മാനു​ഷ​ദു​രി​തം—എന്നെങ്കി​ലും അവസാ​നി​ക്കു​മോ?

സാര​യെ​വോ​യി​ലെ ഒരു തിര​ക്കേ​റിയ മാർക്ക​ററ്‌, ബോംബ്‌ സ്‌ഫോ​ട​ന​ത്തി​നു​ശേ​ഷ​മുള്ള ഭീകരാ​ന്ത​രീ​ക്ഷം; റുവാ​ണ്ട​യി​ലെ കൂട്ട​ക്കൊ​ല​കൾക്ക്‌ ഇരയാ​യ​വ​രും അംഗഭം​ഗം വന്നവരും; സോമാ​ലി​യാ​യിൽ ഭക്ഷണത്തി​നു​വേണ്ടി മുറവി​ളി​കൂ​ട്ടുന്ന പട്ടിണി കിടക്കുന്ന കുട്ടികൾ; ലോസാ​ഞ്ച​ല​സിൽ ഭൂകമ്പ​ത്തെ​ത്തു​ടർന്നു തങ്ങൾക്കു​ണ്ടായ നഷ്ടങ്ങൾ തിട്ട​പ്പെ​ടു​ത്തുന്ന ഭഗ്നാശ​രായ കുടും​ബങ്ങൾ; ബംഗ്ലാ​ദേ​ശി​ലെ പ്രളയ​ബാ​ധ​യ്‌ക്കി​ര​യായ നിസ്സഹാ​യർ. മാനു​ഷ​ദു​രി​ത​ങ്ങ​ളു​ടെ അത്തരം രംഗങ്ങൾ ടിവി​യി​ലും മാസി​ക​ക​ളി​ലും പത്രങ്ങ​ളി​ലു​മൊ​ക്കെ നാം ദിവസേന കാണുന്നു.

മാനു​ഷ​ദു​രി​ത​ങ്ങ​ളു​ടെ ഒരു ദുഃഖ​ക​ര​മായ ഫലം അവ മുഖാ​ന്തരം ചിലയാ​ളു​ക​ളു​ടെ ദൈവ​വി​ശ്വാ​സം നഷ്ടപ്പെ​ടു​ന്നു എന്നതാണ്‌. ഐക്യ​നാ​ടു​ക​ളി​ലെ ഒരു യഹൂദ സമൂഹം പ്രസി​ദ്ധീ​ക​രിച്ച പ്രസ്‌താ​വന പറയുന്ന പ്രകാരം “ദുഷ്ടത​യു​ടെ അസ്‌തി​ത്വം എല്ലായ്‌പോ​ഴും വിശ്വാ​സ​ത്തി​നുള്ള ഏററവും ഗുരു​ത​ര​മായ പ്രതി​ബ​ന്ധ​മാ​യി​രു​ന്നി​ട്ടുണ്ട്‌.” ഔഷ്‌വി​റ​റ്‌സ്‌ പോ​ലെ​യുള്ള നാസി തടങ്കൽപ്പാ​ള​യ​ങ്ങ​ളി​ലെ മരണങ്ങ​ളും ഹിരോ​ഷി​മ​യി​ലെ ബോംബ്‌ സ്‌ഫോ​ട​ന​വു​മാണ്‌ ഈ എഴുത്തു​കാർ പരാമർശി​ക്കു​ന്നത്‌. “നിഷ്‌ക​ള​ങ്ക​രായ അനേകരെ കൊ​ന്നൊ​ടു​ക്കു​ന്നതു നീതി​മാ​നും ശക്തിമാ​നു​മായ ഒരു ദൈവ​ത്തിന്‌ എങ്ങനെ അനുവ​ദി​ക്കാ​നാ​വു​മെന്ന പ്രശ്‌നം മതപര​മാ​യി ചിന്തി​ക്കു​ന്ന​വ​രു​ടെ മനസ്സാ​ക്ഷി​യെ അലട്ടുക മാത്രമല്ല, അവരുടെ സങ്കൽപ്പ​ത്തി​നു വഴങ്ങു​ന്നു​മില്ല” എന്ന്‌ അതിന്റെ എഴുത്തു​കാർ പറയുന്നു.

