യഹോ​വയെ സേവി​ക്കാൻ ദൃഢചി​ത്തർ!

“പ്രസം​ഗ​വേ​ലക്കു പോകണ്ടാ!” “നിന്റെ ആൾക്കാർ ആരും ഇവിടെ വരേണ്ടാ!” എതിർപ്പു പ്രകടി​പ്പി​ക്കുന്ന തങ്ങളുടെ ഭർത്താ​ക്കൻമാ​രിൽനിന്ന്‌ ഇവയും സമാന​മായ മററു പറച്ചി​ലു​ക​ളും കേൾക്കു​ന്ന​വ​രാ​ണു പല ക്രിസ്‌തീയ സ്‌ത്രീ​ക​ളും. എന്നാൽ ഇപ്പറഞ്ഞ പുരു​ഷൻമാർ സായു​ധ​സേ​ന​യിൽ സേവി​ക്കു​ന്ന​വ​രാ​കു​മ്പോൾ അവരുടെ ഭാര്യ​മാർ തങ്ങളുടെ വിശ്വാ​സം സംബന്ധി​ച്ചു ചില പ്രത്യേക വെല്ലു​വി​ളി​കളെ നേരി​ടു​ന്നു. (യെശയ്യാ​വു 2:4; യോഹ​ന്നാൻ 17:16) അപ്പോൾ, അത്തരം ക്രിസ്‌തീയ ഭാര്യ​മാർക്ക്‌ ആത്മീയ​മാ​യി കരുത്തു​ള്ള​വ​രാ​യും രാജ്യ​സേ​വ​ന​ത്തിൽ സജീവ​മാ​യും നില​കൊ​ള്ളാൻ എങ്ങനെ കഴിയും?

വ്യക്തി​പ​ര​മാ​യ ദൃഢനി​ശ്ച​യ​ത്തോ​ടൊ​പ്പം യഹോ​വ​യാം ദൈവ​ത്തോ​ടുള്ള വിശ്വ​സ്‌ത​ത​യാണ്‌ അവരെ അനവരതം പ്രവർത്തി​ക്കാൻ സഹായി​ക്കു​ന്നത്‌. ഒരു സൈനി​കന്റെ ഭാര്യ​യായ ഇവോൺ ഇങ്ങനെ വിശദീ​ക​രി​ക്കു​ന്നു: “എന്റെതന്നെ ദൃഢനി​ശ്ച​യ​മാ​യി​രു​ന്നു എന്നാണ്‌ എനിക്കു തോന്നു​ന്നത്‌. എന്റെ ഭർത്താ​വി​ന്റെ എതിർപ്പി​നെ തരണം ചെയ്യാൻ എന്തെങ്കി​ലും ഒരു മാർഗം ഇല്ലാതി​രി​ക്കില്ല എന്ന്‌ എനിക്ക്‌ അറിയാ​മാ​യി​രു​ന്നു.” അതേ, തീർച്ച​യാ​യും ഉണ്ടായി​രു​ന്നു.

ഒരു സൈനിക ഓഫീ​സറെ വിവാഹം ചെയ്‌തി​രി​ക്കുന്ന മറെറാ​രു ക്രിസ്‌തീയ സ്‌ത്രീ, തന്റെ നിശ്ചയി​ച്ചു​റ​ച്ചുള്ള നിലപാ​ടു ഭർത്താ​വി​ന്റെ ജീവിതം സുഗമ​മാ​ക്കി​ത്തീർക്കു​ക​പോ​ലും ചെയ്‌തി​രി​ക്കുന്ന വിധം വിവരി​ക്കു​ന്നു. “സ്വന്തം പട്ടിക​യോ​ടൊ​പ്പം അദ്ദേഹ​ത്തിന്‌ എന്റെ പട്ടിക​യും അറിയാം, സൈനി​കർ അതു വിലമ​തി​ക്കു​ന്നു,” എന്ന്‌ അവൾ വിശദീ​ക​രി​ക്കു​ന്നു. എന്നുവ​രി​കി​ലും, യഹോ​വ​ക്കുള്ള അവളുടെ തുടർന്നുള്ള സേവനം എളുപ്പ​മു​ള്ളതല്ല.

ഏകാന്ത​തയെ മറിക​ട​ക്കൽ

പെട്ടെ​ന്നുള്ള അറിയി​പ്പി​നെ​ത്തു​ടർന്നു ദൂരേക്കു സ്ഥലംമാ​ററം കിട്ടി പോകുന്ന ഭർത്താ​വി​നെ അനുഗ​മി​ക്കുക എന്ന വെല്ലു​വി​ളി​യെ കൂടെ​ക്കൂ​ടെ അഭിമു​ഖീ​ക​രി​ക്കേ​ണ്ടി​വ​രു​ന്ന​വ​രാണ്‌ സൈനി​ക​രു​ടെ ഭാര്യ​മാർ. ഇനി, അപരി​ചി​ത​മായ ചുററു​പാ​ടു​ക​ളിൽ എത്തിക്ക​ഴി​ഞ്ഞാ​ലോ ഒററ​പ്പെട്ടു എന്നൊരു തോന്നൽ അവരെ എളുപ്പം പിടി​കൂ​ടു​ന്നു. പക്ഷേ ഇത്‌ അങ്ങനെ ആകണ​മെ​ന്നില്ല. യഹോ​വയെ സേവി​ക്കു​ന്ന​വർക്ക്‌ ഒരു പ്രയോ​ജ​ന​മുണ്ട്‌. എന്താണത്‌? ക്രിസ്‌തീയ അപ്പോ​സ്‌ത​ല​നായ പത്രോസ്‌ പറയു​ന്ന​ത​നു​സ​രിച്ച്‌, അതു “സഹോ​ദ​ര​വർഗ്ഗ”മാണ്‌. 231 രാജ്യ​ങ്ങ​ളി​ലാ​യി ഇപ്പോൾ ലക്ഷങ്ങൾ വരുന്ന യഹോ​വ​യു​ടെ സാക്ഷികൾ ഒരു ബൃഹത്തായ ക്രിസ്‌തീയ കുടും​ബ​മാ​യി, ഒരു “സഹോ​ദ​ര​വർഗ്ഗ”മായി വർത്തി​ക്കു​ന്നു. അവർ എല്ലായി​ട​ത്തും​ത​ന്നെ​യുണ്ട്‌.—1 പത്രോസ്‌ 2:17, NW, അടിക്കു​റിപ്പ്‌.

