പണസ്‌നേ​ഹ​ത്തി​ന്റെ തെററ്‌ എന്താണ്‌?

പോളും മേരി​യും പാവപ്പെട്ട ഒരു ആഫ്രിക്കൻ സമുദാ​യ​ത്തിൽ ഒരു സൂപ്പർമാർക്ക​ററ്‌ നടത്തി​യി​രു​ന്നു.a രാപകൽ കഠിനാ​ദ്ധ്വാ​നം ചെയ്‌തു​കൊണ്ട്‌ അവർ ധാരാളം പണമു​ണ്ടാ​ക്കി. കാല​ക്ര​മേണ വിലപ്പി​ടി​പ്പുള്ള ഗൃഹോ​പ​ക​ര​ണ​ങ്ങ​ളോ​ടു​കൂ​ടിയ ഒരു വലിയ പുതിയ വീടു​ള്ള​തിൽ മേരിക്കു ആത്മപ്ര​ശംസ നടത്താൻ കഴിയു​മാ​യി​രു​ന്നു. പോളി​നാ​കട്ടെ, വിലകൂ​ടിയ കാറിൽ കറങ്ങി​ന​ട​ക്കാ​മാ​യി​രു​ന്നു.

ഗവൺമെൻറി​നെ എതിർത്തി​രുന്ന ഒരു കൂട്ടർ ഒരിക്കൽ പോളി​നെ സമീപി​ച്ചു. “ഞങ്ങളുടെ ലക്ഷ്യത്തെ പിന്തു​ണ​ക്കു​ന്ന​തി​നു നിങ്ങളു​ടെ തൊഴി​ലിൽ നിന്നു ഞങ്ങൾക്കു മാസ​ന്തോ​റും [100 ഡോളർ] സംഭാവന വേണം” എന്ന്‌ അവർ അവശ്യ​പ്പെട്ടു. രാഷ്‌ട്രീയ പോരാ​ട്ട​ത്തിൽ പക്ഷം പിടി​ക്കേ​ണ്ടാ​യെന്നു കരുതി പോളും മേരി​യും ധൈര്യ​സ​മേതം വിസമ്മ​തി​ച്ചു. അവരുടെ നിഷ്‌പക്ഷ നിലപാ​ടു​കാ​രണം അവർക്കു ഗവൺമെൻറിൽനി​ന്നു സാമ്പത്തിക സഹായം ലഭിക്കു​ന്നു​ണ്ടെന്നു അവർ സംശയി​ച്ചു. പോളും മേരി​യും പട്ടണത്തിൽ ഇല്ലാതി​രുന്ന ഒരു വാരാ​ന്ത​ത്തിൽ അവരുടെ കട കൊള്ള​യ​ടി​ക്കു​ക​യും അവരുടെ കാറും സുന്ദര​മായ വീടും തീ വെക്കു​ക​യും ചെയ്‌തു.

തീർച്ച​യാ​യും ഒരു ദാരു​ണ​മായ സംഭവം​തന്നെ, എന്നാൽ അതിൽനി​ന്നു നമുക്ക്‌ എന്തെങ്കി​ലും പഠിക്കാ​നു​ണ്ടോ? പണക്കാ​രാ​കാൻ കഠിനാ​ദ്ധ്വാ​നം ചെയ്‌തി​ട്ടുള്ള അനേകർ തങ്ങളുടെ പണം നശിപ്പിച്ച ഒരു വിപത്തി​നെ അഭിമു​ഖീ​ക​രി​ച്ചി​ട്ടി​ല്ലാ​യി​രി​ക്കാം, എന്നുവ​രി​കി​ലും ഭാവിയെ സംബന്ധി​ച്ചെന്ത്‌? “ധനികൻമാ​രാ​കു​വാൻ ആഗ്രഹി​ക്കു​ന്നവർ പരീക്ഷ​യി​ലും കണിയി​ലും കുടു​ങ്ങു​ക​യും മനുഷ്യർ സംഹാ​ര​നാ​ശ​ങ്ങ​ളിൽ മുങ്ങി​പ്പോ​കു​വാൻ ഇടവരുന്ന മൌഢ്യ​വും ദോഷ​ക​ര​വു​മായ പല മോഹ​ങ്ങൾക്കും ഇരയാ​യി​ത്തി​രു​ക​യും ചെയ്യുന്നു” എന്നു ബൈബിൾ എന്തു​കൊ​ണ്ടാ​ണു പറയു​ന്നത്‌?—1 തിമൊ​ഥെ​യൊസ്‌ 6:9.

പണത്തെ​ക്കു​റിച്ച്‌ ഒരു സന്തുലി​ത​മായ വീക്ഷണം

ബൈബി​ള​നു​സ​രിച്ച്‌, ഒരു സത്യ​ക്രി​സ്‌ത്യാ​നി തന്റെ ആശ്രി​ത​രായ കുടും​ബാം​ഗ​ങ്ങ​ളു​ടെ ഭൗതിക ആവശ്യ​ങ്ങൾക്കു​വേണ്ടി കരുതണം. തൊഴി​ലി​ല്ലാ​യ്‌മ​യോ, ആരോ​ഗ്യ​പ്ര​ശ്‌ന​മോ പോലുള്ള സാഹച​ര്യ​ങ്ങൾ ഇതു ദുഷ്‌ക​ര​മാ​ക്കി​യേ​ക്കാം. മറിച്ച്‌, തന്റെ കുടും​ബ​ത്തി​നു​വേണ്ടി കരുതു​ന്ന​തി​നെ മനഃപൂർവ്വം അവഗണി​ക്കുന്ന ഒരു ക്രിസ്‌ത്യാ​നി “വിശ്വാ​സം തള്ളിക്ക​ളഞ്ഞു അവിശ്വാ​സി​യെ​ക്കാൾ അധമനാ​യി​രി​ക്കു​ന്നു.”—1 തിമൊ​ഥെ​യൊസ്‌ 5:8.

