യഹോ​വ​യു​ടെ ദിവസ​ത്തി​നു​വേണ്ടി ഒരുങ്ങി​യി​രി​ക്കുക!

ഒന്നു തെസ്സ​ലോ​നീ​ക്യ​രിൽനി​ന്നുള്ള സവി​ശേ​ഷാ​ശ​യ​ങ്ങൾ

യഹോ​വ​യു​ടെ ദിവസം! പുരാതന തെസ്സ​ലോ​നീ​ക്യ​യി​ലെ ക്രിസ്‌ത്യാ​നി​കൾ അത്‌ ആസന്നമാ​ണെന്ന്‌ വിചാ​രി​ച്ചു. അവരുടെ വിചാരം ശരിയാ​യി​രു​ന്നോ? അത്‌ എപ്പോൾ വരുമാ​യി​രു​ന്നു? അതായി​രു​ന്നു നമ്മുടെ പൊതു​യു​ഗ​ത്തി​ന്റെ 50-ാമാ​ണ്ടോ​ട​ടുത്ത്‌ കൊരി​ന്തിൽനിന്ന്‌ അപ്പോ​സ്‌ത​ല​നായ പൗലോസ്‌ തെസ്സ​ലോ​നീ​ക്യർക്കയച്ച ആദ്യത്തെ ലേഖന​ത്തിൽ കൈകാ​ര്യം​ചെ​യ്‌തി​രുന്ന ജീവൽപ്ര​ധാ​ന​മായ ഒരു വിഷയം.

റോമൻ പ്രോ​വിൻസാ​യി​രുന്ന മാസി​ഡോ​ണി​യാ​യു​ടെ ഭരണാ​സ്ഥാ​ന​മാ​യി​രുന്ന തെസ്സ​ലോ​നീ​ക്യ​യിൽ പൗലോ​സും ശീലാ​സും​കൂ​ടെ​യാ​യി​രു​ന്നു ക്രിസ്‌തീ​യസഭ സ്ഥാപി​ച്ചത്‌. (പ്രവൃ​ത്തി​കൾ 17:1-4) പിന്നീട്‌ തെസ്സ​ലോ​നീ​ക്യർക്കുള്ള തന്റെ ഒന്നാമത്തെ ലേഖന​ത്തിൽ പൗലോസ്‌ അഭിന​ന്ദി​ക്കു​ക​യും ഗുണ​ദോ​ഷി​ക്കു​ക​യും യഹോ​വ​യു​ടെ ദിവസ​ത്തെ​ക്കു​റിച്ച്‌ ചർച്ച ചെയ്യു​ക​യും ചെയ്‌തു. നമുക്കും ഈ ലേഖന​ത്തിൽനിന്ന്‌ പ്രയോ​ജനം അനുഭ​വി​ക്കാൻ കഴിയും, വിശേ​ഷിച്ച്‌ യഹോ​വ​യു​ടെ ദിവസം വളരെ അടുത്തു​വ​ന്നി​രി​ക്കുന്ന ഇപ്പോൾ.

അഭിന​ന്ദി​ക്കു​ക​യും പ്രോൽസാ​ഹി​പ്പി​ക്കു​ക​യും ചെയ്യുക

പൗലോസ്‌ ആദ്യമാ​യി തെസ്സ​ലോ​നീ​ക്യ​രെ അഭിന​ന്ദി​ച്ചു. (1 തെസ്സ​ലോ​നീ​ക്യർ 1:1-10) അഭിന​ന്ദനം അവരുടെ വിശ്വ​സ്‌ത​പ്ര​വർത്ത​ന​ത്തി​നും സഹിഷ്‌ണു​ത​ക്കും​വേ​ണ്ടി​യാ​യി​രു​ന്നു. അവർ “വചനം വളരെ ഉപദ്ര​വ​ത്തിൻകീ​ഴിൽ പരിശു​ദ്ധാ​ത്മാ​വി​ന്റെ സന്തോ​ഷ​ത്തോ​ടെ സ്വീക​രി​ച്ചു” എന്നതും അഭിന​ന്ദ​നാർഹ​മാ​യി​രു​ന്നു. പൗലോസ്‌ ചെയ്‌ത​തു​പോ​ലെ നിങ്ങളും മററു​ള്ള​വരെ അഭിന​ന്ദി​ക്കു​ന്നു​വോ?

