നിങ്ങളു​ടെ ബിസി​ന​സ്സി​നു നിങ്ങൾ എന്തു വില​യൊ​ടു​ക്കേ​ണ്ടി​വ​രും?

ഒരു തെക്കേ അമേരി​ക്കൻ രാജ്യത്തെ പ്രസി​ഡൻറി​ന്റെ ഭാര്യ തന്റെ കുടും​ബാം​ഗ​ങ്ങ​ളു​ടെ പേരി​ലു​ണ്ടെന്നു പറഞ്ഞി​രുന്ന, വ്യാജ​വ്യ​വ​സായ സ്ഥാപന​ങ്ങ​ളി​ലേക്കു കരാറു​ക​ളി​ലൂ​ടെ ലക്ഷക്കണ​ക്കി​നു ഡോളർ തട്ടി​യെ​ടു​ത്തു​വെന്നു കുററം ചുമത്ത​പ്പെട്ടു. ഇന്ത്യയിൽ 38 വയസ്സുള്ള ഒരു ഓഹരി ഇടപാ​ടു​കാ​രനെ അദ്ദേഹ​ത്തി​ന്റെ ആഡംബര വസതി​യിൽനിന്ന്‌ അറസ്‌റ​റു​ചെ​യ്‌തു കൊണ്ടു​പോ​യി. 29 കാറു​ക​ളു​ണ്ടാ​യി​രുന്ന അദ്ദേഹത്തെ 160 കോടി ഡോള​റി​ന്റെ ബാങ്കിംഗ്‌, സ്‌റേ​റാക്ക്‌ മാർക്ക​ററ്‌ കുംഭ​കോ​ണ​ത്തിൽ പ്രതി​യെന്ന്‌ ആരോ​പി​ച്ചാ​യി​രു​ന്നു അറസ്‌ററു ചെയ്‌തത്‌. ഫിലി​പ്പീൻസി​ലെ ഒരു ദ്വീപിൽ ആയിര​ക്ക​ണ​ക്കി​നാ​ളു​കൾ നിയമ​വി​രു​ദ്ധ​മാ​യി കൈ​ത്തോ​ക്കു നിർമി​ക്കു​ന്നതു തങ്ങളുടെ ഉപജീ​വ​ന​മാർഗ​മാ​ക്കി​യി​രി​ക്കു​ന്നു. നല്ല വരുമാ​ന​മുള്ള ഈ വ്യവസാ​യ​ത്തിൽ തുടരാൻ അവർ ഉദ്യോ​ഗ​സ്ഥൻമാർക്കു സ്ഥിരമാ​യി കൈക്കൂ​ലി കൊടുത്ത്‌ അവരുടെ ശല്യ​മൊ​ഴി​വാ​ക്കു​ന്നു​വെ​ന്നാണ്‌ റിപ്പോർട്ട്‌.

അതേ, ബിസി​ന​സ്സിൽ സത്യസ​ന്ധ​ത​യി​ല്ലാ​യ്‌മ​യും തട്ടിപ്പും ലോക​ത്തെ​വി​ടെ​യും നടമാ​ടു​ക​യാണ്‌. പലപ്പോ​ഴും അത്‌ ആളുകൾക്കു പണംമാ​ത്രമല്ല, സ്ഥാനമാ​ന​ങ്ങൾകൂ​ടി നഷ്ടപ്പെ​ടു​ത്തു​ന്നു.

നിങ്ങളു​ടെ കാര്യ​മോ? നിങ്ങൾ എന്തെങ്കി​ലും ബിസി​നസ്സ്‌ നടത്തു​ന്നു​ണ്ടോ? അല്ലെങ്കിൽ ഒരു ബിസി​നസ്സ്‌ തുടങ്ങാൻ നിങ്ങൾ പരിപാ​ടി​യി​ടു​ക​യാ​ണോ? അതു മുഖാ​ന്തരം നിങ്ങൾക്കെ​ന്തെ​ല്ലാം നഷ്ടമാ​കും? ബിസി​ന​സ്സി​ലി​റ​ങ്ങി​യാൽ എന്തെങ്കി​ലു​മൊ​ക്കെ നഷ്ടമാ​വും. അത്‌ ഒഴിച്ചു​കൂ​ടാ​നാ​വാ​ത്ത​താണ്‌. എന്നാൽ അത്‌ അവശ്യം മോശ​മാ​ണെന്നല്ല. എങ്കിലും, ബിസി​ന​സ്സി​നുള്ള സംരം​ഭ​ങ്ങ​ളി​ലേർപ്പെ​ടും​മുമ്പ്‌, അഥവാ ഇപ്പോൾത്തന്നെ നടത്തി​ക്കൊ​ണ്ടി​രി​ക്കുന്ന ഒന്നി​നെ​ക്കു​റിച്ച്‌ ഒരു തീരു​മാ​ന​മെ​ടു​ക്കു​ന്ന​തി​നു​മുമ്പ്‌, അതിന്റെ വരും​വ​രാ​യ്‌ക​ക​ളെ​ക്കു​റി​ച്ചു ചിന്തി​ക്കു​ന്നതു ജ്ഞാനമാണ്‌. (ലൂക്കൊസ്‌ 14:28) നിങ്ങൾ പരിചി​ന്തി​ക്കാൻ ആഗ്രഹി​ക്കുന്ന ചില നഷ്ടങ്ങൾ പ്രകട​മാ​ക്കു​ന്ന​താ​ണു 31-ാം പേജിലെ ചതുരം.

