ദൈവ​ദ​ത്ത​മായ ശക്തിയിൽ ആശ്രയി​ക്കു​ക

രണ്ടു തിമൊ​ഥെ​യോ​സിൽനി​ന്നുള്ള വിശേ​ഷാ​ശ​യ​ങ്ങൾ

പരി​ശോ​ധ​ന​ക​ളും പീഡന​ങ്ങ​ളും സഹിച്ചു​നിൽക്കു​ന്ന​തി​നുള്ള ശക്തി യഹോവ തന്റെ ദാസൻമാർക്കു നൽകുന്നു. തിമൊ​ഥെ​യോ​സി​നും മററു ക്രിസ്‌ത്യാ​നി​കൾക്കും ദൈവ​ദ​ത്ത​മായ ശക്തി എത്ര ആവശ്യ​മാ​യി​രു​ന്നു! ക്രി.വ. 64-ൽ ഒരു തീ റോമി​നെ നശിപ്പി​ച്ചു, നീറോ​ച​ക്ര​വർത്തി​യാണ്‌ അതിന്‌ ഉത്തരവാ​ദി​യെന്ന്‌ കിംവ​ദന്തി പരന്നി​രു​ന്നു. അയാ​ളെ​ത്തന്നെ സംരക്ഷി​ക്കു​ന്ന​തിന്‌ അയാൾ ക്രിസ്‌ത്യാ​നി​ക​ളു​ടെ​മേൽ കുററം​വെച്ചു. അത്‌ പ്രത്യ​ക്ഷ​ത്തിൽ പീഡന​ത്തി​ന്റെ ഒരു അലയടി​ക്കു​ന്ന​തിന്‌ പ്രേര​ക​മാ​യി. സാധ്യ​ത​യ​നു​സ​രിച്ച്‌ ആ സമയത്ത്‌ (ക്രി.വ. ഉദ്ദേശം 65), അപ്പോ​സ്‌ത​ല​നായ പൗലോസ്‌ വീണ്ടും റോമിൽ തടവി​ല​ട​യ്‌ക്ക​പ്പെട്ടു. മരണത്തെ അഭിമു​ഖീ​ക​രി​ക്കു​ക​യാ​യി​രു​ന്നെ​ങ്കി​ലും അവൻ അപ്പോൾ തിമൊ​ഥെ​യോ​സി​നുള്ള രണ്ടാമത്തെ ലേഖനം എഴുതി.

പൗലോ​സി​ന്റെ ലേഖനം വിശ്വാ​സ​ത്യാ​ഗി​കളെ ചെറു​ക്കു​ന്ന​തി​നും പീഡന​ത്തിൻമ​ദ്ധ്യെ ഉറച്ചു​നിൽക്കു​ന്ന​തി​നും തിമൊ​ഥെ​യോ​സി​നെ ഒരുക്കി. അത്‌ അവനെ ആത്മീയ​മാ​യി പുരോ​ഗ​തി​പ്രാ​പി​ച്ചു​കൊ​ണ്ടിരി​ക്കാൻ പ്രോ​ത്സാ​ഹി​പ്പി​ക്കു​ക​യും പൗലോ​സി​ന്റെ തടവിലെ അവസ്ഥകളെ സംബന്ധിച്ച്‌ പറയു​ക​യും ചെയ്‌തു. ഈ ലേഖനം വായന​ക്കാ​രെ​യും ദൈവ​ദ​ത്ത​മായ ശക്തിയിൽ ആശ്രയി​ക്കു​ന്ന​തിന്‌ സഹായി​ക്കു​ന്നു.

