നിർമലത പാലിച്ചു ജീവി​ക്കുക!

“ദൈവത്തെ ത്യജി​ച്ചു​പ​റഞ്ഞു മരിച്ചു​കളക” എന്ന വാക്കു​ക​ളോ​ടെ ഇയ്യോ​ബി​നു​നേരേ തിരിഞ്ഞ അദ്ദേഹ​ത്തി​ന്റെ ഭാര്യയെ ചിത്രീ​ക​രി​ക്കു​ന്ന​താ​ണു ഞങ്ങളുടെ മാസി​ക​യു​ടെ മുഖചി​ത്രം. ഏതാണ്ട്‌ 3,600 സംവത്സ​ര​ങ്ങൾക്കു മുമ്പാ​യി​രു​ന്നു ആ സംഭവം. എന്നുവ​രി​കി​ലും, മനുഷ്യ​വർഗത്തെ ഇന്നോളം അഭിമു​ഖീ​ക​രി​ക്കുന്ന ഒരു വിവാ​ദ​വി​ഷ​യത്തെ വിളി​ച്ച​റി​യി​ക്കു​ന്ന​താ​ണു ദൈവ​ത്തി​ന്റെ വിശ്വ​സ്‌ത​ദാ​സന്റെ നേർക്കു വാക്കു​കൾകൊ​ണ്ടു നടത്തിയ ആ ആക്രമണം. വിശ്വ​സ്‌ത​നായ ഇയ്യോ​ബി​നു ഭയങ്കര നഷ്ടങ്ങൾ നേരി​ട്ടി​രു​ന്നു—അവന്റെ കന്നുകാ​ലി​കൾ, വീട്‌, പത്തു മക്കൾ. അവന്റെ ശരീര​മാ​ണെ​ങ്കി​ലോ, ഒരു മാറാ​രോ​ഗ​ത്താൽ അങ്ങേയ​ററം പീഡി​പ്പി​ക്ക​പ്പെ​ടു​ക​യു​മാ​യി​രു​ന്നു. കാരണം? കഠിന​മാ​യി പരീക്ഷി​ക്ക​പ്പെ​ടു​മ്പോൾ ഒരു മനുഷ്യ​നും ദൈവ​ത്തോ​ടുള്ള നിർമലത മുറുകെ പിടി​ക്കാ​നാ​വി​ല്ലെന്ന വെല്ലു​വി​ളി തെളി​യി​ക്കാൻ ശ്രമി​ക്കു​ക​യാ​യി​രു​ന്നു ദൈവ​ത്തി​ന്റെ​യും മനുഷ്യ​രു​ടെ​യും മുഖ്യ​പ്ര​തി​യോ​ഗി​യായ, പിശാ​ചായ സാത്താൻ.—ഇയ്യോബ്‌ 1:11, 12; 2:4, 5, 9, 10.

ഇയ്യോ​ബി​ന്റെ നാളു​ക​ളി​ലെ​പ്പോ​ലെ, ഇന്നും “സർവ്വ​ലോ​ക​വും” പിശാ​ചായ സാത്താൻ എന്ന “ദുഷ്ടന്റെ അധീന​ത​യിൽ കിടക്കു”കയാണ്‌. (1 യോഹ​ന്നാൻ 5:19) തീർച്ച​യാ​യും, ഇന്ന്‌ അതു കൂടുതൽ ശരിയാണ്‌, എന്തെന്നാൽ “ഭൂതലത്തെ മുഴുവൻ തെററി​ച്ചു​ക​ള​യുന്ന പിശാ​ചും സാത്താ​നും” എന്നു വിളി​ക്ക​പ്പെ​ടു​ന്നവൻ സ്വർഗ​ത്തിൽനി​ന്നു ഭൂമി​യി​ലേക്കു വലി​ച്ചെ​റി​യ​പ്പെ​ട്ടി​രി​ക്കു​ക​യാണ്‌. (വെളി​പ്പാ​ടു 12:9) നമ്മുടെ നാളു​ക​ളിൽ മനുഷ്യ​വർഗത്തെ വല്ലാതെ ക്ലേശി​പ്പി​ക്കുന്ന കടുത്ത കഷ്ടങ്ങൾക്കുള്ള കാരണം ഇതാണ്‌. 1914-ൽ പൊട്ടി​പ്പു​റ​പ്പെട്ട ഒന്നാം​ലോക മഹായു​ദ്ധം ‘ഈററു​നോ​വി​ന്റെ ആരംഭം’ കുറിച്ചു. അത്‌ 20-ാം നൂററാ​ണ്ടി​ന്റെ അവസാ​ന​ത്തോ​ളം തുടരു​ക​യും ചെയ്‌തി​രി​ക്കു​ന്നു.—മത്തായി 24:7, 8.

