ഗിലെ​യാദ്‌ സ്‌ക്കൂൾ—50 വർഷം പഴക്കമു​ള്ള​തെ​ങ്കി​ലും അഭിവൃ​ദ്ധി​പ്പെ​ടു​ന്നു

“രാജ്യത്തെ സംബന്ധിച്ച സാക്ഷ്യം ഒരു നല്ല അളവിൽ നൽക​പ്പെ​ട്ടി​ട്ടി​ല്ലാത്ത അനേകം പ്രദേ​ശ​ങ്ങ​ളുണ്ട്‌” എന്ന്‌ 1943 ഫെബ്രു​വരി 1-നു ഗിലെ​യാദ്‌ സ്‌ക്കൂൾ തുറന്ന ദിവസം അതിന്റെ ആദ്യ ക്ലാസ്സിൽ എൻ. എച്ച്‌. നോർ പ്രസ്‌താ​വി​ച്ചു. അദ്ദേഹം ഇതുകൂ​ടെ പറഞ്ഞു: “വയലിൽ കൂടുതൽ വേലക്കാ​രു​ണ്ടാ​യി​രു​ന്നെ​ങ്കിൽ എത്തി​ച്ചേ​രേണ്ട നൂറു​ക​ണ​ക്കി​നും ആയിര​ക്ക​ണ​ക്കി​നും ആളുകൾ തീർച്ച​യാ​യും ഉണ്ടായി​രി​ക്കണം. കർത്താ​വി​ന്റെ അനു​ഗ്ര​ഹ​ത്താൽ കൂടുതൽ പേർ ഉണ്ടാകും.”

കൂടുതൽ വേലക്കാർ ഉണ്ടായി​ട്ടു​മുണ്ട്‌—ദശലക്ഷങ്ങൾ തന്നെ! രാജ്യ​പ്ര​സാ​ധ​ക​രു​ടെ അണികൾ 1943-ൽ 54 രാജ്യ​ങ്ങ​ളി​ലെ 1,29,070-തിൽനിന്ന്‌ 1992-ൽ 229 രാജ്യ​ങ്ങ​ളി​ലെ 44,72,787 ആയി വർധിച്ചു! ആ വർധന​വിൽ കലാശിച്ച സാക്ഷ്യ​ത്തി​നു ഗിലെ​യാദ്‌ സ്‌ക്കൂൾ വളരെ​യ​ധി​കം സംഭാവന ചെയ്‌തി​രി​ക്കു​ന്നു. അമ്പതു വർഷത്തി​നു​ശേഷം ലോക​വ​യ​ലിൽ ആവശ്യ​മു​ള്ളി​ടത്തു സേവി​ക്കാൻ മിഷനറി വേലക്കാ​രെ പരിശീ​ലി​പ്പി​ക്കു​ന്ന​തിൽ അതു നിർണാ​യക പങ്കു വഹിക്കു​ന്നതു തുടരു​ന്നു.

തൊണ്ണൂ​റ​റി​നാ​ലാ​മത്തെ ക്ലാസിന്റെ ബിരു​ദ​ദാ​ന​ത്തിന്‌, 1993 മാർച്ച്‌ 7-നു ന്യൂ​ജേ​ഴ്‌സി​യി​ലെ ജേഴ്‌സി സിററി അസംബ്ലി​ഹാ​ളിൽ വന്നുകൂ​ടിയ ക്ഷണിക്ക​പ്പെട്ട 4,798 അതിഥി​ക​ളും യു.എസ്‌. ബെഥേൽ കുടും​ബാം​ഗ​ങ്ങ​ളു​മു​ണ്ടാ​യി​രു​ന്നു. ഈ സവി​ശേ​ഷ​മായ സന്ദർഭം ഗിലെ​യാദ്‌ സ്‌ക്കൂ​ളി​ന്റെ 50 വർഷത്തി​ലേക്കു പിന്തി​രി​ഞ്ഞു നോക്കാൻ ഒരു അവസര​മൊ​രു​ക്കു​ക​കൂ​ടെ ചെയ്‌തു. പരിപാ​ടി​യെ​ക്കു​റിച്ച്‌ അൽപ്പം അറിയു​വാൻ നിങ്ങൾ ആഗ്രഹി​ക്കു​ന്നു​വോ?

പ്രാരംഭ ഗീതത്തി​നു​ശേഷം, ഭരണസം​ഘ​ത്തി​ലെ ജോർജ്‌ ഡി. ഗാം​ഗെസ്‌ ഹൃദയം​ഗ​മ​മായ ഒരു പ്രാർഥന നടത്തി. പിന്നീടു ചെയർമാ​നായ ക്യാരി ഡബ്ലിയു. ബാർബ​റു​ടെ ആമുഖ പ്രസം​ഗ​ത്തി​നു​ശേഷം ബിരു​ദ​ധാ​രി​ക​ളും സദസ്യ​രും ഹ്രസ്വ പ്രസം​ഗ​ങ്ങ​ളു​ടെ ഒരു പരമ്പര ശ്രദ്ധാ​പൂർവം കേട്ടു.

“നിങ്ങൾ ഒരിക്ക​ലും ഒററയ്‌ക്കല്ല” എന്ന വിഷയ​ത്തെ​ക്കു​റി​ച്ചു റോബർട്ട്‌ ഡബ്ലിയു. വോളൻ ആദ്യം പ്രസം​ഗി​ച്ചു. ഊഷ്‌മ​ള​മായ സ്വരത്തിൽ അദ്ദേഹം ഇങ്ങനെ പറഞ്ഞു: ‘വരും​ദി​ന​ങ്ങ​ളിൽ നിങ്ങൾ ജീവി​ത​ത്തിൽ ഒററക്കാ​ണെ​ന്നും കുടും​ബ​ത്തിൽനി​ന്നും കൂട്ടു​കാ​രിൽനി​ന്നും വളരെ വിദൂ​ര​ത്തി​ലാ​ണെ​ന്നും നിങ്ങൾക്കു തോന്നുന്ന അവസരങ്ങൾ ഉണ്ടാകു​വാൻ പോകു​ക​യാണ്‌.’ അങ്ങനെ​യെ​ങ്കിൽ “നിങ്ങൾ ഒരിക്ക​ലും ഒററയ്‌ക്കല്ല” എന്ന്‌ എങ്ങനെ പറയാൻ കഴിയും? ‘എന്തെന്നാൽ യഹോ​വ​യാം ദൈവ​ത്തോ​ടു തൽക്ഷണം ആശയവി​നി​യമം ചെയ്യാ​നുള്ള അവസരം നിങ്ങളിൽ ഓരോ​രു​ത്തർക്കും ലഭ്യമാ​യി​രി​ക്കും’ എന്ന്‌ അദ്ദേഹം വിശദീ​ക​രി​ച്ചു. പ്രാർഥ​നാ​പ​ദ​വി​യെ താലോ​ലി​ക്കാ​നും അതു ദിവസേന ഉപയോ​ഗി​ക്കാ​നും അദ്ദേഹം ബിരു​ദ​ധാ​രി​കളെ ഉത്‌ബോ​ധി​പ്പി​ച്ചു. അപ്പോൾ യേശു​വി​നെ​പ്പോ​ലെ “ഞാൻ ഏകനല്ല” എന്നു പറയാൻ അവർ പ്രാപ്‌ത​രാ​യി​രി​ക്കും. (യോഹ​ന്നാൻ 16:32) ബിരു​ദ​ധാ​രി​കൾക്ക്‌ ആ വാക്കുകൾ എത്ര പ്രോ​ത്സാ​ഹ​ജ​ന​ക​മാ​യി​രു​ന്നു!

