ഗിലെ​യാദ്‌ വിദ്യാ​ഭ്യാ​സ​ത്തി​ന്റെ അനു​ഗ്ര​ഹങ്ങൾ ലോക​വ്യാ​പ​ക​മാ​യി പരക്കുന്നു

ഈ പഴയ ലോക​ത്തി​ലെ വിദ്യാ​ഭ്യാ​സ​ത്തി​നു പരിമി​ത​മായ മൂല്യ​മേ​യു​ള്ളു. അത്‌ അധിക​വും ദൈവ​ത്തി​ന്റെ സത്യത്തി​നു പകരം മാനുഷ ആശയങ്ങ​ളിൽ അടിസ്ഥാ​ന​പ്പെ​ട്ടി​രി​ക്കു​ന്ന​തി​നാൽ അതിനു ജീവി​ത​ത്തി​നു യഥാർത്ഥ ഉദ്ദേശ്യം നൽകാൻ കഴിയു​ക​യില്ല. എന്നാൽ ഗിലെ​യാദ്‌ സ്‌കൂൾ വ്യത്യ​സ്‌ത​മാണ്‌. തൊണ്ണൂ​റ​റി​മൂ​ന്നാ​മതു ഗിലെ​യാദ്‌ ക്ലാസ്സിന്റെ ബിരു​ദ​ദാന ചടങ്ങിന്റെ ആമുഖ പ്രസ്‌താ​വ​ന​യിൽ ഈ സ്‌കൂൾ യഥാർത്ഥ മൂല്യ​മുള്ള വിദ്യാ​ഭ്യാ​സം പ്രദാനം ചെയ്യു​ന്നു​വെന്നു ഭരണസം​ഘ​ത്തി​ലെ തിയോ​ഡർ ജാരെസ്‌ വെളി​പ്പെ​ടു​ത്തി. സങ്കീർത്തനം 119:160 പറയു​ന്ന​തു​പോ​ലെ, “നിന്റെ (ദൈവ​ത്തി​ന്റെ) വചനത്തി​ന്റെ സാരം സത്യം തന്നേ.” അതു​കൊണ്ട്‌ 1992 സെപ്‌റ​റം​ബർ 13-ലെ ബിരു​ദ​ദാന പരിപാ​ടി ആറായി​ര​ത്തോ​ളം വരുന്ന സദസ്സ്‌ വലിയ ആവേശ​ത്തോ​ടെ ശ്രദ്ധിച്ചു.

“ലോക​ത്തെ​യും അതിന്റെ ഭരണാ​ധി​കാ​രി​യെ​യും ജയിച്ച​ട​ക്കു​ന്ന​തിൽ തുടരുക” എന്ന വിഷയ​ത്തോ​ടു​കൂ​ടിയ രാവി​ലത്തെ ആദ്യ​പ്ര​സം​ഗം വാച്ച്‌ടവർ ഫാംസ്‌ കമ്മിറ​റി​യി​ലെ ലോൺ ഷ്‌ല്ലിംഗ്‌ നടത്തി. ഷ്‌ല്ലിംഗ്‌ സഹോ​ദരൻ വെളി​പ്പാ​ടു 12:11-ൽ ശ്രദ്ധ​കേ​ന്ദ്രീ​ക​രി​ക്കു​ക​യും ആ വാക്യം മൂന്നു തരത്തി​ലുള്ള ജയിച്ച​ട​ക്ക​ലി​നെ കാണി​ക്കു​ന്നു​ണ്ടെന്നു ചൂണ്ടി​ക്കാ​ണി​ക്കു​ക​യും ചെയ്‌തു: [1] കുഞ്ഞാ​ടി​ന്റെ രക്തത്തി​ലൂ​ടെ, [2] സാക്ഷീ​ക​ര​ണ​ത്തി​ലൂ​ടെ, [3] ഒരു ആത്മത്യാ​ഗ​പ​ര​മായ ആത്മാവു​ണ്ടാ​യി​രി​ക്കു​ന്ന​തി​നാൽ. യഹോ​വ​യു​ടെ ദാസൻമാ​രിൽ അനേകർ അത്തരം ആത്മാവു പ്രകടി​പ്പി​ച്ചി​ട്ടു​ണ്ടെ​ന്നും വിശ്വ​സ്‌ത​ത​യും നിർമ്മ​ല​ത​യും നിലനിർത്താൻ അവർ മനസ്സോ​ടെ മരണ​ത്തെ​പ്പോ​ലും അഭിമു​ഖീ​ക​രി​ച്ചി​ട്ടു​ണ്ടെ​ന്നും അദ്ദേഹം വിദ്യാർത്ഥി​കളെ ഓർമ്മി​പ്പി​ച്ചു.