ദുഷ്ടവും അധമവു​മായ ഈ ലോകത്ത്‌, മനുഷ്യ​നു സഹിക്കാ​വു​ന്ന​തി​ന്റെ പരമാ​വധി എത്തിയി​രി​ക്കു​ന്നു എന്ന്‌ നിങ്ങൾക്ക്‌ എപ്പോ​ഴെ​ങ്കി​ലും തോന്നാ​റു​ണ്ടോ? ‘ജീവി​ത​ത്തിന്‌ എന്തെങ്കി​ലും അർഥമു​ണ്ടോ’ എന്നു നിങ്ങൾ എപ്പോ​ഴെ​ങ്കി​ലും സംശയി​ക്കാ​റു​ണ്ടോ? ഇയ്യോ​ബിന്‌ അങ്ങനെ തോന്നി​യി​ട്ടു​ണ്ടാ​കണം. എന്നാൽ അവന്‌ ഒരിക്ക​ലും ദൈവ​ത്തി​ലുള്ള വിശ്വാ​സം നഷ്ടപ്പെ​ട്ടില്ല, അവൻ തെററു​കൾ ചെയ്‌തി​ട്ടു​പോ​ലും. തന്റെ ദൃഢനി​ശ്ചയം അവൻ ഈ വാക്കു​ക​ളിൽ പ്രകട​മാ​ക്കി: ‘മരിക്കു​വോ​ളം എന്റെ നിഷ്‌ക​ള​ങ്ക​ത്വം [‘നിർമലത,’ NW] ഞാൻ ഉപേക്ഷി​ക്ക​യില്ല.’ ദൈവം ‘തന്റെ പരമാർഥത [‘നിർമലത,’ NW] അറിയാ​നി​ട​വ​രും’ എന്ന്‌ അവന്‌ ഉറപ്പു​ണ്ടാ​യി​രു​ന്നു.—ഇയ്യോബ്‌ 27:5; 31:6.

ദൈവ​ത്തി​ന്റെ സ്വന്തം പുത്ര​നായ യേശു​ക്രി​സ്‌തു​വി​നും ഭൂമി​യി​ലാ​യി​രു​ന്ന​പ്പോൾ പരി​ശോ​ധ​നകൾ സഹിച്ചു​നിൽക്കേ​ണ്ട​തു​ണ്ടാ​യി​രു​ന്നു. സാത്താൻ യേശു​വി​നെ പലവി​ധ​ങ്ങ​ളിൽ ആക്രമി​ച്ചു. മലയിൽവെ​ച്ചുള്ള പരീക്ഷ​യി​ലെ​പ്പോ​ലെ, അവൻ യേശു​വി​ന്റെ ഭൗതിക ആവശ്യ​ങ്ങളെ മുത​ലെ​ടു​ത്തു​കൊണ്ട്‌ ദൈവ​വ​ച​ന​ത്തി​ലുള്ള അവന്റെ ആശ്രയത്തെ പരി​ശോ​ധ​നാ​വി​ധേ​യ​മാ​ക്കി. (മത്തായി 4:1-11) യേശു​വി​നെ പീഡി​പ്പി​ക്കാ​നും ദൈവ​ദൂ​ഷ​ണ​ക്കു​ററം ചുമത്താ​നും വധിക്കാൻ ഗൂഢാ​ലോ​ചന ചെയ്യാ​നും​വേണ്ടി സാത്താൻ വിശ്വാ​സ​ത്യാ​ഗി​ക​ളായ ശാസ്‌ത്രി​മാ​രെ​യും പരീശൻമാ​രെ​യും അവരാൽ കബളി​പ്പി​ക്ക​പ്പെ​ട്ട​വ​രെ​യും ഉപയോ​ഗി​ച്ചു​കൊണ്ട്‌ അവനെ ഉപദ്ര​വി​ച്ചു. (ലൂക്കൊസ്‌ 5:21; യോഹ​ന്നാൻ 5:16-18; 10:36-39; 11:57) ഇയ്യോ​ബി​നോ​ടു മൂന്നു വ്യാജ ആശ്വാ​സകർ ചെയ്‌ത​തി​നെ​ക്കാ​ളും വളരെ വഷളായ കാര്യങ്ങൾ അവർ യേശു​വി​നോ​ടു ചെയ്‌തു.—ഇയ്യോബ്‌ 16:2; 19:1, 2.