അടുത്ത​താ​യി, “നിങ്ങളു​ടെ പ്രത്യാ​ശ​യോ​ടു പററി​നിൽക്കുക” (മാർച്ച്‌ 7-ലെ ദിനവാ​ക്യ​ത്തെ അടിസ്ഥാ​ന​പ്പെ​ടു​ത്തി​യത്‌) എന്ന വിഷയം വികസി​പ്പി​ച്ചു​കൊ​ണ്ടു ഭരണസം​ഘ​ത്തി​ലെ ലീമൻ സ്വിം​ഗിൾ സഹിഷ്‌ണു​ത​യും പ്രത്യാ​ശ​യും എന്ന രണ്ടു ഗുണങ്ങ​ളു​ടെ ആവശ്യത്തെ സംബന്ധി​ച്ചു സംസാ​രി​ച്ചു. ‘ക്രിസ്‌ത്യാ​നി​ക​ളു​ടെ ഭാഗത്തു സഹിഷ്‌ണുത ആവശ്യ​മാ​യി​രി​ക്കു​ന്ന​തി​നു നിന്ദ, ശത്രുത, വെറുപ്പ്‌, തടവ്‌ എന്നിവ​യും കൂടാതെ മരണം​പോ​ലും കാരണ​മാണ്‌’ എന്ന്‌ അദ്ദേഹം പറഞ്ഞു. ‘യഹോ​വ​യു​ടെ വിശ്വസ്‌ത സാക്ഷി​കൾക്ക്‌ അത്യാ​വശ്യ സമയങ്ങ​ളിൽ ലഭിക്കാ​വുന്ന സാധാ​ര​ണ​യിൽക്ക​വിഞ്ഞ ശക്തിക്കു പരിധി​യില്ല. ഇതു തീർച്ച​യാ​യും ധൈര്യം പകരു​ന്ന​താണ്‌, പ്രത്യേ​കി​ച്ചു ബിരു​ദ​ധാ​രി​ക​ളായ നിങ്ങൾക്ക്‌.’ പ്രത്യാ​ശയെ സംബന്ധിച്ച്‌ എന്ത്‌? അദ്ദേഹം ഇങ്ങനെ വിശദീ​ക​രി​ച്ചു: ‘പ്രത്യാശ അനു​പേ​ക്ഷ​ണീ​യ​മാണ്‌. ഒരു പടത്തൊ​പ്പി അതു ധരിക്കു​ന്ന​യാ​ളു​ടെ ശിരസി​നെ സംരക്ഷി​ക്കു​ന്ന​തു​പോ​ലെ രക്ഷയുടെ പ്രത്യാശ, അയാളെ നിർമലത പാലി​ക്കാൻ സഹായി​ച്ചു​കൊണ്ട്‌, ക്രിസ്‌ത്യാ​നി​യു​ടെ മാനസിക പ്രാപ്‌തി​കളെ കാത്തു​സൂ​ക്ഷി​ക്ക​യും സംരക്ഷി​ക്ക​യും ചെയ്യുന്നു’.—1 തെസ്സ​ലൊ​നീ​ക്യർ 5:8.

അടുത്ത പ്രസം​ഗ​ക​നായ റാൽഫ്‌ ഇ. വോൾസ്‌ “ഒരു ‘വിശാ​ല​മായ സ്ഥല’ത്തിന്റെ സംരക്ഷ​ണ​യി​ലേക്കു നമുക്ക്‌ എങ്ങനെ രക്ഷപ്പെ​ടാൻ കഴിയും?” എന്ന ജിജ്ഞാ​സ​യു​ള​വാ​ക്കുന്ന വിഷയം തിര​ഞ്ഞെ​ടു​ത്തു. എന്താണ്‌ ഈ “വിശാ​ല​മായ സ്ഥലം”? (സങ്കീർത്തനം 18:19, പി.ഒ.സി) “മനഃസ​മാ​ധാ​ന​വും ഹൃദയ​സം​ര​ക്ഷ​ണ​വും കൈവ​രു​ത്തുന്ന മോച​ന​ത്തി​ന്റേ​തായ ഒരു അവസ്ഥ,” എന്നു പ്രസം​ഗകൻ വിശദീ​ക​രി​ച്ചു. എന്തിൽനി​ന്നുള്ള മോച​ന​മാ​ണു നമുക്ക്‌ ആവശ്യ​മാ​യി​രി​ക്കു​ന്നത്‌? ‘നിങ്ങളിൽനി​ന്നു​തന്നെ—നിങ്ങളു​ടെ ബലഹീ​ന​ത​ക​ളിൽനി​ന്നു​തന്നെ.’ ‘പിശാ​ചി​നാൽ പിന്തു​ണ​ക്ക​പ്പെ​ടുന്ന ബാഹ്യ​സാ​ഹ​ച​ര്യ​ങ്ങ​ളിൽനി​ന്നു​കൂ​ടി’ എന്നും അദ്ദേഹം പറഞ്ഞു. (സങ്കീർത്തനം 118:5) ഒരു വിശാ​ല​മായ സ്ഥലത്തിന്റെ സംരക്ഷ​ണ​യി​ലേക്കു നമുക്ക്‌ എങ്ങനെ രക്ഷപ്പെ​ടാൻ കഴിയും? ‘നാം ചെയ്യുന്ന സകലത്തി​ലും യഹോ​വ​യു​ടെ ആജ്ഞകൾ അന്വേ​ഷി​ച്ചു​കൊ​ണ്ടും നമ്മുടെ സകല ഉൽക്കണ്‌ഠ​ക​ളും വിശ്വാ​സ​ത്തോ​ടു കൂടെ യഹോ​വക്കു പ്രാർഥ​ന​യിൽ അർപ്പി​ച്ചു​കൊ​ണ്ടും.’

