വ്യക്തി​പ​ര​മായ പഠനം നിങ്ങൾ ആസ്വദി​ക്കു​ന്നു​വോ?

വ്യക്തി​പ​ര​മായ ബൈബിൾപ​ഠ​ന​ത്തി​നു വേണ്ടത്ര അളവി​ലുള്ള സമയം നീക്കി​വെ​ക്കു​ന്നത്‌ ആത്മാർഥ​ത​യുള്ള ഏതൊരു ദൈവ​ദാ​സ​നും ആഹ്‌ളാ​ദ​ക​ര​മാ​യി​രി​ക്കും. (സങ്കീർത്തനം 1:1, 2) എന്നിരു​ന്നാ​ലും, തങ്ങളുടെ സമയവും ശക്തിയും ചെലവി​ടേ​ണ്ടി​വ​രുന്ന മററ​നേകം സംഗതി​ക​ളു​ണ്ടെന്നു മനസ്സി​ലാ​ക്കു​മ്പോൾ തങ്ങൾ ആഗ്രഹി​ക്കു​ന്നത്ര സമയവും ഊർജ​വും വ്യക്തി​പ​ര​മായ പഠനത്തി​നു ചെലവ​ഴി​ക്കാൻ അനേകർക്കു ബുദ്ധി​മു​ട്ടാ​വു​ന്നു.

എന്നുവ​രി​കി​ലും, ദൈവ​ത്തി​ന്റെ ഊർജ​സ്വ​ല​രായ ദാസൻമാ​രാ​യി തുടരാൻവേണ്ടി എല്ലാവർക്കും തങ്ങളുടെ സന്തോ​ഷ​വും ശക്തിയും ദിവസേന പുതു​ക്കി​ക്കി​ട്ടേണ്ട ആവശ്യ​മുണ്ട്‌. ഇതിനു​വേണ്ടി ദൈവ​വ​ച​ന​ത്തി​ലെ സത്യത്തി​ന്റെ പുതി​യ​തോ ആഴത്തി​ലോ ഉള്ള വശങ്ങൾ കണ്ടെത്തണം. വർഷങ്ങൾക്കു​മു​മ്പു നിങ്ങളെ ആഴത്തിൽ പ്രചോ​ദി​പ്പിച്ച ബൈബിൾസ​ത്യ​ങ്ങൾ ഇപ്പോൾ അത്രമാ​ത്രം പ്രചോ​ദി​പ്പി​ക്കു​ന്ന​വ​യ​ല്ലാ​യി​രി​ക്കാം. അതു​കൊണ്ട്‌, ആത്മീയ​മാ​യി നമ്മെ ഉത്തേജി​ത​രാ​യി നിർത്തു​ന്ന​തി​നു സത്യത്തി​ന്റെ പുതിയ ഉൾക്കാഴ്‌ച ലഭിക്കാൻ നാം ബോധ​പൂർവ​ക​മായ, അനുസ്യൂ​ത​മായ ശ്രമം നടത്തു​ന്നത്‌ നല്ലതാ​ണെ​ന്നു​ത​ന്നെയല്ല, അതു ജീവത്‌പ്ര​ധാ​നം​പോ​ലു​മാണ്‌.

ദൈവ​വ​ച​ന​ത്തി​ന്റെ വ്യക്തി​പ​ര​മായ പഠനത്തി​ലൂ​ടെ പുരാതന നാളിലെ വിശ്വാ​സി​കൾ തങ്ങളെ​ത്തന്നെ ആത്മീയ​മാ​യി കരുത്ത​രാ​ക്കി​യത്‌ എങ്ങനെ​യാണ്‌? യഹോ​വ​യു​ടെ ആധുനി​ക​നാ​ളി​ലെ ദാസൻമാ​രിൽ ചിലർ തങ്ങളുടെ പഠനം കൂടുതൽ ആസ്വാ​ദ്യ​വും ഫലദാ​യ​ക​വും ആക്കിത്തീർക്കു​ന്നത്‌ എങ്ങനെ​യാണ്‌? അവരുടെ ശ്രമങ്ങൾക്ക്‌ പ്രതി​ഫലം ലഭിച്ചി​രി​ക്കു​ന്നത്‌ എങ്ങനെ​യാണ്‌?

വ്യക്തി​പ​ര​മായ പഠനത്തി​ലൂ​ടെ അവർ തങ്ങളുടെ ശക്തി പുതുക്കി

യെഹൂ​ദാ​യി​ലെ യോശി​യാ രാജാവ്‌ വിഗ്ര​ഹാ​രാ​ധ​ന​യ്‌ക്കെ​തി​രായ ഒരു സംഘടിത പ്രചാ​രണം ഏറെറ​ടു​ത്തു. വലിയ തീക്ഷ്‌ണ​ത​യിൽ നടത്തിയ ആ പരിപാ​ടി “യഹോവ മോശെ മുഖാ​ന്തരം കൊടുത്ത ന്യായ​പ്ര​മാ​ണ​പു​സ്‌തകം” അവനെ വായി​ച്ചു​കേൾപ്പിച്ച ശേഷമാ​യി​രു​ന്നു. ദൈവ​വ​ച​ന​ത്തി​ന്റെ ഈ ഭാഗം അവൻ പരിചി​ന്തി​ച്ചത്‌ ആദ്യമാ​യി​ട്ടാ​യി​രു​ന്നില്ല എന്നതിന്‌ ഒരു സംശയ​വു​മില്ല. പക്ഷേ, മൂല കയ്യെഴു​ത്തു​പ്ര​തി​യിൽനിന്ന്‌ ആ സന്ദേശം നേരിട്ടു കേട്ട​പ്പോൾ നിർമ​ലാ​രാ​ധ​ന​യ്‌ക്കു​വേ​ണ്ടി​യുള്ള പോരാ​ട്ട​ത്തിൽ അവന്‌ അതൊരു വലിയ ഉത്തേജ​ന​മാ​യി.—2 ദിനവൃ​ത്താ​ന്തം 34:14-19.