വ്യക്തമാ​യും, ബിസി​നസ്സ്‌ നടത്തി​ക്കൊ​ണ്ടു​പോ​കു​ന്നത്‌ നിസ്സാ​ര​സം​ഗ​തി​യല്ല. ഒരു ക്രിസ്‌ത്യാ​നിക്ക്‌ ആത്മീയ​വും ധാർമി​ക​വു​മായ കടമക​ളെ​ക്കു​റി​ച്ചു ചിന്തി​ക്കേ​ണ്ട​തുണ്ട്‌. നിങ്ങൾക്കു നഷ്ടം നേരിട്ട്‌ ആത്മീയ​മാ​യി സമനി​ല​യിൽ നിൽക്കാ​നാ​വു​മോ? ചില നഷ്ടങ്ങൾ നിങ്ങൾക്കു ധാർമി​ക​മാ​യി ഏറെറ​ടു​ക്കാൻ കഴിയു​ന്ന​തി​ന​പ്പു​റ​മാ​ണോ? ഏതു നഷ്ടങ്ങൾ സഹിക്കാം, ഏതെല്ലാം സഹിക്കാ​നാ​വില്ല എന്നു നിർണ​യി​ക്കാൻ നിങ്ങളെ സഹായി​ക്കുന്ന ചില തത്ത്വങ്ങൾ എന്തെല്ലാം?

ധനത്തെ അതിന്റെ സ്ഥാനത്തു നിർത്തുക

ഒരു ബിസി​നസ്സ്‌ നടത്തി​ക്കൊ​ണ്ടു​പോ​കാൻ പണം ആവശ്യ​മാണ്‌. ഒരുവന്റെ കുടും​ബം പുലർത്താൻ ആവശ്യ​മായ പണം ബിസി​ന​സ്സി​ലൂ​ടെ കിട്ടു​മെ​ന്നാ​ണു പ്രതീക്ഷ. എന്നുവ​രി​കി​ലും, പണംവ​ന്നു​ചേ​രു​ന്ന​തോ​ടെ ലക്ഷ്യങ്ങൾ എളുപ്പം കാടു​ക​യ​റി​യെ​ന്നു​വ​രാം. അത്യാ​ഗ്രഹം രംഗത്തു​വ​ന്നേ​ക്കാം. അനേകരെ സംബന്ധി​ച്ചും പണത്തിന്റെ കാര്യം​വ​രു​മ്പോൾ മറെറ​ന്തും പിന്നെ രണ്ടാം സ്ഥാനത്താണ്‌. എങ്കിലും ഇക്കാര്യ​ത്തിൽ ആഗൂർ സമനി​ല​യുള്ള ഒരു വീക്ഷണ​ഗതി പ്രകടി​പ്പി​ച്ചു. സദൃശ​വാ​ക്യ​ങ്ങൾ എന്ന ബൈബിൾ പുസ്‌ത​ക​ത്തി​ന്റെ ഒരു എഴുത്തു​കാ​ര​നായ അദ്ദേഹം പറഞ്ഞു: “ദാരി​ദ്ര്യ​വും സമ്പത്തും എനിക്കു തരാതെ നിത്യ​വൃ​ത്തി തന്നു എന്നെ പോഷി​പ്പി​ക്കേ​ണമേ.” (സദൃശ​വാ​ക്യ​ങ്ങൾ 30:8) കഴിഞ്ഞു​കൂ​ടാൻ ആവശ്യ​മായ ലാഭത്തിൽ തൃപ്‌തി​പ്പെ​ടു​ന്ന​തി​ന്റെ മൂല്യം അദ്ദേഹം തിരി​ച്ച​റി​ഞ്ഞു. ബിസി​ന​സ്സിൽ ചിലർ പറയു​ന്ന​തു​പോ​ലെ, “ഒരു തകർപ്പൻ കൊയ്‌ത്തു​ന​ടത്താ”ൻ അദ്ദേഹ​ത്തിന്‌ ആഗ്രഹ​മി​ല്ലാ​യി​രു​ന്നു.

എങ്കിലും, സുവർണാ​വ​സ​രങ്ങൾ എന്നു വിളി​ക്ക​പ്പെ​ടു​ന്നവ കാണു​മ്പോൾ അത്യാ​ഗ്ര​ഹം​നി​മി​ത്തം ഈ തത്ത്വ​മൊ​ക്കെ മറന്നു​പോ​യെന്നു വരും. ഒരു വികസ്വ​ര​രാ​ജ്യ​ത്തെ യഹോ​വ​യു​ടെ സാക്ഷി​ക​ളു​ടെ ഒരു സഞ്ചാര ശുശ്രൂ​ഷകൻ അത്തര​മൊ​രു സംഭവം റിപ്പോർട്ടു ചെയ്‌തു. മൂലധ​ന​നി​ക്ഷേപം ആവശ്യ​മു​ണ്ടാ​യി​രുന്ന ഒരു കമ്പനി നിക്ഷേ​പ​കർക്കു പെട്ടെ​ന്നു​തന്നെ, ഒരുപക്ഷേ കേവലം മാസങ്ങൾക്കു​ള്ളിൽത്തന്നെ, പണം ഇരട്ടി​പ്പി​ക്കാ​മെന്ന പ്രതീ​തി​യു​ണ്ടാ​ക്കി. അനായാ​സം പണമു​ണ്ടാ​ക്കാ​മെന്ന ഈ വാഗ്‌ദാ​നം നിമിത്തം അനേകർ പണം നിക്ഷേ​പി​ച്ചു. സഞ്ചാര ശുശ്രൂ​ഷകൻ പറയുന്നു: “ചിലർ ഇടംവ​ലം​നോ​ക്കാ​തെ അതി​ലേക്ക്‌ എടുത്തു​ചാ​ടി. അവർ വേണ്ടത്ര വിവര​ങ്ങ​ളൊ​ന്നും അന്വേ​ഷി​ച്ച​റി​ഞ്ഞില്ല, കടംവാ​ങ്ങി [നിക്ഷേ​പി​ച്ചു].”

