“സന്തുഷ്ട സ്‌തു​തി​പാ​ഠകർ” കൺ​വെൻ​ഷൻ—നിങ്ങൾ അവി​ടെ​യു​ണ്ടാ​യി​രി​ക്കു​മോ?

സന്തുഷ്ടി! കുഴപ്പങ്ങൾ നിറഞ്ഞ ഈ കാലഘ​ട്ട​ത്തിൽ ആ പദം നിങ്ങൾക്ക്‌ അപരി​ചി​ത​മാ​യി തോന്നു​ന്നു​ണ്ടോ? തീർച്ച​യാ​യും വർത്തമാ​ന​പ്പ​ത്രങ്ങൾ സന്തുഷ്ടിക്ക്‌ ഏറെ കാരണങ്ങൾ നൽകു​ന്നില്ല. വംശീയ യുദ്ധങ്ങൾ, വ്യാപ​ക​മായ വിശപ്പ്‌, തൊഴി​ലി​ല്ലായ്‌മ, അപകട​ക​ര​മായ മലിനീ​ക​രണം, രാഷ്‌ട്രീയ അസ്ഥിരത, കുററ​കൃ​ത്യ​ങ്ങൾ—ഇവയൊ​ന്നും ഹൃദയത്തെ സന്തോ​ഷം​കൊ​ണ്ടു നിറയ്‌ക്കുന്ന സംഗതി​കളല്ല, ആണോ?

ഇന്നു മിക്കയാ​ളു​ക​ളും ജീവി​ത​ത്തിൽനി​ന്നു ലഭിക്കാ​വുന്ന സുഖാ​നു​ഭൂ​തി​ക​ളൊ​ക്കെ​യും പരാ​ക്ര​മ​ത്തോ​ടെ നേടി​യെ​ടു​ക്കു​ന്നു. എന്നാൽ സന്തോ​ഷ​മോ? “സന്തുഷ്ടി​യു​ടേ​തായ അവസ്ഥ; ആഹ്ലാദം” എന്നിങ്ങ​നെ​യാ​ണു സന്തോ​ഷത്തെ വർണി​ച്ചി​രി​ക്കു​ന്നത്‌. അധിക​മാ​രും യഥാർഥ സന്തോഷം അനുഭ​വി​ച്ചി​ട്ടില്ല. ഇനി ഉള്ളപ്പോൾപ്പോ​ലും പലപ്പോ​ഴും അതു നൈമി​ഷി​ക​വു​മാണ്‌.

എന്നിരു​ന്നാ​ലും, നമ്മുടെ നാളി​ലേക്കു നോക്കി​ക്കൊണ്ട്‌ ബൈബിൾ ഇങ്ങനെ മുൻകൂ​ട്ടി​പ്പ​റഞ്ഞു: ‘യഹോ​വ​യായ കർത്താവു ഇപ്രകാ​രം അരുളി​ച്ചെ​യ്യു​ന്നു: ഇതാ, എന്റെ ദാസൻമാർ സന്തോ​ഷി​ക്കും; എന്റെ ദാസൻമാർ ഹൃദയാ​ന​ന്ദം​കൊ​ണ്ടു ഘോഷി​ക്കും.’ (യെശയ്യാ​വു 65:13, 14) അതെങ്ങനെ സാധി​ക്കും?

ഉത്തരം കണ്ടെത്താൻ, 1995-ൽ നടക്കാ​നി​രി​ക്കുന്ന യഹോ​വ​യു​ടെ സാക്ഷി​ക​ളു​ടെ ഡിസ്‌ട്രി​ക്‌ററ്‌ കൺ​വെൻ​ഷ​നു​ക​ളി​ലൊ​ന്നിൽ സംബന്ധി​ക്കാൻ ഞങ്ങൾ നിങ്ങളെ ക്ഷണിക്കു​ക​യാണ്‌. “സന്തുഷ്ട സ്‌തു​തി​പാ​ഠകർ” എന്ന വിഷയ​മുള്ള ഈ കൺ​വെൻ​ഷ​നിൽ പ്രവേ​ശനം സൗജന്യ​മാണ്‌. ബൈബി​ള​ധി​ഷ്‌ഠിത പ്രസം​ഗങ്ങൾ, പ്രകട​നങ്ങൾ, ചർച്ചകൾ, കൂടു​ത​ലായ മററു പരിപാ​ടി​കൾ എന്നിവ ഉൾക്കൊ​ള്ളു​ന്ന​താ​യി​രി​ക്കും ഈ ത്രിദിന കൺ​വെൻ​ഷന്റെ കാര്യ​പ​രി​പാ​ടി. പരിപാ​ടി​യി​ലു​ട​നീ​ളം സന്തോഷം എന്ന വിഷയം പ്രദീ​പ്‌ത​മാ​ക്ക​പ്പെ​ടും.

ഐക്യ​നാ​ടു​ക​ളി​ലെ കൺ​വെൻ​ഷ​നു​കൾ ജൂണിൽ ആരംഭി​ക്കും. ലോക​മെ​മ്പാ​ടു​മുള്ള നഗരങ്ങ​ളിൽ 1996-ന്റെ ആദ്യഭാ​ഗം​വരെ കൺ​വെൻ​ഷ​നു​കൾ ഉണ്ടായി​രി​ക്കും. സാധ്യ​ത​യ​നു​സ​രിച്ച്‌, ഒരെണ്ണം നിങ്ങൾക്ക്‌ അടുത്ത ഒരു സ്ഥലത്ത്‌ ഉണ്ടായി​രി​ക്കും. നിങ്ങളു​ടെ പ്രദേ​ശത്തു വസിക്കുന്ന യഹോ​വ​യു​ടെ സാക്ഷി​ക​ളോട്‌ എന്തു​കൊ​ണ്ടു ചോദി​ച്ചു​കൂ​ടാ? അവിടെ വരാൻ ഞങ്ങൾ നിങ്ങളെ ഊഷ്‌മ​ള​മാ​യി ക്ഷണിക്കു​ന്നു.