ചില ഗ്രാമീണ ജനസമു​ദാ​യ​ങ്ങ​ളിൽ, തങ്ങളുടെ സ്വന്തം ഭക്ഷ്യവ​സ്‌തു​ക്കൾ കൃഷി ചെയ്‌തു​കൊ​ണ്ടും മൃഗങ്ങളെ വളർത്തി​ക്കൊ​ണ്ടും ആളുകൾ മണ്ണിനെ ആശ്രയി​ച്ചു ജീവി​ക്കു​ന്നു. ചിലർ തങ്ങളുടെ ജീവി​താ​വ​ശ്യ​ങ്ങൾക്കു​വേണ്ടി സാധന​ങ്ങ​ളും സേവന​ങ്ങ​ളും കൈമാ​ററം ചെയ്യു​ന്ന​തു​കൊണ്ട്‌ അവർക്കു പണത്തിന്റെ ആവശ്യ​മില്ല. എന്നുവ​രി​കി​ലും, കുടും​ബം പുലർത്തു​ന്നവർ തങ്ങളുടെ കുടം​ബ​ത്തി​നു​വേണ്ടി കരുതുന്ന ഏററവും സാധാ​ര​ണ​മായ രീതി ശമ്പളത്തിന്‌ ഏതെങ്കി​ലും തരത്തി​ലുള്ള ജോലി​യിൽ ഏർപ്പെ​ടുക എന്നതാണ്‌. തങ്ങൾ സമ്പാദി​ക്കുന്ന പണം ആഹാരം വാങ്ങു​ന്ന​തി​നും കുടും​ബ​ത്തി​ന്റെ ക്ഷേമത്തി​നു​ത​കുന്ന മററു സാധനങ്ങൾ വാങ്ങു​ന്ന​തി​നും അവർ ഉപയോ​ഗി​ക്കു​ന്നു. കൂടാതെ, ജ്ഞാനപൂർവ്വം സമ്പാദി​ക്കുന്ന പണത്തിന്‌, കഷ്ടകാലം അഥവാ വിപത്ത്‌ ഉണ്ടാകു​മ്പോൾ ഒരു സംരക്ഷ​ണ​മാ​യി ഉതകാൻ കഴിയും. ഉദാഹ​ര​ണ​ത്തിന്‌, അതു ചികി​ത്സാ​ചെ​ല​വു​കൾക്കോ ഒരുവന്റെ വീടിന്റെ അത്യാ​വ​ശ്യ​മുള്ള അററകു​റ​റ​പ്പ​ണി​കൾക്കോ ഉപയോ​ഗി​ക്കാൻ കഴിയും. അതു​കൊ​ണ്ടാ​ണു ബൈബിൾ യാഥാർത്ഥ്യ​ബോ​ധ​ത്തൊ​ടെ “ദ്രവ്യ​വും ഒരു ശരണം” എന്നും “ദ്രവ്യ​മോ സകലത്തി​നും ഉതകുന്നു” എന്നും പറയു​ന്നത്‌.—സഭാ​പ്ര​സം​ഗി 7:12; 10:19.

പണം ഇത്ര​യെ​ല്ലാം സാധി​ക്കു​ന്ന​തു​കൊണ്ട്‌, അതിന്റെ ശക്തി​യെ​ക്കു​റി​ച്ചു പ്രാ​യോ​ഗി​ക​മ​ല്ലാത്ത ഒരു വീക്ഷണം വികസി​പ്പി​ച്ചെ​ടു​ക്കു​ന്ന​തി​ന്റെ അപകട​മുണ്ട്‌. കൂടുതൽ പ്രധാ​ന​പ്പെട്ട മററു കാര്യ​ങ്ങ​ളോ​ടുള്ള താരത​മ്യ​ത്തിൽ അതിനുള്ള പരിമി​തി​ക​ളെ​ക്കു​റിച്ച്‌ ഒരു ക്രിസ്‌ത്യാ​നി ബോധ​മു​ള്ള​വ​നാ​യി​രി​ക്കേണ്ട ആവശ്യ​മുണ്ട്‌. ദൃഷ്ടാ​ന്ത​ത്തിന്‌, “ജ്ഞാനം ഒരു ശരണം, ദ്രവ്യ​വും ഒരു ശരണം; ജ്ഞാനമോ ജ്ഞാനി​യു​ടെ ജീവനെ പാലി​ക്കു​ന്നു; ഇതത്രേ പരിജ്ഞാ​ന​ത്തി​ന്റെ വിശേഷത” എന്നു പറഞ്ഞു​കൊ​ണ്ടു ബൈബിൾ പണത്തിന്റെ മൂല്യത്തെ ദൈവിക ജ്ഞാനവു​മാ​യി താരത​മ്യം ചെയ്യുന്നു. (സഭാ​പ്ര​സം​ഗി 7:12) ഏതു വിധത്തി​ലാ​ണു ദൈവി​ക​ജ്ഞാ​ന​ത്തി​നു പണത്തെ​ക്കാൾ ഈ മേൻമ ഉള്ളത്‌?