ഇതിൽനി​ന്നു തികച്ചും വ്യത്യ​സ്‌ത​മാ​യി രണ്ടു വ്യക്തികൾ നിക്ഷേപം നടത്തു​ന്ന​തി​നു​മു​മ്പു കമ്പനി ഓഫീ​സി​നെ​ക്കു​റിച്ച്‌ അന്വേ​ഷി​ക്കാൻ പോയി. നിർമാണ സ്ഥലങ്ങൾ കാണണ​മെന്ന അവരുടെ അഭ്യർഥന നിരാ​ക​രി​ക്ക​പ്പെട്ടു. അതോടെ കമ്പനി​യു​ടെ വിശ്വാ​സ്യ​ത​യിൽ അവർക്കു സംശയ​മാ​യി. അതു വാസ്‌ത​വ​ത്തിൽ അവർക്ക്‌ ഒരു സംരക്ഷ​ണ​മാ​യി, കാരണം പ്രത്യ​ക്ഷ​ത്തിൽത്തന്നെ തട്ടിപ്പാ​ണെന്നു തോന്നി​യി​രുന്ന ആ പദ്ധതി​യു​ടെ കള്ളത്തരം ഏതാനും ആഴ്‌ച​കൾക്കു​ള്ളിൽ വെളി​ച്ച​ത്താ​വു​ക​യും അതിന്റെ ആളുകളെ അറസ്‌ററു ചെയ്യു​ക​യും ചെയ്‌തു. ആദ്യം അന്വേ​ഷി​ക്കാ​ഞ്ഞ​വർക്ക്‌ ഇത്‌ എന്തു നഷ്ടം വരുത്തി​യെന്ന്‌ ആലോ​ചി​ക്കുക. പണംമാ​ത്രമല്ല, ഒരുപക്ഷേ സുഹൃ​ത്തു​ക്ക​ളെ​പ്പോ​ലും അവർക്കു നഷ്ടമാ​യി​രി​ക്കാം. കാരണം പദ്ധതി പൊളി​ഞ്ഞ​തോ​ടെ അവർ പണം കടം​കൊ​ടുത്ത സുഹൃ​ത്തു​ക്കൾക്ക്‌ അതു തിരി​ച്ചു​കൊ​ടു​ക്കാ​നാ​വാത്ത ഗതിയി​ലാ​യി​ട്ടു​ണ്ടാ​വാം. പണമി​ട​പാ​ടു​ക​ളിൽ, സദൃശ​വാ​ക്യ​ങ്ങൾ 22:3-ലെ തത്ത്വം ബാധക​മാ​ക്കു​ന്നത്‌ എന്തൊരു ജ്ഞാനമാണ്‌: “വിവേ​ക​മു​ള്ളവൻ അനർത്ഥം കണ്ടു ഒളിച്ചു​കൊ​ള്ളു​ന്നു; അല്‌പ​ബു​ദ്ധി​ക​ളോ [“അനുഭ​വ​പ​രി​ച​യ​മി​ല്ലാ​ത്ത​വ​രോ,” NW] നേരെ ചെന്നു ചേത​പ്പെ​ടു​ന്നു”!

വാക്കു പാലി​ക്കു​ക

ബിസി​നസ്സ്‌ നഷ്ടത്തി​ലോ​ടാൻ തുടങ്ങു​ന്നെ​ങ്കി​ലോ? തനിക്കു ഗുണമി​ല്ലെ​ങ്കി​ലും താൻ സമ്മതി​ച്ചി​രി​ക്കുന്ന സംഗതി​ക​ളോ​ടു പററി​നിൽക്കുന്ന ഒരു വ്യക്തിയെ സങ്കീർത്തനം 15:4 പ്രശം​സി​ക്കു​ന്നു: “സത്യം​ചെ​യ്‌തി​ട്ടു ചേതം വന്നാലും മാറാ​ത്തവൻ.” എല്ലാം നല്ല രീതി​യിൽ നടക്കു​മ്പോൾ വാക്കു പാലി​ക്കുക എളുപ്പ​മാണ്‌. എന്നാൽ സാമ്പത്തി​ക​മാ​യി, അത്‌ ഒരുവനെ പ്രതി​കൂ​ല​മാ​യി ബാധി​ക്കു​മ്പോൾ വാക്കു​പാ​ലി​ക്കു​ന്നതു നിർമ​ല​ത​യു​ടെ ഒരു പരി​ശോ​ധ​ന​യാ​യി​ത്തീ​രു​ന്നു.

യോശു​വാ​യു​ടെ കാലത്തെ ബൈബിൾപ​ര​മായ ഒരു ദൃഷ്ടാന്തം അനുസ്‌മ​രി​ക്കുക. തങ്ങളെ നശിപ്പി​ക്കാ​തി​രി​ക്ക​ത്ത​ക്ക​വണ്ണം ഗിബെ​യോൻ നിവാ​സി​കൾ ഇസ്രാ​യേൽ പ്രഭു​ക്കൻമാ​രെ ഉപായ​രൂ​പേണ ഉടമ്പടി​യി​ലാ​ക്കി. വാസ്‌ത​വ​ത്തിൽ, ഇസ്രാ​യേ​ലിന്‌ ഒരു ഭീഷണി​യാ​യി കരുതി​യി​രുന്ന ഒരു ജനതയു​ടെ ഭാഗമാ​യി​രു​ന്നു അവർ. കള്ളി വെളി​ച്ച​ത്താ​യ​പ്പോൾ “സഭയിലെ പ്രഭു​ക്കൻമാർ യിസ്രാ​യേ​ലി​ന്റെ ദൈവ​മായ യഹോ​വ​യെ​ക്കൊ​ണ്ടു അവരോ​ടു സത്യം​ചെ​യ്‌തി​രി​ക്ക​യാൽ യിസ്രാ​യേൽമക്കൾ അവരെ സംഹരി​ച്ചില്ല.” (യോശുവ 9:18) ഇക്കൂട്ടർ ശത്രു​പ​ക്ഷ​ക്കാർ ആയിരു​ന്നി​ട്ടു​പോ​ലും പ്രഭു​ക്കൻമാർക്കു വാക്കു​പാ​ലി​ക്കു​ന്നതു പ്രാധാ​ന്യ​മു​ള്ള​താ​യി തോന്നി. ഇതിൽ യഹോവ സന്തോ​ഷി​ച്ചു​വെ​ന്നാ​ണു തുടർന്നുള്ള സംഭവങ്ങൾ പ്രകട​മാ​ക്കു​ന്നത്‌.—യോശുവ 10:6-11.