ഗെത്‌ശെ​മന തോട്ട​ത്തിൽവെച്ച്‌, യേശു തന്റെ പരി​ശോ​ധ​ന​ക​ളു​ടെ പാരമ്യ​ത്തി​ലേക്ക്‌ അടുത്തു​കൊ​ണ്ടി​രുന്ന നേരത്ത്‌ ശിഷ്യൻമാ​രോട്‌ ഇങ്ങനെ പറഞ്ഞു: “എന്റെ ഉള്ളം മരണ​വേ​ദ​ന​പോ​ലെ അതിദുഃഖിതമാ​യി​രി​ക്കു​ന്നു.” പിന്നെ “അവൻ അല്‌പം മുമ്പോ​ട്ടു ചെന്നു കവിണ്ണു​വീ​ണു: പിതാവേ, കഴിയും എങ്കിൽ ഈ പാനപാ​ത്രം എങ്കൽനി​ന്നു നീങ്ങി​പ്പോ​കേ​ണമേ; എങ്കിലും ഞാൻ ഇച്ഛിക്കും​പോ​ലെ അല്ല, നീ ഇച്ഛിക്കും​പോ​ലെ ആകട്ടെ എന്നു പ്രാർത്ഥി​ച്ചു.” അവസാനം, ദണ്ഡനസ്‌തം​ഭ​ത്തി​ലാ​യി​രി​ക്കു​മ്പോൾ യേശു “എന്റെ ദൈവമേ, എന്റെ ദൈവമേ, നീ എന്നെ കൈവി​ട്ടതു എന്തു” എന്ന്‌ ഉറക്കെ നിലവി​ളി​ച്ചു. അങ്ങനെ സങ്കീർത്തനം 22:1-ലെ പ്രാവ​ച​നിക വാക്കു​കൾക്കും നിവൃത്തി വന്നു. എന്നാൽ ആത്യന്തി​ക​മാ​യി ദൈവം യേശു​വി​നെ കൈവി​ട്ടില്ല. കാരണം, സകല സത്യ​ക്രി​സ്‌ത്യാ​നി​കൾക്കും പിന്തു​ട​രാൻ ഒരു മാതൃക വെച്ചു​കൊണ്ട്‌ യേശു ദൈവ​ത്തോ​ടു പൂർണ​മായ നിർമലത കാത്തു. യേശു​വി​നെ ഉയിർപ്പി​ച്ചു​കൊ​ണ്ടും അത്യുന്നത സ്വർഗ​ത്തി​ലേക്ക്‌ അവനെ ഉയർത്തി​ക്കൊ​ണ്ടും യഹോവ അവന്റെ നിർമ​ല​താ​പാ​ല​ന​ത്തി​നു പ്രതി​സ​മ്മാ​നം കൊടു​ത്തു. (മത്തായി 26:38, 39; 27:46; പ്രവൃ​ത്തി​കൾ 2:32-36; 5:30; 1 പത്രൊസ്‌ 2:21) അതു​പോ​ലെ തന്നോടു നിർമലത പാലി​ക്കുന്ന മററ്‌ എല്ലാവർക്കും ദൈവം പ്രതി​ഫലം നൽകും.

യേശു​വി​ന്റെ നിർമലത സാത്താന്റെ വെല്ലു​വി​ളിക്ക്‌ ഒരു സമ്പൂർണ ഉത്തരം കൊടു​ത്തു​വെന്നു മാത്രമല്ല, അവന്റെ പൂർണ​ത​യുള്ള മനുഷ്യ​ജീ​വന്റെ ബലി മറുവി​ല​യും പ്രദാനം ചെയ്‌തു. ഈ മറുവി​ല​യു​ടെ അടിസ്ഥാ​ന​ത്തിൽ നിർമ​ല​താ​പാ​ല​ക​രായ മനുഷ്യർക്കു നിത്യ​ജീ​വൻ ലഭിക്കാ​നുള്ള സാധ്യ​ത​യും തെളിഞ്ഞു. (മത്തായി 20:28) യേശു ആദ്യം അഭിഷി​ക്ത​രായ ഒരു “ചെറിയ ആട്ടിൻകൂട്ട”ത്തെ കൂട്ടി​വ​രു​ത്തു​ന്നു. ഇവരാണു സ്വർഗ​രാ​ജ്യ​ത്തിൽ അവനോ​ടൊ​പ്പം സഹഭര​ണാ​ധി​പൻമാർ ആയിത്തീ​രു​ന്നവർ. (ലൂക്കൊസ്‌ 12:32) ഇതിനു​ശേഷം, “മഹാകഷ്ട”ത്തെ അതിജീ​വി​ക്കാ​നുള്ള “മഹാപു​രു​ഷാര”ത്തെ കൂട്ടി​വ​രു​ത്തു​ന്നു. ഇവരാണു ദൈവ​രാ​ജ്യ​ത്തി​ന്റെ ഭൗമി​ക​മേ​ഖ​ല​യിൽ നിത്യ​ജീ​വൻ അവകാ​ശ​മാ​ക്കാ​നു​ള്ളവർ.—വെളി​പ്പാ​ടു 7:9, 14-17.

