ദൈവ​ത്തി​ന്റെ ദാസൻമാർ—സംഘടി​ത​രും സന്തുഷ്ട​രു​മായ ഒരു ജനം

“യഹോവ ദൈവ​മാ​യി​രി​ക്കുന്ന ജനം സന്തുഷ്ട​രാ​കു​ന്നു!”—സങ്കീർത്തനം 144:15, NW.

1, 2. (എ) തന്റെ ദാസൻമാർക്കു​വേണ്ടി പ്രമാ​ണങ്ങൾ വെക്കാൻ യഹോ​വക്ക്‌ അവകാ​ശ​മു​ള്ളത്‌ എന്തു​കൊണ്ട്‌? (ബി) നാം വിശേ​ഷാൽ അനുക​രി​ക്കാൻ ആഗ്രഹി​ക്കേണ്ട യഹോ​വ​യു​ടെ രണ്ടു ഗുണവി​ശേ​ഷങ്ങൾ ഏവ?

യഹോവ സാർവ​ത്രിക പരമാ​ധി​കാ​രി​യും സർവശ​ക്ത​നായ ദൈവ​വും സ്രഷ്ടാ​വും ആണ്‌. (ഉല്‌പത്തി 1:1; സങ്കീർത്തനം 100:3) ആ നിലക്ക്‌, തന്റെ ദാസൻമാർക്ക്‌ എന്താണ്‌ അത്യു​ത്ത​മ​മെന്ന്‌ അറിഞ്ഞു​കൊ​ണ്ടു പെരു​മാ​ററം സംബന്ധി​ച്ചു പ്രമാ​ണങ്ങൾ വെക്കാൻ അവന്‌ അവകാ​ശ​മുണ്ട്‌. (സങ്കീർത്തനം 143:8) അവരുടെ മുഖ്യ മാതൃക അവനാണ്‌, അവന്റെ ഗുണങ്ങൾ അവർ അനുക​രി​ക്കേണ്ട ആവശ്യ​മുണ്ട്‌. “പ്രിയ​മക്കൾ എന്നപോ​ലെ ദൈവത്തെ അനുക​രി​പ്പിൻ” എന്ന്‌ ഒരു അപ്പോ​സ്‌തലൻ എഴുതി.—എഫെസ്യർ 5:1.

² നാം അനുക​രി​ക്കേണ്ട ദൈവ​ത്തി​ന്റെ ഒരു ഗുണവി​ശേഷം സംഘട​ന​യോ​ടു ബന്ധപ്പെ​ട്ട​താണ്‌. അവൻ “കലക്കത്തി​ന്റെ ദൈവമല്ല”. (1 കൊരി​ന്ത്യർ 14:33) ദൈവം സൃഷ്ടി​ച്ചി​രി​ക്കു​ന്ന​തി​നെ നാം സൂക്ഷ്‌മ​മാ​യി നിരീ​ക്ഷി​ക്കു​മ്പോൾ പ്രപഞ്ച​ത്തിൽവെച്ച്‌ ഏററവും സംഘടി​ത​നായ വ്യക്തി അവനാ​ണെന്നു നിഗമ​ന​ത്തി​ലെ​ത്താൻ നാം നിർബ​ന്ധി​ത​രാ​കു​ന്നു. എന്നാൽ, തന്റെ ദാസൻമാർ അനുക​രി​ക്കാൻ ദൈവം ആഗ്രഹി​ക്കുന്ന തന്റെ മറെറാ​രു സ്വഭാ​വ​വി​ശേഷം സന്തുഷ്ടി​യാണ്‌, എന്തെന്നാൽ അവനാണ്‌ “സന്തുഷ്ട​നായ ദൈവം”. (1 തിമൊ​ഥെ​യോസ്‌ 1:11, NW) അങ്ങനെ, അവന്റെ സംഘടനാ പ്രാപ്‌തി സന്തുഷ്ടി​യോ​ടു സമതോ​ലനം ചെയ്യുന്നു. ഒന്നിനു ചേതം വരുത്തി​ക്കൊ​ണ്ടു മററതി​നെ പ്രധാ​ന​മാ​ക്കു​ന്നില്ല.

3. നക്ഷത്ര​നി​ബി​ഡ​മായ ആകാശം ദൈവ​ത്തി​ന്റെ സംഘാടന ശേഷിയെ പ്രകട​മാ​ക്കു​ന്ന​തെ​ങ്ങനെ?

³ ഏററവും വലുതു​മു​തൽ ഏററവും ചെറുതുവരെ യഹോവ ഉണ്ടാക്കി​യി​ട്ടുള്ള സകലതും, അവൻ സംഘാ​ട​ന​ത്തി​ന്റെ ദൈവ​മാ​ണെ​ന്നു​ള്ള​തി​നു തെളിവു നൽകുന്നു. ഉദാഹ​ര​ണ​ത്തിന്‌, ദൃശ്യ​മായ പ്രപഞ്ച​ത്തെ​ക്കു​റി​ച്ചു പരിചി​ന്തി​ക്കുക. അതിൽ കോടാ​നു​കോ​ടി നക്ഷത്രങ്ങൾ അടങ്ങുന്നു. എന്നാൽ ഇവ അലക്ഷ്യ​മാ​യി ചിതറി​യി​ട്ടി​രി​ക്കു​കയല്ല. “നക്ഷത്ര​ങ്ങ​ളു​ടെ സംഘാ​ട​ന​ത്തി​നു ഒരു മാതൃ​ക​യുണ്ട്‌” എന്ന്‌ നക്ഷത്ര​ഭൗ​തി​ക​ജ്ഞ​നായ ജോർജ്‌ ഗ്രീൻസ്‌റ​റീൻ പ്രസ്‌താ​വി​ക്കു​ന്നു. അവ താരാ​പം​ക്തി​കൾ എന്നു വിളി​ക്ക​പ്പെ​ടുന്ന കൂട്ടങ്ങ​ളാ​യി സംഘടി​പ്പി​ക്ക​പ്പെ​ട്ടി​രി​ക്കു​ന്നു, ചിലതിൽ ലക്ഷക്കണ​ക്കി​നു കോടി നക്ഷത്രങ്ങൾ അടങ്ങു​ന്ന​തു​തന്നെ. ശതകോ​ടി​ക്ക​ണ​ക്കി​നു താരാ​പം​ക്തി​കൾ ഉണ്ടെന്നു കണക്കാ​ക്ക​പ്പെ​ട്ടി​രി​ക്കു​ന്നു! താരാ​പം​ക്തി​ക​ളും സംഘടി​ത​മാണ്‌, അവയിൽ പലത്‌ (ഏതാനും എണ്ണം മുതൽ പല ആയിരം വരെ) താരാ​പം​ക്തി​ക​ളു​ടെ ഒരു കുലയാ​യി സംയോ​ജി​പ്പി​ച്ചി​രി​ക്കു​ന്നു. കൂടാതെ താരാ​പം​ക്തി​ക​ളു​ടെ കുലകൾ വൻകു​ലകൾ എന്നു വിളി​ക്ക​പ്പെ​ടുന്ന അതിലും ബൃഹത്തായ ഘടകങ്ങ​ളാ​യി സംഘടി​പ്പി​ക്ക​പ്പെ​ട്ടി​രി​ക്കു​ന്നു​വെന്നു കരുത​പ്പെ​ടു​ന്നു.—സങ്കീർത്തനം 19:1; യെശയ്യാ​വു 40:25, 26.

