രാജ്യ​പ്ര​ഘോ​ഷകർ റിപ്പോർട്ടു ചെയ്യുന്നു

അനൗപ​ചാ​രി​ക​സാ​ക്ഷീ​ക​രണം ഫലമു​ള​വാ​ക്കു​ന്നു

“എനിക്ക്‌ കുടി​പ്പാൻ തരൂ” എന്ന്‌ യേശു ഒരു ശമര്യ​ക്കാ​രി സ്‌ത്രീ​യോട്‌ പറഞ്ഞ​പ്പോൾ അത്‌ അനൗപ​ചാ​രി​ക​വും എന്നാൽ അത്യന്തം ഫലപ്ര​ദ​വു​മായ ഒരു സാക്ഷ്യ​ത്തി​ലേക്കു നയിച്ചു (യോഹ​ന്നാൻ 4:7) അനൗപ​ചാ​രി​ക​സാ​ക്ഷീ​ക​ര​ണ​ത്തി​നുള്ള സർവ അവസര​ങ്ങ​ളും ഉപയോ​ഗ​പ്പെ​ടു​ത്തു​ന്ന​തിൽ നാം ജാഗ്രത കാക്കു​ന്നു​വെ​ങ്കിൽ നമുക്കും അതു​പോ​ലെ വളരെ ഫലപ്ര​ദ​രാ​യി​രി​ക്കാൻ കഴിയും. ആസ്‌​ത്രേ​ലി​യാ​യി​ലുള്ള ഒരു സഹോ​ദരൻ ഒരു പാർക്ക്‌ബ​ഞ്ചി​ലി​രുന്ന്‌ ഒരു ദിനവാ​ക്യം വായി​ച്ചു​കൊണ്ട്‌ അനൗപ​ചാ​രി​ക​സാ​ക്ഷീ​ക​ര​ണ​ത്തിന്‌ തുടക്ക​മി​ട്ടു. ഒരു ജിജ്ഞാ​സു​വായ മനുഷ്യൻ പ്രസി​ദ്ധീ​ക​രണം നിരീ​ക്ഷി​ച്ചിട്ട്‌ താനും തിരു​വെ​ഴു​ത്തു​ക​ളിൽ തത്‌പ​ര​നാ​ണെന്നു പറഞ്ഞു. ഒരു കത്തോ​ലി​ക്കാ​വി​ദ്യാ​ല​യ​ത്തിൽ പരിണാ​മം പഠിക്കാ​നി​ട​യാ​കു​ക​യും ഇപ്പോൾ പക്ഷേ എന്തു വിശ്വ​സി​ക്ക​ണ​മെന്ന്‌ അറിഞ്ഞു​കൂ​ടാ​തെ​യു​മി​രുന്ന മതാച​രണം നടത്താത്ത ഒരു കത്തോ​ലി​ക്ക​നാ​യി​രു​ന്നു അയാൾ. സഹോ​ദരൻ അയാൾക്ക്‌ ജീവൻ—അത്‌ ഇവിടെ എങ്ങനെ വന്നു? പരിണാ​മ​ത്താ​ലോ സൃഷ്ടി​യാ​ലോ?a എന്ന പുസ്‌തകം ലഭിക്കു​ന്ന​തിന്‌ വേണ്ട ഏർപ്പാ​ടു​ചെ​യ്‌തു. രണ്ടു ദിവസം കഴിഞ്ഞ്‌ സഹോ​ദരൻ പുസ്‌ത​ക​വു​മാ​യി അയാളു​ടെ ജോലി​സ്ഥ​ലത്തു ചെന്നു; പക്ഷേ അയാൾ പുറത്തു​പോ​യി​രി​ക്കു​ന്നു​വെന്ന്‌ അറിഞ്ഞു. അയാളു​ടെ സെക്ര​ട്ടറി പുസ്‌ത​ക​ത്തിൽ കടന്നു​പി​ടി​ച്ചു​കൊണ്ട്‌ പറഞ്ഞു: “ഞങ്ങളീ പുസ്‌ത​ക​ത്തിന്‌ കാത്തി​രി​ക്കു​ക​യാ​യി​രു​ന്നു.”