“നിങ്ങളു​ടെ ഉപനിധി കാത്തു സൂക്ഷി​ക്കുക” എന്ന വിഷയ​മാ​യി​രു​ന്നു ഭരണസം​ഘ​ത്തി​ലെ ജോൺ ഇ. ബാർ വികസി​പ്പി​ച്ചത്‌. തന്റെ സ്വതഃ​സി​ദ്ധ​മായ ഊഷ്‌മ​ള​സ്വ​ര​ത്തിൽ അദ്ദേഹം യഹോ​വ​യും അവിടത്തെ ദാസൻമാ​രും തമ്മിലുള്ള പരസ്‌പര വിശ്വാ​സത്തെ ഒരു നല്ല വിവാ​ഹ​ബ​ന്ധ​ത്തിൽ വികസി​പ്പി​ച്ചെ​ടു​ത്തി​രി​ക്കുന്ന വിശ്വാ​സ​ത്തോ​ടു താരത​മ്യ​പ്പെ​ടു​ത്തി. രണ്ടു തിമൊ​ഥെ​യൊസ്‌ 1:12, 13-ൽ നിന്നുള്ള ആശയങ്ങൾ ഉപയോ​ഗിച്ച്‌ ബൈബി​ളി​ലെ “പത്‌ന്യ​വ​ചനം” മുറുകെ പിടി​ച്ചു​കൊണ്ട്‌ തങ്ങളുടെ ഉപനിധി കാത്തു​കൊ​ള്ളാൻ അദ്ദേഹം വിദ്യാർത്ഥി​കളെ പ്രോ​ത്സാ​ഹി​പ്പി​ച്ചു. ദൈനം​ദി​നം പട്ടിക​യിൽ വ്യക്തി​പ​ര​മായ പഠനം ഒരു മർമ്മ പ്രധാന ഭാഗമാ​ക്കു​ന്ന​തിന്‌ അദ്ദേഹം ഊന്നൽക്കൊ​ടു​ക്കു​ക​യും യോഗ​ങ്ങ​ളി​ലെ അവരുടെ അഭി​പ്രാ​യങ്ങൾ യാന്ത്രി​ക​മാ​യി​രി​ക്കാൻ ഒരിക്ക​ലും അനുവ​ദി​ക്ക​രു​തെ​ന്നും മറിച്ച്‌ എല്ലായ്‌പോ​ഴും അവയെ അർത്ഥസ​മ്പു​ഷ്ട​മാ​ക്ക​ണ​മെ​ന്നും വിദ്യാർത്ഥി​കളെ ദയാപൂർവ്വം ഉദ്‌ബോ​ധി​പ്പി​ക്കു​ക​യും ചെയ്‌തു.

“ആടുതു​ല്യ​രായ വ്യക്തി​ക​ളോ​ടു സ്‌നേ​ഹ​പൂർവ്വ​ക​മായ പരിഗണന പ്രകട​മാ​ക്കുക” എന്ന അടുത്ത പ്രസംഗം സേവന ഡിപ്പാർട്ട്‌മെൻറ്‌ കമ്മിറ​റി​യി​ലെ വില്യം വാൻ ഡി വാൾ നടത്തി. ഒരു കുടുംബ ഡോക്ട​റിൽനിന്ന്‌ അവർ എന്താണു പ്രതീ​ക്ഷി​ക്കു​ന്ന​തെന്ന്‌ അദ്ദേഹം വിദ്യാർത്ഥി​ക​ളോ​ടു ചോദി​ക്കു​ക​യും അവർ മൂല്യം കല്‌പി​ക്കുന്ന സമാന​മായ സഹാനു​ഭാ​വ​വും മനസ്സലി​വും കരുണ​യും നട്ടുവ​ളർത്താൻ പ്രോ​ത്സാ​ഹി​പ്പി​ക്കു​ക​യും ചെയ്‌തു.

