രാജ്യ​പ്ര​ഘോ​ഷകർ റിപ്പോർട്ടു ചെയ്യുന്നു

ആഫ്രി​ക്ക​യിൽ ഇളം​പ്രാ​യ​ക്കാർ സുവാർത്ത പ്രഖ്യാ​പി​ക്കു​ന്നു

യേശു​വി​ന്റെ പുനരു​ത്ഥാ​ന​ത്തി​നു​ശേഷം അധികം നാളാ​യി​രു​ന്നില്ല, ഒരു ആഫ്രി​ക്ക​ക്കാ​രൻ യെരു​ശ​ലേം സന്ദർശി​ക്കു​ക​യാ​യി​രു​ന്നു. ബൈബിൾ അദ്ദേഹ​ത്തി​ന്റെ പേരു നൽകു​ന്നില്ല. “കന്ദക്ക എന്ന ഐത്യോ​പ്യ​രാ​ജ്ഞി​യു​ടെ ഒരു ഷണ്ഡനും മഹാനും അവളുടെ സകലഭ​ണ്ഡാ​ര​ത്തി​ന്നും മേൽവി​ചാ​ര​കനു”മായി​രു​ന്നു​വെന്ന അറിവേ നമുക്ക്‌ അദ്ദേഹ​ത്തെ​ക്കു​റി​ച്ചു​ള്ളു. ബൈബി​ളിൽ അയാളെ പരാമർശി​ച്ചി​രി​ക്കു​ന്നത്‌ എന്തു​കൊണ്ട്‌? അദ്ദേഹ​ത്തോ​ടു “യേശു​വി​നെ​ക്കു​റി​ച്ചുള്ള സുവി​ശേഷം” അറിയി​ക്കാൻ ഒരു ദൂതൻ ക്രിസ്‌തീയ സുവി​ശേ​ഷ​ക​നായ ഫിലി​പ്പോ​സി​നോ​ടു നിർദേ​ശി​ച്ചു എന്നതാണു കാരണം. ക്രിസ്‌തീയ സഭയിൽ അംഗമാ​യെന്നു രേഖ​പ്പെ​ടു​ത്തി​യി​രി​ക്കുന്ന ആദ്യത്തെ ആഫ്രി​ക്ക​ക്കാ​രൻ ഈ എത്യോ​പ്യ​നാണ്‌.—പ്രവൃ​ത്തി​കൾ 8:26-39.

ഇന്ന്‌, ആഫ്രി​ക്ക​യിൽ ലക്ഷക്കണ​ക്കി​നു യഹോ​വ​യു​ടെ സാക്ഷി​ക​ളുണ്ട്‌. യേശു​വി​നെ​ക്കു​റി​ച്ചുള്ള സുവാർത്ത മററു​ള്ള​വ​രു​മാ​യി പങ്കു​വെ​ക്കാൻ അവർ സകല സന്ദർഭ​ങ്ങ​ളും ഉപയോ​ഗ​പ്പെ​ടു​ത്തു​ന്നു. ഇതു നിർവ​ഹി​ക്കു​ന്ന​തിൽ ആഫ്രി​ക്ക​യി​ലെ ഇളം​പ്രാ​യ​ക്കാർക്കു​പോ​ലും ഒരു പങ്കു​ണ്ടെന്നു പ്രകട​മാ​ക്കു​ന്ന​താ​ണു പിൻവ​രുന്ന അനുഭ​വങ്ങൾ.

◻ കെനി​യ​യി​ലെ നൈ​റോ​ബി​യി​ലുള്ള 11 വയസ്സുള്ള രണ്ടു പെൺകു​ട്ടി​ക​ളാണ്‌ സാൻറി​യും പ്രിയ​യും. രണ്ടു​പേ​രും അയൽക്കാർ. ഒരുമി​ച്ചു കളിക്കു​ന്ന​തും കഥാപു​സ്‌ത​കങ്ങൾ കൈമാ​റു​ന്ന​തു​മെ​ല്ലാം അവർക്കി​ഷ്ട​മാ​യി​രു​ന്നു. അങ്ങനെ​യി​രി​ക്കെ, പ്രിയ​യു​ടെ മാതാ​പി​താ​ക്കൾ യഹോ​വ​യു​ടെ സാക്ഷി​ക​ളോ​ടൊ​ത്തു ബൈബിൾ പഠിക്കാ​നാ​രം​ഭി​ച്ചു. ഇപ്പോൾ പ്രിയ​യു​ടെ പുസ്‌ത​ക​ശേ​ഖ​ര​ത്തോ​ടൊ​പ്പം വെക്കാൻ കുറച്ചു പുതിയ പുസ്‌ത​ക​ങ്ങൾകൂ​ടി​യാ​യി. വാച്ച്‌ ടവർ ബൈബിൾ ആൻഡ്‌ ട്രാക്‌ററ്‌ സൊ​സൈ​ററി പ്രസി​ദ്ധീ​ക​രിച്ച മഹദ്‌ഗു​രു​വി​നെ ശ്രദ്ധിക്കൽ എന്ന പുസ്‌ത​ക​മാ​യി​രു​ന്നു അതി​ലൊന്ന്‌. ഇത്‌ അവൾക്കു വിശേ​ഷി​ച്ചും ഇഷ്ടപ്പെട്ട പുസ്‌ത​ക​മാ​യി​ത്തീർന്നു. അവൾ ഈ മഹദ്‌ഗു​രു പുസ്‌തകം കൂട്ടു​കാ​രി​യായ സാൻറി​ക്കു കൊടു​ത്തു. ആ രണ്ടു പെൺകു​ട്ടി​ക​ളും അതു നിരന്തരം പഠിക്കാൻ തുടങ്ങി.