“അഭിമു​ഖീ​ക​രി​ക്കാ​നു​ള്ളത്‌ എന്ത്‌?” എന്നതാ​യി​രു​ന്നു ഡോൺ എ. ആഡംസ്‌ തിര​ഞ്ഞെ​ടുത്ത വിഷയം. പുതു മിഷന​റി​മാർക്ക്‌ അഭിമു​ഖീ​ക​രി​ക്കാ​നു​ള്ളത്‌ എന്തായി​രു​ന്നു? പൊരു​ത്ത​പ്പെ​ട​ലു​ക​ളു​ടെ ഒരു കാലഘട്ടം, അദ്ദേഹം വിവരി​ച്ചു. “നിങ്ങളു​ടെ മുമ്പാകെ അനവധി അനു​ഗ്ര​ഹ​ങ്ങ​ളു​മുണ്ട്‌.” ഒരു ഉദാഹ​ര​ണ​മെ​ന്ന​നി​ല​യിൽ അദ്ദേഹം രണ്ടു പുതിയ മിഷന​റി​മാ​രെ​ക്കു​റി​ച്ചു പറഞ്ഞു. നിയമ​ന​സ്ഥ​ലത്തു താമസ​മാ​ക്കി​യ​തി​നു​ശേഷം ആ ദമ്പതികൾ ഇങ്ങനെ എഴുതി: “സേവന​ത്തിൽ നിങ്ങൾക്കു​ണ്ടാ​യി​ട്ടുള്ള ഏററവും നല്ല ദിവസ​ത്തെ​ക്കു​റി​ച്ചു ചിന്തി​ക്കുക, അതു​പോ​ലെ​യാ​ണു ഞങ്ങളുടെ ഓരോ ദിവസ​വും. ഞങ്ങൾക്കു വേണ്ടു​വോ​ളം സാഹി​ത്യം കൊണ്ടു​പോ​കാൻ കഴിയു​ന്നില്ല, ആളുകൾ ഞങ്ങളോട്‌ അധ്യയ​നങ്ങൾ ആവശ്യ​പ്പെ​ട്ടു​കൊ​ണ്ടേ​യി​രി​ക്കു​ന്നു.” പ്രസം​ഗകൻ ചില സംഗതി​കൾ ബിരു​ദ​ധാ​രി​ക​ളു​ടെ കുടും​ബ​ത്തോ​ടും സുഹൃ​ത്തു​ക്ക​ളോ​ടും പറഞ്ഞു. ‘ഈ ബിരു​ദ​ധാ​രി​കളെ സംബന്ധി​ച്ചു നിങ്ങൾ ഉൽക്കണ്‌ഠ​പ്പെ​ടേ​ണ്ട​യാ​വ​ശ്യ​മില്ല. പ്രോ​ത്സാ​ഹന വാക്കുകൾ എഴുതി​ക്കൊ​ണ്ടു നിങ്ങൾക്ക്‌ അവരെ സഹായി​ക്കാൻ കഴിയും.’—സദൃശ​വാ​ക്യ​ങ്ങൾ 25:25.

അടുത്ത​താ​യി സ്‌ക്കൂ​ളി​ന്റെ അധ്യാ​പകർ സംസാ​രി​ച്ചു. “ആരിൽനി​ന്നും ഒന്നും പ്രതീ​ക്ഷി​ക്ക​രുത്‌” എന്ന വിഷയ​മാ​യി​രു​ന്നു ജാക്ക്‌ ഡി. റെഡ്‌ഫോർഡ്‌ തിര​ഞ്ഞെ​ടു​ത്തത്‌. ബിരു​ദ​ധാ​രി​കൾ അഭിമു​ഖീ​ക​രി​ക്കാൻപോ​കുന്ന വെല്ലു​വി​ളി​ക​ളി​ലൊ​ന്നു ജനങ്ങളു​മാ​യി ഒത്തു​പോ​കുക എന്നതാണ്‌, അദ്ദേഹം വിവരി​ച്ചു. എന്തിനു സഹായി​ക്കാൻ കഴിയും? “അവരുടെ കുറവു​കൾ ഗൗനി​ക്കാ​തി​രി​ക്കൂ. മററു​ള്ള​വ​രിൽനി​ന്നു വളരെ​യ​ധി​കം പ്രതീ​ക്ഷി​ക്ക​രുത്‌. നിങ്ങൾക്കു ലഭി​ക്കേ​ണ്ട​തെന്നു നിങ്ങൾ കരുതുന്ന പൂർണ അളവു പ്രതീ​ക്ഷി​ക്ക​രുത്‌. മററു​ള്ള​വ​രി​ലെ അപൂർണത അംഗീ​ക​രി​ക്കുക, ഈ ദയാവാ​യ്‌പ്‌ ഒത്തു​പോ​കാൻ നിങ്ങളെ സഹായി​ക്കും. മററു​ള്ള​വ​രു​മാ​യി ഒത്തു​പോ​കാ​നുള്ള നിങ്ങളു​ടെ പ്രാപ്‌തി നിങ്ങളു​ടെ പക്വത​യു​ടെ അളവിനെ സൂചി​പ്പി​ക്കും.” (സദൃശ​വാ​ക്യ​ങ്ങൾ 17:9) തീർച്ച​യാ​യും ഈ ജ്ഞാനോ​പ​ദേശം ബാധക​മാ​ക്കു​ന്നത്‌ ഒരു വിദേ​ശ​നാ​ട്ടിൽ മിഷന​റി​യാ​യി​രി​ക്കു​ന്ന​തി​നു വിജയ​ക​ര​മാ​യി പൊരു​ത്ത​പ്പെ​ടു​ത്ത​ലു​കൾ നടത്താൻ ബിരു​ദ​ധാ​രി​കളെ സഹായി​ക്കും!

“ഈ നിധി മൺപാ​ത്ര​ങ്ങ​ളി​ലാണ്‌ ഞങ്ങൾക്കു ലഭിച്ചി​ട്ടു​ള്ളത്‌” എന്നു 2 കോറി​ന്തോസ്‌ 4:7 (പി.ഒ.സി) പറയുന്നു. ഗിലെ​യാദ്‌ സ്‌ക്കൂ​ളി​ന്റെ രജിസ്‌ട്രാ​റായ യുളി​സിസ്‌ വി. ഗ്ലാസ്‌ “വിശ്വ​സ്‌ത​രെന്നു തെളി​യിച്ച നിങ്ങളു​ടെ സഹോ​ദ​ര​ങ്ങളെ വിശ്വ​സി​ക്കുക” എന്ന വിഷയം വികസി​പ്പി​ച്ച​പ്പോൾ അദ്ദേഹം ഈ വാക്യ​ത്തി​ന്റെ വിവരണം നൽകി. “മൺപാ​ത്രങ്ങൾ” എന്താണ്‌? “ഇവ അപൂർണ മനുഷ്യ​രായ നമ്മെ അർഥമാ​ക്കണം,” അദ്ദേഹം കുറി​ക്കൊ​ണ്ടു. “നിധി” എന്താണ്‌? “അതു നമ്മുടെ ക്രിസ്‌തീയ ശുശ്രൂ​ഷ​യാണ്‌” എന്ന്‌ അദ്ദേഹം വിശദീ​ക​രി​ച്ചു. (2 കൊരി​ന്ത്യർ 4:1) ഈ നിധി നാം എന്തു ചെയ്യണം? “യഹോവ നമ്മെ ഏൽപ്പി​ച്ചി​ട്ടുള്ള ഈ നിധി പൂഴ്‌ത്തി​വെ​ക്കാ​നു​ള്ളതല്ല. അതു​കൊ​ണ്ടു പ്രിയ​പ്പെട്ട ഭാവി മിഷന​റി​മാ​രേ, നിങ്ങൾ പോകു​ന്നി​ട​ത്തൊ​ക്കെ​യും ആ നിധി പങ്കു വെക്കു​ക​യും എങ്ങനെ അതു പങ്കു വെക്കണ​മെന്നു മററു​ള്ള​വരെ പഠിപ്പി​ക്കു​ക​യും ചെയ്യു​വിൻ.”