4, 5. ഭൂമി​യി​ലെ ജീവി​ക​ളു​ടെ​യി​ട​യി​ലുള്ള സംഘാ​ട​ന​ത്തി​ന്റെ ഉദാഹ​ര​ണങ്ങൾ നൽകുക.

⁴ ദൈവ​ത്തി​ന്റെ സൃഷ്ടി​ക​ളു​ടെ മികച്ച സംഘാ​ടനം എല്ലായി​ട​ത്തും, ദൃശ്യ ആകാശ​ങ്ങ​ളിൽ മാത്രമല്ല പിന്നെ​യോ ആയിര​ക്ക​ണ​ക്കി​നു ജീവി​ക​ളോ​ടു​കൂ​ടിയ ഭൂമി​യി​ലും കാണ​പ്പെ​ടു​ന്നു. ഇതി​നെ​യെ​ല്ലാം സംബന്ധിച്ച്‌, “ഭൗതിക ലോക​ത്തി​ന്റെ മാഹാ​ത്മ്യ​വും സങ്കീർണ​മായ സംഘാ​ട​ന​വും” നിമിത്തം, നിരീ​ക്ഷകർ “അത്ഭുത​സ്‌ത​ബ്ധ​രാ​കു​ന്നു” എന്ന്‌ ഊർജ​തന്ത്ര പ്രൊ​ഫ​സ​റായ പോൾ ഡേവിസ്‌ എഴുതു​ക​യു​ണ്ടാ​യി.—സങ്കീർത്തനം 104:24.

⁵ ജീവി​ക​ളിൽ കാണുന്ന “സങ്കീർണ​മായ സംഘാടന”ത്തിന്റെ ഏതാനും ദൃഷ്ടാ​ന്തങ്ങൾ പരിചി​ന്തി​ക്കുക. നാഡീ​ശ​സ്‌ത്ര​ക്രി​യാ​വി​ദ​ഗ്‌ധ​നായ ജോസഫ്‌ ഇവാൻസ്‌ മമനു​ഷ്യ​ന്റെ തലച്ചോ​റി​നെ​യും സുഷു​മ്‌നാ നാഡി​യെ​യും സംബന്ധിച്ച്‌ ഇപ്രകാ​രം പറഞ്ഞു: “വലിയ ക്രമം ഉണ്ടെന്നുള്ള യാഥാർഥ്യം മിക്കവാ​റും എതിരി​ല്ലാ​ത്ത​താണ്‌.” സൂക്ഷ്‌മ​ദർശ​നി​യി​ലൂ​ടെ മാത്രം കാണുന്ന ജീവനുള്ള കോശ​ത്തെ​ക്കു​റിച്ച്‌ അണുജീ​വി​വി​ദ​ഗ്‌ധ​നായ എച്ച്‌. ജെ. ഷോനസി ഇപ്രകാ​രം പ്രസ്‌താ​വി​ച്ചു: “സൂക്ഷ്‌മാ​ണു​ജീ​വി​ക​ളു​ടെ ലോക​ത്തി​ന്റെ സങ്കീർണ​ത​യും മനോ​ഹ​ര​മായ ക്രമവും, അതു ദൈവം സ്ഥാപിച്ച ഒരു വ്യവസ്ഥ​യു​ടെ ഭാഗമാ​ണെന്നു തോന്നി​ക്കു​മാറ്‌ അത്ര അത്ഭുത​ക​ര​മാ​യി നിർമി​ക്ക​പ്പെ​ട്ടി​രി​ക്കു​ന്നു.” ഒരു കോശ​ത്തി​നു​ള്ളി​ലെ ജനിതക സംജ്ഞയെ (DNA) സംബന്ധിച്ച്‌ തൻമാ​ത്രീയ ജീവശാ​സ്‌ത്ര​ജ്ഞ​നായ മൈക്കിൾ ഡെൻറൻ ഇപ്രകാ​രം പറഞ്ഞു: “അത്‌ ഈ ഗ്രഹത്തിൽ ഇതുവരെ സ്ഥിതി​ചെ​യ്‌തി​ട്ടുള്ള സകല ഇനം ജീവി​ക​ളു​ടെ​യും രൂപകൽപ്പന തരംതി​രിച്ച്‌ അറിയി​ക്കാൻ ആവശ്യ​മുള്ള . . . മുഴു​വി​വ​ര​വും ഒരു ചായക്ക​ര​ണ്ടി​യിൽ എടുത്തു​പി​ടി​ക്കാൻ കഴിയ​ത്ത​ക്ക​വണ്ണം വളരെ കാര്യ​ക്ഷ​മ​മാണ്‌, ഇതുവരെ എഴുത​പ്പെട്ട എല്ലാപു​സ്‌ത​ക​ങ്ങ​ളി​ലു​മുള്ള സകല വിവര​ത്തി​നും​വേണ്ടി അവിടെ പിന്നെ​യും സ്ഥലം ശേഷി​ച്ചി​രി​ക്കും.”—കാണുക: സങ്കീർത്തനം 139:16.

6, 7. ആത്മജീ​വി​ക​ളു​ടെ ഇടയിൽ എന്തു സംഘാ​ടനം കാണ​പ്പെ​ടു​ന്നു, അവർ തങ്ങളുടെ നിർമാ​താ​വി​നോ​ടു വിലമ​തി​പ്പു പ്രകട​മാ​ക്കു​ന്ന​തെ​ങ്ങനെ?

⁶ യഹോവ തന്റെ ഭൗതിക സൃഷ്ടി​കളെ മാത്രമല്ല സംഘടി​പ്പി​ക്കു​ന്നത്‌, പിന്നെ​യോ അവൻ സ്വർഗ​ത്തി​ലെ തന്റെ ആത്മസൃ​ഷ്ടി​ക​ളെ​യും സംഘടി​പ്പി​ക്കു​ന്നു. ദൂതൻമാ​രു​ടെ “പതിനാ​യി​രം പതിനാ​യി​രം” എണ്ണം ‘യഹോ​വ​യു​ടെ മുമ്പാകെ നിന്നതാ​യി’ ദാനീ​യേൽ 7:10 നമ്മെ അറിയി​ക്കു​ന്നു. ഉചിത​മായ വ്യക്തിഗത ജോലി നിയമ​ന​മുള്ള ശക്തരായ പത്തു​കോ​ടി ആത്മജീ​വി​ക​ളു​ടെ ഹാജർ! അത്തരം വൻകൂ​ട്ടത്തെ സംഘടി​പ്പി​ക്കു​ന്ന​തിന്‌ ആവശ്യ​മായ വൈദ​ഗ്‌ധ്യ​ത്തെ​ക്കു​റി​ച്ചു ചിന്തി​ക്കു​ന്നത്‌ അമ്പരപ്പി​ക്കു​ന്ന​താണ്‌. ഉചിത​മാ​യി, ബൈബിൾ ഇപ്രകാ​രം പ്രസ്‌താ​വി​ക്കു​ന്നു: “അവന്റെ വചനത്തി​ന്റെ ശബ്ദം കേട്ടു അവന്റെ ആജ്ഞ അനുസ​രി​ക്കുന്ന വീരൻമാ​രാ​യി അവന്റെ ദൂതൻമാ​രാ​യു​ള്ളോ​രേ, യഹോ​വയെ വാഴ്‌ത്തു​വിൻ. അവന്റെ ഇഷ്ടം ചെയ്യുന്ന ശുശ്രൂ​ഷ​ക്കാ​രാ​യി അവന്റെ സകല [ദൂത] സൈന്യ​ങ്ങ​ളു​മാ​യു​ള്ളോ​രേ, യഹോ​വയെ വാഴ്‌ത്തു​വിൻ”.—സങ്കീർത്തനം 103:20, 21; വെളി​പ്പാ​ടു 5:11.