നിനെ​ച്ചി​രി​ക്കാ​ത്ത നേരത്തു സൂസനു തന്റെ വീടും പരിസ​ര​വും വിട്ട്‌, തന്റെ ഭർത്താ​വി​ന്റെ നിയമ​ന​സ്ഥ​ല​മായ ഒരു വ്യോ​മ​സേ​നാ​ത്താ​വ​ള​ത്തിൽ വന്നു പാർക്കേ​ണ്ടി​വന്നു. വിശ്വാ​സ​ത്തിൽ പുതി​യ​വ​ളും ക്രിസ്‌തീയ ശുശ്രൂ​ഷ​യിൽ പങ്കുപ​റ​റു​ന്നതു നിർത്താൻ ആവശ്യ​പ്പെ​ടുന്ന ഭർത്താ​വു​ള്ള​വ​ളു​മായ സൂസൻ വിവരി​ക്കു​ന്നു: “ഞാൻ എത്രയും പെട്ടെന്നു പ്രാ​ദേ​ശിക യോഗ​ങ്ങൾക്കു പോയി, എനിക്ക്‌ അവിടെ ഇരുന്നു മററു സഹോ​ദ​രി​മാ​രു​മാ​യി സംസാ​രി​ക്കാൻ കഴിഞ്ഞു. നിലനിൽക്കാൻ എന്നെ സഹായി​ച്ചത്‌ ഈ സഹവാ​സ​മാ​ണെന്ന്‌ എനിക്കു സത്യമാ​യും പറയാ​നാ​വും.”

ചില​പ്പോൾ ഏകാന്തത വിഷാദം വരുത്തു​ന്നു. അപ്പോ​ഴും, സ്വീകാ​ര്യ​മായ ഒരു മോചനം സുവാർത്ത പ്രദാനം ചെയ്യും. വിദേ​ശ​നി​യ​മനം ലഭിച്ച ഭർത്താ​വി​നോ​ടൊ​പ്പം പോ​കേ​ണ്ടി​വന്ന, ഇംഗ്ലണ്ടിൽനി​ന്നുള്ള ഗ്ലെനിസ്‌ സഹോ​ദരി ഇങ്ങനെ വിവരി​ക്കു​ന്നു: “വിഷാ​ദ​ത്തി​ലാ​ണ്ടി​രുന്ന എനിക്ക്‌ അപ്രതീ​ക്ഷി​ത​മാ​യി ഒരു പഴയ സുഹൃ​ത്തി​ന്റെ കത്തു കിട്ടി. താൻ യഹോ​വ​യു​ടെ സാക്ഷി​ക​ളിൽ ഒരുവ​ളാ​യി ഈയിടെ സ്‌നാ​പ​ന​മേ​ററു എന്ന്‌ അറിയി​ക്കാ​നാ​യി​രു​ന്നു അത്‌. അവളു​മാ​യുള്ള പരിചയം ഞാൻതന്നെ മുമ്പു സൈന്യ​ത്തി​ലാ​യി​രു​ന്ന​പ്പോൾ തുടങ്ങി​യ​താണ്‌. അവളുടെ ആ എഴുത്ത്‌ തക്കസമ​യ​ത്തുള്ള ഒരു പ്രോ​ത്സാ​ഹ​ന​മാ​യി​രു​ന്നു.”

ഭർത്താ​വി​നോ​ടൊ​പ്പം കെനി​യ​യി​ലേക്കു യാത്ര​ചെയ്‌ത ജയ്‌നി​നു ക്രിസ്‌തീയ യോഗങ്ങൾ അനുഭ​വ​പ്പെ​ട്ടത്‌ ഒരു ജീവനാ​ഡി​പോ​ലെ ആയിരു​ന്നു, യോഗം നടത്ത​പ്പെ​ട്ടി​രു​ന്നത്‌ അവൾക്കു മനസ്സി​ലാ​കാത്ത ഭാഷയി​ലാ​യി​രു​ന്നി​ട്ടും. “ഞാൻ ഇവിടെ ആയിരി​ക്കാ​നാ​ണു യഹോവ ആഗ്രഹി​ക്കു​ന്ന​തെന്ന്‌ എനിക്ക​റി​യാ​മാ​യി​രു​ന്നു” എന്ന്‌ അവൾ വിശദീ​ക​രി​ക്കു​ന്നു. “ഞാൻ എന്റെ ആത്മീയ സഹോ​ദ​ര​ങ്ങ​ളോ​ടു​കൂ​ടെ ആയിരു​ന്നു, അവർ ഒരു ടോണി​ക്കു​പോ​ലെ ആയിരു​ന്നു. കാരണം അവർ എനിക്കു സ്വാഗ​ത​മേകി, ഞങ്ങൾ ഒരു കുടും​ബം​പോ​ലെ ആയിരു​ന്നു.”