ആൽബർട്ട്‌ ഡി. ഷ്രൂഡർ പ്രസം​ഗി​ക്കാൻ എഴു​ന്നേ​റ​റ​പ്പോൾ ഒരു ഗൃഹാ​ന്ത​രീ​ക്ഷം അനുഭ​വ​പ്പെട്ടു, എന്തെന്നാൽ അദ്ദേഹ​മാ​യി​രു​ന്നു ഗിലെ​യാദ്‌ സ്‌ക്കൂൾ ആരംഭി​ച്ച​പ്പോൾ അതിന്റെ രജിസ്‌ട്രാർ. “ദിവ്യാ​ധി​പത്യ പരിശീ​ല​ന​ത്തി​ന്റെ അരനൂ​റ​റാണ്ട്‌” എന്നതാ​യി​രു​ന്നു അദ്ദേഹ​ത്തി​ന്റെ വിഷയം. “ഫലകര​മായ പരിശീ​ലനം നൽകേ​ണ്ടത്‌ എങ്ങനെ​യെന്നു യഹോ​വക്ക്‌ അറിയാം, അവിടുന്ന്‌ അതു ചെയ്യു​ക​യും ചെയ്‌തി​രി​ക്കു​ന്നു”, അദ്ദേഹം പ്രസ്‌താ​വി​ച്ചു. എങ്ങനെ? അമ്പതു വർഷം​മു​മ്പു സ്ഥാപി​ത​മായ രണ്ടു സ്‌ക്കൂ​ളു​ക​ളി​ലൂ​ടെ—ദിവ്യാ​ധി​പത്യ ശുശ്രൂ​ഷാ സ്‌ക്കൂ​ളും ഗിലെ​യാദ്‌ സ്‌ക്കൂ​ളും—പ്രദാനം ചെയ്യപ്പെട്ട പരിശീ​ല​നത്തെ ഷ്രൂഡർ സഹോ​ദരൻ പരാമർശി​ച്ചു. സൂക്ഷ്‌മ പരിജ്ഞാ​നം ലഭ്യമാ​ക്കു​ന്ന​തിൽ ഒരു വില​യേ​റിയ ഉപകര​ണ​മാ​യി​രു​ന്നു പുതിയ ലോക ഭാഷാ​ന്തരം എന്ന്‌ അദ്ദേഹം സൂചി​പ്പി​ച്ചു. “യഹോ​വ​യു​ടെ ഉദ്ദേശ്യ​ങ്ങ​ളെ​ക്കു​റി​ച്ചുള്ള സൂക്ഷ്‌മ പരിജ്ഞാ​നം സൊ​സൈ​ററി നിങ്ങൾക്കു നൽകി​ക്കൊ​ണ്ടി​രി​ക്കു​മെന്ന വലിയ ആത്മവി​ശ്വാ​സ​ത്തോ​ടെ നിങ്ങൾക്കു നിങ്ങളു​ടെ വിദേശ നിയമ​ന​ങ്ങ​ളി​ലേക്കു പോകാം,” അദ്ദേഹം ബിരു​ദ​ധാ​രി​കൾക്ക്‌ ഉറപ്പു കൊടു​ത്തു.

വാച്ച്‌ ടവർ ബൈബിൾ ആൻറ്‌ ട്രാക്ട്‌ സൊ​സൈ​ററി ഓഫ്‌ പെൻസിൽവേ​നി​യ​യു​ടെ പ്രസി​ഡൻറായ മിൽട്ടൻ ജി. ഹെൻഷൽ “ജയിച്ച​ട​ക്കു​ന്ന​വ​രെ​ക്കാൾ കൂടുതൽ” എന്ന വിഷയത്തെ കേന്ദ്രീ​ക​രി​ച്ചു സംസാ​രി​ച്ചു. ഹെൻഷൽ സഹോ​ദരൻ തന്റെ വിഷയം എടുത്തത്‌ 1943-ലെ വാർഷി​ക​വാ​ക്യ​ത്തിൽനി​ന്നാ​യി​രു​ന്നു: “നമ്മെ സ്‌നേ​ഹി​ച്ച​വ​നി​ലൂ​ടെ ജയിച്ച​ട​ക്കു​ന്ന​വ​രെ​ക്കാൾ കൂടുതൽ.” (റോമർ 8:37, ജയിംസ്‌ രാജാ​വി​ന്റെ ഭാഷാ​ന്തരം) അതൊരു ഉചിത​മായ വാർഷി​ക​വാ​ക്യ​മാ​യി​രു​ന്നു, എന്തു​കൊ​ണ്ടെ​ന്നാൽ രണ്ടാം ലോക​മ​ഹാ​യു​ദ്ധ​ത്തി​നി​ട​യിൽ പല രാജ്യ​ങ്ങ​ളി​ലും നമ്മുടെ സഹോ​ദ​രൻമാർ വളരെ പീഡനം അനുഭ​വി​ക്കു​ക​യാ​യി​രു​ന്നു എന്ന്‌ അദ്ദേഹം വിശദീ​ക​രി​ച്ചു. ഹെൻഷൽ സഹോ​ദരൻ ആ വാർഷി​ക​വാ​ക്യം ചർച്ച​ചെ​യ്‌തി​രുന്ന വീക്ഷാ​ഗോ​പു​ര​ത്തിൽനിന്ന്‌ ചില ഭാഗങ്ങൾ വായി​ച്ചിട്ട്‌ ഇപ്രകാ​രം വിശദീ​ക​രി​ച്ചു: “ആദ്യ ഗിലെ​യാദ്‌ ക്ലാസ്സു​കാർ ഫെബ്രു​വരി മാസത്തിൽ ഈ വീക്ഷാ​ഗോ​പുര ലേഖനം [1943, ജനുവരി 15] പഠിച്ചു. അവർ അഭിമു​ഖീ​ക​രി​ക്കേ​ണ്ടി​യി​രുന്ന സംഗതി​കൾക്കാ​യി അത്‌ അവരെ ഒരുക്കി.” കഴിഞ്ഞ 50 വർഷത്തിൽ ബിരു​ദ​ധാ​രി​ക​ളിൽ അനേക​രും തങ്ങളെ​ത്തന്നെ ജയിച്ച​ട​ക്കു​ന്ന​വ​രെന്നു തെളി​യി​ച്ചി​രി​ക്കു​ന്നു എന്ന്‌ അദ്ദേഹം വിവരി​ച്ചു. തൊണ്ണൂ​റ​റി​നാ​ലാ​മത്തെ ക്ലാസ്സിനെ സംബന്ധി​ച്ചെന്ത്‌? “യഹോ​വ​യോട്‌ അടുത്തു നിൽക്കു​വിൻ, അവിടു​ത്തെ സ്‌നേ​ഹ​ത്തോട്‌ അടുത്തു നിൽക്കു​വിൻ, നിങ്ങളു​ടെ വിജയം ഉറപ്പാണ്‌.”

രാവി​ല​ത്തെ പ്രസം​ഗ​ങ്ങ​ളെ​ത്തു​ടർന്നു വിവിധ രാജ്യ​ങ്ങ​ളിൽനി​ന്നു ലഭിച്ച ആശംസാ സന്ദേശങ്ങൾ ചെയർമാൻ പങ്കു​വെച്ചു. പിന്നീട്‌ 24 വിവാ​ഹിത ദമ്പതികൾ ആകാം​ക്ഷാ​പൂർവം നോക്കി​പ്പാർത്തി​രുന്ന നിമിഷം വന്നെത്തി—ബിരു​ദ​ദാ​നം. കാരണം, ഗിലെ​യാദ്‌ വിദ്യാർഥി​കൾ ഇപ്പോൾ ഔദ്യോ​ഗി​ക​മാ​യി ഗിലെ​യാദ്‌ ബിരു​ദ​ധാ​രി​കൾ ആയിരി​ക്കു​ന്നു! അവർ 5 രാജ്യ​ങ്ങ​ളിൽനി​ന്നു വന്നവരാ​യി​രു​ന്നു, എന്നാൽ അവരുടെ നിയമ​നങ്ങൾ അവരെ ഹോ​ങ്കോങ്ങ്‌, തായ്‌വാൻ, മൊസാ​മ്പിക്ക്‌, പൂർവ യൂറോ​പ്യൻ രാജ്യങ്ങൾ എന്നിവ​യുൾപ്പെടെ 17 രാജ്യ​ങ്ങ​ളി​ലാ​ക്കു​ക​യാ​യി​രു​ന്നു.