⁷ സ്രഷ്ടാ​വി​ന്റെ വേലകൾ എത്ര മഹനീ​യ​മാ​യി സംഘടി​പ്പി​ക്ക​പ്പെ​ട്ട​തും കാര്യ​ക്ഷ​മ​വു​മാണ്‌! സ്വർഗീയ മണ്ഡലത്തി​ലെ ശക്തരായ ആത്മജീ​വി​കൾ ഭയഭക്തി​യോ​ടും കീഴ്‌വ​ഴ​ക്ക​ത്തോ​ടും കൂടെ, “കർത്താവേ, നീ സർവ്വവും സൃഷ്ടി​ച്ച​വ​നും എല്ലാം നിന്റെ ഇഷ്ടം ഹേതു​വാൽ ഉണ്ടായ​തും സൃഷ്ടി​ക്ക​പ്പെ​ട്ട​തും ആകയാൽ മഹത്വ​വും ബഹുമാ​ന​വും ശക്തിയും കൈ​ക്കൊൾവാൻ യോഗ്യൻ” എന്നു പ്രഖ്യാ​പി​ക്കു​ന്നത്‌ അതിശ​യമല്ല.—വെളി​പ്പാ​ടു 4:11.

8. യഹോവ ഭൂമി​യി​ലെ തന്റെ ദാസൻമാ​രെ സംഘടി​പ്പി​ക്കു​ന്നു​വെന്ന്‌ ഏതു ദൃഷ്ടാ​ന്തങ്ങൾ പ്രകട​മാ​ക്കു​ന്നു?

⁸ യഹോവ ഭൂമി​യി​ലുള്ള തന്റെ ദാസൻമാ​രെ​യും സംഘടി​പ്പി​ക്കു​ന്നു. പൊ.യു.മു. [പൊതു​യു​ഗ​ത്തി​നു മുമ്പ്‌] 2370-ൽ നോഹ​യു​ടെ നാളിൽ ജലപ്ര​ളയം വരുത്തി​യ​പ്പോൾ നോഹ​യും മററ്‌ ഏഴു​പേ​രും ഒരു കുടുംബ സംഘട​ന​യെന്ന നിലയിൽ പ്രളയത്തെ അതിജീ​വി​ച്ചു. പൊ.യു.മു. 1513-ലെ പുറപ്പാ​ടിൽ യഹോവ നിരവധി ലക്ഷങ്ങൾ വരുന്ന തന്റെ ജനത്തെ ഈജി​പ്‌തി​ലെ അടിമ​ത്ത​ത്തിൽനി​ന്നു വിടു​വി​ക്കു​ക​യും അവരുടെ അനുദിന കാര്യാ​ദി​ക​ളും ആരാധ​ന​യും സംഘടിപ്പിക്കുന്നതിനു വിശദ​മായ ഒരു നിയമ​സം​ഹിത അവർക്കു കൊടു​ക്കു​ക​യും ചെയ്‌തു. പിൽക്കാ​ലത്ത്‌, വാഗ്‌ദ​ത്ത​ദേ​ശത്ത്‌ അവരിൽ പതിനാ​യി​ര​ക്ക​ണ​ക്കി​നാ​ളു​കൾ ആലയത്തി​ലെ പ്രത്യേ​ക​സേ​വ​ന​ത്തി​നാ​യി സംഘടി​പ്പി​ക്ക​പ്പെട്ടു. (1 ദിനവൃ​ത്താ​ന്തം 23:4, 5) ഒന്നാം നൂററാ​ണ്ടിൽ, ദിവ്യ​മാർഗ​നിർദേ​ശ​ത്തിൻ കീഴിൽ ക്രിസ്‌തീയ സഭകൾ സംഘടി​പ്പി​ക്ക​പ്പെട്ടു: “അവൻ ചിലരെ അപ്പൊ​സ്‌ത​ലൻമാ​രാ​യും ചിലരെ പ്രവാ​ച​കൻമാ​രാ​യും ചിലരെ സുവി​ശേ​ഷ​കൻമാ​രാ​യും ചിലരെ ഇടയൻമാ​രാ​യും ഉപദേ​ഷ്ടാ​ക്കൻമാ​രാ​യും നിയമി​ച്ചി​രി​ക്കു​ന്നു; വിശു​ദ്ധൻമാ​രു​ടെ യഥാസ്ഥാ​ന​ത്വ​ത്തി​ന്നാ​യുള്ള ശുശ്രൂ​ഷ​യു​ടെ വേലക്കും . . . ആകുന്നു.”—എഫെസ്യർ 4:11, 13.

ആധുനി​ക​നാ​ളി​ലെ ദാസൻമാ​രും സംഘടി​തർ

9, 10. നമ്മുടെ കാലത്ത്‌ യഹോവ തന്റെ ജനത്തെ സംഘടി​പ്പി​ച്ചി​രി​ക്കു​ന്ന​തെ​ങ്ങനെ?

⁹ അതു​പോ​ലെ​തന്നെ, യഹോവ തന്റെ ആധുനി​ക​നാ​ളി​ലെ ദാസൻമാ​രെ സംഘടി​പ്പി​ച്ചി​രി​ക്കു​ന്നു. അവൻ ഇപ്പോ​ഴത്തെ ഭക്തികെട്ട വ്യവസ്ഥി​തി​ക്കു നാശം വരുത്തു​ന്ന​തി​നു​മുമ്പ്‌, തന്റെ രാജ്യ​ത്തി​ന്റെ സുവാർത്ത പ്രസം​ഗി​ക്കു​ക​യെന്ന നമ്മുടെ നാളി​ലേ​ക്കുള്ള അവന്റെ വേല അവർക്കു ഫലകര​മാ​യി ചെയ്യാൻ കഴിയു​ന്ന​തി​നു​തന്നെ. (മത്തായി 24:14) ഈ ആഗോ​ള​വേ​ല​യിൽ ഉൾപ്പെ​ട്ടി​രി​ക്കു​ന്ന​തെ​ന്താ​ണെ​ന്നും നല്ല സംഘാ​ടനം എത്ര പ്രധാ​ന​മാ​ണെ​ന്നും പരിചി​ന്തി​ക്കുക. മററു​ള്ള​വരെ ബൈബിൾ സത്യങ്ങൾ പഠിപ്പി​ക്കു​ന്ന​തി​നു ലക്ഷക്കണ​ക്കി​നു പുരു​ഷൻമാ​രും സ്‌ത്രീ​ക​ളും കുട്ടി​ക​ളും പരിശീ​ലി​പ്പി​ക്ക​പ്പെ​ടു​ന്നു. ഈ പരിശീ​ല​നത്തെ പിന്താ​ങ്ങു​ന്ന​തി​നു ബൃഹത്തായ അളവിൽ ബൈബി​ളു​ക​ളും ബൈബി​ള​ധി​ഷ്‌ഠിത പ്രസി​ദ്ധീ​ക​ര​ണ​ങ്ങ​ളും അച്ചടി​ക്ക​പ്പെ​ടു​ന്നു. എന്തിന്‌, വീക്ഷാ​ഗോ​പു​ര​ത്തി​ന്റെ ഓരോ ലക്കത്തി​നും ഇപ്പോൾ 118 ഭാഷക​ളി​ലാ​യി 160 ലക്ഷത്തി​ല​ധി​കം പ്രതി​ക​ളു​ടെ അച്ചടി​യുണ്ട്‌, ഉണരുക! 73 ഭാഷക​ളി​ലാ​യി ഏതാണ്ട്‌ 130 ലക്ഷവും അച്ചടി​ക്കു​ന്നു. ഏതാണ്ട്‌ എല്ലാ പതിപ്പു​ക​ളും സമകാ​ലി​ക​മാ​യി അച്ചടി​ക്ക​പ്പെ​ടു​ന്ന​തു​കൊണ്ട്‌ യഹോ​വ​യു​ടെ എല്ലാ ദാസൻമാർക്കും​തന്നെ ഒരേ സമയത്ത്‌ ഒരേ വിവരം ലഭിക്കു​ന്നു.