നിങ്ങൾ പ്രതീ​ക്ഷി​ച്ച​തു​പോ​ലെ കാര്യങ്ങൾ നീങ്ങു​ന്നി​ല്ലെ​ങ്കിൽപ്പോ​ലും ബിസി​ന​സ്സിൽ നിങ്ങൾ സമ്മതി​ച്ചി​ട്ടുള്ള കാര്യ​ങ്ങ​ളോ​ടും കരാറു​ക​ളോ​ടും നിങ്ങൾ പററി​നിൽക്കു​മോ?a അങ്ങനെ ചെയ്യു​ന്നെ​ങ്കിൽ, അതു നിങ്ങളെ കൂടു​ത​ലാ​യി യഹോ​വ​യെ​പ്പോ​ലെ​യാ​ക്കും. എല്ലായ്‌പോ​ഴും വാക്കു​പാ​ലി​ക്കു​ന്ന​വ​നാ​ണു യഹോവ.—യെശയ്യാ​വു 55:11.

സത്യസ​ന്ധ​നാ​യി​രി​ക്കുക

ഇന്നത്തെ ബിസി​നസ്സ്‌ ലോക​ത്തിൽ സത്യസ​ന്ധ​ത​യ്‌ക്കു വംശനാ​ശം സംഭവി​ച്ചി​ട്ടി​ല്ലെ​ങ്കി​ലും അത്‌ ഏതാണ്ട്‌ അത്തര​മൊ​രു ഭീഷണി​യെ നേരി​ടു​ക​യാണ്‌. നിങ്ങളു​ടേ​തു​പോ​ലുള്ള ബിസി​നസ്സ്‌ നടത്തു​ന്നവർ തങ്ങളുടെ സമ്പാദ്യം വർധി​പ്പി​ക്കാൻ വഞ്ചനാ​പ​ര​മായ മാർഗങ്ങൾ അവലം​ബി​ച്ചെ​ന്നു​വ​രാം. അവരുടെ പരസ്യങ്ങൾ തട്ടിപ്പാ​കാം. അവരുടെ ഉത്‌പ​ന്ന​ങ്ങൾക്കു മററു കമ്പനി​ക​ളു​ടെ പേർ അടിച്ചു​വി​ട്ടേ​ക്കാം. അല്ലെങ്കിൽ ഗുണം​കു​റഞ്ഞ ഒരു ഉത്‌പ​ന്നത്തെ ഗുണ​മേൻമ​യു​ള്ള​താ​യി അവതരി​പ്പി​ച്ചേ​ക്കാം. ഇതെല്ലാം സത്യസ​ന്ധ​ത​യി​ല്ലാ​യ്‌മ​യു​ടെ രൂപങ്ങ​ളാണ്‌. ആസാഫ്‌ പറയു​ന്ന​തു​പോ​ലെ, അത്തരം കാര്യങ്ങൾ ചെയ്യു​ന്നവർ വ്യക്തമാ​യും തട്ടിപ്പു മാർഗ​ങ്ങ​ളി​ലൂ​ടെ “സമ്പത്തു വർദ്ധിപ്പി”ക്കുന്ന “ദുഷ്ടൻമാ”രെപ്പോ​ലെ​യാണ്‌.—സങ്കീർത്തനം 73:12.

ഒരു ക്രിസ്‌ത്യാ​നി​യായ നിങ്ങൾ നിയമ​വി​രുദ്ധ മാർഗങ്ങൾ അവലം​ബി​ക്കു​മോ? അല്ലെങ്കിൽ, “ഞങ്ങൾ ആരോ​ടും അന്യായം ചെയ്‌തി​ട്ടില്ല, ആരെയും കെടു​ത്തീ​ട്ടില്ല; ആരോ​ടും ഒന്നും വഞ്ചി​ച്ചെ​ടു​ത്തി​ട്ടു​മില്ല”; “ലജ്ജാക​ര​മായ രഹസ്യ​ങ്ങളെ ത്യജിച്ചു ഉപായം പ്രയോ​ഗി”ച്ചിട്ടില്ല; “രണ്ടുതരം തൂക്കം യഹോ​വെക്കു വെറുപ്പു; കള്ളത്തു​ലാ​സും കൊള്ള​രു​തു” എന്നിങ്ങ​നെ​യുള്ള ബൈബിൾത​ത്ത്വ​ങ്ങ​ളാൽ നയിക്ക​പ്പെ​ടു​മോ? (2 കൊരി​ന്ത്യർ 4:2; 7:2; സദൃശ​വാ​ക്യ​ങ്ങൾ 20:23) ഓർക്കുക, സത്യസ​ന്ധ​ത​യി​ല്ലാ​യ്‌മ​യു​ടെ കാരണ​ഭൂ​തൻ ‘നുണയു​ടെ പിതാ​വായ’ പിശാ​ചായ സാത്താ​ന​ല്ലാ​തെ മററാ​രു​മല്ല.—യോഹ​ന്നാൻ 8:44, NW.

