ദൈവ​ത്തി​ലും ക്രിസ്‌തു​വി​ലും വിശ്വാ​സം നിലനിർത്തു​ക

കൊലോസ്യരിൽനിന്നുള്ള വിശേ​ഷാ​ശ​യ​ങ്ങൾ

യഹോ​വ​യാം ദൈവ​ത്തി​ലും യേശു​ക്രി​സ്‌തു​വി​ലു​മുള്ള വിശ്വാ​സം രക്ഷക്കു ജീവൽ പ്രധാ​ന​മാണ്‌. എന്നാൽ അങ്ങനെ​യുള്ള വിശ്വാ​സം നിലനിർത്തു​ന്നത്‌ ഒരു വെല്ലു​വി​ളി​യാണ്‌. അത്‌ ഏഷ്യാ​മൈ​ന​റി​ലെ എഫേസൂ​സി​നു കിഴക്കുള്ള ഒരു നഗരമാ​യി​രുന്ന കൊ​ലോ​സ്സി​യി​ലെ ക്രിസ്‌ത്യാ​നി​കൾക്ക​ങ്ങ​നെ​യാ​യി​രു​ന്നു. എന്തു​കൊണ്ട്‌? എന്തു​കൊ​ണ്ടെ​ന്നാൽ അവിടത്തെ വ്യാ​ജോ​പ​ദേ​ഷ്ടാ​ക്കൾ രക്ഷ പരി​ച്ഛേ​ദ​ന​യി​ലും ഒരുവന്റെ ആഹാര​ത്തി​ലും ചില അനുഷ്‌ഠാ​ന​ങ്ങ​ളി​ലും ആശ്രയി​ച്ചി​രി​ക്കു​ന്നു​വെന്ന്‌ തെററാ​യി വിശ്വ​സി​ച്ചു.

അപ്പോൾ, കൊ​ലോ​സ്സി​യി​ലെ ക്രിസ്‌ത്യാ​നി​ക​ളു​ടെ ആത്മീയ ക്ഷേമത്തിൽ അപ്പോ​സ്‌ത​ല​നായ പൗലോസ്‌ തത്‌പ​ര​നാ​യി​രു​ന്നത്‌ മനസ്സി​ലാ​ക്കാ​വു​ന്ന​തേ​യു​ള്ളു. തീർച്ച​യാ​യും അവർ ദൈവ​ത്തി​ലും ക്രിസ്‌തു​വി​ലു​മുള്ള തങ്ങളുടെ വിശ്വാ​സം നിലനിർത്താൻ അവൻ ആഗ്രഹി​ച്ചു. അതു​കൊണ്ട്‌ അപ്പോ​സ്‌ത​ലന്റെ റോമി​ലെ ആദ്യത്തെ തടവു​വാ​സ​ത്തി​ന്റെ അവസാ​ന​ത്തോ​ട​ടുത്ത്‌ (ക്രി.വ. ഏതാണ്ട്‌ 60-61ൽ) തെററായ വീക്ഷണ​ങ്ങളെ നേരി​ടു​ന്ന​തി​നും കൊ​ലോ​സ്യ​രു​ടെ വിശ്വാ​സത്തെ കെട്ടു​പ​ണി​ചെ​യ്യു​ന്ന​തി​നു​മാ​യി അവൻ അവർക്ക്‌ ഒരു ലേഖന​മെ​ഴു​തി. അവന്റെ സ്‌നേ​ഹ​പൂർവ​ക​മായ വാക്കു​ക​ളിൽനിന്ന്‌ നമുക്കും എങ്ങനെ പ്രയോ​ജനം നേടാ​മെന്ന്‌ നമുക്കു കാണാം.