എന്നിരു​ന്നാ​ലും, ആംഗ്ലിക്കൻ സഭയിൽ പൊയ്‌ക്കൊ​ണ്ടി​രി​ക്കു​ക​യാ​യി​രുന്ന സാൻറി​യു​ടെ അമ്മ യൂനയ്‌ക്കു മകൾ ഇങ്ങനെ യഹോ​വ​യു​ടെ സാക്ഷി​ക​ളു​ടെ പുസ്‌ത​കങ്ങൾ വായി​ക്കു​ന്നത്‌ ഇഷ്ടമാ​യില്ല. അമ്മയുടെ എതിർപ്പു​ണ്ടാ​യി​രു​ന്നി​ട്ടും പഠനം തുടർന്നു. ഒററ​പ്രാ​വ​ശ്യ​മെ​ങ്കി​ലും തങ്ങളുടെ ചർച്ച ഒന്നു ശ്രദ്ധി​ച്ചു​കൂ​ടേ എന്നു സാൻറി മമ്മി​യോ​ടു കേണ​പേ​ക്ഷി​ച്ചു. “ജൻമദി​നം ആഘോ​ഷിച്ച രണ്ടു മനുഷ്യർ” എന്ന ശീർഷ​ക​ത്തി​ലുള്ള അധ്യാ​യ​മാ​യി​രു​ന്നു അന്ന്‌ ആ പെൺകു​ട്ടി​കൾ വായി​ച്ചത്‌. അതു ശ്രദ്ധിച്ച യൂനയ്‌ക്കു നല്ല മതിപ്പു​തോ​ന്നി. അവർ ഉടനെ കുറെ ബൈബിൾചോ​ദ്യ​ങ്ങ​ളു​മാ​യി പ്രിയ​യു​ടെ അമ്മയെ സമീപി​ച്ചു.

യൂനയു​മാ​യി ഒരു ബൈബി​ള​ധ്യ​യനം തുടങ്ങാൻ പ്രിയ​യു​ടെ അമ്മ ഒരു സാക്ഷിയെ ഏർപ്പാ​ടാ​ക്കി. താമസി​യാ​തെ യൂനയും താൻ പഠിക്കുന്ന സംഗതി​കൾ തന്റെ സഹപ്ര​വർത്തക ഡോളി​യു​മാ​യി പങ്കു​വെ​ക്കാൻ തുടങ്ങി. അതിനി​ടെ, പുരോ​ഗതി നേടു​ക​യാ​യി​രുന്ന 11 വയസ്സു​കാ​രി പ്രിയ യഹോ​വ​യു​ടെ സാക്ഷി​ക​ളു​ടെ ഒരു ഡിസ്‌ട്രി​ക്‌ററ്‌ കൺ​വെൻ​ഷ​നിൽ യഹോ​വ​ക്കുള്ള തന്റെ സമർപ്പണം ജലസ്‌നാ​പ​ന​ത്താൽ പ്രതീ​ക​പ്പെ​ടു​ത്താൻ തീരു​മാ​നി​ച്ചു. അതേ കൺ​വെൻ​ഷ​നിൽത്തന്നെ യൂനയും ഡോളി​യും സ്‌നാ​പ​ന​മേ​റ​റ​പ്പോൾ അതു പ്രിയ​യ്‌ക്ക്‌ എന്തൊ​രാ​ഹ്ലാ​ദ​മാ​യി​രു​ന്നി​രി​ക്കണം!