¹⁰ അതിനു​പു​റമേ, ബൈബിൾ പ്രബോ​ധ​ന​ത്തി​നാ​യി നിരന്തരം കൂടി​വ​രു​ന്ന​തിന്‌ യഹോ​വ​യു​ടെ സാക്ഷി​ക​ളു​ടെ 73,000-ത്തിലധി​കം സഭകൾ ലോക​വ്യാ​പ​ക​മാ​യി സംഘടി​പ്പി​ക്ക​പ്പെ​ടു​ന്നു. (എബ്രായർ 10:24, 25) ഓരോ വർഷവും ആയിര​ക്ക​ണ​ക്കി​നു വലിയ കൂടി​വ​ര​വു​ക​ളും ഉണ്ട്‌—സർക്കിട്ട്‌ സമ്മേള​ന​ങ്ങ​ളും ഡിസ്‌ട്രിക്ട്‌ കൺ​വെൻ​ഷ​നു​ക​ളും​തന്നെ. പുതി​യ​തോ പരിഷ്‌ക​രി​ച്ച​തോ ആയ രാജ്യ​ഹാ​ളു​ക​ളു​ടെ​യും സമ്മേളന ഹാളു​ക​ളു​ടെ​യും ബെഥേൽ ഭവനങ്ങ​ളു​ടെ​യും ബൈബിൾ സാഹി​ത്യം അച്ചടി​ക്കു​ന്ന​തി​നുള്ള സൗകര്യ​ങ്ങ​ളു​ടെ​യും ബൃഹത്തായ അളവി​ലുള്ള നിർമാ​ണം ആഗോ​ള​മാ​യി നടക്കുന്നു. ഗോള​മെ​മ്പാ​ടും വിവി​ധ​രാ​ജ്യ​ങ്ങ​ളിൽ നടത്ത​പ്പെ​ടുന്ന പയനിയർ സേവന​സ്‌കൂ​ളും മിഷന​റി​മാർക്കു​വേ​ണ്ടി​യുള്ള വാച്ച്‌ ടവർ ഗിലെ​യദ്‌ സ്‌കൂ​ളും പോലെ ബൈബിൾ ഉപദേ​ഷ്ടാ​ക്കൾക്ക്‌ പുരോ​ഗ​മിച്ച പരിശീ​ലനം കൊടു​ക്കാ​നുള്ള സ്‌കൂ​ളു​ക​ളും ഉണ്ട്‌.

11. ഇപ്പോൾ നല്ല സംഘാ​ടനം പഠിക്കു​ന്ന​തിൽനിന്ന്‌ എന്തു ഭാവി​പ്ര​യോ​ജനം കൈവ​രും?

¹¹ ശുശ്രൂ​ഷ​ക​രായ തന്റെ ദൂതൻമാ​രു​ടെ സഹായ​ത്തോ​ടെ, ‘തങ്ങളുടെ ശുശ്രൂഷ നിറപ​ടി​യാ​യി നിവർത്തി​ക്കാൻ’ യഹോവ ഭൂമി​യി​ലുള്ള തന്റെ ജനത്തെ എത്ര നന്നായി സംഘടി​പ്പി​ച്ചി​രി​ക്കു​ന്നു! (2 തിമൊ​ഥെ​യൊസ്‌ 4:5; എബ്രായർ 1:13, 14; വെളി​പ്പാ​ടു 14:6) തന്റെ ദാസൻമാ​രെ ഇപ്പോൾ നല്ല സംഘാ​ട​ന​ത്തി​ന്റെ രീതികൾ പഠിപ്പി​ക്കു​ന്ന​തി​നാൽ ദൈവം മറെറാ​രു കാര്യം​കൂ​ടെ നേടു​ക​യാണ്‌. അവന്റെ ദാസൻമാർ ഈ വ്യവസ്ഥി​തി​യു​ടെ നാശത്തെ അതിജീ​വി​ക്കു​മ്പോൾ പുതിയ വ്യവസ്ഥി​തി​യി​ലെ ജീവിതം തുടങ്ങാൻ അവർ അപ്പോൾത്തന്നെ സംഘടി​ത​രാ​യി​രി​ക്കേ​ണ്ട​തി​നു നന്നായി ഒരുക്ക​പ്പെ​ടു​ക​യാണ്‌. അപ്പോൾ യഹോ​വ​യു​ടെ മാർഗ​നിർദേ​ശ​ത്തിൻകീ​ഴിൽ ഒരു സംഘടി​ത​വി​ധ​ത്തിൽ അവർ ആഗോള പറുദീസ കെട്ടി​പ്പ​ടു​ക്കാൻ തുടങ്ങും. അവർ മരിച്ച​വ​രിൽനി​ന്നു പുനരു​ത്ഥാ​നം പ്രാപി​ക്കുന്ന കോടി​ക്ക​ണ​ക്കി​നാ​ളു​കളെ ജീവൻ പ്രാപി​ക്കാ​നുള്ള ദൈവ​ത്തി​ന്റെ വിശദ​മായ വ്യവസ്ഥകൾ പഠിപ്പി​ക്കാൻ സുസജ്ജ​രാ​യി​രി​ക്കു​ക​യും ചെയ്യും.—യെശയ്യാ​വു 11:9; 54:13; പ്രവൃ​ത്തി​കൾ 24:15; വെളി​പ്പാ​ടു 20:12, 13.

സംഘടി​ത​രെ​ങ്കി​ലും സന്തുഷ്ടർ

12, 13. തന്റെ ജനം സന്തുഷ്ട​രാ​യി​രി​ക്കാൻ യഹോവ ആഗ്രഹി​ക്കു​ന്നു​വെന്നു നമുക്കു പറയാൻ കഴിയു​ന്ന​തെ​ന്തു​കൊണ്ട്‌?