“ദൈവ​ത്തി​നു സകലവും സാദ്ധ്യ​മാണ്‌” എന്ന വിഷയത്തെ കുറിച്ചു ഭരണസം​ഘ​ത്തി​ലെ ദാനീ​യേൽ സിഡ്‌ലിക്ക്‌ ആവേശ​മു​ണർത്തും​വി​ധം സംസാ​രി​ച്ചു. അബ്രഹാ​മും സാറാ​യും വാർദ്ധ​ക്യ​ത്തിൽ തങ്ങൾക്ക്‌ ഒരു പുത്ര​നു​ണ്ടാ​കുക എന്ന അസാദ്ധ്യ​മെന്നു തോന്നിയ ഭാവി​പ്ര​തീ​ക്ഷ​യെ​ക്കു​റി​ച്ചു ചിരിച്ചു എന്ന്‌ അദ്ദേഹം വിദ്യാർത്ഥി​കളെ അനുസ്‌മ​രി​പ്പി​ച്ചു. ദൈവ​ത്തി​ന്റെ അനേകം വാഗ്‌ദാ​നങ്ങൾ ഒരു മാനു​ഷിക വീക്ഷണ​ത്തിൽ അസാദ്ധ്യ​മെന്നു തോന്നു​ന്നു; എന്നാൽ ദൂതൻ അബ്രഹാ​മി​നോ​ടു ചോദി​ച്ച​തു​പോ​ലെ, “യഹോ​വ​യാൽ കഴിയാത്ത കാര്യം ഉണ്ടോ?” (ഉല്‌പത്തി 18:14) അസാദ്ധ്യ​കാ​ര്യ​ങ്ങൾ ചെയ്യാ​നുള്ള ദൈവ​ത്തി​ന്റെ കഴിവിൽ വിശ്വാ​സം പ്രകട​മാ​ക്കാ​നും എന്തു പരി​ശോ​ധ​ന​കളെ അവർ അഭിമു​ഖീ​ക​രി​ച്ചാ​ലും ആ വിശ്വാ​സം ഒരിക്ക​ലും മങ്ങി​പ്പോ​കാ​നോ ഇളകാ​നോ അനുവ​ദി​ക്ക​രു​തെ​ന്നും സിഡ്‌ലിക്ക്‌ സഹോ​ദരൻ വിദ്യാർത്ഥി​കളെ ഉദ്‌ബോ​ധി​പ്പി​ച്ചു.