ക്രിസ്‌തു​വി​ന്റെ സ്ഥാനത്തെ വിലമ​തി​ക്കു​ക

പൗലോസ്‌ തന്റെ ലേഖന​ത്തി​ന്റെ പ്രാരം​ഭ​ത്തിൽത്തന്നെ യേശു​വി​ന്റെ സ്ഥാന​ത്തോ​ടുള്ള വിലമ​തി​പ്പി​നെ പ്രദീ​പ്‌ത​മാ​ക്കി. (കൊ​ലോ​സ്യർ 1:1–2:12) ക്രിസ്‌തു​വി​നോ​ടുള്ള ബന്ധത്തി​ലുള്ള കൊ​ലോ​സ്യ​രു​ടെ വിശ്വാ​സ​ത്തി​നും സഹവി​ശ്വാ​സി​ക​ളോ​ടുള്ള അവരുടെ സ്‌നേ​ഹ​ത്തി​നും അവൻ അവരെ അനു​മോ​ദി​ച്ചു. സകലവും സൃഷ്ടി​ക്ക​പ്പെ​ട്ടത്‌ ആരിലൂ​ടെ​യാ​ണോ ആ ഏകനും സഭയുടെ ശിരസ്സും മരിച്ച​വ​രിൽനി​ന്നുള്ള ആദ്യജാ​ത​നു​മായ ക്രിസ്‌തു​വി​ന്റെ പ്രാമു​ഖ്യത പൗലോസ്‌ എടുത്തു​പ​റഞ്ഞു. ദൈവ​ത്തോ​ടുള്ള നിരപ്പ്‌ ക്രിസ്‌തു​വി​ലൂ​ടെ​യാണ്‌ സാധി​ത​മാ​കു​ന്നത്‌, അവനി​ലാണ്‌ ജ്ഞാനത്തി​ന്റെ​യും അറിവി​ന്റെ​യും സകല നിക്ഷേ​പ​ങ്ങ​ളും ഗോപനം ചെയ്‌തി​രി​ക്കു​ന്നത്‌. ഇതി​ന്റെ​യെ​ല്ലാം വീക്ഷണ​ത്തിൽ, ക്രിസ്‌ത്യാ​നി​കൾ ക്രിസ്‌തു​വി​നോ​ടുള്ള ഐക്യ​ത്തിൽ തുടർന്നു നടക്കു​ക​യും മാനുഷ തത്വശാ​സ്‌ത്ര​ത്താൽ ആരും തങ്ങളെ ഇരയായി വലിച്ചു​കൊ​ണ്ടു​പോ​കാൻ അനുവ​ദി​ക്കാ​തി​രി​ക്കു​ക​യും വേണം.

ദൈവം ക്രിസ്‌തു​വി​ലൂ​ടെ ന്യായ​പ്ര​മാ​ണത്തെ വഴിയിൽ നിന്ന്‌ നീക്കം ചെയ്‌തു. (2:13-23) യേശു മരിച്ച സ്‌തം​ഭ​ത്തിൽ അത്‌ ആലങ്കാ​രി​ക​മാ​യി തറക്ക​പ്പെട്ടു. ന്യായ​പ്ര​മാ​ണ​ത്തി​ലെ വ്യവസ്ഥകൾ കേവലം “വരാനുള്ള നൻമക​ളു​ടെ നിഴലാ​യി​രു​ന്നു, എന്നാൽ യാഥാർത്ഥ്യം ക്രിസ്‌തു​വി​നു​ള്ള​താണ്‌.” ക്രിസ്‌തു​വി​നെ മുറുകെ പിടി​ക്കു​ന്ന​തി​നാൽ സ്വർഗ്ഗ​ത്തി​ലെ അമർത്ത്യ​ജീ​വ​നാ​കുന്ന സമ്മാനം തങ്ങളിൽനിന്ന്‌ കവർന്നു​ക​ള​യാൻ അവർ ആരെയും അനുവ​ദി​ക്ക​യില്ല.