‘യരുശ​ലേ​മി​ന്റെ ശൂന്യാ​വസ്ഥ തീരു​ന്ന​തി​നുള്ള വർഷങ്ങ​ളു​ടെ എണ്ണവും,’ അതി​നെ​ക്കു​റി​ച്ചുള്ള ഉറപ്പും യിരെ​മ്യാ​വി​ന്റെ പുസ്‌ത​ക​ത്തിൽനി​ന്നു മാത്രമല്ല “പുസ്‌തകങ്ങ”ളിൽനി​ന്നു​കൂ​ടെ​യാണ്‌ പ്രവാ​ച​ക​നായ ദാനി​യേൽ വിവേ​ചി​ച്ച​റി​ഞ്ഞത്‌. സാധ്യ​ത​യ​നു​സ​രിച്ച്‌, ലേവ്യ​പു​സ്‌തകം (26:34, 35), യെശയ്യാ​വു (44:26-28), ഹോശേയ (14:4-7), ആമോസ്‌ (9:13-15) എന്നിവ അക്കൂട്ട​ത്തിൽപ്പെ​ട്ടി​രി​ക്കാം. ശുഷ്‌കാ​ന്തി​യോ​ടെ നടത്തിയ ബൈബിൾപു​സ്‌തക പഠനത്തി​ലൂ​ടെ അദ്ദേഹം ഉറപ്പു​ള്ള​വ​നാ​യി. അത്‌ ഈ ഭക്തിയുള്ള മനുഷ്യ​നെ ഉള്ളുരു​കി പ്രാർഥിച്ച്‌ ദൈവ​വു​മാ​യി അടുക്കു​ന്ന​തി​നു സഹായിച്ചു. യെരു​ശ​ലേം നഗര​ത്തെ​യും അവന്റെ ജനത്തെ​യും സംബന്ധി​ച്ചുള്ള കൂടു​ത​ലായ വെളി​പ്പാ​ടു​ക​ളും ഉറപ്പു​ക​ളും ലഭിച്ച​പ്പോൾ അദ്ദേഹ​ത്തി​ന്റെ ആത്മാർഥ​മായ യാചന​യ്‌ക്ക്‌ ഉത്തരം ലഭിച്ചു.—ദാനീ​യേൽ, അധ്യായം 9.

“യഹോ​വ​യു​ടെ ദൃഷ്ടി​ക​ളിൽ ശരിയാ​യതു ചെയ്‌ത” യോശി​യാ​വും ദൈവ​ത്തി​ന്റെ കാഴ്‌ച​പ്പാ​ടിൽ “വളരെ അഭികാ​മ്യ​നായ ഒരുവനാ”യിരുന്ന ദാനി​യേ​ലും അടിസ്ഥാ​ന​പ​ര​മാ​യി ഇന്നുള്ള നമ്മിൽനി​ന്നു വ്യത്യ​സ്‌ത​രാ​യി​രു​ന്നില്ല. (2 രാജാ​ക്കൻമാർ 22:2; ദാനി​യേൽ 9:23, NW) അന്നു ലഭ്യമാ​യി​രുന്ന തിരു​വെ​ഴു​ത്തു​കൾ പഠിക്കാൻ അങ്ങേയ​ററം പ്രചോ​ദി​ത​രാ​യി ഉഴിഞ്ഞു​വെച്ച അവരുടെ വ്യക്തി​പ​ര​മായ ശ്രമങ്ങൾക്കു ഫലമു​ണ്ടാ​യി. അവർക്ക്‌ വലിയ ആത്മീയത കൈവ​രി​ക​യും ദൈവ​വു​മാ​യി കൂടുതൽ ബലിഷ്‌ഠ​മായ ബന്ധം ആസ്വദി​ക്കു​ന്ന​തിന്‌ അവരെ അതു സഹായി​ക്കു​ക​യും ചെയ്‌തു. യിഫ്‌താഹ്‌, ആസാഫി​ന്റെ ഭവനത്തി​ലെ ഒരു സങ്കീർത്ത​ന​ക്കാ​രൻ, നെഹെ​മ്യാവ്‌, സ്‌തേ​ഫാ​നോസ്‌ എന്നിവ​രെ​പ്പോ​ലെ​യുള്ള യഹോ​വ​യു​ടെ മററ​നേകം പുരാതന ദാസൻമാ​രെ​ക്കു​റി​ച്ചും ഇതുതന്നെ പറയാം. ഇവരെ​ല്ലാം തങ്ങളുടെ നാളു​ക​ളിൽ ലഭ്യമാ​യി​രുന്ന ബൈബിൾ ഭാഗങ്ങൾ ശ്രദ്ധാ​പൂർവം വ്യക്തി​പ​ര​മാ​യി വായിച്ചു പഠനം നടത്തി എന്നതിനു തെളിവു പ്രകട​മാ​ക്കി​യ​വ​രാണ്‌.—ന്യായാ​ധി​പൻമാർ 11:14-27; സങ്കീർത്ത​നങ്ങൾ 79, 80; നെഹെ​മ്യാ​വു 1:8-10; 8:9-12; 13:29-31; പ്രവൃ​ത്തി​കൾ 6:15–7:53.