സമാധാ​നം കളിയാ​ടുന്ന “പുതിയ ഭൂമി”സമൂഹ​ത്തി​ന്റെ ഭാഗമാ​യി​ത്തീ​രാൻ അന്നു പുനരു​ത്ഥാ​നം പ്രാപി​ച്ചു​വ​രുന്ന, കോടി​ക്ക​ണ​ക്കി​നു മരിച്ച​വ​രു​ടെ കൂട്ടത്തിൽ നിർമ​ല​താ​പാ​ല​ക​നായ ഇയ്യോ​ബും ഉണ്ടായി​രി​ക്കും. (2 പത്രൊസ്‌ 3:13; യോഹ​ന്നാൻ 5:28, 29) ഈ മാസി​ക​യു​ടെ അവസാന പേജിൽ ചിത്രീ​ക​രി​ച്ചി​രി​ക്കു​ന്ന​തു​പോ​ലെ, നിർമ​ല​ത​യ്‌ക്ക്‌ ഇയ്യോ​ബി​ന്റെ ജീവി​ത​കാ​ല​ത്തു​തന്നെ പ്രതി​ഫലം ലഭിക്കു​ക​യു​ണ്ടാ​യി. യഹോവ “ഇയ്യോ​ബി​ന്റെ പിൻകാ​ലത്തെ അവന്റെ മുൻകാ​ല​ത്തെ​ക്കാൾ അധികം അനു​ഗ്ര​ഹി​ച്ചു.” ‘അധരങ്ങ​ളാൽ പാപം ചെയ്യാ​ഞ്ഞവൻ’ എന്നനി​ല​യിൽ അവൻ ആത്മീയ ശക്തി നേടി​യി​ട്ടു​ണ്ടാ​യി​രു​ന്നു. ദൈവം അവന്റെ ആയുസ്സ്‌ 140 വർഷം​കൂ​ടി നീട്ടി​ക്കൊ​ടു​ത്തു. ഭൗതി​ക​മാ​യി, അവനു മുമ്പു​ണ്ടാ​യി​രു​ന്ന​തി​ന്റെ​യെ​ല്ലാം ഇരട്ടി കൊടു​ത്തു. പിന്നെ ഇയ്യോ​ബിന്‌ “ഏഴു പുത്രൻമാ​രും മൂന്നു പുത്രി​മാ​രും ഉണ്ടായി.” ഇയ്യോ​ബി​ന്റെ പെൺമക്കൾ ആ രാജ്യത്തെ ഏററവും സുന്ദരി​ക​ളാ​യി വീക്ഷി​ക്ക​പ്പെട്ടു. (ഇയ്യോബ്‌ 2:10; 42:12-17) എന്നാൽ ഈ സമ്പൽസ​മൃ​ദ്ധി​യെ​ല്ലാം നിർമ​ല​താ​പാ​ലകർ “പുതിയ ഭൂമി”യായ പറുദീ​സ​യിൽ ആസ്വദി​ക്കാ​നി​രി​ക്കുന്ന അനു​ഗ്ര​ഹ​ങ്ങ​ളു​ടെ ഒരു സാമ്പിൾ മാത്രമേ ആകുന്നു​ള്ളൂ. അടുത്ത പേജു​ക​ളിൽ വിശദീ​ക​രി​ച്ചി​രി​ക്കു​ന്ന​തു​പോ​ലെ, ആ സന്തുഷ്ടി​യിൽ നിങ്ങൾക്കും പങ്കു​കൊ​ള്ളാ​നാ​വും!

[4-ാം പേജിലെ ചിത്രം]

യേശു നിർമ​ല​താ​പാ​ലകൻ എന്നനി​ല​യിൽ പൂർണ​ത​യുള്ള മാതൃക വെച്ചു