രാജ്യ​പ്ര​ഘോ​ഷകർ റിപ്പോർട്ടു​ചെ​യ്യു​ന്നു

സാക്ഷീ​ക​രണം ഭവനത്തി​ലും സ്‌കൂ​ളി​ലും ഫലം നൽകുന്നു

മറ്റുള്ള​വർക്കു നന്മ ചെയ്യു​ന്നത്‌ ഒരു ക്രിസ്‌ത്യാ​നി​യു​ടെ ജീവി​ത​ത്തി​ന്റെ ഭാഗമാണ്‌, പ്രത്യേ​കി​ച്ചും ദൈവ​രാ​ജ്യ​ത്തി​ന്റെ സുവാർത്ത പങ്കിട്ടു​കൊണ്ട്‌. “നന്മ ചെയ്‌വാൻ നിനക്കു പ്രാപ്‌തി​യു​ള്ള​പ്പോൾ അതിന്നു യോഗ്യ​ന്മാ​രാ​യി​രി​ക്കു​ന്ന​വർക്കു ചെയ്യാ​തി​രി​ക്ക​രു​തു” എന്നു സദൃശ​വാ​ക്യ​ങ്ങൾ 3:27 പറയുന്നു. അർജൻറീ​ന​യിൽ മൂന്നാം വർഷ ഹൈസ്‌കൂൾ വിദ്യാർഥി​യായ ഒരു യുവ സാക്ഷി സ്‌കൂ​ളി​ലെ ഒരു സുഹൃ​ത്തു​മാ​യി രാജ്യ​ത്തി​ന്റെ സുവാർത്ത പങ്കിടാൻ ആഗ്രഹി​ച്ചു. അവൻ അങ്ങനെ ചെയ്‌തതു ദൂരവ്യാ​പക ഫലങ്ങൾ ഉളവാക്കി.

മതങ്ങ​ളെ​ല്ലാ​മൊ​ന്നും നല്ലതല്ല എന്ന്‌ ഒരു ദിവസം ഈ യുവ സാക്ഷി തന്റെ സുഹൃ​ത്തി​നോ​ടു പറഞ്ഞു. താൻ തീയ​തൊ​ന്നും ചെയ്യു​ന്നി​ല്ലെന്ന്‌ ആ യുവാവു മറുപടി പറഞ്ഞ​പ്പോൾ സാക്ഷി പറഞ്ഞു: “നീ ദൈവ​ത്തി​നു​വേ​ണ്ടി​യും ഒന്നും ചെയ്യു​ന്നില്ല.” അത്‌ ആ യുവാ​വി​നെ ചിന്തി​ക്കാൻ പ്രേരി​പ്പി​ച്ചു. ഇത്‌ അന്ത്യനാ​ളു​ക​ളാ​ണെ​ന്നും ദൈവ​ത്തി​ന്റെ അംഗീ​കാ​ര​മു​ണ്ടാ​യി​രി​ക്കു​ന്ന​തിന്‌ ഒരുവനു സൂക്ഷ്‌മ​മായ ബൈബിൾ പരിജ്ഞാ​നം ഉണ്ടായി​രി​ക്ക​ണ​മെ​ന്നും അതു ബാധക​മാ​ക്ക​ണ​മെ​ന്നും സാക്ഷി പിന്നീടു പറഞ്ഞു. അവന്റെ സുഹൃത്തു സമ്മതം​മൂ​ളി. എന്നാൽ ഒരു ബൈബി​ള​ധ്യ​യനം നടത്താൻ അവന്റെ കുടും​ബാം​ഗങ്ങൾ അവനെ അനുവ​ദി​ക്കു​മാ​യി​രു​ന്നോ? തന്റെ സുഹൃ​ത്തി​ന്റെ ചിന്തയെ ഉണർത്തു​ന്ന​തിന്‌ നിങ്ങൾക്കു ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ കഴിയും എന്ന പുസ്‌തകം വായി​ക്കാൻ സാക്ഷി അവനോട്‌ അഭ്യർഥി​ച്ചു.

സമയം കടന്നു​പോ​യി. സുഹൃത്ത്‌ സ്‌കൂ​ളും വിട്ടു. ഒരു വർഷത്തി​ലേ​റെ​യാ​യി അവനെ​പ്പറ്റി ഒരു വിവര​വു​മി​ല്ലാ​യി​രു​ന്നു. അങ്ങനെ​യി​രി​ക്കെ, ഒരു നാൾ ആ യുവ സാക്ഷിയെ ആശ്ചര്യ​പ്പെ​ടു​ത്തി​ക്കൊണ്ട്‌ ആ സുഹൃത്ത്‌ അവനെ ടെല​ഫോ​ണിൽ വിളിച്ചു. ബൈബിൾ പ്രവച​നങ്ങൾ വാസ്‌ത​വ​മാ​യും നിവർത്തി​ക്കു​ന്നതു തനിക്കു കാണാൻ കഴിയു​ന്നു​ണ്ടെന്നു സുഹൃത്തു പറഞ്ഞു. ഉടനെ​തന്നെ സാക്ഷി അവനോ​ടൊ​പ്പം ബൈബിൾ പഠിക്കാ​നുള്ള ക്രമീ​ക​ര​ണങ്ങൾ ചെയ്‌തു.