ദൈവ​ത്തെ​യും ക്രിസ്‌തു​വി​നെ​യും വിലമ​തി​ക്കു​ക

അടുത്ത​താ​യി പുതിയ വ്യക്തി​ത്വം ധരിക്കാ​നും യേശു​വി​ന്റെ അധികാ​ര​ത്തി​നു കീഴ്‌പ്പെ​ടാ​നും അവൻ കൊ​ലോ​സ്യ​രെ പ്രോൽസാ​ഹി​പ്പി​ച്ചു. (3:1-17) അവരുടെ മനസ്സുകൾ മീതെ​യു​ള്ള​വ​യിൽ പതിപ്പി​ക്കു​ന്ന​തി​നാൽ അവർ തങ്ങളുടെ ജീവി​ത​ത്തിൽ ആത്മീയ താൽപ്പ​ര്യ​ങ്ങൾക്ക്‌ മുൻഗണന കൊടു​ക്കു​ന്ന​താ​യി​രി​ക്കും. ഇത്‌ തെററായ മനോ​ഭാ​വ​ങ്ങ​ളും സംസാ​ര​വും ദൂരീ​ക​രി​ക്കേ​ണ്ടത്‌ ആവശ്യ​മാ​ക്കി​ത്തീർത്തു. അവർ സഹാനു​ഭൂ​തി, മനസ്സിന്റെ എളിമ, സ്‌നേഹം എന്നിങ്ങ​നെ​യുള്ള ഗുണങ്ങൾ ധരിക്കു​ന്നു​വെ​ങ്കിൽ എത്ര അനുഗൃ​ഹീ​ത​രാ​യി​രി​ക്കും! അവർ യേശു​വി​ലൂ​ടെ ദൈവ​ത്തി​നു നന്ദി കൊടു​ത്തു​കൊണ്ട്‌ എല്ലാം അവന്റെ നാമത്തിൽ ചെയ്യു​ന്നു​വെ​ങ്കിൽ, ക്രിസ്‌തു​വി​ന്റെ സ്‌നേഹം അവരുടെ ഹൃദയ​ങ്ങളെ ഭരിക്കും.

യഹോ​വ​യാം ദൈവ​ത്തോ​ടും യേശു​ക്രി​സ്‌തു​വി​നോ​ടും ഉള്ള വിലമ​തിപ്പ്‌ മററു​ള്ള​വ​രോ​ടുള്ള ക്രിസ്‌ത്യാ​നി​ക​ളു​ടെ ബന്ധങ്ങ​ളെ​യും സ്വാധീ​നി​ക്കേ​ണ്ട​താണ്‌. (3:18–4:18) ഭാര്യ​മാ​രും ഭർത്താ​ക്കൻമാ​രും കുട്ടി​ക​ളും അടിമ​ക​ളും യജമാ​നൻമാ​രും ക്രിസ്‌തു​വി​നെ അംഗീ​ക​രി​ച്ചു​കൊ​ണ്ടും ദൈവ​ഭ​യ​ത്തി​ലും തങ്ങളുടെ കർത്തവ്യ​ങ്ങൾ നിറ​വേ​റേ​റ​ണ്ട​താണ്‌. പ്രാർത്ഥ​ന​യിൽ ഉററി​രി​ക്കേ​ണ്ട​തും ജ്ഞാനപൂർവം നടക്കേ​ണ്ട​തും എത്രയാ​വ​ശ്യ​മാണ്‌!

കൊ​ലോ​സ്യർക്കുള്ള പൗലോ​സി​ന്റെ ലേഖന​ത്തിന്‌ ജീവന്റെ സമ്മാനം നമ്മിൽനി​ന്നു കവർന്നു​ക​ള​യുന്ന വ്യാ​ജോ​പ​ദേ​ഷ്‌ടാ​ക്കളെ ഒഴിവാ​ക്കു​ന്ന​തി​നു നമ്മെ സഹായി​ക്കാൻ കഴിയും. യഹോ​വ​യു​ടെ​യും അവന്റെ പുത്ര​ന്റെ​യും അധികാ​രത്തെ അംഗീ​ക​രി​ക്കു​ന്നതു സംബന്ധിച്ച അപ്പോ​സ്‌ത​ലന്റെ ഊന്നലിന്‌ മററു​ള്ള​വ​രി​ലുള്ള നമ്മുടെ ഇടപെ​ട​ലു​ക​ളിൻമേൽ ഒരു നല്ല സ്വാധീ​ന​മു​ണ്ടാ​യി​രി​ക്കാൻ കഴിയും. നാം ദൈവ​ത്തി​ലും ക്രിസ്‌തു​വി​ലു​മുള്ള നമ്മുടെ വിശ്വാ​സം നിലനിർത്തു​ന്നു​വെ​ങ്കിൽ നമുക്ക്‌ സമൃദ്ധ​മായ അനു​ഗ്ര​ഹ​ങ്ങ​ളു​ടെ ഉറപ്പുണ്ട്‌. (w90 11⁄15)