അദ്ധ്യാ​പകർ ബുദ്ധ്യു​പ​ദേശം കൊടു​ക്കു​ന്നു

അടുത്ത​താ​യി രണ്ടു ഗിലെ​യാദ്‌ അദ്ധ്യാ​പകർ സംസാ​രി​ച്ചു. ഒന്നാമത്‌, “ദൈവ​ത്തി​ന്റെ മുമ്പാകെ ഒരു നല്ല പേരു സമ്പാദി​ക്കുക” എന്ന വിഷയം ജാക്ക്‌ ഡി. റെഡ്‌ഫോർഡ്‌ വികസി​പ്പി​ച്ചു. ഒരു പേരു നല്ലതോ ചീത്തയോ ആക്കുന്നത്‌, അത്‌ ആര്‌ വഹിക്കു​ന്നു എന്നതാണ്‌ എന്ന്‌ അദ്ദേഹം ന്യായ​വാ​ദം ചെയ്‌തു. ആദാം, നി​മ്രോദ്‌, ഇസബേൽ, ശൗൽ, യൂദ മുതലായ പേരു​കളെ അദ്ദേഹം നോഹ, അബ്രഹാം, രൂത്ത്‌, പൗലോസ്‌, തിമൊ​ഥെ​യൊസ്‌ എന്നിവ​യോ​ടു വിപരീത താരത​മ്യം ചെയ്‌തു. ഓരോ പേരും അതിന്റെ വാഹകന്റെ ജീവിത ഗതിനി​മി​ത്തം വളരെ​യ​ധി​കം കാര്യങ്ങൾ നമ്മെ ഓർമ്മി​പ്പി​ക്കു​ന്നു. ഇന്നേക്ക്‌ ഒരു 10-ഓ, 100-ഓ, 1,000-ഓ വർഷം കഴിഞ്ഞു​പോ​ലും ഏതു തരം പേരു​ണ്ടാ​യി​രി​ക്കാൻ അവർ ആഗ്രഹി​ക്കു​ന്നു​വെന്ന്‌ അദ്ദേഹം വിദ്യാർത്ഥി​ക​ളോ​ടു ചോദി​ച്ചു—സേവനം ഉപേക്ഷി​ച്ചു​കളഞ്ഞ ഒരുവ​ന്റെ​യോ, ഒരു പരാതി​ക്കാ​ര​ന്റെ​യോ, ഒരു വിശ്വസ്‌ത മിഷന​റി​യു​ടെ​യോ? പ്രശ്‌ന​ങ്ങ​ളിൽ ശ്രദ്ധവ​യ്‌ക്കു​ന്ന​തി​നു പകരം പരിഹാ​ര​ങ്ങ​ളി​ലും ലക്ഷ്യങ്ങ​ളി​ലും ശ്രദ്ധി​ക്കാൻ അദ്ദേഹം അവരെ ബുദ്ധ്യു​പ​ദേ​ശി​ച്ചു.

“നിങ്ങൾ എത്ര നന്നായി നിങ്ങളു​ടെ വിശ്വാ​സം കാത്തു​സൂ​ക്ഷി​ക്കു​ന്നു?” എന്നതാ​യി​രു​ന്നു യൂളി​സ്സെസ്‌ വി. ഗ്ലാസ്സ്‌ വികസി​പ്പിച്ച ചിന്തോ​ദ്ദീ​പ​ക​മാ​യി​രുന്ന വിഷയം. അദ്ദേഹം ഉറച്ച വിശ്വാ​സത്തെ എല്ലായ്‌പോ​ഴും ശരിയായ മാർഗ്ഗ​ത്തി​ലേക്കു ചൂണ്ടുന്ന ഒരു നല്ല വടക്കു​നോ​ക്കി​യ​ന്ത്ര​ത്തോ​ടു സാദൃ​ശ​പ്പെ​ടു​ത്തി. ഒരു മോ​ട്ടോർ വാഹന​ത്തി​ലെ വടക്കു​നോ​ക്കി​യ​ന്ത്രം ഭൂമി​യു​ടേ​തി​നു പുറമേ മററു ചില കാന്തി​ക​വ​ല​യ​ങ്ങ​ളാൽ ബാധി​ക്ക​പ്പെ​ട്ടേ​ക്കാം, അത്തരം വലയങ്ങളെ നിർവ്വീ​ര്യ​മാ​ക്കേ​ണ്ട​തുണ്ട്‌. സമാന​മാ​യി, നാം അനുവ​ദി​ച്ചാൽ നമ്മെ വ്യതി​ച​ലി​പ്പി​ക്കാ​നോ ക്ഷീണി​പ്പി​ക്കാ​നോ കഴിയുന്ന അനേകം സ്വാധീ​നങ്ങൾ ഈ പഴയ​ലോ​കം ഉളവാ​ക്കു​ന്നു. അത്തരം സ്വാധീ​ന​ങ്ങൾക്കെ​തി​രെ ക്ലാസ്സിനെ ജാഗരൂ​ക​മാ​ക്കവേ ഗ്ലാസ്സ്‌ സഹോ​ദരൻ മററു​ള്ള​വ​രു​ടെ മനോ​ഭാ​വ​ങ്ങ​ളെ​യും വികാ​ര​ങ്ങ​ളെ​യും കുറി​ച്ചുള്ള അവരുടെ സൂക്ഷ്‌മ​മായ തിരി​ച്ച​റി​വിന്‌ അവരെ അഭിന​ന്ദി​ക്കു​ക​യും ചെയ്‌തു.