ഒരു ഇടവേ​ള​ക്കു​ശേഷം, ഉച്ചതി​രി​ഞ്ഞുള്ള പരിപാ​ടി റോബർട്ട്‌ എൽ. ബട്ട്‌ള​റി​നാൽ നിർവ​ഹി​ക്ക​പ്പെട്ട വീക്ഷാ​ഗോ​പു​ര​ത്തി​ന്റെ ഒരു ഹ്രസ്വ​മായ അധ്യയ​ന​ത്തോ​ടെ ആരംഭി​ച്ചു. പിന്നീടു ന്യൂ​യോർക്കി​ലെ വാൾക്കി​ലി​ന​ടു​ത്തു സാക്ഷീ​ക​രി​ക്കു​ന്ന​തി​നി​ട​യിൽ ആസ്വദിച്ച സവി​ശേ​ഷ​ത​യാർന്ന ചില അനുഭ​വങ്ങൾ ബിരു​ദ​ധാ​രി​കൾ അവതരി​പ്പി​ച്ചു. പരിപാ​ടി നിസ്സം​ശ​യ​മാ​യും അവരെ ഗിലെ​യാ​ദി​ലേക്കു കൊണ്ടു​വന്ന സംഗതി​ക​ളി​ലൊ​ന്നു പ്രതി​ഫ​ലി​പ്പി​ച്ചു—വയൽശു​ശ്രൂ​ഷ​യോ​ടുള്ള അവരുടെ ആഴമായ സ്‌നേഹം.

വിദ്യാർഥി​ക​ളു​ടെ പരിപാ​ടി​യെ​ത്തു​ടർന്നു ഗിലെ​യാദ്‌ സ്‌ക്കൂ​ളി​ന്റെ 50 വർഷത്തെ അനുസ്‌മ​രി​പ്പി​ക്കാൻ തക്കവിധം വിശേ​ഷ​വ​ത്‌ക്ക​രി​ക്കുന്ന എന്തെങ്കി​ലും പ്രത്യേക പരിപാ​ടി​യു​ണ്ടാ​കു​മോ എന്നു സദസിലെ പലരും സംശയി​ക്കു​ന്നു​ണ്ടാ​യി​രു​ന്നു. അവർ നിരാ​ശ​രാ​യില്ല!—“ഗിലെ​യാദ്‌ സ്‌ക്കൂ​ളി​ന്റെ 50 വർഷം പുനര​വ​ലോ​കനം ചെയ്യൽ” എന്ന ശീർഷ​ക​ത്തോ​ടു​കൂ​ടിയ പിൻവ​രുന്ന ചതുരം കാണുക.

താൻ വിശ്വാ​സ​മു​ള്ള​വ​നും ദാർശ​നി​ക​നു​മായ ഒരാളാ​ണെന്നു നോർ സഹോ​ദരൻ അമ്പതു വർഷം​മു​മ്പു പ്രകട​മാ​ക്കി. ഗിലെ​യാദ്‌ സ്‌ക്കൂൾ വിജയം വരിക്കു​മെ​ന്നുള്ള അദ്ദേഹ​ത്തി​ന്റെ ബോധ്യം ആദ്യ സ്‌ക്കൂ​ളി​ന്റെ ഉത്‌ഘാ​ടന പ്രസം​ഗ​ത്തിൽ അദ്ദേഹം ഇപ്രകാ​രം പ്രസ്‌താ​വി​ച്ച​പ്പോൾ പ്രകട​മാ​യി: “ഒരു ‘സാക്ഷ്യ​ത്തി​ന്റെ കൂമ്പാരം’, അതിന്റെ പേരു​പോ​ലെ തന്നെ, ഈ സ്ഥലത്തു​നി​ന്നു ലോക​ത്തി​ന്റെ എല്ലാഭാ​ഗ​ത്തേ​ക്കും പുറ​പ്പെ​ടു​മെ​ന്നും അത്തരം സാക്ഷ്യം ദൈവ​ത്തി​ന്റെ​അ​ന​ശ്വ​ര​മായ മഹത്ത്വ​ത്തിന്‌ ഒരു സ്‌മാ​ര​ക​മാ​യി നില​കൊ​ള്ളു​മെ​ന്നും നാം വിശ്വ​സി​ക്കു​ന്നു. അവശ്യ സമയങ്ങ​ളി​ലെ​ല്ലാം അവിടു​ന്നു നിങ്ങളെ നടത്തു​ക​യും നയിക്കു​ക​യും ചെയ്യു​മെ​ന്ന​റി​ഞ്ഞു​കൊ​ണ്ടു, നിയമിത ശുശ്രൂ​ഷ​ക​രെ​ന്ന​നി​ല​യിൽ നിങ്ങൾ അത്യു​ന്ന​ത​നിൽ നിങ്ങളു​ടെ സമ്പൂർണ​മായ ആശ്രയ​മർപ്പി​ക്കു​ക​യും അവിടുന്ന്‌ അനു​ഗ്ര​ഹ​ത്തി​ന്റേ​യും ദൈവ​മാ​ണെന്ന്‌ അറിയു​ക​യും ചെയ്യും”.a

അമ്പതു വർഷത്തി​നു​ശേഷം ഗിലെ​യാദ്‌ സ്‌ക്കൂൾ ഇപ്പോ​ഴും കരുത്താർന്ന​താ​യി നിൽക്കു​ന്നു! തൊണ്ണൂ​റ​റി​നാ​ലാം ക്ലാസ്സിലെ ബിരു​ദ​ധാ​രി​കൾക്ക്‌ ഇപ്പോൾ തങ്ങൾക്കു മുമ്പേ ബിരു​ദ​ധാ​രി​ക​ളാ​യി​ത്തീർന്ന 6,500-ലധികം പേരെ അനുഗ​മി​ക്കു​ന്ന​തി​നുള്ള പദവി ഉണ്ട്‌. യഹോ​വ​യാം ദൈവ​ത്തി​ന്റെ മഹത്ത്വ​ത്തിന്‌ ഒരു സ്‌മാ​ര​ക​മാ​യി നിൽക്കാ​നുള്ള “സാക്ഷ്യ​ത്തി​ന്റെ കൂമ്പാരം” കുന്നു​കൂ​ട്ടു​ന്ന​തിൽ അവർ തങ്ങളുടെ ഭാഗം നിർവ​ഹി​ക്കു​മ്പോൾ അവർ അവരുടെ സമ്പൂർണ ആശ്രയം അത്യു​ന്ന​ത​നിൽ വെക്കട്ടെ.