സൃഷ്ടി​പ്പു​സ്‌ത​ക​ത്തി​ന്റെ രണ്ടു പ്രതി​കൾകൂ​ടെ ലഭിക്ക​ണ​മെ​ന്നും തന്റെ ഓഫീ​സിൽവന്ന്‌ തന്നെ കാണണ​മെ​ന്നും ആവശ്യ​പ്പെ​ടുന്ന ഒരു ഫോൺകോൾ രണ്ടു മണിക്കൂർ കഴിഞ്ഞ്‌ ആ മനുഷ്യ​നിൽനിന്ന്‌ സഹോ​ദ​രനു ലഭിച്ചു. സഹോ​ദരൻ ആ ഓഫീ​സിൽ ചെന്ന​പ്പോൾ അവിടെ ആ മനുഷ്യ​നെ​യും മററു രണ്ടു​പേ​രെ​യും കണ്ടു. സെക്ര​ട്ടറി ഉൾപ്പെടെ അവർക്കെ​ല്ലാ​വർക്കും വേണ്ടി ഒരു ബൈബി​ള​ദ്ധ്യ​യനം ആരംഭി​ച്ചു. സഹോ​ദരൻ ആഴ്‌ച​യിൽ രണ്ടു പ്രാവ​ശ്യം അവിടെ ചെല്ലത്ത​ക്ക​വ​ണ്ണ​മാണ്‌ അത്‌ ക്രമീ​ക​രി​ച്ചത്‌. പിന്നീ​ടുള്ള ആഴ്‌ച​ക​ളിൽ ആ മമനു​ഷ്യ​ന്റെ ‘വീണ്ടും ജനിച്ച ക്രിസ്‌ത്യാ​നി’യായ കൂട്ടു​കാ​രി ബൈബിൾചോ​ദ്യ​ങ്ങൾ ചോദി​ച്ചു​കൊണ്ട്‌ കുറി​പ്പു​ക​ള​യ​ച്ചു​തു​ടങ്ങി. ഒടുവിൽ അവളും അദ്ധ്യയ​ന​ത്തി​നു ചേർന്നു, അതോ​ടൊ​പ്പം ആ മമനു​ഷ്യ​ന്റെ ബിസി​നസ്‌ പങ്കാളി​യും പരിണാ​മ​വാ​ദി​യാ​യി​രുന്ന സ്‌നേ​ഹി​ത​നും.

ഓരോ ആഴ്‌ച​യി​ലും രണ്ടാമത്തെ അദ്ധ്യയനം പാർക്കിൽവെച്ച്‌ നടത്തി​ക്കൊണ്ട്‌ അവർ ബൈബി​ള​ദ്ധ്യ​യ​നങ്ങൾ അഞ്ച്‌ മാസ​ത്തേക്കു തുടർന്നു. പിന്നീട്‌ സെക്ര​ട്ട​റി​യു​ടെ സ്‌നേ​ഹി​ത​നും അദ്ധ്യയ​ന​ത്തിൽ ചേർന്നു. അധികം താമസി​യാ​തെ ആദ്യത്തെ ആളുടെ പങ്കാളി​യും അദ്ദേഹ​ത്തി​ന്റെ സ്‌നേ​ഹി​ത​നും ഐക്യ​നാ​ടു​ക​ളി​ലെ ഇഡാ​ഹോ​യി​ലേക്കു സ്ഥലംമാ​റി​പ്പോ​യി. അവിടെ അവർ അദ്ധ്യയനം തുടർന്നു. കുറെ ആഴ്‌ചകൾ കഴിഞ്ഞ്‌ ആദ്യത്തെ മനുഷ്യ​നെ തികച്ചും അപരി​ചി​ത​നായ ഒരാൾ സമീപി​ച്ചു​കൊണ്ട്‌ പാർക്കി​ലെ ബൈബിൾ ചർച്ചകൾക്ക്‌ എന്തു സംഭവി​ച്ചു​വെന്ന്‌ ചോദി​ച്ചു. അദ്ദേഹം അവരുടെ അദ്ധ്യയ​നങ്ങൾ ശ്രദ്ധി​ക്കു​ന്നു​ണ്ടാ​യി​രു​ന്ന​താ​യി തോന്നി. അദ്ദേഹ​ത്തി​നും പഠിക്കു​ന്ന​തി​നുള്ള ക്രമീ​ക​ര​ണങ്ങൾ ചെയ്യ​പ്പെട്ടു.