തിൻമ സഹിക്കു​ക​യും സൗമ്യ​ത​യോ​ടെ പഠിപ്പി​ക്കു​ക​യും ചെയ്യുക

സുവാർത്ത​യു​ടെ പ്രഘോ​ഷകർ എന്ന നിലയിൽ പീഡനം സഹിക്കു​ന്ന​തിന്‌ ദൈവം ശക്തി പകരുന്നു. (2 തിമൊ​ഥെ​യോസ്‌ 1:1-18) പൗലോസ്‌ തന്റെ പ്രാർത്ഥ​ന​യിൽ ഒരിക്ക​ലും തിമൊ​ഥെ​യോ​സി​നെ മറന്നില്ല, അവൻ അവന്റെ നിഷ്‌ക​പ​ട​മായ വിശ്വാ​സത്തെ ഓർക്കു​ക​യും ചെയ്‌തു. ദൈവം തിമൊ​ഥെ​യോ​സിന്‌ ‘ഭീരു​ത്വ​ത്തി​ന്റെ ആത്മാവി​നെയല്ല, പിന്നെ​യോ ശക്തിയു​ടെ​യും സ്‌നേ​ഹ​ത്തി​ന്റെ​യും സുബോ​ധ​ത്തി​ന്റെ​യും ആത്മാവി​നെ​യാണ്‌’ കൊടു​ത്തത്‌. അതു​കൊണ്ട്‌ അവൻ സാക്ഷീ​ക​രി​ക്കു​ന്ന​തി​ലും സുവാർത്ത​ക്കു​വേണ്ടി തിൻമ സഹിക്കു​ന്ന​തി​ലും ലജ്ജയി​ല്ലാ​ത്ത​വ​നാ​യി​രി​ക്കട്ടെ. കൂടാതെ അവൻ പൗലോ​സിൽനിന്ന്‌ കേട്ട “ആരോ​ഗ്യ​ക​ര​മായ വചനത്തി​ന്റെ മാതൃ​കയെ പിടി​ച്ചു​കൊ​ണ്ടി​രി​ക്കാ”നും പ്രേരി​പ്പി​ക്ക​പ്പെട്ടു, യഥാർത്ഥ ക്രിസ്‌തീയ സത്യത്തിൽനിന്ന്‌ മാറി​പ്പോ​യാ​ലും നാം അതി​നോട്‌ കർശന​മാ​യി പററി​നിൽക്ക​ണ​മ​ല്ലോ.

പൗലോസ്‌ പഠിപ്പിച്ച കാര്യങ്ങൾ മററു​ള്ള​വരെ പഠിപ്പി​ക്കുന്ന വിശ്വസ്‌ത പുരു​ഷൻമാ​രെ ഭരമേൽപ്പി​ക്ക​ണ​മാ​യി​രു​ന്നു. (2:1-26) തിമൊ​ഥെ​യോസ്‌ തിൻമ സഹിക്കു​മ്പോൾ വിശ്വ​സ്‌ത​നാ​യി​രു​ന്നു​കൊണ്ട്‌ ക്രിസ്‌തു​വി​ന്റെ നല്ല ഒരു ഭടനാ​യി​രി​ക്കു​ന്ന​തിന്‌ പ്രോൽസാ​ഹി​പ്പി​ക്ക​പ്പെട്ടു. പൗലോ​സ്‌ത​ന്നെ​യും സുവാർത്ത പ്രസം​ഗി​ച്ച​തിന്‌ ജയിൽശിക്ഷ അനുഭ​വി​ച്ചു. വിശു​ദ്ധ​മാ​യ​തി​നെ അശുദ്ധ​മാ​ക്കുന്ന വ്യർത്ഥ​സം​സാ​രത്തെ വർജ്ജി​ച്ചു​കൊണ്ട്‌ ദൈവ​ത്തി​ന്റെ ഒരു അംഗീ​കൃത വേലക്കാ​ര​നാ​യി​രി​ക്കാൻ അവന്റെ പരമാ​വധി പ്രവർത്തി​ക്കാൻ അവൻ തിമൊ​ഥെ​യോ​സി​നെ പ്രോ​ത്സാ​ഹി​പ്പി​ച്ചു. കർത്താ​വി​ന്റെ ഒരു അടിമ മററു​ള്ള​വരെ സൗമ്യ​ത​യോ​ടെ പ്രബോ​ധി​പ്പി​ക്ക​ണ​മെ​ന്നും അവനോട്‌ പറയ​പ്പെട്ടു.

വചനം പ്രസം​ഗിക്ക!