സങ്കടക​ര​മെ​ന്നു പറയട്ടെ, ദുരന്ത​റി​പ്പോർട്ടു​ക​ളു​ടെ ഒടുങ്ങാത്ത ഒഴുക്കു മാനു​ഷിക വികാ​ര​ങ്ങളെ മരവി​പ്പി​ച്ചു​ക​ള​ഞ്ഞേ​ക്കാം. ബന്ധുമി​ത്രാ​ദി​കൾ ഉൾപ്പെ​ടാ​ത്തി​ട​ത്തോ​ളം കാലം മററു​ള്ള​വ​രു​ടെ ദുരി​ത​ങ്ങ​ളിൽ ആളുകൾക്കു കാര്യ​മായ വിഷമ​മൊ​ന്നു​മി​ല്ലാ​താ​യി​രി​ക്കു​ന്നു.

എന്നിരു​ന്നാ​ലും, നമ്മുടെ പ്രിയ​പ്പെ​ട്ട​വ​രു​ടെ കാര്യ​ത്തി​ലെ​ങ്കി​ലും അനുകമ്പ തോന്നാൻ നമുക്കാ​വു​ന്നുണ്ട്‌ എന്ന വസ്‌തു​ത​യിൽനി​ന്നു നമ്മുടെ നിർമാ​താ​വി​നെ​ക്കു​റിച്ച്‌ ഒരു പ്രത്യേക സംഗതി നമുക്കു വെളി​പ്പെ​ടേ​ണ്ട​താണ്‌. മനുഷ്യ​നെ സൃഷ്ടി​ച്ചത്‌ ‘ദൈവ​ത്തി​ന്റെ ഛായയി​ലും [അവന്റെ] സാദൃ​ശ​പ്ര​കാ​രവു’മാണെന്നു ബൈബിൾ പറയുന്നു. (ഉൽപ്പത്തി 1:26, 27, NW) ആകൃതി​യിൽ മനുഷ്യർ ദൈവ​ത്തെ​പ്പോ​ലെ​യാ​ണെന്ന്‌ ഇത്‌ അർഥമാ​ക്കു​ന്നില്ല. ഇല്ല, കാരണം, “ദൈവം ആത്മാവാ​കു​ന്നു;” “ആത്മാവി​നു മാംസ​വും അസ്ഥിക​ളു​മില്ല” എന്നു യേശു​ക്രി​സ്‌തു വിശദ​മാ​ക്കു​ക​യു​ണ്ടാ​യി. (യോഹ​ന്നാൻ 4:24; ലൂക്കോസ്‌ 24:39, NW) ദൈവ​ത്തി​ന്റെ സാദൃ​ശ്യ​ത്തിൽ നിർമി​ക്ക​പ്പെ​ട്ടി​രി​ക്കു​ന്നു​വെ​ന്നതു നമുക്കു ദൈവ​സ​മാന ഗുണങ്ങൾ പ്രകടി​പ്പി​ക്കാ​നുള്ള കഴിവു​ണ്ടെന്നു സൂചി​പ്പി​ക്കു​ന്നു. അതു​കൊണ്ട്‌, സാധാരണ മനുഷ്യർക്കു ദുരി​ത​മ​നു​ഭ​വി​ക്കു​ന്ന​വ​രോട്‌ അനുകമ്പ തോന്നു​ന്ന​തു​കൊണ്ട്‌, നമ്മുടെ സ്രഷ്ടാ​വായ യഹോ​വ​യാം ദൈവം അനുക​മ്പ​യു​ള്ള​വ​നാ​ണെ​ന്നും ദുരി​ത​മ​നു​ഭ​വി​ക്കുന്ന തന്റെ മനുഷ്യ​സൃ​ഷ്ടി​യെ​ക്കു​റിച്ച്‌ ആഴത്തിൽ ചിന്തയു​ള്ള​വ​നാ​ണെ​ന്നും നാം നിഗമനം ചെയ്യണം.—താരത​മ്യം ചെയ്യുക: ലൂക്കൊസ്‌ 11:13.