‘മററു​ള്ളവർ ചെയ്യു​ന്ന​തു​പോ​ലെ തട്ടിപ്പു ചെയ്യാതെ ബിസി​നസ്സ്‌ ചെയ്യുക ബുദ്ധി​മു​ട്ടാണ്‌’ എന്നു പറഞ്ഞു ചിലർ തടസ്സവാ​ദം ഉന്നയി​ച്ചേ​ക്കാം. ഇവി​ടെ​യാണ്‌ ഒരു ക്രിസ്‌ത്യാ​നി​ക്കു യഹോ​വ​യി​ലുള്ള വിശ്വാ​സം പ്രകടി​പ്പി​ക്കാ​നാ​വുക. എന്തെങ്കി​ലും നഷ്ടംവ​രു​മെന്ന സാഹച​ര്യ​ത്തി​ലാ​ണു സത്യസന്ധത പരീക്ഷി​ക്ക​പ്പെ​ടു​ന്നത്‌. ഒരു വ്യക്തിക്കു വഞ്ചകനാ​കാ​തെ ഉപജീ​വനം തേടാ​നാ​വി​ല്ലെന്നു പറയു​ന്നത്‌ ദൈവം തന്നെ സ്‌നേ​ഹി​ക്കു​ന്ന​വരെ ശ്രദ്ധി​ക്കു​ന്നി​ല്ലെന്നു പറയു​ന്ന​തി​നു തുല്യ​മാ​വും. ഏതു രാജ്യ​ത്താ​യാ​ലും ഏതു സാഹച​ര്യ​ത്തി​ലാ​യാ​ലും തന്റെ ദാസൻമാർക്കു​വേണ്ടി കരുതാൻ ദൈവ​ത്തി​നു സാധി​ക്കു​മെന്ന്‌ യഹോ​വ​യിൽ യഥാർഥ വിശ്വാ​സ​മുള്ള ഒരുവന്‌ അറിയാം. (എബ്രായർ 13:5) സത്യസ​ന്ധ​ര​ല്ലാ​ത്ത​വർക്കു ലഭിക്കു​ന്ന​തി​നെ​ക്കാൾ കുറച്ചു താഴ്‌ന്ന വരുമാ​നം​കൊ​ണ്ടു തൃപ്‌തി​യ​ട​യേ​ണ്ടി​വ​ന്നേ​ക്കാ​മെ​ന്നതു ശരിയാണ്‌. എന്നാൽ ദൈവാ​നു​ഗ്രഹം ലഭിക്കു​ന്ന​തി​നു​തക്ക വിലയി​ല്ലേ ഇതിന്‌?

ഓർക്കുക, എറിയു​ന്ന​വനു നേരെ​തന്നെ തിരി​ച്ചു​വ​രുന്ന ബൂമറാങ്‌ വടി​പോ​ലെ​യാ​ണു സത്യസ​ന്ധ​ത​യി​ല്ലായ്‌മ. ഒരു ബിസി​ന​സ്സു​കാ​രനു സത്യസ​ന്ധ​ത​യി​ല്ലെന്നു കണ്ടാൽ, പലപ്പോ​ഴും ഉപഭോ​ക്താ​ക്ക​ളും മൊത്ത വ്യാപാ​രി​ക​ളും അയാളെ തഴയും. അവരെ കബളി​പ്പി​ക്കാൻ ഒരിക്കൽ കഴി​ഞ്ഞേ​ക്കും, എന്നാൽ അത്‌ അവസാ​ന​ത്തേ​താ​യി​രി​ക്കും. നേരേ​മ​റിച്ച്‌, സത്യസ​ന്ധ​നായ ഒരു ബിസി​ന​സ്സു​കാ​രനു പലപ്പോ​ഴും മററു​ള്ള​വ​രു​ടെ ആദരവു ലഭിക്കു​ന്നു. ‘എല്ലാവ​രും ചെയ്യുന്നു, അപ്പോൾ കുഴപ്പ​മില്ല’ എന്ന വ്യാജ​ന്യാ​യ​വാ​ദ​ത്താൽ സ്വാധീ​നി​ക്ക​പ്പെ​ടാ​തി​രി​ക്കാൻ ശ്രദ്ധി​ക്കുക. “ബഹുജ​നത്തെ അനുസ​രി​ച്ചു ദോഷം ചെയ്യരു​തു,” എന്നതാണു ബൈബിൾ തത്ത്വം.—പുറപ്പാ​ടു 23:2.

ദീർഘ​നാ​ളാ​യി നിങ്ങ​ളോ​ടൊ​പ്പ​മുള്ള ബിസി​നസ്സ്‌ പങ്കാളി ഒരു സഹക്രി​സ്‌ത്യാ​നി​യ​ല്ലെ​ന്നും ബൈബിൾ തത്ത്വങ്ങൾ എല്ലായ്‌പോ​ഴും പിൻപ​റ​റു​ന്നി​ല്ലെ​ന്നും സങ്കൽപ്പി​ക്കുക. തിരു​വെ​ഴു​ത്തു​പ​ര​മ​ല്ലാത്ത എന്തെങ്കി​ലും ചെയ്യു​മ്പോൾ ഇത്‌ ഒരു ഒഴിക​ഴി​വാ​യി ഉപയോ​ഗിച്ച്‌ നിങ്ങളു​ടെ ഉത്തരവാ​ദി​ത്വ​ത്തിൽനിന്ന്‌ ഒഴിഞ്ഞു​മാ​റു​ന്നത്‌ ഉചിത​മാ​യി​രി​ക്കു​മോ? ആദാമി​ന്റെ​യും ശൗലി​ന്റെ​യും ദൃഷ്ടാ​ന്തങ്ങൾ ഓർക്കുക. പാപം ഒഴിവാ​ക്കു​ന്ന​തി​നു​പ​കരം മറ്റുള്ള​വ​രു​ടെ സമ്മർദ​ത്തി​നു വഴങ്ങിയ അവർ കേവലം തങ്ങളുടെ സഹകാ​രി​കളെ പഴിചാ​രു​ക​യാ​യി​രു​ന്നു. അതിന്‌ അവർ ഒടു​ക്കേ​ണ്ടി​വ​ന്നത്‌ എന്തൊരു വലിയ വിലയാ​യി​രു​ന്നു!—ഉല്‌പത്തി 3:12, 17-19; 1 ശമൂവേൽ 15:20-26.