ശുശ്രൂഷ ഒരു പ്രചോ​ദ​ന​മാ​കട്ടെ

വർഷങ്ങ​ളോ​ളം യഹോ​വയെ സേവി​ച്ചി​ട്ടുള്ള ഇന്നത്തെ മിക്ക ദാസൻമാർക്കും വ്യക്തി​പ​ര​മായ ബൈബിൾപ​ഠ​ന​ത്തിന്‌ ഒരു പട്ടിക​യുണ്ട്‌. ഉണർവു​ള്ള​വ​രാ​യി നില​കൊ​ള്ളാ​നും തങ്ങളുടെ ക്രിസ്‌തീയ ഉത്തരവാ​ദി​ത്വ​ങ്ങൾ തിക​വോ​ടെ നിറ​വേ​റ​റാ​നും ഇത്‌ അത്യന്താ​പേ​ക്ഷി​ത​മാ​ണെന്ന്‌ അവർ മനസ്സി​ലാ​ക്കി​യി​രി​ക്കു​ന്നു. എന്നിട്ടും, പഠനത്തി​നും അവഗണി​ക്കാൻ പററാത്ത മററു കാര്യ​ങ്ങൾക്കു​മാ​യി തങ്ങളുടെ സമയവും ഊർജ​വും ഉപയോ​ഗി​ക്കുന്ന കാര്യ​ത്തിൽ ഒരു സമനില കൈവ​രി​ക്കുക എല്ലായ്‌പോ​ഴും എളുപ്പമല്ല എന്ന്‌ അവരിൽ ചിലർ സമ്മതി​ക്കു​ന്നുണ്ട്‌.

എങ്കിലും, ലോക​വ്യാ​പക രാജ്യ​പ്ര​സം​ഗ​വേല ഇത്രമാ​ത്രം പുരോ​ഗ​മി​ച്ചി​രി​ക്കുന്ന ഈ ഘട്ടത്തിൽ ക്രിസ്‌തീയ ശുശ്രൂ​ഷ​യി​ലെ ആവശ്യങ്ങൾ കൈകാ​ര്യം ചെയ്യു​ന്ന​തിന്‌ ഉത്സാഹ​പൂർവ​ക​മായ വ്യക്തി​പ​ര​മായ പഠനത്തി​ലൂ​ടെ ആത്മീയ​മാ​യി ഉത്സുക​രാ​യി നില​കൊ​ള്ളേ​ണ്ടത്‌ അത്യന്താ​പേ​ക്ഷി​ത​മാണ്‌. ദൈവ​ത്തി​ന്റെ വചനം സംബന്ധിച്ച പുതു​മ​യുള്ള, ആഴത്തി​ലുള്ള ഉൾക്കാ​ഴ്‌ച​ക​ളിൽ പുളകം​കൊ​ള്ളു​ന്ന​വർക്ക്‌ വിശന്നു​വ​ല​യുന്ന ഹൃദയ​ങ്ങളെ തൊട്ടു​ണർത്തുക എന്ന വെല്ലു​വി​ളി​യെ നേരി​ടാ​നാ​വും. ആത്മീയ മീൻപി​ടു​ത്ത​ത്തിൽ വൻഫല​ങ്ങ​ളു​ണ്ടാ​ക്കുന്ന ഒരു പ്രദേ​ശത്ത്‌ നിയമി​ക്ക​പ്പെ​ട്ടാ​ലും ശരി, പൊതു​വേ വിപ്ര​തി​പ​ത്തി​യുള്ള, നന്നായി പ്രവർത്തി​ച്ചി​ട്ടുള്ള സ്ഥലത്തു തളർന്നു​പോ​കാ​തെ അധ്വാ​നി​ക്കു​ക​യാ​ണെ​ങ്കി​ലും ശരി, ഇതു സത്യമാണ്‌.

ദൈവ​വ​ചനം ക്രമമാ​യി ഭക്ഷിക്കുക

നിങ്ങൾക്കു നിങ്ങളു​ടെ പഠന​ക്ര​മ​ത്തിൽനിന്ന്‌ എങ്ങനെ​യാ​ണു കൂടുതൽ ആസ്വദി​ക്കാ​നാ​വുക, അല്ലെങ്കിൽ നിങ്ങൾക്കും നിങ്ങളു​ടെ കുടും​ബാം​ഗ​ങ്ങൾക്കും പഠനസ​മ​യ​ത്തി​ന്റെ ഉപയോ​ഗം എങ്ങനെ കൂടുതൽ ഫലദാ​യ​ക​മാ​ക്കാം എന്നതു​സം​ബ​ന്ധിച്ച്‌ ഒരു ധാരണ ലഭിക്കാൻ മററു​ള്ളവർ ചെയ്യു​ന്നത്‌ എന്താ​ണെ​ന്ന​റി​യു​ന്നതു സഹായി​ച്ചേ​ക്കാം. ദൈവ​ത്തി​ന്റെ ഒരു ദാസൻ വിട്ടു​ക​ള​യ​രു​താത്ത സംഗതി​ക​ളിൽ ഒന്ന്‌ ക്രമമായ അടിസ്ഥാ​ന​ത്തി​ലുള്ള ദൈവ​വ​ച​ന​ത്തി​ന്റെ വായന​ത​ന്നെ​യാണ്‌. പലരും ബൈബി​ളി​ന്റെ മൂന്നോ നാലോ അധ്യാ​യങ്ങൾ ആഴ്‌ച​തോ​റും വായി​ക്കാ​നുള്ള ഒരു ലാക്ക്‌ വെച്ചി​ട്ടുണ്ട്‌. മുഴു​ബൈ​ബി​ളും ഒററവർഷം​കൊ​ണ്ടു വായി​ച്ചു​തീർക്കാൻ നിങ്ങൾ ആഗ്രഹി​ക്കു​ന്നു​ണ്ടോ? അങ്ങനെ​യെ​ങ്കിൽ, അതിന്റെ വായന​യിൽ കൂടുതൽ സമയം ചെലവി​ടാൻ നിങ്ങൾക്കു സന്തോ​ഷ​മു​ണ്ടാ​യി​രി​ക്കും, ചില​പ്പോൾ ദിവസേന അരമണി​ക്കൂർ വീതം.