അന്ത്യനാ​ളു​കളെ അഭിമു​ഖീ​ക​രി​ക്കു​ന്ന​തി​നും തിരു​വെ​ഴു​ത്തു സത്യ​ത്തോട്‌ പററി​നിൽക്കു​ന്ന​തി​നും ദൈവ​ദ​ത്ത​മായ ശക്തി ആവശ്യ​മാണ്‌. (3:1-17) ‘എല്ലായ്‌പ്പോ​ഴും പഠിക്കു​ന്ന​വ​രെ​ങ്കി​ലും സത്യത്തി​ന്റെ സൂക്ഷ്‌മ​പ​രി​ജ്ഞാ​ന​ത്തിൽ എത്താൻ ഒരിക്ക​ലും സാധി​ക്കാത്ത’ ആളുകൾ ഭക്തി​കെ​ട്ട​വ​രു​ടെ ഇടയിൽനിന്ന്‌ എഴു​ന്നേൽക്കും. അത്തരം ‘ദുഷ്ടമ​നു​ഷ്യ​രും വഞ്ചകൻമാ​രും വഴി​തെ​റ​റി​ച്ചും വഴി​തെ​റ​റി​ക്ക​പ്പെ​ട്ടും തിൻമ​യിൽനിന്ന്‌ അധികം തിൻമ​യി​ലേക്ക്‌ മുതിർന്നു​വ​രും.’ എന്നിരു​ന്നാ​ലും തിമൊ​ഥെ​യോസ്‌ ‘താൻ പഠിച്ച കാര്യ​ങ്ങ​ളിൽ തുടരണ’മായി​രു​ന്നു. അതു​പോ​ലെ, ‘എല്ലാ തിരു​വെ​ഴു​ത്തും ദൈവ​നി​ശ്വ​സ്‌ത​വും ദൈവ​ത്തി​ന്റെ മനുഷ്യൻ പൂർണ്ണ​മാ​യി യോഗ്യ​ത​പ്രാ​പി​ക്കു​ന്ന​തി​നും സകല സൽപ്ര​വൃ​ത്തി​ക്കും പൂർണ്ണ​മാ​യി സജ്ജനാ​കു​ന്ന​തി​നും പഠിപ്പി​ക്ക​ലി​നും ശാസി​ക്ക​ലി​നും കാര്യങ്ങൾ നേരെ​യാ​ക്കു​ന്ന​തി​നും നീതി​യിൽ ശിക്ഷണം നൽകു​ന്ന​തി​നും പ്രയോ​ജ​ന​മു​ള്ള​താ​കു​ന്നു’ എന്നറി​ഞ്ഞു​കൊണ്ട്‌ നാമും അങ്ങനെ​തന്നെ തുടരണം.

തിമൊ​ഥെ​യോസ്‌ വിശ്വാ​സ​ത്യാ​ഗി​കളെ ചെറു​ക്കു​ക​യും അവന്റെ ശുശ്രൂഷ നിറ​വേ​റ​റു​ക​യും ചെയ്യണ​മാ​യി​രു​ന്നു. (4:1-22) അവന്‌, ‘വചനം പ്രസം​ഗി​ച്ചു​കൊ​ണ്ടും’ അതിൽ പിടി​ച്ചു​നി​ന്നു​കൊ​ണ്ടും അപ്രകാ​രം ചെയ്യാൻ കഴിയു​മാ​യി​രു​ന്നു. ചിലർ വ്യാ​ജോ​പ​ദേശം പഠിപ്പി​ച്ചി​രു​ന്ന​തു​കൊണ്ട്‌ സഭ “ഉപദ്ര​വ​ക​ര​മായ ഒരു കാലഘ​ട്ടത്തെ” അഭിമു​ഖീ​ക​രി​ച്ച​തി​നാൽ ഇതു ജീവൽപ്ര​ധാ​ന​മാ​യി​രു​ന്നു. യഹോ​വ​യു​ടെ സാക്ഷി​ക​ളും ഇന്ന്‌ ദൈവ​ത്തി​ന്റെ വചനം സഭക്കു​ള്ളി​ലും പുറത്തു​ള്ള​വ​രോ​ടും, പ്രതി​കൂ​ല​സാ​ഹ​ച​ര്യ​ങ്ങ​ളിൽപോ​ലും, അടിയ​ന്തി​ര​ത​യോ​ടെ പ്രസം​ഗി​ച്ചു​കൊണ്ട്‌ അതി​നോട്‌ പററി​നിൽക്കു​ന്നു. പൗലോസ്‌ ചിലരാൽ ഉപേക്ഷി​ക്ക​പ്പെ​ട്ടെ​ങ്കി​ലും അവൻ “വിശ്വാ​സം കാത്തു.” എന്നാൽ ‘അവൻ മുഖാ​ന്തരം പ്രസംഗം പൂർണ്ണ​മാ​യി നിറ​വേ​റ​റ​പ്പെ​ടേ​ണ്ട​തിന്‌ കർത്താവ്‌ അവനിൽ ശക്തി പകർന്നു.’ നമുക്കും ദൈവ​ദ​ത്ത​മായ ശക്തിയിൽ ആശ്രയി​ക്കു​ക​യും സുവാർത്ത പ്രസം​ഗി​ക്കു​ന്ന​തിൽ തുടരു​ക​യും ചെയ്യാം. (w91 1⁄15)

[28-ാം പേജിലെ ചതുരം/ചിത്രം]