[32-ാം പേജിലെ ചതുരം/ചിത്രം]

ലവോദിക്യക്കാർക്കുള്ള ലേഖനം: “നിങ്ങളു​ടെ​യി​ട​യിൽ ഈ ലേഖനം വായി​ക്ക​പ്പെ​ട്ട​ശേഷം അത്‌ ലവോ​ദി​ക്യ​ക്കാ​രു​ടെ സഭയി​ലും വായി​ക്ക​പ്പെ​ടാ​നും നിങ്ങൾ ലവോ​ദി​ക്യ​യിൽനി​ന്നു​ള്ള​തും വായി​ക്കാ​നും ക്രമീ​ക​രി​ക്കുക” എന്ന്‌ പൗലോസ്‌ കൊ​ലോ​സ്യർക്കെ​ഴു​തി. (കൊ​ലോ​സ്യർ 4:16) ലവോ​ദി​ക്യ പശ്ചിമ ഏഷ്യാ​മൈ​ന​റി​ലെ ഒരു സമ്പന്ന നഗരമാ​യി​രു​ന്നു. അത്‌ ഫിലദൽഫിയ, എഫേസൂസ്‌ എന്നിങ്ങ​നെ​യുള്ള നഗരങ്ങ​ളു​മാ​യി റോഡു​മാർഗ്ഗം ബന്ധിപ്പി​ക്ക​പ്പെ​ട്ടി​രു​ന്നു. എഫേസൂ​സി​ലെ പൗലോ​സി​ന്റെ വേല ലവോ​ദി​ക്യ​യോ​ളം എത്തിയി​രി​ക്കാൻ ഇടയുണ്ട്‌, എങ്കിലും അവൻ അവിടെ ശുശ്രൂഷ ചെയ്‌തില്ല. അവൻ ലവോ​ദി​ക്യ​ക്രി​സ്‌ത്യാ​നി​കൾക്ക്‌ ഒരു ലേഖനം അയച്ചു, എന്നാൽ അത്‌ അവൻ എഫേസ്യർക്കെ​ഴു​തി​യ​തി​ന്റെ ഒരു പകർപ്പാ​യി​രു​ന്നു​വെന്ന്‌ ചില പണ്ഡിതൻമാർ വിശ്വ​സി​ക്കു​ന്നു. ലവോ​ദി​ക്യ​ക്കാർക്കുള്ള ലേഖനം ബൈബി​ളിൽ കാണ​പ്പെ​ടു​ന്നില്ല, അതിനു കാരണം ഒരുപക്ഷേ ഇന്നു നമുക്കാ​വ​ശ്യ​മുള്ള വിവരങ്ങൾ അതിൽ ഇല്ലായി​രു​ന്നു, അല്ലെങ്കിൽ ഒരുപക്ഷേ മററു കാനോ​നിക ലേഖന​ങ്ങ​ളിൽ ഉള്ള ആശയങ്ങൾ അതിൽ ആവർത്തി​ച്ചി​രു​ന്നു എന്നതാ​യി​രു​ന്നു.

[ചിത്രം]

വോദിക്യയിലെ ശൂന്യ​ശി​ഷ്ട​ങ്ങൾ