അപ്പോ​സ്‌ത​ലൻ ഒരു നല്ല മാതൃക വെച്ചി​രു​ന്നു. (2:1-12) ഫിലി​പ്പി​യാ​യിൽ അപമര്യാ​ദ​യായ പെരു​മാ​റ​റ​മു​ണ്ടാ​യെ​ങ്കി​ലും അവൻ തെസ്സ​ലോ​നീ​ക്യ​രോട്‌ ‘സുവാർത്ത പ്രസം​ഗി​ക്കു​ന്ന​തിന്‌ ദൈവ​ത്തി​ന്റെ സഹായ​ത്തോ​ടെ ധൈര്യം സംഭരി​ച്ചു.’ അവൻ മുഖസ്‌തു​തി​യെ​യും അതി​മോ​ഹ​ത്തെ​യും മഹത്വാ​ന്വേ​ഷ​ണ​ത്തെ​യും വെറു​ത്തി​രു​ന്നു. പൗലോസ്‌ ഒരു ചെല​വേ​റിയ ഭാരമാ​യി​ത്തീർന്നി​രു​ന്നില്ല, പകരം മുലയൂ​ട്ടുന്ന അമ്മ തന്റെ ശിശു​വി​നോട്‌ ഇടപെ​ടു​ന്ന​തു​പോ​ലെ, അവരോട്‌ ശാന്തനാ​യി​രു​ന്നു. ഇന്നത്തെ മൂപ്പൻമാർക്ക്‌ എത്ര നല്ല ദൃഷ്ടാന്തം!

പൗലോ​സി​ന്റെ അടുത്ത വാക്കുകൾ പീഡി​പ്പി​ക്ക​പ്പെ​ടു​മ്പോൾ ഉറച്ചു​നിൽക്കു​ന്ന​തിന്‌ തെസ്സ​ലോ​നീ​ക്യ​രെ പ്രോൽസാ​ഹി​പ്പി​ച്ചു. (2:13–3:13) അവർ തങ്ങളുടെ സ്വദേ​ശ​ക്കാ​രാ​ലുള്ള പീഡനത്തെ സഹിച്ചു, തിമൊ​ഥെ​യോസ്‌ പൗലോ​സിന്‌ അവരുടെ നല്ല ആത്മീയാ​വ​സ്ഥ​യെ​ക്കു​റി​ച്ചുള്ള ഒരു നല്ല റിപ്പോർട്ട്‌ കൊണ്ടു​ചെ​ന്നു​കൊ​ടു​ത്തു. അപ്പോ​സ്‌തലൻ അവർ സ്‌നേ​ഹ​ത്തിൽ പെരു​കി​വ​രു​ന്ന​തി​നും അവരുടെ ഹൃദയം ഉറപ്പു​ള്ള​താ​കു​ന്ന​തി​നും​വേണ്ടി പ്രാർത്ഥി​ച്ചു. സമാന​മാ​യി ഇപ്പോൾ യഹോ​വ​യു​ടെ സാക്ഷികൾ പീഡി​പ്പി​ക്ക​പ്പെ​ടുന്ന സഹവി​ശ്വാ​സി​കൾക്കു​വേണ്ടി പ്രാർത്ഥി​ക്കു​ക​യും സാധ്യ​മെ​ങ്കിൽ അവരെ പ്രോൽസാ​ഹി​പ്പി​ക്കു​ക​യും അവരുടെ വിശ്വ​സ്‌ത​ത​സം​ബ​ന്ധിച്ച റിപ്പോർട്ടു​ക​ളിൽ സന്തോ​ഷി​ക്കു​ക​യും ചെയ്യുന്നു.

ആത്മീയ​മാ​യി ഉണർവു​ള്ള​വ​രാ​യി നിലനിൽക്കുക!