[അടിക്കു​റിപ്പ്‌]

[25-ാം പേജിലെ ചതുരം]

ക്ലാസ്സിന്റെ സ്ഥിതി​വി​വ​ര​ക്ക​ണ​ക്കു​കൾ

വിദ്യാർഥികളുടെ മൊത്തം എണ്ണം: 48

പ്രതിനിധാനംചെയ്‌ത രാജ്യ​ങ്ങ​ളു​ടെ എണ്ണം: 5

നിയമിച്ചയക്കപ്പെട്ട രാജ്യ​ങ്ങ​ളു​ടെ എണ്ണം: 17

ശരാശരി പ്രായം: 32

സത്യത്തിലെ ശരാശരി വർഷം: 15.3

മുഴുസമയ ശുശ്രൂ​ഷ​യി​ലെ ശരാശരി വർഷം: 9.6

[26, 27 പേജു​ക​ളി​ലെ ചതുരം]

ഗിലെയാദ്‌ സ്‌ക്കൂ​ളി​ന്റെ 50 വർഷം പുനര​വ​ലോ​കനം ചെയ്യൽ

ഗിലെ​യാ​ദി​ന്റെ ചരി​ത്ര​ത്തി​ലേക്കു പിന്തി​രി​ഞ്ഞു​നോ​ക്കു​ന്ന​തിന്‌, അതുമാ​യി ബന്ധപ്പെട്ട ആദ്യ നാളു​ക​ളി​ലെ ബിരു​ദ​ധാ​രി​കൾ, അധ്യാ​പകർ, അതു സംഘടി​പ്പി​ക്കാൻ സഹായിച്ച മററു​ള്ളവർ എന്നിവ​രു​ടെ അനുഭ​വ​ങ്ങ​ളി​ലൂ​ടെ നോക്കു​ന്ന​തി​നെ​ക്കാൾ മെച്ചമായ വേറെ ഏതു മാർഗ​മാ​ണു​ള്ളത്‌? തിയോ​ഡർ ജാരസ്‌ നിർവ​ഹിച്ച “ഗിലെ​യാദ്‌ സ്‌ക്കൂ​ളി​ന്റെ 50 വർഷം പുനര​വ​ലോ​കനം ചെയ്യൽ” എന്ന ഭാഗം ശ്രദ്ധി​ച്ച​പ്പോൾ സദസ്യർ ആനന്ദഭ​രി​ത​രാ​യി.

സ്‌ക്കൂൾ സ്ഥാപി​ക്കു​ന്ന​തി​ലേക്കു നയിച്ച സാഹച​ര്യ​ങ്ങൾ എന്തെല്ലാ​മാ​യി​രു​ന്നു? അദ്ദേഹ​ത്തി​നും മററു രണ്ടു അധ്യാ​പ​കർക്കും സ്‌ക്കൂൾ സംഘടി​പ്പി​ക്കു​ന്ന​തി​നു വെറും നാലു മാസമാ​ണു നൽക​പ്പെ​ട്ടത്‌ എന്നു ഷ്രോഡർ സഹോ​ദരൻ വിശദീ​ക​രി​ച്ചു. “എന്നാൽ 1943 ഫെബ്രു​വരി 1 തിങ്കളാ​ഴ്‌ച്ച​യാ​യ​പ്പോ​ഴേ​ക്കും സമർപ്പ​ണ​ത്തി​നാ​യി ഞങ്ങൾ ഒരുങ്ങി​യി​രു​ന്നു.”

അയക്കപ്പെട്ട ആദ്യ മിഷന​റി​മാ​രെ സംബന്ധിച്ച്‌ അത്‌ എങ്ങനെ​യി​രു​ന്നു? ഹെൻഷൽ സഹോ​ദരൻ ഇങ്ങനെ അനുസ്‌മ​രി​ക്കു​ന്നു: “തങ്ങളോ​ടൊ​പ്പം കൊണ്ടു​പോ​ക​ണ​മെന്ന്‌ അവർ ആഗ്രഹിച്ച സാധനങ്ങൾ എല്ലാം നമ്മുടെ സൊ​സൈ​റ​റി​യു​ടെ ഷിപ്പിംഗ്‌ വിഭാഗം മരപ്പെ​ട്ടി​ക​ളിൽ അടുക്കി​ക്കെ​ട്ടി​കൊ​ടു​ത്തു. അവ ലക്ഷ്യസ്ഥാ​ന​ങ്ങ​ളിൽ എത്തിയ​പ്പോൾ അവർ അതു ശ്രദ്ധാ​പൂർവം തുറന്ന്‌ അവരുടെ സാധനങ്ങൾ പുറ​ത്തെ​ടു​ത്തു. എന്നിട്ട്‌ ആ മരപ്പെ​ട്ടി​കൾകൊ​ണ്ടു അവർ വീട്ടു​പ​ക​ര​ണങ്ങൾ ഉണ്ടാക്കി.” തുടർന്നു സൊ​സൈ​ററി മിതമാ​യി സജ്ജീക​രി​ക്ക​പ്പെട്ട മിഷനറി ഭവനങ്ങൾ ക്രമീ​ക​രി​ച്ചു​കൊ​ടു​ത്തു എന്ന്‌ അദ്ദേഹം കുറി​ക്കൊ​ണ്ടു.

പരിപാ​ടി​യിൽ അടുത്ത​താ​യി, ഇപ്പോൾ യു.എസ്‌. ബെഥേൽ കുടും​ബാം​ഗ​ങ്ങ​ളാ​യി​രി​ക്കുന്ന, ഗിലെ​യാ​ദി​ന്റെ ആദിമ ക്ലാസ്സു​ക​ളി​ലെ ചില ബിരു​ദ​ധാ​രി​കൾ തങ്ങളുടെ ഓർമ​ക​ളും വികാ​ര​ങ്ങ​ളും അനുഭ​വ​ങ്ങ​ളും പങ്കു​വെച്ചു. അവരുടെ വിവര​ണങ്ങൾ സത്യമാ​യും സദസ്യർ എല്ലാവർക്കും ഹൃദയ​സ്‌പർശി​യാ​യി​രു​ന്നു.

“ആദ്യ ക്ലാസ്സിൽ സംബന്ധി​ക്കാൻ ക്ഷണം കിട്ടി​യ​ശേഷം എന്റെ അമ്മക്ക്‌ അർബുദ ബാധയു​ള്ള​താ​യി ഞാൻ മനസ്സി​ലാ​ക്കി. എന്നാൽ 16 വയസ്സു​മു​തൽ പയനി​യ​റിംഗ്‌ നടത്തിയ ഒരുവ​ളാ​യി​രു​ന്ന​തി​നാൽ ക്ഷണം സ്വീക​രി​ക്കാൻ അമ്മ എന്നെ ശക്തമായി ഉപദേ​ശി​ച്ചു. തൻമൂലം സമ്മിശ്ര വികാ​ര​ങ്ങ​ളോ​ടും യഹോ​വ​യി​ലുള്ള ആശ്രയ​ത്തോ​ടും​കൂ​ടെ ഞാൻ സൗത്ത്‌ ലാൻസിം​ഗി​ലേക്കു യാത്ര​യാ​യി. ഗിലെ​യാദ്‌ പരിശീ​ലനം ഞാൻ പൂർണ​മാ​യി ആസ്വദി​ക്കു​ക​യും ആഴത്തിൽ മതിക്കു​ക​യും ചെയ്‌തു. എന്റെ ബിരു​ദ​ല​ബ്ധി​ക്കു​ശേഷം ഏതാനും നാളുകൾ കഴിഞ്ഞ​പ്പോൾ അമ്മയുടെ ഭൗമിക ജീവി​ത​ഗതി അവസാ​നി​ച്ചു.”—മെക്‌സി​ക്കോ​യി​ലും എൽസാൽവ​ഡോ​റി​ലും സേവിച്ച ഷാർല​ററ്‌ ഷ്രൂഡർ.