മുമ്പൊ​രി​ക്ക​ലും അറിഞ്ഞി​ട്ടു​പോ​ലു​മി​ല്ലാത്ത ആത്മീയ ബന്ധുമി​ത്രാ​ദി​കളെ കണ്ടെത്തിയ ഇത്തരം സാഹച​ര്യ​ത്തി​ലുള്ള അനേക​രിൽ കേവലം ഒരുവൾ മാത്ര​മാ​ണു ജയ്‌ൻ!—മർക്കൊസ്‌ 10:29, 30.

എതിർപ്പിൻമു​മ്പിൽ സ്ഥിരത​യോ​ടെ

“ഞാൻ ഭൂമി​യിൽ സമാധാ​നം വരുത്തു​വാൻ വന്നു എന്നു നിരൂ​പി​ക്ക​രു​തു; സമാധാ​നം അല്ല, വാൾ അത്രേ വരുത്തു​വാൻ ഞാൻ വന്നതു” എന്നാണു യേശു മുന്നറി​യി​പ്പു നൽകി​യത്‌. (മത്തായി 10:34) എന്തായി​രു​ന്നു അവിടുന്ന്‌ അർഥമാ​ക്കി​യത്‌? സമാധാ​നം ഉണ്ടെന്നു കരുത​പ്പെ​ടുന്ന ഒരു കുടും​ബ​ത്തിൽപോ​ലും “വാളിന്റെ പെട്ടെ​ന്നുള്ള ഒരു ചുഴററൽ” ഉണ്ടാ​യേ​ക്കാം എന്ന്‌ എ. ററി. റോ​ബേ​ഴ്‌സൺ വേർഡ്‌ പിക്‌ച്ചേ​ഴ്‌സ്‌ ഇൻ ദ ന്യൂ ടെസ്‌റ​റ​മെൻറിൽ അഭി​പ്രാ​യ​പ്പെ​ടു​ന്നു. “മമനു​ഷ്യ​ന്റെ വീട്ടു​കാർ തന്നേ അവന്റെ ശത്രുക്കൾ ആകും” എന്നു യേശു ചൂണ്ടി​ക്കാ​ട്ടി. (മത്തായി 10:36) ഒരു വിവാ​ഹിത ഇണ സത്യത്തെ എതിർക്കു​മ്പോൾ ഈ വാക്കുകൾ എത്ര സത്യ​മെന്നു തെളി​യു​ന്നു!

ഡയാൻ യഹോ​വ​യു​ടെ സാക്ഷി​ക​ളോ​ടൊ​പ്പം ബൈബിൾ പഠിക്കാൻ തുടങ്ങി​യ​പ്പോൾ വ്യോ​മ​സേ​ന​യി​ലെ ഒരു ഓഫീ​സ​റായ അവളുടെ ഭർത്താ​വിന്‌ അതു കടുത്ത നീരസ​ത്തി​നു കാരണ​മാ​യി. ഇതുമൂ​ലം അവരുടെ വിവാഹ ജീവി​ത​ത്തിന്‌ എന്തുപ​ററി? ഡയാൻ അതിനെ വിശദീ​ക​രി​ക്കു​ന്നത്‌ ഇങ്ങനെ​യാണ്‌: “ഞങ്ങൾക്കി​ട​യിൽ വലി​യൊ​രു ഐസുകട്ട വന്നു​പെ​ട്ട​തു​പോ​ലെ​യാ​യി അത്‌. സന്തുഷ്ട വിവാ​ഹ​ജീ​വി​ത​മാ​യി​രു​ന്നു ഞങ്ങളു​ടേത്‌. പെട്ടെ​ന്നു​തന്നെ ഞങ്ങൾ ഒരു വീട്ടിൽ കേവലം കഴിഞ്ഞു​കൂ​ടി പോകു​ന്ന​വ​രാ​യി.” എന്നിട്ട്‌, അവൾ അതിനെ എങ്ങനെ​യാ​ണു നേരി​ട്ടത്‌? “യഹോ​വ​യിൽനി​ന്നും അവിടു​ത്തെ ആത്മാവിൽനി​ന്നു​മുള്ള സഹായ​ത്തോ​ടൊ​പ്പം വ്യക്തി​പ​ര​മായ ബോധ്യ​വും ദൃഢനി​ശ്ച​യ​വു​മാ​യി​രു​ന്നു മുഖ്യ​മാ​യി​രു​ന്നത്‌.” ബൈബിൾദൃ​ഷ്ടാ​ന്ത​മായ ദാനി​യേൽ പ്രവാ​ച​കന്റെ മാതൃ​ക​യാ​ണു ഡയാൻ ഗൗരവ​മാ​യി എടുത്തത്‌.