രാവി​ല​ത്തെ അവസാന പ്രസംഗം ഭരണസം​ഘാം​ഗ​മായ ആൽബർട്ട്‌ ഡി. ഷ്രോഡർ ആണു നടത്തി​യത്‌. “മിഷനറി ആത്മാവ്‌ നിലനിർത്താൻ അദ്ദേഹം വിദ്യാർത്ഥി​കളെ പ്രോ​ത്സാ​ഹി​പ്പി​ക്കു​ക​യും അദ്ദേഹം സ്‌കൂ​ളി​ന്റെ രജിസ്‌ട്രാ​റാ​യി സേവി​ച്ചി​രു​ന്ന​പ്പോൾ, 1943-ൽ ക്ലാസ്സ്‌ തുടങ്ങി​യ​പ്പോൾ പ്രകട​മാ​ക്കിയ അതേ ആത്മാവു പ്രകട​മാ​ക്കു​ന്ന​തി​നു അവരെ അഭിന​ന്ദി​ക്കു​ക​യും ചെയ്‌തു. അവർ ദൈവ​ത്തി​ന്റെ ആത്മാവി​നാൽ നയിക്ക​പ്പെ​ടാൻ ഇഷ്ടപ്പെ​ടുന്ന പ്രസം​ഗ​പ്ര​കൃ​ത​മു​ള്ളവർ, മനു​ഷ്യോൻമു​ഖർ ആണെന്ന്‌ അദ്ദേഹം കുറി​ക്കൊ​ണ്ടു. ആ ആത്മാവു തുടർന്നു വികസി​പ്പി​ക്കാൻ വ്യക്തി​പ​ര​മായ പഠനത്തിൽ പുതി​യ​ലോക ഭാഷാ​ന്തരം പരമാ​വധി ഉപയോ​ഗി​ക്കു​ന്ന​തിന്‌ അദ്ദേഹം പ്രോ​ത്സാ​ഹി​പ്പി​ച്ചു. ഉദാഹ​ര​ണ​മെ​ന്ന​നി​ല​യിൽ 24-ാം സങ്കീർത്ത​ന​ത്തി​ന്റെ വാക്യാ​നു​വാ​ക്യ ചർച്ച നടത്തി​ക്കൊണ്ട്‌ അദ്ദേഹം ഉപസം​ഹ​രി​ച്ചു.

അടുത്ത​താ​യി, ഗിലെ​യാദ്‌ വിദ്യാർത്ഥി​കൾ ഗിലെ​യാദ്‌ ബിരു​ദ​ധാ​രി​കൾ ആയിത്തീർന്നു! അവരുടെ മിഷന​റി​നി​യ​മ​നങ്ങൾ കൈമാ​റി​യതു ഉച്ചത്തിൽ വായി​ക്കവേ അവരുടെ ഡിപ്ലോ​മകൾ കൊടു​ക്ക​പ്പെട്ടു, സദസ്സിൽനി​ന്നുള്ള വലിയ കരഘോ​ഷ​ങ്ങൾക്കി​ട​യാ​ക്കി​ക്കൊ​ണ്ടു​തന്നെ.