കഴിഞ്ഞ​കാ​ല​ത്തു​നിന്ന്‌ ഒരു പാഠം

പൊ.യു. (പൊതു​യു​ഗം) 66-ൽ യെരൂ​ശ​ലേ​മിൽ നടന്ന സംഭവങ്ങൾ പണത്തെ അപേക്ഷി​ച്ചു ദൈവിക ജ്ഞാനത്തി​നുള്ള മേൻമയെ ചിത്രീ​ക​രി​ക്കു​ന്നു. ആക്രമിച്ച റോമൻ സൈന്യ​ത്തെ തുരത്തി​യ​തി​നു​ശേഷം, വ്യാപാര സാദ്ധ്യ​തകൾ മെച്ച​പ്പെ​ട്ടു​വെന്നു യെരൂ​ശ​ലേ​മി​ലെ യഹൂദർ പ്രത്യ​ക്ഷ​ത്തിൽ വിശ്വ​സി​ച്ചു. തങ്ങൾക്കു പുതു​താ​യി ലഭിച്ച സ്വാത​ന്ത്ര്യം ആഘോ​ഷി​ക്കു​ന്ന​തിന്‌ അവർ വാസ്‌ത​വ​ത്തിൽ തങ്ങളു​ടെ​തന്നെ നാണയ​മ​ടി​ക്കാൻ തുടങ്ങി. അവരുടെ നാണയ​ത്തിൽ “സീയോ​ന്റെ സ്വാത​ന്ത്ര്യ​ത്തി​നു​വേണ്ടി” എന്നും “വിശുദ്ധ യെരൂ​ശ​ലേം” എന്നും എബ്രായ ഭാഷയിൽ മുദ്ര കുത്തി​യി​രു​ന്നു. ഓരോ പുതു​വർഷ​ത്തി​ലും “രണ്ടാം വർഷ”ത്തിലേത്‌, “മൂന്നാം വർഷ”ത്തിലേത്‌, “നാലാം വർഷ”ത്തിലേത്‌, എന്നിങ്ങനെ തിരി​ച്ച​റി​യി​ക്കുന്ന മേലെ​ഴു​ത്തുള്ള പുതിയ നാണയങ്ങൾ അവർ നിർമ്മി​ച്ചു. പൊ.യു. 70-നോട്‌ ഒത്തു വരുന്ന “അഞ്ചാം വർഷം” എന്നു മേലെ​ഴു​ത്തുള്ള ചില അപൂർവ്വ നാണയ​ങ്ങൾപോ​ലും പുരാ​വ​സ്‌തു​ഗ​വേ​ഷകർ കുഴി​ച്ചെ​ടു​ത്തി​ട്ടുണ്ട്‌. പുതിയ യഹൂദ​നാ​ണ​യത്തെ നിലനി​ല്‌ക്കുന്ന സ്വാത​ന്ത്ര്യ​ത്തി​ന്റെ സാധു​വായ ഒരു പ്രതീ​ക​മാ​യി യഹൂദ​ക്രി​സ്‌ത്യാ​നി​കൾ വീക്ഷി​ച്ചോ?

ഇല്ല. കാരണം അവർ തങ്ങളുടെ നായകന്റെ ജ്ഞാന​മൊ​ഴി​കൾ മനസ്സിൽ പിടി​ച്ചി​രു​ന്നു. പൊ.യു. 66-ൽ നടന്ന റോമൻ ആക്രമണം യേശു മുൻകൂ​ട്ടി​പ്പ​റ​ഞ്ഞി​രു​ന്നു. അതു സംഭവി​ക്കു​മ്പോൾ അവർ ‘യെരൂ​ശ​ലേ​മി​ന്റെ നടുവിൽനി​ന്നു പിൻമാ​റണം’ എന്ന്‌ അവിടു​ന്നു തന്റെ അനുഗാ​മി​കൾക്കു ബുദ്ധ്യു​പ​ദേശം നൽകി​യി​രു​ന്നു. (ലൂക്കൊസ്‌ 21:20-22) യഹൂദ​ക്രി​സ്‌ത്യാ​നി​കൾ അങ്ങനെ​തന്നെ ചെയ്‌തു​വെന്നു ചരിത്രം സാക്ഷ്യം വഹിക്കു​ന്നു. യെരൂ​ശ​ലേം വിടു​ന്ന​തു​നി​മി​ത്തം തങ്ങളുടെ സമ്പത്തും വസ്‌തു​വ​ക​ക​ളും തൊഴി​ല​വ​സ​ര​ങ്ങ​ളും നഷ്ടപ്പെ​ടു​ത്താൻ അവർ മനസ്സു​ള്ള​വ​രാ​യി​രു​ന്നെന്നു വ്യക്തമാണ്‌. നാലു വർഷത്തി​നു​ശേഷം റോമൻ സൈന്യ​ങ്ങൾ തിരി​ച്ചു​വ​രി​ക​യും നഗരത്തെ ഉപരോ​ധി​ക്കു​ക​യും ചെയ്‌തു.