ബാബി​ലോ​നി​ലേക്കു നാടു​ക​ട​ത്ത​പ്പെട്ട്‌ ദൈവ​ദാ​സൻമാർക്കു സ്വീകാ​ര്യ​മ​ല്ലാത്ത ഭക്ഷണം നൽക​പ്പെ​ട്ട​പ്പോൾ ദാനി​യേൽ “രാജാ​വി​ന്റെ വിശി​ഷ്ടാ​ന്നം​കൊ​ണ്ടു താൻ തന്നേത്താൻ മലിന​മാ​ക്കു​ക​യി​ല്ലെന്നു ഹൃദയ​ത്തിൽ ദൃഢനി​ശ്ചയം ചെയ്‌തു.” അതേ, ദാനി​യേൽ ബോധ​പൂർവ​ക​മായ ഒരു തീരു​മാ​ന​മെ​ടു​ത്തു. ആ ഭക്ഷണം കഴിച്ചു തന്നേത്തന്നെ ഒരിക്ക​ലും മലിന​മാ​ക്കാ​തി​രി​ക്കാൻ അദ്ദേഹം ഹൃദയ​ത്തിൽ ഉറച്ച തീരു​മാ​നം കൈ​ക്കൊ​ണ്ടി​രു​ന്നു. “താൻ തന്നേത്തന്നെ മലിന​മാ​ക്കു​ക​യി​ല്ലെന്നു പ്രധാന ഷണ്ഡാധി​പ​നോ​ടു യാചി​ച്ചു​കൊ​ണ്ടേ​യി​രുന്ന”പ്പോൾ എന്തൊരു ഉൾക്കരു​ത്താണ്‌ അദ്ദേഹം പ്രകടി​പ്പി​ച്ചത്‌! ഫലമോ? അദ്ദേഹ​ത്തി​ന്റെ ഉറച്ച നിലപാ​ടി​നെ യഹോവ അനു​ഗ്ര​ഹി​ച്ചു.—ദാനി​യേൽ 1:8, 9, 17, NW.

അതു​പോ​ലെ, ഇന്ന്‌ എതിർപ്പു​പ്ര​ക​ടി​പ്പി​ക്കുന്ന ഒരു ഭർത്താവ്‌ ഭാര്യ​യോ​ടു സഭാ​യോ​ഗ​ങ്ങൾക്കു പോകു​ന്നതു നിർത്താൻ ആവശ്യ​പ്പെ​ട്ടേ​ക്കാം. അവൾ എങ്ങനെ​യാ​ണു പ്രതി​ക​രി​ക്കേ​ണ്ടത്‌? ഇതു​പോ​ലൊ​രു സാഹച​ര്യ​ത്തി​ലായ ജയ്‌ൻ ഇങ്ങനെ വിശദീ​ക​രി​ക്കു​ന്നു: “സമ്മർദം​കൊണ്ട്‌ ഒരിക്ക​ലും ഞാൻ പിൻവാ​ങ്ങി​യില്ല. വിട്ടു​വീഴ്‌ച ചെയ്യാ​വു​ന്നതല്ല എന്ന്‌ എനിക്ക്‌ അറിയാ​മാ​യി​രു​ന്നു. യോഗങ്ങൾ എനിക്ക്‌ എത്രമാ​ത്രം പ്രധാ​ന​മാ​ണെന്നു ഞാൻ പ്രകടി​പ്പി​ക്ക​ണ​മാ​യി​രു​ന്നു.” അവൾ യോഗ​ങ്ങൾക്കു മുടക്കം​കൂ​ടാ​തെ ഹാജരാ​യ​പ്പോൾ അവളുടെ ദൃഢനി​ശ്ച​യത്തെ യഹോവ അനു​ഗ്ര​ഹി​ച്ചു.

“ഞാൻ യോഗ​ങ്ങൾക്കു പോകു​ന്നതു തടയാൻ എന്റെ ഭർത്താവ്‌ ശ്രമി​ക്കു​ക​യു​ണ്ടാ​യി, എന്നാൽ അങ്ങനെ അധികം നാള​ത്തേ​ക്കു​ണ്ടാ​യില്ല” എന്നു ഗ്ലെനിസ്‌ പറയുന്നു. “അപ്പോ​ഴും ഞാൻ പോയി. ഞാൻ വീട്ടിൽ തിരി​ച്ചെ​ത്തു​മ്പോൾ അദ്ദേഹം എന്നെ ചില​പ്പോ​ഴൊ​ക്കെ മർദി​ക്കു​മാ​യി​രു​ന്നു, മററു ചില​പ്പോ​ഴാ​കട്ടെ, ഒരക്ഷരം​പോ​ലും സംസാ​രി​ക്കില്ല.” എന്നിട്ടും തുടർച്ച​യായ പ്രാർഥ​ന​യി​ലൂ​ടെ അവൾ അതിനെ നേരിട്ടു. അതിനും​പു​റമേ, സഭാമൂ​പ്പൻമാ​രിൽ രണ്ടുപേർ അവളോ​ടൊ​പ്പം നിരന്തരം പ്രാർഥി​ക്കു​മാ​യി​രു​ന്നു, അതു സഭാ​യോ​ഗ​ങ്ങ​ളിൽ മുടങ്ങാ​തെ സംബന്ധി​ക്കാൻ അവളെ അത്യധി​കം പ്രോ​ത്സാ​ഹി​പ്പി​ച്ചു.—യാക്കോബ്‌ 5:13-15; 1 പത്രൊസ്‌ 2:23.

