്ച​യാ​യും അവിടെ ഒരു പെരു​വഴി ഉണ്ടാകും, ഒരു വഴിതന്നെ; അത്‌ വിശു​ദ്ധി​യു​ടെ വഴി​യെന്നു വിളി​ക്ക​പ്പെ​ടും. അശുദ്ധൻ അതിലൂ​ടെ കടക്കു​ക​യില്ല.” (യെശയ്യാവ്‌ 35:8) ഈ പ്രവച​ന​ത്തെ​ക്കു​റിച്ച്‌ “സമാധാ​ന​പ്രഭു”വിൻ കീഴിൽ ലോക​വ്യാ​പക സുരക്ഷി​ത​ത്വം എന്ന പുസ്‌തകം ഇങ്ങനെ പ്രസ്‌താ​വി​ക്കു​ന്നു: “1919-ൽ സന്തോ​ഷ​മുള്ള ദൈവ​ദാ​സൻമാർക്ക്‌ ഒരു ആലങ്കാ​രിക പെരു​വഴി തുറക്ക​പ്പെട്ടു. യഹോ​വ​യു​ടെ ദൃഷ്ടി​യിൽ വിശു​ദ്ധ​രാ​യി​രി​ക്കാൻ ആഗ്രഹി​ച്ച​വ​രാണ്‌ ആ ‘പെരു​വ​ഴി​യിൽ,’ ‘വിശു​ദ്ധി​യു​ടെ വഴിയിൽ’ നടന്നത്‌. . . . ‘വ്യവസ്ഥി​തി​യു​ടെ സമാപ​ന​ത്തിൽ’ വളരെ ആഴത്തിൽ എത്തിയി​രി​ക്കുന്ന ഇന്ന്‌ ആ ദിവ്യ​ദ​ത്ത​മായ ‘പെരു​വഴി’ തുറന്നു​കി​ട​ക്കു​ക​യാണ്‌. വിലമ​തി​പ്പുള്ള ആളുക​ളു​ടെ കൂട്ടങ്ങൾ . . . ആത്മീയ പറുദീ​സാ​പാ​ത​യിൽ, ‘വിശു​ദ്ധി​യു​ടെ വഴിയിൽ,’ പ്രവേ​ശി​ക്കു​ക​യാണ്‌.”a

21. യഹോ​വ​യു​ടെ ദാസൻമാർ പിശാ​ചി​ന്റെ കൂട്ടത്തിൽനിന്ന്‌ എങ്ങനെ, എന്തു​കൊണ്ട്‌ മികച്ചു​നിൽക്കണം, അടുത്ത ലക്കത്തിൽ എന്തു പരിചി​ന്തി​ക്ക​പ്പെ​ടും?

²¹ അതെ, ആത്മീയ ഇസ്രാ​യേ​ല്യ​രു​ടെ അഭിഷി​ക്ത​ശേ​ഷി​പ്പും അവരുടെ സഹപ്ര​വർത്ത​ക​രായ വേറെ ആടുക​ളും വിശു​ദ്ധി​യു​ടെ ആശയത്തി​ന്റെ സകല അർത്ഥവും നഷ്ടപ്പെ​ട്ടി​രി​ക്കുന്ന സാത്താന്റെ ലോക​ത്തിൽനിന്ന്‌ വേർതി​രി​ക്ക​പ്പെട്ട ഒരു ജനമെന്ന നിലയിൽ ഇന്ന്‌ മികച്ചു​നിൽക്കു​ന്നു. ‘നാശത്തി​ലേക്കു നയിക്കുന്ന . . . വീതി​യു​ള്ള​തും വിശാ​ല​വു​മായ പാത”യിലൂടെ നടക്കുന്ന പിശാ​ചി​ന്റെ ജനക്കൂ​ട്ട​ത്തിന്‌ യാതൊ​ന്നും പാവനമല്ല. ഏററവും കുറച്ചു പറഞ്ഞാൽ, അവർ ആത്മീയ​മാ​യും ധാർമ്മി​ക​മാ​യും അശുദ്ധ​രാ​ണെന്നു മാത്രമല്ല, പലപ്പോ​ഴും ശാരീ​രി​ക​മാ​യും അശുദ്ധ​രാണ്‌, അവരുടെ ആകാരം അശ്രദ്ധ​മാണ്‌. എന്നിരു​ന്നാ​ലും, അപ്പോ​സ്‌ത​ല​നായ പൗലോസ്‌ പറയുന്നു: “നമുക്ക്‌ ദൈവ​ഭ​യ​ത്തിൽ വിശു​ദ്ധി​യെ പൂർണ്ണ​മാ​ക്കി​ക്കൊണ്ട്‌ ജഡത്തി​ലെ​യും ആത്മാവി​ലെ​യും സകല മാലി​ന്യ​ത്തിൽനി​ന്നും നമ്മേത്തന്നെ ശുദ്ധരാ​ക്കാം.” (2 കൊരി​ന്ത്യർ 7:1) ദൈവ​ത്തി​ന്റെ ജനം മനസ്സി​ലും ശരീര​ത്തി​ലും ഏതു വിധങ്ങ​ളിൽ ശുദ്ധരാ​യി​രി​ക്കു​ന്ന​തിൽ ശ്രദ്ധി​ക്ക​ണ​മെന്ന്‌ അടുത്ത ലക്കത്തിൽ പരിചി​ന്തി​ക്കു​ന്ന​താ​യി​രി​ക്കും. (w89 6⁄1)

[അടിക്കു​റിപ്പ്‌]

പുനര​വ​ലോ​കന പോയിൻറു​കൾ

◻ വിശു​ദ്ധിക്ക്‌ ഏതു രണ്ടു വശങ്ങൾ ഉണ്ട്‌, യഹോവ അതിവി​ശി​ഷ്ട​മാ​യി വിശു​ദ്ധ​നാ​ണെന്ന്‌ പറയാൻക​ഴി​യു​ന്ന​തെ​ന്തു​കൊണ്ട്‌?

◻ ഇസ്രാ​യേ​ല്യർ ഏതു രണ്ടു വിധങ്ങ​ളിൽ ഒരു വിശു​ദ്ധ​ജ​ന​ത​യാ​ണെന്ന്‌ തെളി​യി​ക്ക​ണ​മാ​യി​രു​ന്നു?

◻ ആത്മീയ ഇസ്രാ​യേ​ല്യ​രിൽനി​ന്നും അവരുടെ സഹപ്ര​വർത്ത​ക​രായ വേറെ ആടുക​ളിൽനി​ന്നും എന്താവ​ശ്യ​പ്പെ​ട്ടി​രി​ക്കു​ന്നു?

◻ നമ്മുടെ ദൈവ​ഭയം നമ്മുടെ വിവാഹ ഇണയെ തെര​ഞ്ഞെ​ടു​ക്കു​ന്ന​തി​നെ എങ്ങനെ ബാധി​ക്കണം?

◻ ഇന്ന്‌ ഏതു രണ്ടു പാതക​ളിൽ ചരിക്കാൻ കഴിയും, ഒരു വ്യക്തമായ തെര​ഞ്ഞെ​ടു​പ്പു നടത്തേ​ണ്ട​തെ​ന്തു​കൊണ്ട്‌?

[24-ാം പേജിലെ ചിത്രം]

“വിവാഹം മാന്യ​മാ​യി​രി​ക്കട്ടെ” എന്ന്‌ ദൈവ​വ​ചനം പറയുന്നു