നിങ്ങൾ ഒന്നില​ധി​കം പ്രാവ​ശ്യം ബൈബിൾ മുഴു​വ​നാ​യി വായി​ച്ചി​ട്ടു​ണ്ടോ? അടുത്ത പ്രാവ​ശ്യം അത്തര​മൊ​രു പുതിയ ലാക്ക്‌ എന്തു​കൊ​ണ്ടു​വെ​ച്ചു​കൂ​ടാ? ഒരു ക്രിസ്‌തീയ സ്‌ത്രീ ബൈബിൾപു​സ്‌ത​കങ്ങൾ അവ എഴുത​പ്പെട്ട ക്രമത്തിൽ വായി​ച്ചത്‌ വെറു​മൊ​രു മാററ​ത്തി​നു​വേ​ണ്ടി​യാ​യി​രു​ന്നു. എന്നാൽ കാലാ​നു​ക്രമ പശ്ചാത്ത​ല​ത്തിൽ അധിഷ്‌ഠി​ത​മായ അനേകം വിശദാം​ശങ്ങൾ അവൾക്കു കിട്ടി​യെ​ന്ന​താ​യി​രു​ന്നു ഫലം. അതാകട്ടെ, മുമ്പൊ​ക്കെ അവളുടെ ശ്രദ്ധയിൽപ്പെ​ടാ​തെ പോയി​രു​ന്ന​വ​യു​മാ​യി​രു​ന്നു. ആദ്യ പേജു​മു​തൽ അവസാന പേജു​വരെ മുഴു​വ​നാ​യി​ട്ടാ​യി​രു​ന്നു മറെറാ​രു ക്രിസ്‌തീയ സ്‌ത്രീ ബൈബിൾ വായി​ച്ചത്‌. അങ്ങനെ കഴിഞ്ഞ അഞ്ചുവർഷം​കൊണ്ട്‌ അഞ്ചു പ്രാവ​ശ്യം വായിച്ചു. എന്നാൽ ഓരോ പ്രാവ​ശ്യ​വും ഒരു വ്യത്യ​സ്‌ത​മായ കാഴ്‌ച​പ്പാ​ടി​ലൂ​ടെ​യാ​യി​രു​ന്നു വായി​ച്ചത്‌. ആദ്യത്തെ പ്രാവ​ശ്യം അവൾ ആദ്യം​മു​തൽ അവസാ​നം​വ​രെ​യങ്ങു വായിച്ചു. രണ്ടാമത്തെ വായന​യ്‌ക്കി​ട​യിൽ അവൾ ഓരോ അധ്യാ​യ​ത്തി​ന്റെ​യും ഉള്ളടക്കം ഒരു നോട്ട്‌ബു​ക്കിൽ ഒന്നോ രണ്ടോ വാചക​ത്തിൽ ചുരുക്കി എഴുതി​വെച്ചു. മൂന്നാം​വർഷം തൊട്ട്‌ അവൾ വായന വലിപ്പം കൂടിയ റഫറൻസ്‌ എഡീഷ​നി​ലേക്കു മാററി. ആദ്യ​മൊ​ക്കെ മാർജി​നിൽ കൊടു​ത്തി​രി​ക്കുന്ന ക്രോസ്സ്‌-റഫറൻസിൽ ആവശ്യ​മു​ള്ളവ മാത്രം പരി​ശോ​ധി​ച്ചു. പിന്നീട്‌ അടിക്കു​റി​പ്പു​കൾക്കും അനുബന്ധ വിവര​ങ്ങൾക്കും സൂക്ഷ്‌മ​ശ്രദ്ധ നൽകി. അഞ്ചാം​വർഷം ഭൂമി​ശാ​സ്‌ത്ര​പ​ര​മായ കാഴ്‌ച​പ്പാ​ടി​ലൂ​ടെ ഗ്രാഹ്യം വർധി​പ്പി​ക്കാൻ അവൾ ബൈബിൾഭൂ​പ​ടങ്ങൾ ഉപയോ​ഗി​ച്ചു. അവൾ പറയുന്നു: “എനിക്ക്‌ ബൈബിൾവാ​യന ഒരു വിരുന്ന്‌ ആസ്വദി​ക്കു​ന്ന​തു​പോ​ലെ​യാണ്‌.”

ഉത്സുക​രാ​യ ചില ബൈബിൾ പഠിതാ​ക്കൾ വ്യക്തി​പ​ര​മായ പഠനത്തി​നു മാത്ര​മാ​യി ഒരു ബൈബിൾ മാററി​വെ​ക്കു​ന്നതു പ്രയോ​ജ​ന​ക​ര​മാ​ണെന്നു മനസ്സി​ലാ​ക്കി​യി​ട്ടുണ്ട്‌. രസാവ​ഹ​മായ അഭി​പ്രാ​യങ്ങൾ, ചിന്തോ​ദ്ദീ​പ​ക​മായ ദൃഷ്ടാ​ന്തങ്ങൾ, അല്ലെങ്കിൽ പിന്നീടു നോക്കാൻ കഴി​യേ​ണ്ട​തി​നു മററു പ്രസി​ദ്ധീ​ക​ര​ണ​ങ്ങ​ളു​ടെ പേജ്‌ നമ്പരുകൾ എന്നിവ അവർ അതിന്റെ മാർജി​നിൽ ഹ്രസ്വ​മാ​യി കുറി​ച്ചി​ടു​ന്നു. ഒരു മാസത്തിൽ താൻ പഠിച്ച പുതിയ ആശയങ്ങൾ അതാതു മാസാ​വ​സാ​നം പഠന​പ്ര​തി​യിൽ എഴുതി​യി​ടുക എന്നത്‌ വലിയ അനുഭൂ​തി​യു​ള​വാ​ക്കുന്ന ഒരു കാര്യ​മാ​യി ഒരു മുഴു​സമയ ശുശ്രൂ​ഷക കരുതു​ന്നു. അവൾ പറയുന്നു: “എന്റെ ഈ വില​യേ​റിയ മണിക്കൂ​റു​ക​ളി​ലേക്കു നോക്കു​ന്നത്‌ അടുത്ത മാസത്തെ മററു ലാക്കു​ക​ളിൽ പെട്ടെന്ന്‌ എത്താൻ എന്നെ സഹായി​ക്കു​ന്നു.”