ചില​പ്പോൾ, സുവാർത്ത പ്രസം​ഗി​ക്കു​ന്ന​തിൽനി​ന്നു ഭാര്യയെ പിന്തി​രി​പ്പി​ക്ക​ണ​മെന്നു ഭർത്താവിന്റെ​മേൽ മേലു​ദ്യോ​ഗസ്ഥർ സമ്മർദം ചെലു​ത്തി​യേ​ക്കാം. തന്റെ മുൻഗ​ണ​നകൾ എന്തൊ​ക്കെ​യാ​ണെന്നു ഭർത്താ​വി​നു വ്യക്തമാ​ക്കി​ക്കൊ​ടു​ക്കേ​ണ്ട​തു​ണ്ടാ​യി​രു​ന്നു എന്നു ഡയാനി​നു തോന്നി. “തുടർന്നും പ്രസം​ഗി​ച്ചാ​ലു​ണ്ടാ​വുന്ന ഭവിഷ്യ​ത്തു​കൾ അനുഭ​വി​ക്കാൻ ഞാൻ തയ്യാറാ​യി​രു​ന്നു” എന്ന്‌ അവൾ പറഞ്ഞു. അതിന്‌ അപ്പോ​സ്‌ത​ലൻമാ​രു​ടെ നിലപാ​ടു​മാ​യി എന്തൊരു സാമ്യം! (പ്രവൃ​ത്തി​കൾ 4:29, 31) എന്നിരു​ന്നാ​ലും, നല്ല കരുത​ലോ​ടെ​യാ​യി​രു​ന്നു അവൾ പ്രസം​ഗ​വേ​ല​യിൽ ഏർപ്പെ​ട്ടി​രു​ന്നത്‌. അവൾ അതു വിശദീ​ക​രി​ക്കു​ന്നത്‌ ഇങ്ങനെ​യാണ്‌: “ഞാൻ മററു​ള്ള​വരെ കാപ്പിക്കു ക്ഷണിക്കു​മാ​യി​രു​ന്നു. വരുന്ന ഓരോ​രു​ത്തർക്കും ഒരു സത്യം​പു​സ്‌തകം സമർപ്പി​ക്കു​മാ​യി​രു​ന്നു.”—മത്തായി 10:16; 24:14.

അനുര​ഞ്‌ജ​ന​പ്പെ​ടാ​തെ കീഴ്‌പെ​ടൽ

വൈവാ​ഹിക സംഘർഷ​ത്താൽ ആകുല​രെ​ങ്കി​ലും ക്രിസ്‌തീയ ഭാര്യ​മാർ ഭാവി​യി​ലേക്ക്‌ ഉററു​നോ​ക്കി യഹോ​വ​യിൽ ആശ്രയി​ക്കു​ന്നു. ഒരു സമനി​ല​യുള്ള വീക്ഷണം പുലർത്താൻ ഇത്‌ അവരെ സഹായി​ക്കു​ന്നു. തങ്ങളുടെ വിശ്വാ​സം ബലിക​ഴി​ക്കാ​തെ തങ്ങളാ​ലാ​വുന്ന എന്തു പിന്തു​ണ​യും അവർ ഭർത്താ​ക്കൻമാർക്ക്‌ ചെയ്‌തു​കൊ​ടു​ക്കു​ന്നു. അങ്ങനെ ചെയ്യു​ന്ന​തു​കൊണ്ട്‌ അവർ പിൻപ​റ​റു​ന്നതു പത്രോ​സി​ന്റെ നിശ്വസ്‌ത ഉപദേ​ശ​മാണ്‌: “ഭാര്യ​മാ​രേ, നിങ്ങളു​ടെ ഭർത്താ​ക്കൻമാർക്കു കീഴട​ങ്ങി​യി​രി​പ്പിൻ.” (1 പത്രൊസ്‌ 3:1) ദ ആംപ്ലി​ഫൈഡ്‌ ന്യൂ ടെസ്‌റ​റ​മെൻറിൽ ഈ അപ്പോ​സ്‌ത​ലിക പ്രബോ​ധനം ഇങ്ങനെ വായി​ക്കു​ന്നു: “അവർക്കു രണ്ടാം സ്ഥാനത്തു​ള്ള​വ​രും, അവരിൽ ആശ്രയി​ക്കു​ന്ന​വ​രും എന്ന നിലയിൽ നിങ്ങ​ളെ​ത്തന്നെ കീഴ്‌പെ​ടു​ത്തു​വിൻ, അവരു​മാ​യി ഒത്തു​ചേർന്നു പോകു​ന്ന​വ​രാ​കു​വിൻ.” ഈ ഉപദേശം ജയ്‌ൻ എങ്ങനെ പിൻപ​റ​റി​യെന്നു ശ്രദ്ധി​ക്കുക, അവൾ വിശദീ​ക​രി​ക്കു​ന്നു: “ഞാൻ ചെയ്യു​ന്ന​തൊ​ന്നും അദ്ദേഹ​ത്തി​ന്റെ ജീവി​ത​വൃ​ത്തിക്ക്‌ ഒരു തരത്തി​ലും വിഘാ​ത​മാ​യി വരരുത്‌ എന്നു ഭർത്താവ്‌ എന്നോട്‌ ആവശ്യ​പ്പെട്ടു. അതു​കൊണ്ട്‌, എനിക്ക്‌ അദ്ദേഹത്തെ സഹായി​ക്കാ​നാ​വുന്ന വിധങ്ങൾ കണ്ടെത്താൻ ഞാൻ ശ്രമിച്ചു.”