¹² യഹോവ അത്ഭുത​ക​ര​മായ കഴിവുള്ള ഒരു വേലക്കാ​ര​നും മികച്ച സംഘാ​ട​ക​നും ആണെന്നി​രി​ക്കെ അവൻ നിർവി​കാ​ര​നോ അയവി​ല്ലാ​ത്ത​വ​നോ യന്ത്രം​പോ​ലെ പണി​യെ​ടു​ക്കു​ന്ന​വ​നോ അല്ല. മറിച്ച്‌, അവൻ നമ്മുടെ സന്തുഷ്ടി​യിൽ തത്‌പ​ര​നായ, വളരെ ഊഷ്‌മ​ള​ത​യും സന്തുഷ്ടി​യു​മുള്ള ഒരു വ്യക്തി​യാണ്‌. ‘അവൻ നിങ്ങൾക്കാ​യി കരുതു​ന്നു’ എന്ന്‌ 1 പത്രൊസ്‌ 5:7 പ്രഖ്യാ​പി​ക്കു​ന്നു. അവന്റെ കരുത​ലും തന്റെ ദാസൻമാർ സന്തുഷ്ട​രാ​യി​രി​ക്കാ​നുള്ള അവന്റെ ആഗ്രഹ​വും അവൻ മനുഷ്യർക്കു​വേണ്ടി നിർമി​ച്ചി​ട്ടു​ള്ള​വ​യിൽ നമുക്കു കാണാൻ കഴിയും. ദൃഷ്ടാ​ന്ത​ത്തിന്‌, ദൈവം പൂർണ​മ​നു​ഷ്യ​നെ​യും സ്‌ത്രീ​യെ​യും സൃഷ്ടി​ച്ച​പ്പോൾ അവൻ അവരെ ഉല്ലാസ​ത്തി​ന്റെ ഒരു പറുദീ​സ​യിൽ ആക്കി. (ഉല്‌പത്തി 1:26-31; 2:8, 9) അവരെ പരമസ​ന്തു​ഷ്ട​രാ​ക്കു​ന്ന​തിന്‌ അവർക്കാ​വ​ശ്യ​മുള്ള സകലതും അവൻ നൽകി. എന്നാൽ മത്സരത്തി​ലൂ​ടെ അവർക്ക്‌ അതെല്ലാം നഷ്ടപ്പെട്ടു. അവരുടെ പാപത്തി​ന്റെ ഫലമായി നാം അപൂർണ​ത​യും മരണവും അവകാ​ശ​പ്പെ​ടു​ത്തി.—റോമർ 3:23; 5:12.

¹³ അപൂർണ​രാ​ണെ​ങ്കി​ലും, മനുഷ്യ​രായ നമുക്ക്‌ ദൈവം നിർമി​ച്ചി​ട്ടു​ള്ള​വ​യിൽ ഇപ്പോ​ഴും സന്തുഷ്ടി കണ്ടെത്താൻ കഴിയും. നമുക്ക്‌ ആസ്വാ​ദനം കൈവ​രു​ത്തുന്ന അനേകം കാര്യങ്ങൾ ഉണ്ട്‌—മഹാപർവ​തങ്ങൾ; മനോ​ഹ​ര​മായ തടാക​ങ്ങ​ളും നദിക​ളും സമു​ദ്ര​ങ്ങ​ളും കടൽപ്പു​റ​ങ്ങ​ളും; നിറപ്പ​കി​ട്ടാർന്ന, സൗരഭ്യ​മുള്ള പുഷ്‌പ​ങ്ങ​ളും അനന്ത​വൈ​വി​ധ്യ​മാർന്ന മററു സസ്യങ്ങ​ളും; രുചി​ക​ര​മായ ഭക്ഷ്യപ​ദാർഥ​ങ്ങ​ളു​ടെ സമൃദ്ധി; നാം ഒരിക്ക​ലും കണ്ടു മടുക്കാത്ത വർണശ​ബ​ള​മായ സൂര്യാ​സ്‌ത​മ​യങ്ങൾ; രാത്രി​യിൽ നാം കണ്ടാസ്വ​ദി​ക്കുന്ന നക്ഷത്ര​നി​ബി​ഡ​മായ ആകാശങ്ങൾ; വൈവി​ധ്യ​മാർന്ന മൃഗസൃ​ഷ്ടി​യും കളിച്ചു കോമാ​ളി​ത്തരം കാട്ടുന്ന അവയുടെ വശീക​രി​ക്കുന്ന കുഞ്ഞു​ങ്ങ​ളും; ഉത്തേജ​ക​മായ സംഗീതം; രസകര​വും ഉപയോ​ഗ​പ്ര​ദ​വു​മായ വേല; നല്ല സുഹൃ​ത്തു​ക്കൾ. അത്തരം കാര്യങ്ങൾ ക്രമീ​ക​രി​ച്ചവൻ മററു​ള്ള​വരെ സന്തുഷ്ട​രാ​ക്കു​ന്നത്‌ ആസ്വദി​ക്കുന്ന സന്തുഷ്ട​നായ ഒരു വ്യക്തി​യാ​ണെ​ന്നു​ള്ളതു സ്‌പഷ്ട​മാണ്‌.

14. അവനെ അനുക​രി​ക്കു​ന്ന​തിൽ യഹോവ നമ്മിൽനിന്ന്‌ എന്തു സമനില ആവശ്യ​പ്പെ​ടു​ന്നു?

¹⁴ അതു​കൊണ്ട്‌, യഹോവ ആഗ്രഹി​ക്കു​ന്നതു വെറും സംഘടിത കാര്യ​ക്ഷ​മ​തയല്ല. തന്റെ ദാസൻമാർ സന്തുഷ്ട​രാ​യി​രി​ക്കാ​നും അവൻ ആഗ്രഹി​ക്കു​ന്നു. അവർ തങ്ങളുടെ സന്തുഷ്ടി​ക്കു ഹാനി വരുത്തി​ക്കൊണ്ട്‌, മതഭ്രാ​ന്തോ​ടെ കാര്യാ​ദി​കൾ സംഘടി​പ്പി​ക്കാൻ അവൻ ആഗ്രഹി​ക്കു​ന്നില്ല. ദൈവ​ത്തി​ന്റെ ദാസൻമാർ അവൻ ചെയ്യു​ന്ന​തു​പോ​ലെ സംഘടനാ വൈദ​ഗ്‌ധ്യ​ത്തെ സന്തുഷ്ടി​യു​മാ​യി സമനി​ല​യിൽ നിർത്തണം, എന്തെന്നാൽ അവന്റെ ശക്തമായ പരിശു​ദ്ധാ​ത്മാവ്‌ എവി​ടെ​യു​ണ്ടോ അവിടെ സന്തോ​ഷ​മുണ്ട്‌. വാസ്‌ത​വ​ത്തിൽ, തന്റെ ജനത്തിൽ പ്രവർത്തി​ക്കുന്ന ദൈവ​ത്തി​ന്റെ പരിശു​ദ്ധാ​ത്മാ​വി​ന്റെ രണ്ടാമത്തെ ഫലം “സന്തോഷം” ആണെന്നു ഗലാത്യർ 5:22 പ്രകട​മാ​ക്കു​ന്നു.