ഒരു ദൃക്‌സാ​ക്ഷി​യാ​യി​രുന്ന ചരി​ത്ര​കാ​ര​നായ ജോസീ​ഫസ്‌ പറയു​ന്ന​ത​നു​സ​രി​ച്ചു “നഗരത്തിൽ വലിയ അളവിൽ സ്വർണ്ണ​മു​ണ്ടാ​യി​രു​ന്നു.” എങ്കിലും വൻതോ​തി​ലുള്ള പണത്തിനു, ക്രമേണ “വളർന്നു വഷളാ”വുകയും “മുഴു ഭവനങ്ങ​ളെ​യും കുടും​ബ​ങ്ങ​ളെ​യും” വിഴു​ങ്ങി​ക്ക​ള​യു​ക​യും ചെയ്‌ത കാർന്നു​തിന്ന ഭക്ഷ്യക്ഷാ​മ​ത്തിൽനി​ന്നു യെരൂ​ശ​ലേ​മി​നെ രക്ഷിക്കാൻ കഴിഞ്ഞില്ല. ചില നിവാ​സി​കൾ സ്വർണ്ണ​നാ​ണ​യങ്ങൾ വിഴു​ങ്ങി​ക്കൊ​ണ്ടു നഗരത്തിൽനിന്ന്‌ ഓടി​ര​ക്ഷ​പ്പെ​ടാൻ നോക്കി. പക്ഷേ, അവരുടെ ശത്രുക്കൾ അവരെ കൊല്ലു​ക​യും അവരുടെ വയർ പിളർന്നു പണം പുറ​ത്തെ​ടു​ക്കു​ക​യും ചെയ്‌തു. “സമ്പന്നർക്കു, നഗരം വിട്ടു​പോ​കു​ന്ന​തു​പോ​ലെ​തന്നെ അപകട​ക​ര​മാ​യി​രു​ന്നു അവിടെ തങ്ങുന്ന​തും; കാരണം സൈന്യം വിട്ടോ​ടി​പ്പോ​കു​ന്നവൻ എന്ന വ്യാജേന അനേകരെ അവരുടെ പണത്തി​നു​വേണ്ടി കൊന്നു” എന്നു ജോസീ​ഫസ്‌ വിശദീ​ക​രി​ച്ചു.

ഉപരോ​ധം ഏർപ്പെ​ടു​ത്തി ആറിൽ കുറഞ്ഞ മാസത്തി​നു​ള്ളിൽ യെരൂ​ശ​ലേം നശിപ്പി​ക്ക​പ്പെ​ടു​ക​യും ക്ഷാമത്താ​ലും പകർച്ച​വ്യാ​ധി​യാ​ലും വാളി​നാ​ലും അതിലെ പത്തു ലക്ഷത്തി​ല​ധി​കം നിവാ​സി​കൾ മരിച്ചു​പോ​കു​ക​യും ചെയ്‌തു. പണസ്‌നേഹം അനേകരെ വിവേ​ക​ശൂ​ന്യ​രാ​ക്കു​ക​യും നാശത്തി​ലേ​ക്കും കെടു​തി​യി​ലേ​ക്കും തള്ളുക​യും ചെയ്‌തി​രു​ന്നു, എന്നാൽ ജ്ഞാന​മൊ​ഴി​ക​ളു​ടെ ബാധക​മാ​ക്കൽ യഹൂദ​ക്രി​സ്‌ത്യാ​നി​കളെ രക്ഷപ്പെ​ടാൻ പ്രാപ്‌ത​രാ​ക്കി​യി​രു​ന്നു.

അത്‌ ഒരു പ്രതി​സ​ന്ധി​യിൽ പണം ജനങ്ങൾക്ക്‌ ആശാഭം​ഗം വരുത്തിയ ചരി​ത്ര​ത്തി​ലെ ഏക അവസര​മാ​യി​രു​ന്നില്ല. പണസ്‌നേ​ഹ​ത്തിന്‌ എന്തൊരു ക്രൂര​നായ യജമാ​ന​നാ​യി​രി​ക്കാൻ കഴിയും! (മത്തായി 6:24) കൂടാതെ അതിനു നിങ്ങളു​ടെ ഇപ്പോ​ഴത്തെ സന്തോ​ഷത്തെ കെടു​ത്തി​ക്ക​ള​യാ​നും കഴിയും.

പണത്തിനു വാങ്ങാൻ കഴിയാത്ത സുഖങ്ങൾ

ധനിക​രാ​കാ​നുള്ള വ്യാ​മോ​ഹ​ത്തി​നു ധാരാളം പണം ആവശ്യ​മി​ല്ലാത്ത ഉല്ലാസ​ങ്ങൾസം​ബ​ന്ധിച്ച്‌ ഒരുവനെ അന്ധനാ​ക്കാൻ കഴിയും. ഉദാഹ​ര​ണ​ത്തിന്‌, സന്തുഷ്ട കുടും​ബ​ബ​ന്ധങ്ങൾ, യഥാർത്ഥ സുഹൃ​ത്തു​ക്കൾ, പ്രകൃ​തി​യി​ലെ അത്ഭുതങ്ങൾ, മനോ​ജ്ഞ​മായ ഒരു സൂര്യാ​സ്‌ത​മയം, മനസ്സിൽ തട്ടുന്ന ഒരു അശനി​വർഷം, നക്ഷത്ര​നി​ബി​ഡ​മായ ആകാശങ്ങൾ, മൃഗങ്ങ​ളു​ടെ കളികൾ, ദുഷി​പ്പി​ക്ക​പ്പെ​ടാത്ത ഒരു കാട്ടിലെ പൂക്കളും മരങ്ങളും എന്നിവ​യെ​ക്കു​റി​ച്ചു പരിചി​ന്തി​ക്കുക.