◻ യഹോ​വ​യു​ടെ സാക്ഷി​ക​ളു​ടെ വേല രജിസ്‌ററർ ചെയ്‌തി​ട്ടി​ല്ലാത്ത ചില ആഫ്രിക്കൻ രാജ്യ​ങ്ങ​ളുണ്ട്‌. അത്തരം ഒരു രാജ്യത്ത്‌, സാക്ഷി​ക​ളു​ടെ മതപര​മായ പ്രവർത്ത​ന​ങ്ങ​ളോ​ടും വിശ്വാ​സ​ങ്ങ​ളോ​ടും പൊതു​വേ സഹിഷ്‌ണു​താ മനോ​ഭാ​വ​മുണ്ട്‌. ആ രാജ്യത്തെ ഒരു സ്‌കൂ​ളിൽ, യഹോ​വ​യു​ടെ സാക്ഷി​ക​ളു​ടെ കുട്ടി​ക​ളായ ഒരു ഏഴു വയസ്സു​കാ​ര​നും അവന്റെ അനുജൻ ആറു വയസ്സു​കാ​ര​നും മതപര​മായ പ്രാർഥ​നകൾ നടക്കുന്ന സമയത്ത്‌ അവയിൽനി​ന്നു വിട്ടു​നിൽക്കാ​നുള്ള അനുവാ​ദം കിട്ടി.

ഒരു ദിവസം ഈ കുട്ടികൾ മററു കുട്ടി​ക​ളോ​ടൊ​പ്പം പ്രാർഥ​ന​യിൽ പങ്കെടു​ക്ക​ണ​മെന്ന്‌ ഒരു പുതിയ അധ്യാ​പകൻ ആവശ്യ​പ്പെട്ടു. മൂത്തകു​ട്ടി അതു ചെയ്യാൻ വിസമ്മ​തി​ച്ച​പ്പോൾ അധ്യാ​പകൻ അവനെ തല്ലി. അവന്റെ അനുജൻ ആറു വയസ്സു​കാ​രൻ ശദ്രക്ക്‌ ഓഫീ​സിൽ ചെന്ന്‌ ഹെഡ്‌മാ​സ്‌റ​ററെ കാണണ​മെന്നു നിർബന്ധം പിടിച്ചു. മററു​ള്ള​വ​രോ​ടൊ​പ്പം ചേരാ​നി​ഷ്ട​മി​ല്ലാ​ത്തത്‌ എന്തു​കൊ​ണ്ടാ​ണെന്നു ഹെഡ്‌മാ​സ്‌റ​റ​റും പുതിയ അധ്യാ​പ​ക​നും അവനോ​ടു ചോദി​ച്ചു. മാതാ​പി​താ​ക്കൾ തല്ലുമെന്ന ഭയം​കൊ​ണ്ടാ​ണോ എന്ന്‌ അവർ ചോദി​ച്ചു. തെററി​ല്ലാത്ത അറബി ഭാഷയിൽ അവൻ ഉത്തരം പറഞ്ഞു: “അല്ല, ഞാൻ ആരാധി​ക്കുന്ന ദൈവം കലക്കത്തി​ന്റെയല്ല, ക്രമത്തി​ന്റെ ദൈവ​മാണ്‌. വീട്ടിൽ ഒരു യഹോ​വ​യു​ടെ സാക്ഷി​യും സ്‌കൂ​ളിൽ മറെറാ​രു മതക്കാ​ര​നു​മാ​യി​രി​ക്കാൻ എനിക്കാ​വില്ല!” അതിന്റെ ഫലമായി, അവന്‌ അതിൽനി​ന്നു വിടുതൽ ലഭിച്ചു.

പ്രവൃ​ത്തി​ക​ളു​ടെ പുസ്‌ത​ക​ത്തിൽ പ്രതി​പാ​ദി​ച്ചി​രി​ക്കുന്ന എത്യോ​പ്യ​ക്കാ​രൻ സ്‌നാ​പ​ന​മേ​റ​റ​ശേഷം “സന്തോ​ഷി​ച്ചു​കൊ​ണ്ടു തന്റെ വഴിക്കു പോയി.” (പ്രവൃ​ത്തി​കൾ 8:39) അതു​പോ​ലെ, ഇന്ന്‌ ആഫ്രിക്ക എന്ന വിസ്‌തൃ​ത​മായ ഭൂഖണ്ഡ​ത്തി​ലെ രാജ്യ​പ്ര​ഘോ​ഷകർ “യേശു​വി​നെ​ക്കു​റി​ച്ചുള്ള സുവി​ശേഷം അറിയി”ക്കുന്നതി​നുള്ള തങ്ങളുടെ പദവി​യിൽ ആഹ്ലാദി​ക്കു​ക​യാണ്‌.—പ്രവൃ​ത്തി​കൾ 8:35.