“ഞാൻ ജീവി​ച്ചി​രുന്ന ഭൂമി​യു​ടെ ഭാഗത്ത്‌ എന്റെ കാര്യ​ത്തിൽ യഹോവ ശ്രദ്ധ പ്രകട​മാ​ക്കി​യ​തു​കൊ​ണ്ടു ഞാൻ എവിടെ പോയാ​ലും അപ്പോ​ഴും അവിടം യഹോ​വ​യു​ടെ ഭൂമി​ത​ന്നെ​യെ​ന്നും അവിടുന്ന്‌ എന്നെ പരിര​ക്ഷി​ക്കു​മെ​ന്നും ഞാൻ കരുതി​പ്പോ​ന്നു. അതു​കൊ​ണ്ടു പ്രഥമ ക്ലാസ്സി​ലേ​ക്കുള്ള ക്ഷണം സ്വീക​രി​ക്കാൻ ഞാൻ വളരെ സന്തുഷ്ട​യാ​യി​രു​ന്നു.” മെക്‌സി​ക്കോ​യി​ലും എൽസാൽവ​ഡോ​റി​ലും സേവിച്ച ജൂലിയ വിൽഡ്‌മൻ.

“അത്‌ അത്ഭുത​ക​ര​മാ​യി​രു​ന്നു! വാതിൽ തോറും ഞങ്ങൾക്കു സംസാ​രി​ക്കാൻ കഴിഞ്ഞു. ആദ്യ മാസത്തിൽ ഞാൻ 107 പുസ്‌ത​കങ്ങൾ സമർപ്പി​ക്കു​ക​യും 19 ബൈബിൾ അധ്യയ​നങ്ങൾ നടത്തു​ക​യും ചെയ്‌തു. രണ്ടാം മാസം എനിക്ക്‌ 28 ബൈബിൾ അധ്യയ​നങ്ങൾ ഉണ്ടായി​രു​ന്നു. നിശ്ചയ​മാ​യും ഞങ്ങൾ ഇണങ്ങി​ച്ചേ​രേണ്ട ചില സംഗതി​ക​ളു​ണ്ടാ​യി​രു​ന്നു—ഉഷ്‌ണം, ഈർപ്പം, മൂട്ട എന്നിവ​യു​മാ​യി​ത്തന്നെ. എന്നാൽ അവിടെ ആയിരി​ക്കു​ക​യെ​ന്നത്‌ ഒരു അത്ഭുത​ക​ര​മായ പദവി​യാ​യി​രു​ന്നു. എന്നും ഞാൻ താലോ​ലി​ക്കുന്ന ഒന്നാണത്‌.”—ക്യൂബ​യി​ലെ തന്റെ നിയമ​ന​ത്തെ​ക്കു​റി​ച്ചു രണ്ടാമത്തെ ക്ലാസ്സിലെ മേരി ആഡംസ്‌.

“കാലാ​വ​സ്ഥ​യാ​യി​രു​ന്നു അലാസ്‌ക​യിൽ ഞങ്ങൾക്കു പോരാ​ടേ​ണ്ടി​വന്ന വലിയ തടസ്സങ്ങ​ളിൽ ഒന്ന്‌. വടക്കു വളരെ വളരെ ശൈത്യ​മാ​യി​രു​ന്നു. താപനില പൂജ്യം ഫാരൻഹീ​റ​റി​നു താഴേക്ക്‌ 60 ഡിഗ്രി​യോ​ള​വും അതിലും തണുപ്പു​ള്ള​തും ആകുമാ​യി​രു​ന്നു. ദക്ഷിണ അലാസ്‌ക​യി​ലെ ഇന്ത്യൻ ഗ്രാമ​ങ്ങ​ളി​ലേ​ക്കും ഒററപ്പെട്ട ചെറു​പ്ര​ദേ​ശ​ങ്ങ​ളി​ലേ​ക്കും ബോട്ടി​ലോ വിമാ​ന​ത്തി​ലോ പോക​ണ​മാ​യി​രു​ന്നു.”—മൂന്നാ​മത്തെ ക്ലാസ്സിലെ ജോൺ എറി​കെ​ററീ.

“ആത്മീയ​മാ​യി ഞങ്ങളെ ബലിഷ്‌ഠ​മാ​ക്കാ​നും അത്ഭുത​പൂർവ​മാ​യി ഞങ്ങൾക്ക്‌ ഒരു ജീവി​ത​ഗതി കാണി​ച്ചു​ത​രാ​നും യഹോ​വ​യിൽനിന്ന്‌ അവിടു​ത്തെ സ്ഥാപനം മുഖാ​ന്ത​ര​മുള്ള ഒരു ക്ഷണമാ​യി​രു​ന്നു ഗിലെ​യാദ്‌.”—അയർലൻഡിൽ സേവിച്ച 11-ാമത്തെ ക്ലാസ്സിലെ മിൽഡ്രഡ്‌ ബാർ.

കൂടുതൽ രസകര​മായ അഭിമു​ഖ​ങ്ങ​ളും അരങ്ങേറി—ലൂസീൽ ഹെൻഷൽ (വെനെ​സ്വേ​ല​യിൽ സേവിച്ച 14-ാമത്തെ ക്ലാസ്സു​കാ​രി), മാർഗാ​രേ​ററാ ക്ലീൻ (ബൊളീ​വ​യിൽ സേവിച്ച 20-ാമത്തെ ക്ലാസ്സു​കാ​രി), ലൂസീൽ കോൾട്രപ്‌ (പെറു​വിൽ സേവിച്ച 24-ാമത്തെ ക്ലാസ്സു​കാ​രി), ലറെയ്‌ൻ വാലൻ (ബ്രസ്സീ​ലിൽ സേവിച്ച 27-ാമത്തെ ക്ലാസ്സു​കാ​രി), വില്യ​മും സാഡ്രാ മലൻഫോണ്ട്‌ (മൊ​റോ​ക്കോ​യിൽ സേവിച്ച 34-ാമത്തെ ക്ലാസ്സു​കാർ), ഗെരററ്‌ ലോഷ്‌ (ആസ്‌ട്രി​യാ​യിൽ സേവിച്ച 41-ാമത്തെ ക്ലാസ്സു​കാ​രൻ), ഡേവിഡ്‌ സ്‌പാൻ (സെനെ​ഗ​ലിൽ സേവിച്ച 42-ാമത്തെ ക്ലാസ്സു​കാ​രൻ).

അധ്യാ​പ​ക​രാ​യി സേവിച്ച സഹോ​ദ​രൻമാ​രെ സംബന്ധി​ച്ചെന്ത്‌? അവരിൽ പലരു​മാ​യും അഭിമു​ഖം നടത്തി—റസ്സൽ കേഴ്‌സൺ, കാൾ ആഡംസ്‌, ഹരോൾഡ്‌ ജാക്‌സൺ, ഫ്രഡ്‌ റസ്‌ക്‌, ഹാരി പെലോ​യൻ, ജാക്ക്‌ റെഡ്‌ഫോഡ്‌, യുളി​സ്സസ്‌ ഗ്ലാസ്‌. ഇന്നേ ദിവസം​വരെ അതെങ്ങനെ തങ്ങളുടെ ജീവി​തത്തെ ബാധി​ച്ചി​രി​ക്കു​ന്നു എന്നു വിവരി​ച്ചു​കൊണ്ട്‌ അവർ തങ്ങളുടെ പദവി​ക​ളി​ലേക്ക്‌ പിന്തി​രി​ഞ്ഞു​നോ​ക്കി.