ഒരു നല്ല പടയാളി: പൗലോസ്‌ തിമൊ​ഥെ​യോ​സി​നെ ഇപ്രകാ​രം പ്രോൽസാ​ഹി​പ്പി​ച്ചു: “യേശു​ക്രി​സ്‌തു​വി​ന്റെ ഒരു നല്ല പടയാളി എന്ന നിലയിൽ തിൻമ സഹിക്കു​ന്ന​തിൽ നിന്റെ പങ്കു വഹിക്കുക. ഒരു പടയാ​ളി​യാ​യി സേവി​ക്കുന്ന യാതൊ​രു മനുഷ്യ​നും അയാളെ ഒരു പടയാ​ളി​യാ​യി പേർചാർത്തിയ ആളുടെ അംഗീ​കാ​രം ലഭിക്കു​ന്ന​തി​നു​വേണ്ടി ജീവി​ത​ത്തി​ലെ വ്യാപാ​ര​കാ​ര്യ​ങ്ങ​ളിൽ ഉൾപ്പെ​ടു​ന്നില്ല.” (2 തിമൊ​ഥെ​യോസ്‌ 2:3, 4) ഒരു റോമൻ കാലാൾപ​ട​യാ​ളി ഭാരിച്ച ആയുധങ്ങൾ, ഒരു കോടാ​ലി, ഒരു കുട്ട, മൂന്നു​ദി​വ​സ​ത്തേ​ക്കുള്ള റേഷൻ, മററ്‌ വസ്‌തു​ക്കൾ എന്നിവ വഹിച്ചു​കൊ​ണ്ടു പോകു​മ്പോൾ ‘തിൻമ സഹിക്കു​ന്നു.’ (ജോസീ​ഫ​സി​ന്റെ വാർസ്‌ ഓഫ്‌ ദി ജ്യൂസ്‌, പുസ്‌തകം 3, അദ്ധ്യായം 5) അയാൾ വാണി​ജ്യ​പ​ര​മായ താൽപ്പ​ര്യ​ങ്ങളെ പിൻതു​ടർന്നില്ല, എന്തു​കൊ​ണ്ടെ​ന്നാൽ അത്‌ അയാളു​ടെ മേലധി​കാ​രി​യെ പ്രീതി​പ്പെ​ടു​ത്തു​ക​യി​ല്ലാ​യി​രു​ന്നു, അയാളു​ടെ ചെലവു​കൾ വഹിക്ക​പ്പെ​ട്ടി​രു​ന്നു. അതു​പോ​ലെ, ഒരു ക്രിസ്‌ത്യാ​നി “ക്രിസ്‌തു​വി​ന്റെ ഒരു നല്ല പടയാളി” ആയിരി​ക്കു​ന്ന​തി​നോട്‌ ബന്ധപ്പെട്ട പീഡാ​നു​ഭ​വങ്ങൾ സഹിക്കു​ന്നു. അയാൾ തിരു​വെ​ഴു​ത്തു​പ​ര​മായ കടപ്പാ​ടു​കൾ നിറ​വേ​റ​റു​ന്ന​തിന്‌ ലൗകി​ക​ജോ​ലി ചെയ്‌താൽതന്നെ അയാൾ ആത്മീയ​പോ​രാ​ട്ടം നിർത്തി​ക്ക​ള​യാൻ ഭൗതി​ക​കാ​ര്യ​ങ്ങ​ളി​ലെ അനുചി​ത​മായ ഉൾപ്പെ​ട​ലി​നെ അനുവ​ദി​ക്ക​രുത്‌. (1 തെസ്സ​ലോ​നി​ക്യർ 2:9) വീടു​തോ​റും സാക്ഷീ​ക​രി​ച്ചു​കൊണ്ട്‌, അയാൾ “ആത്മാവി​ന്റെ വാൾ, അതായത്‌, ദൈവ​ത്തി​ന്റെ വചനം” പ്രയോ​ഗി​ക്കു​ക​യും മതപര​മായ തെററിൽനിന്ന്‌ സ്വത​ന്ത്ര​രാ​കാൻ ആളുകളെ സഹായി​ക്കു​ക​യും ചെയ്യുന്നു. (എഫേസ്യർ 6:11-17; യോഹ​ന്നാൻ 8:31, 32) ജീവൻ അപകട​ത്തി​ലാ​ക​യാൽ എല്ലാ ക്രിസ്‌തീ​യ​പ​ട​യാ​ളി​ക​ളും ഈ വിധത്തിൽ യേശു​ക്രി​സ്‌തു​വി​നെ​യും യഹോ​വ​യാം ദൈവ​ത്തെ​യും പ്രസാ​ദി​പ്പി​ക്കു​ന്ന​തിൽ തുടരട്ടെ.