സഹവി​ശ്വാ​സി​ക​ളോട്‌ ഉചിത​മാ​യി ഇടപെ​ടു​ക

യഹോ​വ​യു​ടെ സഹാരാ​ധ​ക​രു​മൊ​ത്തു ബിസി​ന​സ്സിൽ ഏർപ്പെ​ടു​മ്പോൾ പരിചി​ന്തി​ക്കേ​ണ്ട​തായ നഷ്ടസാ​ധ്യ​ത​ക​ളു​ണ്ടോ? തന്റെ ഇളയപ്പന്റെ മകനിൽനിന്ന്‌ തന്റെ സ്വപട്ട​ണ​മായ അനാ​ഥോ​ത്തിൽ ഒരു നിലം യിരെ​മ്യാവ്‌ വാങ്ങി​യ​പ്പോൾ വെറു​തെ​യങ്ങു പണം​കൊ​ടു​ത്തു കൈകു​ലു​ക്കു​കയല്ല ചെയ്‌തത്‌. പകരം, അവൻ പറഞ്ഞു: “ആധാരം എഴുതി മുദ്ര​യി​ട്ടു സാക്ഷി​ക​ളെ​ക്കൊ​ണ്ടു ഒപ്പിടു​വിച്ച ശേഷം ഞാൻ പണം അവന്നു തുലാ​സിൽ തൂക്കി​ക്കൊ​ടു​ത്തു.” (യിരെ​മ്യാ​വു 32:10) അത്തരം ലിഖി​ത​രേ​ഖകൾ ഉണ്ടാക്കു​ന്നെ​ങ്കിൽ, ഭാവി​യിൽ സ്ഥിതി​ഗ​തി​കൾക്കു മാററം​വ​രു​ന്ന​പക്ഷം ഉടലെ​ടു​ത്തേ​ക്കാ​വുന്ന തെററി​ധാ​ര​ണകൾ ഒഴിവാ​ക്കാൻ അതിനു കഴിയും.

ബിസി​ന​സ്സിൽ ഒരു ക്രിസ്‌തീയ സഹോ​ദരൻ നിങ്ങ​ളോ​ടു മര്യാ​ദ​കേടു കാട്ടി​യെന്നു തോന്നു​ന്നു​വെ​ങ്കി​ലോ? നിങ്ങൾ അദ്ദേഹത്തെ കോടതി കയററ​ണ​മോ? ഈ സംഗതി സംബന്ധി​ച്ചു ബൈബി​ളിൽ വ്യക്തമായ ഉത്തരമുണ്ട്‌. “നിങ്ങളിൽ ഒരുത്തന്നു മറെറാ​രു​ത്ത​നോ​ടു ഒരു കാര്യം ഉണ്ടെങ്കിൽ വിശു​ദ്ധൻമാ​രു​ടെ മുമ്പാകെ അല്ല, അഭക്തൻമാ​രു​ടെ മുമ്പിൽ വ്യവഹാ​ര​ത്തി​ന്നു പോകു​വാൻ തുനി​യു​ന്നു​വോ?” എന്നു പൗലോസ്‌ ചോദി​ച്ചു. ഒരു പ്രശ്‌നം തൃപ്‌തി​ക​ര​മാ​യി ഉടനടി പരിഹ​രി​ക്ക​പ്പെ​ട്ടി​ല്ലെ​ങ്കി​ലോ? പൗലോസ്‌ ഇങ്ങനെ കൂട്ടി​ച്ചേർത്തു: “നിങ്ങൾക്കു തമ്മിൽ വ്യവഹാ​രം ഉണ്ടാകു​ന്നതു തന്നേ കേവലം പോരാ​യ്‌മ​യാ​കു​ന്നു; അതിന്നു പകരം നിങ്ങൾ അന്യായം സഹിച്ചു​കൊ​ള്ളാ​ത്തതു എന്തു? നഷ്ടം ഏററു​കൊ​ള്ളാ​ത്തതു എന്തു?” സത്യ​ക്രി​സ്‌ത്യാ​നി​കൾ കോട​തി​യിൽ പ്രശ്‌നങ്ങൾ തീർക്കു​ന്നു​വെന്നു പുറ​മേ​യു​ള്ളവർ കേൾക്കു​മ്പോൾ അതു ക്രിസ്‌തീയ സ്ഥാപന​ത്തിൻമേൽ എന്തു പേരു​ദോ​ഷം വരുത്തു​മെന്നു ചിന്തി​ക്കുക! അത്തരം സന്ദർഭ​ങ്ങ​ളിൽ സഹോ​ദ​ര​സ്‌നേ​ഹ​ത്തെ​ക്കാൾ പണസ്‌നേഹം കൂടുതൽ ശക്തിയാർജി​ച്ചി​രി​ക്കു​മോ? അല്ലെങ്കിൽ ഒരുവന്റെ മാന്യ​ത​യ്‌ക്ക്‌ ഏററ കളങ്കം നിമിത്തം മനസ്സിൽ ഒന്നാം സ്ഥാനത്തു പ്രതി​കാ​ര​ചി​ന്ത​യാ​വു​മോ? അത്തരം സന്ദർഭ​ങ്ങ​ളിൽ കോട​തി​യിൽ പോകു​ന്ന​തി​നെ​ക്കാൾ നല്ലതു നഷ്ടം സഹിക്കു​ന്ന​താ​ണെന്നു പൗലോ​സി​ന്റെ ബുദ്ധ്യു​പ​ദേശം പ്രകട​മാ​ക്കു​ന്നു.—1 കൊരി​ന്ത്യർ 6:1, 7; റോമർ 12:17-21.