ചില വിദഗ്‌ധ ആശയങ്ങൾ

ദിവസം​തോ​റും, ആഴ്‌ച​തോ​റും ചെയ്‌തു​തീർക്കേണ്ട കാര്യ​ങ്ങ​ളാൽ തിങ്ങി​നി​റ​ഞ്ഞ​താണ്‌ നിങ്ങളു​ടെ പട്ടിക എന്നും അതു​കൊ​ണ്ടു നിങ്ങളു​ടെ പരിമി​ത​മായ സമയം കൂടുതൽ മെച്ചമാ​യി ഉപയോ​ഗി​ക്കു​ന്ന​തി​നു ചില നിർദേ​ശങ്ങൾ ആവശ്യ​മാണ്‌ എന്നും നിങ്ങൾക്കു തോന്നു​ന്നു​ണ്ടോ? അങ്ങനെ​യെ​ങ്കിൽ, വായി​ക്കാൻ ഉദ്ദേശി​ക്കുന്ന സംഗതി കൂടെ​കൊ​ണ്ടു​പോ​കുക. എന്നിട്ട്‌ നിങ്ങളു​ടെ ഒഴിവു​സ​മ​യങ്ങൾ പ്രയോ​ജ​ന​പ്പെ​ടു​ത്തുക. വീട്ടി​ലാ​യാ​ലും നിങ്ങൾ സാധാ​ര​ണ​മാ​യി വായി​ക്കാ​നി​രി​ക്കുന്ന സ്ഥലത്താ​യാ​ലും സാധ്യ​മാ​കു​ന്നി​ട​ത്തോ​ളം പുസ്‌ത​ക​ങ്ങ​ളും മററു പഠനസാ​മ​ഗ്രി​ക​ളും എളുപ്പം എടുക്കാ​വുന്ന വിധത്തിൽ വെക്കുക. നിങ്ങൾ പഠിക്കാ​നി​രി​ക്കു​ന്നി​ടം സുഖക​ര​മാ​ക്കുക. എന്നാൽ നിങ്ങൾ മയങ്ങി​പ്പോ​കാൻത​ക്ക​വണ്ണം അത്ര സുഖസൗ​ക​ര്യ​ങ്ങൾ അവിടെ ഉണ്ടായി​രി​ക്ക​രുത്‌. നിങ്ങൾക്ക്‌ ഒരു പ്രസം​ഗ​നി​യ​മനം കിട്ടി​യി​ട്ടു​ണ്ടോ? എങ്കിൽ കഴിയു​ന്നത്ര നേരത്തെ വിവരങ്ങൾ ആദ്യാ​വ​സാ​നം വായി​ക്കുക. എന്നിട്ട്‌ നിങ്ങൾ വിശ്ര​മി​ക്കു​മ്പോ​ഴോ അല്ലറചി​ല്ലറ പണികൾ ചെയ്യു​മ്പോ​ഴോ അതിലെ ആശയം മനസ്സി​ലേക്കു കൊണ്ടു​വ​രിക.

പരസ്‌പര പ്രയോ​ജ​ന​ത്തി​നു​വേണ്ടി സമയം മെച്ചപ്പെട്ട വിധത്തിൽ ഉപയോ​ഗി​ക്കാൻ മററു​ള്ളവർ നിങ്ങ​ളോ​ടു സഹകരി​ച്ചെ​ന്നു​വ​രാം. ഉദാഹ​ര​ണ​ത്തിന്‌, നിങ്ങൾ ദിനച​ര്യ​യിൽ ഏർപ്പെ​ട്ടി​രി​ക്കു​മ്പോ​ഴോ പ്രിയ വായന​ക്കാ​ര​നു​വേണ്ടി ചായ ഉണ്ടാക്കു​മ്പോ​ഴോ ലഘുവായ വിഷയങ്ങൾ ഉറക്കെ വായി​ച്ചു​കേൾപ്പി​ക്കാൻ നിങ്ങൾക്ക്‌ ആരെ​യെ​ങ്കി​ലും ഏർപ്പാ​ടാ​ക്കാ​വു​ന്ന​താണ്‌. വീട്ടി​ലുള്ള എല്ലാവ​രു​മാ​യി ആലോ​ചിച്ച്‌ വ്യക്തി​പ​ര​മായ പഠനത്തി​നു​വേണ്ടി നിശ്ശബ്ദ​മായ കുറച്ചു സമയം മാററി​വെ​ച്ചു​കൂ​ടേ? “ഈയിടെ വായി​ച്ച​തിൽ നിങ്ങൾക്കു ഹൃദ്യ​മാ​യി തോന്നി​യത്‌ എന്താണ്‌?” എന്നു ചോദി​ച്ചു​കൊണ്ട്‌ നിങ്ങൾക്ക്‌ ഒരു സംഭാ​ഷ​ണ​ത്തി​നു തുടക്ക​മി​ടാൻ കഴിയും. ചില​പ്പോൾ അങ്ങനെ​യാ​വാം നിങ്ങളു​ടെ സുഹൃ​ത്തു​ക്കൾ പഠിച്ച കാര്യങ്ങൾ നിങ്ങളി​ലേക്ക്‌ ഒഴുകി​യെ​ത്തുക.