ഉച്ചതി​രിഞ്ഞ്‌, ഫാക്ടറി കമ്മിറ​റി​യി​ലെ കാൾവിൻ സിക്കി വീക്ഷാ​ഗോ​പുര അദ്ധ്യയനം നടത്തി. വിദ്യാർത്ഥി​ക​ളു​ടെ ആഹ്ലാദ​ക​ര​മായ ഒരു പരിപാ​ടി തുടർന്നു നടന്നു, അഞ്ചു മാസത്തെ അവരുടെ കോഴ്‌സ്‌ വേളയി​ലെ വയൽ അനുഭ​വ​ങ്ങ​ളോ​ടു ബന്ധപ്പെ​ട്ട​തും അവർ നിയമി​ക്ക​പ്പെട്ട ചില രാജ്യ​ങ്ങളെ വിശേ​ഷ​വൽക്ക​രിച്ച ചില സൈഡ്‌ളു​കൾ ഉൾപ്പെ​ടു​ത്തി​യ​തു​മായ ഒന്ന്‌. കൂടാതെ, പ്രായ​മുള്ള ഒരു ദമ്പതി​കളെ അഭിമു​ഖം നടത്തി, അവർ മിഷന​റി​മാ​രെ​ന്ന​നി​ല​യിൽ വർഷങ്ങ​ളി​ലൂ​ടെ സമ്പാദിച്ച കുറേ ജ്ഞാനവും അനുഭ​വ​വും പങ്കു​വെച്ചു. ദൈവത്തെ പരിഹ​സി​ക്കു​ക​യോ വഴി​തെ​റ​റി​ക്ക​പ്പെ​ടു​ക​യോ ചെയ്യരുത്‌ എന്ന സമയോ​ചി​ത​മായ നാടക​ത്തോ​ടെ ഉച്ചതി​രി​ഞ്ഞുള്ള പരിപാ​ടി അവസാ​നി​ച്ചു.

ദൈവ​ത്തി​ന്റെ സത്യത്തി​ലെ വിദ്യാ​ഭ്യാ​സ​ത്തി​നു എന്തു ചെയ്യാൻ കഴിയു​മെന്നു കണ്ടതി​ലും അത്തരം വിദ്യാ​ഭ്യാ​സ​ത്തി​ന്റെ പ്രയോ​ജ​നങ്ങൾ ലോക​വി​സ്‌തൃ​ത​മാ​യി തുടർന്നു അനുഭ​വ​വേ​ദ്യ​മാ​കു​മെ​ന്ന​റി​ഞ്ഞ​തി​ലും പുളകി​ത​രാ​യി, ഉത്തേജി​ത​രാ​യി സദസ്സ്‌ പിരിഞ്ഞു. ഈ 48 മിഷന​റി​മാർ അവരുടെ നിയമ​ന​ങ്ങ​ളി​ലേക്കു പിരി​ഞ്ഞു​പോ​കു​മ്പോൾ ഈ വിശ്വ​സ്‌ത​രാ​യവർ എവിടെ പോയാ​ലും ദൈവ​ത്തി​ന്റെ ജനത്തിനു അവർ ഒരു അനു​ഗ്ര​ഹ​മാ​യി​രി​ക്കു​മെന്ന ഹൃദയം​ഗ​മ​മായ പ്രത്യാ​ശ​യും ദൃഢവി​ശ്വാ​സ​വും പ്രകടി​പ്പി​ച്ചു​കൊണ്ട്‌ അനവധി പ്രാർത്ഥ​നകൾ അവരെ പിന്തു​ട​രു​ന്നു.

[19-ാം പേജിലെ ചതുരം]

ക്ലാസ്സിന്റെ സ്ഥിതി​വി​വ​ര​ക്ക​ണ​ക്കു​കൾ

പ്രതിനിധാനം ചെയ്യപ്പെട്ട രാജ്യ​ങ്ങ​ളു​ടെ എണ്ണം: 7

നിയമിക്കപ്പെട്ട രാജ്യ​ങ്ങ​ളു​ടെ എണ്ണം: 18

വിദ്യാർത്ഥികളുടെ എണ്ണം: 48

വിവാഹിത ദമ്പതി​ക​ളു​ടെ എണ്ണം: 24

ശരാശരി പ്രായം: 32.8

സത്യത്തിലെ ശരാശരി വർഷങ്ങൾ: 15.3

മുഴുസമയശുശ്രൂഷയിലെ ശരാശരി വർഷങ്ങൾ: 10.4

[20-ാം പേജിലെ ചതുരം]