ഇപ്രകാ​രം ചില ക്രിസ്‌തീയ ഭാര്യ​മാർ തങ്ങളുടെ ഭർത്താ​ക്കൻമാർ ക്ഷണിക്ക​പ്പെ​ട്ടി​ട്ടുള്ള സാമൂ​ഹിക ചടങ്ങു​ക​ളിൽ സംബന്ധി​ക്കാ​മെന്നു സമ്മതി​ച്ചി​ട്ടുണ്ട്‌. പക്ഷേ ഒരിക്ക​ലും തങ്ങളുടെ വിശ്വാ​സ​ത്തി​നു വിട്ടു​വീഴ്‌ച ചെയ്യാ​തി​രി​ക്കാൻ അവർ അപ്പോ​ഴും ഹൃദയ​ത്തിൽ ദൃഢനി​ശ്ചയം ചെയ്യുന്നു. ഭർത്താ​വി​നോട്‌ ഇതേക്കു​റി​ച്ചു സംസാ​രി​ക്കാൻ ജയ്‌ൻ സമയം കണ്ടെത്തി. താൻ മനസ്സോ​ടെ സംബന്ധി​ക്കാം, എന്നാൽ തന്റെ സാന്നി​ധ്യം​കൊണ്ട്‌ അദ്ദേഹത്തെ നാണം​കെ​ടു​ത്താൻ ആഗ്രഹി​ക്കു​ന്നി​ല്ലെന്ന്‌ അവൾ ദയാപൂർവം വിശദീ​ക​രി​ച്ചു. “ചില​പ്പോൾ സന്നിഹി​ത​രാ​യി​രി​ക്കുന്ന എല്ലാവ​രും എഴു​ന്നേ​ററ്‌ സ്വസ്‌തി​ചൊ​ല്ലി പാനം ചെയ്യേ​ണ്ട​താ​യി വരു​മെന്ന്‌ എനിക്ക്‌ അറിയാ​മാ​യി​രു​ന്നു. കൂറ്‌ യഹോ​വ​യോ​ടു മാത്രമേ പാടു​ള്ളൂ​വെന്ന്‌ ഞാൻ പഠിച്ചി​രു​ന്നു. അതു​കൊണ്ട്‌, സ്വസ്‌തി​ചൊ​ല്ലി​യുള്ള പാനം ചെയ്യൽ കേവലം ആദരവു കാണി​ക്കു​ന്ന​തി​നെ​ക്കാ​ളും എത്രയോ അധിക​മാ​യി​രു​ന്നു. ആ സാഹച​ര്യം എത്രമാ​ത്രം പന്തി​കേ​ടു​വ​രു​ത്തും എന്നു തിരി​ച്ച​റിഞ്ഞ ഭർത്താവ്‌ പറഞ്ഞു: ‘എന്നാൽപ്പി​ന്നെ നീ വരണ്ടാ!’ ഞാൻ അത്‌ അനുസ​രി​ച്ചു.”

ഇനി ഗ്ലെനി​സി​ന്റെ കാര്യ​മാ​ണെ​ങ്കി​ലോ, അത്തരം ചടങ്ങിന്‌ അവൾ ഭർത്താ​വി​നോ​ടൊ​പ്പം പോകും, എന്നാൽ മേശത്ത​ല​യ്‌ക്കൽ ഇരിക്കുന്ന ഓഫീ​സർമാ​രെ അവൾ ശ്രദ്ധി​ക്കു​മാ​യി​രു​ന്നു. അവർ സ്വസ്‌തി​ചൊ​ല്ലി പാനം ചെയ്യാൻ പോകു​ക​യാ​ണെന്നു കണ്ടാൽ അവൾ വിവേ​ക​പൂർവം വിശ്രമ മുറി​യി​ലേക്കു പിൻവാ​ങ്ങും! അതേ, ഈ സ്‌ത്രീ​കൾ സാഹച​ര്യ​ത്തി​നൊ​ത്തു പെരു​മാ​റി, പക്ഷേ ഒരിക്ക​ലും വിട്ടു​വീഴ്‌ച ചെയ്‌തില്ല.

‘ഒരു വാക്കും കൂടാതെ നേടുന്നു’

“ഒരു ഭാര്യ​യെന്ന നിലയിൽ ഞാൻ എന്റെ കഴിവു വികസി​പ്പി​ക്കു​ന്നെ​ങ്കിൽ സത്യം എന്നിൽ മാററങ്ങൾ വരുത്തു​ന്നത്‌ ഭർത്താവ്‌ കാണും” എന്നായി​രു​ന്നു ഇവോ​ണി​ന്റെ ന്യായ​വാ​ദം. അതു​കൊണ്ട്‌, കുടും​ബ​ജീ​വി​തം പുസ്‌ത​ക​ത്തി​ലെ “അതിയാ​യി സ്‌നേ​ഹി​ക്ക​പ്പെ​ടുന്ന ഭാര്യ”a എന്ന ശീർഷ​ക​ത്തി​ലുള്ള അധ്യായം അവൾ പല ആവർത്തി വായിച്ചു. “‘കരയു​ന്നവർ, കലമ്പു​ന്നവർ’ എന്ന ഉപശീർഷ​ക​ത്തിൻ കീഴി​ലുള്ള വിവരങ്ങൾ ഞാൻ പ്രത്യേ​കം ശ്രദ്ധിച്ചു! പക്ഷേ, ഭർത്താ​വി​നോ​ടു സംസാരിക്കാൻ ഞാൻ കൂടുതൽ ശ്രമി​ക്കു​ന്തോ​റും സംഗതി കൂടു​തൽക്കൂ​ടു​തൽ വഷളാ​കു​ക​യാ​യി​രു​ന്നു.” എന്നിരു​ന്നാ​ലും, യഹോ​വ​യു​ടെ സേവന​ത്തി​ലെ​ത്താൻ ഭർത്താ​വി​നെ സഹായി​ക്കു​ന്ന​തിൽ അവസാനം അവൾ വിജയി​ച്ചു. എങ്ങനെ? ഭർത്താ​ക്കൻമാ​രെ “ഒരു വാക്കും കൂടാതെ നേടുക” എന്ന 1 പത്രോസ്‌ 3:1 [NW]-ൽ കൊടു​ത്തി​രി​ക്കുന്ന തത്ത്വം ബാധക​മാ​ക്കി​ക്കൊണ്ട്‌.