ചില ധനികർക്കു മേൽപറഞ്ഞ ഉല്ലാസങ്ങൾ ആസ്വദി​ക്കു​ന്ന​തി​നു കൂടുതൽ സമയമു​ണ്ടെ​ന്നതു ശരിതന്നെ, എങ്കിലും അവരിൽ മിക്കവ​രും തങ്ങളുടെ സമ്പത്തു സൂക്ഷി​ക്കു​ന്ന​തി​ലോ വർദ്ധി​പ്പി​ക്കു​ന്ന​തി​ലോ അതീവ തിരക്കു​ള്ള​വ​രാണ്‌. അതിശ​യ​ക​രമാ​യി​ത്തോ​ന്നി​യേ​ക്കാ​മെ​ങ്കി​ലും, മിക്ക​പ്പോ​ഴും ഒഴിവു​സ​മ​യ​മു​ള്ള​വ​രെ​യും സന്തുഷ്ടി ഒഴിഞ്ഞു​പോ​കു​ന്നു. ഇത്‌ ആധുനിക ഗവേഷ​കരെ അത്ഭുത​പ്പെ​ടു​ത്തു​ന്നു. “അനേകർ ആകാം​ക്ഷാ​പൂർവ്വം ആഗ്രഹി​ക്കു​ക​യും സർവ്വ​രോ​ഗ​സം​ഹാ​രി​യെന്നു വിശ്വ​സി​ക്കു​ക​യും ചെയ്യുന്ന എന്തെങ്കി​ലും നേടി​ക്ക​ഴി​യു​മ്പോൾ നിരാശ മുതൽ മാനസ്സി​കാ​ഘാ​തം വരെയുള്ള വിവിധ ഫലങ്ങൾ ഉളവാ​കു​ന്നു​വെന്ന വസ്‌തു​തയെ നമു​ക്കെ​ങ്ങനെ വിശദീ​ക​രി​ക്കാൻ കഴിയും?” എന്നു തോമസ്‌ വൈസ്‌മാൻ പണത്തിന്റെ പ്രേരകം—ഒരു വ്യാ​മോ​ഹ​ത്തി​ന്റെ പഠനം (The Money Motive—A Study of an Obsession) എന്ന തന്റെ പുസ്‌ത​ക​ത്തിൽ ചോദി​ക്കു​ന്നു.

ഒരു പണക്കാ​ര​നിൽനി​ന്നു സന്തുഷ്ടി കവർന്നെ​ടു​ക്കാൻ കഴിയുന്ന ഒരു സംഗതി തന്റെ യഥാർത്ഥ സുഹൃ​ത്തു​ക്കൾ ആരാ​ണെ​ന്ന​റി​യു​ന്ന​തി​ലുള്ള പ്രയാ​സ​മാണ്‌. “വസ്‌തു​വക പെരു​കു​മ്പോൾ അതു​കൊ​ണ്ടു ഉപജീ​വി​ക്കു​ന്ന​വ​രും പെരു​കു​ന്നു” എന്നു ധനിക​നായ ശലോ​മോൻ അനുഭ​വി​ച്ച​റി​ഞ്ഞു. (സഭാ​പ്ര​സം​ഗി 5:11) അനേകം ധനികർ തങ്ങളുടെ സമ്പത്തിന്റെ മൂല്യം നിലനിർത്തു​ക​യോ വർദ്ധി​പ്പി​ക്കു​ക​യോ ചെയ്യു​ന്ന​തി​നുള്ള ശ്രമത്തിൽ ഉത്‌ക​ണ്‌ഠ​യും അനുഭ​വി​ക്കു​ന്നുണ്ട്‌. ഇതു മിക്ക​പ്പോ​ഴും അവരുടെ സുഖമായ ഉറക്കം നഷ്ടപ്പെ​ടു​ത്തു​ന്നു. “വേല​ചെ​യ്യുന്ന മനുഷ്യൻ അല്‌പ​മോ അധിക​മോ ഭക്ഷിച്ചാ​ലും അവന്റെ ഉറക്കം സുഖക​ര​മാ​കു​ന്നു; ധനവാന്റെ സമൃദ്ധി​യോ അവനെ ഉറങ്ങു​വാൻ സമ്മതി​ക്കു​ന്നില്ല.”—സഭാ​പ്ര​സം​ഗി 5:12.

ചിലരെ സത്യസ​ന്ധ​ത​യി​ല്ലാ​യ്‌മ​ക്കും കുററ​കൃ​ത്യ​ങ്ങൾക്കും പ്രലോ​ഭി​പ്പി​ച്ചേ​ക്കാ​മെ​ന്ന​തി​നാൽ പണസ്‌നേ​ഹ​ത്തി​നു കുടും​ബ​ങ്ങൾക്കും സുഹൃ​ത്തു​ക്കൾക്കു​മി​ട​യി​ലുള്ള ബന്ധങ്ങ​ളെ​യും അപകട​പ്പെ​ടു​ത്താൻ കഴിയും. പണസ്‌നേ​ഹി​കൾ മിക്ക​പ്പോ​ഴും ചൂതാ​ട്ട​ത്തി​ലേക്കു തിരി​യാ​റുണ്ട്‌. സങ്കടക​ര​മെ​ന്നു​പ​റ​യട്ടെ, ഒരൊററ ചൂതാ​ട്ട​ത്തി​നും​കൂ​ടെ​യുള്ള അഭിലാ​ഷം അനേകരെ കടത്തി​ലേക്കു നയിക്കു​ന്നു. “എന്റെ അടുത്തു വരു​മ്പൊ​ഴേ​ക്കും അവർ [വ്യാ​മോ​ഹ​മുള്ള ചൂതാ​ട്ട​ക്കാർ] മിക്ക​പ്പോ​ഴും തിരി​ച്ചു​വ​രാൻ കഴിയാത്ത അവസ്ഥയി​ലാണ്‌. അവർക്കു ജോലി​യും തൊഴി​ലും ഭവനവും നഷ്ടപ്പെ​ട്ടി​രി​ക്കും, അവരുടെ കുടും​ബം മിക്ക​പ്പോ​ഴും അവരെ ഉപേക്ഷി​ക്കു​ക​യും ചെയ്‌തി​രി​ക്കും” എന്ന്‌ ദക്ഷിണാ​ഫ്രി​ക്ക​ക്കാ​ര​നായ ഒരു മനോ​രോ​ഗ​വി​ദ​ഗ്‌ദ്ധൻ പറഞ്ഞു. “വിശ്വ​സ്‌ത​പു​രു​ഷൻ അനു​ഗ്ര​ഹ​സ​മ്പൂർണ്ണൻ; ധനവാ​നാ​കേ​ണ്ട​തി​ന്നു ബദ്ധപ്പെ​ടു​ന്ന​വ​ന്നോ ശിക്ഷ വരാതി​രി​ക്ക​യില്ല” എന്ന ബൈബിൾ മുന്നറി​യിപ്പ്‌ എത്ര സത്യമാണ്‌.—സദൃശ​വാ​ക്യ​ങ്ങൾ 28:20.