ചില നൂതനാ​ശ​യങ്ങൾ നിങ്ങളു​ടെ പഠനപ​രി​പാ​ടി​യിൽ ഏർപ്പെ​ടു​ത്താൻ നിങ്ങൾക്കു താത്‌പ​ര്യ​മു​ണ്ടോ? നിങ്ങൾക്ക്‌ പഠനത്തിന്‌ ഒരു സമയലാക്ക്‌ വെക്കാൻ കഴിയും. മററു​ള്ള​വ​രോ​ടു ബൈബി​ളി​നെ​പ്പ​ററി സംസാ​രി​ക്കാൻ അനേക​രും ഒരു സമയലാക്ക്‌ വെച്ചി​ട്ടി​ല്ലേ, അതു​പോ​ലെ. ഒരു മുഴു​സമയ (പയനിയർ) പ്രസാധക ഓരോ മാസ​ത്തേ​ക്കു​മാ​യി പഠനമ​ണി​ക്കൂ​റു​കൾക്ക്‌ ഒരു മിനിമം ലാക്ക്‌ വെക്കുന്നു. ലാക്കി​ലെ​ത്തു​ന്ന​താ​യി പട്ടിക​യിൽ കാണു​മ്പോൾ അവൾക്ക്‌ അത്‌ ആഹ്‌ളാ​ദം കൈവ​രു​ത്തു​ന്നു. മററു​ള്ളവർ, ടെലി​വി​ഷൻ കാണുന്ന സമയം ചുരുക്കി, സമയം തരപ്പെ​ടു​ത്തു​ന്നു. ചിലർ ഒരു സമയ​ത്തേക്ക്‌ ഒരു പഠനവി​ഷയം തിര​ഞ്ഞെ​ടു​ക്കു​ന്നു. അതാകട്ടെ ആത്മാവി​ന്റെ ഫലങ്ങൾ, ബൈബിൾപു​സ്‌ത​ക​ങ്ങ​ളു​ടെ പശ്ചാത്തലം, അല്ലെങ്കിൽ പഠിപ്പി​ക്കൽകല എന്നിവ​യൊ​ക്കെ ആകാം. ഇസ്രാ​യേൽ രാജാ​ക്കൻമാ​രും പ്രവാ​ച​കൻമാ​രും തമ്മിലോ അപ്പോ​സ്‌ത​ല​പ്ര​വൃ​ത്തി​ക​ളും പൗലോ​സി​ന്റെ ലേഖന​ങ്ങ​ളും തമ്മിലോ ഉള്ള ബന്ധം പ്രകടമാക്കുന്നതു​പോ​ലുള്ള കാലഗ​ണ​ന​പ​ട്ടി​കകൾ ഉണ്ടാക്കു​ന്ന​താ​വാം ചിലർക്കി​ഷ്ടം.

യുവാ​ക്ക​ളേ, നിങ്ങൾ കൂടുതൽ കരുത്താർന്ന വിശ്വാ​സം ആഗ്രഹി​ക്കു​ന്നു​വോ? അടുത്ത സ്‌കൂൾ അവധി​ക്കാ​ലത്ത്‌ വിശദ​മായ പഠനത്തി​നു​വേണ്ടി നിങ്ങൾക്ക്‌ ഒരു പ്രസി​ദ്ധീ​ക​രണം എന്തു​കൊണ്ട്‌ തിര​ഞ്ഞെ​ടു​ത്തു​കൂ​ടാ? സ്‌നാ​പ​ന​മേററ ഒരു ഹൈസ്‌കൂൾ വിദ്യാർഥി​നി ഈ ഉദ്ദേശ്യ​ത്തിൽ ഒരു പുസ്‌തകം തിര​ഞ്ഞെ​ടു​ത്തു. വാച്ച്‌ ടവർ സൊ​സൈ​ററി പ്രസി​ദ്ധീ​ക​രിച്ച ദൈവ​ത്തി​നു​വേ​ണ്ടി​യുള്ള മനുഷ്യ​വർഗ​ത്തി​ന്റെ അന്വേ​ഷണം [ഇംഗ്ലീഷ്‌]. ഓരോ അധ്യാ​യ​ത്തിൽനിന്ന്‌ പഠിച്ച കാര്യ​ങ്ങ​ളു​ടെ ഒരു ചെറിയ കുറിപ്പ്‌ അവൾ ഒരു നോട്ട്‌ബു​ക്കിൽ എഴുതി​വെച്ചു. അതു ശരിക്കും ഒരു വെല്ലു​വി​ളി​യാ​യി​രു​ന്നു. അവൾ വിചാ​രി​ച്ച​തി​ലും കൂടുതൽ സമയം അതിനു വേണ്ടി​വന്നു. എന്നിരു​ന്നാ​ലും, പുസ്‌തകം മുഴു​വ​നും വായി​ച്ചു​തീർന്ന​പ്പോൾ ബൈബിൾസ​ന്ദേ​ശ​ത്തി​ന്റെ സത്യത​യിൽ അവൾക്കു ശരിക്കും മതിപ്പു​ണ്ടാ​യി.