ഗിലെയാദ്‌ എക്‌സ്‌റ​റൻഷൻക്ലാസ്സ്‌ ബിരു​ദ​ധാ​രി​കൾ

ജർമ്മനി​യി​ലെ സെൽറേറഴ്‌സ്‌⁄റേറാണസിലെ ഗിലെ​യാദ്‌ എക്‌സ്‌റ​റൻഷൻ സ്‌കൂ​ളി​ലെ നാലാ​മതു ക്ലാസ്സിൽനി​ന്നു 24 മിഷന​റി​മാ​രു​ടെ ഒരു സംഘം 1992 ജൂൺ 21-ന്‌ ബിരു​ദ​ധാ​രി​ക​ളാ​യി. ആ ക്ലാസ്സ്‌ ഏഴു രാജ്യ​ങ്ങ​ളിൽനി​ന്നു വന്ന 11 വിവാ​ഹിത ദമ്പതി​ക​ളും രണ്ട്‌ ഏകാകി​ക​ളായ സഹോ​ദ​രി​മാ​രും ചേർന്ന​താ​യി​രു​ന്നു. അവർ ശരാശരി 32 വയസ്സു പ്രായ​മു​ള്ള​വ​രും സ്‌നാ​പ​ന​മേ​റ​റിട്ട്‌ 14 വർഷവും മുഴു​സമയ സുവി​ശേ​ഷ​വേ​ല​യിൽ 8.5 വർഷവും ഉള്ളവരും ആയിരു​ന്നു. ബിരു​ദ​ദാന ചടങ്ങിൽ രണ്ടായി​ര​ത്തി​ലേറെ പേർ ഹാജരാ​യി.

സദൃശ​വാ​ക്യ​ങ്ങൾ 11:24-ന്റെ ഒരു ചർച്ച​യോ​ടെ ജാരെസ്സ്‌ സഹോ​ദരൻ കാര്യ​പ​രി​പാ​ടി ആരംഭി​ച്ചു, അതിങ്ങനെ പറയുന്നു: “ഒരുത്തൻ വാരി​വി​ത​റീ​ട്ടും വർദ്ധി​ച്ചു​വ​രു​ന്നു.” ഈ വിദ്യാർത്ഥി​കൾ ചിതറി​ക്ക​പ്പെ​ടാ​റാ​യി​രി​ക്കു​ന്നു​വെ​ന്നും അവർ തീർച്ച​യാ​യും വർദ്ധന​വി​നു വഴിതു​റ​ക്കു​മെ​ന്നും അദ്ദേഹം കുറി​ക്കൊ​ണ്ടു.

ജർമ്മൻ ബ്രാഞ്ച്‌ കമ്മിററി കോ-ഓർഡി​നേ​ററർ റിച്ചാർഡ്‌ കെൽസി​യും സേവന ഡിപ്പാർട്ട്‌മെൻറി​ലെ വോൾഫ്‌ഗാംഗ്‌ ഗ്രൂ​യേ​പ്പും ബ്രാഞ്ച്‌ കമ്മിറ​റി​യി​ലെ വെർനർ റഡ്‌ക്കെ​യും എഡ്‌മണ്ട്‌ ആൻററാ​ഡും രണ്ടു അദ്ധ്യാ​പ​ക​രും, ഡിറ്ര​റിച്ച്‌ ഫോർസ്‌ററർ, ലോതർ കയീമർ, പ്രോ​ത്സാ​ഹ​ജ​ന​ക​മായ തിരു​വെ​ഴു​ത്തു പ്രസം​ഗങ്ങൾ നടത്തി. “ആത്മീയ രത്‌ന​ങ്ങൾക്കു​വേ​ണ്ടി​യുള്ള അന്വേ​ഷ​ക​രാ​യി​രി​ക്കു​ന്ന​തിൽ തുടരുക” എന്ന വിഷയ​ത്തെ​ക്കു​റി​ച്ചു ഭരണസം​ഘാം​ഗ​മായ ആൽബർട്ട്‌ ഷ്രോഡർ രസകര​മായ സവി​ശേ​ഷ​പ്ര​സം​ഗം നടത്തി. കാര്യ​പ​രി​പാ​ടി​യു​ടെ പരമകാഷ്‌ഠ, ആഫ്രി​ക്ക​യി​ലെ​യും മദ്ധ്യഅ​മേ​രി​ക്ക​യി​ലെ​യും കിഴക്കൻ യൂറോ​പ്പി​ലെ​യും 11 രാജ്യ​ങ്ങ​ളി​ലേ​ക്കാ​യി നിയമനം നല്‌ക​ലാ​യി​രു​ന്നു, അതിനു​ശേഷം ബിരു​ദ​ധാ​രി​ക​ളി​ലൊ​രാൾ ഹൃദയം​ഗ​മ​മായ വിലമ​തി​പ്പു പ്രകടി​പ്പി​ച്ചു​കൊ​ണ്ടു ക്ലാസ്സിൽനി​ന്നു ഭരണസം​ഘ​ത്തി​നുള്ള ഒരു കത്തു വായിച്ചു.