തീർച്ച​യാ​യും, അത്തരം തർക്കങ്ങൾ സഭയ്‌ക്ക​ക​ത്തു​തന്നെ പരിഹ​രി​ക്കാൻ തിരു​വെ​ഴു​ത്തു​പ​ര​മായ മാർഗ​മുണ്ട്‌. (മത്തായി 5:37; 18:15-17) ഉൾപ്പെ​ട്ടി​രി​ക്കുന്ന സഹോ​ദ​രൻമാ​രെ നിർദേ​ശി​ക്ക​പ്പെ​ട്ടി​രി​ക്കുന്ന പടികൾ പിൻപ​റ​റാൻ സഹായി​ക്കു​ന്ന​തിൽ ക്രിസ്‌തീയ മേൽവി​ചാ​ര​കൻമാർ സകലർക്കും​വേ​ണ്ടി​യുള്ള ചില സഹായ​ക​മായ ബുദ്ധ്യു​പ​ദേശം നൽകി​യേ​ക്കാം. അത്തരം ചർച്ചക​ളിൽ ബൈബിൾത​ത്ത്വ​ങ്ങൾക്കു സമ്മതം മൂളുക എളുപ്പ​മാ​യി തോന്നി​യേ​ക്കാ​മെ​ങ്കി​ലും ലഭിച്ച ബുദ്ധ്യു​പ​ദേശം ബാധക​മാ​ക്കി​ക്കൊണ്ട്‌ നിങ്ങൾ ശ്രദ്ധി​ച്ചു​വെന്നു പിന്നീടു നിങ്ങൾ വാസ്‌ത​വ​ത്തിൽ പ്രകട​മാ​ക്കു​മോ? ദൈവ​ത്തോ​ടും നമ്മുടെ സഹക്രി​സ്‌ത്യാ​നി​ക​ളോ​ടു​മുള്ള സ്‌നേഹം അങ്ങനെ ചെയ്യാൻ നമ്മെ പ്രേരി​പ്പി​ക്കും.

ബിസി​ന​സ്സിൽ ഏർപ്പെ​ടു​ന്ന​തി​നാൽ നഷ്ടങ്ങളു​ണ്ടാ​കും എന്നത്‌ തർക്കമറ്റ കാര്യ​മാണ്‌. ന്യായ​മായ വിലയേ നിങ്ങൾ ഒടു​ക്കേ​ണ്ടി​വ​രു​ക​യു​ള്ളു​വെന്നു പ്രതീ​ക്ഷി​ക്കാം. ഒരു തീരു​മാ​ന​മെ​ടു​ക്കേ​ണ്ടി​വ​രു​മ്പോ​ഴോ ഒരു വിവാ​ദാ​ത്മക സ്ഥിതി​വി​ശേഷം നേരി​ടു​മ്പോ​ഴോ പണത്തെ​ക്കാൾ വളരെ മൂല്യ​മുള്ള അനേകം സംഗതി​കൾ ജീവി​ത​ത്തി​ലു​ണ്ടെന്ന കാര്യ​മോർക്കുക. പണത്തെ അതിന്റെ സ്ഥാനത്തു വെക്കുക, വാക്കു പാലി​ക്കുക, സത്യസ​ന്ധ​നാ​യി​രി​ക്കുക, ബിസി​നസ്സ്‌ കൂട്ടാ​ളി​ക​ളോ​ടു ക്രിസ്‌തീയ വിധത്തിൽ ഇടപെ​ടുക എന്നിവ​വഴി നമുക്കു സുഹൃ​ദ്‌ബ​ന്ധ​ങ്ങ​ളും ഒരു നല്ല മനസ്സാ​ക്ഷി​യും യഹോ​വ​യു​മാ​യി നല്ലൊരു ബന്ധവും കാത്തു​സൂ​ക്ഷി​ക്കാ​നും അതേസ​മയം ആവശ്യ​ത്തി​ല​ധി​കം സമയമോ പണമോ ബിസി​ന​സ്സിൽ കളയു​ന്നി​ല്ലെന്ന്‌ ഉറപ്പാ​ക്കാ​നു​മാ​വും.

[അടിക്കു​റി​പ്പു​കൾ]

[31-ാം പേജിലെ ചതുരം]

ബിസിനസ്സിൽ നിങ്ങൾക്കു നഷ്ടമാ​യേ​ക്കാ​വു​ന്നവ

സമയം: സ്വന്തമാ​യി ബിസി​നസ്സ്‌ നടത്തു​മ്പോൾ ഒരു കമ്പനി​യിൽ തൊഴി​ലാ​ളി​യാ​യി ജോലി​നോ​ക്കു​ന്ന​തി​നെ​ക്കാൾ കൂടുതൽ സമയം മിക്കവാ​റും എല്ലായ്‌പോ​ഴും ആവശ്യ​മാ​യി​വ​രും. ഇതു പ്രാധാ​ന്യ​മുള്ള ആത്മീയ പ്രവർത്ത​ന​ങ്ങൾക്കു സമയം കുറച്ചു​കൊണ്ട്‌ നിങ്ങളു​ടെ പട്ടികയെ അസന്തു​ലി​ത​മാ​ക്കു​മോ? ഗുണക​ര​മായ വശത്തെ​പ്പ​ററി പറയു​ക​യാ​ണെ​ങ്കിൽ, ദൈ​വേഷ്ടം ചെയ്യു​ന്ന​തിൽ കൂടുതൽ സമയം ചെലവി​ടാൻത​ക്ക​വണ്ണം നിങ്ങൾക്കു നിങ്ങളു​ടെ കാര്യാ​ദി​കളെ ചിട്ട​പ്പെ​ടു​ത്താ​നാ​വു​മോ? അങ്ങനെ​യെ​ങ്കിൽ നല്ലത്‌. എന്നാലും ശ്രദ്ധ​വേണം! ഇതു ചെയ്യു​ക​യെ​ന്നത്‌ പറയു​ന്നത്ര എളുപ്പമല്ല.