പഠിക്കാൻ എന്നും ഉത്സുക​രാ​യി​രി​ക്കുക

യഹോ​വ​യു​ടെ ആധുനി​ക​നാ​ളി​ലെ വിശ്വസ്‌ത ദൈവ​ദാ​സ​രിൽ അധിക​പ​ങ്കി​നും “കർത്താ​വി​ന്റെ വേലയിൽ വളരെ​യ​ധി​കം ചെയ്യാൻ” ഉണ്ട്‌. (1 കൊരി​ന്ത്യർ 15:58, NW) ആലോ​ചി​ച്ചു​ണ്ടാ​ക്കിയ ഒരു പട്ടിക​യും ആത്മാർഥ​മായ ശ്രമങ്ങ​ളും ഉണ്ടായി​രു​ന്നാ​ലും അത്‌ ഒരാഴ്‌ച പിൻപ​റ​റി​യെ​ന്നു​വെച്ച്‌ കാര്യ​മായ മാററ​മൊ​ന്നും കണ്ടെന്നു​വ​രില്ല. എന്നിരു​ന്നാ​ലും, സത്യത്തി​ന്റെ കൂടുതൽ ആഴത്തി​ലുള്ള ഗ്രാഹ്യം നേടാ​നും യഹോ​വ​യു​ടെ ഉദ്ദേശ്യ​ങ്ങ​ളു​ടെ ചുരുൾ നിവരു​ന്ന​തി​ന്റെ താളത്തി​നൊ​പ്പി​ച്ചു നില​കൊ​ള്ളാ​നും നിങ്ങൾക്കു കെടാത്ത ഉത്സാഹ​മു​ണ്ടാ​കണം. അപ്പോൾ അതു നേടി​ത്ത​രുന്ന വിജയം ഒന്നു വേറെ​ത​ന്നെ​യാ​യി​രി​ക്കും.

പഠനരീ​തി​ക്കു പുരോ​ഗതി വരുത്തി​യി​ട്ടു​ള്ള​വർക്ക്‌ ഉണ്ടായ പ്രതി​ഫ​ല​ങ്ങ​ളെ​ക്കു​റി​ച്ചു കേൾക്കു​ന്നതു പ്രോ​ത്സാ​ഹ​ജ​ന​ക​മാണ്‌. സത്യത്തി​ന്റെ കൂടുതൽ ആഴത്തി​ലുള്ള ഗ്രാഹ്യം നേടു​ന്നതു സംബന്ധിച്ച്‌ ഒരു ക്രിയാ​ത്മക മനോ​ഭാ​വം തനിക്കി​ല്ലെന്നു മനസ്സി​ലാ​ക്കിയ ഒരു ക്രിസ്‌തീയ മനുഷ്യൻ തന്റെ പണി കഴിഞ്ഞുള്ള സമയത്തിൽനിന്ന്‌ കൂടുതൽ സമയം വ്യക്തി​പ​ര​മായ പഠനത്തി​ലേക്കു തിരി​ച്ചു​വി​ടാൻ ജീവി​ത​ത്തി​നു ചില അടുക്കും ചിട്ടയും വരുത്തി. അദ്ദേഹം പറയുന്നു: “മുമ്പെ​ങ്ങും അറിഞ്ഞി​ട്ടി​ല്ലാത്ത ആഹ്‌ളാ​ദ​മാണ്‌ എനിക്ക്‌ അത്‌ നൽകി​യത്‌. ബൈബി​ളി​ന്റെ ദിവ്യ ഗ്രന്ഥകർത്തൃ​ത്വ​ത്തി​ലുള്ള എന്റെ ഉറപ്പ്‌ എന്നും വർധി​ച്ചു​കൊ​ണ്ടേ​യി​രു​ന്നു. അതോടെ എനിക്കു മനസ്സി​ലാ​യി, എന്റെ വിശ്വാ​സം സംബന്ധിച്ച്‌ യഥാർഥ ആവേശ​ത്തോ​ടെ എനിക്കു മററു​ള്ള​വ​രോ​ടു സംസാ​രി​ക്കാ​നാ​വു​മെന്ന്‌. ഞാൻ നന്നായി പോഷി​പ്പി​ക്ക​പ്പെ​ട്ട​വ​നാ​യും ആത്മീയ​മാ​യി സുബോ​ധ​മു​ള്ള​വ​നാ​യും ഓരോ ദിനാ​ന്ത്യ​ത്തി​ലും സംതൃ​പ്‌ത​നാ​യും എനിക്കു തോന്നു​ന്നു.”

അനേകം സഭകൾ സന്ദർശി​ക്കുന്ന യഹോ​വ​യു​ടെ സാക്ഷി​ക​ളു​ടെ ഒരു സഞ്ചാര​മേൽവി​ചാ​രകൻ മററു പ്രയോ​ജ​നങ്ങൾ ഈ വിധം വർണി​ക്കു​ക​യു​ണ്ടാ​യി: “വ്യക്തി​പ​ര​മായ പഠനത്തിൽ ശുഷ്‌കാ​ന്തി​യു​ള്ള​വ​രു​ടെ ആശയ​പ്ര​ക​ടനം പൊതു​വേ ചുറു​ചു​റു​ക്കു​ള്ള​തും ചൈത​ന്യ​മു​ള്ള​തു​മാ​യി​രി​ക്കും. അവർ മററു​ള്ള​വ​രു​മാ​യി ഇണങ്ങി​പ്പോ​കും. മററു​ള്ളവർ നിഷേ​ധാ​ത്മ​ക​മായ അഭി​പ്രാ​യ​പ്ര​ക​ട​നങ്ങൾ നടത്തി​യാൽ അതി​ലൊ​ന്നും അവർ അത്ര എളുപ്പം കുലു​ങ്ങില്ല. വയൽശു​ശ്രൂ​ഷ​യി​ലാ​യി​രി​ക്കു​മ്പോൾ അവർ കണ്ടുമു​ട്ടുന്ന ആളുക​ളു​ടെ ആവശ്യ​ങ്ങ​ള​റിഞ്ഞ്‌ അതി​നോട്‌ ഇണങ്ങി​പ്ര​വർത്തി​ക്കും.”