ദുരി​ത​കാ​ര​ണ​ത്തി​ന്റെ ഒരു ലിഖി​ത​വി​ശ​ദീ​ക​രണം മനുഷ്യ​വർഗ​ത്തി​നു നൽകി​ക്കൊ​ണ്ടാണ്‌ ദൈവം ഒരു വിധത്തിൽ അനുകമ്പ കാട്ടി​യി​രി​ക്കു​ന്നത്‌. ഇത്‌ അവൻ തന്റെ വചനമായ ബൈബി​ളി​ലാ​ണു നൽകി​യി​രി​ക്കു​ന്നത്‌. ദുരി​ത​മ​നു​ഭ​വി​ക്കാ​നല്ല, ജീവിതം ആസ്വദി​ക്കാ​നാണ്‌ ദൈവം മനുഷ്യ​രെ സൃഷ്ടി​ച്ച​തെന്നു ബൈബിൾ വ്യക്തമാ​യി പ്രകട​മാ​ക്കു​ന്നു. (ഉല്‌പത്തി 2:7-9) ദൈവ​ത്തി​ന്റെ നീതി​നി​ഷ്‌ഠ​മായ ഭരണം നിരസി​ച്ചു​കൊണ്ട്‌ തങ്ങൾക്കാ​യി ദുരിതം വരുത്തി​വെ​ച്ചത്‌ ആദ്യ മനുഷ്യ​രാ​യി​രു​ന്നു​വെ​ന്നും അതു വെളി​പ്പെ​ടു​ത്തു​ന്നു.—ആവർത്ത​ന​പു​സ്‌തകം 32:4, 5; റോമർ 5:12.

എന്നിട്ടും, ദൈവ​ത്തി​നു ദുരി​ത​മ​നു​ഭ​വി​ക്കുന്ന മനുഷ്യ​വർഗ​ത്തോട്‌ ഇപ്പോ​ഴും അനുക​മ്പ​യുണ്ട്‌. ഇതു മനുഷ്യ​ദു​രി​ത​ങ്ങൾക്ക്‌ അറുതി​വ​രു​ത്തു​മെന്ന അവന്റെ വാഗ്‌ദാ​ന​ത്തിൽ വ്യക്തമാ​യും പ്രകട​മാ​കു​ന്നുണ്ട്‌. “ഇതാ, മനുഷ്യ​രോ​ടു​കൂ​ടെ ദൈവ​ത്തി​ന്റെ കൂടാരം; അവൻ അവരോ​ടു​കൂ​ടെ വസിക്കും; അവർ അവന്റെ ജനമാ​യി​രി​ക്കും; ദൈവം താൻ അവരുടെ ദൈവ​മാ​യി അവരോ​ടു​കൂ​ടെ ഇരിക്കും. അവൻ അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​യും. ഇനി മരണം ഉണ്ടാക​യില്ല; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യില്ല; ഒന്നാമ​ത്തേതു കഴിഞ്ഞു​പോ​യി.”—വെളി​പ്പാ​ടു 21:3, 4; ഇവകൂടെ കാണുക: യെശയ്യാ​വു 25:8; 65:17-25; റോമർ 8:19-21.

മാനു​ഷ​ദു​രി​ത​ങ്ങ​ളെ​ക്കു​റി​ച്ചു ദൈവം നല്ലവണ്ണം ബോധ​വാ​നാ​ണെ​ന്നും അവയ്‌ക്ക്‌ അറുതി വരുത്തു​വാൻ അവൻ ദൃഢചി​ത്ത​നാ​ണെ​ന്നും ഈ മഹത്തായ വാഗ്‌ദാ​നങ്ങൾ തെളി​യി​ക്കു​ന്നു. എന്നാൽ ദുരി​ത​ങ്ങൾക്കു തുടക്കം​കു​റി​ക്കാ​നുള്ള കാരണം​തന്നെ കൃത്യ​മാ​യും എന്തായി​രു​ന്നു, നമ്മുടെ നാളു​കൾവ​രെ​യും അതു തുടരാൻ ദൈവം അനുവ​ദി​ച്ച​തെ​ന്തു​കൊണ്ട്‌?

[2-ാം പേജിലെ ചിത്ര​ത്തിന്‌ കടപ്പാട്‌]

Cover and page 32: Alexandra Boulat/Sipa Press

[3-ാം പേജിലെ ചിത്ര​ത്തിന്‌ കടപ്പാട്‌]

Kevin Frayer/Sipa Press