ഇതി​ന്റെ​യെ​ല്ലാം ഫലമെ​ന്താ​യി​രു​ന്നു? പാർക്കിൽ വച്ചുള്ള ആദ്യ കൂടി​ക്കാ​ഴ്‌ചക്ക്‌ 18 മാസത്തി​നു​ശേഷം ആദ്യത്തെ മനുഷ്യ​നും മുമ്പ്‌ ‘വീണ്ടും ജനിച്ച ക്രിസ്‌ത്യാ​നി’യായി​രുന്ന അദ്ദേഹ​ത്തി​ന്റെ സ്‌നേ​ഹി​ത​യും വിവാ​ഹി​ത​രാ​യി സ്‌നാ​പ​ന​മേ​ററു. സെക്ര​ട്ട​റി​യും അവളുടെ സ്‌നേ​ഹി​ത​നും വിവാ​ഹി​ത​രാ​വു​ക​യും സ്‌നാ​പ​ന​മേൽക്കു​ക​യും ചെയ്‌തു. ഐക്യ​നാ​ടു​ക​ളി​ലേക്കു പോയ ബിസി​ന​സ്‌പ​ങ്കാ​ളി​യും അദ്ദേഹ​ത്തി​ന്റെ സ്‌നേ​ഹി​ത​നും സ്‌നാ​പ​ന​മേ​ററു. അവരി​ലൊ​രാൾ നിരന്ത​ര​മാ​യി സഹായ​പ​യ​നി​യർസേ​വനം ചെയ്‌തു​കൊ​ണ്ടി​രി​ക്കു​ന്നു. പാർക്കി​ലെ ബൈബിൾചർച്ചകൾ ശ്രദ്ധി​ച്ചു​കൊ​ണ്ടി​രു​ന്ന​യാൾ അദ്ധ്യയനം തുടർന്നു. പിന്നീട്‌ അയാൾ അയർല​ണ്ടി​ലേക്കു പോയി, അവിടെ സ്‌നാ​പ​ന​മേൽക്കു​ന്ന​തിന്‌ നോക്കി​പ്പാർത്തി​രി​ക്കു​ക​യാ​യി​രു​ന്നു!

ഇതെല്ലാം സംഭവി​ച്ചത്‌ ഒരു സഹോ​ദരൻ ഭക്ഷണത്തി​നുള്ള ഇടവേള അനൗപ​ചാ​രിക സാക്ഷീ​ക​ര​ണ​ത്തിന്‌ പ്രയോ​ജ​ന​പ്പെ​ടു​ത്തി​യ​തു​കൊ​ണ്ടും യഹോവ അയാളു​ടെ ശ്രമങ്ങളെ അനു​ഗ്ര​ഹി​ച്ച​തു​കൊ​ണ്ടു​മാ​യി​രു​ന്നു. അതു​പോ​ലെ യഹോ​വ​യു​ടെ രാജ്യ​സ​ന്ദേ​ശ​ത്തി​നു​വേണ്ടി വിശക്കു​ന്ന​വ​രി​ലേക്ക്‌ സുവാർത്ത വ്യാപി​പ്പി​ക്കു​ന്ന​തിന്‌ നമുക്ക്‌ ഏതവസ​ര​വും പ്രയോ​ജ​ന​പ്പെ​ടു​ത്താം! (w90 6⁄1)

[അടിക്കു​റിപ്പ്‌]