[18-ാം പേജിലെ ചിത്രം]

വാച്ച്‌ടവർ ഗിലെ​യാദ്‌ ബൈബിൾസ്‌കൂ​ളി​ന്റെ ബിരു​ദം​നേ​ടുന്ന 93-ാമത്തെ ക്ലാസ്സ്‌

ചുവടെ ചേർത്തി​രി​ക്കുന്ന ലിസ്‌റ​റിൽ, നിരകൾ മുമ്പിൽനി​ന്നു പിമ്പി​ലേക്കു എണ്ണുന്നു, പേരുകൾ ഓരോ നിരയി​ലും ഇടത്തു​നി​ന്നു വലത്തോ​ട്ടു പട്ടിക​പ്പെ​ടു​ത്തി​യി​രി​ക്കു​ന്നു.

(1) ഹിററ​സ്‌മാൻ സി.; വെസ്‌ററ്‌ പി.; ഇവാൻസ്‌ ഡി.; ഹിപ്‌സ്‌ എം.; സിമോൺലി എൻ.; വുഡ്‌ എസ്‌.; കോർക്കിൽ എം.; ഫ്‌ളോ​റസ്സ്‌ സി.; തോമസ്സ്‌ ജെ. (2) ജോൺസ്‌ എം.; നിസ്സി​നെൻ ജെ.; സ്‌പോ​നെൻബെർഗ്‌ എം.; സാച്ചാരി കെ.; റാൺ ജി.; ബാക്ക്‌മാൻ എം.; വെററർഗ്രൻ എ.; ഇവാൻസ്‌ ഡി.; ഫ്‌ളോ​റസ്സ്‌ ആർ.; കപോ​റെൽ ജി. (3) സിമോൺലി എൻ.; റെച്ച്‌റ​റി​നിർ എം.; റെച്ച്‌റ​റി​നിർ എം.; റൂയിസ്‌-എസ്‌പാർസാ എൽ.; ജെർബിജ്‌ ബി.; സിംസൺ സി.; സാൺവിച്ച്‌ സി.; സച്ചാരി ബി.; റിക്കെ​റ​റ്‌സ്‌ എൽ. (4) സിംസൺ ജെ.; ബാക്ക്‌മാൻ ജെ.; കോർക്കിൽ ജി.; ജെർബിജ്‌ എം.; റിക്കറ​റ്‌സ്‌ ബി.; ബാഗർ-ഹാൻസൻ എൽ.; ജോൺസ്‌ എ.; സെയിൻവിച്ച്‌ കെ.; റാൺ ജെ.; ഹിപ്‌സ്‌ സി. (5) സ്‌പോ​നെൻബെർഗ്‌ എസ്‌.; ഹിററ്‌സ്‌മാൻ എ.; കപോ​റെ​യിൽ എൽ.; റൂയിസ്‌-എസ്‌പാർസാ എസ്‌.; തോമസ്‌ ആർ.; ബാഗർ-ഹാൻസൻ ബി.; വുഡ്‌ എം.; വെസ്‌ററ്‌ എം.; വെററർഗ്രൻ സി.; നിസ്സി​നെൻ ഇ.