സ്‌നേഹം സന്തുഷ്ടി ജനിപ്പി​ക്കു​ന്നു

15. നമ്മുടെ സന്തുഷ്ടി​ക്കു സ്‌നേഹം വളരെ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹⁵ “ദൈവം സ്‌നേഹം തന്നേ” എന്നു ബൈബിൾ പ്രസ്‌താ​വി​ക്കു​ന്നതു കുറി​ക്കൊ​ള്ളു​ന്നതു താത്‌പ​ര്യ​ജ​ന​ക​മാണ്‌. (ചെരി​ച്ചെ​ഴു​ത്തു ഞങ്ങളു​ടേത്‌. [1 യോഹ​ന്നാൻ 4:8, 16]) “ദൈവം സംഘാ​ടനം ആകുന്നു” എന്ന്‌ അത്‌ ഒരിക്ക​ലും പറയു​ന്നില്ല. സ്‌നേ​ഹ​മാ​ണു ദൈവ​ത്തി​ന്റെ മുഖ്യ​ഗു​ണം, അവന്റെ ദാസൻമാർ അത്‌ അനുക​രി​ക്കു​ക​യും വേണം. ഗലാത്യർ 5:22-ൽ പട്ടിക​പ്പെ​ടു​ത്തി​യി​രി​ക്കുന്ന ദൈവാ​ത്മാ​വി​ന്റെ ആദ്യത്തെ ഫലം “സ്‌നേഹം” ആയിരി​ക്കു​ന്നത്‌ അതു​കൊ​ണ്ടാണ്‌, അടുത്തത്‌ “സന്തോഷം”. സ്‌നേഹം സന്തോഷം ജനിപ്പി​ക്കു​ന്നു. നാം മററു​ള്ള​വ​രോ​ടുള്ള ഇടപെ​ട​ലു​ക​ളിൽ യഹോ​വ​യു​ടെ സ്‌നേഹം അനുക​രി​ക്കു​മ്പോൾ, പിന്നാലേ സന്തുഷ്ടി വരുന്നു, എന്തെന്നാൽ സ്‌നേ​ഹ​മുള്ള ജനം സന്തുഷ്ടി​യുള്ള ജനമാണ്‌.

16. സ്‌നേ​ഹ​ത്തി​ന്റെ പ്രാധാ​ന്യം യേശു പ്രകട​മാ​ക്കി​യ​തെ​ങ്ങനെ?

¹⁶ ദൈവിക സ്‌നേഹം അനുക​രി​ക്കു​ന്ന​തി​ന്റെ പ്രാധാ​ന്യം യേശു​വി​ന്റെ ഉപദേ​ശ​ങ്ങ​ളിൽ പ്രമു​ഖ​മാ​ക്ക​പ്പെ​ടു​ന്നു. അവൻ പറഞ്ഞു: “ഞാൻ . . . പിതാവു എനിക്കു ഉപദേ​ശി​ച്ചു​ത​ന്നതു പോലെ ഇതു സംസാ​രി​ക്കു​ന്നു”. (യോഹ​ന്നാൻ 8:28) വിശേ​ഷാൽ, യേശു​വി​നെ പഠിപ്പി​ച്ച​തും അവൻ ക്രമത്തിൽ മററു​ള്ള​വരെ പഠിപ്പി​ച്ച​തും എന്തായി​രു​ന്നു? ഏററവും വലിയ രണ്ടു കൽപ്പനകൾ ദൈവത്തെ സ്‌നേ​ഹി​ക്കാ​നും അയൽക്കാ​രനെ സ്‌നേ​ഹി​ക്കാ​നും ഉള്ളതാണ്‌ എന്നതാ​യി​രു​ന്നു. (മത്തായി 22:36-39) യേശു അത്തരം സ്‌നേ​ഹത്തെ മാതൃ​ക​യാൽ വിശദ​മാ​ക്കി. “ഞാൻ പിതാ​വി​നെ സ്‌നേ​ഹി​ക്കു​ന്നു” എന്ന്‌ അവൻ പറഞ്ഞു, മരണ​ത്തോ​ളം ദൈവ​ത്തി​ന്റെ ഇഷ്ടം ചെയ്‌ത്‌ അതു തെളി​യി​ച്ചു​കൊ​ണ്ടു​തന്നെ. ആളുകൾക്കു​വേണ്ടി മരിച്ചു​കൊണ്ട്‌ അവൻ അവരോ​ടുള്ള സ്‌നേ​ഹ​വും പ്രകട​മാ​ക്കി. അപ്പോ​സ്‌ത​ല​നായ പൗലോസ്‌ എഫേസൂ​സി​ലെ ക്രിസ്‌ത്യാ​നി​ക​ളോ​ടു പറഞ്ഞു: ‘ക്രിസ്‌തു​വും നിങ്ങളെ സ്‌നേ​ഹി​ച്ചു നമുക്കു വേണ്ടി തന്നെത്താൻ അർപ്പിച്ചു’. (യോഹ​ന്നാൻ 14:31; എഫെസ്യർ 5:2) അതു​കൊണ്ട്‌, യേശു തന്റെ അനുഗാ​മി​ക​ളോ​ടു പറഞ്ഞു: “ഞാൻ നിങ്ങളെ സ്‌നേ​ഹി​ച്ചി​രി​ക്കു​ന്ന​തു​പോ​ലെ നിങ്ങളും തമ്മിൽ തമ്മിൽ സ്‌നേ​ഹി​ക്കേണം എന്നാകു​ന്നു എന്റെ കല്‌പന”.—യോഹ​ന്നാൻ 15:12, 13.

17. മററു​ള്ള​വ​രോ​ടു സ്‌നേഹം പ്രകട​മാ​ക്കു​ന്നത്‌ അതി​പ്ര​ധാ​ന​മാ​ണെന്നു പൗലോസ്‌ പ്രകട​മാ​ക്കി​യ​തെ​ങ്ങനെ?

¹⁷ ഇപ്രകാ​രം പറഞ്ഞു​കൊണ്ട്‌ ഈ ദൈവിക സ്‌നേഹം എത്ര പ്രധാ​ന​മാ​ണെന്നു പൗലോസ്‌ പ്രകട​മാ​ക്കി: “ഞാൻ മനുഷ്യ​രു​ടെ​യും ദൂതൻമാ​രു​ടെ​യും ഭാഷക​ളിൽ സംസാ​രി​ച്ചാ​ലും എനിക്കു സ്‌നേ​ഹ​മില്ല എങ്കിൽ ഞാൻ മുഴങ്ങുന്ന ചെമ്പോ ചിലമ്പുന്ന കൈത്താ​ള​മോ അത്രേ. എനിക്കു പ്രവച​ന​വരം ഉണ്ടായി​ട്ടു സകല മർമ്മങ്ങ​ളും സകല ജ്ഞാനവും ഗ്രഹി​ച്ചാ​ലും മലകളെ നീക്കു​വാൻതക്ക വിശ്വാ​സം ഉണ്ടായാ​ലും സ്‌നേ​ഹ​മില്ല എങ്കിൽ ഞാൻ ഏതുമില്ല. എനിക്കു​ള്ള​തെ​ല്ലാം അന്നദാനം ചെയ്‌താ​ലും എന്റെ ശരീരം ചുടു​വാൻ ഏല്‌പി​ച്ചാ​ലും, സ്‌നേഹം ഇല്ല എങ്കിൽ എനിക്കു ഒരു പ്രയോ​ജ​ന​വും ഇല്ല. . . . വിശ്വാ​സം, പ്രത്യാശ, സ്‌നേഹം ഈ മൂന്നും നിലനിൽക്കു​ന്നു; ഇവയിൽ വലിയ​തോ സ്‌നേഹം തന്നേ.”—1 കൊരി​ന്ത്യർ 13:1-3, 13.

18. നമ്മുടെ സന്തുഷ്ടി​യെ വർദ്ധി​പ്പി​ക്കുന്ന എന്തു നമുക്കു യഹോ​വ​യിൽനി​ന്നു പ്രതീ​ക്ഷി​ക്കാൻ കഴിയും?