സ്‌കൂ​ളി​ലെ തന്റെ പഴയ സുഹൃ​ത്തി​നെ കാണാൻ പോയ​പ്പോൾ സുഹൃ​ത്തി​ന്റെ മാതാ​പി​താ​ക്കൾ തങ്ങളുടെ മകൻ എന്ത്‌ ഏടാകൂ​ട​ത്തി​ലാണ്‌ അകപ്പെ​ട്ടി​രി​ക്കു​ന്ന​തെ​ന്നോർത്ത്‌ ഏറെ ഉത്‌ക​ണ്‌ഠ​യു​ള്ള​വ​രാ​യി​രി​ക്കു​ന്ന​താ​യി ശ്രദ്ധിച്ചു. തന്റെ സഹോ​ദ​രനു ബുദ്ധി​ഭ്രമം സംഭവി​ച്ചു​വെന്നു സുഹൃ​ത്തി​ന്റെ ഇളയ സഹോ​ദരൻ പോലും വിചാ​രി​ച്ചു. തന്മൂലം അടുത്ത അധ്യയ​ന​ത്തിൽ മാതാ​പി​താ​ക്കൾ അവനോ​ടൊ​പ്പം ഇളയ സഹോ​ദ​ര​നെ​യും ഇരുത്തി. പിന്നീട്‌, ഈ ചെറു​പ്പ​ക്കാ​രൻ തന്റെ സഹോ​ദ​രനു ബുദ്ധ​ഭ്ര​മ​മി​ല്ലെന്നു നിറക​ണ്ണു​ക​ളോ​ടെ മാതാ​പി​താ​ക്കളെ അറിയി​ച്ചു. അതിന്‌ അവന്റെ അമ്മയുടെ പ്രതി​ക​ര​ണ​മോ, “ഒരു തൊന്ത​ര​വി​നു പകരം എനിക്കി​പ്പോൾ രണ്ടു തൊന്ത​ര​വാ​യി!”

തന്മൂലം, അടുത്ത അധ്യയ​ന​ത്തിൽ അവരും ഇരുന്നു. പയ്യന്മാർക്കു ബുദ്ധി​ഭ്ര​മ​മി​ല്ലെന്ന്‌ അവർക്കു സമ്മതി​ക്കാ​തെ തരമി​ല്ലാ​യി​രു​ന്നു. പിന്നീട്‌ അവർക്കും ഭർത്താ​വി​നും വേണ്ടി ബൈബി​ള​ധ്യ​യനം ക്രമീ​ക​രി​ച്ചു. പെട്ടെ​ന്നു​തന്നെ മുഴു കുടും​ബ​വും രാജ്യ​ഹാ​ളിൽ സഭാ​യോ​ഗ​ങ്ങൾക്കു ഹാജരാ​കാൻ തുടങ്ങി. ഒടുവിൽ, വല്യമ്മ​യും വല്യപ്പ​നും ബൈബിൾ പഠിക്കാ​നും യോഗ​ങ്ങൾക്കു ഹാജരാ​കാ​നും തുടങ്ങി. അതേത്തു​ടർന്ന്‌ ആദ്യത്തെ യുവാവു സ്‌നാ​പ​ന​മേറ്റു. അദ്ദേഹം വിവാ​ഹി​ത​നാ​യി. അദ്ദേഹ​വും ഭാര്യ​യും തീക്ഷ്‌ണ​ത​യുള്ള പ്രസാ​ധ​ക​രാണ്‌.

അതിനു​പു​റ​മേ, സ്‌കൂ​ളി​ലെ അനൗപ​ചാ​രിക സാക്ഷീ​ക​ര​ണ​ത്തി​ലൂ​ടെ ആ യുവ സാക്ഷി വേറെ രണ്ടു സഹപാ​ഠി​ക​ളെ​യും അവരി​ലൊ​രാ​ളു​ടെ അമ്മയെ​യും സഹോ​ദ​രി​യെ​യും ബൈബിൾ പഠിക്കു​ന്ന​തി​നു സഹായി​ച്ചു. ആ യുവ സാക്ഷി സഹപാ​ഠി​കൾക്കു നന്മ ചെയ്യു​ന്ന​തിൽനി​ന്നു പിന്മാ​റാ​തി​രു​ന്ന​തി​നാൽ മൊത്ത​ത്തിൽ 11 ആളുകൾ ബൈബിൾ സത്യം മനസ്സി​ലാ​ക്കു​ക​യു​ണ്ടാ​യി. എന്തൊരു സന്തോ​ഷ​ജ​ന​ക​മായ പരിണ​ത​ഫലം! തീർച്ച​യാ​യും, “യഹോവ ദൈവ​മാ​യി​രി​ക്കുന്ന ജനം ഭാഗ്യ​മു​ള്ളതു തന്നെ.”—സങ്കീർത്തനം 144:15.