അടുത്ത​താ​യി തെസ്സ​ലോ​നീ​ക്യർക്ക്‌ ബുദ്ധി​യു​പ​ദേശം ലഭിച്ചു. (4:1-18) അവർ കൂടുതൽ സഹോ​ദ​ര​സ്‌നേഹം പ്രകട​മാ​ക്കി​ക്കൊ​ണ്ടും അവരുടെ ആവശ്യങ്ങൾ നിറ​വേ​റ​റു​ന്ന​തി​നു​വേണ്ടി തങ്ങളുടെ കൈ​കൊണ്ട്‌ വേല​ചെ​യ്‌തു​കൊ​ണ്ടും അധികം പൂർണ്ണ​മാ​യി ദൈവത്തെ പ്രസാ​ദി​പ്പി​ക്കുന്ന ഒരു ഗതിയിൽ നടക്കേ​ണ്ട​താ​യി​രു​ന്നു. കൂടാതെ, യേശു​വി​ന്റെ സാന്നി​ദ്ധ്യ​ത്തി​ങ്കൽ, ആത്മജന​നം​പ്രാ​പിച്ച്‌ മരിച്ചു​പോയ വിശ്വാ​സി​കൾ ആദ്യം ഉയിർക്കു​ക​യും അവനോ​ടു ചേരു​ക​യും ചെയ്യു​മെ​ന്നുള്ള പ്രത്യാ​ശ​യാൽ അവർ പരസ്‌പരം ആശ്വസി​പ്പി​ക്കേ​ണ്ട​താ​യി​രു​ന്നു. അതിനു​ശേഷം അതിജീ​വി​ക്കുന്ന അഭിഷി​ക്തർ മരിക്കു​മ്പോൾത്തന്നെ പുനരു​ത്ഥാ​നം പ്രാപിച്ച്‌ ക്രിസ്‌തു​വി​നോ​ടും സ്വർഗ്ഗീ​യ​ജീ​വ​നി​ലേക്ക്‌ നേര​ത്തേ​തന്നെ പുനരു​ത്ഥാ​നം​പ്രാ​പി​ച്ച​വ​രോ​ടും ചേരും.

പൗലോസ്‌ അടുത്ത​താ​യി യഹോ​വ​യു​ടെ ദിവസ​ത്തെ​സം​ബ​ന്ധിച്ച്‌ ചർച്ച​ചെ​യ്യു​ക​യും കൂടുതൽ ബുദ്ധി​യു​പ​ദേശം കൊടു​ക്കു​ക​യും ചെയ്‌തു. (5:1-28) യഹോ​വ​യു​ടെ ദിവസം ഒരു കള്ളനെ​പ്പോ​ലെ, “സമാധാ​ന​വും സുരക്ഷി​ത​ത്വ​വും!” എന്ന പ്രഖ്യാ​പ​ന​ത്തി​നു​ശേഷം പെട്ടെ​ന്നുള്ള നാശ​ത്തോ​ടെ നിശ്ചയ​മാ​യും വരുമാ​യി​രു​ന്നു. അതു​കൊണ്ട്‌ തെസ്സ​ലോ​നീ​ക്യ​യി​ലു​ള്ളവർ വിശ്വാ​സ​ത്തി​ന്റെ​യും സ്‌നേ​ഹ​ത്തി​ന്റെ​യും കവചവും രക്ഷയുടെ പ്രത്യാ​ശ​യാ​കുന്ന ഹെൽമ​റ​റും​കൊണ്ട്‌ സംരക്ഷി​ത​രാ​യി ആത്മീയ ഉണർവു​ള്ള​വ​രാ​യി സ്ഥിതി​ചെ​യ്യ​ണ​മാ​യി​രു​ന്നു. അവർക്ക്‌ സഭയിൽ ആദ്ധ്യക്ഷം​വ​ഹി​ക്കു​ന്ന​വ​രോട്‌ ആഴമായ ബഹുമാ​നം ഉണ്ടായി​രി​ക്ക​ണ​മാ​യി​രു​ന്നു, നമ്മേ​പ്പോ​ലെ ദുഷ്ടത​യിൽനിന്ന്‌ ഒഴിഞ്ഞി​രി​ക്കു​ക​യും വേണമാ​യി​രു​ന്നു.