¹⁸ നാം യഹോ​വ​യു​ടെ സ്‌നേ​ഹത്തെ അനുക​രി​ക്കു​മ്പോൾ, പിശകു​കൾ വരുത്തു​മ്പോൾപോ​ലും നമ്മോ​ടുള്ള അവന്റെ സ്‌നേഹം സംബന്ധി​ച്ചു നമുക്ക്‌ ഉറപ്പു​ള്ള​വ​രാ​യി​രി​ക്കാൻ കഴിയും, എന്തു​കൊ​ണ്ടെ​ന്നാൽ അവൻ “കരുണ​യും കൃപയു​മു​ള്ളവൻ; ദീർഘ​ക്ഷ​മ​യും മഹാദ​യ​യും വിശ്വ​സ്‌ത​ത​യു​മു​ള്ളവൻ” ആകുന്നു. (പുറപ്പാ​ടു 34:6) നാം പിശകു​കൾ വരുത്തു​മ്പോൾ ആത്മാർഥ​മാ​യി അനുത​പി​ക്കു​ന്നെ​ങ്കിൽ ദൈവം ഇവയുടെ കണക്കു സൂക്ഷി​ക്കാ​തെ നമ്മോടു സ്‌നേ​ഹ​പൂർവം ക്ഷമിക്കു​ന്നു. (സങ്കീർത്തനം 103:1-3) അതെ, “കർത്താവു [യഹോവ, NW] മഹാക​രു​ണ​യും മനസ്സലി​വു​മു​ള്ള​വ​ന​ല്ലോ.” (യാക്കോബ്‌ 5:11) ഇതറി​യു​ന്നതു നമ്മുടെ സന്തുഷ്ടി​ക്കു സംഭാവന ചെയ്യുന്നു.

ആപേക്ഷിക സന്തുഷ്ടി ഇപ്പോൾ

19, 20. (എ) പൂർണ സന്തുഷ്ടി ഇപ്പോൾ സാധ്യ​മ​ല്ലാ​ത്ത​തെ​ന്തു​കൊണ്ട്‌? (ബി) ഇക്കാലത്തു നമുക്ക്‌ ആപേക്ഷിക സന്തുഷ്ടി ഉണ്ടായി​രി​ക്കാ​വു​ന്ന​താ​ണെന്ന്‌ ബൈബിൾ പ്രകട​മാ​ക്കു​ന്ന​തെ​ങ്ങനെ?

¹⁹ എന്നിരു​ന്നാ​ലും, നമുക്കു രോഗ​വും മരണവും ബാധി​ക്കാ​വുന്ന, സാത്താന്റെ കീഴി​ലുള്ള കുററ​കൃ​ത്യം നിറഞ്ഞ, അക്രമാ​സ​ക്ത​മായ, അധാർമി​ക​മായ ഈ ലോക​ത്തി​ന്റെ അന്ത്യനാ​ളു​ക​ളിൽ നാം ജീവി​ക്കു​ന്ന​തു​കൊണ്ട്‌ ഇന്നു സന്തുഷ്ട​രാ​യി​രി​ക്കുക സാധ്യ​മാ​ണോ? ദൈവ​ത്തി​ന്റെ പുതി​യ​ലോ​ക​ത്തിൽ സ്ഥിതി​ചെ​യ്യുന്ന, അവന്റെ വചനത്തിൽ മുൻകൂ​ട്ടി പറയു​ന്ന​തരം സന്തുഷ്ടി​യു​ടെ അളവു നമുക്കു പ്രതീ​ക്ഷി​ക്കാൻ കഴിയു​ക​യി​ല്ലെ​ന്നു​ള്ളതു വാസ്‌ത​വം​തന്നെ: “ഇതാ ഞാൻ പുതിയ ആകാശ​വും പുതിയ ഭൂമി​യും സൃഷ്ടി​ക്കു​ന്നു; മുമ്പി​ലെത്തവ ആരും ഓർക്കു​ക​യില്ല; ആരു​ടെ​യും മനസ്സിൽ വരിക​യു​മില്ല. ഞാൻ സൃഷ്ടി​ക്കു​ന്ന​തി​നെ​ക്കു​റി​ച്ചു നിങ്ങൾ സന്തോ​ഷി​ച്ചു എന്നേക്കും ഘോഷി​ച്ചു​ല്ല​സി​പ്പിൻ”. (ചെരി​ച്ചെ​ഴു​ത്തു ഞങ്ങളു​ടേത്‌.)—യെശയ്യാ​വു 65:17, 18.

²⁰ അവന്റെ ഇഷ്ടം അറിയു​ന്ന​തു​കൊ​ണ്ടും അവന്റെ പുതിയ പറുദീ​സാ​ലോ​ക​ത്തിൽ താമസി​യാ​തെ കൈവ​രാ​നി​രി​ക്കുന്ന അത്ഭുത​ക​ര​മായ അനു​ഗ്ര​ഹ​ങ്ങ​ളെ​ക്കു​റി​ച്ചുള്ള സൂക്ഷ്‌മ​പ​രി​ജ്ഞാ​നം ഉള്ളതു​കൊ​ണ്ടും ദൈവ​ത്തി​ന്റെ ദാസൻമാർക്ക്‌ ഇപ്പോൾ ഉണ്ടായി​രി​ക്കാൻ കഴിയു​ന്നത്‌ ആപേക്ഷിക സന്തുഷ്ടി​യാണ്‌. (യോഹ​ന്നാൻ 17:3; വെളി​പ്പാ​ടു 21:4) അതു​കൊ​ണ്ടാണ്‌ ബൈബി​ളിന്‌ ഇപ്രകാ​രം പറയാൻ കഴിയു​ന്നത്‌: “സൈന്യ​ങ്ങ​ളു​ടെ യഹോവേ, നിന്നിൽ ആശ്രയി​ക്കുന്ന മനുഷ്യൻ സന്തുഷ്ട​നാ​കു​ന്നു,” “യഹോ​വയെ ഭയപ്പെട്ട്‌, അവന്റെ വഴിക​ളിൽ നടക്കുന്ന ഏവനും സന്തുഷ്ട​നാ​കു​ന്നു,” “സൗമ്യ​ത​യു​ള്ളവർ സന്തുഷ്ട​രാ​കു​ന്നു, എന്തു​കൊ​ണ്ടെ​ന്നാൽ അവർ ഭൂമിയെ അവകാ​ശ​മാ​ക്കും.” (സങ്കീർത്തനം 84:12; 128:1; മത്തായി 5:5; NW) അതു​കൊണ്ട്‌, നാം നേരി​ടേണ്ട ഇന്നത്തെ പ്രയാസ സാഹച​ര്യ​ങ്ങൾ ഗണ്യമാ​ക്കാ​തെ, നമുക്കു ഗണ്യമായ അളവിൽ സന്തുഷ്ടി ഉള്ളവരാ​യി​രി​ക്കാൻ കഴിയും. നമുക്കു ദോഷങ്ങൾ സംഭവി​ക്കു​മ്പോൾപോ​ലും നാം യഹോ​വയെ അറിയാ​ത്ത​വ​രെ​യും നിത്യ​ജീ​വന്റെ പ്രത്യാശ ഇല്ലാത്ത​വ​രെ​യും പോലെ ദുഃഖി​ത​രാ​യി​ത്തീ​രു​ന്നില്ല.—1 തെസ്സ​ലൊ​നീ​ക്യർ 4:13.

21. തങ്ങളെ​ത്തന്നെ കൊടു​ക്കു​ന്നത്‌ യഹോ​വ​യു​ടെ ദാസൻമാ​രു​ടെ സന്തുഷ്ടി​ക്കു സംഭാവന ചെയ്യു​ന്ന​തെ​ങ്ങനെ?