“ചിറ​കെ​ടു​ത്തു പറന്നു​ക​ള​യും”

പണസ്‌നേഹം വളരെ അപകട​ക​ര​മാ​യി​രി​ക്കു​ന്ന​തി​ന്റെ മറെറാ​രു കാരണം, പൂർണ്ണ​മാ​യി സഹകരി​ക്കു​ന്ന​തി​നോ പണം അന്താരാ​ഷ്‌ട്രീ​യ​മാ​യി സ്ഥിരത​യുള്ള മൂല്യം നിലനിർത്തു​ന്നു​വെന്ന്‌ ഉറപ്പു വരുത്തു​ന്ന​തി​നോ മാനുഷ ഗവൺമെൻറു​കൾ അശക്തരാ​ണെന്നു തെളി​ഞ്ഞി​രി​ക്കു​ന്നു എന്നതാണ്‌. കൂടാതെ, പിൻവാ​ങ്ങ​ലു​ക​ളും മാന്ദ്യ​വും സ്‌റേ​റാക്ക്‌ മാർക്ക​ററ്‌ തകർച്ച​ക​ളും തടയാ​നും അവർക്കു കഴിഞ്ഞി​ട്ടില്ല. വഞ്ചന, കളവ്‌, പണപ്പെ​രു​പ്പം എന്നിവ​യും “ധനവാ​നാ​കേ​ണ്ട​തി​ന്നു പണി​പ്പെ​ട​രു​തു; അതിന്നാ​യുള്ള ബുദ്ധി വിട്ടു​കളക. നിന്റെ ദൃഷ്ടി ധനത്തിൻമേൽ പതിക്കു​ന്നതു എന്തിനു? അതു ഇല്ലാ​തെ​യാ​യ്‌പോ​കു​മ​ല്ലോ. കഴുകൻ ആകാശ​ത്തേക്കു എന്നപോ​ലെ അതു ചിറ​കെ​ടു​ത്തു പറന്നു​ക​ള​യും” എന്ന നിശ്വസ്‌ത വചനത്തി​ന്റെ സത്യതക്ക്‌ അടിവ​ര​യി​ടു​ന്നു.—സദൃശ​വാ​ക്യ​ങ്ങൾ 23:4, 5.

പണപ്പെ​രു​പ്പം. ആ പ്രശ്‌നം തീർച്ച​യാ​യും ദരി​ദ്ര​രാ​ജ്യ​ങ്ങ​ളിൽ മാത്ര​മാ​യി ഒതുങ്ങി നില്‌ക്കു​ന്നില്ല. ഈ നൂററാ​ണ്ടിൽ കുറെ നേരത്തെ കുതി​ച്ചു​യർന്ന പണപ്പെ​രു​പ്പം മദ്ധ്യ യൂറോ​പ്പി​ലെ വ്യവസാ​യ​വ​ത്‌കൃത രാഷ്‌ട്ര​ങ്ങളെ ബാധിച്ചു. ദൃഷ്ടാ​ന്ത​ത്തിന്‌, ഒന്നാം ലോക​മ​ഹാ​യു​ദ്ധ​ത്തി​നു മുമ്പ്‌ ഒരു ജർമ്മൻ മാർക്ക്‌ ഒരു ബ്രിട്ടീഷ്‌ ഷില്ലിം​ഗി​നോ ഒരു ഫ്രഞ്ച്‌ ഫ്രാങ്കി​നോ ഒരു ഇററാ​ലി​യൻ ലീറക്കോ ഏതാണ്ടു തുല്യ​മാ​യി​രു​ന്നു. പത്തു വർഷത്തി​നു​ശേഷം ഷില്ലിം​ഗും ഫ്രാങ്കും ലീറയും ഏതാണ്ടു 1,00,000,00,00,000 മാർക്കി​നു തുല്യ​മാ​യി. കുത്ത​നെ​യുള്ള പണപ്പെ​രു​പ്പ​ത്തി​നു സമ്പന്ന സമൂഹ​ങ്ങ​ളി​ലെ ആളുക​ളു​ടെ​മേൽ എന്തു ഫലമാ​ണു​ള്ളത്‌? “പരാജ​യ​പ്പെട്ട മദ്ധ്യശ​ക്തി​കൾക്ക്‌ 1920-കളുടെ ആരംഭ​ത്തിൽ സംഭവി​ച്ചത്‌ ഏതെങ്കി​ലും മാനദ​ണ്ഡ​മാ​ണെ​ങ്കിൽ, അപ്പോൾ ക്ഷതമേൽക്കാ​തെ​യും മാററങ്ങൾ ഭവിക്കാ​തെ​യും അതിജീ​വി​ക്കാൻ പററാ​ത്ത​വി​ധം [സാമ്പത്തിക അധഃപ​തനം] അത്യാ​ഗ്ര​ഹ​വും അക്രമ​വും അസന്തു​ഷ്ടി​യും ഭയത്തിൽനി​ന്നു​ള​വാ​കുന്ന വിദ്വേ​ഷ​വും കെട്ടഴി​ച്ചു​വി​ടു​ന്നു” എന്നു പണം മരിക്കു​മ്പോൾ (When Money Dies) എന്ന തന്റെ പുസ്‌ത​ക​ത്തിൽ ആഡം ഫെർഗ്യൂ​സൺ പ്രസ്‌താ​വി​ക്കു​ന്നു.