പഠനരീ​തി​യെ അപഗ്ര​ഥി​ക്കു​മ്പോൾ ചിലർക്കു മനസ്സിൽ പിടി​ക്കാ​വുന്ന ഒരാശ​യ​വും അദ്ദേഹം പറയു​ന്നുണ്ട്‌. “തിരു​വെ​ഴു​ത്തു ചർച്ച​ചെ​യ്യുന്ന യോഗ​ങ്ങ​ളിൽ അഭി​പ്രാ​യങ്ങൾ പറയു​മ്പോൾ അച്ചടിച്ച പേജിൽനി​ന്നു വായി​ക്കാ​നാണ്‌ അനേക​രു​ടെ പ്രവണത. പ്രസ്‌തുത വിവരം തങ്ങൾ നേരത്തെ പഠിച്ച​വ​യു​മാ​യി അല്ലെങ്കിൽ തങ്ങളുടെ ജീവി​ത​വു​മാ​യി എങ്ങനെ ബന്ധപ്പെ​ട്ടി​രി​ക്കു​ന്നു എന്നു ധ്യാനി​ക്കു​ന്നെ​ങ്കിൽ അവർക്കു കൂടുതൽ മെച്ചമു​ണ്ടാ​കും.” ഇക്കാര്യ​ത്തിൽ നിങ്ങൾക്കു പുരോ​ഗതി വരുത്താ​നാ​വു​മെന്നു നിങ്ങൾ വിചാ​രി​ക്കു​ന്നു​ണ്ടോ?

യഹോ​വ​യു​ടെ വഴിക​ളെ​ക്കു​റി​ച്ചു താൻ വേണ്ടു​വോ​ളം മനസ്സി​ലാ​ക്കി​യി​രി​ക്കു​ന്നു എന്നൊരു തോന്നൽ 90 വയസ്സിൽ കൂടു​ത​ലാ​യി​ട്ടും പ്രവാ​ച​ക​നായ ദാനി​യേ​ലിന്‌ ഉണ്ടായില്ല. അദ്ദേഹ​ത്തി​ന്റെ ജീവിത സായാ​ഹ്ന​വർഷ​ങ്ങ​ളിൽ തനിക്കു മുഴു​വ​നാ​യി മനസ്സി​ലാ​ക്കാൻ കഴിയാഞ്ഞ ഒരു കാര്യ​ത്തെ​പ്പ​ററി അദ്ദേഹം ചോദി​ച്ചു: “യജമാ​നനേ, ഈ കാര്യ​ങ്ങ​ളു​ടെ അവസാനം എന്തായി​രി​ക്കും?” (ദാനീ​യേൽ 12:8) ദൈവ​ത്തി​ന്റെ സത്യ​ത്തെ​ക്കു​റി​ച്ചു കൂടുതൽ പഠിക്കാ​നുള്ള ഈ സ്ഥായി​യായ ഔത്സു​ക്യ​മാണ്‌ സംഭവ​ബ​ഹു​ല​മായ ജീവി​ത​ത്തി​ലു​ട​നീ​ളം അദ്ദേഹം പ്രകട​മാ​ക്കിയ അതിവി​ശി​ഷ്ട​മായ നിർമ​ല​ത​യ്‌ക്കു നിദാ​ന​മാ​യത്‌ എന്നതിന്‌ ഒരു സംശയ​വു​മില്ല.—ദാനീ​യേൽ 7:8, 16, 19, 20.

അവന്റെ സാക്ഷി​ക​ളിൽ ഒരുവ​നാ​യി അചഞ്ചല​നാ​യി നില​കൊ​ള്ളാൻ അത്രതന്നെ ഉത്തരവാ​ദി​ത്വം യഹോ​വ​യു​ടെ ദാസൻമാ​രിൽ ഓരോ​രു​ത്തർക്കും ഉണ്ട്‌. നിങ്ങളെ ആത്മീയ​മാ​യി ബലിഷ്‌ഠ​രാ​യി നിലനിർത്താൻ പഠിക്കുക, എന്നത്തേ​ക്കാ​ളു​മു​പരി അതിനു​വേണ്ടി ഉത്സുക​രാ​കുക. വാരം​തോ​റു​മുള്ള, മാസം​തോ​റു​മുള്ള, അല്ലെങ്കിൽ വർഷം​തോ​റു​മുള്ള വ്യക്തി​പ​ര​മായ പഠനപ്പ​ട്ടി​ക​യിൽ ഒന്നോ രണ്ടോ പുതിയ സവി​ശേ​ഷ​തകൾ കൂടി ഉൾപ്പെ​ടു​ത്തുക. നിങ്ങൾ നടത്തുന്ന എത്ര നിസ്സാര ശ്രമ​ത്തെ​യും ദൈവം എങ്ങനെ അനു​ഗ്ര​ഹി​ക്കു​മെന്നു കാണുക. അതേ, നിങ്ങളു​ടെ വ്യക്തി​പ​ര​മായ ബൈബിൾപ​ഠനം ആസ്വദി​ക്കുക, ഒപ്പം അതു കൈവ​രു​ത്തുന്ന ഫലങ്ങളും.—സങ്കീർത്തനം 107:43.

[അടിക്കു​റി​പ്പു​കൾ]

As a basis for your enlarged study, you may like to use the chart found in Insight on the Scriptures, published by the Watchtower Bible and Tract Society of New York, Inc., Volume 1, pages 464-6.