പണം: പണമെ​റി​ഞ്ഞാ​ലേ പണം വരുക​യു​ള്ളു. നിങ്ങളു​ടെ ബിസി​ന​സ്സിന്‌ എത്ര പണം മുട​ക്കേ​ണ്ടി​വ​രും? അതിനുള്ള പണം നിങ്ങളു​ടെ പക്കൽ ഇപ്പോൾത്ത​ന്നെ​യു​ണ്ടോ? അല്ലെങ്കിൽ കടംവാ​ങ്ങേ​ണ്ടി​വ​രു​മോ? കുറച്ചു നഷ്ടം നേരി​ട്ടാൽ പിടി​ച്ചു​നിൽക്കാ​നാ​വു​മോ? അല്ലെങ്കിൽ പ്രതീ​ക്ഷി​ച്ച​തു​പോ​ലെ ലാഭക​ര​മാ​യി​ല്ലെ​ങ്കിൽ നിങ്ങൾക്കു താങ്ങാ​വു​ന്ന​തി​ന​പ്പു​റ​മാ​കു​മോ നഷ്ടം?

സുഹൃ​ത്തു​ക്കൾ: അനുദിന ബിസി​നസ്സ്‌ നിർവ​ഹ​ണ​ത്തിൽ പൊന്തി​വ​രുന്ന പ്രശ്‌ന​ങ്ങൾനി​മി​ത്തം ബിസി​നസ്സ്‌ സംരം​ഭ​ക​രിൽ പലർക്കും തങ്ങളുടെ സുഹൃ​ത്തു​ക്കളെ നഷ്ടമാ​യി​ട്ടുണ്ട്‌. സുഹൃ​ത്തു​ക്കളെ സമ്പാദി​ക്കാ​നുള്ള സാധ്യ​ത​യു​ണ്ടെ​ങ്കി​ലും സുഹൃ​ദ്‌ബ​ന്ധങ്ങൾ തകരാ​റി​ലാ​കാ​നുള്ള സാധ്യത ഉറപ്പാ​യു​മുണ്ട്‌. ഈ സുഹൃ​ത്തു​ക്കൾ നമ്മുടെ ക്രിസ്‌തീയ സഹോ​ദ​ര​ങ്ങ​ളാ​ണെ​ങ്കി​ലോ?

ഒരു നല്ല മനസ്സാക്ഷി: “നായ നായയെ തിന്നുന്നു” എന്നതോ “എനി​ക്കെ​ങ്ങനെ ലാഭമു​ണ്ടാ​ക്കാം?” എന്നതോ പോലുള്ള മനോ​ഭാ​വ​മാണ്‌ ഇന്നത്തെ ലോക​ത്തി​ലെ ബിസി​ന​സ്സിൽ പൊതു​വേ കാണു​ന്നത്‌. ഒരു യൂറോ​പ്യൻ സർവേ​യിൽ പങ്കെടുത്ത 70 ശതമാ​ന​ത്തി​ല​ധി​കം​വ​രുന്ന വിദ്യാർഥി​ക​ളു​ടെ ചിന്താ​ഗതി ബിസി​നസ്സ്‌ ജീവി​ത​ത്തിൽ സദാചാ​ര​ത്തി​നൊ​ന്നും കാര്യ​മായ സ്ഥാനമി​ല്ലെ​ന്നോ ഒട്ടും​തന്നെ സ്ഥാനമി​ല്ലെ​ന്നോ ഒക്കെയാ​യി​രു​ന്നു. തട്ടിപ്പും വഞ്ചനയും വിവാ​ദാ​ത്മക ബിസി​നസ്സ്‌ പ്രവർത്ത​ന​ങ്ങ​ളും സർവസാ​ധാ​ര​ണ​മാ​യി​രി​ക്കു​ന്ന​തിൽ അതിശ​യി​ക്കാ​നൊ​ന്നു​മില്ല. അവരെ​പ്പോ​ലെ പെരു​മാ​റാൻ നിങ്ങൾക്കു പ്രേരണ തോന്നു​മോ?

യഹോ​വ​യു​മാ​യുള്ള നിങ്ങളു​ടെ ബന്ധം: ദൈവ​ത്തി​ന്റെ നിയമ​ങ്ങൾക്കും തത്ത്വങ്ങൾക്കും എതിരായ ഏതൊരു ബിസി​നസ്സ്‌ പ്രവർത്ത​ന​വും, അതു ബിസി​നസ്സ്‌ കാര്യാ​ദി​ക​ളിൽ എത്ര സാധാ​ര​ണ​മാ​യി​രു​ന്നാ​ലും, തന്റെ സ്രഷ്ടാ​വു​മാ​യുള്ള ഒരു വ്യക്തി​യു​ടെ ബന്ധത്തെ താറു​മാ​റാ​ക്കും. ഇതിന്‌ അയാളു​ടെ നിത്യ​ജീ​വന്റെ പ്രതീക്ഷ നഷ്ടമാ​ക്കാ​നാ​വും. ഭൗതിക നേട്ടങ്ങൾ എന്തുത​ന്നെ​യാ​യാ​ലും, വ്യക്തമാ​യും ഇത്‌ ഒരു വിശ്വസ്‌ത ക്രിസ്‌ത്യാ​നിക്ക്‌ ഒടു​ക്കേ​ണ്ടി​വ​രുന്ന വളരെ വലിയ വിലയാ​യി​രി​ക്കി​ല്ലേ?

[31-ാം പേജിലെ ചിത്രങ്ങൾ]

ഭാവിയിലെ തെററി​ധാ​ര​ണകൾ തടയാൻ എന്തു സഹായി​ക്കും? ഒരു മാന്യന്റെ സമ്മതമോ ഒരു ലിഖി​ത​രേ​ഖ​യോ?