തെസ്സ​ലോ​നീ​ക്യർക്കുള്ള പൗലോ​സി​ന്റെ ആദ്യത്തെ ലേഖനം സഹവി​ശ്വാ​സി​കൾക്ക്‌ അഭിന​ന്ദ​ന​വും പ്രോൽസാ​ഹ​ന​വും നൽകു​ന്ന​തിന്‌ നമ്മെ പ്രേരി​പ്പി​ക്കണം. അത്‌ നമ്മെ നടത്തയി​ലും മനോ​ഭാ​വ​ത്തി​ലും മാതൃ​കാ​യോ​ഗ്യ​രാ​യി​രി​ക്കു​ന്നതി​നും പ്രേരി​പ്പി​ക്കണം. നിശ്ചയ​മാ​യും അതിലെ ബുദ്ധി​യു​പ​ദേ​ശ​ത്തിന്‌ നമ്മെ യഹോ​വ​യു​ടെ ദിവസ​ത്തി​നു​വേണ്ടി ഒരുങ്ങി​യി​രി​ക്കു​ന്ന​തിന്‌ സഹായി​ക്കാൻ കഴിയും. (w91 1⁄15)

[31-ാം പേജിലെ ചതുരം/ചിത്രം]

കവചവും ഹെൽമ​റ​റും: ആത്മീയ ഉണർവി​നു പ്രേരി​പ്പി​ച്ചു​കൊണ്ട്‌ പൗലോസ്‌ എഴുതി: “നമ്മുക്ക്‌ സുബോ​ധം നിലനിർത്തു​ക​യും വിശ്വാ​സ​ത്തി​ന്റെ​യും സ്‌നേ​ഹ​ത്തി​ന്റെ​യും കവചവും രക്ഷയുടെ പ്രത്യാ​ശ​യാ​കുന്ന ഹെൽമ​റ​റും ധരിക്കു​ക​യും ചെയ്യാം.” (1 തെസ്സ​ലോ​നീ​ക്യർ 5:8) ഒരു കവചം പടയാ​ളി​യു​ടെ, തകി​ടോ​ടു​കൂ​ടിയ മാർസം​ര​ക്ഷ​ണ​മാ​യി​രു​ന്നു, അതിൽ ശൽക്കങ്ങ​ളോ ചങ്ങലക​ളോ ഉറപ്പുള്ള ലോഹ​മോ ഉണ്ടായി​രു​ന്നു. അതു​പോ​ലെ വിശ്വാ​സ​ത്തി​ന്റെ കവചം നമ്മെ ആത്മീയ​മാ​യി സംരക്ഷി​ക്കു​ന്നു. പുരാതന ഹെൽമ​ററ്‌ സംബന്ധി​ച്ചെന്ത്‌? സാധാ​ര​ണ​യാ​യി ലോഹം കൊണ്ട്‌ നിർമ്മി​ക്ക​പ്പെട്ട അത്‌, യുദ്ധസ​മ​യത്ത്‌ ഒരു പോരാ​ളി​യെ സംരക്ഷി​ക്കു​ന്ന​തി​നു​വേണ്ടി രൂപകൽപ്പ​ന​ചെയ്‌ത ഒരു പട്ടാള​ശി​രോ​വ​സ്‌ത്ര​മാ​യി​രു​ന്നു. ഒരു ഹെൽമ​ററ്‌ പോരാ​ളി​യു​ടെ തലയെ സംരക്ഷി​ച്ചി​രു​ന്ന​തു​പോ​ലെ രക്ഷസം​ബ​ന്ധിച്ച പ്രത്യാശ നിർമ്മ​ല​ത​പാ​ലി​ക്കാൻ ഒരു ക്രിസ്‌ത്യാ​നി​യെ സഹായി​ച്ചു​കൊണ്ട്‌ മാനസി​ക​പ്രാ​പ്‌തി​കളെ സംരക്ഷി​ക്കു​ന്നു. യഹോ​വ​യു​ടെ ജനം അത്തരം ആത്മീയ പടച്ചട്ട ധരിക്കു​ന്നത്‌ എത്ര ജീവൽപ്ര​ധാ​ന​മാണ്‌!—എഫേസ്യർ 6:11-17.