പന്ത്രണ്ടു പൂജ്യം വെട്ടി​ക്ക​ള​ഞ്ഞു​കൊണ്ട്‌ 1,00,000,00,00,000 പഴയ മാർക്ക്‌ പെട്ടെന്നു പുതിയ ഒരു മാർക്കി​നു തുല്യ​മാ​കേ​ണ്ട​തി​നു ജർമ്മനി 1923-ൽ അതിന്റെ നാണയ​ത്തി​ന്റെ വില പുതു​ക്കി​നി​ശ്ച​യി​ച്ചു. ഈ നീക്കം പണപ്പെ​രു​പ്പത്തെ പിടി​ച്ചു​നിർത്തി​യെ​ങ്കി​ലും വിനാ​ശ​ക​ര​മായ മററു പരിണ​ത​ഫ​ലങ്ങൾ ഉണ്ടാക്കി. ഫെർഗ്യൂ​സൺ വിശദീ​ക​രി​ച്ച​പ്ര​കാ​രം, “ആയിര​ങ്ങളെ പാപ്പരാ​ക്കു​ക​യും ലക്ഷങ്ങളു​ടെ ജീവി​ത​മാർഗ്ഗ​ങ്ങളെ അപഹരി​ക്കു​ക​യും മററു ലക്ഷങ്ങളു​ടെ പ്രത്യാ​ശ​കളെ നശിപ്പി​ക്കു​ക​യും ചെയ്‌ത നാണ്യ​സ്ഥി​രതാ പുനഃ​സ്ഥാ​പനം മുഴു ലോക​ത്തിൽനി​ന്നും പരോ​ക്ഷ​മാ​യി ഒരു ഭയാന​ക​മായ വില ബലമായി ഇടാക്കി.” പ്രത്യ​ക്ഷ​ത്തിൽ എഴുത്തു​കാ​രന്റെ മനസ്സി​ലു​ണ്ടാ​യി​രുന്ന “ഭയാന​ക​മായ വില” നാസി​സ​ത്തി​ന്റെ ഉയർച്ച​യും രണ്ടാം ലോക​മ​ഹാ​യു​ദ്ധ​വും ആയിരു​ന്നു.

കഴിഞ്ഞ​കാ​ല​ങ്ങ​ളിൽ വൻ ബാങ്ക്‌ അക്കൗണ്ടു​കൾ അനേകരെ നിരാ​ശ​പ്പെ​ടു​ത്തി​യി​ട്ടു​ണ്ടെന്ന സംഗതി ലോക​വ്യാ​പ​ക​മായ സാമ്പത്തിക അസ്ഥിര​ത​യു​ടെ ഇക്കാല​ങ്ങ​ളിൽ ഗൗരവാ​വ​ഹ​മായ ഒരു മുന്നറി​യി​പ്പാണ്‌. പണം നിരാ​ശ​പ്പെ​ടു​ത്തു​മെന്നു ദൈവ​പു​ത്രൻത​ന്നെ​യും മുന്നറി​യി​പ്പു നൽകി, അതു പല ആവർത്തി സംഭവി​ക്കു​ക​യും ചെയ്‌തി​രി​ക്കു​ന്നു. (ലൂക്കൊസ്‌ 16:9) എന്നാൽ ഏററവും വലുതും അതീവ വ്യാപ​ക​വു​മായ നാണ്യ​പ​രാ​ജയം യഹോ​വ​യാം ദൈവം ഈ ദുഷ്ട​ലോ​ക​ത്തിൻമേൽ ന്യായ​വി​ധി നടത്തു​മ്പോ​ഴാ​യി​രി​ക്കും വരിക. “ക്രോ​ധ​ദി​വ​സ​ത്തിൽ സമ്പത്തു ഉപകരി​ക്കു​ന്നില്ല. നീതി​യോ മരണത്തിൽനി​ന്നു വിടു​വി​ക്കു​ന്നു.”—സദൃശ​വാ​ക്യ​ങ്ങൾ 11:4.

അതു​കൊണ്ട്‌, നമ്മുടെ യഥാർത്ഥ സുഹൃ​ത്തു​ക്ക​ളായ യഹോ​വ​യാം ദൈവ​വും യേശു​ക്രി​സ്‌തു​വു​മാ​യി നീതി​പൂർവ്വ​ക​മായ ഒരു ബന്ധമു​ണ്ടാ​യി​രി​ക്കാൻ നാം കഠിന ശ്രമം ചെയ്യേ​ണ്ടത്‌ എത്ര പ്രധാ​ന​മാണ്‌!