മററു​ള്ള​വർ ക്രിസ്‌ത്യാ​നി​ത്വ​ത്തെ പുകഴ്‌ത്തി​പ്പ​റ​യു​ന്ന​തിൽ ക്രിസ്‌തീയ സ്‌ത്രീ​കൾ തങ്ങളുടെ കുടും​ബ​കാ​ര്യ​ങ്ങൾ ശ്രദ്ധി​ക്കുന്ന വിധവും കാര്യ​മായ പങ്കു വഹിക്കു​ന്നു. “സത്യത്തെ സാധ്യ​മാ​കു​ന്ന​ത്ര​യും ആകർഷ​ക​മാ​ക്കാൻ ഞാൻ ശ്രമിച്ചു” എന്നു ഡയാൻ പറയുന്നു. “ഞാൻ യോഗ​ങ്ങൾക്കു പോകു​മ്പോൾ എന്റെ ഭർത്താ​വി​നു ശരിക്കും ഏകാന്തത അനുഭ​വ​പ്പെ​ടു​മാ​യി​രു​ന്നു, അതു​കൊണ്ട്‌, ഞങ്ങൾ മടങ്ങി​യെ​ത്തു​മ്പോൾ അദ്ദേഹ​ത്തോ​ടു വളരെ നന്നായി പെരു​മാ​റ​ണ​മെന്നു കുട്ടി​കളെ ധരിപ്പി​ക്കാൻ ഞാൻ പ്രത്യേ​കം ശ്രദ്ധി​ച്ചി​രു​ന്നു. ഞങ്ങൾ തിരി​ച്ചെ​ത്തു​മ്പോൾ അദ്ദേഹ​ത്തി​ന്റെ കാര്യ​ങ്ങ​ളിൽ കൂടു​ത​ലായ ശ്രദ്ധ​കൊ​ടു​ക്കാൻ ഞാനും ശ്രമിച്ചു.” കുടും​ബ​ത്തി​ലെ മററു​ള്ള​വ​രു​ടെ ദയാപൂർവ​ക​മായ ശ്രദ്ധ​യോ​ടു പ്രതി​ക​രിച്ച അദ്ദേഹ​ത്തി​ന്റെ മനോ​ഭാ​വ​ത്തി​നു ക്രമേണ മാററം വന്നു.

യഹോ​വ​യു​ടെ സഹദാ​സൻമാർക്കും സഹായ​മേ​കാ​നാ​വും. കെനി​യ​യിൽവെച്ച്‌ അദ്ദേഹം കണ്ടുമു​ട്ടിയ സാക്ഷി​ക​ളായ മിഷന​റി​മാ​രു​മാ​യുള്ള കൂട്ടു​കെട്ടു തന്റെ ഭർത്താവ്‌ ആസ്വദി​ക്കു​ക​യു​ണ്ടാ​യെന്നു ജാൻ വിവരി​ക്കു​ന്നു. “അദ്ദേഹ​വു​മാ​യി അവർ ചങ്ങാത്തം സ്ഥാപിച്ചു, ഫുട്‌ബോൾക​ളി​യെ​ക്കു​റി​ച്ചു സംസാ​രി​ച്ചു. അവർ വളരെ സത്‌കാ​ര​പ്രി​യ​രു​മാ​യി​രു​ന്നു. വ്യത്യസ്‌ത മിഷനറി ഭവനങ്ങ​ളി​ലേക്കു ഞങ്ങളെ പലപ്രാ​വ​ശ്യം ഭക്ഷണത്തി​നു ക്ഷണിച്ചി​രു​ന്നു.” അവളുടെ ഭർത്താവ്‌ പിന്നീട്‌ ഇങ്ങനെ വിശദീ​ക​രി​ച്ചു: “ജാനിന്റെ വിശ്വാ​സത്തെ ഞാൻ തികച്ചും വ്യത്യ​സ്‌ത​മായ ഒരു കാഴ്‌ച​പ്പാ​ടി​ലൂ​ടെ കാണാൻ തുടങ്ങി. നല്ല ബുദ്ധി​യു​ള്ള​വ​രാ​യി​രു​ന്നു അവളുടെ സുഹൃ​ത്തു​ക്കൾ, അവർക്കു വിവിധ വിഷയ​ങ്ങ​ളെ​ക്കു​റി​ച്ചു സംസാ​രി​ക്കാ​നാ​കു​മാ​യി​രു​ന്നു.” അതു​പോ​ലെ, ഡയാനി​ന്റെ ഭർത്താ​വും സത്യ​ത്തോ​ടുള്ള തന്റെ വീക്ഷണം മാററി. വഴിയിൽവെച്ചു കാർ കേടാ​യ​പ്പോൾ ഒരു യുവസാ​ക്ഷി അയാളു​ടെ സഹായ​ത്തി​നെത്തി. “അത്‌ എന്നിൽ ശരിക്കും മതിപ്പു​ള​വാ​ക്കി” എന്ന്‌ അദ്ദേഹം പറയുന്നു.