ജപ്പാനിൽ സേവന​മ​നു​ഷ്‌ഠിച്ച ലോയ്‌ഡ്‌ ബാരി ഗിലെ​യാ​ദിൽ പരിശീ​ലി​പ്പി​ക്ക​പ്പെട്ട മിഷന​റി​മാ​രു​ടെ കാര്യ​ക്ഷ​മ​തക്കു പുളക​പ്ര​ദ​മായ സാക്ഷ്യം നൽകി. അവി​ടേക്കു 1949-ൽ 15 മിഷന​റി​മാ​രെ അയച്ച​പ്പോൾ ജപ്പാനിൽ ആകമാനം 10-ൽ കുറഞ്ഞ പ്രസാ​ധ​കരേ ഉണ്ടായി​രു​ന്നു​ള്ളൂ. എന്നാൽ 44 കൊല്ല​ങ്ങൾക്കു​ശേഷം ആ രാജ്യത്ത്‌ 1,75,000 രാജ്യ​പ്ര​ഘോ​ഷ​ക​രാ​യി അത്‌ ഉയർന്നു! നൂററി​യി​രു​പ​ത്തഞ്ചു വ്യക്തി​കളെ സമർപ്പ​ണ​ത്തി​ന്റെ​യും സ്‌നാ​പ​ന​ത്തി​ന്റെ​യും പടിയി​ലേക്ക്‌ എത്താൻ സഹായിച്ച, 45 വർഷം പനാമ​യി​ലാ​യി​രുന്ന ഒരു മിഷനറി സഹോ​ദ​രി​യു​ടേ​തുൾപ്പെടെ ആളുകളെ സത്യത്തി​ലേക്ക്‌ ആനയി​ക്കു​ന്ന​തിൽ മിഷന​റി​മാർക്കു​ണ്ടായ സവി​ശേ​ഷ​മായ വിജയ​ത്തെ​ക്കു​റി​ച്ചു റോബർട്ട്‌ വാലെൻ പിന്നീടു പറഞ്ഞു.

സദസി​ലു​ണ്ടാ​യി​രുന്ന എല്ലാ ഗിലെ​യാദ്‌ ബിരു​ദ​ധാ​രി​ക​ളേ​യും സ്‌റേ​റ​ജി​ലേക്കു വരാൻ ക്ഷണിച്ച​പ്പോൾ മുഴു​പ​രി​പാ​ടി​യു​ടെ​യും പാരമ്യം എത്തി. വാസ്‌ത​വ​ത്തിൽ അതൊരു ഹൃദയ​സ്‌പർശി​യായ നിമി​ഷ​മാ​യി​രു​ന്നു. സഹോ​ദ​രീ​സ​ഹോ​ദ​രൻമാ​രു​ടെ നിരന്തര പ്രവാഹം—സന്ദർശ​ക​രായ ബിരു​ദ​ധാ​രി​ക​ളെ​ക്കൂ​ടാ​തെ ബെഥേൽ കുടും​ബ​ത്തി​ലെ 89 പേർ—ഹാളിന്റെ ഇടപ്പാ​ത​ക​ളി​ലൂ​ടെ സ്‌റേ​റ​ജി​ലേക്കു നടന്നു നീങ്ങി. വർഷങ്ങ​ളാ​യി അധ്യാ​പ​ക​രാ​യി സേവിച്ച സഹോ​ദ​രൻമാ​രും 94-ാമത്തെ ക്ലാസ്സു​കാ​രും അവരോ​ടു​കൂ​ടെ ചേർന്നു—ആകെ 160-ഓളം പേർ!

“വിദേ​ശ​നാ​ടു​ക​ളി​ലേക്കു മിഷന​റി​മാ​രെ പരിശീ​ലി​പ്പി​ക്കു​ന്ന​തിൽ ഗിലെ​യാദ്‌ സ്‌ക്കൂ​ളി​ന്റെ വേലക്കു നിശ്ചിത വിജയ​മു​ണ്ടാ​യി​ട്ടു​ണ്ടോ?” എന്നു ജാരക്‌സ്‌ സഹോ​ദരൻ ചോദി​ച്ചു. “കഴിഞ്ഞ 50 വർഷത്തെ തെളിവ്‌ ഇടിമു​ഴ​ങ്ങും​വി​ധ​മുള്ള ഒരു ഉവ്വ്‌ തന്നെയാണ്‌.”

[25-ാം പേജിലെ ചിത്രം]

വാച്ച്‌ ടവർ ഗിലെ​യാദ്‌ ബൈബിൾ സ്‌ക്കൂ​ളി​ന്റെ ബിരുദം നേടുന്ന 94-ാമത്തെ ക്ലാസ്സ്‌

ചുവടെ ചേർത്തി​രി​ക്കുന്ന ലിസ്‌റ​റിൽ, നിരകൾ മുമ്പിൽനി​ന്നു പിമ്പി​ലേക്ക്‌ എണ്ണുന്നു. പേരുകൾ ഓരോ നിരയി​ലും ഇടത്തു​നി​ന്നു വലത്തോ​ട്ടു പട്ടിക​പ്പെ​ടു​ത്തി​യി​രി​ക്കു​ന്നു.

(1) ഡി ലാ ഗാർസാ സി.; ബോർഗ്‌ ഇ.; അര്യാഗാ ഇ.; ചു ഇ.; പർവിസ്‌ ഡി.; ഫോസ്‌ബെറി എ.; ഡെൽഗാ​ഡോ എ.; ഡ്രേഷർ എൽ.; (2) സ്‌കോട്ട്‌ വി.; ഫ്രീഡ്‌ലെൻഡ്‌ എൽ.; കെട്ടൂളാ എസ്‌.; കോപ്‌ലൊൻഡ്‌ ഡി.; അര്യാഗാ ജെ.; റൈറഡാ ജെ.; ഓൾസൺ ഇ.; വീഡെ​ഗ്രേൻ എസ്‌.; (3) ഡെൽഗാ​ഡോ എഫ്‌.; കീഗൻ എസ്‌.; ലേനനെൻ എ.; ഫിനിഗൻ ഇ.; ഫോസ്‌ബെറി എഫ്‌.; ഹോൾബ്രുക്ക്‌ ജെ.; ബർഗ്ലണ്ട്‌ എ.; ജോൺസ്‌ പി.; (4) വാട്‌സൺ ബി.; ഫ്രിയാസ്‌ സി.; ചു ബി.; ഹോൾബ്രൂക്ക്‌ ജെ.; പർവിസ്‌ ജെ.; ഫിനിഗൻ എസ്‌.; ജോൺസ്‌ എ.; കൂച്ചിയാ എം.; (5) സ്‌കോട്ട്‌ ജി.; കോപ്‌ലാൻഡ്‌ ഡി.; ഡ്രേഷർ ബി.; ഡി ലാ ഗാർസാ ആർ.; ലേനനെൻ ഐ.; കീഗൻ ഡി.; വാട്‌സൺ ററി.; കെട്ടൂള എം.; വീഡെ​ഗ്രൻ ജെ.; ബോർഗ്‌ എസ്‌.; കൂച്ചിയാ എൽ.; ബർഗ്ലണ്ട്‌ എ.; ഓൾസൺ ബി.; ഫ്രിയാസ്‌ ജെ.; ഫ്രീഡ്‌ലൻഡ്‌ ററി.; റൈറഡാ പി.