ശാശ്വത സന്തുഷ്ടി​യു​ടെ ഉറവിടം

തുടക്ക​ത്തിൽ സൂചി​പ്പിച്ച പോളും മേരി​യും യഹോ​വ​യു​ടെ സാക്ഷികൾ ആയിരു​ന്നു. അനവധി വർഷങ്ങൾ അവർ മുഴു​സമയ സുവി​ശേഷ വേലയിൽ പങ്കെടു​ത്തു. എന്നുവ​രി​കി​ലും, ധനത്തോ​ടുള്ള അവരുടെ ആഗ്രഹം ക്രിസ്‌തീയ യോഗ​ങ്ങ​ളിൽ പങ്കു പററു​ന്നതു നിർത്താ​നി​ട​യാ​ക്കി, പരസ്യ​ശു​ശ്രൂ​ഷ​യിൽ തങ്ങളുടെ വിശ്വാ​സം പങ്കു​വെ​ക്കു​ന്ന​തും അവർ നിർത്തി. എന്നാൽ അവർ ഉണർവു​ള്ള​വ​രാ​യി​ത്തീർന്നു. “ഏതാനും മിനി​റ​റു​കൾക്കു​ള്ളിൽ അപ്രത്യ​ക്ഷ​പ്പെ​ടാൻ കഴിയുന്ന ഒരു കാര്യ​ത്തി​നാ​യി എന്റെ സമയവും ഊർജ്ജ​വു​മെ​ല്ലാം ചെലവ​ഴി​ച്ചത്‌ എത്ര മൗഢ്യ​മാ​യി​പ്പോ​യി എന്ന്‌ എനിക്ക്‌ ഇപ്പോൾ കാണാൻ കഴിയു​ന്നു” എന്നു താൻ കവർച്ച​ക്കി​ര​യാ​കു​ക​യും തന്റെ ഭവനം നശിക്കു​ക​യും ചെയ്‌ത​ശേഷം മേരി പറഞ്ഞു. സന്തോ​ഷ​ക​ര​മെന്നു പറയട്ടെ, വളരെ വൈകി​പ്പോ​കു​ന്ന​തി​നു​മുമ്പ്‌ ഈ ദമ്പതികൾ ഒരു പാഠം പഠിച്ചു. അതേ, പണസ്‌നേ​ഹ​ത്തിന്‌ ഒരാ​ളോ​ടു ചെയ്യാൻ കഴിയുന്ന ഏററവും വലിയ ഉപദ്രവം യഹോ​വ​യാം ദൈവ​വും യേശു​ക്രി​സ്‌തു​വു​മാ​യുള്ള ഒരു അംഗീ​കൃത ബന്ധം ഇല്ലാതാ​ക്കു​ക​യാണ്‌. ഈ സ്‌നേ​ഹി​തരെ കൂടാതെ, ഈ ദുഷ്ട വ്യവസ്ഥി​തി​യു​ടെ അന്ത്യത്തിൽനിന്ന്‌, വാഗ്‌ദത്തം ചെയ്യപ്പെട്ട നീതി​യുള്ള പുതിയ ലോക​ത്തേക്ക്‌ അതിജീ​വി​ക്കാ​മെന്ന്‌ എന്തു പ്രത്യാ​ശ​യാ​ണു നമുക്കു​ണ്ടാ​യി​രി​ക്കാൻ കഴിയുക?—മത്തായി 6:19-21, 31-34; 2 പത്രൊസ്‌ 3:13.

അതു​കൊണ്ട്‌, നിങ്ങൾ സ്വയം ധനവാ​നെ​ന്നോ ദരി​ദ്ര​നെ​ന്നോ കണക്കാ​ക്കി​യാ​ലും, പണസ്‌നേഹം വളർത്തു​ന്ന​തി​നെ​തി​രേ സൂക്ഷി​ക്കുക. ഏററവും വലിയ നിധി—യഹോ​വ​യു​മാ​യുള്ള ഒരു അംഗീ​കൃത നില—സമ്പാദി​ക്കു​ന്ന​തി​നും നിലനിർത്തു​ന്ന​തി​നും കഠിനാ​ദ്ധ്വാ​നം ചെയ്യുക. “വരിക എന്നു ആത്മാവും മണവാ​ട്ടി​യും പറയുന്നു; കേൾക്കു​ന്ന​വ​നും: വരിക എന്നു പറയട്ടെ; ദാഹി​ക്കു​ന്നവൻ വരട്ടെ; ഇച്ഛിക്കു​ന്നവൻ ജീവജലം സൌജ​ന്യ​മാ​യി വാങ്ങട്ടെ” എന്ന അടിയ​ന്തി​ര​മായ ക്ഷണത്തിനു സ്ഥിരം ശ്രദ്ധ നൽകി​ക്കൊ​ണ്ടു നിങ്ങൾക്ക്‌ ഇതു ചെയ്യാൻ കഴിയും.—വെളി​പ്പാ​ടു 22:17.

[അടിക്കു​റിപ്പ്‌]

[8, 9 പേജു​ക​ളി​ലെ ചിത്രങ്ങൾ]

യഹൂദ്യ മത്സരകാ​ലത്ത്‌ അടിച്ചി​റ​ക്കിയ, “രണ്ടാം വർഷം” എന്നു മേലെ​ഴു​ത്തുള്ള ഒരു നാണയ​ത്തി​ന്റെ ഇരുവ​ശ​ങ്ങ​ളും

[കടപ്പാട്‌]

Pictorial Archive (Near Eastern History) Est.