തീർച്ച​യാ​യും, എല്ലാ വിവാ​ഹിത ഇണക​ളെ​യും സത്യത്തി​ലേക്കു നേടി​യെ​ടു​ക്കാ​വു​ന്നതല്ല. അപ്പോൾ എന്തു ചെയ്യും? വിശ്വ​സ്‌ത​രാ​യ​വരെ സഹിച്ചു​നിൽക്കാൻ പ്രാപ്‌ത​മാ​ക്കുന്ന സഹായ​മെ​ത്തി​ക്കാൻ യഹോ​വ​യുണ്ട്‌. (1 കൊരി​ന്ത്യർ 10:13) തന്റേതി​നോ​ടു സമാന സാഹച​ര്യ​മു​ള്ള​വർക്കാ​യുള്ള ഗ്ലെനി​സി​ന്റെ പ്രോ​ത്സാ​ഹനം ശ്രദ്ധിക്കൂ: “യഹോ​വ​യാ​ണു വിവാഹം സ്ഥാപി​ച്ചത്‌, ദമ്പതികൾ ഒരുമി​ച്ചു താമസി​ക്കാൻ അവിടുന്ന്‌ ആഗ്രഹി​ക്കു​ന്നു എന്നിങ്ങ​നെ​യുള്ള സംഗതി​കളെ ഒരിക്ക​ലും സംശയി​ക്ക​രുത്‌, അതെ ഒരിക്ക​ലും. അതു​കൊണ്ട്‌, ഭർത്താവ്‌ എന്തു​വേ​ണ​മെ​ങ്കി​ലും ചെയ്‌തോ​ട്ടെ അല്ലെങ്കിൽ നിങ്ങൾക്കു ചുററു​മു​ള്ള​വ​രിൽനിന്ന്‌ എന്ത്‌ എതിർപ്പു​വേ​ണ​മെ​ങ്കി​ലും വന്നോട്ടെ, കുലു​ങ്ങി​പ്പോ​കാൻ യഹോവ നിങ്ങളെ ഒരുനാ​ളും അനുവ​ദി​ക്ക​യില്ല.” ഇപ്പോ​ഴും അവളുടെ ഭർത്താവ്‌ യഹോ​വയെ ആരാധി​ക്കു​ന്നില്ല, എങ്കിലും അവളോ​ടും സത്യ​ത്തോ​ടു​മുള്ള അദ്ദേഹ​ത്തി​ന്റെ മനോ​ഭാ​വ​ത്തിന്‌ ഒരു അയവു വന്നിട്ടുണ്ട്‌.

‘കണ്ണീ​രോ​ടെ വിതയ്‌ക്കുക; ആനന്ദ​ഘോ​ഷ​ത്തോ​ടെ കൊയ്യുക’

സത്യമാ​യും, ഈ ക്രിസ്‌തീയ സ്‌ത്രീ​കൾ യഹോ​വയെ സേവി​ക്കാൻ ദൃഢനി​ശ്ചയം ചെയ്‌തി​രി​ക്കു​ക​യാണ്‌. നിങ്ങൾ സമാന​മായ സാഹച​ര്യ​ത്തി​ലാ​ണെ​ങ്കിൽ ഇതു നിങ്ങളു​ടെ​യും ഉറച്ചതീ​രു​മാ​ന​മാ​ക്കു​വിൻ. “നിന്റെ ദൈവ​മായ യഹോ​വയെ നീ ഭയപ്പെ​ടേണം; അവനെ സേവി​ക്കേണം; അവനോ​ടു ചേർന്നി​രി​ക്കേണം” എന്ന ഉദ്‌ബോ​ധനം ഓർമി​ക്കു​വിൻ.—ആവർത്ത​ന​പു​സ്‌തകം 10:20.

“വിത്തു ചുമന്നു​കൊണ്ട്‌ വിലാ​പ​ത്തോ​ടെ വിതയ്‌ക്കാൻ പോകു​ന്നവൻ കററ ചുമന്നു​കൊണ്ട്‌ ആഹ്‌ളാ​ദ​ത്തോ​ടെ വീട്ടി​ലേക്കു മടങ്ങും” എന്നു സങ്കീർത്ത​ന​ക്കാ​രൻ പ്രഖ്യാ​പി​ക്കു​ന്നു. (സങ്കീർത്തനം 126:6, പി.ഒ.സി. ബൈബിൾ) ഒരു സാക്ഷി പറയു​ന്നത്‌ ഇങ്ങനെ​യാണ്‌: “നിങ്ങളു​ടെ വിവാ​ഹ​പ​ങ്കാ​ളി​ക്കു സത്യം കാണി​ച്ചു​കൊ​ടു​ക്കാൻ നിങ്ങൾ ശ്രമി​ക്കു​മ്പോൾ നിശ്ശബ്ദ​മാ​യോ കേൾപ്പി​ച്ചോ നിങ്ങൾ വളരെ​യ​ധി​കം കണ്ണീർ പൊഴി​ക്കു​ന്നു. എന്നാൽ അവസാനം നിങ്ങൾ സന്തോ​ഷാ​തി​രേ​ക​ത്താൽ ആർപ്പി​ടും, എന്തെന്നാൽ അദ്ദേഹം സത്യം സ്വീക​രി​ക്കു​ന്നി​ല്ലെ​ങ്കിൽപ്പോ​ലും നിങ്ങൾ ചെയ്‌ത ശ്രമത്തി​നു യഹോവ നിങ്ങളെ അനു​ഗ്ര​ഹി​ക്കും.”

ഭവനത്തിൽ എതിർപ്പി​നെ വകവയ്‌ക്കാ​തെ യഹോ​വയെ വിശ്വ​സ്‌ത​ത​യോ​ടെ സേവി​ക്കുന്ന എല്ലാവ​രും യഥാർഥ പ്രശംസ നേടുന്നു. പിന്തു​ണ​യും സ്‌നേ​ഹ​വും അർഹി​ക്കു​ന്ന​വ​രാ​ണവർ. യഹോ​വയെ സേവി​ക്കാൻ ദൃഢചി​ത്ത​രായ അവർ തങ്ങളുടെ വിട്ടു​വീ​ഴ്‌ച​യി​ല്ലാത്ത നിലപാ​ടു വിടാതെ കാത്തു​കൊ​ള്ളട്ടെ!

[അടിക്കു​റിപ്പ്‌]

[28-ാം പേജിലെ ചിത്രം]

പ്രാർഥനാനിർഭരമായ പഠനം ക്രിസ്‌തീയ ദൃഢനി​ശ്ച​യ​ത്തി​നു കരു​ത്തേ​കു​ന്നു