²¹ മററു​ള്ള​വരെ, വിശേ​ഷി​ച്ചു സാത്താന്റെ ലോക​ത്തിൽ ചെയ്യ​പ്പെ​ടുന്ന ‘സകല​മ്ലേ​ച്ഛ​ത​ക​ളും​നി​മി​ത്തം നെടു​വീർപ്പി​ട്ടു കരയുന്ന’ ആളുകളെ ബൈബിൾ സത്യങ്ങൾ പഠിപ്പി​ച്ചു​കൊ​ണ്ടു തങ്ങളുടെ സമയവും ഊർജ്ജ​വും വിഭവ​ങ്ങ​ളും ചെലവ​ഴി​ക്കു​ന്നതു നിമി​ത്ത​വും യഹോ​വ​യു​ടെ ദാസൻമാർക്കു സന്തുഷ്ടി ലഭിക്കു​ന്നു. (യെഹെ​സ്‌കേൽ 9:4) ബൈബിൾ പറയുന്നു: “എളിയ​വ​നോ​ടു പരിഗ​ണ​ന​യോ​ടെ പ്രവർത്തി​ക്കുന്ന ഏതൊ​രു​വ​നും സന്തുഷ്ട​നാ​കു​ന്നു; അനർഥ ദിവസ​ത്തിൽ യഹോവ അവനു രക്ഷ നൽകും. യഹോ​വ​തന്നെ അവനെ കാക്കു​ക​യും അവനെ ജീവ​നോ​ടെ പാലി​ക്കു​ക​യും ചെയ്യും. അവൻ ഭൂമി​യിൽ സന്തുഷ്ട​നെന്നു പ്രഖ്യാ​പി​ക്ക​പ്പെ​ടും.” (സങ്കീർത്തനം 41:1, 2, NW) യേശു പറഞ്ഞതു​പോ​ലെ, “സ്വീക​രി​ക്കു​ന്ന​തി​ലു​ള്ള​തി​നേ​ക്കാൾ കൂടുതൽ സന്തുഷ്ടി കൊടു​ക്കു​ന്ന​തി​ലുണ്ട്‌.”—പ്രവൃ​ത്തി​കൾ 20:35, NW.

22. (എ) സന്തുഷ്ടി​യു​ടെ കാര്യ​ത്തിൽ, ദൈവ​ത്തി​ന്റെ ദാസൻമാ​രെ അവനെ സേവി​ക്കാ​ത്ത​വ​രോ​ടു വിപരീത താരത​മ്യം ചെയ്യുക. (ബി) ഏതു പ്രത്യേക കാരണം നിമിത്തം നാം സന്തുഷ്ട​രാ​യി​രി​ക്കാൻ പ്രതീ​ക്ഷി​ക്കണം?

²² അതു​കൊ​ണ്ടു ദൈവ​ത്തി​ന്റെ ദാസൻമാർക്കു പരമമായ സന്തുഷ്ടി ഇക്കാലത്തു പ്രതീ​ക്ഷി​ക്കാൻ കഴിയി​ല്ലെ​ന്നി​രി​ക്കെ, ദൈവത്തെ സേവി​ക്കാ​ത്തവർ ആസ്വദി​ക്കാത്ത സന്തുഷ്ടി അവർക്കു നേടാൻ കഴിയും. യഹോവ ഇപ്രകാ​രം പ്രഖ്യാ​പി​ക്കു​ന്നു: “എന്റെ ദാസൻമാർ ഹൃദയാ​ന​ന്ദം​കൊ​ണ്ടു ഘോഷി​ക്കും; നിങ്ങളോ മനോ​വ്യ​സ​നം​കൊ​ണ്ടു നിലവി​ളി​ച്ചു മനോ​വ്യ​ഥ​യാൽ മുറയി​ടും.” (യെശയ്യാ​വു 65:14) കൂടാതെ, ദൈവത്തെ സേവി​ക്കു​ന്ന​വർക്ക്‌ ഇപ്പോൾ സന്തുഷ്ട​രാ​യി​രി​ക്കാൻ വളരെ വിശേ​ഷ​പ്പെട്ട ഒരു കാരണ​മുണ്ട്‌—“ദൈവം തന്നെ അനുസ​രി​ക്കു​ന്ന​വർക്കു നല്‌കിയ” അവന്റെ പരിശു​ദ്ധാ​ത്മാവ്‌ അവർക്കുണ്ട്‌. (പ്രവൃ​ത്തി​കൾ 5:32) ഓർമി​ക്കുക, ദൈവാ​ത്മാവ്‌ എവി​ടെ​യു​ണ്ടോ അവിടെ സന്തുഷ്ടി​യുണ്ട്‌.—ഗലാത്യർ 5:22.

23. നമ്മുടെ അടുത്ത അധ്യയ​ന​ത്തിൽ നാം എന്തു പരിചി​ന്തി​ക്കും?

²³ ഇന്നു ദൈവ​ത്തി​ന്റെ ദാസൻമാ​രു​ടെ സ്ഥാപന​ത്തിൽ, യഹോ​വ​യു​ടെ ജനത്തിന്റെ സന്തുഷ്ടി​ക്കു സംഭാവന ചെയ്‌തു​കൊ​ണ്ടു സഭകളിൽ നേതൃ​ത്വ​മെ​ടു​ക്കുന്ന പ്രായ​മേ​റിയ പുരു​ഷൻമാർ, അഥവാ ‘മൂപ്പൻമാർ’ പ്രധാ​ന​പ്പെട്ട ഒരു പങ്കു വഹിക്കു​ന്നു. (തീത്തൊസ്‌ 1:5) ഇവർ തങ്ങളുടെ ഉത്തരവാ​ദി​ത്വ​ങ്ങ​ളെ​യും സഹോ​ദ​രീ​സ​ഹോ​ദ​രൻമാ​രോ​ടുള്ള തങ്ങളുടെ ബന്ധത്തെ​യും എങ്ങനെ വീക്ഷി​ക്കണം? നമ്മുടെ അടുത്ത ലേഖനം ഇതു ചർച്ച​ചെ​യ്യും.

നിങ്ങൾ എങ്ങനെ ഉത്തരം നൽകും?

◻ യഹോ​വ​യു​ടെ സംഘടി​താ​വ​സ്ഥക്കു സൃഷ്ടി സാക്ഷ്യം വഹിക്കു​ന്ന​തെ​ങ്ങനെ?

◻ യഹോവ കഴിഞ്ഞ കാലത്തും ഇക്കാല​ത്തും തന്റെ ദാസൻമാ​രെ സംഘടി​പ്പി​ച്ചി​രി​ക്കു​ന്ന​തെ​ങ്ങനെ?

◻ യഹോവ നമ്മിൽനിന്ന്‌ എന്തു സമനില ആഗ്രഹി​ക്കു​ന്നു?

◻ നമ്മുടെ സന്തുഷ്ടി​ക്കു സ്‌നേഹം എത്ര പ്രധാ​ന​മാണ്‌?

◻ നമ്മുടെ കാലത്ത്‌ ഏതുതരം സന്തുഷ്ടി നമുക്കു പ്രതീ​ക്ഷി​ക്കാൻ കഴിയും?

[10-ാം പേജിലെ ചിത്ര​ത്തിന്‌ കടപ്പാട്‌]

Top: Courtesy of ROE/Anglo-Australian Observatory, photograph by David Malin